पुणे -सातारारोड वरील गुजरवाडी फाटा पासून ते भिलारेवाडी पर्यंतच्या रस्त्यावर मोठ मोठे खड्डे पडले आहे .
या रस्त्याची दुरावस्था कित्येक दिवसांपासून तशीच आहे.लोकप्रतिनिधींना व प्रशासनाला वारंवार या गोष्टीचा पाठपुरवठा करुन , सांगून सुद्धा याबाबत दखल घेतली जात नाही अशी परिस्थिती आहेया पार्शवभूमीवर शिवशंभू प्रतिष्ठानच्या वतीने सुवासिनींच्या हाताने रस्त्यावरील खड्डयाचे पुजन करुन तिथे वृक्षारोपण करून निषेध व्यक्त करण्यात आला .

रस्त्याच्या दुरवस्थेमुळे वाहतूकीला मोठा अडथळा होऊन जनतेला आणि वाहनचालकांना मोठा त्रास होत आहे. मोठा अपघात होऊन बळी जाण्याची शक्यता असून कोणी दखल घेत नाही.प्रशासन नवीन टेंडर लागणार असून नवीन रस्ता होणार आहे,खड्डे दोन दिवसात बुजवून देतो अशी वारंवार उत्तरेमिळत असल्याचे सांगण्यात येते प्रत्यक्षात मात्र जैसे थे परिस्थिती वारंवार दिसते आहे .
या पावसाळ्याच्या दिवसामध्ये येथे अपघाताच्या प्रमाणात वाढ झाली आहे,असा आरोप करीत शिवशंभू प्रतिष्ठान व महेश कदम यांनी हे खड्डे बुजवण्याचे व रस्त्याचे काम लवकरात लवकर करावे.नाहीतर यापेक्षा तीव्र आंदोलन शिवशंभू प्रतिष्ठान कडून करण्यात येईल असा इशारा आता दिला आहे .

पुणे- राष्ट्रवादीचे नगरसेवक, माजी नगरसेवक आणि कार्यकर्ते यांनी आज चक्क मुख्यमंत्री , भाजपचे देवेंद्र फडणवीस यांच्या प्रतिमेची येथे आरती केली .कोथरूडला मेट्रो प्रकल्प आणि हडपसरला कचरा प्रकल्प … कोथरूड चा  कचरा डेपो जसा बंद करून त्यांना न्याय दिला मग हडपसर वर  अन्याय का ? अशा स्वरूपाच्या तक्रारी करत  कचरा प्रकल्पाला विरोध म्हणून हि आरती करण्यात आली .
हडपसर रामटेकडी कचरा प्रकल्प हटाव कृती समिती कडुन हडपसर येथे मुख्यमंत्री देवेंद्र फडणवीस यांच्या प्रतिमेची आरती ही प्रतिकात्मक म्हणून केली रामटेकडी येथील  कचरा प्रकल्पास विरोध म्हणून सर्व हडपसर वासीय एकत्र आले आहेत.त्यांनी कृती समिती स्थापन केली. असे सांगून  राष्ट्रवादीचे नगरसेवक योगेश ससाणे म्हणाले  कि ,1 ऑक्टोबर रोजी सर्व स्थानिक नागरिकांनी एकत्र येउन मोर्चा केला.आयुक्त यांना निवेदन देण्यात आले तरीही नागरिकांचा विरोध लक्षात  न घेता पुणे मनपा व राज्य शासन मिळून हा प्रकल्प आमच्या वर लादत आहे.पुढील दिशा ठरविण्यासाठी आज मारुती मंदिर हडपसर येथे बैठक झाली.ह्या बैठकी नंतर मुख्यमंत्री ह्यांच्या प्रतिमेची प्रतिकात्मक आरती करण्यात आली.

आज मारूती मंदिरात देवा समाेर या मुख्यमंत्र्यांना सद्बुध्दी देण्यासाठी साकडे घालुन खालील आरती म्हटली गांधी चौकात मुख्यमंत्र्यांची आरती उपहासात्मक.
———————————-

जय देव जय देव जय मुख्यमंत्री
नका वाजवू तुम्ही आमची वाजंत्री

कचरा प्रकल्प का लादता हडपसरवरती
हिच का माया तुमची आमच्यावरती

जय देव जय देव जय मुख्यमंत्री
नका वाजवू तुम्ही आमची वाजंत्री

ज्या जनतेने दिली ताकद तुम्हांला त्यांच्याच आरोग्यावर घालता का घाला

कोथरूडला आणता मेट्रो प्रकल्प
हडपसरला मात्र कचरा संकल्प

जय देव जय देव जय मुख्यमंत्री
नका वाजवू तुम्ही आमची वाजंत्री

हडपसरवासी का दुर्लक्षीत केले
आम्हांला तुम्ही सावत्र समजले

आम्हांला तुम्ही लांब फेकले
आमच्याच माथी कचरा प्रकल्प लादले

आरोग्य आमचा हक्क मानावा
सुरक्षीत विकास हडपसरचा व्हावा.

हडपसरवासीयांचा ऐका हा आक्रोश
कचरा प्रकल्प हलवा आणि टाळा विनाश.

जय देव जय देव जय मुख्यमंत्री
नका वाजवू तुम्ही आमची वाजंत्री

  पुणे- द इंटरनॅशनल असोसिएशन ऑफ लायन्स क्लबज डिस्ट्रिक्ट ३२३४ डी  २ रिजन  ५  व विश्रामबाग वाहतूक पोलिस विभाग परिमंडळ १ च्या संयुक्त विद्यमाने वाढत्या वाहनांच्या समस्यांवर जनजागृती व वाहतूक सुरक्षा विषयी जनजागृती कार्यक्रम अलका टॉकीज चौकात करण्यात आला .यावेळी यमराजाच्या वेशातील कलाकारांकडून वाहनचालकांना सावध रहा , आवर वेगाला , नियमबाह्य कृतींना आणि सावरा जीवाला असे संदेश देण्यात आले .

       यावेळी लायन्स क्लबच्या सदस्यांनी हातामध्ये वाहतूक जनजागृतीपर संदेशाचे फलक धरून वाहतूक नियमनाविषयी जनजागृती केली .  हेल्मेट घालण्याचे फायदे व अपघातापासून सुरक्षित राहण्यासाठी दुचाकी वाहनचालकांना प्रत्यक्षात यमराज  व चित्रगुप्त यांच्या वेशभूषेत असलेल्या कलाकारांनी  हेल्मेटधारकांना कॅडबरीचे वाटप करण्यात आले .

          आवरा वेगाला , सावरा जीवाला , वाहनचालविताना मोबाइलवर बोलू नका , यमराजासोबत जाण्याची घाई करू नका , रस्त्याचा आदर करा , दारू पियुन वाहन चालवू नका , मत करो इतनी मस्ती जिंदगी नही हे सस्ती , आपली सुरक्षा हीच आपल्या परिवाराची सुरक्षा आदी जनजागृतीपर संदेश देण्यात आले . तसेच , वाहतूक पोलीस कर्मचारी बांधवाना मास्क वाटप करण्यात आले . चारचाकी वाहनचालकांना सीट बेल्टचे महत्व सांगण्यात आले . पी एम पी एलच्या बसचालकांना व अन्य वाहनांना सुध्दा स्टॉप लाईन अगोदर थांबण्याची विनंती करण्यात आली .  यावेळी  विजय सारडा ,अभय शास्त्री , परमानंद शर्मा ,  सुमित देसर्डा , विनोद जैन ,  सचिन धोका ,  नितीन खोंड , इंद्रजित डोंगरे ,शशांक माळवदे व लायन  राहुल खैरे  आदींनी विशेष परिश्रम घेतले .या कार्यक्रमास ३०० आदिवासी बांधव उपस्थित होते .

    यावेळी संभाजी पोलिस चौकीचे वाहतूक विभागाचे पोलीस उपनिरीक्षक सुरज पाटील , विश्रामबाग पोलीस ठाण्याचे वाहतूक विभागाचे परिमंडळ एकच्या सहाय्यक पोलीस आयुक्त जयश्री गायकवाड यांना सन्मानित  करण्यात आले .