पुणे-जीवन धकाधकीचे झाले असले तरी मनशांती मिळविणे अजिबात अवघड राहिलेले नाही जीवनातला काही वेळ मात्र त्यासाठी दिला पाहिजे असे इथे विश्वशक्ती इंटरनॅशनल फाउंडेशनचे प्रमुख विश्वस्त डॉ दत्ता कोहिनकर  यांनी सांगितले

विश्वशक्ती इंटरनॅशनल फाउंडेशनचे प्रमुख विश्वस्त डॉ दत्ता कोहिनकर यांना सामाजिक क्षेत्रातील फिनिक्स फाउंडेशनचा “जीवनगौरव 2015” पुरस्कार मिळाल्याबद्दल कमिन्स इंडिया कंपनीच्या वतीने  व्हि पी अश्वत्थराम यांच्या हस्ते युनियनच्या वर्धापनदिनाच्या कार्यक्रमात गौरवण्यात आले.
याप्रसंगी सतिश मुळे, सचिन घनपाठी, नवनाथ माने, गणेश घुगे, युनियनचे अध्यक्ष महेंद्र बालवडकर, राजेंद्र ढमाले यांची प्रमुख उपस्थिती होती.

पुणे :

‘महाराष्ट्र कॉस्मॉपॉलिटन एज्युकेशन सोसायटी’च्या आबेदा इनामदार वरिष्ठ महाविद्यालयातील ‘राष्ट्रीय सेवा योजना’ (एनएसएस) विभागाच्या वतीने नुकतेच रक्तदान शिबिराचे आयोजन करण्यात आले होते. या शिबिराचे आयोजन हडपसर येथील ‘अक्षय ब्लड बँके’साठी केले होते. रक्तदान शिबिराचे उद्घाटन महाविद्यालयाच्या उपप्राचार्य डॉ. शैला बुटवाला यांनी केले. या शिबिरामध्ये एकूण 40 रक्तदात्यांनी रक्तदान केले, अशी माहिती ‘आबेदा इनामदार वरिष्ठ महाविद्यालया’च्या प्रा. नुसरत एस.शेख यांनी दिली.

‘अक्षय ब्लड बँके’च्यावतीने आबेदा इनामदार वरिष्ठ महाविद्यालयाला आणि रक्तदात्यांना प्रशस्तीपत्रक देण्यात आली तसेच रक्तदात्यांना ‘ब्लड ग्रुप कार्ड’ देण्यात आली. लायन्स क्लब, पुणे गॅलक्सी चे अध्यक्ष श्री. दिवेकर यांच्या वतीने रक्तदात्यांना भेटवस्तू देण्यात आली.

पुणे- जिल्हा माळी वधु वर सूचक मंडळातर्फे माळी समाजाचा भव्य वधु वर मेळावा उत्साहात संपन्न झाला . पर्वतीजवळील अरण्येशवर मधील मुक्तागन कॉलेजच्या सभागृहात झालेल्या या मेळाव्यामध्ये २९६ वधु तर २३१ वरांनी सहभागी होऊन आपला परिचय करून दिला . या मेळाव्याचे उदघाटन संत सावतामाळी यांच्या प्रतिमेस पुष्पहार उपस्थित वधु वरांच्या हस्ते अर्पण करून त्यांच्या पूजनाने करण्यांत आले . यावेळी पुणे जिल्हा माळी वधु वर सूचक मंडळाचे समन्वयक राम झगडे , सुदाम धाडगे , नाना कुदळे , रघुनाथ ढोक , शारदा लडकत , शिवाजीराव लोणकर , मालती माळी , उज्वला कांडपिळे , शंकुतला झगडे , कारभारी टिळेकर , चंद्रकांत जगताप , सिताराम गोरे व अन्य सदस्यांनी विशेष परिश्रम घेऊन मेळावा यशस्वीरीत्या पार पाडला .

   या मेळाव्यामध्ये राज्यभरातून माळी समाजातील वधु वरांनी सहभागी होऊन आपला परिचय करून दिला . या मेळाव्याचे सूत्रसंचालन संजय गिते व शीतल आल्हाट यांनी केले तर आभार महेश जांभुळकर यांनी मानले . या मेळाव्यानंतर सहभागी झालेल्या वधु वरांची माहिती पुस्तिका प्रकाशित करण्यात येणार असल्याची माहिती  पुणे जिल्हा माळी वधु वर सूचक मंडळाचे समन्वयक राम झगडे  यांनी दिली .

पुणे-महाराष्ट्राचे आराध्य दैवत असलेल्या श्रीमंत दगडूशेठ हलवाई ट्रस्ट गणपती मंदिर येथे मागील बाजूस पादत्राणे ठेवण्याच्या जागेजवळ पुणे महानगर पालिकेचे पुरुषांसाठीचे स्वच्छता गृह आहे येथे कायम अस्वच्छता दुर्गंधी असते त्या मुळे भाविकांना  त्रास सहन करावा लागतो .स्वच्छता गृहाची हि जागा अत्यंत अयोग्य आहे . स्वच्छता गृहासाठी जवळपास योग्य जागा पाहून तिथे कायम कामगार ठेऊन स्वच्छता राखली जाईल दुर्गंधी येणार नाही याची दक्षता घेणे गरजेचे आहे याबाबत श्रीमंत दगडूशेठ हलवाई ट्रस्टचे अध्यक्ष अशोक  गोडसे व महेश सूर्यवंशी यांना मंडळाच्या महिला कार्यकर्त्यांनी निवेदन दिले  हिंद तरुण मंडळाच्या वतीने विनंतीचे पत्र देण्यात आल आहे .यावेळी मंडळाच्या महिला कार्यकर्त्या सौ अंजनी मोटाडू, अर्चना भोज, आशा गिरमकर, प्रिया भंडार, अर्चना दंडे, माधवी मेटेलू, संध्या संगनवार, जयश्री बानिया तसेच मंडळाचे पंचवार्षिक अध्यक्ष दिलीप गिरमकर, गणेश भोज, दिपक कुऱ्हाडे, विशाल ओहाळ उपस्थित होते.दरम्यान पुण्यात सर्वत्रच स्वच्छता गृहांचा अभाव आहे यामुळे पुरुष महिला मुले सारेच वर्षानुवर्षे कुचंबना सहन करीत आहेत . पण हि समस्या सोडविण्यासाठी अद्याप पुण्यातली कोणतीही सरकारी-निमसरकारी व स्वयं सेवी संस्था  किंवा कोणतेही मंडळ पुढे आलेले नाही…  येईल असे चित्रही नाही

कॉसमॉस बँकेच्या कसबा पेठ शाखेच्या वर्धापन दिनानिमित मोफत नेत्र तपासणी शिबीर संपन्न झाले . कसबा पेठेतील सावतामाळी भवनमधील साभागृहात झालेल्या या नेत्र तपासणी शिबिराचे उदघाटन प्रसिध्द नेत्रविशारद डॉ परिक्षित गोगटे यांच्या हस्ते करण्यात आले . यावेळी  कॉसमॉस बँकेच्या कसबा पेठ शाखेच्या व्यवस्थापिका प्रमिला लांडे , उपव्यवस्थापक किशोरी बडदे , सावतामाळी भवनचे व्यवस्थापक संतोष रासकर , भूषण मोडक , सुधाकर शिंदे , मंजुषा दलाल , अश्विनी चव्हाण , धनंजय देशपांडे , तुळशीराम खळदकर , सुनिल ढोलेपाटील आदी मान्यवर उपस्थित होते .

  यावेळी नेत्र तज्ञ डॉ. मिनाज इनामदार , डॉ. जोसेफ एलिझाबेथ आदींनी नेत्र तपासणी केली . दोनशे जणांनी  नेत्र तपासणीचा लाभ घेतला . यावेळी बँकेचे खातेदार , नागरिकांची नेत्र तपासणी करण्यात आली .

पुष्परचना कार्यशाळेस महिलांचा उत्स्फूर्त प्रतिसाद

पुणे: फुले, पाने, छोट्या डहाळया आदींच्या सहाय्याने केलेली आकर्षक

पुष्परचना पद्धत ‘इकेबाना’ च्या पुष्परचनाशास्त्राच्या प्रमाणित प्रशिक्षक सरोज

जोशी यांनी  ‘ज्योती कुलकर्णी रिसर्च फाउंडेशन’ तर्फे आयोजित कार्यशाळेमध्ये

महिलांना शिकविले. यामध्ये ग्लेडीओला, जर्बेरा, एस्टर, ऑर्किड ही फुले व तसेच काही

पानांचा उपयोग करून घरगुती पद्धतीने किती आकर्षक पुष्परचना करता येईल हे

शिकविण्यात आले.

पिन होल्डर, फ्लोरल फोम, जाळी तसेच कॉफीचा मग, उभा फ्लॉवर पॉट, पसरट

काचेचे भांडे या घरगुती सामग्रीं वापरून तांत्रिकपद्धतीने त्याचा उपयोग

पुष्परचनेसाठी कसा करता येतो हे या कार्यशाळेमध्ये शिकविले. तसेच पाणी हे

फुलांचे जीवन असल्याचेही या कार्यशाळेत सांगण्यात आले. ‘इकेबाना’ ही जपानी

पुष्परचना पद्धत गेल्या ६०० वर्षांपासून प्रचलित आहे तसेच ती निसर्गाच्या अत्यंत

जवळ आहे असे प्रशिक्षक सरोज जोशी यांनी त्यावेळी सांगितले. यापद्धतीमध्ये

फुलांच्या रंगसंगतीचा तसेच पानांचा अधिक उपयोग कसा गेला जाऊ शकतो हेच

महत्वाचे असते आणि पुष्परचना ही कला आपल्याकडे जपान आणि युरोप मधून

आली.असेही यावेळी त्या म्हणाल्या.

“सध्या सणासुदीच्या दिवसांमध्ये फुलांची आवक चांगली असते. तसेच महिलांना

शास्त्रीय पद्धतीने शिकविण्यात आलेल्या पुष्परचनेचा नक्कीच फायदा होईल”, असे

मत ‘ज्योती कुलकर्णी रिसर्च फाउंडेशन’च्या विश्वस्त अश्विनी देशपांडे यांनी व्यक्त

केले.

‘ज्योती कुलकर्णी रिसर्च फाउंडेशन’ हे महिलांना स्वावलंबी बनविण्यासाठी सतत

कार्यरत असते. तसेच या फाउंडेशन तर्फे महिलांना उपयोगी पडेल असे अनेक

कार्यक्रमांचे आयोजनही केले जाते.

पुणे-पंतप्रधान नरेंद्र मोदी यानी वृक्षरोपण व वृक्षसंवर्धानाचे आवाहन केले आहे,त्यास अनुसरुन पुणे महानगरपालिकेच्या इमारती असलेल्या सर्व 136 शाळानमधे वृक्षारोपणाचे कार्यक्रम घेणार असुन त्याची सुरुवात कोथरुड पासुन करत आहे असे शिक्षण मंड्ळ सदस्य सौ.मंजुश्री खर्डेकर यानी सांगितले

.मनपा च्या ज्या ज्या शाळान्मधे मैदाने आहेत व जेथे मोकळी जागा उपलब्ध आहे तेथे व्रुक्ष लागवड करण्यात येइल असे ही त्या म्हणाल्या.पौड फाट्यावरील पंडित दीनदयाळ उपाध्याय शाळेत व्रुक्षारोपणाच्या कार्यक्रमात त्या बोलत होत्या.सम्राट अशोक विध्यालया पाठोपाठ दीनदयाळ विध्यालयात आयोजित कार्यक्रमात विध्यार्थी,पालक व रिक्षेवाले काकांच्या हस्ते रोप लागवड करण्यात आली.मनपाच्या उधान विभागाचे कर्मचारी ही यावेळी उपस्थित होते.मोठ्या प्रमाणावर व्रुक्षांची कत्तल होत असल्याने पर्यावरणाची हानी होत असुन मुलानी व्रुक्ष लागवड व संवर्धनाचे महत्व समजुन घ्यावे व आज लावलेल्या रोपांची निगा राखावी असे ही सौ.खर्डेकर म्हणाल्या.यावेळी शाळेच्या मुख्याध्यापिका एलिझाबेथ काकडे,क्रीडा शिक्षक बहिरामे  सर,शाळा समिती च्या सदस्या सौ.गौरी करंजकर,राज तांबोळी,निलेश गरुडकर,भारत कदम,पोपट बालवडकर,सुधीर फाटक,सुमीत दिकोंडा,जयेश सरनौबत,रामदास गावडे,श्रीक्रुष्ण गोगावले,जगदीश देडगे व इतर मान्यवर व पालक मोठ्या संख्येने उपस्थित होते.

पुणे :- पुण्यातील पहिली भव्य टाऊन शिप म्हणून ओळखल्या

जाणार्‍या डीएसके विश्वच्या  मेघमल्हार या प्रकल्पाच्या  फेज -२

मधील सदनिकाधारकांचा सत्कार सोहळा मोठ्या उत्साहात पार

पडला.  यावेळी गृहप्रकल्प निर्मितीत सहकार्य लाभलेल्या तसेच

मेघमल्हार येथील सर्व सदनिकाधारकांचा सत्कार तुळशीचे रोप आणि

भेटवस्तू देऊन करण्यात आला. सोबतच ‘मल्हार धून’ या संगीत

कार्यक्रमाचे आयोजन करण्यात आले होते

यावेळी  डी. एस. के समूहाचे अध्यक्ष डी. एस. कुलकर्णी , सौ. हेमंती

कुलकर्णी,  ब्रिगेडियर शर्मा, भाग्यश्री कुलकर्णी, अमित कुलकर्णी व

प्रसिद्ध मुलाखतकार राजेश दामले आदी उपस्थित होते.

६००० उंबऱ्याचे मॉडर्न गाव म्हणून प्रसिद्ध असणाऱ्या डीएसके विश्व

मधील ‘मेघमल्हार या प्रकल्पाच्या फेज २’  बद्दल  अधिक माहिती

देताना सौ. कुलकर्णी म्हणाल्या, सिंहगड रस्ता परिसरातील निसर्गाच्या

सानिध्यात असणारा, सुप्रसिद्ध आर्किटेक हाफिज कॉट्रॅक्टर यांच्या

डिझाईन मधून साकारलेला हा दर्जेदार गृहप्रकल्प आहे. सर्व सोयी-

सुविधांनी परिपूर्ण अशा ह्या प्रकल्पामध्ये खास स्पॅनिश वास्तुशैलीचा

उपयोग करून घरांची रचना करण्यात आली आहे. सव्वा लाख स्क्वेअर

फुटाचे पोडीयम गार्डन, लहान मुलांना खेळण्यासाठी प्रशस्त आणि

ऐसपैस जागा, कम्युनिटी हॉल, जिमनेशियम, कार्यक्रम अथवा

समारंभासाठी प्रशस्त पार्टी लॉन यांसारख्या सुखसोयी खास

ग्राहकांसाठी आम्ही येथे उपलब्ध करून दिल्या आहेत. शिवाय एका

उत्तम गृहप्रकल्पासाठी लागणार्‍या स्केटिंग रिंग,  बास्केट बॉल कोर्ट,

सिटीझन प्लाझा, हर्बल गार्डन आदि अत्याधुनिक सुखसोयी देखील येथे

आहेत. १, २ व ३ बी एच के आणि रो हाउसेस या प्रकल्पात आहेत.

रोजच्या जगण्यासाठी जे काही लागते ते सर्व एकाच ठिकाणी उपलब्ध

करून द्यायचे या हेतूने आम्ही डीएसके विश्व या महाराष्ट्रातील पहिल्या

भव्य टाऊनशिपची उभारणी केली असल्याची भावनाही  त्यांनी

यावेळी बोलून दाखवली.

या कार्यक्रमाचे सूत्रसंचालन राजेश दामले यांनी केले.