पुणे-नवरात्र महोत्सवात पशूबळी न देण्याचा नाशिक येथील सप्तशृंगी देवस्थानने घेतलेला निर्णय स्वागतार्ह आहे. राज्यभरातील देवी-देवतांच्या उत्सवात होणारी पशुहत्या थांबविण्यासाठी सरकारने लवकरात लवकर कायदा करावा, अशी मागणी सर्व जीव मंगल प्रतिष्ठानचे संस्थापक अध्यक्ष डॉ. कल्याण गंगवाल यांनी पत्रकार परिषदेत केली. देवीसमोर पशुबळी देणे ही अंधश्रद्धा असून, त्यामुळे अनारोग्य, अस्वच्छता आणि दुर्घटना होण्याची शक्यता असते. त्यामुळे देवीभक्तानी अशा अनिष्ट रूढींना फाटा द्यावा, असे आवाहनही त्यांनी केले.

डॉ. कल्याण गंगवाल म्हणाले, “नवरात्र उत्सव अवघ्या काही दिवसांवर येऊन ठेपला आहे. या उत्सवात खंडेनवमीच्या दिवशी ‘अजबली’ देण्याची प्रथा आहे. मात्र, ही प्रथा अत्यंत चुकीची असून, या विरोधात सर्व जीव मंगल प्रतिष्ठान कायदा व प्रबोधन यामार्फत गेली 21 वर्षे लढा देत आहे. यामध्ये उस्मानाबाद जिल्ह्यातील तुळजापूर येथील तुळजाभवानी देवीसमोर अजबळी देण्याची प्रथा आहे. या प्रथेला कोणतेही धार्मिक अधिष्ठान नाही. ही अतिशय अमानुष पद्धतीने भौतिक-कौटुंबिक मानसिक गरज भागविण्यासाठी केलेल्या नवसपूर्तीच्या नावाखाली हजारो बोकडांचा बळी दिला जातो. परिसरात पडलेल्या मांसामुळे, रक्तामुळे मोठ्या प्रमाणात अस्वच्छता, अनारोग्य निर्माण होते. स्वच्छ भारत अभियानाला छेद देणारी ही प्रथा आहे. त्याचबरोबर अनेकदा यातून दुर्घटना होऊन निष्पाप लोकांचा बळी जातो. ही अधार्मिक आणि अवैज्ञानिक प्रथा आहे. त्यामुळे सरकारने अशा प्रथा बंद करण्यासाठी कायदा करावा. तसेच सप्तशृंगी देवस्थानचा आदर्श घेऊन देवस्थानांनी पुढाकार घेत या प्रथेला हद्दपार करावे ”

“पशुक्रुरता निवारण कायदा 1960’नुसार उघड्यावर पशुहत्या कायद्याने गुन्हा आहे. यासंदर्भात 1996 मध्ये मुंबई उच्च न्यायालयाने निर्णय देत पशुबळी संदर्भात भूमिका स्पष्ट करण्याचे आदेश दिले होते. मुंबई उच्च न्यायालय व औरंगाबाद खंडपीठात रिट पिटिशन दाखल आहेत. खंडपीठाने देवाच्या नावावर होणारी पशुहत्या बंद करण्यासाठी सरकारने योग्य पावले उचलावीत, असे आदेश दिले होते. मात्र, राजकीय स्वार्थापोटी सरकारकडून त्याकडे कानाडोळा केला जात आहे. गुजरात व आंध्रप्रदेश राज्यातही हा कायदा करण्यात आला आहे. पोलिसांकडून अशा घटनाना आळा घालण्याचे राज्य सरकारने आदेश दिले असतानाही सर्रासपणे ही प्रथा चालू आहे. काही ठिकाणी ही प्रथा बंद झाली असून, जनजागृती करण्यात मोठे यश येत आहे ” असे डॉ. गंगवाल यांनी नमूद केले.

डॉ. गंगवाल पुढे म्हणाले, “देवाची आणि नवस पूर्ण करण्याची भीती नागरिकांच्या मनात असल्याने कर्ज काढून अशा प्रथा पूर्ण केल्या जातात. त्यामुळे शेतकरी आणि ग्रामीण भागातील लोकांची पिळवणूक होते. राज्यभरातील विविध गावांतील छोट्या-मोठ्या देवस्थांनामध्ये दिले जाणारे हे बळी रोखण्यासाठी आणि अंधश्रद्धा निर्मूलन व पर्यावरण संवर्धनासाठी कायदा करावा, अशा मागणीचे निवेदन मुख्यमंत्री, जिल्हाधिकारी, पोलीस अधीक्षक, उच्च न्यायालयाकडे पाठविण्यात आले आहे ”

आईभक्तांनी अंधश्रद्धेला थारा देऊ नये

महाराष्ट्राचे कुलदैवत श्री तुळजाभवानी मातेच्या भक्तांनी खंडेनवमीला अजबळी देऊ नये. ही अंधश्रद्धा आहे. देवीला पुरण, नारळ, गोड नैवेद्य दाखवायला हवा. पशुधन ही राष्ट्रीय संपत्ती आहे. पक्षी-प्राण्यांवर प्रेम करण्याऐवजी त्यांचा बळी घेण्यात अजिबात पुण्य नाही. पशुबळींसाठी जमवलेले पैसे स्वतःच्या मुलांच्या शिक्षण आणि प्रगतीसाठी खर्च करा. त्यामुळे भक्तांनी येत्या खंडेनवमीला पशुबळी देऊ नये, असे आवाहनही डॉ. गंगवाल यांनी केले. यासंदर्भातील जनजागृती करणारी पत्रके तुळजापूर आणि परिसरात वाटली जाणार आहेत.

पुणे-जनसेवा प्रतिष्ठान ,घोरपडी ,  च्या वतीने दरवर्षी गणेउत्सव देखावा स्पर्धेचे आयोजन केले जाते या स्पर्धेत सहभागी सर्व मंडळांना सन्मान चिन्ह व प्रशस्तीक पत्रक प्रदान केले जाते तसेच विजेत्या मंडळांना पारितोषिके प्रदान केले जातात या वर्षी या स्पर्धेत सहभागी १५१ मंडळाचा सन्मान व १४ विजेत्या मंडळांना पारितोषिके प्रदान कार्यक्रम मान्यवरांच्या हस्ते पार पडलाप्रतिष्ठानच्या वतीने दरवर्षी पुण्यातील नामवंत गणेशोउत्सव मंडळांच्या अध्यक्षांना प्रमुख पाहुणे म्हणून आमंत्रित करण्यात येते तसेच विविध क्षेत्रातील अधिकारी व कलाकारानंच्या हस्ते पारितोषिके वितरण करण्यात येते या वर्षी मनाचा तिसरा गणपती गुरुजी तालीम मंडळाचे अध्यक्ष मा. प्रविण परदेशी यांच्या हस्ते पारितोषिके वितरण करण्यात आले यावेळी महाराष्ट्र महसूल कर्मचारी संघटनेचे अध्यक्ष श्री. लक्ष्मीकांत पाचारणे, पोलीस निरीक्षक श्री महेंद्र जगताप, नगरसेवक उमेश गायकवाड, नगरसेविका लताताई धायरकर, उद्योजक नानासाहेब अबनावें, उद्योजक राजेश पवार चीफ एकसुकेटीव्ह ऑफिसर श्री मोहन दुधाने, चित्रपट दिग्दर्शक सुवदन आंग्रे यांच्या हस्ते पारितोषिके वितरण करण्यात आले 

या मंडळांना पारितोषिके मान्यवरांच्या हस्ते प्रदान करण्यात आले या कार्यक्रमाचे प्रस्तावना सौ प्रिया खैरे यांनी केले परीक्षक म्हणून श्री संतोष टोणपे तर सूत्र संचालन उपेंद्र शितुत यांनी केले जनसेवा प्रतिष्टान चे अध्यक्ष व गणेशोउत्सव स्पर्धेचे आयोजक श्री रविंद्र खैरे यांनी आभार मानले

पारितोषिक विजेते मंडळे पुढील प्रमाणे 

सहभागी सर्व १५१ मंडळांना सन्मान चिन्ह व प्रशस्तीक पत्रक 

विद्युत रोषणाई – 

प्रथम क्रमांक – ओंसई मित्र मंडळ, 

दुतिय क्रमांक – गजराज मित्र मंडळ , 

तृतीय क्रमांक – संतोष मित्र मंडळ    

हालता देखावा – 

प्रथम क्रमांक – क्रांती मित्र मंडळ-घोरपडी , 

दुतिय क्रमांक – गोदावरी टेरेस मित्र मंडळ, 

तृतीय क्रमांक – प्रशांत मित्र मंडळ,

सुबक सुंदर गणेशमूर्ती – 

प्रथम क्रमांक – शिव मित्र मंडळ, 

दुतिय क्रमांक- क्रांती मित्र मंडळ -मुंढवा,

 तृतीय क्रमांक – उमेश मित्र मंडळ,

जनजागृती जनसेवा देखावा – 

प्रथम क्रमांक -श्रीमंत श्री, रंगविलास तरुण मित्र मंडळ – कोरेगाव पार्क, 

दुतिय क्रमांक – नटराज मित्र मंडळ, 

तृतीय क्रमांक – गणराज मित्र मंडळ जहांगीर नगर ,

आदर्श मंडळ – 

प्रथम क्रमांक – अखिल गणेशबाग मित्र मंडळ,

उत्कृष्ट ढोल ताशा पथक – 

प्रथम क्रमांक – एक दिल ढोल ताशा पथक मुंढवा 

पिंपरी / प्रतिनिधी:
मराठवाडा मुक्ती संग्राम दिन एकसंघ समिती आणि पिंपरी-चिंचवड महापालिकेच्या संयुक्त विद्यमाने मराठवाडा मुक्तीसंग्राम दिन मोठ्या उत्साहात साजरा करण्यात आला.
मराठवाडा मित्र मंडळ महाविद्यालय (एम.एम. कॉलेज), काळेवाडी येथे अच्युत हांगे यांच्या हस्ते ध्वजवंदन करण्यात आले. यावेळी हांगे यांनी मराठवाडा शौर्यगाथा कथन करीत उपस्थितांना मंत्रमुग्ध केले. त्यानंतर एम.एम.कॉलेज ते निगडीतील भक्तीशक्ती चौक दरम्यान भव्य मोटारसायकल रॅली काढण्यात आली. यामध्ये पिंपरी-चिंचवडस्थित मराठवाड्यातील नागरीक सहभागी झाले होते.

पुणे-शिवाजीराव भोसले सहकारी बँकेस स्वतःच्या जागा भाड्याने देऊन सहकार कायद्याचे उल्लंघन केल्याप्रकरणी राष्ट्रवादीचे आमदार अनिल भोसले आणि त्यांच्या पत्नी भाजपच्या नगरसेविका रेश्मा भोसले यांना बँकेच्या संचालक पदावरुन काढून टाकण्यात आले आहे. तसेच संचालक मंडळाचा पुढील पाच वर्षांच्या कालावधीची मुदत समाप्त होईपर्यंत कोणत्याही सहकारी संस्थेच्या संचालक पदाची निवडणूक लढवता येणार नसल्याचे सहकार आयुक्त डॉ. विजय झाडे यांनी दिलेल्या आदेशात नमूद केले आहे.

याबाबत सुधीर रामचंद्र आल्हाट (रा. शिवाजीनगर) यांनी सहकार आयुक्तांकड़े तक्रार दिली होती.अनिल भोसले हे राष्ट्रवादी कांग्रेस पक्षाचे विधान परिषदेचे आमदार आहेत, तर त्यांच्या पत्नी सौ. रेश्मा भोसले या भाजपाच्या पाठिंब्यावर पुणे महापालिकेत नगरसेविका म्हणून निवडून आल्या आहेत. भोसले यांनी शिवाजीराव भोसले सहकारी बँकेला आपल्या स्वतःच्या आणि आपल्या फर्मच्या मालकीच्या मिळकती भाड्याने दिल्या. यामुळे महाराष्ट्र सहकारी संस्था अधिनियम 1960 मधील कलम 78 (1) (ब) मधील महाराष्ट्र सहकारी संस्था नियम 57 (1) अ चे उल्लंघन केल्याचा ठपका ठेवत सहकार आयुक्तांनी त्यांचे संचालक पद रद्द केले आहे. सहकार कायद्यातील तरतुदीनुसार अशा प्रकारे संचालकांना संस्थेशी हितसंबंध निर्माण करणारा कोणताही करार करता येत नाही. तरीही भोसले यांनी विद्यानगर, कोथरुड, डेक्कन, विश्रांतवाडी आणि येथे तसेच बँकेच्या शिवाजीनगर मुख्यालयासाठी आपल्या जागा भाड्याने दिल्या. त्यामुळे त्यांच्यावर संचालकपद रदची कारवाई केली आहे. तसेच कोणत्याही सहकारी संस्थेत स्वीकृत सदस्यपदी किंवा नामनिर्देशित करण्यासही अपात्र ठरवण्यात आले आहे