पुणे-
3 जुन – लोकनेते गोपीनाथ मुंडे यांचा प्रथम स्म्रुतिदिन- प्रथम पुण्यस्मरण दिनी त्यांचे विचार व कार्यकर्तुत्वाचे स्मरण व्हावे या उद्देशाने शिक्षण प्रबोधिनी व लोकनेते गोपीनाथजी मुंडे स्म्रुति समिती पुणे यांच्या वतीने एक श्रद्धांजली चा कार्यक्रम आयोजित करण्यात आला आहे.
रविवार दि.7 जुन रोजी सकाळी 9 वाजता बालगंधर्व रंगमंदिर येथे लोकनेते गोपीनाथजी मुंडे यांचे प्रात्यक्षिक चित्र व शिल्पनिर्मीती द्वारे त्याना श्रद्धांजली अर्पित करण्यात येणार असल्याचे समितीचे सदस्य सौ.मुक्ता टिळक व संदीप खर्डेकर यानी पत्रकार परिषदेत जाहीर केले.यावेळी समिती चे सदस्य दत्तात्रय खाडे,अशोक मुंडे,सौ.मंजुश्री खर्डेकर,शिक्षण प्रबोधिनीचे ना.रा.मिसाळ उपस्थित होते.
प्रसिद्ध शिल्पकार प्रमोद कांबळे हे साहेबांची शिल्पनिर्मिती करणार असुन प्रसिद्ध चित्रकार प्रशांत गायकवाड चित्रनिर्मिती करणार आहेत.
या कार्यक्रमाचे अध्यक्ष स्थान पालकमंत्री गिरिष बापट भुषविणार असुन ना.पंकजाताई मुंडे , ना.दिलीप कांबळे,खा.अनिल शिरोळे प्रमुख पाहुणे म्हणुन उपस्थित राहणार आहेत.या मान्यवरांचे श्रद्धांजलीपर मनोगत ही होणार असुन साहेबांच्या कार्यावर आधारित एक चित्रफीत ही दाखविण्यात येणार आहे.
पुणे शहराशी साहेबांचे असलेले अतुट नाते लक्षात घेता सर्वसामान्य पुणेकरानी या कार्यक्रमास उपस्थित राहुन साहेबाना श्रद्धांजली अर्पण करावी असे आवाहन लोकनेते गोपीनाथजी मुंडे स्म्रुती समिती च्या वतीने आ.माधुरी मिसाळ,सौ.मुक्ता टिळक,संदीप खर्डेकर,मुरलीधर मोहोळ,दत्तात्रय खाडे व अशोक मुंडे यानी केले आहे.
