पुणे : भारतीय ग्राहक पंचायतीचे संस्थापक बिंदूमाधव जोशी ( वय 85 ) यांचे आज (रविवार) वृद्धापकाळाने पुण्यात एका खासगी रुग्णालयात निधन झाले.

मागील वर्षभरापासून ते हृदयाच्या आणि फुफ्फुसांच्या विकाराने आजारी होते. त्यांच्या पश्‍चात पत्नी, मुलगा, मुलगी, नातवंडे असा परिवार आहे. प्रकृती खालावल्यामुळे जोशी यांना मागील आठवड्यात उपचारासाठी रुणालयात दाखल करण्यात आले होते. आज (रविवार) दुपारी सव्वा तीनला त्यांची प्राणज्योत मालवली. अंत्यदर्शनासाठी त्यांचे पार्थिव सायंकाळी 6 ते 8 दरम्यान कसबा पेठेतील ‘पसायदान‘ या बंगल्यात ठेवले जाणार असून त्यानंतर नवी पेठेतील ‘वैकुंठ‘ स्मशानभूमीत अंत्यसंस्कार केले जातील,

पुणे

ज्येष्ठ इतिहास संशोधक, साहित्यिक आणि शिवचरित्राचे व्याख्यातेर निनाद बेडेकर यांचं आज पहाटे दीर्घ आजाराने निधन झालं. ते ६५ वर्षांचे होते. पुण्यातील रत्ना मेमोरियल हॉस्पिटलमध्ये त्यांनी अखेरचा श्वास घेतला.त्यांच्या पार्थिवावर उद्या, सोमवारी अंत्यसंस्कार केले जाणार आहेत.

२००९ मध्ये वयाची साठी पूर्ण केल्यानंतर बेडेकरांनी युवक आणि गडप्रेमींना घेऊन ६१ किल्ल्यांवर भ्रमंती केली होती. शिवकालीन इतिहासाबद्दलची त्यांची ही तळमळ लक्षात घेऊन, शिवरायांच्या चरित्राची नव्या पिढीला ओळख करून देण्यासाठी आणि गड-किल्ल्यांच्या जतन-संवर्धनासाठी राज्य सरकारनं अलीकडेच नेमलेल्या समितीमध्ये प्रमुख मार्गदर्शन म्हणून निनाद बेडेकर यांची नियुक्ती करण्यात आली होती.

छत्रपती शिवाजी महाराज आणि मराठेशाहीच्या इतिहासावर अधिकारवाणीनं बोलू शकणाऱ्या अभ्यासकांच्या प्रभावळीत निनाद बेडेकर यांनी स्वतःचं स्थान निर्माण केलं होतं. जगभरात फिरून, पुरातन कागदपत्रांचा सखोल अभ्यास करून, गड-किल्ले धुंडाळून ते शिवकालीन इतिहासात अक्षरशः रममाण झाले होते. या अभ्यासासाठीच मोडी आणि पर्शियन भाषाही ते शिकले होते. अनेक वर्षांच्या संशोधनानंतर, शिवरायांचा राज्यकारभार आणि मराठेशाही संदर्भात त्यांनी वेगळ्या दृष्टिकोनातून विश्लेषण केलं होतं. शिवाजी महाराजांचे युद्धकौशल्य, नेतृत्वगुण, दुर्गबांधणी, आरमार उभारणी अशा अनेक पैलूंपैकी प्रत्येकाचा स्वतंत्रपणे विचार करून त्यांनी त्यावर लिखाण केलं होतं. शिवरायांची व्यवस्थापकीय कौशल्य आजच्या ‘एमबीए’वाल्यांना कळावीत म्हणून इंग्रजीतही भाषण दिली होती. विद्यार्थ्यांमध्ये इतिहासाची गोडी निर्माण करण्यासाठी व्याख्यानमाला आयोजित केल्या होत्या.

पुणे,  – समाजातील आर्थिकदृष्ट्या दुर्बल वर्गांतील आणि खासकरून झोपडपट्ट्यांमध्ये राहणाऱ्या

विद्यार्थ्यांना मोफत दर्जेदार शिक्षण देण्याच्या उद्देशाने राजीव गांधी अॅकेडमी ऑफ ई-लर्निंग स्कूल आणि

ज्यूनियर सायन्स कॉलेजची स्थापना करण्यात आली आहे. येथील विद्यार्थ्यांनी जेईई मेन (जेईई मुख्य – 2015)

परीक्षेत दैदिप्यमान यश मिळवून हा उद्देश साध्य केला आहे. ही केवळ सुरूवात असून हाच प्रयोग पुणे

महापालिकेच्या अन्य शाळांमध्ये राबविण्याची योजना आहे, अशी माहिती पुण्याचे उपमहापौर उल्हास उर्फ आबा

बागुल यांनी दिली.

याविषयी अधिक माहिती देताना श्री. बागुल म्हणाले, की पुणे महापालिकेने 1 ऑगस्ट 2013 पासून

शिवदर्शन, सहकार नगर येथे राजीव गांधी अॅकेडमी ऑफ ई-लर्निंग स्कूल आणि ज्यूनियर सायन्स कॉलेज सुरू

केले. सरकारी आणि खासगी भागीदारीचे हा प्रकल्प एक उत्तम उदाहरण असून पेस एज्युकेशनल ट्रस्ट, मुंबई या

संस्थेद्वारे हे ज्यू. कॉलेज चालविले जाते.

या महाविद्यालयात पहिल्या वर्षी 176 विद्यार्थ्यांना प्रवेश दिला होता. त्यातील 40 जण पुणे पालिकेच्या

शाळांमधून होते आणि 16 विद्यार्थी पुणे पालिकेच्या हद्दीत राहणाऱ्या आर्थिकदृष्ट्या दुर्बल वर्गातून आले होते.

यातील सुमारे 168 विद्यार्थ्यांनी 12वीची परीक्षा दिली. या 168 विद्यार्थ्यांपैकी 156 विद्यार्थ्यांनी जेईई मेन,

बीआयटी-सॅट, व्हीआयटी सॅट आदी यांसारख्या विविध अभियांत्रिकी प्रवेश परीक्षा दिल्या आहेत. 156

विद्यार्थ्यांपैकी 151 विद्यार्थ्यांनी जेईई मेन परीक्षा दिली तर 12 विद्यार्थ्यांनी एआयपीएमटी व एनएचटी-सीईटी

यांसारख्या वैद्यकीय परीक्षांची तयारी केली आहे.

ते म्हणाले, “इंजिनियर किंवा डॉक्टर होण्याचे या विद्यार्थ्यांचे स्वप्न साकार करण्यासाठी त्यांचे

सशक्तीकरणही करण्याचे प्रयत्न शाळेच्या माध्यमातून करण्यात येत आहेत. केवळ परीक्षा देऊन न थांबता परीक्षा

दिलेल्या या महाविद्यालयातील 151 विद्यार्थ्यांपैकी 69 विद्यार्थी जेईई अॅडव्हान्स्डसाठी (म्हणजेच 21

आयआयटीच्या प्रवेशासाठी) पात्र ठरले आहेत. उत्तीर्णांचे हे प्रमाण 46 टक्के असून या पात्र ठरलेल्या 69

विद्यार्थ्यांपैकी 57 विद्यार्थी सामान्य वर्गातून आणि 12 विद्यार्थी मागासवर्गातून पुढील फेरीसाठी निवडले गेले

आहेत. पुणे महापालिकेसाठी खरोखर हा अभिमानाचा क्षण आहे.”

या संस्थांव्यतिरिक्त बिर्ला इन्स्टिट्यूट ऑफ टेक्नॉलॉजी (3000 जागा असलेले 4 बिट्स) व वेल्लोर

इन्स्टिट्यूट ऑफ टेक्नॉलॉजी, एसआरएम, मणिपाल इन्स्टिट्यूट ऑफ टेक्नॉलॉजी इ. अन्य आघाडीच्या

संस्थांमध्ये प्रवेशासाठीही विद्यार्थी प्रयत्न करत आहेत. वैद्यकीय प्रवेश परीक्षांची प्रक्रिया चालू आहे आणि त्यांचे

निकाल जून 2015 मध्ये जाहीर होतील. आमच्या 12 विद्यार्थ्यांनी या परीक्षांसाठी तयारी केली आहे आणि

त्यांच्या निकालांची प्रतीक्षा आहे, असेही श्री. बागुल यांनी सांगितले.

पुणे पालिकेने पुरविलेल्या पायाभूत सोईसुविधा आणि पेस एज्युकेशनल ट्रस्टचे संचालक श्री. प्रवीण

त्यागी यांनी पुरविलेल्या उत्तम शिक्षकांमुळे हे यश मिळाले आहे, असे ते म्हणाले.

भविष्यातील योजनांबाबत बोलताना श्री. बागुल म्हणाले, “पालिकेच्या राजीव गांधी अॅकेडमीने पुण्यातील

कोणत्याही शाळा किंवा महाविद्यालयाच्या दृष्टीने आतापर्यंतचे सर्वात लक्षणीय निकाल दिले आहेत. एकदा हा

प्रयोग यशस्वी झाला म्हणजे ही सुविधा पुणे पालिकेच्या आणखी 3-4 शाळांमध्ये देण्याची आमची योजना आहे.

राजीव गांधी अॅकेडमीतील आणखी विद्यार्थ्यांपर्यत सुद्धा ही सुविधा पुरविण्याची आमची योजना आहे. सध्या

आम्ही 240 जागांवर प्रवेश देण्याची मंजुरी दिली आहे आणि या शैक्षणिक वर्षापासून आणखी 240

विद्यार्थ्यांपर्यंत ही प्रक्रिया पोचविण्याची प्रक्रिया सुरू आहे.”

पालिका शाळांमधील व समाजातील आर्थिकदृष्ट्या दुर्बल वर्गांतून निवडलेल्या विद्यार्थ्यांसाठी येथे

पायाभरणी कार्यक्रम (फाऊंडेशन बिल्डर प्रोग्राम) चालवण्यात येतो. आयपीएम, एमटीएसई, आरएमओ,

एनएसओ, राष्ट्रीय प्रज्ञा शोध परीक्षा, महाराष्ट्र प्रज्ञा शोध परीक्षा, होमी भाभा बाल वैज्ञानिक, ज्यूनियर सायन्स

ऑलिम्पियाड यांसारख्या विविध स्पर्धात्मक परीक्षांसाठी या कार्यक्रमाद्वारे विद्यार्थ्यांना प्रशिक्षण देण्यात येते किंवा

तयारी करून घेण्यात येते.

सर्वांना, खासकरून वंचित गटांना, दर्जेदार शिक्षण देण्याचे हे ध्येय साध्य करण्याकरिता संपूर्ण

पुण्यातील 50 प्रतिभावंत विद्यार्थिनींना राजीव गांधी अॅकेडमीत मोफत निवास व भोजन व्यवस्थेसह

महिला व बाल कल्याण विभाग, महाराष्ट्र सरकार यांच्या माध्यमातून प्रशिक्षण देण्याची आमची योजना

आहे, अशी माहिती त्यांनी दिली.

पुणे : राज्यातील ८० हजार अनाथ बालके भोजन अनुदान नसल्याने उपासमारीच्या उंबरठ्यावर आलेली असतांना आणि ९ हजार बालगृह कर्मचारी वर्षानुवर्षे वेतनापासून वंचित राहून वेठबिगारीचे जीवन जगात असतानाची वस्तुस्थिती शासनाला ज्ञात असतांना हेतू पुरस्कर टाळाटाळ करणारया उदासीन शासनाच्या वेळकाढू धोरणाच्या निषेधार्थ आज (दि. ९) रोजी बालगृह चालक-कर्मचारीनी स्वत:च्या अंगावर चाबकाने फटके मारून घेत अनोखे लक्षवेधी आत्मक्लेश आंदोलन केले.

                 तीन वर्षापासून अनाथ बालकांचे सुमारे १२५ कोटी रुपयांचे भोजन अनुदान मिळालेले नाही,सदरचे थकीत अनुदान १२१५ या सुधारित दराने एकरकमी मिळावे,बालगृह कर्मचारीना वेतन आणि इमारतीना घरभाडे मिळावे,तसेच मंत्री महोदयांना बालगृहाच्या बाबत नकारात्म महिती देऊन अनाथ बालकांना वाऱ्यावर सोडणाऱ्या महिला व बालविकास विभागाचे ओर्धन सचिव,उपसचिव व संबधित तत्सम भ्रष्ट यंत्रणेची हकलपट्टी व्हावी,या प्रमुख मागण्यासाठी गत पाच दिवसांपासून बालविकास संस्थाचालक व कर्मचारी संघटनेच्यावतीने महिला व बालविकास आयुक्तालय पुणे येथे धरणे आंदोलन सुरु आहे.ढिम्म प्रशासन आणि निद्रीस्त शासन या आंदोलनाची दखल घेत नसल्याने आंदोलकांनी प्रचंड संताप व्यक्त करत आज आत्मक्लेश करून घेत स्वत:च्या अंगावर चाबकाचे कोरडे ओठून घेत गगनभेदी घोषणा देत असंवेदनशील शासनाचा तीव्र शब्दात निषेध केला. या आंदोलनात उषा फाले (वर्धा),ललित कुंभार (परभणी),शेख शाहीन (हिंगोली),सुशीला अल्बाद(नाशिक),कविता वाघ (औरंगाबाद) या महिला आंदोलकंसह माधवराव शिंदे (सातारा),सी. आर. पाईकराव,लालजीबा घाटे (नांदेड)ऱम शिंदे,सुरेश वाघमारे गुरुजी (लातूर)सौदाम सोनपीपळे (नागपूर),जावेद पटेल,उल्हास पाटील,प्रभाकर दंबरे (सोलापूर)डी. पी. नादरगे (उदगीर) इंद्र आहरे,संजय पगारे,संजय आहेर,संदिप शिंदे,आदींनी भाग घेतला. 

‘विटेंज कार डिस्प्ले’ चे डॉ.विश्‍वजीत कदम यांच्या हस्ते उद्घाटन

पुणे :

भारती विद्यापीठाच्या सुवर्ण महोत्सवानिमित्त भारती विद्यापीठ दिल्ली कॅम्पसचा मेळावा पश्‍चिम विहार येथे यशस्वीरित्या पार पडला. विद्यापीठाचे सचिव डॉ. विश्‍वजीत कदम, आम आदमी पक्षाचे आमदार आणि माजी विद्यार्थी सौरभ भारद्वाज, व्यवस्थापनशास्त्र शाखेचे अधिष्ठाता डॉ. सचिन वेर्णेकर प्रमुख पाहुणे म्हणून उपस्थित होते. ‘विटेंज कार डिस्प्ले’ चे डॉ. विश्‍वजीत कदम यांच्या हस्ते उद्घाटन करण्यात आले.

माजी विद्यार्थी चंदन सकुजा यांनी डॉ. विश्‍वजीत कदम यांचा सत्कार केला. माजी विद्यार्थी आदीत्य वीज यांच्या संग्रहातील 11 जुन्या आणि दुर्मिळ कार हे या मेळाव्याचे वैशिष्ट्य ठरले. मेळाव्याला संगणक व्यवस्थापन, अभियांत्रिकी, वैद्यकीय विज्ञान, विधी, आयुर्वेद आदी विभागाचे प्राध्यापक, शिक्षक आणि माजी विद्यार्थी तसेच देश -परदेशातून माजी विद्यार्थी उपस्थित होते.

1100 विद्यार्थी या मेळाव्याला उपस्थित होते. ‘शाम- ए- मिलाप हा गझलांचा कार्यक्रम तसेच ‘विटेंज कार डिस्प्ले’ हे आकर्षण होते. यावेळी प्रियदर्शन डुंबरे, सी. बी. सावंत, डॉ.विकासनाथ, डॉ. एस. एन. हुडा, डॉ. धर्मेंद्र कुमार, पारूल आगरवाल, वरूण श्रीवास्तव उपस्थित होते.

पुणे :

संगणक आणि माहिती तंत्रज्ञान साक्षरता गरीब आणि मागास वर्गापर्यंत पोहोचविण्याच्या हेतूने पी.ए.इनामदार खउढ  अ‍ॅकॅडमीतर्फे (इन्फर्मेशन अ‍ॅण्ड कम्युनिकेशन टेक्नॉलॉजी) संगणक साक्षरता अभियानाचे आयोजन करण्यात आले असून, त्यात 7 कार्यशाळांचा समावेश आहे. अ‍ॅकॅडमीच्या वतीने प्रा. मुमताझ सय्यद आणि प्रा. ऋषी आचार्य यांनी ही माहिती दिली.

महाराष्ट्र कॉस्मॉपॉलिटन एज्युकेशन सोसायटीमधील शिक्षकांसाठी विनामूल्य कार्यशाळा घेण्यात आली. पालिकेच्या उर्दू शाळांमध्ये 17 शिक्षकांसाठी विनामूल्य कार्यशाळा घेण्यात आली. पहिली ते 7 वीपर्यंत ई-लर्निंगचे उर्दू सॉफ्टवेअर तयार करण्याचे मार्गदर्शन देण्यात आले.

विषय शिक्षकांसाठी झालेल्या कार्यशाळेत 147 विषय शिक्षक सहभागी झाले. याशिवाय इंग्रजी बोलण्याचे प्रशिक्षण पुण्याबाहेरील 19 प्रशिक्षकांना देण्यात आले. एकूण 43 ठिकाणी पी.ए. इनामदार कॉम्प्युटर सेंटर आहेत. त्यातील मुलांच्या 247 पालकांना संगणक प्रशिक्षण देण्यात आले. नवीन शैक्षणिक वर्षांत आठवीपर्यंतच्या 110 विद्यार्थ्यांना आयपॅड वर अध्ययन करण्याची संधी मिळणार आहे, अशी माहिती संस्थेचे अध्यक्ष पी.ए.इनामदार यांनी दिली. ‘संगणक आणि माहिती तंत्रज्ञानात केवळ सधन वर्गाची प्रगती होऊन चालणार नाही. तळागाळातील वर्गापर्यंत ही क्रांती पोचली नाही तर मोठी सामाजिक दरी उभी राहून असंतोष तयार होऊ शकतो. त्यामुळे या विनामूल्य अभियानाद्वारे उन्हाळी सुटीतील वेळ कारणी लाऊन आम्ही संगणक आणि माहिती तंत्रक्रांती शेवटच्या घटकापर्यंत पोचवत आहोत,’ असे ते म्हणाले.