पुणे : जनतेच्या सुरक्षेसाठी दिवस रात्र एक करणाऱ्या पोलीस अधिकारी,कर्मचारी तथा निवृत्त पोलिसांच्या मुला मुलींना ५ हजार नोकरी देण्याचे वचन  शिवसेनेचे नेते तथा माजी पोलीस निरीक्षक भाऊसाहेब आंधळकर यांनी दिले आहे.
 महाराष्ट्राची सद्यस्थिती पाहता रोजगार समस्या सध्या भेडसावत आहे. नोकरी मिळणे कठीण झाले असून हा एक गंभीर विषय बनला आहे. याच विषयाचे गांभीर्य लक्षात घेता पोलिसांच्या मुलांना त्यांच्या शैक्षणिक पात्रतेनुसार चांगली नोकरी मिळावी यासाठी हा एक प्रयत्न आहे. अशी माहिती भाऊसाहेब आंधळकर यांनी दिली.
निवृत्त पोलीस अधिकारी व कर्मचारी कल्याणकारी असोसिएशनतर्फे घेण्यात येणाऱ्या नोकरी महोत्सवाची माहिती २० देशात वाचली गेली असून २२ हजार मुलांनी bit.ly/2Rnl4iB यासंकेतस्थळावर भेट दिली आहे तथा ६ हजार मुलांनी ऑनलाईन अर्ज भरला आहे. या महोत्सवात १०० पेक्षा जास्त कंपन्या सहभाग घेणार आहेत. निवड झालेल्या अर्जदारांना २ तारखेला सायंकाळी ५ वा. समारोप समारंभात मान्यवरांच्या हस्ते नियुक्तीपत्र देण्यात येणार आहे. 
 सदरील कार्यक्रम १ व २ डिसेंबर रोजी सकाळी १० वा. पोलीस मुख्यालय, पाषाण, पुणे येथे ठेवण्यात आले असून सकाळी १० वा. कार्यक्रमाचे उद्घाटन उपस्थित मान्यवरांच्या हस्ते करण्यात येणार आहे. यावेळी मुंबईचे माजी पोलीस आयुक्त धनंजय जाधव, पुण्याचे पोलीस आयुक्त व्यंकटेशन, चंद्रशेखर दैठणकर, खंडेरावजी शिंदे, पी.टी. लोहार, कोल्हापूर जिल्ह्याचे आय.जी. विश्वास नांगरे पाटील, पुणे ग्रामीण पोलीस अधीक्षक संदीप पाटील, साबदे,न्यायनिरगुणे, मदन चव्हाण, एस.पी.राजहंस, प्रकाश घारगे, धैर्यशील पवार, माधवराव माळवे, राजा तांबट, सोपानराव महांगडे, राजू सोनवणे, काशीनाथ कचरे, भाई शिंदे, राजू सोनूले, ए.पी.आय. मोरे,संपत जाधव, रामराव पवार आदी मान्यवर उपस्थित राहणार असून सदर कार्यक्रमास संपूर्ण सहकार्य पुणे ग्रामीण पोलीस अधीक्षक संदीप पाटील यांचे आहे. असेही आंधळकर यांनी सांगितले.

पुणे : विश्‍वशांती केंद्र (आळंदी), माईर्स एमआयटी, पुणे, भारत आणि संतश्री ज्ञानेश्‍वर-संतश्री तुकाराम महाराज स्मृती व्याख्यानमाला न्यास यांच्या संयुक्त विद्यमाने युनेस्को अध्यासना अंतर्गत शनिवार, दि. २४ नोव्हेंबर ते शुक्रवार, दि. ३० नोव्हेंबर २०१८ या कालावधीत २३वी तत्त्वज्ञ संतश्री ज्ञानेश्‍वर-तुकाराम स्मृती व्याख्यानमाला एमआयटी डब्ल्यूपीयू कँपसमधील संतश्री ज्ञानेश्‍वर सभागृहात आयोजित करण्यात आली आहे.

‘विज्ञान व अध्यात्माच्या समन्वयातूनच जगामध्ये शांतता नांदेल’, हे स्वामी विवेकानंदांचे वचन व  तत्त्वज्ञ संतश्री ज्ञानेश्‍वर माऊली व जगद्गुरु संतश्री तुकाराम महाराज यांच्या ज्ञानेश्‍वरी व गाथेतील ज्ञान-विज्ञानाधिष्ठित तत्त्वदर्शन हा या व्याख्यानमालेचा मुख्य हेतू आहे.

या व्याख्यानमालेसाठी शास्त्रज्ञ, तत्त्वज्ञ, तसेच, साहित्य, सामाजिक, सांस्कृतिक व शैक्षणिक क्षेत्रातील तज्ज्ञ मान्यवरांना निमंत्रित केले असून, मानवी आणि आध्यात्मिक मूल्यांचे या व्याख्यानमालेद्वारे संवर्धन व्हावे, हा या व्याख्यानमालेमागील प्रमुख उद्देश आहे. 

या व्याख्यानमालेचे उद्घाटन महाराष्ट्र राज्याच्या तंत्रशिक्षण विभागाचे संचालक डॉ. अभय वाघ यांच्या शुभहस्ते शनिवार, दि. २४ नोव्हेंबर २०१८ रोजी सायंकाळी ५.३० वाजता होणार आहे. अध्यक्षस्थानी एमआयटी वर्ल्ड पीस युनिव्हर्सिटीचे संस्थापक अध्यक्ष प्रा.डॉ. विश्‍वनाथ दा. कराड हे असतील. 

शुक्रवार, दि. ३० नोव्हेंबर २०१८ रोजी सकाळी ११.०० वाजता या व्याख्यानमालेचा समारोप होणार आहे. या समारंभासाठी भारत सरकारचे इटलीतील माजी राजदूत श्री. बसंत कुमार गुप्ता हे प्रमुख पाहुणे म्हणून उपस्थित राहणार आहेत.

शनिवार, दि. २४ नोव्हेंबर ते शुक्रवार, दि. ३० नोव्हेंबर २०१८ या कालावधीत सायंकाळी ४.३० वाजता होणार्‍या व्याख्यानमालेत सुप्रसिध्द विचारवंत आणि तत्त्वज्ञ डॉ. हनिफ खान शास्त्री व    नागपूर विद्यापीठाचे माजी कुलगुरू डॉ. एस.एन.पठाण (गीता आणि कुरानामधील साम्य) बेंगलोर येथील स्वामी विवेकानंद योगा अनुसंधान संस्थानचे प्राध्यापक व सैध्दांतिक भौतिकशास्त्रज्ञ डॉ. अलेक्स हॅन्की    (ॐ  = E = Mc²    ), भटके व विमुक्त जातीच्या राष्ट्रीय आयोगाचे अध्यक्ष श्री. दादा इदाते (जे का रंजले गांजले),  सुप्रसिध्द पत्रकार व विद्वान श्री. गोपाल मिश्रा (भारतीय राज्यघटनेसमोरील आव्हाने) व महाराष्ट्र राज्याचे अतिरिक्त सचिव (सेवा) श्री. सीताराम कुंटे ( सेवा परमो धर्म:) अशा मान्यवरांची व्याख्याने होणार आहेत.

या व्याख्यानमालेला जोडूनच रविवार, दि. २५ नोव्हेंबर ते गुरुवार, दि. २९ नोव्हेंबर २०१८ पर्यंत रोज सकाळी ८.४५ ते १२.०० पर्यंत सकाळचे सत्र पार पडणार आहे. यामध्ये सुप्रसिध्द गप्पाष्टककार डॉ. संजय उपाध्ये, कार्डिऑलॉजि सोसायटी ऑफ इंडियाचे अध्यक्ष डॉ. जगदीश हिरेमठ, सुप्रसिध्द विचारवंत आणि तत्त्वज्ञ श्री. अभय जगताप, सिध्द योगा आश्रमच्या संस्थापिका व शांतीदूत स्वामी राधिकानंद सरस्वती, नाशिक येथील एम एबी अ‍ॅव्हिएशनचे व्यवस्थापकीय संचालक व स्तंभलेखक श्री. मिलिंद भारदे, सुप्रसिध्द लेखक, विचारवंत आणि तत्त्वज्ञ श्री. गिरीष दाबके, दैनिक लोकमतचे संपादक श्री. प्रशांत दीक्षित, प्रख्यात तत्त्वज्ञ व विचारवंत, माजी सनदी अधिकारी श्री. श्याम देशपांडे, हिमालयातील स्वामी योगी अमरनाथजी व दीक्षित डाएटचे संस्थापक व जगप्रसिध्द मधुमेह तज्ञ डॉ. जगन्नाथ दीक्षित  या मान्यवरांची विश्‍वशांती, संस्कृती व प्रबोधन इत्यादी विषयांवर व्याख्यानांची विशेष कार्यशाळाही आयोजित केली आहे.

प्रत्येक व्याख्यानानंतर वक्ता व श्रोते यांच्यामधील प्रश्‍नोत्तरांचा कार्यक्रम हे या व्याख्यानमालांचे वैशिष्ट्य आहे. विशेष म्हणजे या व्याख्यानमालेमध्ये दि. २५ नोव्हेंबर ते दि. २९ नोव्हेंबर २०१८ पर्यंत माईर्स एमआयटी संकुलातील व एमआयटी वर्ल्ड पीस युनिव्हर्सिटी अंतर्गत शिक्षक-शिक्षकेतर कर्मचार्‍यांसाठी सकाळी ७.०० ते ८.०० या वेळात योगासन वर्गाचेही आयोजन योगाचार्य श्री. मारूती पाडेकर यांच्या मार्गदर्शनाखाली करण्यात आले आहे. योगासन वर्ग आयोजित करणारी ही एकमेव शैक्षणिक संस्था आहे. 

सदरील सकाळ आणि संध्याकाळच्या दोन्ही सत्रातील व्याख्यानमाला विनामूल्य असून त्या सर्वांसाठी खुल्या आहेत. जास्तीत जास्त नागरिकांनी या व्याख्यानमालेचा लाभ घ्यावा, अशी संयोजकांची अपेक्षा आहे. 

अशी माहिती विश्‍वशांती केंद्र (आळंदी), माईर्स एमआयटी, पुणेचे संस्थापक अध्यक्ष व युनेस्को अध्यासनाचे प्रमुख प्रा. डॉ. विश्‍वनाथ दा. कराड, एमआयटी वर्ल्ड पीस युनिव्हर्सिटीचे कार्याध्यक्ष प्रा.राहुल विश्‍वनाथ कराड व २३व्या तत्त्वज्ञ संतश्री ज्ञानेश्‍वर-तुकाराम स्मृती व्याख्यानमालेचे समन्वयक डॉ. मिलिंद पांडे यांनी दिली. 

पुणे -महापालिकेच्या जाहिरात धोरण २००३ नुसार शहरामध्ये कोणत्याही प्रकारची जाहिरात करण्यापूर्वी महापालिकेच्या आकाशचिन्ह विभागाची परवानगी घेणे आवश्यक आहे.तरीही १५२ ठिकाणी विनापरवानगी मोबाईल कंपन्यांनी जाहिराती मोठ्या होर्डिंग्जवर लावतात.महापालिकेकडून केवळ नोटिसाच दिल्या जातात त्यामुळे या कंपन्यांचे फावले असून मनपाचा महसूल बुडत असल्याकडे शिवसेनेचे नगरसेवक यांनी पुणे आयुक्तांच्या निदर्शनास आणून दिल्याने पुणे मनपाने या मोबाईल कंपन्यांवर कारवाईचा बडगा उगारला आहे.पुणे शहरामध्ये अनधिकृतपण व महापालिकेचे सर्व नियम धाब्यावर बसवत मोबाईल दुकानांच्या बाहेर सर्रास जाहिरातबाजी सुरु आहे. मोबाईल कंपन्यांनी शहरामध्ये १५२ ठिकाणी महापालिकेच्या आकाशचिन्ह विभागाची कोणतीही परवानगी न घेता बेकायदेशीरपणे जाहिराती केल्या आहेत. संबंधित कंपनीला महापालिकेकडून नोटिसा देण्यात आल्या आहेत, परंतु तीन पट दंड वसुल करण्याकडे प्रशासनाकडून जाणीवपूर्वक दुर्लक्ष केले जात असल्याचे समोर आले आहे. विवो कंपनीचे शहरात ६८ ठिकाणी तर ओपोचे ८४ ठिकाणी अशा प्रकारे विनापरवानगी जाहीराती लावण्याचे निदर्शनास आले आहे. याबाबत नगरसेवक प्रमोद भानगिरे यांनी विचारलेल्या लेखी प्रश्नामध्ये ही माहिती समोर आल्याने आता पुणे मनपाने या मोबाईल कंपन्यांवर कारवाईचा बडगा उगारला आहे.

महापालिकेच्या जाहिरात धोरण २००३ नुसार शहरामध्ये कोणत्याही प्रकारची जाहिरात करण्यापूर्वी महापालिकेच्या आकाशचिन्ह विभागाची परवानगी घेणे आवश्यक आहे. २२२ रुपये प्रति चौरस फुट शुल्क आहे. याशिवाय शहरातील सर्वच दुकानदारांना आपल्या व्यवसायाची जाहिरात करता यावी, यासाठी दुकानाच्या दर्शनी भागाच्या लांबीएवढी व ३ फूट उंचीची जाहीरात लावण्यास मुभा देण्यात आली आहे.
सध्या शहरात विविध भागात विविध मोबाईल कंपन्यांच्या दुकानांच्या बाहेर महापालिकेच्या आकाशचिन्ह विभागाचे सर्व नियम धाब्यावर बसवत मोठ्या प्रमाणात जाहिरात केली जात आहे. जंगली महाराज रस्ता, कॅम्प परिसर, नवी पेठ, कोरेगाव पार्क परिसरातील सर्वच मोबाईल दुकानांच्या ठिकाणी नियमांचे उल्लंघन करण्यात आल्याचे समोर आले आहे.याबाबत महापालिकेच्या आकाशचिन्ह विभागाच्या वतीने सर्व मोबाईल दुकानदारांना नोाटिसा देऊन नियमानुसार जाहिरात शुल्क भरण्याचे आदेश दिले आहेत. परंतु महापालिकेच्या नोटिसांना केराची टोपली दाखवत मोबाईल दुकानदारांनी दुर्लक्ष केले. यात प्रशासनाने गुन्हे दाखल करण्यास सुरुवात केल्यानंतर अखेर मोबाईल कंपन्यांनी दुकानाबाहेर जाहीरात करण्यासाठी परवानगी घेण्यास सुरुवात केली.महापालिकेच्या वतीने शहरामध्ये मोबाईल कंपन्यांकडून करण्यात येणा-या जाहिरातींचा सर्व्हे करण्यात आला. यामध्ये ओपो कंपनीने ११७ ठिकाणी तर विवो कंपनीने २३५ ठिकाणी जाहिरात फलक लावले आहेत. यामध्ये काही ठिकाणी परवानगी घेऊन नियमानुसार जाहीरात शुल्क भरले देखील.परंतु आजही अनेक ठिकाणी विनापरवानगी जाहीरातबाजी सुरु आहे.

प्रती,

पुणे-शहरात एकाच दिवशी तीन गाेळीबाराच्या घटना घडल्या असल्याने शहरात एकच खळबळ उडाली अाहे. चंदननगर, येवलेवाडी अाणि पुणे स्टेशन येथे घडलेल्या घटनांमध्ये एका महिलेचा मृत्यू झाला असून पुणे स्टेशन येथे पाेलीस निरीक्षक गजानन पवार यांच्यावर अाराेपींनी गाेळी झाडल्याने ते गंभीर जखमी झाले अाहेत. तर तिसऱ्या घटनेत सराफ दुकानात करण्यात अालेल्या गाेळीबारात एक कर्मचारी गंभीर जखमी झाला अाहे.

अाज पुण्यात विविध तीन ठिकाणी गाेळीबाराच्या घटना घडल्या असल्याने शहरात दहशतीचे वातावरण अाहे. अाज सकाळी चंदननगर येथील अानंद पार्क चाैकातील इंद्रायणी गृहरचना साेसायटीत राहणाऱ्या एकता ब्रिजेश भाटी (वय 34 ) या महिलेवर सकाळी अाठ वाजून पंधरा मिनिटांनी दाेन तरुणांनी घरात घुसून महिलेच्या छातीत गाेळ्या झाडून हत्या केली. दाेन तरुण दुचाकीवरुन इंद्रायणी साेसायटीत अाले. अाराेपींनी भाटी यांच्या घराची बेल वाजवली. भाटी यांनी दार उघडताच अाराेपींनी गाेळीबार केला. या गाेळीबारात भाटी यांचा मृत्यू झाला. याच गुन्ह्यातील अाराेपी हे झेलम एक्सप्रेसने पळून चालले असल्याची माहिती गुन्हे शाखेच्या युनिट 2 ला मिळाली हाेती. या माहितीच्या अाधारे युनिट 2 चे पाेलीस निरीक्षक गजानन पवार हे त्यांच्या सहकाऱ्यांसाेबत अाराेपींचा संध्याकाळी 5.15 च्या सुमारास प्लॅटफाॅर्म क्र. 3 वर शाेध घेत हाेते. त्यावेळी अाराेपींनी पाेलिसांना पाहताच पळून जायचा प्रयत्न केला. यावेळी तिघा अाराेपींपैकी एकाने पवार यांच्यावर गाेळी झाडली. पवारांच्या पाेटात गाेळी लागल्याने माेठा रक्तस्त्राव झाला. त्यांना तातडीने खासगी रुग्णालयात दाखल करण्यात अाले. दरम्यान पवार यांच्या सहकाऱ्यांनी एका अाराेपीला पकडले तर रेल्वे पाेलीस अाणखी एका अाराेपीला पकडण्यात यशस्वी झाले. तिसरा अाराेपी पळून गेला.

तिसरी घटना काेंढवा येथील येवलेवाडीमध्ये भर बाजारपेठेत असलेल्या गणेश ज्वेलर्स या दुकानात घडली. या दुकानातील कामगारावर गाेळीबार करण्यात अाला अाहे. यात दुकानातील कामगार अमृत मेघावल गंभीर जखमी झाला अाहे. त्याला हाताला गाेळी लागली. अाज दुपारच्या सुमारास गणेश ज्वेलर्स या दुकानात चार व्यक्ती अाल्या. त्यांनी अमृत बराेबर चर्चा केली. त्यानंतर त्यातील एकाने अमृतवर गाेळी झाडल्याचे सीसीटिव्ही मध्ये दिसत अाहे. यानंतर हल्लेखोर दोन दुचाकीवरून कात्रजच्या दिशेने फरार झाले. या दुकानाचे मालक मालतसिंग ओदसिंग देवठी हे त्यांच्या गावी मागील आठ दिवसांपासून गेलेले आहेत. तेव्हापासून अमृत हा एकटाच दुकान सांभाळत आहे. विशेष म्हणजे दुकानातील कोणत्याही सोन्या-चांदीच्या वस्तू हल्लेखोरांनी चोरल्या नाहीत किंवा तसा प्रयत्न केल्याचेही दिसून येत नाही. यामुळे हा दरोड्यांचा प्रयत्न होता की यामागे वेगळे कारण आहे, याचा अधिक तपास कोंढवा पोलीस करीत आहेत. दरम्यान या गाेळीबारा मागील कारण अद्याप स्पष्ट हाेऊ शकले नाही.

वडगावशेरी येथील आनंद पार्क चौकातील इंद्रायणी गृहरचना सोसायटी मधील ज्ञानदीप इमारतीत राहणाऱ्या एकता ब्रिजेश भाटी (वय ३४ )या महिलेवर सकाळी आठ वाजून १५ मिनिटांनी दोन तरुणांनी घरात घरात घुसून महिलेच्या छातीत गोळ्या झाडून हत्या केली.

चंदननगर पोलिसांनी दिलेल्या माहितीनुसार सकाळी आठ वाजण्याच्या दरम्यान दोन तरुण दुचाकीवरून पॅशन किंवा स्प्लेंडर या गाडीवरून येऊन इंद्रायणी गृहरचना सोसायटीतील धनदीप या इमारतीतील पहील्या मजल्यावर घुसले. यानंतर एकता ब्रिजेश भाटी व यांचे पती घरात बसलेले होते. या दोन 2 तरुणांनी दरवाजा वाजवल्यानंतर एकता भाटी यांनी दरवाजा उघडला. दरवाजा उघडताच महिलेच्या छातीवर गोळ्या झाडून तरुण पसार झाले. याबाबत चंदननगर पोलिस परिसरातील सर्व सीसीटीव्ही कॅमेरे तपासत असून कशातून हा प्रकार घडला आहे याचा तपास करीत आहेत.

यावेळी एसीपी समीर शेख ,शिरीष सरदेशपांडे,उत्तरविभागाचे सुनिल फुलारी,एसीपी गणेश गावडे,अंजुमन बागवान,खंडणी विरोधी पथकाचे रघुनाथ जाधव, चंदननगरचे पोलीस निरिक्षक राजेंद्र मुळीक, गुन्हे अन्वेषण विभागाचे विठ्ठल दरेकर यांनी परिसराची तपासणी सरू केली असुन सोसायटीतील सर्व सीसीटिव्ही कॉमेर तपासणीचे काम सुरू आहे. भाटी यांची खानावळ होती. ते विमाननगरमधील एका खाजगी कंपनीला जेवण पुरवत होते. पोलिसांनी मेसमध्ये काम करणाऱ्यांचे कर्मचाऱ्यांसोबतच त्यांचे मोबाईल फोन ताब्यात घेतले आहेत.

सिनेमांमध्ये दाखवण्यात येताे तसा थरार अाज पुणे स्टेशनवरील प्लॅटफाॅर्म क्रमांक 3 च्या प्रवाशांना संध्याकाळी 5.15 च्या सुमारास पाहायला मिळाला. अाज सकाळी चंदननगर येथील इंद्रायणी गृहरचना साेसायटी मधील ज्ञानदीप इमारतीत राहणाऱ्या एकता ब्रिजेश भाटी (वय 34) यांच्यावर गाेळीबार करणारे अाराेपी पळून चालले असल्याची माहिती गुन्हे शाखेच्या युनिट दाेनच्या पथकाला मिळाली हाेती. या माहितीच्या अाधारे गुन्हे शाखेच्या युनिट 2 चे कर्मचारी अाराेपींचा पुणे स्टेशनवर शाेध घेत असताना अाराेपींनी पाेलिसांना पाहताच गाेळीबार केला. या गाेळीबारात पाेलीस निरीक्षक गजानन पवार गंभीर जखमी झाले अाहेत. दरम्यान तीन पैकी दाेन अाराेपींना पाेलिसांना पकडण्यात यथ अाले अाहे.

चंदननगर येथील इंद्रयणी गृहरचना साेसायटीत राहणाऱ्या एकता भाटी यांच्यावर सकाळी अाठ वाजून 15 मिनिटांनी दाेन तरुणांनी घरात घुसून गाेळीबार केला हाेता. यात भाटी यांचा मृत्यू झाला अाहे. या घटनेचा तपास करत असताना गुन्हे शाखेच्या युनिट दाेनच्या अधिकाऱ्यांना या गुन्ह्यातील अाराेपी हे झेलम एक्सप्रेसने पळून चालले असल्याची माहिती मिळाली. युनिट दाेनचे पाेलीस निरीक्षक पवार हे सहकाऱ्यांसह अाराेपींचा प्लॅटफाॅर्म 3 वर शाेध घेत हाेते. त्यावेळी अाराेपींनी पाेलिसांना पाहताच पळ काढला. यातील एका अाराेपीने पवार यांच्यावर गाेळी झाडली. पवारांच्या पाेटात गाेळी लागल्याने माेठा रक्तस्त्राव झाला. पवारांच्या साेबतच्या सहकाऱ्यांनी एका अाराेपीला पकडले तर रेल्वे पाेलिसांनी अाणखी एका अाराेपीला पकडले. तिसरा अाराेपी पळून गेला.

दरम्यान पवार यांना पुण्यातील खासगी रुग्णालयात दाखल करण्यात अाले असून त्यांची प्रकृती गंभीर अाहे.

पुणे : माहेश्वरी चॅरिटेबल फाउंडेशनच्या वतीने दिवाळी स्नेहमेळावा व अन्नकोट महोत्सव उत्साहात साजरा झाला. लोकांच्या रक्षणाकरिता करंगळीवर पर्वत उचलून धरणाऱ्या प्रसंगांची आठवण म्हणून गोवर्धन गिरिधारीचे पूजन आणि ५६ भोगाची (मिठाई व इतर पदार्थ) आरास करण्यात आली. या ५६ प्रकारच्या भोगामध्ये मिठाई, फळे, दिवाळी फराळ आदी पदार्थ ठेवण्यात आले होते.

कोंढवा येथील महेश सांस्कृतिक भवनात झालेल्या या अन्नकोट महोत्सवात शहर व जिल्ह्यातील जवळपास साडेसात हजार माहेश्वरी बांधवांसह इतर समाजातील मान्यवर व भक्तगण सहभागी झाले होते. माहेश्वरी चॅरिटेबल फाउंडेशनचे अध्यक्ष धनराज राठी, सचिव संजय चांडक, कोषाध्यक्ष श्रीप्रकाश बागडी, सल्लागार हिरालाल मालू, संजय बिहानी, अशोक राठी, हरी भुतडा, बालाप्रसाद बजाज, राजेंद्र भट्टड, मदनलाल भुतडा, शामसुंदर कलंत्री, दिलीप धूत, संतोष लढ्ढा, विजयराज मुंदडा, भंवरलाल पुंगलिया, रामबिलास तापडिया यांच्यासह इतर पदाधिकारी व मान्यवर उपस्थित होते. तसेच या महोत्सवाला राजकारण, उद्योग व समाजकारणातील विविध मान्यवरांनी उपस्थित राहून शुभेच्छा दिल्या.

सचिव संजय चांडक म्हणाले, “गोवर्धन गिरिधारी यांच्या आठवणीतील पवित्र दिवस म्हणून अन्नकोट महोत्सव साजरा होतो. दरवर्षी माहेश्वरी समाजबांधव एकत्र येऊन दिवाळी स्नेहमेळावा व अन्नकोट महोत्सव साजरा करतात. माहेश्वरी चॅरिटेबल फाउंडेशनतर्फे पुण्यात औषधोपचार व अन्य कामांसाठी बाहेरून येणाऱ्या समाजबांधवांच्या सोयीसाठी शहराच्या मध्यवर्ती मुकुंदनगर या भागात अत्याधुनिक सोयीसुविधांनी युक्त सॅनेटोरियम, अतिथीगृह आणि बहुउद्देशीय प्रकल्प लवकरच उभारण्यात येणार आहे.”