‘शिवजयंती’ देशभर साजरी झाली पाहिजे…

पुणे-स्त्रियांचा सर्वोच्च सन्मान करत रयतेला आधार देणारे, शेतकऱ्यांच्या भाजीच्या देठाला सुद्धा हात लावू न देणारे खरे संरक्षक म्हणजे कुळवाडी भुषण बहुजन प्रतिपालक छत्रपती शिवाजी महाराज होय. आजची ३८८ वी ‘शिवजयंती’ हि जातीयवाद व धर्मवादाला मुठमाती देणारी धर्मनिरपेक्ष राज्य व्हावे… यासाठी प्रयत्न केले पाहिजेत. शिवरायांचे शेतकरी धोरण आज अवलंबले पाहिजे. कारण सध्याच्या शेतकरी विरोधी धोरणामुळे शेतकऱ्यांसोबत कुटूंबातील सदस्य ही आज आत्महत्या करत आहेत. धर्मा पाटील यांची राज्याच्या सर्वोच्च सभागृहासमोरील आत्महत्या हि राज्यकर्त्यांचे अपयश आहे. हे पुरोगामी महाराष्ट्राला शोभणारे नाही. म्हणून ३८८ वर्षानंतर सुद्धा छत्रपती शिवाजी महाराजांचे विचार व आदर्शाची गरज वाटते… हाच त्यांच्या समतावादी धर्मनिरपेक्ष विचारांचा विजय आहे. म्हणून देशाला शिवराय कळण्यासाठी… शिवजयंती देशभर साजरी केली पाहिजे… असे मत संभाजी ब्रिगेड’चे जिल्हाध्यक्ष संतोष शिंदे यांनी व्यक्त केले.

संभाजी ब्रिगेड च्या वतिने SSPMS येथे शिवजयंती साजरी करण्यात आली. यावेळी महिलांचा पाळणा घेण्यात आला.

यावेळी संभाजी ब्रिगेड चे जिल्हाध्यक्ष संतोष शिंदे, Vbvp च्या प. म. उपाध्यक्ष कु. पुजा झोळे, शहराध्यक्ष प्रशांत धुमाळ, अॕड. मिलींद पवार, छावा क्रांतिवीर सेनेच्या अध्यक्ष छायाताई खैरणार, विठ्ठल सुर्यवंशी, सुवर्णा बनबरे, प्रा. प्रतिमा परदेशी, अॕड. किरण कदम, अजय पवार, सचिन जोशी, प्रदिप तांबे, आदी शिवप्रेमी कार्यकर्ते मोठ्या प्रमाणात उपस्थित होते.

पुणे : महापुरुष हे कोण्या एका जातीचे, धर्माचे नसतात. सर्वसामान्यांच्या स्वातंत्र्यासाठी त्यांचा जीवनसंघर्ष असतो. त्यामुळे जातीधर्मापलिकडे जाऊन एकात्म व एकसंघ होण्यासाठी शिवाजी महाराज यांच्यासह अनेक थोर महापुरुष हे प्रेरक शक्ती आहेत, असे प्रतिपादन ज्येष्ठ विचारवंत व अखिल भारतीय मराठी साहित्य संमेलनाचे माजी अध्यक्ष डॉ. श्रीपाल सबनीस यांनी सोमवारी (दि. 19) केले.

महावितरण व महापारेषणच्या वतीने दरवर्षीप्रमाणे शिवाजी महाराज यांची जयंती साजरी करण्यात आली. यावेळी मुख्य वक्ते म्हणून डॉ. श्रीपाल सबनीस बोलत होते. कार्यक्रमाच्या अध्यक्षस्थानी महापारेषणचे मुख्य अभियंता श्री. रोहिदास मस्के तर प्रमुख पाहुणे म्हणून अधीक्षक अभियंता सर्वश्री महेंद्र दिवाकर, अनिल कोलप, सुंदर लटपटे, सतीश गायकवाड, जयंत कुलकर्णी यांची उपस्थिती होती.

डॉ. श्रीपाल सबनीस म्हणाले, शिवाजी महाराजांनी माणुसकीच्या मुल्यावर आधारित स्वराज्य निर्माण केले. सर्व जातीधर्माचे सहकारी सोबत घेतले. त्यामुळे वर्तमानातील प्रश्न सोडविण्यासाठी तसेच भविष्यकाळ सुधारण्यासाठी शिवाजी महाराजांच्या कर्तृत्वातील व इतिहासातील प्रेरक सुत्र स्वीकारली पाहिजेत. यावेळी मुख्य अभियंता श्री. रोहिदास मस्के यांनी मनोगत व्यक्त केले. कार्यक्रमाचे प्रास्ताविक श्री. बाबा शिंदे यांनी केले तर श्री. उद्धव कानडे यांनी सूत्रसंचालन केले. श्री. शिवाजी वायफळकर यांनी आभार मानले. कार्यक्रमाला महावितरण व महापारेषणमधील अभियंते, अधिकारी, कर्मचारी व सर्व संघटनांचे प्रतिनिधी उपस्थित होते. कार्यक्रमाच्या आयोजनासाठी उपमुख्य औद्योगिक संबंध अधिकारी श्री. रामगोपाल अहिर तसेच सर्व संघटनांचे पदाधिकारी यांनी पुढाकार घेतला.

पुणे-हडपसर सर्वे नं ४८ (श्री राम चौक मागील बाजूस ) नगरसेवक प्रमोद नाना भानगिरे व नगरसेवक  घुले यांच्या विकास निधीतुन सुमारे ४ एकर क्षेत्रावर अद्यावत बागेच्या ( गार्डन) उभारणीच्या कामाचे भूमिपूजन काल  प्रभागातील जेष्ठ मंडळींच्या हस्ते करण्यात आले. या प्रसंगी नगरसेविका सौ. प्रची आशिष आल्हाट व चिंतामणी नगर, उद्योग नगर, सातव नगर, व काळेपडळ परिसरातील विविध मंडळांचे पदाधिकारी व कार्यकर्ते मोठ्या संख्येने उपस्थित होते.

पुणे :‘महाराष्ट्र कॉस्मोपॉलिटन एज्युकेशन सोसायटी’च्या वतीने छत्रपती शिवाजी महाराज जयंतीनिमित्त पुण्यातील अल्पसंख्य, बहुजन समाजातील विद्यार्थ्याच्या भव्य अभिवादन मिरवणुकीचे आयोजन करण्यात आले होते.

आज सोमवारी सकाळी साडे आठ वाजता संस्थेचे अध्यक्ष डॉ. पी.ए.इनामदार यांच्या हस्ते मिरवणुकीस प्रारंभ झाला. एकूण दहा हजार विद्यार्थी या मिरवणुकीत सहभागी झाले होते.

मिरवणुकीचे हे 17 वे वर्ष होते.मिरवणुकीचे नेतृत्व संस्थेचे सचिव लतिफ मगदूम यांनी केले.आझम कॅम्पस ते लाल महाल असा या मिरवणुकीचा मार्ग होता.

संस्थेच्या कला महाविद्यालयाच्या प्राध्यापक आणि विद्यार्थ्यांनी तयार केलेला ‘समतावादी छत्रपती शिवाजी महाराज’ या विषयावर आधारित ‘बारा बलुतेदार’ हा देखावा मिरवणुकीचे आकर्षण ठरला.मिरवणूकीत दरबार ब्रास बॅण्डची दोन पथके, ढोल-ताशांचे पथक, तुतारी, नगारे, छत्रपती शिवाजी महाराजांची तैल चित्रे असलेली गाडी सहभागी झाले होते.

विद्यार्थ्यांच्या हातात ‘जाणता राजा’, ‘समतेचा पुरस्कार्थी राजा’, ‘स्त्रियांचा आदर करणारे राजे’, ‘रयतेचे स्वराज्य निर्माण करणारे राजे’ ‘शेतकर्‍यांचा कैवारी’ आदी घोषवाक्यांचे फलक होते.मिरवणुकीत शाहीद इनामदार, वाहिद बियाबानी, सिकंदर पटेल, शाहीद मुनीर शेख, डॉ. शैला बूटवाला, डॉ. व्हि.एन.जगताप, डॉ. किरण भिसे, प्रा. रबाब खान, प्रा. आयेशा शेख, प्रा. परवीन शेख, प्रा. गफार सय्यद, प्रा. गुलजार शेख, प्रा. मजिद सय्यद, प्रा. हेमा जैन, प्रा. इरफान शेख, पदाधिकारी, शिक्षक आणि कर्मचारी मोठ्या संख्येने सहभागी झाले होते.

कवीवर्य ग. दि. माडगूळकर साहित्य नगरी (पुणे) – चंगळवाद, प्रलोभनं, नैराश्य, यातून मुलांना फक्त शिक्षकच बाहेर काढू शकतात. प्रत्येक मुलामध्ये एक कथा दडलेली असते. ती समजण्यासाठी शिक्षक ती किती समृद्धपणे घेतो, सकसपणे घेतो यावर सगळं अवलंबून आहे. इतरांपेक्षा शिक्षकांना एक जादा शक्ती भाषेच्या रूपाने मिळाली आहे. शिक्षकांनी करावा. मुलांना भाषा चांगली बोलायला शिकवून त्यांना प्रलोभनं, चंगळवादाच्या विळख्यातून बाहेर काढून चांगली पिढी घडवावी असे आवाहन ज्येष्ठ साहित्यिक डॉ. अरूणा ढेरे यांनी आज येथे केले.

बालगंधर्व रंगमंदिरातील कविवर्य ग. दि. माडगूळकर साहित्य नगरीत भरलेल्या पहिल्या शिक्षक साहित्य संमेलनाचा समारोप प्रसंगी डॉ. ढेरे बोलत होत्या. स्वागताध्यक्ष आमदार विजय काळे, शिक्षणाधिकारी डॉ. गणपत मोरे, शिक्षणाधिकारी दिपक माळी, आदी मान्यवर व्यासपीठावर उपस्थित होते. या समारोप समारंभात स्वच्छ भारत अभियानाबद्दल हुजूरपागेची विद्यार्थीनी पूर्वी गवळी हिने काढलेल्या चित्राचे टपाल तिकीट काढले आहे. त्याबद्दल पूर्वा व तिच्या पालकांचा यथोचित गौरव डॉ. अरूणा ढेरे यांच्या हस्ते करण्यात आला.

डॉ अरूणा ढेरे म्हणाल्या, नोबेल पारितोषिक मिळवणारे रविंद्रनाथ यांचे कायम आठवण शिक्षकांनी ठेवले पाहिजे. शिक्षक काय करू शकतो तर शिक्षक एक साहित्यिक घडवतो हे रविंद्रनाथांनी दाखवून दिले आहे. त्यामुळे त्यांची आठवण ठेवणे गरजेचे आहे. त्यांच्या प्रमाणे आपल्यातही विचार, भावना व्यक्त करणारी आंतरिक ओढ असली पाहिजे. काही झाले तरी मी हे जग सुंदर करून दाखवीन असा आंतरीक दिवा पेटवा असा सल्ला त्यांनी दिला.

जेव्हा सहृदयशक्ती आणि मानसिक शक्ती एकत्र येते तेव्हा साहित्य निर्माण होते असे सांगून त्या म्हणाल्या, साहित्यिक आपल्या भोवतीच्या समाजाला, वातावरणाला स्पष्ट शब्द देऊ शकतो. शिक्षकांना भाषेची देणगी ही त्यांच्या पेशानेच दिलेली असल्याने शिक्षकांनी साहित्यिक व्हावे. साहित्याने दिलेली देणगी मुलांपर्यंत पोचवावी. आपल्या समोर वर्गात असलेल्या नव्या पिढीत साहित्यिक निर्माण व्हावेत यासाठी मुलांना पाठ्यपुस्तकाच्या बाहेर न्या. मुलांना चांगली भाषा वापरायला, बोलायला शिकवा

साहित्यिक लहान मुलासारखा असतो. तो कुतुहल दृष्टीने जगाकडे बघतो असे सांगून डॉ. ढेरे म्हणाल्या, त्याने अनुभवलेल्या सुखदु:खांना आणि त्या पलिकडे त्याने गमावलेल्या गोष्टी आपल्यापर्यंत पोचवतो. साहित्यिक पंचेंद्रीयांनी जग अनुभवतो. भोवतीचं जग आपलं करतो म्हणूनच जे सामान्य माणूस पाहू शकत नाही ते साहित्यिक पाहू शकतो. व्यवहारातील भाषेला सर्जनशीलतेच्या पातळीवर नेतो तो खरा साहित्यिक. असा साहित्यिक होण्याच शिक्षकांनी प्रयत्न करावेत आणि समाजाला दिशा द्यावी असे आवाहन त्यांनी केले,

प्रास्ताविकात स्वागताध्यक्ष आमदार विजय काळे म्हणाले, पूर्वी पगार कमी असला तरी अनेक जण ठरवून शिक्षक झाले. पण आज ती परिस्थिती राहिलेली नाही. आज नोकरी मिळत नाही म्हणून शेवटी शिक्षकाची नोकरी स्वीकारली जाते. आज विद्यार्थ्यांच्या आत्महत्या, व्यसनाधिनता असे नवे प्रश्न निर्माण झाले आहेत. मोबाइलमुळे मुले पालकांच्या हातात राहिलेली नाहीत. हे चित्र बदलण्याची, त्यात परिवर्तन करण्याची ताकद फक्त शिक्षकांच्यात आहे. त्यासाठी त्यांनी आवांतर वाचन, लेखन करण्याची गरज आहे. यासाठी त्यांना स्फूर्ती मिळावी म्हणून हे शिक्षक साहित्य संमेलन आहे. असे संमेलन पुढच्या वर्षीही होणार असून त्यासाठी महिनाभर अगोदर नाव नोंदणी केली जाणार असून संमेनलाने गांभिर्य व वातावरण चांगले रहावे यासाठी नोंदणी केलेल्यांना संमेलनात प्रवेश दिला जाणार आहे.

*Healthy Mind Resides in a Healthy Body* हा मंत्र ध्यानात ठेवा,मी सातत्याने पासष्ट वर्ष सूर्यनमस्कार घालत असून आपल्यापैकी कोणाला ही सूर्यनमस्कार शिकायचे असतील तर मी उपलब्ध आहे असे शिवछत्रपती जीवन गौरव पुरस्काराने सन्मानित डॉ अरुण दातार म्हणाले.शहरातील सर्व बागा ,क्रीडांगण, इमारतींच्या गच्चीवर सूर्योदयाला नागरिक व्यायाम करताना दिसावेत असे माझे स्वप्न असून त्यादिवशी माझ्या जीवन गौरव पुरस्काराचे सार्थक होइल असे ही ते म्हणाले.