पुणे, दि. १५ –  भारतीय स्वातंत्र्याच्या वर्धापना दिनानिमित्त पालकमंत्री तथा अन्न व नागरी पुरवठा मंत्री गिरीश बापट यांच्याहस्ते आज विधान भवनाच्या प्रांगणात उत्साहपूर्ण वातावरणात ध्वजवंदन झाले. विधान भवन परिसरात सकाळी नऊ वाजून पाच मिनिटांनी ध्वजवंदनाचा शानदार समारंभ पार पडला.

पालकमंत्री गिरीश बापट यांचे सकाळी नऊ वाजता विधानभवन येथे आगमन झाले. विभागीय आयुक्त चंद्रकांत दळवी यांनी त्यांचे स्वागत केले. त्यांनतर पालकमंत्र्यांच्याहस्ते ध्वजारोहण करण्यात आले. ध्वजवंदनानंतर पालकमंत्री गिरीश बापट यांनी उपस्थित स्वातंत्र्यसैनिक, प्रशासकीय अधिकारी आणि नागरिकांना शुभेच्छा दिल्या.

यावेळी ज्येष्ठ स्वातंत्र्य सैनिकांसह महापौर मुक्ता टिळक, खासदार अनिल शिरोळे, खासदार अमर साबळे, आमदार भिमराव तापकीर, आमदार माधुरी मिसाळ, आमदार शरद रणपिसे, आमदार जयदेव गायकवाड, पोलीस आयुक्त रश्मी शुक्ला, जिल्हाधिकारी सौरभ राव,अतिरिक्त जिल्हाधिकारी रमेश काळे, निवासी उपजिल्हाधिकारी राजेंद्र मुठे, पदाधिकारी, नागरिक, पत्रकार मोठया संख्येने उपस्थित होते.

पुणे-शेतकऱ्यांना सरसकट कर्जमाफी द्यावी, या मागणीसाठी पुण्यात मंगळवारी सुकाणू समितीच्या कार्यकर्त्यांनी आंदोलन केले. पालकमंत्र्यांना ध्वजारोहण करु देणार नाही, असा पवित्रा कार्यकर्त्यांनी घेतला होता. बाबा आढाव यांच्या नेतृत्वाखाली पुणे जिल्हा शेतकरी संघटनेच्या सुकाणू समितीचे कार्यकर्ते सकाळी रस्त्यावर उतरले. पुणे स्टेशन येथील साधू वासवानी चौकात सरकार विरोधात जोरदार घोषणाबाजी करण्यात आली. अनुचित प्रकार टाळण्यासाठी बाबा आढाव यांच्यासह अन्य कार्यकर्त्यांना पोलिसांनी ताब्यात घेतले.

विधान भवनात पालकमंत्री गिरीश बापट यांच्याहस्ते ध्वजारोहण करण्यापेक्षा एखाद्या शेतकरी किंवा शहीद जवानाच्या कुटुंबीयांच्या हस्ते ध्वजारोहण करण्यात यावे, अशी मागणी सुकाणू समितीच्या कार्यकर्त्यांनी केली. यावेळी बाबा आढाव म्हणाले की, शेतकयांना न्याय देण्यात हे सरकार अपयशी ठरले असून आज स्वातंत्र्य दिनी या अपयशी सरकारमधील कोणत्याही मंत्र्यांनी ध्वजारोहण करता कामा नये, अशी मागणी केली. तसेच शेतकऱ्यांच्या मागण्या मान्य होत नाहीत. तोपर्यंत हा लढा चालू राहणार असल्याचा इशाराही त्यांनी यावेळी दिला.

पुणे पोलीस, ग्रामीण व लोहमार्ग पोलीस दल तसेच कारागृहातील 13 अधिकारी व कर्मचा-यांना गुणवत्तापूर्ण सेवेबद्दल राष्ट्रपती पोलीस पदक जाहीर झाले आहे. 

पदक जाहीर झालेल्या पोलिसांची नावे व पद

बाळशीराम गणपथ गायकर (पोलीस उपायुक्त, मुख्यालय एक, पुणे शहर), विवेक वसंत मुगळीकर (वरिष्ठ पोलीस निरीक्षक, पिंपरी),  कैलास शंकर मोहोळ (सहाय्यक फौजदार, सिंहगड पोलीस ठाणे), राजकुमार दौलत माने (सहाय्यक फौजदार, मोटार परिवहन विभाग, पुणे शहर), सुरेश रामचंद्र जगताप (सहाय्यक फौजदार, वाहतूक शाखा), चंद्रकांत किसन रघतवान (सहाय्यक फौजदार, वारजे पोलीस ठाणे), प्रकाश केशव लंघे (पोलीस हवालदार, कोरेगाव पार्क), पुणे ग्रामीण पोलीस दलातील सर्जेराव बाजीराव पाटील (पोलीस निरीक्षक, लोणीकंद पोलीस ठाणे), राज्य राखीव पोलीस बल गट क्रमांक एक व दोनमधील प्रकाश पांडुरंग नाईक (सहाय्यक फौजदार गट क्रमांक 1) व सदशिव प्रभु शिंदे (सहाय्यक फौजदार गट क्रमांक 2)

तर येरवडा खुले जिल्हा कारागृहात कार्यरत तुरुंग अधिकारी प्रकाश बाबुराव उकरंडे व कोल्हापूर मध्यवर्ती कारागृहाचे पोलीस हवालदार रमेश परशुराम धुमाळ यांना महाराष्ट्र कारागृह विभागातील गुणवत्ता सेवेबाबतचे सुधारसेवा पदक जाहीर झाले आहे.

पुणे- शिक्षण प्रसारक मंडळी च्या बाजीराव रस्त्यावरील नू. म. वि मुलांची शाळेस आज खासदार अनिल शिरोळे ह्यांच्या स्थानिक विकास निधीतून २० संगणक आणि २ प्रिंटर भेट देण्यात आले. तंत्रद्यानाच्या वापरातून संगणक साक्षरतेच्या मदतीने मुलांनी अधिकाधिक प्रगति करावी असे आवाहन शिरोळे ह्यांनी ह्या प्रसंगी बोलताना केले. ह्या कार्यक्रमास संस्थेच्या नियमक मंडळाचे उपाध्यक्ष श्रीकृष्ण चितळे, सदस्य रघुनाथ देसाई, पी पी कुलकर्णी, अशोक वझे, मुख्याध्यापिका संजीवनी ओमासे, धनंजय देशमुख, पालक प्रतिनिधी मच्छिंद्र सातव आदि उपस्थित होते.

पुणे-जय वैभव लक्ष्मी फाऊंडेशनच्यावतीने यंदाचा “ जय वैभव लक्ष्मी पुरस्कार “ पुण्यधाम आश्रमाच्या प्रमुख श्रीमती कृष्णा कश्यप (माताजी )याना महाराष्ट्रभूषण शिवशाहीर बाबासाहेब पुरंदरे यांच्याहस्ते देण्यात आला . या पुरस्कारांमध्ये स्मृतिचिन्ह , कोंढवा येथील पुण्यधाम आश्रमाच्या सभागृहात झालेल्या कार्यक्रमात नालंदा विद्यापीठाचे कुलगुरू पदमभूषण डॉ. विजय भटकर , जय वैभव लक्ष्मी फाऊंडेशनचचे अध्यक्ष उल्हासदादा पवार , उपाध्यक्ष ऍड. शशिकांत पागे , सचिव प्रा. व्ही. एस. अंकलकोटे पाटील , विश्वस्त श्रीमती आशा काळे , डॉ. स्वरूप एकलुरे , मिथुन गुरव , सौरभ व्ही. अंकलकोटे पाटील , माजी राज्यमंत्री बाळासाहेब शिवरकर नगरसेविका स्मिता वस्ते , नगरसेविका संगीता ठोसर , पुण्यधाम आश्रमचे विश्वस्त दीपक पायगुडे , घनश्याम झंवर , रमेश झंवर आदी मान्यवर उपस्थित होते .

यावेळी महाराष्ट्रभूषण शिवशाहीर बाबासाहेब पुरंदरे यांनी सांगितले कि , पुण्यधाम आश्रम हे माझे आजोळ आणि घर आहे . त्यांचा भगवान शिवजींचा आशीर्वाद आहे . माताजींचे प्रत्येक कार्यपणे पुण्यधाम आश्रमात सेवा करणारी देवता आहे . त्यांच्याकडून प्रत्येकाला काम करण्याची प्रेरणा मिळते . त्यांच्या कार्याला आपण सर्वजण वंदन करू या .

यावेळी पुण्यधाम आश्रमाच्या प्रमुख श्रीमती कृष्णा कश्यप (माताजी )यांनी सांगितले कि , जीवनात आपण खूप दुःख सहन केले त्या दुःखातून बाहेर पडण्यासाठी आपण या पुण्यधाम आश्रमाची स्थापना केली . विश्व जागृती मिशन ट्रस्टचे कार्य या आश्रमात सुरु केले . पाहता पाहता हा सामाजिक कार्याचा वटवृक्ष बहरू लागला . या माझ्या कार्याला सर्वानी प्रेम दिले . असेच काम करण्याची प्रेरणा आपल्याला ईश्वराकडून मिळो अशी त्यांनी इच्छा व्यक्त केली .

यावेळी नालंदा विद्यापीठाचे कुलगुरू पदमभूषण डॉ. विजय भटकर यांनी देखील पुण्यधाम आश्रमाच्या प्रमुख श्रीमती कृष्णा कश्यप (माताजी ) यांच्या कार्याचे कौतुक आपल्या मनोगतामध्ये व्यक्त केले .

या कार्यक्रमाचे प्रास्तविक आणि उपस्थितांचे स्वागत  जय वैभव लक्ष्मी फाऊंडेशनचचे अध्यक्ष उल्हासदादा पवार  यांनी केले तर सूत्रसंचालन मिलिंद कुलकर्णी यांनी केले तर आभार जय वैभव लक्ष्मी फाऊंडेशनचे सचिव प्रा. व्ही. एस. अंकलकोटे पाटील यांनी मानले . या कार्यक्रमाची वंदेमातरमने सांगता झाली .