खासदार काकडेंतर्फे ‘स्वच्छ भारत अभियानांतर्गत’ स्वच्छता मोहिमेचे आयोजन!

पुणे रेल्वे स्टेशन ते मालधक्का चौक व ससूनमध्ये केली स्वच्छता

राज्यमंत्री कांबळे, महापौर टिळक, खासदार शिरोळे, आमदार कुलकर्णी व काळे, 40 नगरसेवक व हजारो नागरिकांची उपस्थिती

पुणे, दि. 2 ऑक्टोबर :महापालिकेतील पदाधिकारी आणि खासदार काकडे यांचे काही तरी आहे वाकडे .. असे वाटण्याजोगी परिस्थिती या पूर्वी दिसून आलेली आहे . पण शेवटी दसऱ्याचा नाही तर महात्मा गांधी जयंतीचा च करिष्मा दिसला . खासदार संजय काकडे यांच्या समवेत चक्क महापौर ,सभागृहनेते आणि खासदार शिरोळे ,यांच्यासह आमदार मेधा कुलकर्णी,विजय काळे, आणि राज्यमंत्री कांबळे व सुमारे ४० नगरसेवक स्वच्छता अभियानाच्या निमित्ताने एकत्र दिसले . ‘स्वच्छ भारत, सुंदर भारत’चा नारा देत भाजपचे सहयोगी सदस्य व खासदार संजय काकडे यांनी आयोजित केलेल्या स्वच्छता मोहिमेला उदंड प्रतिसाद मिळाला. सामाजिक न्याय राज्यमंत्री दिलीप कांबळे यांच्यासह महापौर मुक्ता टिळक, खासदार अनिल शिरोळे, आमदार मेधा कुलकर्णी व विजय काळे यांच्यासह 40 नगरसेवक व हजारो कार्यकर्त्यांनी आज पुणे रेल्वे स्टेशन ते मालधक्का हा रस्ता व ससून रुग्णालयाच्या परिसरात स्वच्छता केली.

पंतप्रधान नरेंद्र मोदी यांच्या महत्त्वाकांक्षी स्वच्छ भारत अभियानानिमित्त आज महात्मा गांधी यांच्या जयंती दिनी पुणे रेल्वे स्टेशन येथील महात्मा गांधी यांच्या पुतळ्याला खासदार संजय काकडे व खासदार अनिल शिरोळे यांनी हार घातला व स्वच्छता मोहिमेला प्रारंभ झाला. रेल्वे स्टेशन ते मालधक्का चौकापर्यंतचा रस्ता आणि त्यानंतर ससून रुग्णालयातील परिसराची स्वच्छता यावेळी करण्यात आली. खासदार काकडे, खासदार शिरोळे, महापौर टिळक, आमदार कुलकर्णी, आमदार काळे आणि इतर मान्यवरांनी प्रत्यक्षात हातात झाडू घेऊन परिसरातील कचरा गोळा केला. राज्यमंत्री दिलीप कांबळे, सभागृह नेते श्रीनाथ भिमाले, 40 नगरसेवक व सुमारे 3 हजार नागरिकांनी स्वच्छता मोहिमेत सहभाग घेतला.

पंतप्रधान नरेंद्र मोदी यांनी स्वच्छ भारताचे स्वप्न पाहिले आहे. स्वच्छता ही आरोग्याशी निगडीत आहे. आपला परिसर स्वच्छ असेल तर आपले आरोग्यही सुदृढ राहणार आहे. म्हणून देश स्वच्छ झाला तर, संपूर्ण देशाचे आरोग्य सुदृढ होईल. पंतप्रधान मोदी यांचे स्वच्छ भारताचे स्वप्न वास्तवात आणण्यासाठी सारा देश एकवटला आहे. ही आनंदाची बाब आहे, असे सांगून पुण्याचा कचरा प्रश्नही लवकरच सुटेल, असा विश्वास खासदार संजय काकडे यांनी व्यक्त केला.

खासदार संजय काकडे यांनी स्वच्छता अभियानाचा उपक्रम राबविला आणि त्याला हजारो नागरिकांनी सहभागी होऊन पाठिंबा दिला. हा अत्यंत चांगला उपक्रम असून पुणे शहर हे स्वच्छतेच्या बाबतीत अग्रभागी राहील व पुण्याचा कचरा प्रश्नही सुटेल, असे महापौर मुक्ता टिळक यांनी सांगितले.

स्वच्छ भारत झाला तर, सुदृढ भारत बनेल. हे पंतप्रधान मोदी यांचे स्वप्न वास्तवात येईल. खासदार काकडे यांनी आयोजिलेल्या उपक्रमाला हजारोंच्या संख्येने लोक आले. त्यामुळे स्वच्छ भारताचे स्वप्न नक्कीच वास्तवात येईल असे वाटते, असे खासदार अनिल शिरोळे म्हणाले.

स्वच्छ भारत अभियानात नगरसेवक राजेंद्र शिळीमकर, प्रकाश ढोरे, शंकर पवार, बापु कर्णे गुरुजी, राहुल भंडारे, दिनेश धाडवे, धीरज घाटे, विष्णू हरिहर, मनीषा लडकत, मंगला मंत्री, कालिंदा पुंडे, राजाभाऊ लायगुडे, अमोल बालवडकर, किरण दगडे पाटील, विजय शेवाळे, दिलीप वेडेपाटील, प्रसन्न जगताप, जोत्स्ना एकबोटे, सरस्वती शेडगे, तुषार पाटील, हरिभाऊ चरवड, राजश्री काळे, नीता दांगट, राजश्री नवले, परशुराम वाडेकर, भरत वैरागे, हरिश परदेशी, ज्योती कळमकर, उमेश गायकवाड, अशोक लोखंडे, सुशील मेंगडे, चंद्रकांत चौधरी, रायबा भोसले, संतोष आरडे, अजय सावंत, धनराज घोगरे, सुनील कांबळे आदी सहभागी झाले होते.

महाराष्ट्र गांधी स्मारक निधी तर्फे  सलग ८ व्या  वर्षी आयोजित  ‘राष्ट्रपिता महात्मा गांधी’ सप्ताहाचे उद्घाटन   आंतरराष्ट्रीय भाषातज्ज्ञ,  दक्षिणायन सांस्कृतिक चळवळीचे प्रवर्तक प्रा. डॉ . गणेश देवी तसेच सर्वधर्मीय धर्मगुरूंच्या उपस्थितीत झाले. यावेळी डॉ गणेश देवी बोलत होते

पुणे – लोकशाहीर अण्णाभाऊ साठे समता परिषदेच्या वतीने दिला जाणारा यावर्षीचा गुरुवर्य पुरस्कार रामदासजी आठवले यांना माजी राष्ट्रपती प्रतिभाताई पाटील यांच्या हस्ते बालगंधर्व रंगमंदिर येथे प्रदान करण्यात आला .

बाबासाहेबांच्या विचारांचा वारसा पुढे नेणाऱ्यांपैकी रामदास आठवले आहेत, जे चमकले आणि टिकले.

हा पुरस्कार म्हणजे समाजातील प्रत्येक घटकांपर्यंत पोहोचणाऱ्या व्यक्तीचा गौरव असून, दलित आणि उपेक्षितांच्या प्रश्नांसाठी हक्काने लढणारा कार्यकर्ता ते सामाजिक न्याय मंत्री असा  रामदासजी आठवले यांचा प्रवास थक्क करणारा आहे, असे कौतुकोद्गार यावेळी श्रीमती प्रतिभाताई पाटील यांनी काढले.

आद्य क्रांतिकारक लहुजी साळवे यांच्या नावाने जो पुरस्कार रामदास आठवले यांना दिला जात आहे, त्यामागचा हेतू हा ते ज्या पद्धतीने अनेक वर्षांपासून  दलितांसाठी कार्य करत आहेत म्हणून  त्यांना प्रेरणा देणे हा आहे.वस्ताद लहुजी साळवे यांनी तालमीच्या  माध्यमातून मोठे कार्य केले आहे. तसेच स्वातंत्र्याची मागणी करत असताना समाजसुधारणेसाठीही कार्य केले आहे. मोठ्या उंचीच्या नेत्याच्या नावाने आठवले यांना हा पुरस्कार मिळत आहे हा खूप मोठा सन्मान आहे असे प्रतिपादन पालकमंत्री गिरीश बापट यांनी केले.

यावेळी राज्यमंत्री दिलीप कांबळे, उपमहापौर सिद्धार्थ धेंडे, नगरसेविका राजश्री काळे,स्वाती लोखंडे, जेष्ठ विचारवंत काकासाहेब खंबाळकर शिक्षणतज्ज्ञ एम. डी. शेवाळे,संयोजक हनुमंत साठे, महेंद्र कांबळे,शरद गायकवाड़, आदी मान्यवर उपस्थित होते.

पुणे- महापालिकेमार्फत हडपसरमधील रामटेकडी येथे नव्याने उभारण्यात येणाऱ्या कचरा प्रकल्पाला स्थानिक नागरिकांनी विरोध केला आहे. हा कचराडेपो रामटेकडी येथे होऊ नये या मागणीसाठी आज ससाणेनगर येथील रेल्वे गेटपासून कचरा प्रकल्पापर्यंत सर्वपक्षीय मोर्चा काढण्यात आला. या मोर्चामध्ये नागरिक मोठ्या संख्येने सहभागी झाले होते. यावेळी आमदार योगेश टिळेकर यांच्या कार्यालयाला कुलूप असल्याने , आंदोलनकर्त्यांनी आमदार योगेश टिळेकर यांच्या कार्यालयासमोर कचरा फेकून निषेध नोंदवला.आणि आमदारांच्या विरोधात घोषणा दिल्या. यावेळी पोलीस आणि आंदोलकांमध्ये वादावादी ,ढकलाढकली झाली .

पारंपरिक वेशभूषा परिधान करत अनेक विद्यार्थ्यांनीही मार्चात सहभाग घेतला होता. त्यामुळे ते नागरिकांचे लक्ष वेधून घेत घेत होते. मार्चेकऱ्यांकडून यावेळी सरकारविरोधात जोरदार घोषणाबाजी करण्यात आली. मोर्चामध्ये विरोधी पक्षनेते चेतन तुपे, खासदार शिवाजीराव आढळराव , माजी मंत्री बाळासाहेब शिवरकर  उपस्थित होते.

यावेळी चेतन तुपे म्हणाले, पुणे शहरातील कचरा उरुळी देवाची आणि फुरसुंगी येथे टाकला जातो. हा कचरा प्रकल्प बंद व्हावा यासाठी येथील ग्रामस्थ आजही लढा देत आहेत. त्यानंतरही आता पुन्हा याच भागात रामटेकडी येथे कचराप्रकल्प सरकार उभारणार असल्याने त्याला सर्वपक्षीयांचा विरोध राहणार आहे. आम्ही कोणत्याही परिस्थितीत कचरा प्रकल्प होऊ देणार नाही या भूमिकेवर ठाम राहणार आहे. अशाप्रकारे भूमिका घेऊन सरकार हडपसर येथील नागरिकांच्या आरोग्याशी खेळतअसल्याची टीकाही त्यांनी यावेळी केली.

यावेळी आढळराव पाटील म्हणाले की, हडपसर भागातील कचरा प्रकल्पाला आमचा विरोध असून हा प्रकल्प रद्द होण्यासाठी आज ज्या प्रकारे सर्वपक्षीय लोक रस्त्यावर उतरले आहेत, हा लढा असाच शेवटच्या क्षणापर्यंत सुरु राहणार आहे. या भागात कोणत्याही परिस्थितीत कचरा प्रकल्प होऊ देणार नाही.

भाजपचे नेते वगळता हडपसरमधील सर्व पक्षीय नेते आणि नागरिक या मोर्चामध्ये सहभागी झाले होते.

पुणे, 1 ऑक्टोबर 2017- महाराष्ट्र राज्य लॉन टेनिस संघटना(एमएसएलटीए) आणि पीएमडीटीए यांच्या संलग्नतेने आयोजित एमएसएलटीए-योनेक्स सनराईज पीएमडीटीए अखिल भारतीय मानांकन 12 वर्षाखालील चॅलेंज सिरीज स्पर्धेत मुलींच्या गटात चिन्मयी बागवे, अन्वेशा मूळगे यांनी तर, मुलांच्या गटात
प्रथमेश पाटील  यांनी मानांकित खेळाडूंवर विजय मिळवत उपांत्यपूर्व फेरीत प्रवेश केला.

श्री शिवछत्रपती क्रीडा संकुल, म्हाळुंगे-बालेवाडी क्रीडा संकुल येथे सुरु असलेल्या या स्पर्धेत मुलींच्या गटात उप-उपांत्यपूर्व फेरीत बिगरमानांकित चिन्मयी बागवे हिने तिसऱ्या मानांकित सलोनी डेचा 8-6 असा सनसनाटी पराभव केला. अन्वेशा मूळगेने अकराव्या मानांकित गौरी माणगांवकरचा  8-4 असा पराभव केला. अव्वल मानांकित सोहा पाटीलने सहाव्या मानांकित सानिका भोगाडेचा टायब्रेकमध्ये 8-7(6) असा संघर्षपूर्ण पराभव केला.

मुलांच्या गटात बाराव्या मानांकित प्रथमेश पाटीलने पाचव्या मानांकित जय पवारचा 8-4 असा पराभव करून अनपेक्षित निकाल नोंदविला. अव्वल मानांकित ऋषिकेश अय्यरने बाराव्या मानांकित ईशान देगंबरला 8-2 असे नमविले. सातव्या मानांकित आर्यन हूडने वेद पवारचा टायब्रेकमध्ये 8-7(5) असा पराभव केला. दुसऱ्या मानांकित
अर्णव पापरकरने आश्विन नरसिंघानीचा 8-1असा एकतर्फी पराभव करून उपांत्यपूर्व गाठली.

स्पर्धेचा सविस्तर निकाल: उप-उपांत्यपूर्व फेरी:
सोहा पाटील(1)वि.वि.सानिका भोगाडे 8-7(6);
अन्वेशा मूळगे वि.वि.गौरी माणगांवकर(11) 8-4;
चिन्मयी बागवे वि.वि.सलोनी डे(3) 8-6;
रुमा गायकवारी(5)वि.वि.माही खोरे 8-1;
कश्मिरा सुम्बरे(12)वि.वि.दानिका फर्नांडो 8-3;
स्वरा काटकर(4)वि.वि.संचिता नगरकर(14) 8-2;
अपर्णा पताईत वि.वि.ईशान्य हतनकर(6)8-3;
त्रिशा मिश्रा(2)वि.वि.पूर्वा भुजबळ 8-6

मुले:
ऋषिकेश अय्यर(1)वि.वि.ईशान देगंबर(15)8-2;
सुधांशू सावंत(10)वि.वि.अर्णव कोकणे 8-3;
सर्वेश झावर वि.वि.पार्थ देवरूखकर 8-4;
अनमोल नागपुरे(9)वि.वि.राधेय शहाणे(6)7-3सामना सोडून दिला;
प्रथमेश पाटील(12)वि.वि.जय पवार(5)8-4;
केवल किरपेकर(16)वि.वि.देवादित्य मखिजा 8-5;
आर्यन हूड(7)वि.वि.वेद पवार 8-7(5);
अर्णव पापरकर(2)वि.वि.आश्विन नरसिंघानी(16)8-1.

पुणे : एका वृद्ध निराधार महिलेला आसरा उपलब्ध करून देणाऱ्या प्रणव गंजीवाले याचा कसबा मतदार संघाच्या वतीने पालकमंत्री गिरीश बापट यांच्या हस्ते सत्कार करण्यात आला. प्रणव चे काम आदर्शवत असून तरुणांनी त्याचा कामाचा आदर्श घ्यावा असे प्रतिपादन पालकमंत्री गिरीश बापट यांनी यावेळी केले.

यावेळी नगरसेवक राजेश येनपुरे, हेमंत रासने, दिपक पोटे, अजय खेडेकर, सम्राट थोरात,अशोक येनपुरे, सुलोचना कोंढरे,आरती कोंढरे, रवी अनासपुरे,वैशाली नाईक, छगन बुलाखे आदींसह कार्यकर्ते उपस्थित होते.

पर्वती पायथ्याला राहणारी एक वृद्ध व निराधार महिला बाजीराव रोडला भटकत होती. तिच्या अंगावरील कपडे जीर्ण होऊन फाटले होते. बाजीराव रस्त्यावर ही महिला रात्री ११ च्या सुमारास थंडीने कुडकुडत पडली होती.  येथे जवळच राहणाऱ्या प्रणव गंजीवाले यांना ही वृद्ध महिला दिसली. त्यांनी तिची आपुलकीने चौकशी केली असता ती निराधार असल्याचे त्यांना समजले.  लगेचच त्यांनी स्माईल फौंडेशन या सामाजिक संस्थेला संपर्क साधून त्या महिलेला वृद्धाश्रमात दाखल केले.

त्याचा सत्कार करताना पालकमंत्री बापट म्हणाले, आजची तरुण पिढी एका वेगळ्या मार्गाने जात आहे. आजच्या बहुतांश तरुणांमध्ये अहं भाव दिसून येतो. अशा परिस्थितीत प्रणव ने उपेक्षित  आणि दुर्बल वृद्धेच्या सेवेसाठी निरपेक्षपणे केलेले काम अत्यंत स्तुत्य आहे. त्याच्या कामाचा इतरांनीही आदर्श घ्यावा. प्रणव सारख्या तरुणांचा सन्मान करून त्यांना चांगले काम करण्यासाठी आपण प्रोत्साहित केले पाहिजे. यामुळे आपला समाजाच्या व पर्यायाने देशाच्या प्रगतीला हातभार लागेल. असे ही ते म्हणाले.