सलग २५ वे रौप्य महोत्सवी वर्षे

पुणे-आज रिपरिपता पावसाच्या सरीं व नयनरम्य सकाळी टाळ मृदुंगाच्या तालावर विठुरायाच्या नामघोषाचा गजर करत आज बाणेर बालेवाडी पाषाण येथील नागरीक आपल्या लाडक्या विठुरायाच्या भेटीस निघाले. सालाबादप्रमाणे निमित्त होते बालेवाडी ते पंढरपुर मोफत यात्रेचे. यंदा या यात्रेचे रौप्य महोत्सवी वर्ष असुन सालाबादप्रमाणे या वारीस सुमारे ५३७ भाविक भक्तांनी नाव नोंदणी करुन या मोफत यात्रेचा लाभ घेतला. यावेळी या सर्व भक्तांची दर्शनाची सोय तसेच भोजनाची सोय यात्रेच्या संयोजकांच्या वतीने करण्यात आले होते. या यात्रेचा शुभारंभ राष्ट्रीय स्वयंसेवक संघाचे क्षेत्र प्रमुख कैलासजी सोनटक्के, राष्ट्रीय स्वयंसेवक संघ प्रांत सहधर्म जागरण संयोजक बाळासाहेबजी दळवी यांच्या शुभहस्ते करण्यात आला. ” *या यात्रेच्या माध्यमातुन समस्त वारकरी संप्रदायाची सेवा गेली २५ वर्षे आमच्या हातुन घडत असुन समस्त वारकरी मायबापांचे आशिर्वाद यातुन मिळत आहेत, तसेच सांप्रदाय क्षेत्राची हि सेवा करत असल्याचे समाधान यातुन मिळत आहे*” असे यावेळी नगरसेवक अमोल बालवडकर यांनी सांगितले. यावेळी नगरसेवक अमोल बालवडकर, विठ्ठल रुक्मिणी ट्रस्ट चे अध्यक्ष संजय बालवडकर, राहुलदादा बालवडकर, प्रकाशतात्या बालवडकर, श्रीशिवशरण, अनिल बालवडकर, संजय बालवडकर, किसन बालवडकर, समस्त महिला भजनी मंडळ व भक्त उपस्थित होते.

पुणे-आज बाणेर-बालेवाडी-पाषाण-औंध परिसरातील (प्र.क्र.०९ )विविध नविन जुण्या उद्योजकांना स्टार्टअप इडियाच्या माध्यमातुन आपल्या उद्योगांचा विकासित करण्याची संधी मिळाली. यापरिसरातील नागरीकांमध्ये उद्योजक वृत्तीचा वाढ व्हावी यासाठी १०० दिवसांचा मोफत उद्योजकता विकाय कार्यक्रम औंध-बाणेर प्रभाग समिती अध्यक्ष नगरसेवक अमोल बालवडकर व राष्ट्रिय युवा पुरस्कार विजेते रविजी घाटे यांच्या संकल्पनेतुन आयोजित केला गेला .
” स्मार्ट सिटी स्मार्ट स्टार्टअप या उपक्रमाच्या माध्यमातुन निश्चीतच या परिसरातील नागरीकांमध्ये प्रामुख्याने युवा पिढी उद्योजकतेकडे वाटचाल करेल व या उपक्रमाच्या माध्यमातुन उद्योजकांना उद्योगजगताकडे वळण्याची सुवर्ण संधी उपलब्ध झाली असल्याचे” यावेळी नगरसेवक अमोल बालवडकर म्हणाले.
तसेच “अशा उपक्रमांमधुन नविन उद्योजकांना प्रेरणा मिळणार असुन त्यांच्या नवनविन कल्पनांमधुन उभारीस येणारे उद्योग हे सामाजिक दृष्ट्या व देशाच्या विकासात नक्किच हातभार लावतील असा विश्वास वाटतो व तसेच स्मार्ट सिटी संक्लपनेत यांच्या कल्पनांचा व उद्योजकांचा निश्चितच समावेश करुन घेवु” असे आश्वासन स्मार्ट सिटी पर्कल्पाचे सी.ई.ओ.श्री.राजेंन्द्र जगताप यांनी दिले.
भाजपा प्रवक्त्या श्वेताजी शालिनी यांनी या उपक्रमाचे उदघाटन करत स्टार्टअप चे स्वप्न मनी बाळगणाऱ्या नवं उद्योजकांचे मार्गदर्शन केले. सर्व आयोजकांचे कौतुक करतानाच त्या सर्वांना उद्देशून म्हणाल्या, “मा. पंतप्रधान नरेंद्रजी मोदी व मा. मुख्यमंत्री देवेन्द्रजी फडणवीस यांनी स्टार्टअप साठी तयार केलेले पोषक वातावरण समाज्यातील सर्व घटकांपर्यंत पोहोचविण्यासाठी भाजपा नगरसेवक अमोलजी बालवडकर यांनी हाती घेतलेला हा उपक्रम अतिशय स्तुत्य आहे. अमोल बालवाडकरांसारखे तरुण व उत्साही व्यक्तिमत्वच अशा उपक्रमांना पुढे आणून स्मार्ट सिटी ची कल्पना खऱ्या अर्थाने सामाज्यापुढे आणि देशापुढे मांडत आहेत. त्यांच्या सारखेच अनेक तरुण जर आज पुढे आले तर देश खऱ्या अर्थाने व वेगाने सर्व समाजघटकांना सामावून पुढे घेऊन जाऊ शकतो व सरकारच्या अशा लोककल्याणकारी उमक्रमांचा फायदा घेऊ शकतो. माझ्या मते महाराष्ट्रातील १० शहरेच स्मार्ट सिटी होण्या पेक्षा सर्व महानगरपालिका, सर्व गावे स्मार्ट झाली पाहिजेत व असे उपक्रम सर्वत्र राबवले गेले पाहिजेत.”
या शिबिरास याभागातील १२८ उद्योजकांना पहिल्या टप्प्यात संधी दिली गेली असुन यामार्फत त्यांना उद्योग वाढीसाठी लागणारे मार्गदर्शन, जाहिरात यांचे मार्गदर्शन दिले जाणार आहे.
यावेळी नगरसेवक अमोल बालवडकर, भाजपा प्रवक्या श्वेता शालिनी, स्मार्ट सिटी प्रकल्पाचे सी.ई.ओ.राजेंद्र जगताप, सह संयोजक रवि घाटे, मंदार राराविकर, शिशिर तरळ, अभय बागल, श्री अय्यर व परिसरातील विविध उद्योजक व नागरीक उपस्थित होते.

पुणे- येथील प्रख्यात सराफ आणि व्यापारी संघटनांचे नेते फत्तेचंद रांका यांची केंद्र सरकारने रेल्वे सल्लागार समितीवर निवड केली आहे . पुण्यातून देशभरातील महत्वाच्या शहरात सातत्याने व्यापारी आणि ग्राहक, वैद्यकीय सेवा पुरवणाऱ्या संस्था आणि व्यावसायिक तसेच कंपन्या यांचा संपर्क राहण्यासाठी रेल्वेची सुविधा कशाप्रकारे हवी ,आहे आणि देता येईल याबाबत ते सातत्याने पाठपुरावा करीत असतात . देशभरातील विविध व्यापारी आणि ग्राहक संघटनाशी त्यांचा दांडगा संपर्क आहे .या पार्श्वभूमीवर सरकारने त्यांची नियुक्ती केल्याने विविध स्तरावरून त्यांचे अभिनंदन करण्यात येते आहे .

बारामती  : – यंदा आषाढी वारी निमित्ताने संत तुकाराम महाराजांच्या पालखीचे बारामती तालुक्यात आगमन होत आहे.या पालखीचा दिनांक 12 जुलै 2018 रोजी उंडवडी गवळयाची– येथे मुक्काम होणार आहे. त्यानिमित्ताने तेथील पालखी तळांची पाहणी प्रांताधिकारी हेमंत निकम यांनी  आज केली.

या पाहणी वेळी तहसिलदार हनुमंत पाटील, गटविकास अधिकारी प्रमोद काळे, सार्वजनिक बांधकाम विभागाचे सहाय्यक अभियंता विश्वास ओव्हाळ, सहायक पोलीस निरिक्षक विकास बडवे,  आरोग्य विभाग, अग्निशमन विभाग, महावितरण विभाग, नगरपरिषद विभाग, दूरसंचार व   विविध प्रशासकीय विभागातील अधिकारी व कर्मचारी उपस्थित होते.

या पाहणी मध्ये प्रांताधिकारी निकम यांनी पालखी तळांची पाहणी करून  संबंधित गावातील प्रमुख पदाधिकारी आणि ग्रामस्थांशी पालखी मुक्कामाच्या वेळी करावयाच्या सोयी सुविधा, स्वच्छता व घ्यावयाच्या दक्षतेबाबत आरोग्य विभागाच्या अधिका-यांशी सविस्तर  चर्चा करून वारकऱ्यांना पालखी तळावर प्रशासनातर्फे  देण्यात येणाऱ्या सुविधा बद्दल  संबंधित विभागाच्या अधिकाऱ्यांना योग्य त्या सूचना दिल्या. यावेळी वारक-यांना पुरविण्यात येणा-या गॅस, केरोसीनच्या उपलब्धतेबाबत तसेच वाटपाबाबत सूचना केल्या. पोलीस विभागाच्या अधिका-यांकडून या काळात करण्यात येणा-या वाहतुक नियोजनाचा आढावा घेतला. वारकऱ्यांची कोणत्याही प्रकारची गैरसोय होवू नये याकडे सर्व प्रशासकीय विभागांनी लक्ष द्यावे, असेही ते म्हणाले.

पुणे-गायन,वादन,नृत्य यांना एकत्रितपणे संगीत असे म्हणतात आणि संगीतातील बारकावे भाक्तीरासातून प्रकट करणे ही
एक कला आहे . भाकीरस आणि संगीत यांचा जवळचा संबंध आहे . स्वरातून परब्रम्हाची अनुभूती ही संगीताच्या
माध्यमातून मिळते . शास्त्रीय आणि उपशास्त्रीय संगीतातून आनंद आणि त्यातून मिळणारा परमानंद हा काही वेगळाच
असतो, याची अनुभूती सर्वांनी अनुभवली ती , आषाढी एकादशीच्या निमित्ताने पुण्यात झालेल्या मैफलीत.या मैफलीत
सर्व महिला कलाकारांचा सहभाग लाभला होता .महिला वाद्यावृन्दासह ही मैफल रंगली .
श्रीराम मंदिर तुळशीबाग इथे स्वराशारदा संस्थे तर्फे महिला वाद्यवृंदाची भक्ती संगीताची मैफल
पार पडली. जय जय राम कृष्ण हरी , कानडा राजा पंढरीचा ,पाहू द्या रे, म्हणा श्रीराम,राधे राधे ,नागर नंदजीना लाल
,मूळपीठ तू आंबे ,रणधीरा,गुरु महाराज गुरु जय जय परब्रम्ह सद्गुरू ,निघालो घेऊन दत्ताची पालखी ,अशा भक्तीपर
रचना सादर करून कलाकरांनी रसिकांची ब्रम्हानंदी टाळीच लावली. त्याच प्रमाणे तुझी शेतीवाडी विठूचा देव्हारा
,अभंग प्रांजली पाध्ये यांनी हार्मोनियम वाजवत सादर करून सर्वांना मंत्रमुग्ध केले.व भाग्यदा लाक्ष्मि बाराम्मा, या
अभंगातून लाक्शिमीची आणि तिच्या दागिन्यांचे वर्णन कन्नड मधून पाध्ये यांनी रंगवले
त्यानंतर नाम विठोबाचे घ्यावे ,रखुमाई रखुमाई ,कबीराचे विणतो माधवी राजे यांनी सादर केल्याने सर्व उपस्थितांना
परब्रह्मच गवसले. अतिशय अभ्यासपूर्ण आणि भक्ती संप्रदायातील बारकावे आणि संतांचे ,महत्व यावेळी रसिकांनी
निवेदनाच्या माध्यमातून अनुभवले .या मैफलीला तबला साथ आणि भक्तिमय निवेदन निवेदिता मेहेंदळे यांचे लाभले
,तालवाद्यांची साथ संध्या साठे यांनी केली तर अंजली पंचाक्षरी आणि वर्षा हार्डीकर यांनीही गायन सादरीकरण केले
.हर्मोनियामची सुरेल साथ प्रांजली पाध्ये यांची लाभली.