पुणे-इंदिरा गांधी व वसंतदादा पाटील यांच्या जन्मशताब्दीनिमित्त हडपसरजवळील वैदवाडीयेथील रिध्दी- सिध्दी बिल्डिंगमध्ये युवक कॉंग्रेस वैदवाडी शाखेच्या वतीने भव्य रक्तदान शिबीर संपन्न झाले . रक्तदान शिबिरात २०० पिशव्या रक्तसंकलित करण्यात आले . या शिबिराचे उदघाटन पुणे शहर काँग्रेस कमिटीचे अध्यक्ष रमेशदादा बागवे यांच्याहस्ते करण्यात आले . यावेळी माजी आमदार माणिकराव जगताप , माजी नगरसेवक संजय बालगुडे , माजी नगरसेवक सतीश लोंढे , शिबिराचे संयोजक खंडू सतीश लोंढे , प्रशांत सुरसे , हर्षद बोराटे , हडपसर युवक काँग्रेसचे अध्यक्ष अमित घुले , वैशाली शिंदे , भानुबाई कांबळे आदी मान्यवर उपस्थित होते .

या शिबिराचे संयोजन युवक काँग्रेसचे कार्यकर्ते खंडू लोंढे , दादा देडे , महेश फुलावरे , रोहित बागडे , संतोष लोंढे , धनाजी सूर्यवंशी , मामा आल्हाट , मुस्ताक शेख , अमजद पठाण , तानाजी सूर्यवंशी , शुभम सुरेश गायकवाड , सूरज पवार , वामन धाडवे आदींनी विशेष परिश्रम घेतले . रक्तदान शिबिरासाठी हडपसर येथील अक्षय ब्लड बँकेने विशेष सहकार्य केले . तर रक्तदान करणाऱ्यांना प्रमाणपत्र व अल्पोपहार देण्यात आला . 

पुणे-नोटबंदीच्या काळात अनेक नागरिक मृत्युमुखी पडले, बँकांच्या बाहेर नोटा बदलण्यासाठी रांगा लागल्या, नोटबंदीनंतर केवळ दोनच महिन्यात 15 लाख लोक बेरोजगार झाले, शेतकरी-शेतमजूर हवालदिल झाले, अनेक उद्योगांना प्रचंड अडचणींना सामोरे जावे लागत आहे. सरकारच्या या नोटबंदीचे दुष्परिणाम संपूर्ण देशातील जनता भोगत आहे. याच जनतेचा आक्रोश सरकारपर्यंत पोहोचवण्यासाठी 8 नोव्हेंबर रोजी देशभरात काँग्रेसतर्फे काळा दिवस पाळण्यात येणार आहे, अशी माहिती महाराष्ट्र विधानपरिषदेचे उपसभापती माणिकराव ठाकरे यांनी दिली.

नोटबंदीनंतर देशभरात घडलेल्या विविध घडामोडीवर रेखाटलेल्या व संकलित केलेल्या व्यंगचित्र प्रदर्शनाचे उद्घाटन कै.बाळासाहेब ठाकरे कलादालनात त्यांच्या हस्ते झाले. त्यावेळी ते बोलत होते. यावेळी पुणे शहर जिल्हा काँग्रेसचे अध्यक्ष रमेश बागवे, आमदार शरद रणपिसे, प्रदेश युवक काँग्रेसचे अध्यक्ष डॉ़ विश्वजीत कदम, महिला काँग्रेसच्या सरचिटणीस कमल व्यवहारे, माजी आमदार मोहन जोशी आदी उपस्थित होते.

शिवतीर्थनगर पौडरोड येथील श्री गणेश मंदिरामध्ये त्रिपुरारी पौर्णिमेनिमित्त दीपोत्सव साजरा

पुणे,7- आमदार प्रा. मेधा कुलकर्णी यांच्या सहकार्याने व नवनाथ शेटे स्पोर्टस्‌ अकादमी तर्फे आयोजित एआयटीए, एमएसएलटीए व पीएमडीटीए यांच्या मान्यतेखाली होत असलेल्या 25000डॉलर पुणे ओपन आयटी महिला अजिंक्यपद टेनिस स्पर्धेत वाईल्ड कार्ड मिळालेल्या सालसा अहेर व शिवानी इंगळे यांनी अनुक्रमे प्रिती उज्जेनी व आस्था दरगुडे यांचा पराभव करत स्पर्धेत आगेकुच केली.

एमएसएलटीए स्कुल ऑफ टेनिस, श्री शिवछ्त्रपती क्रीडा संकुल, म्हाळुंगे बालेवाडी येथे आजपासून सुरू झालेल्या या स्पर्धेत पहिल्या पात्रता फेरीत वाईल्ड कार्ड मिळालेल्या सालसा अहेरने प्रिती उज्जेनीचा 6-2, 6-2 असा तर शिवानी इंगळेने आस्था दरगुडेचा 6-3, 6-1 असा पराभव करत दुस-या पात्रता फेरीत प्रवेश केला.

अव्वल मानांकीत रिया भाटियाने हर्षिता चुघचा 6-0, 6-0 असा सहज पराभव करत आगेकुच केली. दुस-या मानांकीत आरती मुनीयन शर्मिन रिझ्वीचा 6-0, 6-0   असा तर तिस-या मानंकीत निधी चिलुमूलाने प्रकृती बनवानीचा 6-1, 6-0 असा पराभव करत स्पर्धेत आगेकुच केली.

स्पर्धेचे उद्घाटन उद्या महाराष्ट्र राज्याचे शिक्षण व क्रीडा मंत्री विनोद तावडे यांच्या हस्ते संध्याकाळी 4 वाजता एमएसएलटीए स्कुल ऑफ टेनिस, श्री शिवछ्त्रपती क्रीडा संकुल, म्हाळुंगे बालेवाडी येथे करण्यात येणार आहे. यावेळी पुण्याचे पालक मंत्री गिरीष बापट व आमदार प्रा. मेधा कुलकर्णी उपस्थित असतील.

स्पर्धेचा सविस्तर निकाल- पहिली पात्रता फेरी

रिया भाटिया(भारत, 1) वि.वि हर्षिता चुघ (भारत) 6-0, 6-0

आरती मुनीयन(भारत, 2) वि.वि शर्मिन रिझ्वी (भारत) 6-0, 6-0

निधी चिलुमूला(भारत, 3) वि.वि प्रकृती बनवानी (भारत) 6-1, 6-0

प्रेरणा भाब्री(भारत, 4) वि.वि श्रेया तातावर्ती(भारत) 6-3, 6-1

साई संहीता चामार्थी(भारत, 5) वि.वि सौम्या वीग 6-1, 6-3

रिषीका सुंकारा(भारत, 6) वि.वि श्वेता राणा(भारत) 6-0, 6-2

सालसा अहेर(वाईल्ड कार्ड)(भारत) वि.वि प्रिती उज्जेनी(भारत) 6-2, 6-2

अमृता मुखर्जी(भारत) वि.वि नफीस बानो सयेद (भारत) 6-0, 6-0

सोहा सादीक(भारत) वि.वि नेहा घारे (भारत) 6-2, 7-6(2)

शिवानी इंगळे(वाईल्ड कार्ड)(भारत) वि.वि आस्था दरगुडे(भारत) 6-3, 6-1

परिन शिवेकर (भारत) वि.वि दक्षता पटेल(वाईल्ड कार्ड) (भारत) 6-1, 6-1

सारा यादव(भारत) वि.वि सिंधू जनगम(भारत) 2-6, 6-1, 6-3

साई देदिप्या येड्डूला(भारत) वि.वि मौलाका राम(भारत) 6-2, 6-4

प्रगती सोलणकर(भारत) वि.वि हुमेरा शेख (भारत) 6-4, 4-6, 6-0

पुणे- एक्सेलार स्पोर्टस् अॅड एन्टरटेमेंट प्रायव्हेट लिमिटेड व पुणे जिल्हा कबड्डी संघटना यांच्या सहकार्याने ओयोजित सृजन सुपर 20 युथ कबड्डी अजिंक्यपद स्पर्धेत पिंपरी चिंचवड विभागात मुलांच्या गटात आदिनाथ कबड्डी संघ, आराध्या प्रतिष्ठान, राकेशभाऊ घुले संघ, कालभैरवनाथ कबड्डी संघ यांनी आपापल्या प्रतिस्पर्ध्यांचा पराभव करत उपांत्य फेरीत प्रवेश केला

पिंपरी चिंचवड येथील ज्ञान प्रबोधीनी शाळा, निगडी येथे सुरू असलेल्या या स्पर्धेत आदिनाथ कबड्डी संघने  भैरवनाथ कबड्डी संघाचा 34-21 तर आराध्या प्रतिष्ठान संघाने शिवाजी उदय मंडळ संघाचा  36-17 असा पराभव करत आगेकुच केली. राकेशभाऊ घुले संघाने ब्रम्हा विष्णु महेेश संघाचा  36-34 असा तर कालभैरवनाथ कबड्डी संघ संघाने मोरया कबड्डी संघाचा 35-12 असा पराभव करत उपांत्य फेरी गाठली.

स्पर्धेचा सविस्तर निकाल- मुले- उपांत्यपुर्व फेरी

आदिनाथ कबड्डी संघ- 34 वि.वि भैरवनाथ कबड्डी संघ 21

आराध्या प्रतिष्ठान – 36 वि.वि शिवाजी उदय मंडळ 17

राकेशभाऊ घुले संघ- 36 वि.वि ब्रम्हा विष्णु महेेश 34

कालभैरवनाथ कबड्डी संघ- 35 वि.वि मोरया कबड्डी संघ 12

पुणे–

गुरुनानक जयंतीनिमित्त पुणे लष्कर भागातील गुरुद्वारा गुरुनानक दरबारममध्ये विविध धार्मिक कार्यक्रमांनी उत्साहात साजरी करण्यात आली . गुरुद्वारामध्ये शीख व सिंधी बांधवानी मोठ्या प्रमाणावर दर्शनासाठी गर्दी केली होती . गुरुद्वारामध्ये कीर्तन , लंगर , भजनाचे गायन सुरु होते . या उत्सवामध्ये शीख व सिंधी बांधवांसह इतर धर्माचे नागरिक देखील मोठ्या  संख्येने सहभागी होतात . यंदाच्या वर्षी अमृतसर येथील प्रमुख कीर्तनकार रायसिंग व काश्मीरमधील बारामुल्लायेथील अरविंदरपालसिंग व दिल्ली येथील चरणसिंग सुखिया यांचे कीर्तन झाले . तसेच गेले दोन दिवसापासून अखंड पाठ सुरु होते , त्याचा समारोप आज सकाळी झाला .

यावेळी महाराष्ट्र राज्याचे सामाजिक न्याय राज्यमंत्री दिलीप कांबळे ,  गुरुद्वारा गुरुनानक दरबारचे अध्यक्ष चरणजितसिंग सहानी , बिल्डिंग कमिटी चेअररमन संतसिंग मोखा ,गुरुद्वाराचे माजी अध्यक्ष  हरमिंदरसिंग घई,  उपाध्यक्ष करमजितसिंग आनंद , उपाध्यक्ष आर. पी. एस. सहेगल , सरचिटणीस बलविंदरसिंग ऑबेरॉय , चिटणीस दलजितसिंग  रॅन्क , सहचिटणीस कुलजितसिंग चौधरी , जनसपंर्क अधिकारी मोहिंदरसिंग कंधारी ,लंगर व्यवस्थापक इंद्रजितसिंग सहानी आदी मान्यवर उपस्थित होते .

गुरुद्वारास मनजितसिंग विरदी , इकबाल शेख , संदीप खर्डेकर , दिलीप उंबरकर , सतीश गायकवाड , नदीम मुजावर , रिझवान सय्यद आवडीने भेटी दिल्या . यावेळी गुरुद्वाराचं आवारात वैद्यकीय शिबिराचे आयोजन करण्यात आले होते . यामध्ये रोटरी क्लब ऑफ पुनाच्यावतीने सहाशे जणांची संपूर्ण शरीराची आरोग्य तपासणी आरोग्य तपासणी करण्यात आले . या शिबिराचे आयोजनरोटरी क्लब ऑफ पुनाचे नरेंदरपालसिंग बक्षी यांनी विशेष परिश्रम घेतले . तर पूना सिरॉलॉजिकल इन्स्टिट्यूटच्यावतीने रक्तदान शिबीर घेण्यात आले . यामध्ये २०० पिशव्या रक्तसंकलित करण्यात आले . या रक्तदान शिबिरासाठी  पूना सिरॉलॉजिकल इन्स्टिट्यूटचे डॉ. इंद्रमोहनसिंग चढोक  ,  विक्रमसिंग कंढा  व वैद्यकीय पथकाने विशेष परिश्रम घेतले . रक्तदान केलेल्याना अल्पोपहार व प्रमाणपत्र देण्यात आले .

एशियन आय हॉस्पिटलच्यावतीने पाचशे जणांची  मोफत नेत्र तपासणी करण्यात आली. या नेत्रतपासणीसाठी हरमिंदरसिंग  घई व दलजितसिंग  रॅन्क यांनी विशेष परिश्रम घेतले .

यावेळी उत्सवासाठी पूना इन्स्टिट्यूट ऑफ बिझनेस मॅनेजमेण्ट २०० विद्यार्थ्यांनी विशेष परिश्रम घेतले . आम आदमी पार्टि पुणेतर्फे गुरूनानक जयंती प्रित्यर्थ कँप गुरूद्वारा येथे भाविकांचे पुष्पगुच्छ देऊन शुभेच्छा देण्यात आल्या त्यावेळी मुजुमदार काका,अलीभाई,आनंद अंकुश,राजेश चौधरी, सुभाष करांडे,असगर बेग, शितल मित्तल,रज्जाक शेख,इफ्तकार खान,जान जगदानी,फेलिक्स इतर आप कार्यकर्ते उपस्थित होते.

पुणे- नानाविध प्रकारची फळे,  पदार्थ, मिठाई अशा 450 हून अधिक प्रकारच्या मिष्टान्नांचा एक हजार 200 किलो पदार्थांचा अन्नकोट , दगडूशेठ गणपतीसमोर मांडण्यात आला. .. मंदिराच्या कळसापासून ते गाभा-यापर्यंत तब्बल 25 हजार दिव्यांनी  सजविण्यात आलेले मंदिर  ..मग काय ..त्रिपुरी पौर्णिमेनिमित्त बाप्पाचा थाट पाहून , आनंदाने  दर्शन घेण्यासाठी भाविकांनी गर्दी केली.

श्रीमंत दगडूशेठ हलवाई सार्वजनिक गणपती ट्रस्टच्या वतीने त्रिपुरी पौर्णिमेनिमित्त दगडूशेठ गणपती मंदिरामध्ये दीपोत्सव आणि अन्नकोट आयोजित करण्यात आला होता. यावेळी परिमंडळ 1 चे पोलीस उपायुक्त डॉ. बसवराज तेली, ट्रस्टचे अध्यक्ष अशोक गोडसे, महेश सूर्यवंशी, सुनील रासने आदी उपस्थित होते. मंदिराच्या कळसासह संपूर्ण गाभा-यात लावलेल्या पणत्यांनी मंदिराचा परिसर उजळून निघाला होता. याशिवाय तोरण आणि रांगोळ्यांनी मंदिराचा परिसर सजविण्यात आला.
त्रिपुरी पौर्णिमेनिमित्त आयोजित अन्नकोटाकरीता पदार्थ देण्याचे आवाहन ट्रस्टतर्फे करण्यात आले होते. त्यानुसार तब्बल ४५०हून अधिक भाविकांकडून विविध प्रकारचे पदार्थ मंदिरात गोळा झाले. ते सर्व पदार्थ अन्नकोटामध्ये मांडण्यात आले. या सर्व पदार्थांचा प्रसाद ससून रुग्णालयात, वृद्धाश्रम, अंधशाळा आणि मंदिरातील भक्त यांना देण्यात येणार असल्याचे ट्रस्टतर्फे सांगण्यात आले.