पुणे: लोकसभेसाठी मित्रपक्षाने पुण्याच्या जागेवर कितीही हक्क सांगण्याचा प्रयत्न केला तरी ही काँग्रेसची परंपरागत जागा आहे. त्यामुळे ती सोडण्याचा प्रश्नच उद्भवत नाही. उलट पुण्याची जागा यावेळी प्रचंड मताधिक्याने जिंकून आणण्याची शपथ आम्ही एकजुटीने घेतली असल्याचे, काँग्रेसच्या पदाधिकाऱ्यांनी पक्षाच्या नेत्यांनी  सांगितले.
केंद्रातील मोदी सरकारच्या ४ वर्षांच्या कारकिर्दीच्या निषेधार्थ पक्षाच्या वतीने येत्या सोमवारी (दि. २८) काढण्यात येणाऱ्या मूक मोर्चाची माहिती देण्यासाठी आयोजित पत्रकारांच्या बैठकीत सर्वच नेत्यांनी राष्ट्रवादी काँग्रेसने पुणे लोकसभा मतदारसंघावर केलेल्या दाव्याची खिल्ली उडवली. या बैठकीला शहराध्यक्ष रमेश बागवे, माजी मंत्री बाळासाहेब शिवरकर, माजी आमदार मोहन जोशी, दीप्ती चवधरी, अ‍ॅड. अभय छाजेड, कमल व्यवहारे, नगरसेवक अविनाश बागवे, लता राजगुरू, संगिता तिवारी, नीता रजपूत, माजी उपमहापौर मुकारी अलगुडे, कामगार संघटनेचे सुनिल शिंदे, रमेश अय्यर, सुनिल पंडित आदी उपस्थित होते.
बागवे म्हणाले, आघाडी होवो अथवा न होवो पुण्याची जागा काँग्रेसच लढवणार आहे. मोदी सरकारने गेली ४ वर्षे देशातील जनतेची फसवणूक चालवली आहे. वर्षाला २ कोटी युवकांना रोजगार यासारखी आश्वासने देत मोदी सत्तेवर आले मात्र त्यांचा प्रत्येक निर्णय देशासाठी घातक ठरला आहे. नोटाबंदीमुळे उद्योग बुडाले, त्यातून नोकºया गेल्या, शिष्यवृती बंद केल्यामुळे विद्यार्थी दिशाहीन झाले. दुष्काळ संपला तरीही पेट्रोलवर लावलेला कर अजून सुरूच आहे. सर्वच बाबतीत जनतेला आश्वासित करण्यात मोदी सरकारला अपयश आहे. त्यांच्या चुकीच्या धोरणांचा परिणाम भारतीय जनतेला सहन करावा लागतो आहे.
शिवरकर म्हणाले, लोकसभेचा पुणे मतदार संघ हा काँग्रेसचा परंपरागत मतदार संघ आहे. तो आम्ही घटक पक्षाला देऊ शकत नाही. आमच्याकडे सक्षम उमेदवारांची वाणवा नाही. पक्ष देईल तो उमेदवार मान्य करू. गटबाजीचा काय त्रास होतो त्याचा अनुभव पक्षाला आता आला आहे. त्यामुळेच गटबाजी विसरून हा मतदारसंघ परत काबीज करायचाच अशी शपथच नेते मंडळींनी एकत्रितपणे घेतली आहे. मूक मोर्चा सोमवारी सकाळी साडेदहा वाजता मंडईतील लोकमान्य टिळक पुतळ्यापासून सुरू होईल व स्वारगेट येथील केशवराव जेधे पुतळ्याजवर विसर्जीत होईल अशी माहिती बैठकीत देण्यात आली.

पुणे :दुचाकी वाहनांसाठी सुरु होणाऱ्या मालिकेतील आकर्षक नोंदणी क्रमांक तीनपट शुल्क भरुन
चारचाकी तसेच दुचाकी वाहनांसाठी राखून ठेवण्याकरिता आगाऊ अर्ज स्वीकारण्यात येणार आहेत,असे प्रादेशिक
परिवहन अधिकारी यांनी कळविले आहे.
चारचाकी वाहनांसाठी सुरु होणाऱ्या मालिकेतील आकर्षक तसेच पसंतीचे क्रमांक विहीत तीनपट शुल्कभरुन
दुचाकी वाहनांसाठी हवे असतील त्यांनी दिनांक28मे 2018 व दुचाकी वाहनांसाठी राखून ठेवण्याकरिता कार्यालयीन
वेळेत सकाळी11ते दुपारी 2.30 या दरम्यान विहित नमुन्यात अर्ज करावा.
अर्ज प्रादेशिक कार्यालयाच्या नवीन नोंदणी विभागात डी.डी,पत्त्याचा पुरावा,ओळखपत्र,पॅनकार्डच्या
साक्षांकित प्रतीसह जमा करावा.डी.डी.R.T.O Pune या नावाने राष्ट्रीयीकृत/शेड्युल्ड बँक,पुणे येथील असणे आवश्यक
आहे.डीडी हा अर्जदाराने स्वत: च्या बँक खात्यातून काढल्याचे हमी पत्र जोडणे आवश्यक आहे.अर्जदाराने अर्जासोबत
फोटो ओळखपत्र,उदा.आधार कार्डकिंवानिवडणूक आयोगाचे ओळखपत्रकिंवापासपोर्टकिंवापॅन कार्ड आदीची
साक्षांकित प्रत सादर करणे आवश्यक आहे.
दुचाकी वाहनांसाठी सुरु होणाऱ्या मालिकेतील आकर्षक नोंदणी क्रमांक तीनपट शुल्क भरुन राखून ठेवण्याकरीता
एकाच क्रमांकाकरिता एकापेक्षा जास्त अर्ज आल्यास त्यांची यादी दिनांक 29मे2018 रोजी व दुचाकी वाहनांसाठी सूरु
होणाऱ्या मालिकेतील आकर्षक नोंदणी क्रमांक राखून ठेवण्याकरिता दिनांक 29मे2018 रोजी सकाळी 10.30
वा.कार्यालयाच्या सुचना फलकावर लावण्यात येणार आहे.लिलावाकरिता जर जास्त रकमेचा डीडी जमा करावयाचा
असेल तर त्यांनी त्याच दिवशी दुपारी 3.30वाजेपर्यंत सीलबंद पाकीटात प्रादेशिक कार्यालयात जमा करावा.त्याच
दिवशी दुपारी 4.30वा.सहकार सभागृह,प्रादेशिक परिवहन कार्यालय,पुणे येथे उपप्रादेशिक परिवहन अधिकारी व
सहा.प्रादेशिक अधिकारी यांच्या उपस्थित पात्र व्यक्तीसमोर (संबंधीत अर्जदार) लिफाफे उघडून अर्जदाराने विनिर्दीष्ट
शुल्कापेक्षा जास्तीत जास्त रकमेचा डी.डी.सादर केला असेल त्यास नमूद पसंती क्रमांक वितरित केला जाईल.राखून
ठेवलेला क्रमांक 30 दिवसांच्या आत नोंदणीसाठी वाहन सादर केले नाही तर राखून ठेवलेला क्रमांक आपोआप रद्द होईल
व शुल्क सरकारजमा होईल.शुल्क कोणत्याही परिस्थिती परत केले जाणार नाही अथवा समायोजन करता येणार
नाही,असे प्रसिध्दी पत्रकाद्वामध्येनमूद केले आहे.

पुणे-आधुनिक भारताच्या वाटचालीत काँग्रेसचे योगदान असल्याचे प्रतिपादन महाराष्ट्र राज्याचे माजी शिक्षण  मंत्री व काँग्रेस पक्षाचे नेते  वसंत पुरके  यांनी केले . सोमवार पेठमधील संत गाडगे महाराज मठामध्ये पुणे कॅन्टोन्मेट विधानसभा मतदार संघाच्यावतीने आयोजित काँग्रेस पक्षाचा कार्यकर्त्याच्या जाहीर मेळाव्यात ते बोलत होते . यावेळी प्रमुख वक्ते म्हणून राज्याचे माजी शिक्षण मंत्री वसंत पुरके यांनी सांगितले कि , २०१४ च्या लोकसभा निवडणुकीत भाजपने  देशाच्या जनतेला अनेक आश्वासने दिली . परंतु , हि सर्व आश्वासने पोकळ ठरली . यु पी ए सरकारच्या कारकिर्दीत देशाच्या हितासाठी अनेक महत्वपूर्ण निर्णय घेतले.  त्यामध्ये माहितीचा अधिकार , शिक्षण हक्क कायदा , अन्नधान्य सुरक्षा व वस्तू सेवा कर कायदा (जी. एस. टी.) असे अनेक कल्याणकारी योजना राबविल्या . स्वत्रंत्र मिळाल्यानंतर पंडित जवाहरलाल नेहरूंनी अनेक महत्वपूर्ण निर्णय घेतले . भाक्रानांगल धरण प्रकल्प , नॅशनल डिफेन्स अकादमी , हिंदुस्थान ऍरनॉटिक्स लिमिटेड , भिलाई स्टील प्लांट , हिंदुस्थान अँटिबायोटिक्स सारखे मोठे प्रकल्प उभारले . स्वर्गीय इंदिरा गांधी यांनी गोरगरिबांच्या हितासाठी २० कलमी कार्यक्रम बँकेचे राष्ट्रीयकरण व देशाच्या सुरक्षेसाठी पोखरण अणुचाचणी व १९७१ ला पाकिस्तानशी युध्द जिंकून बांगलादेशची निर्मिती केली . स्वर्गीय राजीव गांधी यांनी देशात संगणक क्रांती आणली . विज्ञान , तंत्रज्ञानावर भर दिला . त्यामुळे भारत जगामध्ये नावलौकिक झाले . आधुनिक भारताच्या निर्मितीमध्ये काँग्रेसचा सिहांचा  वाटा आहे .

यावेळी हर्षवर्धन पाटील यांनी सांगितले कि , पुणे शहराचा विकास काँग्रेस पक्षामुळे झाला आहे . त्यामुळे काँग्रेस पक्षाला गतवैभव आणण्यासाठी काँग्रेस पक्षाच्या सर्व कार्यकर्त्यांनी कामाला लागावे तसेच पुणे कॅन्टोन्मेंट मतदार संघ हा काँग्रेस पक्षाचा बालेकिल्ला आहे . या मतदार संघामधून काँग्रेस पक्षाला मताधिक्य प्राप्त होते . मोदी सरकारच्या राजवटीत सामान्य जनतेला दिलासा मिळालेला नाही . या सरकारमुळे सामान्य लोकांमध्ये भितीचे वातावरण पसरले आहे . सध्याच्या शिक्षण मंत्री विनोद तावडे यांनी  २५२ अध्यादेश काढले . या अध्यादेशाची अंमलबजावणी न झाल्यामुळे शिक्षणाचा विनोद झाला आहे . कर्नाटकाच्या निवडणुकीच्या निकालानंतर सत्ता काबीज करण्यासाठी भारतीय जनता पक्षाने घटनेची पायमल्ली केली . सर्वोच्च न्यायालयाच्या हस्तक्षेपनंतर कर्नाटकामध्ये काँग्रेस जनता दलाची सत्ता आली . कर्नाटकामध्ये भाजपने लोकशाहीचा एन्काऊंटर केला आहे . भाजपने देशामध्ये लोकशाहीचे राज्य आणले आहे .

यावेळी पुणे शहर जिल्हा काँग्रेस कमिटीचे अध्यक्ष रमेशदादा बागवे यांनी सांगितले कि , मोदी सरकारला उलथवून टाकण्यासाठी काँग्रेसचा विचार घराघरापर्यंत पोहोचवा . आपापसामधील गटतट मिटवून काँग्रेस पक्षाचे काम जोमाने करा .मोदी सरकारच्या चुकीच्या आर्थिक धोरणामुळे आज शेतकरी शेतमजूर कामगार व गरीब जनता हवालदिल झाला आहे . येणाऱ्या २०१९ च्या निवडणुकीत जनता बी जे पी ला खाली खेचल्याशिवाय राहणार नाही . कार्यकर्त्यांनी मतदारापुढे साठ वर्षात काँग्रेस पक्षाने देशाच्या प्रगतीसाठी केलेले काम पोचवावे . जेणेकरून जनतेमध्ये कॉंग्रेस पक्षाच्या बाबतीत विश्वास निर्माण होईल . आणि येणाऱ्या निवडणुकीमध्ये कॉंग्रेस पक्षाला निवडून आणतील .

 यावेळी नवनियुक्त पदाधिकाऱ्यांना नियुक्तीपत्र वाटप करण्यात आले .

या मेळाव्यास  आमदार अनंत गाडगीळ , महाराष्ट्र प्रदेश काँग्रेस कमिटीचे सरचिटणीस मोहन जोशी , अभय छाजेड ,अखिल भारतीय महिला काँग्रेसच्या सरचिटणीस कमल  व्यवहारे ,मनपा गटनेते अरविंद शिंदे , माजी नगरसेवक शिवाजी केदारी , प्रांतिक प्रतिनिधी सदानंद शेट्टी , नीता रजपूत , शानी नौशाद , नगरसेविका लता राजगुरू , सुजाता शेट्टी ,  चाँदबी नदाफ , नगरसेवक रविंद्र धंगेकर  .महाराष्ट्र प्रदेश एन एस यु आयचे अध्यक्ष अमीर शेख ,  पुणे जिल्हा काँग्रेस सरचिटणीस रमेश अय्यर , संगीता तिवारी , नुरुद्दीन सोमजी ,सुजित यादव ,  विठ्ठल थोरात , रशीद खिजर , वाल्मिक जगताप , भगवान धुमाळ , पुणे कॅन्टोन्मेंट विधानसभा युवक अध्यक्ष साहिल केदारी , भवानी ब्लॉक अध्यक्ष सुनील घाडगे , पुणे स्टेशन ब्लॉक अध्यक्ष मीरा शिंदे , पुणे कॅन्टोन्मेंट ब्लॉक अध्यक्ष प्रदीप परदेशी , सुनील दैठणकर आदी मान्यवर उपस्थित होते .

या मेळाव्याचे सूत्रसंचालन नगरसेवक अविनाश बागवे यांनी केले तर आभार नगरसेवक अजित दरेकर यांनी मानले .

   पुणे -बँक ऑफ महाराष्‍ट्र तर्फे शिवाजीनगर पोलिस ट्रॅफीक कर्मचा-यांसाठी मास्‍क आणि टोपी भेट देण्‍याचा कार्यक्रम,बँक ऑफ महाराष्‍ट्र पुणे शहर अंचल चे महाप्रबंधक व अंचल प्रबंधक श्री. प्रशांत खटावकर व सहायक पोलिस आयुक्‍त श्री. प्रभाकर ढमाले यांच्‍या उपस्थितीत संपन्‍न झाला.

 पुणे शहरामध्‍ये मोठया प्रमाणावर वाहतुकीचे नियम न पाळल्‍यामूळे अपघात घडतात. वाहतुकीच्‍या नियमांचे नागरिकांनी काटेकोरपणे पालन केले तर अपघातांची संख्‍या खुपच आटोक्‍यात येईल असे हया प्रसंगी सहायक पोलिस आयुक्‍त श्री. प्रभाकर ढमाले यांनी सांगितले.

वाहतुकपोलिस कर्मचारी हे वाहतुकीचे व्‍यवस्‍थापन करताना खुपच खडतर परिस्थितीमध्‍ये काम करतात त्‍यांच्‍या सुविधेसाठी अल्‍प मदत म्‍हणून धुळ आणी उन्‍हाच्‍या स्‍वरक्षणासाठी मास्‍क व टोपी देत आहोत असे बँक ऑफ महाराष्‍ट्र पुणे शहर अंचल चे महाप्रबंधक व अंचल प्रबंधक श्री. प्रशांत खटावकर यांनी याप्रसंगी मनोगत व्‍यक्‍त केले.याप्रसंगी महाबँकेचे सहायक महाप्रबंधक श्री. अनिल गर्दे, पोलिस निरीक्षक श्री. शिंदे तसेच शिवाजीनगर ट्रॅफीक ऑफीसचे कर्मचारी व बँक ऑफ महाराष्‍ट्रचे कर्मचारी उपस्थित होते.

पुणे: स्पोर्टीलव व महाराष्ट्र क्रीडा यांच्या तर्फे 6व्या कॉर्पोरेट सुपर 9 टी-20 क्रिकेट स्पर्धेत  सेल २ वर्ल्ड   संघाने फुजीस्तु संघाचा पराभव करत विजेतेपद पटकावले.

सिम्बायोसिस इंटरनॅशनल युनिव्हर्सिटी, लवळे क्रिकेट मैदान येथे सुरु असलेल्या या स्पर्धेत अंतिम सामन्यात हर्षद शोखच्या अचूक गोलंदाजीच्या बळावर  सेल २ वर्ल्ड संघाने फुजीस्तु संघाचा 8 गडी राखून पराभव करत विजेतेपद पटकावले. पहिल्यांदा खेळताना  हर्षद शोखच्या अचूक गोलंदाजी  पुढे फुजीस्तु संघ 9 षटकात 7 बाद 16 धावांत गारद झाला. 16 धावांचे लक्ष राजिंदर पानेसरच्या नाबाद 10 तर प्रतिक हर्षेच्या नाबाद 12 धावांसह  सेल २ वर्ल्ड संघाने केवळ 3.4 षटकात 1 बाद 17 धावांसह पुर्ण केले. हर्षद शेख सामनावीर ठरला.

विजेत्या  सेल २ वर्ल्ड संघाला करंडक व 35,000/- तर उपविजेत्या फुजीस्तू संघाला करंडक व 20,000/- व मालीकावीर   नितिन चौधरीला 5000/- अशी पारितोषिके देण्यात आली.  स्पर्धेचे पारितोषिक वितरण सिंबायोसीस स्कुल ऑफ कलिनरी आर्टसे संचालक अतुल ए गोखले यांच्या हस्ते करण्यात आले.

स्पर्धेचा सविस्तर निकाल: अंतिम फेरी:  फुजीस्तु: 9 षटकात 7 बाद 16 धावा(मधु कामत 17, हर्षद शोख 3-12) पराभुत वि सेल २ वर्ल्ड – 3.4 षटकात 1 बाद 17 धावा(राजिंदर पानेसर नाबाद 10, प्रतिक हर्षे नाबाद 12, नितिन चौधरी 1-6) सामनावीर- हर्षद शेख

सेल टू वर्ड संघाने 8 गडी राखून सामना जिंकला. 

इतर पारितोषिके:

सर्वोत्कृष्ट फलंदाज: अक्षय गवळी (सेल टू वर्ड)

सर्वोत्कृष्ट गोलंदाज: प्रतिक हर्षे  (सेल टू वर्ड)

पुणे-

राष्ट्रवादी कॉंग्रेस पार्टी पुणे शहराच्या कसबा मतदारसंघाच्यावतीने पेट्रोल दर वाढीच्या विरोधात  शहराध्यक्ष
तथा खासदार वंदना चव्हाण यांच्या अध्यक्षतेखाली अभिनव चौक येथे आंदोलन करण्यात आले.
यावेळी शहराध्यक्ष तथा खासदार वंदना चव्हाण भाजप सरकारच्या दरवाढीबद्दल निषेध व्यक्त करताना
म्हटल्या, “गेले ३-४ वर्षे सातत्याने पेट्रोल-डिझेल दरवाढीला भारतीय नागरीकांना सामोरे जावे लागत आहे.
आंतरराष्ट्रीय बाजारात प्रति बॅरेल इंधनाचा दर कमी असताना वा काही प्रमाणात स्थिर असताना देखील
ही दरवाढ रोखण्यात भाजप सरकार सर्व स्तरावर अपयशी ठरले आहे. त्यामुळे सर्वात अधिक दराने इंधन
उपलब्ध होत असल्याचा नविन विश्व विक्रम भारत देश प्रस्थापित करेल यात मात्र शंका नाही. दुसरया
बाजूने विचार करता, इंधन पुरवठा करणारया देशांमध्ये युध्दजन्य परिस्थिती असताना भविष्याचा वेध
घेऊन मुबलक इंधनाची तरतूद करणे आवश्यक असताना देखील केंद्रपातळीवरून याबाबत कोणतेच
नियोजन करण्यात आले नाही हेच या सत्ताधारयांचे अपयश आहे.” सत्ताधार्यांचा खरपूस समाचार घेताना पुढे
म्हटल्या, “आज वाचनात आले की, केंद्रीय मंत्री नितीन गडकरी यांनी वेगळेच तारे तोडले आहे ते म्हटले ही
इंधन दरवाढ रोखायची असल्यास विविध कल्याणकारी योजना बंद कराव्या लागतील. असे विधान केले
म्हणजे पुन्हा एकदा हे सरकार सामान्य नागरिकांच्या कल्याणाच्या विरोधात आहे.सातत्याने होत असलेली
दरवाढ ही सामान्य नागरिकांच्या एकूण बजेटवर प्रतिकूल परिणाम करणारी आहे आणि म्हणूनच सामान्य
नागरिकांची चालेली आर्थिक परवड थांबावी यासाठी पुणे शहर राष्ट्रवादी कॉंग्रेस पक्षाच्या वतीने संपुर्ण
शहरात विधानसभा मतदारसंघाच्या वतीने आंदोलन नियोजन केले आहे. त्यानुसार कॅंन्टोमेंट,पर्वती
विधानसभा मतदारसंघात आंदोलन करण्यात आले व उर्वरित मतदारसंघात उद्या दिवसभरात हे आंदोलन
होणार आहे” अशी माहिती वंदना चव्हाण यांनी दिली .
यावेळी माजी नगरसेवक रविंद्र माळवदकर, शहर उपाध्यक्ष अशोक राठी, सुनिल खाटपे,स्वप्निल खडके,
युवती अध्यक्ष मनाली भिलारे, युवक अध्यक्ष राकेश कामठे, विपुल म्हैसुरकर, नितीन जाधव, युसुफ शेख,
रजनी पाटील, तोष बेंद्रे, धनश्री गायकवाड, मृणाली वाणी व तसेच कसबा मतदारसंघाचे पदाधिकारी व
कार्यकर्त्ये उपस्थित होते.

पुणे :सभागृह्नेत्यांनी महापालिकेच्या छत्रपती शिवाजी महाराज सभागृहात केलेल्या वक्तव्याने आपली बदनामी झाली असून याबाबत त्यांच्यावर गुन्हा दाखल करावा असा तक्रार अर्ज कॉंग्रेसचे गटनेते यांनी शिवाजीनगर पोलीस ठाण्याच्या वरिष्ठ निरीक्षकांच्याकडे दिला आहे .

सोमवारी झालेल्या महापालिकेतील सर्वसाधारण सभेत सभागृह नेते श्रीनाथ भिमाले आणि काँग्रेसचे गटनेते अरविंद शिंदे यांच्यात बाचाबाची बघायला मिळाली. यावेळी भीमाले यांनी रौद्ररूप धारण केले होते.त्यानंतर महापौर मुक्ता टिळक आणि इतर गटनेत्यांनी हस्तक्षेप केल्यावर हा वाद संपले असं वाटत असताना नवे वळण मिळाले आहे. शिंदे यांनी भाजप गटनेत्याने माझी बदनामी केली असून त्यांच्यावर अब्रू नुकसानी केल्याबद्दलचा गुन्हा दाखल व्हावा असे पत्र शिवाजीनगर पोलीस स्टेशनला दिले आहे. त्यामुळे केवळ राजकीय आखाड्यात दिसणारे हे भांडण कायदेशीर लढाईत बदलण्याची शक्यता निर्माण झाली आहे.

शिंदे यांना इतर पक्षांनीही साथ दिली असून मनसेचे गटनेते वसंत मोरे यांनी तर महापौरांना पत्र लिहिले आहे. त्यात राजकारणात कोणी कोणाचा दुश्मन नसतो. पण सभागृहनेत्यांची वागणूक कायम आम्हा गटनेत्यांसोबत वादाची राहिली आहे. जर आमचे काही चुकत असेल तर चुका दाखवा आम्ही माफी मागू असेही त्यांनी नमूद केले आहे.

याशिवाय माजी महापौर अंकुश काकडे यांनीही या वादात उडी घेतली असून भिमाले यांच्या वागण्याचा निषेध केला आहे. त्यांनी महापौरांना लिहिलेल्या पत्रात सभागृह नेता हा सर्व सभासदांचा नेता असतो. मोठ्या भावाप्रमाणे त्याची वागणूक असायला हवी असे म्हटले आहे.संभाजी ब्रिगेड संघटनेनेही सभागृह नेत्याची असभ्यता सुसंस्कृत पुण्यात खपवून घेतली जाणार नाही या आशयाचे पत्र आयुक्तांना दिले आहे. शिंदे यांच्या विरोधात पुरावे नसतील तर भिमाले यांनी सभागृहाची माफी मागावी. असे झाले नाही तर त्यांच्या विरोधात महापौर आणि आयुक्तांनी गुन्हा दाखल करावा अशी मागणी यात करण्यात आली आहे.