पुणे :राज्यातील २० शहरातून आलेल्या ११८८ कथक नृत्यांगनांनी एकत्र सादर केलेल्या नृत्याची नोंद ‘लिम्का बुक ऑफ रेकॉर्ड्स’ आणि ‘वर्ल्ड रेकॉर्ड्स बुक ऑफ इंडिया’ मध्ये झाली आहे. एकाचवेळी सर्वाधिक नृत्यांगनांनी कथक नृत्य सादर करण्याचा विश्वविक्रम यातून नोंदवला गेला. पुण्याच्या प्रेरणा फाउंडेशनच्या ‘नृत्य चक्र’ या नृत्यसमूहाने या विक्रमाची नोंद केली.

ज्योती मनसुखानी यांच्या संकल्पनेतून विविध गटांच्या एकूण ११८८ नृत्यांगनांनी एकत्र येत २० मिनिटांसाठी नृत्य सादरीकरण केले. संयोजन समितीत तेजस्विनी साठे,ज्योती मनसुखानी,अस्मिता ठाकूर, रसिका गुमास्ते आणि डॉ. माधुरी आपटे यांचा समावेश होता.कथक नृत्यांगनांनी एकाचवेळी सादर केलेल्या सर्वाधिक रचनांसाठी ही नोंद झाली.गतवर्षी २५ फेब्रुवारी रोजी या उपक्रमाचे आयोजन करण्यात आले होते,मात्र नोंदीचे प्रमाणपत्र १ मे २०२५ रोजी मिळाले. शास्त्रीय कथक नृत्य सादरीकरणाचा हा उपक्रम महाराष्ट्रीय मंडळाच्या चंद्रशेखर आगाशे महाविद्यालयाच्या मैदानावर झाला होता.

रुग्ण, त्यांचे कुटुंबीय, वैद्यकीय क्षेत्रातील तज्ञ, तसेच सोसायटी ऑफ ब्लड ट्रान्सफ्यूजन अँड इम्युनोहेमॅटोलॉजी आणि थॅलेसेमिया सोसायटी पुणे चॅप्टर यांचा रॅलीमध्ये एकत्रीत सहभाग

पुणे: थॅलेसेमिया रुग्णांची राजधानी म्हणून ओळखल्या जाणाऱ्या भारतात या अनुवंशिक आजारबद्दल फारशी जागरूकता नाही. आजही आपल्या देशात दरवर्षी सुमारे दहा ते बारा हजार मुले थॅलेसेमियाग्रस्त जन्माला येतात. केवळ शारीरिकच नव्हे तर रुग्ण आणि त्याच्या संपूर्ण कुटुंबाच्या मानसिक, आर्थिक आणि समाजिक जीवनावर आघात करणारा हा रक्तविकार एक सामाजिक आरोग्य समस्या म्हणून आपल्या समोर उभा ठाकला आहे. २०३५ पर्यंत ‘थॅलेसेमिया मुक्त भारत’ या ध्येयापर्यंत पोहोचण्यासाठी जनजागृती व्हावी आणि अधिकाधिक लोकांनी आवश्यक खबरदारी पाळून या आजारपासून मुक्तता मिळवावी यासाठी आज जागतिक थॅलेसेमिया दिनानिमित्त, सह्याद्रि हॉस्पिटलची ब्लड बँक, इंडियन सोसायटी ऑफ ब्लड ट्रान्सफ्यूजन अँड इम्युनोहेमॅटोलॉजी (ISBTI) आणि थॅलेसेमिया सोसायटी पुणे चॅप्टर (TSPC) यांच्या सहकार्याने एक रॅली आयोजित करण्यात आली होती.

पुणे शहरातील या प्रकारचा हा पहिलाच उपक्रम असून वैद्यकीय कर्मचाऱ्यांसह अनेक थॅलेसेमियाग्रस्त मुले आणि त्यांचे पालक या रॅलीमध्ये उत्स्फूर्तपणे सहभागी झाले होते. ‘थॅलेसेमिया मुक्त भारत’ अभियानाचा भाग असलेली ही रॅली आज सकाळी ७.३० वाजता सह्याद्रि सुपर स्पेशालिटी हॉस्पिटल, डेक्कन जिमखाना येथून सुरू होऊन लकडी पूल, टिळक रोड आणि बाजीराव रोड मार्गे शनिवार वाड्यापाशी समाप्त झाली.

पुण्याचे अन्न आणि औषध प्रशासन (FDA) चे सहआयुक्त – श्री. गिरीश हुकरे, सह्याद्रि ग्रुप ऑफ हॉस्पिटल्सचे मुख्य कार्यकारी अधिकारी आणि वैद्यकीय संचालक – डॉ. सुनील राव, थॅलेसेमिया सोसायटी पुणे चॅप्टर (टीएसपीसी) अध्यक्षा – डॉ. नीता मुन्शी, इंडियन सोसायटी ऑफ ब्लड ट्रान्सफ्यूजन अँड इम्युनोहेमॅटोलॉजी (ISBTI) चे अध्यक्ष – डॉ. दिलीप वाणी, सह्याद्रि हॉस्पिटल्स येथील ब्लड बँकेच्या वरिष्ठ सल्लागार आणि ISBTI महाराष्ट्र चॅप्टरच्या सचिव – डॉ. पूर्णिमा राव, तसेच सह्याद्रि सुपर स्पेशालिटी हॉस्पिटल्स, डेक्कन जिमखाना, रक्तपेढीच्या विभागप्रमुख आणि ISBTI महाराष्ट्र चॅप्टरच्या खजिनदार – डॉ. स्मिता जोशी आदि मान्यवर या रॅलीमध्ये सहभागी झाले होते. त्याशिवाय बिग एफएम चे सुप्रसिद्ध आरजे – संग्राम खोपडे यांनी देखील या सामाजिक उपक्रमामध्ये आपली उपस्थिती नोंदवली.

या प्रसंगी बोलताना श्री. गिरीश हुकरे म्हणाले, “थॅलेसेमिया हा आजार रुग्ण आणि त्याच्या कुटुंबियांसाठी आयुष्यभराचे आव्हान आहे आणि त्यासाठी प्रतिबंध हा एकमेव इलाज आहे. आज सरकारतर्फे थॅलेसेमियाग्रस्त रुग्णांना मोफत रक्त आणि औषधे दिली जातात. यासारख्या सरकारी सुविधांचा जास्तीत जास्त वापर करून या आजाराशी लढा देणे आणि त्याबद्दल जागरूकता पसरवणे हाच थॅलेसेमिया मुक्त भारताकडे जाण्याचा मार्ग आहे.”

डॉ. सुनील राव म्हणाले, “थॅलेसेमिया हा एक अनुवांशिक रक्तविकार आहे. आईवडिलांमध्ये सौम्य लक्षणे असली तरी मुलांना गंभीर थॅलेसेमिया होऊ शकतो. यामध्ये जनुकीय दोषामुळे मुलांच्या हिमोग्लोबिन निर्मितीवर परिणाम होतो आणि त्यांच्या रक्तातील लाल पेशींचे आयुष्य कमी होते. त्यामुळे अशा मुलांना प्रत्येक २१ दिवसांनंतर कमीत-कमी एक युनिट रक्त देण्याची आवश्यकता असते. गेल्या १५ वर्षांहून अधिक काळ, आमची रक्तपेढी आणि कर्मचारी अशा थॅलेसेमिया रुग्णांना सर्वतोपरी वैद्यकीय मदत करत आहेत ही अतिशय अभिमानास्पद बाब आहे.”

डॉ. नीता मुन्शी म्हणाल्या, “आज पुण्यामध्ये १,००० हून अधिक थॅलेसेमियाचे रुग्ण आहेत आणि त्यात महिन्यागणिक भर पडत आहे. २०३० पर्यंत पुणे तर २०३५ पर्यंत देशाला थॅलेसेमियामुक्त करणे हे आपले ध्येय आहे. आणि त्यासाठी आपण प्रतिबंधावर लक्ष केंद्रित करून विवाहपूर्व किंवा बाळंतपणाचे नियोजन करण्यापूर्वी योग्य त्या तपासण्या करून घेणे अतिशय गरजेचे आहे. त्यामुळे हा आजार पुढच्या पिढ्यांत येण्यापासून रोखता येईल.”

डॉ. दिलीप वाणी या प्रसंगी भारताला थॅलेसेमिया मुक्त करण्यासाठी आज रुग्णालये, रक्तपेढ्या, सामाजिक संस्था आणि रुग्ण व त्यांचे कुटुंबीय यांनी एकत्र येऊन या आरोग्य समस्येशी सामना करणे गरजेचे आहे, असे म्हणाले. 

डॉ. पूर्णिमा राव यांनी याप्रसंगी उपस्थितांचे आभार मानले. थॅलेसेमिया रुग्णांसाठी रक्त संक्रमण उपचारांच्या महत्त्वावर त्यांनी भर दिला आणि आर्थिकदृष्ट्या दुर्बल रुग्णांना आवश्यक उपचार मिळावेत यासाठी शहरभरात वारंवार रक्तदान मोहिमा राबविण्याची गरज अधोरेखित केली.

एकत्रितपणे, आपण थॅलेसेमिया मुक्त भारताचे आपले स्वप्न साकार करण्यासाठी समाजात जागरूकता निर्माण करून या ध्येयासाठी काम करण्याचे आणि रुग्ण-केंद्रित भविष्य घडविण्यासाठी सक्रियपणे सहभागी होण्याचे आवाहन यावेळी उपस्थितांना केले गेले. याशिवाय, सह्याद्रि हॉस्पिटल्सतर्फे या उद्देशाप्रती रक्तपेढ्या आणि वैद्यकीय क्षेत्रासाठी सातत्यपूर्ण वैद्यकीय शिक्षणाचे आयोजन करणार आहेत.

मंत्री जयकुमार रावल यांच्या अध्यक्षतेखाली पणन संचालक मंडळाची पुण्यात बैठक

विविध विषयावर मंडळाच्या बैठकीत चर्चा

पुणे, दि. ८ :- राज्यातील शेतकऱ्यांच्या शेतमाल विक्रीची व्यवस्था अधिक सक्षम करणे हे पणन मंडळाचे प्रमुख कार्य आहे. राज्यात उत्पादन होणारे फळे व भाजीपाला यांचे ग्रेडिंग, पॅकिंग आणि मार्केटिंगसाठी जागतिक मार्केट व्यवस्थेशी सुसंगत उपाय करणे आवश्यक आहे. देशांतर्गत आणि आंतरराष्ट्रीय पातळीवर महाराष्ट्राच्या शेतमालाचे मार्केटिंग वाढवण्यासाठी महाराष्ट्र राज्य कृषी पणन मंडळाला वर्तमान व्यवस्थेशी सांगड घालून वेगाने काम करावे लागेल. राज्यातील वर्तमान शेतमाल विक्री व्यवस्था व्यवस्थित असली तरी जगाच्या कृषी माल विक्री व्यवस्थेशी स्पर्धा करण्यासाठी जागतिक तंत्रज्ञानाचा वापर करून राज्यातील शेतमाल कृषी व्यवस्था अधिक सक्षम करण्यासाठी नियोजन करावे,असे निर्देश राज्याचे पणन मंत्री जयकुमार रावल यांनी महाराष्ट्र कृषी पणन मंडळाच्या अधिकाऱ्यांना दिले. महाराष्ट्र राज्य कृषी उत्पन्न मंडळाच्या आढावा बैठकीत ते बोलत होते.

महाराष्ट्र राज्य कृषी पणन संचालक मंडळाची आज मंडळाचे मुख्य कार्यालय गुलटेकडी येथे बैठक झाली. या बैठकीत मंडळाच्या विविध विषयांचा आढावा पणन मंत्री जयकुमार रावल यांनी घेतला. यावेळी कृषी आयुक्त सूरज मांढरे, सहकार आयुक्त दिपक तावरे, पणन मंडळाचे कार्यकारी संचालक संजय कदम, संचालक विकास रसाळ, सरव्यवस्थापक विनायक कोकरे, व्यवस्थापक शैलेश जाधव तसेच पणन मंडळाचे सदस्य नारायण पाटील, संचालक संजय पाटील,मंडळातील संचालक व अधिकारी उपस्थित होते.

मंत्री श्री. रावल म्हणाले, महाराष्ट्रातील शेतकऱ्यांच्या सेवेसाठी पणन मंडळ कार्यरत असून त्यांच्या हिताच्या सुविधा पुरविण्याच्या दृष्टीने योजना तयार करा. त्यादृष्टीने व्यवस्था उभी करण्याचे काम पणन मंडळाचे आहे.शेतकरी उपयोगी सुविधा केंद्र असावीत अशा प्रकारे सुविधा केंद्रांचे अद्ययावतीकरण करा. शेतकऱ्यांच्या मालाला मूल्य वर्धन करण्याची उपाय – योजना, नियोजन पणन मंडळाने करावे. शेतकऱ्यांच्या उत्पादनाला चांगला भाव मिळावा अशी शासनाची भूमिका आहे. योजना किंवा सुविधांसाठी नागरिकांना ताटकळत ठेवण्याची मानसिकता बदलून अधिकाऱ्यांनी काम करावे, अशा सूचना त्यांनी यावेळी दिल्या.

ते म्हणाले, बाजार समित्या मजबूत, सक्षम व आधुनिक सुविधांनी युक्त व्हाव्यात यासाठी पणन मंडळाने प्रयत्न करावेत. शेतकऱ्यांना राज्यातील कोणत्याही बाजार समितीतील खरेदी-विक्रीचे दर कुठल्याही बाजार समितीत उपलब्ध होतील अशी यंत्रणा इ – नामच्या माध्यमातून राबवण्यात येत आहेत. ती प्रक्रिया आधिक गतिमान व पारदर्शक करावी. केवळ औपचारिक प्रक्रिया न राबवता, बाजार समित्यांचे आर्थिक स्वास्थ्य चांगले राहील याची खबरदारी घेऊन विकास कामांना गती द्यावी. बाजार समित्यांमधील विकास कामे करतांना स्टार्टअपला संधी द्यावी. ही कामे करतांना दर्जेदार होतील याकडे लक्ष द्यावे. सर्व बाजार समित्यांनी संचालक मंडळाच्या बैठकीत परिपूर्ण प्रस्ताव सादर करावेत. प्रस्तावातील मागणीच्या खर्चाचा रेशो ठरवून २५ टक्के स्वनिधी खर्च झाल्याशिवाय उर्वरित कर्ज रक्कम मंजूर करण्यात येऊ नये. उर्वरित ७५ टक्के निधीतील किमान ५० टक्के रक्कम शेतकऱ्यांचे उत्पन्न वाढवणाऱ्या सुविधा निर्माण कामांसाठी वापरावी. रस्ते दुरुस्तीसाठी बाजार समित्यांनी स्वनिधी वापरावा, थकीत कर्ज वसुलीप्रकरणी विभागीय कार्यालयांनी बाजार समित्यांना भेटी द्याव्यात. ज्या बाजार समित्यांवर प्रशासक नेमलेले असतील तेथील १०० टक्के वसुली करावी, असे सांगून ठाणे जिल्ह्यातील बापगाव येथील पणन मंडळाच्या जागेवर तातडीने संरक्षण भिंत बांधण्याचे काम सुरु करावे, तसेच मंडळाने राज्यातील शेतमालाची व शेतमाल बाजार भावाची माहिती देणारे स्वतंत्र पोर्टल उपलब्ध करून द्यावे असे निर्देशही त्यांनी दिले.

तळेगाव दाभाडे येथील राष्ट्रीय सुगी पश्चात तंत्रज्ञान संस्थेला देण्यात येणाऱ्या निधीत वाढ, ई-नाम योजना अंमलबजावणी, उपविभागीय कार्यालये स्थापित करण्याबाबत, वाशी येथील सुविधा केंद्र, संत्रा प्रक्रिया केंद्र उभारणी, काजू फळपिक योजनेंतर्गत प्रत्येक तालुक्यात ५ हजार मे. टन क्षमतेचे गोदाम उभारणीबाबत, सल्लागार नियुक्त करणे, वाई तालुक्यातील उपबाजार समिती पाचवड येथे सेल हॉल बांधणी प्रस्ताव, अहिल्यानगर कृषी उत्पन्न बाजार समिती आवारा अंतर्गत व उपबाजार समिती नेप्ती येथील रस्ते दुरुस्ती, अंशदान व कर्ज वसुलीचा आढावा घेऊन विविध विकास कामांसाठी कर्ज मागणी प्रस्तावांवर विचारविनिमय करण्यात आला. तसेच मंडळाच्या थकीत कर्जाबाबत वन टाइम सेटलमेंट योजनेच्या संदर्भातही विचारविनिमय करून नवीन धोरण ठरवण्यात येत असे त्यांनी सांगितले.

00000

पुणे, दि.8 : जिल्हा विधी सेवा प्राधिकरणामार्फत आपआपसातील वाद समझोत्याने मिळविण्यासाठी राष्ट्रीय लोकअदालतीचे शनिवार 10 मे 2025 रोजी जिल्ह्यातील प्रत्येक न्यायालयात आयोजन करण्यात येणार आहे. अधिकाधिक पक्षकारांनी या राष्ट्रीय लोकअदालतीत सहभागी होऊन लाभ घ्यावा, असे आवाहन जिल्हा विधी सेवा प्राधिकरणाचे अध्यक्ष महेंद्र महाजन व सचिव सोनल पाटील यांनी केले आहे.

या राष्ट्रीय लोकअदालतीमध्ये मोटार वाहन नुकसान भरपाई प्रकरणे, कौटुंबिक वादाची प्रकरणे, दिवाणी प्रकरणे, फौजदारी प्रक्रिया संहितेच्या कलम ३२० नुसार तडजोड करण्यायोग्य गुन्ह्यांचा समावेश असलेली फौजदारी प्रकरणे, धनादेश न वटण्याची (चेक बाउन्स) प्रकरणे, जिल्ह्यातील न्यायालयातील प्रलंबित असणारी प्रकरणे तसेच बँक, वीज कंपनीची दाखल पूर्व प्रकरणे आणि मोटार वाहन कायद्याअंतर्गत येणारी प्रकरणे तडजोडी करीता ठेवण्यात आलेली आहेत

आपली प्रकरणे लोक अदालतीमध्ये तडजोडीकरीता ठेवण्याकरिता नागरिकांनी संबंधीत न्यायालयात किंवा जिल्हा विधी सेवा प्राधिकरण तसेच तालुका विधी सेवा समिती येथे संपर्क साधावा. लोक न्यायालयामध्ये प्रकरणे ठेवण्याकरिता पक्षकार त्यांच्या वकिलांचीदेखील मदत देखील घेऊ शकतात.

लोक न्यायालयामध्ये प्रकरण मिटल्यास न्यायालयीन शुल्क नियमाप्रमाणे परत मिळू शकते. प्रकरणाचा झटपट निकाल लागतो. लोक न्यायालयाच्या निकालावर अपील करता येत नाही. परस्पर संमतीने निकाल झाल्याने आपआपसात कटूता कमी होण्यास मदत होऊन वेळ व पैसा दोघांचीही बचत होते, अधिक माहितीसाठी दूरध्वनी क्र. 020-25534881 व मोबाईल क्र. 8591903612 तसेच इंदापूर- ०२१११-२२३१४९, भोर- ०२११३-२२२६४७, दौंड- ०२११७-२६२४२९, सासवड- ०२११५-२२२३१९, जुन्नर- ०२१३२-२२२१४१, बारामती -०२११२-२२२०१७, खेड-राजगुरुनगर- ०२१३५-२२२१७०, घोडेगाव- ०२१३३-२४४३५९, शिरुर-घोडनदी- ०२१३८-२२३२६५, वडगाव मावळ- ०२११४-२३५२१० येथे संपर्क साधावा. अशी माहिती श्रीमती पाटील यांनी प्रसिद्धीपत्रकान्वये दिली आहे.
0000

पुणे, दि. ०८ मे २०२५: येत्या काही दिवसांमध्ये मान्सूनचे आगमन होत आहे. पावसाळी परिस्थितीत वीजपुरवठा सुरळीत ठेवण्यासाठी महावितरण व महापारेषणच्या पुणे परिमंडलामधील वीज उपकेंद्रांतील व वीजवाहिन्यांवरील यंत्रणेच्या मान्सूनपूर्व देखभाल व दुरूस्तीचे पूर्वनियोजित कामे वेगाने सुरू आहेत. मे महिन्याच्या अखेरीस सर्व कामे पूर्ण करण्यात येणार आहेत.

       पावसाळ्यात वीजयंत्रणा सज्ज ठेवण्यासाठी तसेच वीजपुरवठा खंडित होण्याचे व वीजसुरक्षेचे धोके टाळण्यासाठी ग्राहकांना पूर्वसूचना देऊन देखभाल व दुरुस्तीचे कामे प्रामुख्याने दर गुरूवारी करण्यात येत आहेत. महापारेषण व महावितरणच्या समन्वयातून ही कामे सुरु आहेत. महावितरणकडे ग्राहक क्रमांकासोबत नोंदणी केलेल्या मोबाईल क्रमांकावर ‘एसएमएस’द्वारे संबंधित वीजग्राहकांना पूर्वनियोजित वीज बंदाबाबत कळविण्यात येत आहे. तसेच वृत्तपत्रांमध्ये वीज बंदचे जाहिरात निवेदन प्रसिद्ध करण्यात येत आहे. सोबतच बाधित होणाऱ्या क्षेत्रात पर्यायी अन्य वीजयंत्रणेतून वीजपुरवठा उपलब्ध करून देण्यास सर्वाधिक प्राधान्य देण्यात येत आहे.

पूर्वनियोजित देखभाल व दुरुस्तीच्या कामांमध्ये प्रामुख्याने वीजवाहिन्यांना स्पर्श करणाऱ्या झाडांच्या छोट्या फांद्या तोडणे, तूटलेले पीन व डिस्क इन्सूलेटर्स बदलणे, वितरण रोहित्रे, फिडर पिलर, रिंगमेन युनिटचे अर्थिंग तपासणे, ऑइल फिल्टरेशन व ऑइल टॉपिंग अप, रोहित्राच्या वितरण पेटीची दुरुस्ती, नादुरुस्त लाईटनिंग अरेस्टर बदलणे, वीजखांब व तारांचे मजबुतीकरण, तारांमधील झोल काढणे, गंजलेले किंवा खराब झालेले वीजखांब बदलणे, जुन्या वीजतारा बदलणे, फिडर पिलरची साफसफाई व आवश्यकतेनुसार इन्सूलेशन स्प्रे मारणे, उच्च व लघुदाब वीजतारांना गार्डिंग करणे यासह उपकेंद्रातील ब्रेकर्सची दुरुस्ती, बॅटरी चार्जिंग, पॉवर ट्रान्सफॉर्मरची देखभाल व ऑइल टॉपिंग अप अशा व इतर विविध दुरुस्ती कामांसह वीजपुरवठ्याच्या पर्यायी यंत्रणा सज्ज करणे आदी कामे करण्यात येत आहेत.

महापारेषण व महावितरणकडून गुरुवारी (दि. ८) नांदेड सिटी, धायरी गाव, नऱ्हे गाव, रायकर मळा, नांदेड गाव, वडगाव, देशपांडे गार्डन सोसायटी, बाजीराव रस्ता, शुक्रवार पेठ, फडतरे चौक, पेशवे पार्कचा काही भाग, कर्वेनगर, थोरात कॉलनी, आनंद निकेतन, मधुबंध कॉलनी, नवसह्याद्री सोसायटी, वसंतनगर, इंदिरा पार्क, आनंदनगर, गुजरात कॉलनी, एमआयटी कॉलेज रस्ता, रहाटणीसह खराडी व वडगाव शेरीचा काही भाग तसेच भोसरी, पिंपरी चिंचवड व तळवडे एमआयडीसी, भोसरी, देहू, मोशी, चिखलीचा काही परिसर या भागात पूर्वमाहिती देऊन वीजयंत्रणेचे पूर्वनियोजित देखभाल व दुरुस्तीचे कामे करण्यात आली.

खाजगी किंवा विविध संस्था मालकीच्या जागेतील झाडांच्या मोठ्या फांद्या वादळ व मुसळधार पावसामुळे कुंपणाबाहेरील उपरी वीजवाहिन्यांवर कोसळण्याची शक्यता असते. त्याचा अंदाज घेऊन वीजवाहिन्यांना संभाव्य धोका असणाऱ्या झाडांच्या मोठ्या फाद्यांची संबंधितांनी महानगरपालिकेची पूर्वपरवानगी घेऊन किंवा त्यांच्या सहाय्याने छटाई करावी. यासाठी आवश्यकतेनुसार सहकार्य करण्यात येईल असे आवाहन महावितरणकडून करण्यात आले आहे.

डेला रिसॉर्ट्स अँड ऍडव्हेंचर आणि हिरानंदानी कम्युनिटीज अँड क्रिसला डेव्हलपर्स ची भागीदारी

मुंबई, ८ मे २०२५: डेला रिसॉर्ट्स अँड ऍडव्हेंचरने हिरानंदानी कम्युनिटीज अँड क्रिसला डेव्हलपर्ससोबत
प्रोप्रायटरी सीडीडीएमओ TM मॉडेलसाठी हातमिळवणी केली आहे. तब्बल ११०० कोटी रुपये उत्पन्न मिळवून
देण्याची क्षमता असलेली रेसकोर्स थीम्ड मेगा टाऊनशिप उभारण्यासाठी ही भागीदारी करण्यात आली आहे.
महत्त्वाचे म्हणजे भारतीय स्थावर मालमत्ता उद्योगक्षेत्रात हे पाऊल पहिल्यांदाच उचलले गेले आहे. विशिष्ट
संकल्पनेवर आधारित, हॉस्पिटॅलिटी-चलित मॉडेलने स्थावर मालमत्ता क्षेत्रात एक नवीन गुंतवणूक वर्ग खुला
आहे, ज्यामध्ये गुंतवणुकीवर ९% पर्यंत परतावा देण्याची क्षमता आहे. या मॉडेलमुळे हा मूल्य प्रस्ताव स्थावर
मालमत्तेच्या पलीकडे जाऊन, एक खास निवडण्यात आलेली लाईफस्टाईल इकोसिस्टिम निर्माण करतो,
ज्यामध्ये अतुलनीय लक्झरी, कम्युनिटी आणि अनुभवात्मक हॉस्पिटॅलिटी यांचा मिलाप आहे.
पुण्यातील वेगाने विकसित होत असलेल्या उत्तर हिंजवडीमध्ये तब्बल ४० एकरांहून मोठ्या परिसरात
वसवण्यात येणार असलेल्या या टाऊनशिपमध्ये ८ एकरांचे रेसकोर्स आणि इंटरनॅशनल पोलो क्लब, १२८
खाजगी व्हिला प्लॉट्स, ११२ रिसॉर्ट खाजगी निवास, ३०० खोल्यांचे पंचतारांकित लक्झरी रिसॉर्ट, ९ वेडिंग
डेस्टिनेशन व्हेन्यू, १२ कॉर्पोरेट आणि माईस व्हेन्यू, एक्स्ट्रीम ऍडव्हेंचर पार्क, डेला रेन्ज गोल्फ, वेलनेस सुविधा
आणि डेलाची खासियत म्हणून ओळखल्या जाणाऱ्या डिझाईन संवेदनांनी सजलेल्या एक्स्पेरिएन्शियल जागा
यांचा समावेश असेल. या टाऊनशिपची आधुनिक ऑरगॅनिक आणि ब्रिटिश कलोनियल आर्किटेक्चरल आणि
डिझाईन शैली अनुभवात्मक जगणे, स्थिर परतावा आणि दीर्घकालीन संपत्ती वृद्धी यांना महत्त्व देणाऱ्या
घरमालकांच्या व गुंतवणूकदारांच्या नवीन पिढीच्या सौंदर्याशी संबंधित आवडीनिवडींना पुरेपूर अनुरूप आहे.
डेला रिसॉर्ट्स अँड ऍडव्हेंचरचे संस्थापक आणि अध्यक्ष तसेच या महत्त्वपूर्ण विकासामागे ज्यांची दूरदृष्टी आहे
असे श्री जिमी मिस्त्री यांनी सांगितले, “ही केवळ एक टाऊनशिप नाही तर भारतामध्ये आजवर कधीही पहिले न
गेलेल्या स्थावर मालमत्ता मॉडेलचा हा उदय आहे. सीडीडीएमओ दृष्टिकोनासह आम्ही स्थावर मालमत्तेला
केवळ उत्पादन नव्हे तर अनुभव म्हणून निर्माण करू इच्छितो. आमची इच्छा आहे की, स्थावर मालमत्ता ही
केवळ एक स्थिर संपत्ती बनून राहू नये तर, गतिशील, परतावा मिळवून देणारी गुंतवणूक बनावी. पहिल्यांदाच
निवासी स्थावर मालमत्तेमध्ये उद्योगक्षेत्रातील आजवरच्यापेक्षा म्हणजे ३% पेक्षा जास्त परतावा मिळत आहे,
स्थावर मालमत्ता गुंतवणुकीवर पारंपरिक अपेक्षांपेक्षा जास्त ९% पर्यंत खात्रीशीर परतावा दिला जात आहे. हे
लक्झरी फ्यूचर फिट लिव्हिंग आहे, अचूकपणे डिझाईन करण्यात आले आहे आणि डिझाईन, नावीन्य व
संचालनातील उत्कृष्टता याचा आधार आहे.”उद्योगक्षेत्रातील दिग्गज, हिरानंदानी कम्युनिटीजचे अध्यक्ष डॉ निरंजन

हिरानंदानी यांनी या भागीदारीविषयीसांगितले, “भारतीय स्थावर मालमत्ता उद्योगामध्ये आमूलाग्र परिवर्तन घडून येत

आहे, एकात्मिक, वन-स्टॉप डेस्टिनेशन्समध्ये जीवनशैलीवर भर देणाऱ्या जगण्याबाबत घरखरेदीदारांच्या वाढत्या महत्त्वाकांक्षा या
परिवर्तनाला दिशा आणि चालना देत आहेत. ग्राहककेंद्रितता वाढवण्यासाठी जागा आणि सेवा यांचे एकीकरण
करणारे ट्रेंड्स उद्योगक्षेत्राने स्वीकारले पाहिजेत. आधुनिक घरखरेदीदारांच्या आवडीनिवडी बदलत आहेत,
त्यालाच अनुसरून स्थावर मालमत्ता विकासक महत्त्वाकांक्षी भारतीय घरमालकाच्या गरजा पूर्ण करण्यासाठी
तयार करण्यात आलेल्या अभिनव इकोसिस्टिम तयार करण्यासाठी पूरक उद्योगांसोबत हातमिळवणी करत
आहेत.
नावीन्य आणि ट्रेंड्स निर्माण करणे हे नेहमीच हिरानंदानीचे हॉलमार्क्स म्हणून ओळखले जातात. उत्तर
हिंजवडी, पुण्यामध्ये १०५ एकरांच्या टाऊनशिपसाठी क्रिसला डेव्हलपर्ससोबत आमची धोरणात्मक भागीदारी
म्हणजे हिरानंदानी ग्रुपने पुण्यातील वेगाने वाढत असलेल्या स्थावर मालमत्ता बाजारपेठेत केलेले पदार्पण आहे.
शिवाय डेला ग्रुपसोबत केलेला विकास व्यवस्थापन करार विशेष निवडण्यात आलेल्या, खास अनुभव देणाऱ्या,
राहण्याच्या जागा पुरवण्याची आम्ही कटिबद्धता मजबूत करतो. जीवनशैलीची नवी व्याख्या रचणे, प्रत्यक्ष
वापर करणारे आणि गुंतवणूकदार या दोघांसाठी देखील मूल्य प्रस्ताव वाढवणे आणि भारतीय स्थावर मालमत्ता
क्षेत्रात नवीन मानके स्थापन करणे हा या भागीदारीचा उद्देश आहे.”
क्रिसला डेव्हलपर्सचे सीएमडी श्री सागर अगरवाल म्हणाले, “हिरानंदानी कम्युनिटीजसोबत आम्ही ज्या १०५
एकरांच्या एकीकृत टाऊनशिपची संकल्पना करत आहोत, ती स्केल, सस्टेनेबिलिटी आणि स्मार्ट शहरवादावर
आधारित आहे. डेला टाऊनशिप्ससोबत ४० एकर परिसरासाठी आम्ही भागीदारी ही धोरणात्मक भागीदारी
करण्याच्या क्रिसला डेव्हलपर्सच्या मूलभूत शक्तीमुळे शक्य झाले आहे ज्यामुळे व्हिजन आणि मूल्य या
दोन्हींमध्ये वाढ झाली आहे. या सेगमेंटमुळे निवासी स्थावर मालमत्तेमध्ये अनेक गोष्टी या उद्योगक्षेत्रात
पहिल्यांदाच आणल्या जातील, प्रीमियम खाजगी व्हिला प्लॉट्स, सिग्नेचर निवास, रेसकोर्स, रिसॉर्ट, ऍडव्हेंचर
पार्क यांचा यामध्ये समावेश आहे, ज्यामुळे शहरी जीवनाच्या मध्यभागी हॉस्पिटॅलिटी प्रस्तुत केली जाईल.
उत्तर हिंजवडीमध्ये असल्याने मुंबई-बंगलोर राष्ट्रीय महामार्गापासून अगदी जवळ आहे, ही टाऊनशिप घर
खरेदीदार आणि गुंतवणूकदार दोघांसाठी देखील आकर्षक ठरेल. डेलासोबत आम्ही एक असे डेस्टिनेशन तयार
करत आहोत ज्यामध्ये उत्तम राहण्याच्या जागा, महत्त्वाकांक्षा आणि उच्च मूल्य गुंतवणूक यांचा मिलाप
असेल, निवासी स्थावर मालमत्तेची नवीन राष्ट्रीय मापदंड निर्माण केले जातील.”
सध्या हा प्रकल्प नियोजनाच्या खूप वरच्या टप्प्यांवर आहे, जमीन अधिग्रहण पूर्ण झालेले आहे आणि
डिझाईनला अंतिम मंजुरी देण्याचे काम सुरु आहे. टाऊनशिपचा पहिला फेज तीन महिन्यांमध्ये लॉन्च होईल
आणि रिसॉर्ट व व्हिला प्लॉट्ससाठी पुढील वर्षीच्या सुरुवातीला ताबा दिला जाण्याची शक्यता आहे. २०२६
वर्षाच्या अखेरीस खाजगी निवासांचा ताबा दिला जाईल अशी अपेक्षा आहे. शहरी जगण्याची नवी व्याख्या तयार
केली जावी आणि ही टाऊनशिप म्हणजे पुण्यातील एक सांस्कृतिक हॉटस्पॉट बनावा तसेच इतर उदयास येत
असलेल्या भारतीय महानगरांसाठी एक अनुकरणीय मॉडेल तयार केले जाते हा या हॉस्पिटॅलिटीवर आधारित
थीम्ड टाऊनशिपचा उद्देश आहे.