पुणे – मुलगा व मुलगी समान आहे, पाणी जपून वापरा, स्वच्छतेचे महत्व आणि प्लॅस्टिकपासून पर्यावरणाचे रक्षण करा अशा विविध सामाजिक प्रश्‍नांवर प्रबोधन करणारी २७ सामुदायिक नृत्यांचे सादरीकरण करीत डेक्कन एज्युकेशन सोसायटीच्या न्यू इंग्लिश स्कूल, टिळक रोड शाळेत वार्षिक स्नेहसंमेलन साजरे करण्यात आले.
अभ्यास आणि अभ्यासेतर उपक‘मांतील गुणवंत विद्यार्थ्यांचा शाला समितीचे अध्यक्ष डॉ. सुनील भंडगे यांच्या हस्ते पारितोषिके देऊन गौरव करण्यात आला. या वर्षीचा कृतज्ञता पुरस्कार ज्येष्ठ सेवक सतीश भुजबळ यांना देण्यात आला. पं. शिवकुमार शर्मा यांचे शिष्य दिलीप काळे यांच्या संतूरवादनाने कार्यक‘मात रंगत आणली. सोसायटीचे आजीव सदस्य डॉ. शरद आचार्य यांची प्रमुख उपस्थिती होती.
मु‘याध्यापक नागेश मोने यांच्या मार्गदर्शनाखाली उपमु‘याध्यापिका मनिषा मिनोचा, पर्यवेक्षिका सुषमा गायकवाड, पालक संघाचे उपाध्यक्ष राजू नाणेकर, सहकार्यवाह संतोष उभे, संमेलनाच्या कार्याध्यक्षा स्वाती मिश्रा, उपकार्याध्यक्ष आनंद पाटील, सुवर्णा बोरकर, विद्यार्थी प्रतिनिधी सचिन मिरगुडे, मोहक बर्वे यांनी कार्यक‘माचे संयोजन केले.

पुणे – डेक्कन एज्युकेशन सोसायटीच्या फर्ग्युसन महाविद्यालयाच्या १३३ व्या वर्धापनदिनानिमित्त विशेष कार्यक‘माचे आयोजन करण्यात आले होते. या कार्यक‘मात सोसायटीच्या परिषद व नियामक मंडळाचे अध्यक्ष डॉ. शरद कुंटे यांच्या हस्ते संस्थापकांच्या प्रतिमांना पुष्पहार अर्पण करून पूजन करण्यात आले.
उपाध्यक्ष विकास काकतकर, कार्यवाह प्रा. आनंद भिडे, संचालक राम निंबाळकर, प्राचार्य डॉ. आर. जी. परदेशी यांची प्रमुख उपस्थिती होती.
गुणवत्ता आणि कार्यक्षमता या दोन गुणांच्या आधारे अधिकाधिक चांगले काम करण्याचा संकल्प करुन तो सिध्दीला नेण्यासाठी योग्यप्रकारचे नियोजन करण्याचे आवाहन डॉ. कुंटे यांनी यावेळी केले. प्राचार्य परदेशी यांनी प्रास्ताविक केले. उपप्राचार्य प्रकाश पवार यांनी सूत्रसंचालन व आभार मानले.
१ जानेवारी १८८० रोजी न्यू इंग्लिश स्कूलच्या स्थापनेपासून डेक्कन एज्युकेशन सोसायटीने शिक्षण कार्यात प्रवेश केला. हे औचित्य साधून राज्याचे माध्यमिक शिक्षण संचालक गंगाधर म्हमाणे यांच्या हस्ते पर्यावरण पुस्तकाचे प्रकाशन करण्यात आले. वृक्षारोपण, पर्यावरण, अध्यपन, क‘ीडा, संगीत, इंग‘जी साहित्य, प्रशिक्षण आदी क्षेत्रात विशेष कामगिरी करणार्‍या शिक्षक व प्राध्यापकांचा विशेष सत्कार करण्यात आला.
डॉ. शरद कुंटे, पर्यावरण शिक्षण विभागाचे राष्ट्रीय संयोजक सदाचारीसिंह तोमर, सोसायटीचे कार्यवाह आनंद भिडे, संचालक किरण शाळिग‘ाम, राम निंबाळकर, आजीव सदस्य डॉ. श्रीकृष्ण कानेटकर यांची उपस्थिती होती.

फर्ग्युसनचा ‘डिपार्टमेंटल फस्ट’ उत्साहात

– डेक्कन एज्युकेशन सोसायटीच्या फर्ग्युसन महाविद्यालयात ‘डिपार्टमेंटल फस्ट’ उत्साहात साजरा करण्यात आला. अभ्यासाला पूरक असणारी आणि माहिती देणारी विविध विषयांवरील प्रदर्शने, व्या‘यानमाला, परिसंवाद, चर्चा, गटचर्चा, प्रचार ङ्गेर्‍या आणि ‘स्पंदन’ या सांस्कृतिक कार्यक‘मांचा सहभाग होता.
मराठीचे मायबोली, इंग‘जीचे वॉलस्ट्रीट, इतिहासाचे ऍण्टिक्यूरम, भूगोलाचे फ्लिम्टस, मानसशास्त्राचे सायङ्गी, रसायनशास्त्राचे अल्केम, इलेक्टॉनिक्सचे इलेक्ट्रोनिका, प्राणीशास्त्राचे झून, छायाचित्राचे ङ्गोटासिंक आदी २८ विभागांनी आपआपल्या विषयांतील माहितीचे प्रदर्शन केले. विविध १५ शाळांमधील आठ हजार विद्यार्थ्यांनी प्रदर्शनाला भेटी दिल्या.
‘स्पंदन’ या सांस्कृतिक कार्यक‘मात नृत्य, नाट्य, संगीत, वाद्य वादन, पारितोषिकप्राप्त एकांकिकांचे सादरीकरण करण्यात आले. अभिनेता भाऊसाहेब शिंदे यांच्या हस्ते या कार्यक‘माचे उद्घाटन करण्यात आले. कथ्थक, भरतनाट्यम, लावण्या, भांगडा, गरबा आदी विविध प्रांतातील नृत्य सादर करण्यात आली. १७० गटातील पंधराशे विद्यार्थ्यांनी सहभाग घेतला.
ऋग्वेद सोमण लिखित भेट ही सावरकर व सुभाषचंद्र बोस यांच्या मुंबईतील भेटीचे वर्णन करणारी एकांकिका, लैंगिक शिक्षण देणारे जाधवर करंडक विजेते पथनाट्य, घोरपडेच्या बैलाला घो हे बक्षिसपात्र नाटक ही या कार्यक‘माची वैशिष्ट्ये होती. पारंपरिक दिनानिमित्त विविधप्रकारच्या वेशभूषा करून विद्यार्थी आले होते.

पुणे: हिंजवडी ते शिवाजीनगर या तब्बल 23 कि.मीच्या मेट्रोला आज राज्याच्या मंत्रीमंडळाने मंजूरी दिली.  तब्बल 8313 कोटी रुपयांचा हा प्रकल्प अवघ्या 48 महिन्यात पूर्णत्वास जाणार आहे अशी माहिती पालकमंत्री गिरीश बापट यांनी मंगळवारी पत्रकारांना दिली. 

       ते म्हणाले हिंजवडी ते शिवाजीनगर या मेट्रोमार्गावर एकूण 23 स्थानके असतील.  सार्वजनिक व खाजगी सहभागाने दिल्ली मेट्रो रेल कार्पोरेशन आणि पी.एम.आर.डी.ए. यांच्यामार्फत हा प्रकल्प राबविला जाणार आहे.  दिल्ली मेट्रो रेल कार्पोरेशनने नोव्हेंबर 2016 मध्ये या प्रकल्पाचा आराखडा तयार केला तो डिसेंबर 2016 मध्ये पी.एम.आर.डी.ए.च्या सभेत मंजूर करण्यात आला.  या प्रकल्पाचा कालावधी 48 महिन्यांचा असून तीन डब्यांच्या मेट्रोतून एका वेळी 764 प्रवासी प्रवास करु शकतील.  बापट पुढे म्हणाले सन 2021 मध्ये 2 लाख 61 हजार प्रवाशांना या सेवेचा लाभ मिळेल.  या प्रकल्पाचा एकूण खर्च 8313 कोटी रुपये असून त्यापैकी केंद्र सरकार 1137 कोटी रुपये देणार आहे. तर राज्याचा वाटा 812 कोटी रुपयांचा असणार आहे आणि उर्वरित रक्कम खाजगी भागीदारीतून उभी केली जाणार आहे.  मेट्रोचा पहिला टप्पा स्वारगेट ते पिंपरी व वनाज ते रामवाडी हा प्रगती पथावर असून पहिल्या टप्प्यातील 31 कि.मी. मार्गाला यापूर्वीच मंजूरी मिळाली आहे.  मेट्रोचा विविध प्रकल्पांसाठी नव्या वर्षात साडेसहा हजार कोटी रुपयांचा निधी अपेक्षीत आहे.  शासनासह विविध वित्तीय संस्थांकडून हा निधी मिळेल.  50 लाखाहून अधिक पुणेकरांना महामेट्रोचा लाभ मिळणार असून या प्रकल्पाची कामे वेळेपूर्वीच संपविण्याचा आमचा इरादा आहे. 

पुणे- :“मला पुण्याने मोठे केले. मी माशेलकर नसून पुणेकरच आहे. या पुण्याने माझे लाड केले आणि मला वाढविले. त्यामुळे शेवटच्या श्‍वासापर्यंत मी पुण्यातच राहीन.” अशी भावना जगप्रसिद्ध शास्त्रज्ञ पद्मविभूषण डॉ. रघुनाथ माशेलकर यांनी व्यक्त केली.
एमआयटी विश्‍वशांती विद्यापीठ, भारती डिम्ड युनिव्हर्सिटी, सिम्बायोसिस विद्यापीठ, डॉ.डी.वाय.पाटील युनिव्हर्सिटी, एमआयटी आर्ट, डिझाईन अ‍ॅण्ड टेक्नॉलॉजी विद्यापीठ, विश्‍वकर्मा युनिव्हर्सिटी व इंडिया इंटरनॅशनल मल्टिव्हर्सिटी यांच्यातर्फे डॉ. रघुनाथ माशेलकर यांच्या अमृतमहोत्सवा निमित्त सत्कार करण्यात आला. त्यांनी वैज्ञानिक व सामाजिक क्षेत्रात आयुष्यभर केलेल्या शिक्षण, संशोधन व राष्ट्रसेवेच्या कार्याबद्दल त्यांना तत्त्वज्ञ संत श्री ज्ञानेश्‍वर माऊली ज्ञान-विज्ञान-ब्रह्मऋषि पुरस्कार प्रदान करण्यात आला. या पुरस्काराला उत्तर देतांना ते बोलत होते.
यावेळी एमआयटी वर्ल्ड पीस युनिव्हर्सिटीचे संस्थापक अध्यक्ष प्रा. डॉ. विश्‍वनाथ दा. कराड, सिम्बायोसिस विद्यापीठाचे कुलपती पद्मविभूषण डॉ.शां.ब.मुजुमदार, भारती विद्यापीठाचे प्र-कुलपती डॉ.शिवाजीराव कदम, नालंदा विद्यापीठाचे कुलपती पद्मभूषण डॉ. विजय भटकर, सौ. वैशाली रघुनाथ माशेलकर, भारती विद्यापीठाचे सचिव डॉ.विश्‍वजीत कदम, एमआयटी डब्ल्यूपीयूचे कार्याध्यक्ष प्रा.राहुल विश्‍वनाथ कराड, सिंबायोसिसच्या प्रिन्सिपॉल डायरेक्टर डॉ. विद्या येरवडेकर, डॉ. जय गोरे, डॉ. राजेंद्र शेंडे, श्री.तुळशीराम दा. कराड, पं. वसंत गाडगीळ, फिरोज बख्त अहमद, नागपूर विद्यापीठाचे माजी कुलगुरू डॉ.एस.एन.पठाण व एमआयटी आर्ट, डिझाईन अ‍ॅण्ड टेक्नॉलॉजी विद्यापीठाचे कुलगुरू डॉ. सुनिल राय उपस्थित होते.
तत्त्वज्ञ संत श्री ज्ञानेश्‍वर माऊलीची सुवर्ण जडीत प्रतिमा, सन्मानपत्र, सुवर्ण पदक व रोख रूपये सव्वा लाख असे या पुरस्काराचे स्वरूप होते.
डॉ.रघुनाथ माशेलकर म्हणाले,“उर्जा केंद्रित केल्यावर काहीही घडू शकते. तसेच, भारतादेश एक झाला, तर या विश्‍वात काहीही करू शकतोे.पण त्यासाठी कठोर मेहनत व परस्पर सहकार्य असावे लागेल. भारत देशात १३० कोटी मेंदू आहेत. त्यांच्या कल्पकतेचा वापर या देशासाठी केल्यास येणार्‍या काळात भारत वेगाने प्रगती पथावर जाईल. जय जवान-जय किसान या प्रचलित घोषणेनंतर माजी पंतप्रधान अटल बिहारी वाजपेयी यांनी जय विज्ञान ही घोषणा दिली. त्यानंतर देशात वैज्ञानिक क्रांती आली.”
‘त्यांनी घोषणा केली, की माझ्या आईच्या नावने, म्हणजेच अंजली माशेलकर फाउंडेशनची आम्ही स्थापना करीत आहोत. या माध्यमातून चांगले कार्य करणार्‍या परंतू जगासमोर न आलेल्या तरूण शास्त्रज्ञांना प्रोत्साहन देण्यात येणार आहे. त्या माध्यमातून एक नव्हे, तर हजारो माशेलकर तयार होतील.’
विद्यार्थ्यांनी आकांक्षा मोठी ठेवावी. कुठल्या कार्याची फलश्रृती तत्काळ मिळत नाही, अहोरात्र मेहनत आणि खचून न जाता कार्य करत राहिल्याने यश तुमच्याकडे धावत येईल.फेल या शब्दाचा विस्तार करताना ते म्हणाले फस्ट अटेम्प्ट इन लर्निंग. त्यामुळे आयुष्य जगताना खचून जाऊ नये. विद्यार्थ्यांनी सदैव आपल्या मेंदूचा नव्हे, तर हदयाचा आवाज ऐकून कार्य करावे.
प्रा. डॉ.विश्‍वनाथ दा. कराड म्हणाले,“ २१वे शतक हे भारताचे असेल, असे भाकीत करणारे स्वामी विवेकांनद यांचे स्वप्न डॉ. रघुनाथ माशेलकर यांच्या सारखे आध्यात्मिक वैज्ञानिक पूर्ण करतील. ज्ञान-विज्ञान व अध्यात्माच्या आधारे भारत भूमी संपूर्ण विश्‍वाला शांतीचा मार्ग दाखवील. भारतीय परंपरा ही त्याग व समर्पणाची आहे. डॉ. माशेलकरांच्या माध्यमातून भारताला मानवतावादी वैज्ञानिक मिळाला आहे. जगभरात ते भारताची नवी प्रतिमा उजळून टाकतील.”
डॉ.शां.ब. मुजुमदार म्हणाले,“ सकारात्मक विचार, कठोर परिश्रम आणि कर्तृत्वाच्या जोरावर डॉ. माशेलकर यांनी जगात विज्ञानच्या क्षेत्रात भारताचे नाव वरच्या स्थानावर नेवून ठेवले आहे. जे विद्यार्थी निराश असतात, त्यांच्या जीवनाला दिशा देणारे प्रभावी औषध म्हणजे डॉ. माशेलकर यांचे जीवन आहे. खरे म्हणजे ते पुण्याचे ब्रॅण्ड अ‍ॅम्बेसिडर आहेत.”
डॉ.विजय भटकर म्हणाले,“ सरस्वती नगरीमध्ये ऋषितुल्य वैज्ञानिकाचा सत्कार होणे, ही देशासाठी ऐतिहासिक घटना आहे. प्राचीन संस्कृतीत गुरूंना आदराचे स्थान दिले आहे. आज नव वर्षाच्या पहाटे याच गुरूचा सत्कार होणे ही भारतीय विज्ञान-तंत्रज्ञानासाठी महत्वपूर्ण घटना आहे.”
डॉ.शिवाजीराव कदम म्हणाले,“येथे विज्ञान महर्षीचा सत्कार होत आहे ही अलौकिक घटना आहे. हळदीच्या पेटंट संदर्भात डॉ. माशेलकर यांनी जागतिक पातळीवर लढा दिला. ज्ञानातून तरूण पिढी कशी घडविता येईल, या साठी त्यांनी सदैव प्रयत्न केला. विद्यार्थ्यांच्या जडण-घडणीमध्ये त्यांचा महत्वपूर्ण सहभाग आहे.”
प्रा. राहुल वि.कराड म्हणाले, “आज अनेक शिक्षण संस्था एकत्र आल्या ते सर्वश्री डॉ. माशेलकर यांच्यावरील प्रेमामुळे होय. देशामध्ये अनेक शहरात शिक्षण संस्था एकत्र येत नाही पण पुण्यात जे घडले त्यामुळे येथील शैक्षणिक प्रगतीला मोठा हातभार लागेल.”
राज्याचे मुख्यमंत्री देवेंद्र फडणवीस यांनी आपल्या संदेशाच्या माध्यमातून डॉ. माशेलकर यांना शुभेच्छा दिल्या. डॉ. विद्या येरवडेकर, विश्‍वजीत कदम, फिरोज बख्त अहमद व पं.वसंत गाडगीळ यांनी आपल्या भाषणाातून डॉ. माशेलकर यांनी जीवनभर विज्ञान क्षेत्रात केलेल्या अतुलनिय कार्याचा गौरव केला. तसेच, प्रा.मिलिंद पांडे यांनी मानपत्राचे वाचन केले.
प्रा. गौतम बापट यांनी सूत्रसंचालन केले. विश्‍वजीत कदम यांनी आभार मानले.

पुणे- डेक्कन एज्युकेशन सोसायटीच्या फर्ग्युसन महाविद्यालयात ३ ते ५ जानेवारी या कालावधीत ‘मुक्तछंद’ या सांस्कृतिक महोत्सवाचे आयोजन करण्यात आले आहे. हे या महोत्सवाचे विसावे वर्ष आहे.
प्रसिध्द अभिनेता राजन भिसे नाटकाच्या ध्वनिप्रकाश योजनेपासून अभिनयापर्यंत सर्वच बाबतीत अष्टपैलू कामगिरी करणार्‍या राजन भिसेे ‘नाट्यावकाश’ हा कार्यक्रम ३ जानेवारी रोजी सकाळी ११ वाजता सादर करणार आहेत. आंतरराष्ट्रीय स्काय डायव्हर शीतल महाजन हिचे सादरीकरण व मुलाखत ‘ड्रीम टू फॉल’ त्याच दिवशी संध्याकाळी सहा वाजता होणार आहे.
मंदिरांचे अभ्यासक उदयन इंदूरकर यांचे ‘एक होतं देऊळ’ या कार्यक्रमातून वैज्ञानिकदृष्ट्या मंदिरांचे महत्व ४ जानेवारी रोजी सकाळी ११ वाजता उलगडणार आहे. संध्याकाळी सहा वाजता अभिनेता अभय महाजन व सिध्दार्थ मेनन यांच्याशी ‘ऑफस्क्रीन गप्पा होणार आहेत.
‘प्रकाशाची अक्षरे’ हा प्रविण दवणे यांची मुलाखत व कवितांच्या अभिवाचनाचा कार्यक्रम ५ जानेवारी रोजी सकाळी ११ वाजता होणार असून, संध्याकाळी साडेसहा वाजता सपना दातार व त्यांच्या बारा सहकार्‍यांचा ‘स्वरस्वप्न’ हा व्हायोलियन वादनाचा कार्यक्रम होणार आहे. सर्व कार्यक‘म ङ्गर्ग्युसन महाविद्यालयाच्या ऍम्फीथिएटरमध्ये होणार असून, सर्व विद्यार्थ्यांसाठी प्रवेश विनामूल्य व खुला राहणार आहे.

आपल्या विद्यार्थांच्या कल्पक कामाला प्रेरणा आणि प्रशंसा देण्यासाठी सूर्यदत्ता एज्युकेशन फाऊंडेशनच्या पुणे इन्स्टिट्यूट ऑफ ॲप्लाईड टेक्नॉलॉजीतर्फे (पीआयएटी) ‘ऑरा – २०१७’ या नाविन्यपूर्ण प्रदर्शनाचे नुकतेच आयोजन करण्यात आले. २८ डिसेंबर ते ३० डिसेंबर २०१७ या कालावधीत हे प्रदर्शन ‘पीआयएटी’च्या परिसरात झाले.  प्रदर्शनाचे उद्घाटन प्रसिद्ध चित्रकार मुरली लाहोटी यांच्या हस्ते व महाराष्ट्र राज्य तंत्रशिक्षण मंडळाच्या पुणे विभागाचे सहाय्यक उपसचिव विजय कोल्हे, प्रसिद्ध अंतर्सजावट छायाचित्रकार आनंद दिवाडकर, ‘सूर्यदत्ता ग्रुप’चे संस्थापक व अध्यक्ष डॉ. संजय चोरडिया आणि सौ. सुषमा चोरडिया यांच्या उपस्थितीत झाले.

 संस्थेच्या विद्यार्थ्यांनी त्यांच्या अभ्यासाचा भाग म्हणून केलेले रचना (डिझाईन) काम, तसेच अंतर्गत सजावटीसाठी आवश्यक असलेली विविध उत्पादने या प्रदर्शनात मांडण्यात आली होती. सदनिका, बंगले, कार्यालये, बँका, रेस्टॉरंट्स, माहिती तंत्रज्ञान क्षेत्र आदींच्या अंतर्रचनेत उपयुक्त ठरणारे फर्निचर, उत्पादने, आराखडे व संदर्भही आंतरराष्ट्रीय निकषांनुसार प्रदर्शित करण्यात आले.  ‘ऑरा’ प्रदर्शनाने पंधराव्या वर्षात यशस्वी पदार्पण केले आहे. आतापर्यंत झालेल्या प्रदर्शनांत जगातील सात आश्चर्ये, एकत्र कुटूंब पद्धती, अजंठा लेणी, रेल्वे स्थानके, गॅरेज, खेड्याकडे चला, आपले पुणे – पुनवडी ते पुण्यनगरी एक प्रवास, अंतराळ विश्व, राजवाडे अशा संकल्पना, तसेच वर्तुळाकार गती, ताल – डिझाईन फ्लो असे विषय हाताळण्यात आले आहेत.

 यंदा या प्रदर्शनात ‘टाकाऊपासून टिकाऊ व पुनर्वापर’, तसेच ‘समुद्रातील अंतर्विश्व’ अशी नाविन्यपूर्ण संकल्पना निवडण्यात आली होती. त्यातून ‘स्वच्छ भारत, सुंदर भारत, प्रदूषणमुक्त भारत’ हा संदेश, तसेच ते ध्येय गाठण्यासाठीचे प्रयत्न प्रतिबिंबित झाले.

 अपयश ही यशाची पहिली पायरी असून यशासाठी अपयशाचा अनुभव घेणेही अत्यंत महत्त्वाचे असल्याचे प्रतिपादन मुरली लाहोटी यांनी आपल्या उद्घाटनपर भाषणात केले. विजय कोल्हे यांनी महाराष्ट्र राज्य तंत्रशिक्षण मंडळाचे अभ्यासक्रम व त्यांचे महत्त्व स्पष्ट केले. कचरा व प्रदूषण या जगभरात भेडसावणाऱ्या समस्या असल्याच्या मुद्द्यावर भर देऊन ते म्हणाले, की मानव जातीच्या वाढत्या गरजांकडे लक्ष देणे अत्यंत महत्त्वाचे आहे, कारण त्याच्याअभावी कचरा व्यवस्थापनाची प्रमुख समस्या उभी राहिली आहे. अंतर्रचनेचे महत्त्व व त्याची योग्य अंमलबजावणी यावर आनंद दिवाडकर यांनी आपले विचार व्यक्त केले.

‘सूर्यदत्ता एज्युकेशन फाऊंडेशन’च्या ‘पीआयएटी’ संस्थेतून उत्तीर्ण झालेले अनेक विद्यार्थी आज आपल्या व्यवसायात अत्यंत यशस्वी ठरुन कार्यरत आहेत.