पुणे : पुणे परिमंडलाचे मुख्य अभियंता श्री. निळकंठ वाडेकर मंगळवारी (ता. 30) महावितरण

कंपनीमधून सेवानिवृत्त झाले. परिमंडलातील अभियंता, अधिकारी व कामगार संघटनांच्या वतीने त्यांना भावपूर्ण

तत्कालिन विद्युत मंडळ व सध्याच्या महावितरण कंपनीत श्री. निळकंठ वाडेकर यांनी 34

वर्ष सेवा दिली आहे. पुणे परिमंडलाचे मुख्य अभियंता म्हणून ते ऑगस्ट 2013 पासून

कार्यरत होते. या कार्यकाळात त्यांनी भरीव योगदान दिले आहे. पुणे परिमंडलाचा मासिक

महसूल त्यांच्या कार्यकाळात सुमारे 12 टक्क्यांनी वाढला आहे. देयकांच्या वसुलीचे प्रमाण

दरमहा 100 टक्क्यांपेक्षा अधिक राहिले आहे. सद्यस्थितीत पुणे परिमंडलाची वीजहानी 9

टक्के दरम्यान असून ती राज्यात इतर परिमंडलांच्या तुलनेत सर्वात कमी आहे, हे

पारदर्शी प्रशासनासाठी आग्रही श्री. वाडेकर यांनी महावितरणच्या ग्राहकसेवेत अनेक बदल घडवून आणले आहे.

ग्राहकांना वीजविषयक सर्व सेवा तात्काळ व तत्पर मिळण्यासाठी महावितरण अंतर्गत विविध सुधारणा केलेल्या आहेत.

नवीन वीजजोडणीमध्ये अडथळे आल्यास मुख्य अभियंत्यांपर्यत थेट तक्रार करण्याची सेवा त्यांनी उपलब्ध करून दिली

होती. सोबतच वीजविषयक तक्रारी थेट कार्यकारी अभियंता यांच्याकडे मांडण्यासाठी दरमहा ग्राहक तक्रार निवारण

दिनाचे आयोजन त्यांनी लोकाभिमुख केले. इन्फ्रा योजनेच्या टप्पा दोनमध्ये 964 कोटींच्या प्रस्तावित कामांसाठी पुणे व

पिंपरी चिंचवड शहरातील खोदाई शुल्काचा तिढा त्यांनी समन्वय साधून मार्गी लावण्यास पुढाकार घेतला होता. यात

पुणे व पिंपरी चिंचवड महापालिकेने महावितरणच्या विनंतीनुसार 2300 रुपये प्रतीमीटर खोदाई शुल्क मंजूर केल्याने

इन्फ्रा दोनच्या अंमलबजावणीला सुरवात झाली आहे. अभ्यासू व लोकाभिमुख प्रशासनासाठी श्री. निळकंठ वाडेकर

यांचा नावलौकीक आहे. महावितरणचे मुख्यालय, भांडुप, पेण आदी ठिकाणी सेवा दिल्यानंतर मंगळवारी (ता. 30) श्री.

निळकंठ वाडेकर पुणे परिमंडलाचे मुख्य अभियंता म्हणून सेवानिवृत्त झाले.

पुणे – सिंहगड रस्ता येथील सनसिटी आणि नऱ्हे परिसरात रविवारी पहाटे 84 दुचाकी आणि सहा मोटारींना आग लावल्याप्रकरणी पोलिसांनी एका संशयितास ताब्यात घेतले आहे. सीसीटीव्हीमध्ये कैद झालेल्या व्यक्‍तीशी संशयिताचे वर्णन मिळते-जुळते असून, त्याच्याकडे कसून चौकशी सुरू असल्याची माहिती सह पोलिस आयुक्त सुनील रामानंद यांनी सोमवारी दिली.
विनोद शिवाजी जामदारे (वय 27, रा. जाधवनगर, वडगाव बुद्रुक) असे त्या संशयिताचे नाव आहे. सीसीटीव्हीमधील व्यक्‍ती आणि संशयितामध्ये साधर्म्य आहे. ती व्यक्‍ती आणि जामदारे या दोघांनीही टी-शर्ट आणि जीन्स पॅंट परिधान केले असून, पोलिसांचा त्याच्यावर दाट संशय आहे; परंतु त्यानेच वाहनांना आग लावल्याचा पुरावा पोलिसांना अद्याप मिळाला नसल्याचे रामानंद यांनी स्पष्ट केले. वाहनांना आग लावणारी व्यक्‍ती ही विकृत मनोवृत्तीची माथेफिरू आहे की गुन्हेगार, हे स्पष्ट झाले नाही. जामदारे हा सिंहगड रस्ता परिसरातील सराईत गुंड बंट्या पवार याच्या टोळीतील असून, त्यालाही पोलिसांनी खंडणीच्या गुन्ह्यात ताब्यात घेतले आहे. जामदारे याने रविवारी नीलेश अमृत चव्हाण (वय 45, रा. समर्थनगर, हिंगणे खुर्द) याचा खून केल्याचा संशय आहे. या गुन्ह्यात त्याला अटक केली आहे. तो रविवारी पहाटे कोठे होता, यासह इतर बाबी तपासण्यात येत आहेत. या गुन्ह्याचा छडा लावण्यासाठी पोलिस आयुक्‍त के. के. पाठक आणि रामानंद यांनी विशेष पथके तयार केली आहेत. त्या दृष्टीने सराईत गुन्हेगारांची चौकशी करण्यात येत आहे. शहर पोलिसांनी रात्री गस्तीवर असताना काही तडीपार आणि फरारी गुन्हेगारांना अटक केली आहे. शहरातील काही उच्चभ्रू गृहनिर्माण सोसायट्यांमध्ये सुरक्षारक्षक नाहीत. तेथील अंतर्गत सुरक्षा ही सुरक्षारक्षकांवर अवलंबून असून, बाहेरील सुरक्षेची जबाबदारी पोलिसांची आहे. सुरक्षारक्षक नेमण्याबाबत सोसायट्यांच्या पदाधिकाऱ्यांना वेळोवेळी सूचना दिल्या आहेत; परंतु, त्याकडे दुर्लक्ष करण्यात येत असल्याचे त्यांनी नमूद केले.

पुणे  :- यशस्वी होण्यासाठी तुमची पार्श्वभूमी आणि शिक्षणाबरोबरच तुम्ही आपले ध्येय पूर्ण करण्यासाठी किती चिकाटीने प्रयत्न करता यालाही तेवढेच महत्त्व आहे.  डीएसके आणि प्रदीप लोखंडे हे अशाच काही उदहरणांपैकीच आहेत. आपल्या गरजा पूर्ण झाल्या नंतर राहिलेल्या पैशातून समाजाच्या हितासाठी काहीतरी करण्याचे ठरवले पाहिजे, आपल्या यशाबरोबर आपण समाजाचे देणे लागतो ही ह्या भूमिकेतूनच जगले पाहिजे, असे मत सहकारमंत्री चंद्रकांत पाटील यांनी व्यक्त केले.

डी. एस. कुलकर्णी यांच्या ६५व्या वाढदिवसाचे औचित्य साधून आयोजित करण्यात आलेल्या या कार्यक्रमात ‘डीएसके सेल्फ मेड मॅन २०१५’ प्रदान सोहळ्यात ते बोलत होते.  रुरल रिलेशन्सचे संस्थापक संचालक श्री. प्रदीप लोखंडे यांना श्री. सहकारमंत्री चंद्रकांत पाटील यांच्या हस्ते हा पुरस्कार देण्यात आला. यावेळी डीएसके समूहाचे अध्यक्ष  डी. एस. कुलकर्णी, हेमंती कुलकर्णी, नेस वाडिया कॉलेज चे माजी प्राचार्य वसंत नूलकर, जलसंपदा राज्यमंत्री विजय बापू शिवतारे,आमदार मेधा कुलकर्णी तसेच  डी. एस.कुलकर्णी फाउंडेशनचे विश्वस्त असीम सरोदे, विवेक वेलणकर, श्याम भुर्के, प्रमोद अडकर,अ. ल. देशमुख आदी मान्यवर यावेळी उपस्थित होते.

यावेळी समाजासाठी काम करणाऱ्या ६ स्वयंसेवी  संस्थांना व व्यक्तींना फाउंडेशनच्या वतीने डॉ. प्रकाश आमटे यांच्या हेमलकसा येथील लोक-बिरादरी प्रकल्पाला शाल, श्रीफळ १ लाख रुपये तर विशेष मुलांना सर्वसामान्य मुलांसोबत शिक्षण देणारे पुण्यातील अंकुर विद्यालय, एचआयव्ही बाधित मुलांचे संगोपन करणारी पंढरपूर येथील पालवी संस्था,डॉ. शिवगुंडे यांची सोलापूर येथील आधार विश्वस्त संस्था, ज्येष्ठ नागरिकांची काळजी घेणारी मुंबईची जीवन आनंद संस्था आणि तोरणा राजगड समाजोन्नती न्यास, वेल्हे  या संस्थाना जलसंपदा राज्यमंत्री विजय बापू शिवतारे यांच्या हस्ते विशेष पुरस्काराने  शाल, श्रीफळ आणि प्रत्येकी २५ हजार रुपये देवून सन्मानित करण्यात आले.

केलेल्या कामाचे कौतुक म्हणून पुरस्कार मिळणे आवश्यक आहे. पण काम करताना पुरस्कारापेक्षा सामाजिक हिताचा विचार करून  नकारात्मक गोष्टीबाजूला सारून पुढे जायला हवे. तरुणांनी नोकर्‍या नाहीत म्हणून रडत रहण्यापेक्षा नवीन संधी साधण्याकडे लक्ष दिले पाहिजे. सातत्य आणि नाविन्य हे माझ्या यशामागचे गमक आहे. अशा भावना प्रदीप लोखंडे यांनी मांडल्या.

शिवतारे म्हणाले , न्यूनगंड बाजूला ठेवून प्रबळ इच्छाशक्ती असलेला व्यक्तीच समाजात सकारात्मक बदल घडवून आणू शकतो. त्यामुळेच ध्येयवेड होणेच आवश्यक आहे.  हयाच निस्वार्थ हेतुतून सेवा घडते.

डी. एस. कुलकर्णी  यांनी तरुणांना  बिझनेस कसा करावा, याबाबत मार्गदर्शन केले. राजेश दामले यांनी सूत्रसंचालन केले तर नुलकर यांनी मनोगत आणि प्रास्ताविक श्याम भुर्के यांनी केले. डी. एस. के वाढदिवसानिमित्त त्यांना शुभेछा  देण्याकरिता त्यांचे ९१ वर्षाचे त्यांचे गुरुवर्य डॉ. गावडे हेही आवर्जून उपस्थित होते.

पुणे:

सचोटीने व्यवसाय करणाऱ्या यशस्वी उद्योजकांना देण्यात येणारा “उद्यमगौरव’ पुरस्कार “कॉटनकिंग प्रा.लि. बारामती (पुणे)’चे संस्थापक संचालक प्रदीप गणपती मराठे आणि “पु.ना.गाडगीळ ज्वेलर्स’चे सौरभ गाडगीळ, पराग गाडगीळ यांना जाहीर झाला आहे. समाजसेवा क्षेत्रात कार्यरत विजय फळणीकर (“आपलं घर’, डोणजे, पुणे) आणि डॉ. राजाराम दांडेकर (लोकमान्य सार्वजनिक धर्मादाय न्यास,ता.दापोली, जि.रत्नागिरी) यांना “सेवागौरव’ पुरस्कार जाहीर झाला आहे.

“शेठ चिमणलाल गोविंददास मेमोरिअल ट्रस्ट’च्या वतीने हे पुरस्कार दिले जातात. 15 हजार रोख, प्रशस्तीपत्रक आणि सन्मानचिन्ह असे पुरस्काराचे स्वरूप असून यंदाचे हे 17 वे वर्ष आहे.

“शेठ चिमणलाल गोविंददास मेमोरिअल ट्रस्ट’चे विश्वस्त मोहनराव गुजराथी यांनी पुणे श्रमिक पत्रकार संघात झालेल्या पत्रकारपरिषदेत पुरस्कार्थींची माहिती दिली.
पुरस्कार वितरण पालकमंत्री गिरीश बापट यांच्या हस्ते रविवार, दिनांक 5 जुलै रोजी सकाळी 10 वाजता बालशिक्षण मंदिर सभागृह (मयूर कॉलनी, कोथरूड) येथे होणार आहे. यावेळी संत साहित्याचे अभ्यासक व वक्ते डॉ. शंकर अभ्यंकर “भारतीय परंपरेतील उद्यम व्यवसायातील पुरूषार्थ प्रेरणा या विषयी आपले विचार मांडणार आहेत.

“ज्ञानप्रबोधिनी’चे संचालक डॉ.गिरीश बापट यांच्या अध्यक्षतेखाली निवड समिती नियुक्त करण्यात आली.या समितीत “पुणे मर्चंटस चेंबर’चे अध्यक्ष वालचंद संचेती, “मराठा चेंबर ऑफ कॉमर्स ऍण्ड इंडस्ट्रीज’चे महासंचालक डॉ. अनंत सरदेशमुख, मल्हार अरणकल्ले (संपादक, दै.सकाळ), राजेंद्र जगदाळे (सायन्स ऍण्ड टेक्नॉलॉजी पार्कचे महासंचालक) यांनी परीक्षण म्हणून काम पाहीले.

पुणे- पुण्यात उच्च  न्यायालय खंडपीठ झालेच पाहिजे या मागणी साठी गेल्या 15 पंधरा दिवसा पासून वकिलांचे
आंदोलन सुरु आहे या आंदोलनाला पाठिंबा देण्या साठी मनसे ने आज पुढाकार घेतला व पाठिंबा असलेले सह्यांचे पत्र स्वाधीन केले. वसंत मोरे ,गणेश सातपुते ,वसंत खुटवड , रवी सहाने आदी मान्यवर मनसेचे सर्व प्रमुख पदाधिकारी ,नगरसेवक ,महिला सेना , पर्यावरण सेना ,विद्यार्थी सेना ,रस्ते आस्थापन चे पदाधिकारी व कार्यकर्ते मोठ्या संख्येने उपस्थित होते.
1978 साली विधिमंडळात पुणे आणि औरंगाबाद येथे उच्च्य न्यायलय करण्याचा ठराव समंत झाला होता, 1981 साली औरंगाबाद येथे उच्च्य न्यायलय झालेही पणपुणे शहरात अजुन झाले नाही , पुणे शहरातील 40% केसेस उच्च्य न्यायालयात जातात.यात सामान्य नागरिकांना प्रचंड मानसिक व आर्थिक त्रास सहन करावा लागतो.
हे फ़क्त वकिलांचे आंदोलन नसून जनतेचे आहे आणि जनते साठी मनसे पाठिंबा दिला आहे व पुढे ही देत राहील.असे यावेळी मनसेच्या वतीने स्पष्ट करण्यात आले .

पुणे-

व्यक्ती व्यक्तींमधील, दोहोंमधील सुसंवाद योग्य व सुसह्य करणेकरिता आवश्यकतेनुसार अभिव्यक्तीत बदल करणे आवश्यक असल्याचे प्रतिपादन . डॉ. संजय उपाध्ये यांनी केले.

पुणे महानगरपालिकेतील श्री छत्रपती शिवाजी महाराज सभागृहात आयोजित करण्यात आलेल्या व्याख्यानमालेत ‘‘व्यक्ती अभिव्यक्ती” या विषयावर डॉ. संजय उपाध्ये यांनी मार्गदर्शन केले.

याप्रसंगी महानगरपालिकेतील विविध खात्यांचे अधिकारी, कर्मचारी मोठ्या संख्येने उपस्थित होते. आयोजित करण्यात आलेल्या व्याख्यानमालेतील ‘‘व्यक्ती अभिव्यक्ती” या विषयावर डॉ. संजय उपाध्ये मार्गदर्शन करताना सांगितले की, व्यक्तींच्या मनात विविध विचार असतात, परिस्थिती निहाय मन व्यक्त होत असते. साध्या वेषातील व्यक्ती व त्याच व्यक्तीने कर्तव्यावर बसताना परिधान केलेला पोशाख, पेहराव हा त्याच्या व्यक्तीमत्वात बदल घडवून आणत असतो. त्यानुसार त्याची अभिव्यक्ती व्यक्त होत असते.

लोकसंपर्क, जनसंपर्क सारख्या सेवेत असलेल्या व्यक्तींनी सेवेत कर्तव्य बजावत असताना संपर्कात येणाऱ्या नागरिकांशी सकारात्मक दृष्टीकोन ठेवून लोकाभिमुख सेवा दिली पाहिजे. आदरार्थी सन्मानपूर्वक संवाद करुन त्यांची कामे करणे याच सवयी आत्मसात केल्या पाहिजेत. व्यक्तीने अभिव्यक्ती सादर करताना मी कोण आहे हे पाहिले पाहिजे. इतरांबाबत निर्णय प्रक्रिया अथवा मत व्यक्त करताना अभिव्यक्तीबाबत विचार केला पाहिजे, त्या दृष्टीने स्वपरिक्षण केले पाहिजे. काही प्रसंगी काळ हाच उत्तर देत असतो. श्वास, विश्वास, आत्मविश्वास हे श्वासातूनच येत असते, श्वासावर नियंत्रण अर्थात आनापान, ध्यानधारणा या पध्दतीचा अवलंब करुन आपल्या श्वासाबाबत श्वास घेणे, रोखणे, सोडणे या प्रक्रिया रोज कराव्यात व स्वपरिक्षण केले पाहिजे कारण झोप व श्वास योग्य होत असेल तर जीवन सुसह्य होईल. त्यामुळे अभिव्यक्ती व्यक्त होत असताना समोरच्या व्यक्तीला योग्य, सुसह्य वाटेल,आनंददायक वाटेल अशीच अभिव्यक्ती असावी. स्वभाव बदलता येत नसेल तर अभिव्यक्तीत बदल केला पाहिजे. व्यक्तीरेखे बरोबर असलेल्या विसंवादामुळे वाद होतात त्यामुळे व्यक्तीरेखा ओळखणे आवश्यक आहे. मानवी मनाच्या विविध अभिव्यक्ती प्रकारांबाबत अनेक उदाहरणे, तसेच दैनंदिन, कौटुंबिक, शासकीय कार्यालये अशा विविध स्तरांवरील उदाहरणे देऊन डॉ. उपाध्ये यांनी प्रभावी मार्गदर्शन केले.

व्याख्यानमालेच्या यशस्वी आयोजनाकरिता उपायुक्त मंगेश जोशी तसेच सुरेश परदेशी, आशिष चव्हाण, प्रशांत चव्हाण व विभागातील अन्य कर्मचाऱ्यांनी विशेष परिश्रम घेतले.

“चिंटू गँग’  या शैक्षणिक ,सामाजिक संदेश देणाऱ्या दिनदर्शिकेचे प्रकाशन उपस्थित बालगोपाळ आणि  एयर मार्शल भूषण गोखले ,शि द फडणीस ,श्रीरंग गोडबोले ,चारुहास पंडित, गंगोत्री -सिनर्जी चे मंदार केळकर ,राजेंद्र आवटे ,गणेश जाधव यांच्या हस्ते झालेहा कार्यक्रम रविवारी सायंकाळी गोखले इंसिटयूटयेथे झाला