मंगळवारी दुपारी जम्मू आणि काश्मीरमधील पहलगाम येथे झालेल्या दहशतवादी हल्ल्यात २७ जणांचा मृत्यू झाला. पहलगामच्या बैसरन व्हॅलीमध्ये मंगळवारी दुपारी २.४५ वाजता झालेल्या या हल्ल्यात २० हून अधिक लोक जखमी झाले.लष्कर-ए-तैयबाची शाखा द रेझिस्टन्स फ्रंट (TRF) ने या हल्ल्याची जबाबदारी स्वीकारली आहे. दरम्यान, पाकिस्तानचे संरक्षण मंत्री ख्वाजा आसिफ म्हणाले की, या हल्ल्यात आमचा कोणताही हात नाही.मीडिया रिपोर्ट्समध्ये असे म्हटले जात आहे की पर्यटकांवर गोळीबार करण्यापूर्वी दहशतवाद्यांनी त्यांची नावे विचारली आणि त्यांना कलमा म्हणायला लावला. त्यापैकी एक उत्तर प्रदेशातील शुभम द्विवेदी होता, ज्याला त्याचे नाव विचारल्यानंतर दहशतवाद्यांनी डोक्यात गोळी मारली. मृतांमध्ये उत्तर प्रदेश, गुजरात, महाराष्ट्र, कर्नाटक, तामिळनाडू आणि ओडिशातील पर्यटकांचा समावेश आहे. नेपाळ आणि युएईमधील प्रत्येकी एक पर्यटक आणि दोन स्थानिक नागरिकांचाही मृत्यू झाला.हल्ल्यानंतर देशातील इतर शहरांमध्ये हाय अलर्ट जारी करण्यात आला आहे. केंद्रीय गृहमंत्री अमित शहा यांनी श्रीनगरमध्ये पहलगाम हल्ल्यात मृत्युमुखी पडलेल्यांना श्रद्धांजली वाहिली. ते आता बेअर्सन व्हॅलीमध्ये पोहोचले आहेत. पंतप्रधान नरेंद्र मोदी बुधवारी सकाळी सौदी अरेबियाच्या दोन दिवसांच्या दौऱ्यावरून भारतात परतले. ते सुरक्षाविषयक कॅबिनेट समितीची बैठक घेतील.१४ फेब्रुवारी २०१९ रोजी पुलवामा हल्ल्यानंतर जम्मू आणि काश्मीरमधील हा सर्वात मोठा हल्ला आहे. पुलवामामध्ये सीआरपीएफच्या ताफ्यावर आत्मघातकी हल्ला झाला होता, ज्यामध्ये ४० जवान शहीद झाले होते. जैश-ए-मोहम्मदने याची जबाबदारी घेतली होती.

पहलगाम हल्ल्याची जबाबदारी टीआरएफ म्हणजेच ‘द रेझिस्टन्स फ्रंट’ ने घेतली आहे. जी पाकिस्तानस्थित दहशतवादी संघटना लष्कर-ए-तैयबाची एक आघाडी आहे. जम्मू आणि काश्मीरमधील लष्कर आणि टीआरएफच्या दहशतवादी कारवायांमागे दहशतवादी
हाफिज सईदच्या खूप जवळचा
सैफुल्ला खालिद या हल्ल्यांचा सूत्रधार असल्याचे म्हटले जात आहे.
लष्कर-ए-तैयबाचा उपप्रमुख सैफुल्ला खालिद हा सैफुल्ला कसुरी या नावानेही ओळखला जातो. तो भारताचा सर्वात मोठा शत्रू हाफिज सईदच्या खूप जवळचा आहे. भारतातील अनेक मोठ्या दहशतवादी हल्ल्यांमध्ये त्याचे नाव घेतले गेले आहे. तो नेहमीच आलिशान गाड्यांमधून प्रवास करतो. लष्कराचे दहशतवादी नेहमीच त्याच्या संरक्षणासाठी अत्याधुनिक शस्त्रांनी सज्ज असतात. पाकिस्तानमधील त्याचा प्रभाव एवढा आहे कि त्याठिकाणचे लष्करी अधिकारीही त्याच्यावर पुष्पवृष्टी करतात. तो पाकिस्तानी सैन्याच्या सैनिकांना भडकवण्याचे काम करते.

ताज्या दहशतवादी हल्ल्याच्या फक्त दोन महिने आधी, सैफुल्ला खालिद पाकिस्तानातील पंजाबमधील कंगनपूर याठिकाणी पोहोचला होता, जिथे पाकिस्तानी सैन्याची एक मोठी बटालियन आहे. तिथे पाकिस्तानी सैन्याचे कर्नल जाहिद जरीन खट्टक यांनी त्यांना जिहादी भाषण देण्यासाठी आमंत्रित केले होते. तो त्याठिकाणी पोहोचल्यानंतर कर्नलने स्वतः त्याच्यावर फुले उधळली. यानंतर, त्यांनी पाकिस्तानी सैन्याला भारताविरुद्ध जोरदार चिथावणी दिली. त्याने असेही म्हटले की “जितके जास्त भारतीय सैनिक ते मारतील तितके जास्त अल्लाह त्यांना बक्षीस देईल.”

पाकिस्तानातील खैबर पख्तूनख्वा याठिकाणी झालेल्या बैठकीत त्याने भारताविरुद्ध विष ओकले होते. त्यावर लिहिले होते, “मी वचन देतो की आज २ फेब्रुवारी २०२५ आहे.” २ फेब्रुवारी २०२६ पर्यंत आम्ही काश्मीर काबीज करण्याचा पूर्ण प्रयत्न करू. येणाऱ्या काळात आमचे मुजाहिदीन त्यांचे हल्ले तीव्र करतील. आम्हाला आशा आहे की २ फेब्रुवारी २०२६ पर्यंत काश्मीर मुक्त होईल.” ही बैठक आयएसआय आणि पाकिस्तानी लष्कराने संयुक्तपणे आयोजित केली होती. त्याचे ऐकण्यासाठी मोठ्या संख्येने सशस्त्र दहशतवादी जमले होते.

एका गुप्तचर अहवालानुसार, गेल्या वर्षी शेकडो पाकिस्तानी मुलांनी अबोटाबादच्या जंगलात आयोजित केलेल्या दहशतवादी छावणीत भाग घेतला होता. हे लष्कर-ए-तैयबाच्या राजकीय शाखा पीएमएमएल आणि एसएमएलने आयोजित केले होते. यामध्ये सैफुल्लाह कसुरी देखील उपस्थित होता. त्याने या छावणीतील मुलांना दहशतवादी हल्ल्यांसाठी निवडले होते, ज्यांना नंतर लक्ष्य हत्या करण्याचे प्रशिक्षण देण्यात आले. इथेही सैफुल्लाहने भारताविरुद्ध भडकाऊ भाषण देऊन तिथे उपस्थित असलेल्या मुलांना भडकवले होते.

या मुलांना दहशतवादी प्रशिक्षण दिल्यानंतर, पाकिस्तानी सैन्याच्या मदतीने त्यांना सीमेपलीकडून घुसखोरी करण्यास भाग पाडले जात असल्याचेही समोर आले. ५ ऑगस्ट २०१९ रोजी संविधानात सुधारणा करून जम्मू आणि काश्मीरमधून कलम ३७० आणि ३५ अ रद्द करण्यात आले. यानंतर, आयएसआयने पाकिस्तानस्थित दहशतवादी संघटना लष्कर-ए-तैयबा आणि जैश-ए-मोहम्मद यांना कव्हर करण्यासाठी टीआरएफ म्हणजेच ‘द रेझिस्टन्स फ्रंट’ ची स्थापना केली. पाकिस्तानी सैन्य या दहशतवादी संघटनेला मदत करते. लष्कराच्या निधीच्या माध्यमांचा वापर केला जातो.

गृह मंत्रालयाने राज्यसभेत असेही सांगितले होते की, “द रेझिस्टन्स फ्रंट (टीआरएफ) ही लष्कर-ए-तैयबा या दहशतवादी संघटनेची एक आघाडी संघटना आहे.” टीआरएफ २०१९ मध्ये अस्तित्वात आला. तेव्हापासून ते जम्मू आणि काश्मीरमध्ये सतत दहशतवादी हल्ले करत आहे. टीआरएफचे ‘हिट स्क्वॉड’ आणि ‘फाल्कन स्क्वॉड’ येत्या काळात काश्मीरमध्ये मोठे आव्हान निर्माण करू शकतात. या दहशतवादी मॉड्यूलला लक्ष्य हत्या करण्याचे आणि जंगलात आणि उंच भागात लपण्याचे प्रशिक्षण देण्यात आले आहे.

दहशतवाद्यांच्या भीतीने आम्ही तंबूत शिरलो. त्यांनी माझे ५४ वर्षीय वडील संतोष यांना बाहेर बोलावून कुराणातील ओळी (कलमा) म्हणण्यास सांगितले. त्यांनी जेव्हा म्हटल्या नाहीत तेव्हा त्यांना डोक्यात, पाठीत व कानात गोळ्या घातल्या असे २६ वर्षीय आसावरी जगदाळे यांनीPTI या वृत्तसंस्थेला हल्ल्याच्या वेळचा अनुभव सांगितला.तसेच तुम्ही मोदींना पाठिंबा देता असे सांगत गोळ्या झाडल्याचे त्यांनी नमूद केले.

पुण्यातील उद्याोजक संतोष जगदाळे यांच्या कुटुंबाला या घटनेने धक्का बसला. वडील जमिनीवर कोसळल्यावर त्यांच्या शेजारी असलेल्या काकांनाही गोळ्या घातल्या. आम्ही पाच जण होतो. आसावरी या मनुष्यबळ विकास संसाधन क्षेत्रात कार्यरत आहेत. स्थानिक पोलिसांप्रमाणे हल्लेखोरांचा वेश होता. संरक्षणासाठी आम्ही शेजारच्या तंबूत गेल्याचे आसावरी यांनी नमूद केले. आमच्याप्रमाणे सहा ते सात पर्यटक देखील पडून राहिले. आम्हाला सुरुवातीला दहशतवादी व सुरक्षारक्षक यांच्यात ही चकमक सुरू आहे असे वाटले. दहशतवाद्यांच्या गटाने सुरुवातीला शेजारच्या तंबूत येत गोळीबार केला. त्यानंतर आमच्या तंबूकडे येत माझ्या वडिलांना चौधरी तू बाहर आ जा असे दरडावल्याचे आसावरी यांनी सांगितले. पंतप्रधान नरेंद्र मोदी यांना पाठिंबा देत असल्याबद्दल शेरेबाजी केली. पाठोपाठ काश्मिरी दहशतवादी निरपराध महिला व मुलांना ठार नाहीत असा दावा केला. नंतर माझ्या वडिलांना कुराणातील ओळी (कलमा) म्हणण्यास सांगितले. त्यात अपयश आल्यावर तीन गोळ्या त्यांच्यावर झाडल्या. अनेक पुरुषांना त्यांनी गोळ्या घातल्या. तेथे मदतीसाठी कोणीही नव्हते. पोलीस किंवा लष्कराचे जवान २० मिनिटांनी आल्याचे आसावरी यांनी सांगितले.

ज्या व्यक्ती आम्हाला तेथे घेऊन गेल्या त्यांनी आम्हाला परतण्यास मदत केली. आमची वैद्याकीय तपासणी करण्यात आली. आम्हाला पहेलगाम क्लब येथे हलविण्यात आले. दुपारी साडेतीन वाजता हल्ला झाला. मात्र पाच तासांनंतर माझे वडील किंवा काकांबद्दल काहीही माहिती देण्यात आली नाही, असे आसावरी यांनी सांगितले.पनवेल येथील निसर्ग ट्रॅव्हल्स कंपनीच्या माध्यमातून ३९ पर्यटकांचा एक चमू पहेलगाम येथील दहशतवाद्यांच्या गोळीबारात सापडला. यात नवीन पनवेल येथे राहणारे दिलीप देसले यांचा मृत्यू झाल्याची माहिती पोलिसांनी दिली. तसेच सुबोध पाटील आणि त्यांच्या पत्नी माणिक हे दाम्पत्यदेखील जखमी झाले आहे. माणिक यांची प्रकृती खालावल्याने त्यांना श्रीनगर येथील रुग्णालयात दाखल करण्यात आले आहे.

काश्मीरचे विभागीय आयुक्त विजयकुमार बिदरी यांनी सांगितले कि,’, महाराष्ट्रातील दोन पर्यटकाचा मृत्यू झाला असून, त्यात दिलीप डिसले, अतुल मोने असे दोघे आहेत. स्थानिक प्रशासनाने दिलेल्या माहितीनुसार, या दहशतवादी हल्ल्यात महाराष्ट्रातील 2 जण जखमी झाले आहेत. त्यातील एक माणिक पटेल हे पनवेलचे आहेत. एस. भालचंद्रराव हे दुसरे जखमी आहेत. सुदैवाने दोघांचीही प्रकृती स्थिर आहे.

नवी दिल्ली- मंगळवारी जम्मू आणि काश्मीरमधील पहलगाम येथे झालेल्या दहशतवादी हल्ल्यात कर्नाटकातील शिवमोगा जिल्ह्यातील एका ४७ वर्षीय व्यक्तीचा मृत्यू झाला. मंजुनाथ राव असे या पीडितेचे नाव आहे. ते त्यांची पत्नी पल्लवी आणि त्यांचा मुलगा अभिजेय यांच्यासोबत कुटुंबासह सुट्टीवर गेले होते. मंजूनाथ यांची पत्नी पल्लवी यांनी या दहशतवादी हल्ल्याचा थरकाप उडवणारा प्रसंग कथन केला. आम्ही तिघे म्हणजे मी, पती आणि आमचा मुलगा तिघेही काश्मीर फिरायला गेलो होतो. साधारण दुपारचे दीड वाजले असतील. आम्ही त्यावेळी पहलगाममध्ये होतो. अचानक एका गटानं गोळ्या झाडायला सुरुवात केली. माझ्या नवरा माझ्या डोळ्यांसमोर मरण पावला. हे सगळं माझ्यासाठी दुस्वप्न आहे, असं पल्लवी यांनी सांगितलं.….पल्लवी यांनी सांगितलं.
हल्ल्यानंतर काही स्थानिक माझ्या मदतीसाठी धावले. तीन जणांनी मला वाचवलं, असंही पल्लवी यांनी सांगितलं. पल्लवी यांच्या म्हणण्यानुसार, हल्लेखोर हे हिंदूंना टार्गेट करत असल्याचे त्यांच्या बोलण्यावरून दिसत होते. तीन ते चार जणांनी आमच्यावर हल्ला केला. माझ्या पतीची गोळ्या झाडून हत्या केली. माझ्या डोळ्यांदेखत त्यांनी जीव सोडला. तुम्ही माझ्या नवऱ्याला आधीच मारलं आहे. मलाही मारून टाका, असं मी त्यांना सांगितलं. त्यावर आम्ही तुला मारू शकत नाही. जा, जाऊन मोदींना सांग, असं त्यातील एक हल्लेखोर म्हणाला.

अनंतनाग जिल्ह्यातील बैसरन व्हॅली परिसरात हा हल्ला झाला, जिथे दहशतवाद्यांनी पर्यटकांवर गोळीबार केला, ज्यामध्ये अनेक जण जखमी झाले आणि अनेक जणांचा मृत्यू झाला.कर्नाटक पोलिस जम्मू आणि काश्मीर पोलिसांच्या संपर्कात आहेत
दुपारी ३ वाजण्याच्या सुमारास पहलगाममधील बैसरन व्हॅलीतील डोंगरावरून दहशतवादी खाली आले आणि त्यांनी पर्यटकांवर गोळीबार सुरू केला, जे या ठिकाणी वारंवार येतात, कारण हिरव्यागार कुरणांमुळे ते ‘मिनी स्वित्झर्लंड’ म्हणून ओळखले जाते.या हल्ल्याला प्रत्युत्तर म्हणून, भारतीय लष्कराच्या व्हिक्टर फोर्ससह सुरक्षा दलांनी परिसरात शोध मोहीम सुरू केली आहे.

अमित शाह श्रीनगरला आहेत,दरम्यान, पहलगाम येथे पर्यटकांवर झालेल्या दहशतवादी हल्ल्याच्या पार्श्वभूमीवर जम्मू आणि काश्मीरमधील परिस्थितीचा आढावा घेण्यासाठी केंद्रीय गृहमंत्री अमित शाह श्रीनगरला रवाना झाले आहेत. पंतप्रधान नरेंद्र मोदी यांनी त्यांच्याशी बोलून केंद्रशासित प्रदेशाला भेट देण्यास सांगितल्यानंतर लगेचच शाह खोऱ्यात रवाना झाले.
शाह यांनीही या हल्ल्याचा निषेध केला आणि ‘एक्स’ वरील एका पोस्टमध्ये म्हटले आहे की त्यांनी पंतप्रधानांना या घटनेची माहिती दिली आहे आणि व्हिडिओ कॉन्फरन्सिंगद्वारे संबंधित अधिकाऱ्यांशी बैठक घेतली आहे.मृतांचा आकडा अद्याप निश्चित केला जात आहे, असे जम्मू आणि काश्मीरचे मुख्यमंत्री ओमर अब्दुल्ला यांनी सांगितले, तर दहशतवादी हल्ला “अलिकडच्या वर्षांत नागरिकांवर केलेल्या कोणत्याही हल्ल्यापेक्षा खूप मोठा” असल्याचे वर्णन केले.अमेरिकेचे उपाध्यक्ष जेडी व्हान्स भारत दौऱ्यावर असताना हा हल्ला दुपारी ३ वाजताच्या सुमारास झाला, असे अधिकाऱ्यांनी सांगितले. फेब्रुवारी २०१९ मध्ये पुलवामा येथे झालेल्या आत्मघाती हल्ल्यात ४७ सीआरपीएफ जवान शहीद झाल्यानंतर काश्मीरमधील हा सर्वात मोठा दहशतवादी हल्ला असू शकतो.

नवी दिल्ली-

जम्मू काश्मीरमधील पहलगाम येथील दहशतवाद्यांनी केलेल्या हल्ल्यात महाराष्ट्रातील दोन पर्यटकांचा मृत्यू झाला आहे. तर कर्नाटकमधील जोडप्यातील पतीला त्याच्या पत्नीसमोरच गोळ्या घालण्यात आल्या.मात्र आता या हल्ल्या संदर्भात एक मोठी माहिती समोर आली आहे. या हल्ल्यामध्ये केंद्रीय गुप्तचर संघटना म्हणजे IB मध्ये काम करणाऱ्या एका अधिकाऱ्यालाही गोळ्या घालण्यात आल्या आहेत. हा अधिकारी मूळचा हैदराबादचा असून कुटुंबासमोरच त्याची हत्या करण्यात आली आहे.

गुप्तचर संघटनेत काम करणारा हैदराबादचा हा अधिकारी कुटुंबासोबत काश्मीरमध्ये गेला होता. त्यावेळी तो एक रील शूट करत होता. त्या दरम्यान त्याला गोळ्या घालण्यात आल्या. त्याच्या कुटुंबासमोरच दहशतवाद्यांनी त्याला गोळ्या घातल्या. यावेळी त्या अधिकाऱ्याची पत्नी आणि मुले समोर होती अशी माहिती आहे.

गेल्या काही दिवसात ते काश्मीरमध्ये कार्यरत होते. या दरम्यान ते पहेलगाममध्ये कुटुंबासोबत फिरायला गेले. त्याचवेळी त्याची हत्या करण्यात आली. पहलगाम दहशतवादी हल्ल्यामध्ये आतापर्यंत 28 जणांना आपला जीव गमवावा लागला आहे. त्यामध्ये दोन परदेशी नागरिकांचा समावेश आहे. कलम 370 हटवल्यानंतर हा एक मोठा हल्ला आहे. या हल्ल्याची जबाबदारी टीआरएफ संघटनेने जबाबदारी स्वीकारली आहे.

अनुपम खेर म्हणाले,’ दहशतवाद्यांना असा धडा शिकवायला हवा की पुढच्या सात जन्मात असे कृत्य करण्याचे त्यांचे धाडस होणार नाही

मुंबई- पहलगाम येथी पर्यटकांवर झालेल्या हल्ल्याची देशातूनच नव्हे तर विदेशातूनही गंभीर दखल घेतली जात असून अमेरिकेचे उपाध्यक्ष जेडी व्हॅन्स यांनी पहलगाम हल्ल्याचा निषेध केला आहे.
भारताच्या दौऱ्यावर असलेले अमेरिकेचे उपाध्यक्ष जेडी व्हॅन्स यांनी पहलगाम हल्ल्याचा निषेध केला. त्यांनी पोस्टमध्ये लिहिले- उषा (पत्नी) आणि मी भारतातील पहलगाम येथे झालेल्या विनाशकारी दहशतवादी हल्ल्यातील बळींबद्दल शोक व्यक्त करतो. गेल्या काही दिवसांपासून, या देशाचे आणि त्याच्या लोकांच्या सौंदर्याने आपण भारावून गेलो आहोत. या भयानक हल्ल्यात आमच्या संवेदना आणि प्रार्थना त्यांच्यासोबत आहेत.

काश्मीरच्या नेत्या मेहबूबा मुफ्ती यांनी उद्या काश्मीर बंदचे आवाहन केले आहे. मात्र यावेळी येथे असलेल्या पर्यटकांची गैरसोय होता कामा नये असेही त्यांनी म्हटले आहे. पर्यटकांवरील भयानक दहशतवादी हल्ल्याच्या निषेधार्थ जम्मूच्या चेंबर अँड बार असोसिएशनने उद्या संपूर्ण बंदचे आवाहन केले आहे. पहलगाममधील क्रूर हल्ल्यात मृत्युमुखी पडलेल्या निष्पाप जीवांच्या सन्मानार्थ या बंदला पाठिंबा देण्यासाठी मी सर्व काश्मिरींना एकजुटीने एकत्र येण्याचे आवाहन करतो.हा केवळ काही निवडक लोकांवर हल्ला नाही तर तो आपल्या सर्वांवर हल्ला आहे.आम्ही दुःख आणि संतापाच्या भावना व्यक्त करतो आणि निष्पापांच्या हत्याकांडाचा निषेध करण्यासाठी या बंदला जोरदार पाठिंबा देतो.

अभिनेता आणि PM नरेंद्र मोदी यांचे स्नेही अनुपम खेर

दहशतवाद्यांना असा धडा शिकवायला हवा की पुढच्या सात जन्मात असे कृत्य करण्याचे त्यांचे धाडस होणार नाही

आरएसएसने म्हटले— हा देशाच्या एकता आणि अखंडतेवर हल्ला
राष्ट्रीय स्वयंसेवक संघाने (आरएसएस) पहलगाम हिंसाचारावर शोक व्यक्त केला आहे. संघाने पोस्टमध्ये म्हटले आहे- जम्मू आणि काश्मीरमधील पहलगाम येथे पर्यटकांवर झालेला क्रूर दहशतवादी हल्ला अत्यंत निंदनीय आणि वेदनादायक आहे. या घटनेत मृत्युमुखी पडलेल्या सर्वांना आम्ही श्रद्धांजली अर्पण करतो आणि जखमींच्या लवकर बरे होण्यासाठी प्रार्थना करतो. हा हल्ला देशाच्या एकता आणि अखंडतेवर हल्ला करण्याचा प्रयत्न आहे. सर्व राजकीय पक्ष आणि संघटनांनी सर्व मतभेदांच्या पलीकडे जाऊन याचा निषेध केला पाहिजे. सरकारने सर्व पीडितांना आणि त्यांच्या कुटुंबियांना मदत करण्यासाठी आवश्यक व्यवस्था करावी. आणि या हल्ल्यासाठी जबाबदार असलेल्यांना शिक्षा करण्यासाठी सरकारने लवकरच योग्य ती पावले उचलावीत.

पंतप्रधान नरेंद्र मोदी-जम्मू आणि काश्मीरमधील पहलगाम येथे झालेल्या दहशतवादी हल्ल्याचा मी तीव्र निषेध करतो. ज्यांनी आपल्या प्रियजनांना गमावले आहे त्यांच्याप्रती मी संवेदना व्यक्त करतो. जखमी लवकरात लवकर बरे व्हावेत अशी मी प्रार्थना करतो. पीडितांना सर्वतोपरी मदत केली जात आहे. या घृणास्पद कृत्यामागील लोकांना न्याय मिळवून दिला जाईल… त्यांना सोडले जाणार नाही! त्यांचा दुष्ट अजेंडा कधीही यशस्वी होणार नाही. दहशतवादाविरुद्ध लढण्याचा आमचा निर्धार अढळ आहे आणि तो आणखी मजबूत होईल.

राहुल गांधी -जम्मू आणि काश्मीरमधील पहलगाम येथे झालेल्या भ्याड दहशतवादी हल्ल्यात पर्यटकांचा मृत्यू आणि अनेक जण जखमी झाल्याची बातमी अत्यंत निंदनीय आणि हृदयद्रावक आहे.
मी शोकाकुल कुटुंबांप्रती माझ्या मनःपूर्वक संवेदना व्यक्त करतो आणि जखमींच्या लवकर पुनर्प्राप्तीची आशा करतो.संपूर्ण देश दहशतवादाविरुद्ध एकजूट आहे. जम्मू आणि काश्मीरमध्ये परिस्थिती सामान्य असल्याचे पोकळ दावे करण्याऐवजी, सरकारने आता जबाबदारी घेतली पाहिजे आणि भविष्यात अशा क्रूर घटना घडू नयेत आणि निष्पाप भारतीयांना अशा प्रकारे आपले प्राण गमवावे लागू नयेत यासाठी ठोस पावले उचलली पाहिजेत.

पहलगाममध्ये झालेल्या भ्याड दहशतवादी हल्ल्ल्याचा मी तीव्र शब्दात निषेध करतो. जे लोक मृत्यूमुखी पडले, त्यांना भावपूर्ण श्रद्धांजली. त्यांच्या कुटुंबीयांच्या, आप्तस्वकियांच्या दु:खात आम्ही सहभागी आहोत. या घटनेत जे जखमी झाले, त्यांच्या प्रकृतीत लवकर सुधारणा व्हावी, अशी मी ईश्वरचरणी प्रार्थना करतो. जम्मू-काश्मीर प्रशासनातील वरिष्ठांच्या आम्ही संपर्कात आहोत. पहलगाम ज्यांच्या अखत्यारीत येते, ते काश्मीरचे विभागीय आयुक्त विजयकुमार बिदरी यांनाही फोन करुन माहिती घेतली. महाराष्ट्रातील दोन पर्यटकाचा मृत्यू झाला असून, त्यात दिलीप डिसले, अतुल मोने असे दोघे आहेत. स्थानिक प्रशासनाने दिलेल्या माहितीनुसार, या दहशतवादी हल्ल्यात महाराष्ट्रातील दोन जण जखमी झाले आहेत. त्यातील एक माणिक पटेल हे पनवेलचे आहेत. एस. भालचंद्रराव हे दुसरे जखमी आहेत. सुदैवाने दोघांचीही प्रकृती स्थिर आहे–देवेंद्र फडणवीस, मुख्यमंत्री

पहलगाम : जम्मू-काश्मीरच्या अति-पर्यटन स्थळांपैकी एक असलेल्या पहलगाममध्ये मंगळवारी दुपारी भीषण दहशतवादी हल्ला झाला. द रेसिस्टन्स फ्रंट (टीआरएफ) या दहशतवादी संघटनेने या हल्ल्याची जबाबदारी स्वीकारली आहे. या हल्ल्यात किमान २७ पेक्षा अधिक पर्यटकांचा मृत्यू झाल्याची माहिती समोर आली आहे. विशेष म्हणजे महाराष्ट्र आणि पुण्यातील पर्यटकांवर देखील हल्ला झाला असून पुण्यातील कर्वेनगरमधील दोन कुटुंबातील पुरुषांना गोळ्या चाटून गेल्या आहेत, त्यामुळे ते जखमी झाल्याचे वृत्त आहे . गनबोटे आणि जगदाळे कुटुंबाची माहिती समोर आली आहे. दरम्यान, पुणे आणि महाराष्ट्रातील पर्यटकांचे नातेवाईक प्रचंड काळजीत पडले असून आपापल्या कुटुंबियांशी संपर्क साधण्याचे आटोकाट प्रयत्न सुरू होते.

आसावरी जगदाळे, प्रगती जगदाळे, संतोष जगदाळे आणि कौस्तुभ गनबोटे, संगीता गनबोटे यांच्यावर हा हल्ला झाला आहे. ही कुटुंब मुळची बारामती तालुक्यातील असून सध्या पुण्यात कर्वेनगरमध्ये वेदान्त नगरीजवळ राहात असल्याची प्राथमिक माहिती मिळाली आहे. यातील संतोष आणि कौस्तुभ यातील एकाच्या अंगाला गोळ्या लागल्या आहेत. हल्ला दुपारी १२ वाजेच्या सुमारास ‘बैसारन’ नावाच्या हिरव्यागार कुरणाजवळ झाला. येथे देशाच्या विविध भागांतील पर्यटक फिरण्यासाठी आले होते. अचानक अज्ञात बंदूकधाऱ्यांनी पर्यटकांवर बेधुंद गोळीबार सुरू केला. आधी पर्यटकांना नाव आणि धर्म विचारण्यात आले. त्यानंतर त्यांना गोळ्या घालण्यात आल्याचे प्रत्यक्षदर्शी नागरिकांनी सांगितले. गोळ्यांच्या आवाजाने परिसरात एकच गोंधळ उडाला आणि लोकांनी पळापळ सुरू केली. जखमींना तात्काळ अनंतनाग व श्रीनगर येथील रुग्णालयात हलवण्यात आले असून त्यांच्यावर उपचार सुरू आहेत. सुरक्षा दलांनी परिसर सील करून शोधमोहीम सुरू केली आहे.मृतांमध्ये महाराष्ट्रातील पुणे आणि मुंबईमधील पर्यटक असल्याची प्राथमिक माहिती मिळाली असून काही पर्यटक गुजरातमधील सूरतमधील आहेत. तर, उर्वरित पर्यटक हरियाणा आणि दिल्ली येथून आले होते, असे यंत्रणांकडून सांगण्यात आले. जम्मू-काश्मीरचे उपराज्यपाल मनोज सिन्हा यांनी मृतांच्या कुटुंबीयांप्रती शोक व्यक्त केला आहे आणि जखमींना शक्य तेवढी वैद्यकीय मदत देण्याचे आदेश दिले आहेत. दरम्यान, केंद्रीय गृहमंत्री अमित शाह तातडीने जम्मू काश्मीरला रवाना झाले आहेत. सौदी अरेबियाच्या दौऱ्यावर असलेल्या पंतप्रधान नरेंद्र मोदी यांनी देखील शाह यांच्याशी फोनवर चर्चा करून तात्काळ पुढील कार्यवाही करण्याच्या सूचना दिल्या.

दरम्यान, बारामतीच्या खासदार सुप्रिया सुळे यांनी एक्सवर पोस्ट करीत ओमर अब्दुल्ला यांना याविषयी आवश्यक असलेली सर्वतोपरी मदत करण्याचे आवाहन केले. तसेच, जगदाळे आणि गणबोटे कुटुंबावर हल्ला झाल्याची माहिती दिली.

टीआरएफ ही लष्कर-ए-तोयबाची संलग्न दहशतवादी संघटना असून गेल्या काही वर्षांत या संघटनेने अनेक नागरिकांवर आणि बाहेरून आलेल्या कामगारांवर हल्ले केले आहेत. धर्माच्या आधारे पर्यटकांवर थेट हल्ला होणे ही अत्यंत गंभीर बाब मानली जात आहे आणि यामुळे पर्यटन व्यवसायाला मोठा धक्का बसण्याची शक्यता आहे.

दहशतवाद्यांनी केलेल्या भ्याड हल्ल्याचा निषेध करतो. जगदाळे आणि गनबोटे कुटुंबाच्या मी संपर्कात आहे. यासोबतच महाराष्ट्रातील पर्यटकांच्या सुरक्षेच्या आणि मदतीच्या अनुषंगाने आमचे प्रयत्न सुरू आहेत. कौस्तुभ यांच्या मुलीशी माझा संपर्क झाला आहे. त्यांना आवश्यक असलेली वैद्यकीय व अन्य मदत, उपचार दिले जात आहेत. या मुलीसमोरच तिच्या वडिलांना गोळ्या घालण्यात आल्या आहेत. मदतकार्य युद्ध पातळीवर सुरू आहे. पंतप्रधान नरेंद्र मोदी यांनी देखील कडक शब्दांत याची निंदा केली आहे. आवश्यक ती सर्व कडक कारवाई केली जाणार आहे. गृहमंत्री अमित शाह तातडीने काश्मीरमध्ये रवाना झाले आहेत. महाराष्ट्रातील पर्यटकांसाठी आम्ही काळजीने सर्व गोष्टी करीत आहोत.

• मुरलीधर मोहोळ, केंद्रीय सहकार आणि नागरी विमान वाहतूक राज्यमंत्री

मुख्यमंत्री ओमर अब्दुल्ला-पहलगाम येथे पर्यटकांवर झालेल्या भयानक दहशतवादी हल्ल्याबद्दल मुख्यमंत्री ओमर अब्दुल्ला यांनी तीव्र दुःख आणि दुःख व्यक्त केले आहे.
या हल्ल्याला “घृणास्पद” असे वर्णन करून, मुख्यमंत्र्यांनी म्हटले आहे की निष्पाप पर्यटकांना लक्ष्य करणे हे क्रूरता आणि अमानुषतेचे कृत्य आहे.”आमच्या पर्यटकांवर झालेला हा हल्ला घृणास्पद आहे. या हल्ल्याचे गुन्हेगार प्राणी आहेत – अमानवी आणि तिरस्कारास पात्र आहेत. निषेधाचे कोणतेही शब्द पुरेसे नाहीत,” असे मुख्यमंत्री यांनी एका कडक शब्दात म्हटले आहे.
मुख्यमंत्री ओमर अब्दुल्ला यांनी हल्ल्यात मृत्युमुखी पडलेल्यांच्या कुटुंबियांना सहानुभूती व्यक्त केली आणि जखमींच्या जलद पुनर्प्राप्तीसाठी प्रार्थना केली.मुख्यमंत्री वरिष्ठ अधिकाऱ्यांशी सतत संपर्कात आहेत आणि आरोग्यमंत्री सकिना इटू यांच्याशी बोलले आहेत, ज्या जखमींवर उपचार आणि व्यवस्थेचे निरीक्षण करण्यासाठी तात्काळ रुग्णालयात दाखल झाल्या आहेत.
त्यांनी पुढे जाहीर केले की ते परिस्थितीचे वैयक्तिकरित्या निरीक्षण करण्यासाठी आणि पीडितांना आणि त्यांच्या कुटुंबियांना सर्व शक्य ती मदत मिळावी यासाठी तात्काळ श्रीनगरला परतणार आहेत.”मी माझ्या सहकाऱ्याशी बोललो आहे
@sakinaitooआणि ती जखमींच्या व्यवस्थेची देखरेख करण्यासाठी रुग्णालयात गेली आहे. मी ताबडतोब श्रीनगरला परत जाईन,” असे ते म्हणाले.तसेच, केंद्रीय गृहमंत्री अमित शहा यांनी पहलगाम पर्यटन रिसॉर्टमधील दुःखद घटनेबद्दल मुख्यमंत्री ओमर अब्दुल्ला यांच्याशी फोनवर बोलले.

पोलिसांच्या वेशात दहशतवादी.
नवी दिल्ली : जम्मू काश्मीरच्या पहलगाममध्ये दहशवाद्यांनी (Terrorist) पर्यटकांवर अंधाधुंद गोळीबार केला. दहशतवाद्यांच्या या हल्ल्यात 27 पर्यटकांना आपला जीव गमवावा लागल्याची शक्यता वर्तवण्यात येत आहे. येथे शस्त्रधारी दोन ते तीन दहशतवाद्यांनी पर्यटकांच्या एका ग्रुपवर भ्याड हल्ला केला. त्यामध्ये, अनेक पर्यटकांचा जीव गेला असून काही गंभीर जखमी देखील झाले आहेत. दहशतवाद्यांनी 40 राऊंड फायर केल्याचे सांगण्यात येते. या हल्ल्यानंतर पंतप्रधान नरेंद्र मोदी आणि गृहमंत्री यांच्याच फोनवरुन बोलणे झाले. त्यानंतर, गृहमंत्री अमित शाह (Amit Shah) तातडीने श्रीनगरकडे रवाना झाले आहेत.२०१९ च्या पुलवामा हल्ल्यानंतर जम्मू आणि काश्मीरमधील हा सर्वात मोठा दहशतवादी हल्ला आहे. मंगळवारी दहशतवाद्यांनी पर्यटकांवर गोळीबार केला, ज्यामध्ये २६ जणांचा मृत्यू झाला. मृतांमध्ये एक इटालियन आणि एक इस्रायली पर्यटक आणि दोन स्थानिक नागरिकांचा समावेश आहे. उर्वरित पर्यटक गुजरात, महाराष्ट्र, कर्नाटक, तामिळनाडू आणि ओडिशातील आहेत.

जम्मू आणि काश्मीरच्या पहलगाम येथे पर्यटकांवर झालेल्या दहशतवादी हल्ल्याने आपण व्यथित झालो आहोत. मृतांच्या कुटुंबियांप्रती माझ्या सहवेदना आहेत. या भ्याड दहशतवादी हल्ल्यातील दहशतवाद्यांना सोडणार नाही, त्यांच्यावर कठोरात कठोर कारवाई करू, असा इशाराच गृहमंत्री अमित शाह यांनी ट्विटरवरुन दिला आहे. तसेच, पंतप्रधान नरेंद्र मोदींना देखील त्यांनी या घटनेची माहिती दिली. त्यानंतर, संबंधित अधिकाऱ्यांसोबत व्हिडिओ कॉन्फरन्सिंगद्वारे बैठक घेतली असून श्रीनगरला गेल्यावर सर्व सुरक्षा एजन्सींसोबत तातडीची सुरक्षा आढावा बैठक घेण्यात येणार आहे. त्यासाठी, आपण श्रीनगरला रवाना होत असल्याचेही अमित शाह यांनी ट्विटरवरुन सांगितले. दरम्यान, अमित शाह दिल्लीतून श्रीनगरला रवाना झाले आहेत.

जखमींची नावे १. विनो भट्ट, गुजरात २. एस बालचंद्रू, महाराष्ट्र ३. अभिजवन राव, कर्नाटक ४. संतरू, तामिळनाडू ५. साहसी कुमारी, ओडिशा ६. डॉ. परमेश्वर ७. माणिक पाटील ८. रिनो पांडे

पहलगाममध्ये पोलिसांच्या वेषात आलेल्या दहशतवाद्यांनी पर्यटकांना आपला निशाणा बनवला. पर्यटकांची नावे विचारून त्यांच्यावर गोळीबार करण्यात आला. या वेळी एक नवविवाहित जोडपेदखील दहशतवाद्यांच्या हल्लातून सुटले नाही. या जोडप्यातील पुरुषाला आधी त्याचा धर्म विचारला आणि मग त्याला गोळ्या घालण्यात आल्याचं त्याच्या पत्नीने सांगितलं. ही महिला आपल्या पतीला वाचवण्यासाठी लोकांना आवाहन करत होती. पण त्याचा काही उपयोग झाला नाही. शेवटी खिन्न मनाने ती मृत पतीच्या शेजारी बसली.

जम्मू-काश्मीरच्या पहलगाममध्ये झालेल्या दहशतवादी हल्ल्यात महाराष्ट्रातील पर्यटकांवर देखील मोठं संकट ओढवलं आहे. एकूण जखमी पर्यटकांमध्ये महाराष्ट्रातील चार पर्यटकांचा समावेश आहे. माणिक पाटील आणि एस भालचंद्र अशी दोघांची नाव समोर आली आहेत. दहशतवादी हल्ल्यात आतापर्यंत 27 जणांचा मृत्यू झाल्याची माहिती समोर आली आहे. मृतांचा हा आकडा आणखी वाढण्याची शक्यता आहे
पोलिसांकडून काश्मीरमधील पर्यटकांसाठी 24 तास मदत सेवा उपलब्ध करुन देण्यात आली आहे. अनंतनाग येथील पोलीस कंट्रोल रुममधून ही सेवा पुरविण्यात आली असून व्हॉट्सअप आणि टेलिफोन नंबरही जारी करण्यात आले आहेत. पर्यटकांनी खालील नंबरवर संपर्क साधण्याचे आवाहन करण्यात आले आहे.
मो – 9596777669
01932225870
व्हॉट्सअप – 9419051940

काश्मीर मधील नागरिकांनी या हल्ल्याचा तीव्र शब्दात निषेध केला असून हा भ्याड हल्ला असल्याचे म्हटले आहे. आम्ही प्रथम हिंदुस्थानी नंतर काश्मिरी असल्याचे त्यांनी म्हटले आहे आणि हल्लेखोरांना तातडीने पकडण्यात यावे असे सांगून कॅण्डल मार्च काढून हल्ल्यात बळी पद्लेलेया पर्यटकांना श्रद्धांजली वाहिली , कोणताही काश्मिरी नागरिक या हाल्लेखोरांना मदत करणार नाही असेही म्हटले आहे.