पुणे: जिल्हा प्रशासनातर्फे क्रांतिसिंह नाना पाटील यांना जयंतीनिमित्त अभिवादन करण्यात आले. जिल्हाधिकारी कार्यालयाच्या परिसरात झालेल्या या कार्यक्रमात, सामान्य प्रशासन विभागाच्या  उपायुक्त कविता द्विवेदी यांनी क्रांतिसिंह नाना पाटील यांच्या प्रतिमेस पुष्पहार अर्पण करून अभिवादन केले.

यावेळी, महसूल शाखेचे उपजिल्हाधिकारी प्रताप जाधव, तहसिलदार मीनल मिरजकर,तसेच विभागीय आयुक्त कार्यालय,जिल्हाधिकारी कार्यालय व जिल्हा माहिती कार्यालयातील अधिकारी, कर्मचारी मोठ्या संख्येने उपस्थित होते.

पुणे- केंद्र आणि राज्य शासनाच्या धोरणानुसार आता पुणे महापालिकेत देखील मूल दत्तक घेणाऱ्या महिला कर्मचाऱ्यांना 6 महिने ते 1 वर्षापर्यंत पगारी रजा देण्याचा निर्णय पालिकेतील महिला बाल  कल्याण समिती घेणार असून त्या दृष्टीने तशा हालचालींना प्रारंभ झाला आहे . मात्र या संदर्भातील पालिका प्रशासनाकडून करवून घेण्यात आलेल्या प्रस्तावात  एखाद्या पुरुष कर्मचाऱ्यास मुल दत्तक घेताना कोणत्याही प्रकारची सुट्टी रजा देण्याची तरतूद ठेवण्यात आलेली नाही .किंवा दांपत्याने मूल  दत्तक घेतल्यास पित्याला रजेची कोणतीही तरतूद ठेवण्यात आलेली नाही . त्यामुळे 50 टक्के आरक्षण घेवून पुढे मार्गाक्रमण करणाऱ्या महिला ‘मातृदेवोभव ..हि उक्ती जाणून असल्या तरी त्यासोबत जोडली जाणारी ‘पितृदेवोभाव’ या वाक्याशिवाय हि उक्ती पूर्ण  होऊ शकत नाही . हे स्मरणात ठेवणार कि नाही हे याच आठवड्यात स्पष्ट होणार आहे .
आई ची महती मोठीच आहे .पण म्हणून पित्याच्या प्रेमाकडेही दुर्लक्षून चालणार नाही .याची जाणीव महिला बळ कल्याण समितीने ठेऊनच या प्रकरणी आप्लुअपुधे आलेला प्रस्ताव मान्य करावा अशी मागणी होत आहे .
या प्रकरणाची हकीकत अशी कि , महिला बाल कल्याण समितीच्या अध्यक्षा असलेल्या राणी भोसले या नवनवीन प्रकल्प राबविण्यास प्रचंड उत्साही आहेत. त्यासाठी त्यांनी बड्या बड्या कल्पना काही त्यांना बडी मंडळी भासणाऱ्या बड्या व्यक्तींकडून घेण्यास सुरुवात केली आहे. एकीकडे पंतप्रधान नरेंद्र मोदी हे देशभर सातत्याने स्वच्छता अभियान राबविण्यासाठी विविध क्लुप्त्या अवलंबत असताना , पुण्यात मात्र कुठेही नवीन मुताऱ्या,स्वच्छतागृहे बांधण्यात अग्रेसर रहाण्याऐवजी आहे ती पाडण्याचेच मनसुबे रचले जात आहेत .यात लक्ष घालून यश मिळत नाही असे दिसल्यावर अध्यक्ष महोदया यांनी त्यांच्याकडे  आलेल्या कल्पनेनुसार प्रशासनाला हा दत्तक पुत्र घेणाऱ्या महिलांना पगारी रजा देणारा प्रस्ताव तयार करण्याच्या सूचना दिल्या . आणि प्रशासनाने तसा प्रस्ताव हि तयार केला .
अर्थात केंद्र आणि राज्य सरकारी कर्मचाऱ्यांना दिल्या  जाणाऱ्या सुविधांप्रमाणेच हा प्रस्ताव आहे असे सांगितले जात असले तरी यात काही बदल आहेत. या प्रस्तावाला शासनाचे जीआर देखील जोडले आहेत . या प्रस्तावानुसार ज्यांना 2 हून कमी अपत्य आहे अशा पालिकेतील महिला कर्मचाऱ्याने दत्तक मूल(1 महिना वयाच्या आतील )घेतल्यास तिला 1 वर्षाची पगारी रजा देण्यात येईल .7 महिन्यापर्यंत चे मुल दत्तक घेतल्यास 6 महिने तर त्यापुढे  १०  महिन्यापर्यंतच्या  वयाचे मुल दत्तक घेतल्यास 3 महिन्याची पगारी रजा देण्यात येईल .असा हा प्रस्ताव आहे .
शासन निर्णय मात्र याहून वेगळा आहे . मुळात यासाठी जो निर्णय मार्च २०१७ ला घेण्यात आला त्यास शासन निर्णय २६ ऑक्टोबर १९९८ चा संदर्भ देवून घेण्यात आला आहे .1 वर्षांच्या आतील वयाचे आतील्वयाचे मुल घेतल्यास सहा महिने आणि त्याहून मोठे मुल 3 वर्षापर्यंत चे दत्तक घेतले तर 3 महिने रजा देण्यात यावी असा शासन निर्णय राज्यसरकारी महिला कर्मचाऱ्याना लागू झालेला आहे .
निर्णय महिला वर्गासाठी आणि एकंदरीतच येथे नौकरी करणाऱ्या महिलांसाठी चांगला आहे. मात्र याकडे पाहताना स्त्री पुरुष समानता आणि आई चे प्रेम वात्सल्य..आणि  पित्याचे देखील प्रेम वात्सल्य अशा दृष्टीकोनातून पाहिला तर हा निर्णय एकांगी ठरतो .आणि पितृत्वावर अन्यायकारक आहे . असे वाटल्याखेरीज रहात नाही . त्यामुळे महिला बाल  कल्याण समितीच्या अध्यक्षांनी पितृत्वाचा सन्मान होईल पितृत्वाला  देखील न्याय मिळेल अशा पद्धतीनेच हा प्रस्ताव मान्य करावा अशी मागणी  होते आहे .

प्रती,

पुणे : “तुमचा संकल्प, तुमचे लक्ष्य तुम्हाला स्वत:लाच पूर्ण करावे लागते. त्यासाठी दुसरा कोणी येणार नाही. आपल्या दुखर्‍या बाजू आपल्याला आपल्या ध्येयापासून विचलित करतात. तसे व्हावयाचे नसेल तर त्यासाठी अधात्माचा आधार घावा. अधात्म्य आपल्याला अहिंसा शिकविते पण शेवटी अहिंसेसाठी देखील क्रांतीचीच गरज असते.” असे मत हरीद्वार येथील पतंजली योगपीठाचे सहसंस्थापक आणि पतंजली आयुर्वेद लि.चे व्यवस्थापकीय संचालक आचार्य बालकृष्ण यांनी काढले. डॉ. विश्‍वनाथ कराड एमआयटी वर्ल्ड पीस युनिव्हर्सिटी तर्फे विद्यार्थ्यांसाठी आयोजित करण्यात आलेल्या विशेष कार्यक्रमात ते बोलत होते.
यावेळी डॉ. विश्‍वनाथ कराड एमआयटी वर्ल्ड पीस युनिव्हर्सिटीचे अध्यक्ष प्रा. डॉ. विश्‍वनाथ दा. कराड, विद्यापीठाचे कार्याध्यक्ष प्रा. राहुल विश्‍वनाथ कराड, कुलगूरू डॉ. जय गोरे, पतंजली योगपीठाचे ज्येष्ठ कार्यकारिणी सदस्य रामकुमार राठी, हरीद्वार येथील पतंजली योगपीठाच्या कार्यकारिणीचे सदस्य व औद्योगिक विषयांचे मुख्य केंद्रीय समन्वयक हरिभाई शाह, आघाडीचे स्थापत्य विशारद पद्मभूषण हाफीज कॉन्ट्रॅक्टर, प्रा.डी.पी. आपटे हे उपस्थित होते.
आचार्य बालकृष्ण म्हणाले, “आपला देश हे प्रतिभासंपन्न राष्ट्र आहे. मात्र येथे विकृती असणारेही लोक आहेत. शेवटी आपणच ठरवायचे की आपण कशाचा स्वीकार करायचा. आपले जीवन हे एका इमारतीसारखे असते. या इमारतीमध्ये अडचणरूपी किंवा विकृतीरुपी एखादी वीट असते जी तुमची संपूर्ण इमारत ढासळण्यासाठी कारणीभूत होऊ शकते. त्यामुळे आपल्या आयुष्यात अशा विटा राहणार नाहीत याची काळजी घ्या. ”
“दान करणे ही आपली संस्कृती आहे. मात्र पाश्‍चात्यांचे अनुकरण करून आपणही मला काय मिळणार, अशी धारणा करून घेतली आहे. स्व-सामर्थ्याच्या जोरावर आपण समाजाला काहीतरी देण्यासाठी झटले पाहिजे. जगाच्या उन्नतीसाठी आपण प्रयत्न करणे गरजेचे आहे. प्रतिकूलतेचा सामना करण्यासाठी सहनशीलता, धैर्य हे गुण आवश्यक आहेत मात्र हे गुण कोणत्याही पाठ्यपुस्तकात शिकविले जात नाहीत. त्यासाठी अध्यात्माचाच आधार घ्यावा लागतो.”
प्रा. डॉ. विश्‍वनाथ दा. कराड म्हणाले, “विज्ञान आणि अध्यात्म यांच्या समन्वयानेच विश्‍वशांती नांदेल हे स्वामी विवेकानंदांचे वचन शिरोधार्य मानून मूल्याधिष्ठित वैश्‍विक शिक्षणपद्धतीची जगाला गरज आहे.”
प्रा. राहुल विश्‍वनाथ कराड यांनी प्रास्ताविक केले. प्रा. गौतम बापट यांनी सूत्रसंचलन केले. प्रा. डी.पी. आपटे यांनी आभार मानले.
जनसंपर्क विभाग,
माईर्स एमआयटी, पुणे.

पुणे-‘सूर्यदत्ता एज्युकेशन फाऊंडेशन’चे संस्थापक व अध्यक्ष डॉ. प्रा. संजयजी चोरडिया व उपाध्यक्ष तथा सचिव सौ. सुषमाजी चोरडिया यांच्या नेतृत्वाखाली वाटचाल करणाऱ्या ‘बन्सी-रत्न चॅरिटेबल ट्रस्ट’च्या वतीने ‘आदर्श माता-पिता राष्ट्रीय पुरस्कार २०१७’ सोहळा  पुण्यातील महावीर प्रतिष्ठान येथे संपन्न झाला. याप्रसंगी श्री. दीपचंदजी पारख व सौ. सुदर्शनाजी पारख यांना कार्यक्रमाचे अध्यक्ष ‘अँटी इंडिया अँटी टेररिस्ट फ्रंट’चे (एआयएटीएफ) अध्यक्ष श्री. एम. एस. बिट्टाजी यांच्या हस्ते ‘बन्सी-रत्न चॅरिटेबल ट्रस्ट आदर्श माता-पिता राष्ट्रीय पुरस्कार २०१७’ देऊन गौरवण्यात आले.कार्यक्रमाचे प्रमुख वक्ते व पुण्यातील विपश्यना सेंटरचे अध्यक्ष डॉ. दत्ता कोहीनकर यांनी प्रेक्षकांना जीवनावश्यक मूल्यांबाबत मार्गदर्शन केले आणि पूर्वजांनी जपलेल्या संस्कारांचे अवलोकन करण्याची विनंती केली.

श्री. दीपचंदजी पारख नामवंत उद्योजक म्हणून प्रसिद्ध आहेत. सामाजिक कार्यकर्ते आणि आदर्श व्यक्तीमत्व ही त्यांची अजुन एक ओळख आहे. त्यांनी आपल्या कारकीर्दीचा प्रवास खेडेगावातील एका लहानशा किराणा माल दुकानापासून सुरु केला आणि आज ते देशातील नावाजलेल्या उद्योजकांपैकी एक आहेत. प्रामाणिकपणा, ग्राहकांचे समाधान होईपर्यंत सेवा देण्याचा सकारात्मक दृष्टीकोन दूरदृष्टी, सामाजिक संवेदनशीलता आदी गुणांच्या जोरावर त्यांनी उद्योजकतेच्या वाटेवरील प्रवास सफल करुन दाखवला.

दीपचंदजींना संसारात तितकीच समर्थ साथ पत्नी सौ. सुदर्शनाजी पारख यांनी दिली. सौ. सुदर्शनाजींच्या आदर्श तत्त्वांची प्रतिमा दीपचंदजींच्या जीवनातही जाणवल्यावाचून राहात नाही. अतिशय निःस्वार्थी व प्रेमळ साथ सौ. सुदर्शनाजी यांनी केवळ दीपचंदजींनाच नव्हे, तर संपूर्ण कुटूंबाला दिली आहे.

पुरस्कार स्वीकारल्यानंतर मनोगत व्यक्त करताना दीपचंदजी पारख म्हणाले, “नामवंत शिक्षण संस्थेकडून मला मिळालेला हा पहिला पुरस्कार आहे. मी डॉ. संजयजी चोरडिया व त्यांच्या कुटूंबियांचे आभार मानतो आणि आपणा सर्वांचा ऋणी राहून यापुढेही समाजसेवेत सतत कार्यरत राहण्याची ग्वाही देतो.”

दीपचंदजी व सौ. सुदर्शनाजी यांच्या स्नुषा सौ. राजश्री पारख यांनी याप्रसंगी मनोगत व्यक्त करुन उभयतांबद्दलचे प्रेम, आदर, प्रेरणा व जिव्हाळा व्यक्त केला.

याप्रसंगी डॉ. प्रा. संजयजी चोरडिया म्हणाले, “कै. श्री. बन्सीलालजी चोरडिया आणि कै. सौ. रतनबाईजी चोरडिया यांनी पालक म्हणून खऱ्या अर्थाने माझ्या आयुष्यात प्रेरणा जागृत केली. माझे वडील अतिशय शिस्तप्रिय, सामाजिक जाणीव असलेले, प्रसिद्ध शिक्षणतज्ज्ञ व आदर्श पिता होते. आई-वडिलांच्या आठवणीप्रीत्यर्थ व त्यांना आदरांजली म्हणून दरवर्षी आदर्श माता-पिता राष्ट्रीय पुरस्कार देऊन गौरवण्याचे आम्ही ठरवले. या पुरस्काराच्या माध्यमातून गौरवलेल्या आदर्श माता-पित्यांमध्ये मी माझ्या आई-वडिलांची प्रतिमा बघतो.”

कार्यक्रमाला विविध क्षेत्रांतील व्यक्ती, शिक्षण, उद्योग व सामाजिक क्षेत्रातील मान्यवर, विद्यार्थी, पालक, पुरस्कारार्थींचे नातेवाईक, मित्रपरिवार मोठ्या संख्येने उपस्थित होते. सर्वांनी कार्यक्रमाला मनापासून शुभेच्छा दिल्या.