पुणे-माजी नगरसेवक संजय नांदे यांचे मंगळवारी सकाळी दहाच्या सुमारास निधन झाले. अमरनाथ यात्रेसाठी गेले असता बद्रीनाथ येथे ह्दयाच्या झटक्याने त्यांची प्राणज्योत मालवली. त्यांच्या मागे वडील ,पत्नी , मुले ,भाऊ असा मोठा परिवार आहे . धनकवडी येथील महापालिकेच्या एका प्रभागातून सुभाष जगताप , जयश्री कांबळे यांच्या समवेत ते निवडून आले होते . पद्मावती हून गुलाबनगर कडे जाणाऱ्या मार्गावर क्रांतिसूर्य महात्मा फुले चौक अर्थात तीन हत्ती चौकाची जी सुरेख निर्मिती झाली त्यात त्यांचा महत्वपूर्ण सहभाग होता .नांदे हे मित्रांसमवेत अमरनाथ यात्रेला गेले होते. शनिवारी रात्री मुंबईहून विमानाने ते श्रीनगरला गेले. रात्री तिथे मुक्काम करून रविवारी त्यांनी अमरनाथच्या दिशेने कुच केले. सोमवारी रात्री त्यांनी सोनमर्गजवळील बालताल येथे मुक्काम केला. मंगळवारी सकाळी त्यांच्या सोबतचे काही मित्र घोडयावरून पुढे गेले. रामदास गाडे यांच्यासह नांदे चालत निघाले होते. सकाळी साडे नऊच्या सुमारास बालताल येथे काही अंतर चालून गेल्यानंतर त्यांच्या छातीमध्ये दुखू लागले. त्यानंतर त्यांना लगेच रूग्णालयामध्ये दाखल करण्यात आले. मात्र, उपचारादरम्यान त्यांचा मृत्यू झाला

पुणे-     पुणे शहराच्या स्मार्ट सिटी प्रकल्पामध्ये लोक सहभाग असावा म्हणून महापालिकेच्या आवाहनाला प्रतिसाद देत चक्क ४० हजाराहून अधिक नागरिकांनी आपापली मते आणि सूचना मांडल्या आहेत अशी माहिती महापालिकेचे जनसंपर्क अधिकारी संजय मोरे यांनी येथे दिली

ते म्हणाले  पुणे शहराच्या स्मार्ट सिटी प्रकल्पामध्ये लोक सहभाग घेण्यासाठी शहराच्या विविध विकासकामे, प्रकल्प, योजना, करावयाची कामे, आवश्यक बदल, याकरिता नागरिकांकडून आपली मतं, सूचना मागविणे अर्थात लोक सहभाग वाढवून नागरिकांच्या सूचनानुसार स्मार्ट सिटीमध्ये आवश्यक अंतर्भाव करण्यात यावा याकरिता . महापौर दत्तात्रय धनकवडे व महानगरपालिका आयुक्त कुणाल कुमार यांनी पत्रकार परिषदेद्वारे आवाहन केले त्यानुसार नागरिकांनी आपली मतं, आपल्या सूचना दि.२० जुलै,२०१५ रोजी पर्यंत महानगरपालिकेच्या smartcity.punecorporation.org किंवा punesmartcity.in यावर तसेच www.facebook.com/pmcpune यावर सूचना, मतं मागविली होती. त्यानुसार दिनांक १४/०७/२०१५ सायंकाळपर्यंत सुमारे ४०००० पेक्षा अधिक नागरिकांनी संपर्क साधला, तसेच ३५० पेक्षा अधिक नागरिकांकडून सूचना/ मतं प्राप्त झालेले आहेत.

पुणे, : गेल्या जूनमध्ये पुणे परिमंडलातील महावितरणच्या 3 लाख 61 हजार 248 वीजग्राहकांनी इंटरनेटद्वारे

पुणे- ‘मी कोण आहे? याचा शोध घेणे हे जीवनाचे अंतिम सत्य आहे, जीवनात ताणतणाव घेऊ नका, भविष्याचा विचार करू नका, जगत असलेला प्रत्येक क्षण उत्तम करण्याचा प्रयत्न करा, जीवनाचा हेतू हसणे आणि निरपेक्ष प्रेम करणे असा आहे’ असे मत सुप्रसिध्द लेखिका अनिता मुरजानी यांनी व्यक्त केले.
अनिता मुरजानी यांनी लिहिलेल्या ‘डायिंग टू बी मी’ या ‘न्यूयॉर्क टाइम्स’च्या विक‘मी खपाच्या पुस्तकाचा मराठी अनुवार ‘आणि…त्या दिवशी माझा मृत्यू झाला’ ‘वॉव पब्लिकेशन’च्या वतीने प्रकाशित करण्यात आला. त्यावेळी श्रीमती मुरजानी अनुभव कथन करीत होत्या. ज्येष्ठ लेखक प्रा. मिलिंद जोशी अध्यक्षस्थानी होते. बुक गंगा इंटरनॅशनल बुक सर्व्हिसेस, डेक्कन जिमखाना येथे प्रकाशन समारंभ झाला.
श्रीमती मुरजानी पुढे म्हणाल्या, ‘चार वर्षे कॅन्सरच्या आजारानंतर मी कोमात गेले. त्या अवस्थेत मी छत्तीस तास होते. मला बाह्य जगाची जाणीव होत होती. या अवस्थेत माझ्या वेदनाही खूप कमी झाल्या. माझे वडील आणि कॅन्सरने मृत झालेल्या मैत्रिणीशी संवाद झाला. मी प्रत्यक्ष मृत्यूला स्पर्श करून आले. स्वर्गात जायचे की भौतिक जगात परतायचे हे पर्याय माझ्यासमोर खुले होते. मी पुन्हा भौतिक जगात जाऊन माझ्या शरीरात प्रवेश करण्याचा निर्णय घेतला. त्यानंतर माझा कॅन्सर पाच आठवड्यात पूर्णपणे बरा झाला. आता मी नेहमीचे जीवन जगत आहे. स्वर्ग ही जागा नसून ती एक अवस्था असल्याचे माझे मत झाले आहे. मनुष्यामध्ये अद्भूत शक्ती असल्याची जाणीव ही या अवस्थेत मला झाली.’
प्रा. जोशी म्हणाले, ‘लौकिक जगापलीकडील अलौकिक अनुभव मुरजानी यांनी शब्दबध्द केले आहेत. त्यांनी ‘मी’च्या पलिकडे जाऊन ‘स्व’चा शोध घेण्याचा प्रयत्न केला आहे. भौतिक जीवनातील प्रश्‍नांची उत्तरे शोधण्यासाठी बाह्य जगाऐवजी अंतर्मनात डोकावण्याची गरज असते, तसेच जीवन उन्नत करण्यासाठी तंत्रज्ञानाबरोबरच तत्वज्ञानाची आवश्यकता आहे.’
‘मृत्यूनंतरचे जीवन’ हा सर्वांसाठीच कुतूहलाचा विषय असतो. अनिता मुरजानी यांचा कॅन्सरपासून मृत्यूपर्यंत आणि मृत्यूपासून पुन्हा सुरू झालेल्या नवजीवनापर्यंतचा रोमांचकारी प्रवास या पुस्तकात शब्दबध्द करण्यात आला आहे. त्यांचा हा रोमांचकारी अनुभव अनेक वाचकांच्या जीवनाला दिशा देणारा आणि विचारांच्या कक्षा रुंदावणारा आहे. ‘बुक गंगा’च्या संचालिका सुप्रिया लिमये यांनी स्वागत, चेतन कोळी यांनी सूत्रसंचालन आणि कृष्णा अय्यर यांनी आभार मानले.