पुणे-पेसापालो फाऊंडेशनचीची कार्यकारिणी मंडळाची बैठक पुणे शहरात पुणे जिल्ह्याचे पालकमंत्री गिरीशभाऊ बापट यांच्या सुनबाई स्वरदा बापट यांच्यासमवेत झाली . या बैठकीत पुणे शहरात नोव्हेंबर २०१९ मध्ये होणाऱ्या दहाव्या पेसापालो या खेळाचे विश्व् चषक स्पर्धेचे आयोजन करण्याचे ठरविण्यात आले .

हि बैठक  पुणे जिल्ह्याचे पालकमंत्री गिरीश बापट यांच्या जनसंपर्क कार्यालयात संपन्न झाली . महाराष्ट्र पेसापालो फाऊंडेशनच्या अध्यक्षा स्वरदा बापट  , नगरसेवक महेश लडकत ,  कार्याध्यक्ष चेतन पागवाड , कार्यकारिणी सदस्य मार्क भस्मे  , संतोष पाटील , रणजित देशपांडे , आंतरराष्ट्रीय पेसापालो खेळाडू किशोर पाटील आदी मान्यवर उपस्थित होते .

या बैठकीत पुणे शहरात नोव्हेंबर २०१९ मध्ये होणाऱ्या दहाव्या पेसापालो या खेळाचे विश्व् चषक स्पर्धेचे आयोजन करण्याचे  ठरविले . त्या संदर्भात खेळाच्या आयोजनबदल चर्चा करण्यात आली . या विश्व् चषक स्पर्धेमध्ये १२ देशामधील ५०० खेळाडू सहभागी होतील . यामध्ये प्रामुख्याने भारत  , फिनलँड , स्वित्झरलँड , स्वेडन , जर्मनी , ऑस्ट्रेलिया , अमेरिका , रशिया , नेपाळ , भूतान , श्रीलंका आदी देशामधील खेळाडू सहभागी होतील . आशिया व आफ्रिकेमधील इतर देशाची खेळाडू सहभागी होतील असे महाराष्ट्र पेसापालो फाऊंडेशनचे कार्याध्यक्ष चेतन पागवाड यांनी सांगितले .

या खेळाचा सुरुवात लावरी पिखाला यांनी सन १९०२ साली  फिनलँड येथून केली . हा खेळ फिनलँड या देशाचा राष्ट्रीय खेळ आहे . व सन १९५२ साली फिनलँड  हेलसिंकी येथे झालेल्या ऑलम्पिकमध्ये या खेळाचे प्रात्यशिक दाखविण्यात आले . तसेच या खेळात  फिनलँड ऑलम्पिक व शालेय स्तरावर याचे सामने होतात प्रीमियर लीगचे आयोजन दरवर्षी केले जाते . या मध्ये युरोपियन व आशियायी देशातील खेळाडू सहभाग होत असतात . हा खेळ बेसबॉल व सॉफ्ट बॉल  या खेळासारखा एका संघात १२ खेळाडू असतात . त्यातील प्रत्यक्ष ९ खेळाडू खेळतात , ३ राखीव खेळाडू असतात . तो संघ जास्त धावा मिळवतो तो संघ विजयी ठरतो . भारतीय पेसापालो महासंघाची स्थापन सन २०१० साली महाराष्ट्रातून करण्यात आली . याची प्रात्यशिक स्कुल गेम फेडरेशन ऑफ इंडिया यांच्या मान्यतेने राजनंदन गाव (छत्तीसगड) येथे सन मे २०१७ साली करण्यात आले .

पुणे-आम आदमी पार्टी व शेठ ताराचंद हॉस्पिटल यांच्या संयुक्त विद्यमाने मोफत आरोग्य तपासणी व औषधे वाटप शिबीर आयोजित करण्यात आले होते . पुणे लष्कर भागातील बाबाजान चौकातील तेलगू हॉलमध्ये झालेल्या आरोग्य शिबिराचे उदघाटन आम आदमी पार्टीचे पुणे जिल्हा निरीक्षक ऍड विकास साबळे व महाराष्ट्र कौन्सिल  ऑफ इंडिया मेडिसिनचे सदस्य डॉ. अनुपमा शिंपी यांच्याहस्ते करण्यात आले .

या शिबिराचे आयोजन आम आदमी पार्टीचे कार्यकर्ते एस. एम. अली , संदेश दिवेकर , आनंद अंकुश ,  राजेश चौधरी , साजिद कुरेशी , किशोर मुजुमदार , इफ्तेखार खान , हमीद शेख ,संदीप सोनवणे , मनोज थोरात , सुभाष कारंडे , सुनील कांबळे यांनी विशेष परिश्रम घेतले . यावेळी स्फुरलू फाऊंडेशनच्या अध्यक्षा सामाजिक कार्यकर्त्या गीता बोरा यांनी महिलांना सॅनिटरी नॅपकिनचे मोफत वाटप करण्यात आले .

या शिबिरासाठी डॉ. अनुपमा शिंपी , डॉ . नंदन देवरे , डॉ. अभिनव मुळे , डॉ. सुप्रिया पवार , डॉ. ऋतुजा कणसे आदी वैद्यकीय पथकाने विशेष परिश्रम घेतले . या शिबिरात रक्तदाब , रक्त शर्करा , किडनी व लिव्हरचे आजार   असलेले रुग्ण आढळले . तसेच मोफत चष्मे वाटप करण्यात आले . मोफत औषधें वाटप करण्यात आले .

पुणे-“साने गुरुजी तरुण मंडळाचे कार्य नेहमीच जनसेवेसाठी आदर्शवत राहिले असून आज लोकार्पण केलेल्या रुग्णवाहिकेच्या माध्यमातून रुग्ण सेवेचे कार्य मंडळाचे कार्यकर्ते नक्कीच ध्येयाने करतील असा विश्वास खासदार अनिल शिरोळे ह्यांनी व्यक्त केला. खासदार अनिल शिरोळे ह्यांच्या स्थानिक विकास निधी अंतर्गत नगरसेवक धीरज घाटे ह्यांच्या वतीने चालविण्यात येणाऱ्या साने गुरुजी तरुण मंडळास रुग्णवाहिकेचे लोकार्पण पी एम सी कॉलनी पर्वती मतदारसंघ येथे नुकतेच करण्यात आले त्या प्रसंगी ते बोलत होते. ह्या कार्यक्रमास स्मिताताई वस्ते, मनीषा घाटे, सरस्वती शेंडगे, राजाभाऊ शेंडगे तसेच संगे गुरुजी तरुण मंडळाचे कार्यकर्ते मोठ्या संख्येने उपस्थित होते.

पुणे – भारतीय राज्यघटनेचे शिल्पकार भारतरत्न डॉ. बाबासाहेब आंबेडकर यांच्या १२७ व्या जयंती निमित्त ‘लीड मिडिया’ च्या वतीने आणि अखिल सदाशिव, शनिवार, नारायण पेठ आंबेडकर जयंती महोत्सव समिती व वंदेमातरम संघटना यांच्या सहकार्याने ‘डॉ. आंबेडकर जयंती नाचून नाही तर वाचून साजरी करूया’ या अभिनव उपक्रमातून डॉ. बाबासाहेब आंबेडकर  वाचनातून यांना आदरांजली अर्पण करण्यात आली.

आपटे रस्त्यावरील सुशील बंगला येथे कलाकार, साहित्यिक, उद्योजक, विद्यार्थी, शिक्षक आणि माध्यम प्रतिनिधी यांनी एकत्र येत डॉ. बाबासाहेब आंबेडकर यांना वंदन करण्यासाठी एकत्र येऊन पुस्तकांचे वाचन करत आदरांजली अर्पण केली. या प्रसंगी लीड मिडियाचे विनोद सातव, वंदे मातरमचे वैभव वाघ, अभिनेते प्रवीण तरडे, नाट्य परिषद पुणेचे अध्यक्ष सुरेश देशमुख, अॅड. रमेश परदेशी, केदार वांजपे, योगेश नांदुरकर, दीपक रेगे, मकरंद टिल्लू, सचिन जामगे, अनघा फाटक, शिरीष मोहिते, पियुष शहा, अरुण पटवर्धन, मनीषा पाटील, मिलिंद वेर्लेकर, किशोर वाघमारे, प्रदीप दिसले, डॉ. सायली कुलकर्णी, देवेंद्र गायकवाड, चेतन चावडा, अश्विनी तेरणीकर, मंदार आडकर, कुशल कोंडे, भूपाल पंडित आदी उपस्थित होते.

या उपक्रमाबद्दल बोलताना लीड मिडियाचे विनोद सातव म्हणाले, आपल्या महापुरुषांचे जयंती उत्सव मोठ्या प्रमाणात विविध प्रकारे साजऱ्या होत असतात, हल्ली डीजे, फ्लेक्स लावून, रस्त्यावर धांगडधिंगा घालून, प्रदूषण करून ह्या जयंत्या साजऱ्या होत आहेत. त्याऐवजी विधायक उपक्रमातून त्यांचे विचार जागवूया ही खरी आदरांजली ठरेल म्हणून ‘डॉ. आंबेडकर जयंती नाचून नाही तर वाचून साजरी करूया’ हा उपक्रम आम्ही हाती घेतला.

वैभव वाघ म्हणाले, आपल्याकडे महापुरूषांची विविध रंगात विभागणी झाली आहे, ते सर्व तिरंग्यावर असायला हवेत यासाठी हा उपक्रम आम्ही राबविला, या निमित्ताने पहिल्यांदाच  सदाशिव, शानिवार, नारायण पेठेत आणि आपटे रस्त्यावर डॉ. आंबेडकर जयंती साजरी झाली आहे.

अभिनेते प्रवीण तरडे म्हणाले, आज आपटे रस्त्यावर ‘डॉ. आंबेडकर जयंती नाचून नाही तर वाचून साजरी करूया’  हा कार्यक्रम होत आहे पुढील वर्षी हा उपक्रम जनता वसाहत, दांडेकर पुल भागात हा उपक्रम राबवूया यामधुन एक डीजे कमी झाला, चार लोक रस्त्यावर नाचण्यापेक्षा वाचनाकडे वळले तरी ती खऱ्या अर्थाने डॉ. आंबेडकरांना आदरांजली ठरेल. नाट्य परिषद पुणेचे अध्यक्ष सुरेश देशमुख यांनी आभार मानले. या उपक्रमात  वंदे मातरम् संघटना, अ. भा. मराठी नाट्य परिषद शाखा पुणे, सेवादल परिवार, एकपात्री कलाकार परिषद, रसिक साहित्य आदी संस्थानी सहभाग घेतला होता.

पुणे- साईबाबांनी धारण केलेल्या पादुकांचे साई भक्तांनी आज उत्साहात स्वागत केले. शनिवार पेठेतल्या न्यायमूर्ती रानडे बालक मंदिरात आज रविवार १५ एप्रिल पहाटे पाच ते रात्री दहा या वेळेत पादुका दर्शनासाठी ठेवण्यात आल्या यावेळी भाविकांनी गर्दी केली होती . श्री साईबाबा संस्थान विश्‍वस्त व्यवस्था, शिर्डीच्या वतीने समाधी वर्षाच्या शताब्दीनिमित्त या कार्यक‘माचे आयोजन करण्यात आले आहे. साईगंगा प्रतिष्ठान, साईदास मंडळ, साईबाबा पालखी सोहळा समिती यांनी संयोजन केले आहे.

पुणे-भारतीय राज्यघटनेचे शिल्पकार डॉ. बाबासाहेब आंबेडकर यांच्या १२७ व्या जयंतीनिमित्त दलित पँथर महाराष्ट्र प्रदेशच्यावतीने  जिल्हाधिकारी कार्यलयासमोरील डॉ. बाबासाहेब आंबेडकर यांच्या  पुतळ्यास अभिवादन करणाऱ्यास आलेल्या २५००० भीमअनुयायींना अन्नदान व १०० पिशव्या रक्तदान शिबिरात जमा करण्यात आल्या . या सामाजिक उपक्रमाचे उदघाटन पुणे जिल्ह्याचे पालकमंत्री गिरीष बापट यांच्याहस्ते करण्यात आले . यावेळी  दलित पँथरचे महाराष्ट्र प्रदेश अध्यक्ष यशवंत नडगम यांच्याहस्ते डॉ. बाबासाहेब आंबेडकर यांच्या पूर्णाकृती पुतळ्यास  पुष्पहार अर्पण करून विनम्र अभिवादन करण्यात आले .सायंकाळी प्रसिध्द गायक अनिरुध्द बनकर यांचा प्रबोधनकार  गीतांचा कार्यक्रम संपन्न झाला . यावेळी  डॉ. बाबासाहेब आंबेडकर यांच्या १२७ व्या जयंतीनिमित्त विविध क्षेत्रामध्ये उल्लेखनीय कार्य केलेल्या १२७ व्यक्तींना ”  पँथर भीमरत्न पुरस्कार ” प्रमुख पाहुण्याच्या हस्ते देउन सन्मानित करण्यात आले .

या सामाजिक उपक्रमाचे आयोजनासाठी दलित पँथरचे महाराष्ट्र प्रदेश अध्यक्ष यशवंत नडगम , दलित पँथरचे कार्यकर्ते अल्ताफ सय्यद , इलियास शेख , किरण ठोगेपाटील , मुदस्सर शेख , अजय वंडगल , बाप्पू माने , सोनू सुतार , राजेंद्र नडगम , प्रिन्स कांबळे , अनमोल नडगम , कुणाल सुरवसे यांनी विशेष परिश्रम घेतले .

या रक्तदान शिबिरामध्ये १०० पिशव्या रक्त संकलित करण्यासाठी रेड प्लस ब्लड बँकेने विशेष सहकार्य केले . यावेळी रक्तदान केलेल्याना प्रमाणपत्र व अल्पोपहार देण्यात आला . रक्तदान करणाऱ्या मध्ये युवकांनी उत्स्फूर्त प्रतिसाद दिला . तर अन्नदानाचा  दिवसभर सुरु होता . या अन्नदानाचा मोठ्या संख्येने भीमअनुयायींना लाभ घेतला . तसेच सायंकाळी प्रसिध्द गायक अनिरुध्द बनकर यांचा प्रबोधनकार  गीतांचा कार्यक्रमास मोठ्या प्रमाणावर गर्दी केली होती .