पुणे- महापालिकेतील स्थायी समिती आणि प्रशासनातील अधिकारी यांच्यातील सुप्त संघर्ष आज अचानक उफाळून आला . आणि स्थायी समिती ने नगरअभियंता ,पाणीपुरवठा प्रमुख यांच्यासह १२ आधिकाऱ्यांना स्थायी सभागृहाचे दरवाजे बंद केले .स्थायी समितीची बैठक सुरु असताना हे दरवाजे बंद करण्यात आले त्यामुळे थोडा वेळ प्रतीक्षा करून अखेर या अधिकाऱ्यांनी आपआपल्या कार्यालयात माघारी पावले वळविली .
आज महापालिकेतील स्थायी समितीची बैठक सुरु झाल्यावर अनेक अधिकारी अनुपस्थित होते ते पाहून स्थायी समिती अध्यक्ष आणि नगरसचिव यांनी दोहोंनी हे दरवाजे बंद केले . आधिकाऱ्यांना वेळेची किंम्मत कळली पाहिजे . वेळेवर त्यांनी बैठकांना हजर राहिले पाहिजे असा सूर लावला गेला .
तर दुसरीकडे अधिकाऱ्यांना दरवाजे बंद केल्याने अधिकाऱ्यांमध्ये देखील रोष पसरला . वेळेवर येवून आम्ही  2 / 2 तास बसून राहतो ,तरी स्थायी ची बैठक सुरु होत नाही .अनेक वेळा स्थायी अध्यक्षांच्या अँटीचेंबर मधील बैठकीपुर्वीची खलबते लांबतात आणि अधिकाऱ्यांना प्रतीक्षेत ताटकळत बसावे लागते .येथे हवे तर चालू स्थितीतील  सीसीटीव्ही लावा. बैठका नेमक्या किती वाजता सुरु होतात ते पहा . आणि शासनाचे आदेश हि तपासा , शासनाने याबाबत काढलेल्या आदेशाकडे अधिकाऱ्यांनी लक्ष वेधले आहे ,अर्धा  तास उशीर झाला की नगरसचिवांनी बैठक तहकूब करावी असे म्हटले आहे. पण नगरसचिव हे स्थायी अध्यक्षांच्या दबावाखाली काम करतात .असा सूर आज अधिकाऱ्यांमध्ये होता.
एकंदरीत स्थायी समिती आणि महापालिका अधिकारी यांच्यात असलेला वर्षानुवर्षांचा हा सुप्त संघर्ष आज स्थायी समिती ने घेतलेल्या ‘दरवाजे बंद ‘ च्या निर्णयाने उफाळून आला आहे .
आज दरवाजे बंद झाल्यानंतरही आयुक्त बैठकीला गेले मात्र त्यांच्यासाठी दरवाजे उघडले गेले .

पुणे, दि.27: संविधान दिनानिमित्त जिल्हाधिकारी नवल किशोर राम यांनी आज भारतरत्न डॉ. बाबासाहेब आंबेडकर यांच्या मध्यवर्ती इमारतीजवळील पुतळयास पुष्पहार अर्पण करुन  त्यांना अभिवादन केले. त्यानंतर उपस्थितांना शुभेच्छा देवून भारतीय राज्यघटनेच्या प्रास्ताविकेचे सामुहिक वाचन करण्यात आले.

      यावेळी समाजकल्याणचे भिमराव खंडाते, समाज कल्याणचे प्रादेशिक उप आयुक्त संजय दाने, प्रांताधिकारी भाऊसाहेब गलांडे, समाज कल्याणचे सह आयुक्त माधव वैद्य, विजयकुमार गायकवाड, विशाल लोंढे, मल्लीनाथ हारसुरे, लोखंडे, जिल्हा माहिती अधिकारी राजेंद्र सरग, समाज कल्याण अधिकारी हरिष डोंगरे कर्वे समाज सेवा संस्थेचे दिपक कर्वे, अंजली मायदेव, प्रीती शेलार, अंकिता खडके, प्रज्ञा जाधव, तसेच डॉ. बाबासाहेब आंबेडकर संशोधन व प्रशिक्षण संस्थेचे (बार्टी) अधिकारी, कर्मचारी, विद्यार्थी मोठया संख्येने उपस्थित होते.

पुणे : “बोलीभाषा या प्रमाणभाषेच्या पूरक नाही, तर प्रेरक भाषा आहेत. टप्प्याटप्प्यांवर बोलल्या जाणाऱ्या या बोलीभाषा प्रमाणभाषेची समृद्धी वाढवत असतात. त्यामुळे बोलीभाषा टिकवणे आवश्यक आहे. राष्ट्रभक्ती साहित्य संमेलनामुळे तत्वदर्शन आणि साहित्यदर्शन घडण्याबरोबरच बोलीभाषांच्या संवर्धनास मदत होणार आहे,” असे प्रतिपादन लेखक आणि संत साहित्याचे अभ्यासक डॉ. रामचंद्र देखणे यांनी केले.

महाराष्ट्र राज्य साहित्य व संस्कृती मंडळ आणि कर्नाळा चॅरिटेबल ट्रस्ट यांच्या संयुक्त विद्यमाने आयोजित पहिल्या राज्यस्तरीय राष्ट्रभक्ती साहित्य संमेलनाच्या समारोपावेळी डॉ. देखणे बोलत होते. सेनापती बापट रस्त्यावरील श्री वर्धमान प्रतिष्ठान येथे भरलेल्या या संमेलनाच्या समारोपावेळी एमआयटी विश्वशांती विद्यापीठाचे कार्यकारी अध्यक्ष प्रा. राहुल कराड, ज्येष्ठ लेखक भारत सासणे, कृषितज्ज्ञ डॉ. बुधाजीराव मुळीक, संमेलनाध्यक्ष रंगनाथ नाईकडे, स्वागताध्यक्ष कवयित्री मंदाताई नाईक, कार्याध्यक्ष चंद्रकांत शहासने, संमेलन दिंडी प्रमुख उर्मिलाताई कराड, महाराष्ट्र राज्य साहित्य व संस्कृती मंडळाचे ज्योतिराम कदम, कर्नाळा चॅरिटेबल ट्रस्टच्या विश्वस्त मंजिरी शहासने, अॅड. नंदिनी शहासने यांच्यासह इतर मान्यवर उपस्थित होते.

यावेळी मराठी-अहिराणी-झाडी बोलीभाषा यावर परिसंवाद झाले. सैनिकीकरणाच्या कार्यासाठी बहादूरवाडी येथील मामा देसावळे, स्वातंत्र्यसेनानी कै. मोरेश्वर गोपाळ बवरे व सुशीलाबाई बवरे (मरणोत्तर) जीवनगौरव पुरस्कार देऊन सन्मानित करण्यात आले. मराठीच्या बोलीभाषेतून रंगलेल्या आद्यकवी मुकुंदराज कवी संमेलनाला श्रोत्यांच्या उत्तम प्रतिसाद मिळाला. डॉ. बुधाजीराव मुळीक यांनी वृक्षलागवड आणि पर्यावरण संवर्धनाचे महत्व विशद केले.

डॉ. रामचंद्र देखणे म्हणाले, “अनेक प्रकारची साहित्य संमेलने होतात. पण राष्ट्रभक्ती जागविणारे हे पहिलेच संमेलन असावे. पर्यावरण संवर्धन आणि वृक्षलागवड, तसेच बोलीभाषांचे संवर्धन करण्याचा विचार मांडू पाहणारे हे संमेलन वेगळी उंची गाठेल. आज समाजात राष्ट्रीय जाणिवेचा अभाव दिसून येतो. अशावेळी हे संमेलन उपयुक्त ठरेल.”

प्रा. राहुल कराड म्हणाले, “जागतिक पातळीवर तापमान वाढ आणि पर्यावरणाचा ऱ्हास या दोन समस्या भेडसावत आहेत. यावर उपाय म्हणून वृक्षलागवड करणे अत्यावश्यक आहे. त्याची सुरुवात शाळा-महाविद्यालयातून होणे गरजेचे आहे. एमआयटीने आपल्या सर्वच संस्थांच्या परिसरात वृक्षलागवडीवर भर दिलेला आहे. युवा पिढीला घडविण्यासाठी शिक्षकांनी पुढाकार घ्यायला हवा.

चंद्रकांत शहासने म्हणाले, “या संमेलनाला मिळालेला प्रतिसाद आनंददायी आहे. राष्ट्रभक्तीचा वेगळा विचार पेरण्याचे सामर्थ्य या संमेलनाने दाखवून दिले आहे. झाडे लावणे, जगवणे आणि पर्यावरण रक्षण ही राष्ट्रभक्ती समजून आपण काम करावे.”

ऍड. नंदिनी शहासने, उत्तम पवार, साधना जोशी, भंडारा येथील डॉ. हरिश्चंद्र बोरकर, प्रा. ना. गो. थुटे यांनीही आपले मनोगत व्यक्त केले. प्रा. नीना देसाई, संजय बोत्रे यांनी सूत्रसंचालन केले. मंजिरी शहासने यांनी आभार मानले.

पुणे : रास्तापेठ येथे महावितरण व महापारेषणच्या पुणे परिमंडल कार्यालयात सोमवारी (ता. 26) संविधान दिन साजरा करण्यात आला. यावेळी मुख्य अभियंता श्री. सचिन तालेवार यांची प्रमुख उपस्थिती होती.

कार्यक्रमाला अधीक्षक अभियंते सर्वश्री सुंदर लटपटे, विजय भाटकर, सतीश गायकवाड, सहाय्यक महाव्यवस्थापक (एचआर) श्री. राजेंद्ग म्हंकाळे, प्रशांत चौधरी, उपमुख्य औद्योगिक संबंध अधिकारी श्री. रामगोपाल अहिर आदींसह विविध संघटनांचे पदाधिकारी, अभियंते, अधिकारी, कर्मचारी मोठ्या संख्येत उपस्थित होते. यावेळी उपस्थितांनी संविधानाच्या उद्देशिकेचे वाचन केले. कार्यक्रमाचे सूत्रसंचालन श्री. भागवत थेटे यांनी केले.

पुणे- श्री संतश्रेष्‍ठ श्री ज्ञानेश्‍वर महाराजांच्‍या  723 व्‍या  संजीवन समाधी सोहळ्यानिमित्‍त आळंदी कार्तिकी यात्रा संपन्न होणार आहे. या यात्रेच्‍या यशस्‍वीतेसाठी सर्व संबंधित विभागांनी जबाबदारीने काम करावे, अशा सूचना जिल्‍हाधिकारी नवल किशोर राम यांनी दिल्‍या. जिल्‍हाधिकारी कार्यालयात श्री क्षेत्र आळंदी कार्तिकी यात्रेबाबत आढावा बैठक झाली. त्‍यावेळी ते बोलत होते. बैठकीस निवासी उप जिल्‍हाधिकारी डॉ. जयश्री कटारे, सहायक पोलीस आयुक्‍त निलीमा जाधव, अतिरिक्‍त आयुक्‍त दिलीप गावडे, सहायक आयुक्‍त अण्‍णा बोदडे, महावितरणचे अधीक्षक अभियंता राजेंद्र पवार, जिल्‍हा आरोग्‍य अधिकारी दिलीप माने, उप प्रादेशिक परिवहन अधिकारी संजय राऊत, उप विभागीय अधिकारी ज्‍योती कदम, अन्‍न धान्‍य वितरण अधिकारी अस्‍मिता मोरे, खेडच्‍या तहसिलदार सुचित्रा आमले, आळंदी नगर पालिकेचे मुख्‍याधिकारी समीर भूमकर, जिल्‍हा आपत्‍ती व्‍यवस्‍थापन अधिकारी विठ्ठल बनोटे, श्री ज्ञानेश्‍वर महाराज संस्‍थान कमिटीचे अॅड. विकास ढगे पाटील, अभय टिळक, ज्ञानेश्‍वर वीर, सुरेश देशमुख, मारुती कोकाटे यांच्‍यासह विविध विभागांचे अधिकारी उपस्थित होते.

आळंदी कार्तिकी यात्रा 30 नोव्हेंबर ते 7 डिसेंबर या काळात होणार असून असंख्‍य भाविक दर्शनासाठी येत असतात. भाविकांची गैरसोय होऊ नये तसेच यात्रा निर्विघ्‍नपणे पार पडावी, यासाठी जिल्‍हाधिकारी राम यांनी विस्‍तृत आढावा घेतला. कोणत्‍याही यात्रा, सोहळ्याचे नियोजन करतांना सर्व संबंधित यंत्रणांनी दक्ष रहायला हवे.  परस्‍पर समन्‍वय राहण्‍यासाठी प्रत्‍येक विभागाने आपला एक नोडल अधिकारी नेमावा, त्‍यांचे संपर्क क्रमांक देण्‍यात यावेत. तसेच आपत्‍ती निवारण कक्ष स्‍थापन करण्‍यात यावा, अशा सूचना त्‍यांनी केल्‍या. टँकरने पाणीपुरवठा, वारक-यांसाठी रॉकेल, गॅस, धान्‍य उपलब्‍ध करणे, अतिक्रमणे काढणे,  तीर्थक्षेत्रातील प्रमुख भागांमध्‍ये विद्युत व्‍यवस्‍था, पालखी तळावरील स्‍वच्‍छता आणि सपाटीकरण, तात्‍पुरती शौचालये, रुग्‍णवाहिका, औषधे यांची उपलब्‍धता, अग्निशामक व्‍यवस्‍था आदींबाबतही त्‍यांनी आवश्‍यक त्‍या सूचना केल्‍या. आळंदी येथे कार्तिकी एकादशीनिमित्‍त होणा-या यात्रा सोहळ्यात मोठ्या प्रमाणात भाविक सहभागी होत असतात. भाविकांच्या  सुविधांबाबत दरवर्षीप्रमाणे प्रशासनाच्‍या सर्व विभागाच्‍या यंत्रणांनी दक्ष रहावे, असेही जिल्‍हाधिकारी राम यांनी सांगितले.

पुणे : “बदलती जीवनशैली, जंक फूडचे सेवन यामुळे लठ्ठपणा वाढत आहे. परिणामी, मधुमेह, रक्तदाब आणि इतर गंभीर स्वरूपाचे आजार उद्भवू शकतात. त्यामुळे अशा आजारांना दूर ठेवण्यासाठी नियमित व्यायाम आणि पौष्टिक आहार घेऊन लठ्ठपणा कमी राहील, यासाठी आपण प्रयत्न करावेत,” असे मत आमदार मेधा कुलकर्णी यांनी व्यक्त केले.

जागतिक लठ्ठपणा दिनानिमित्त पुण्यातील वाईब्स या संस्थेच्या वतीने लठ्ठपणाबाबत जागृती करण्यासाठी रविवारी सकाळी रॅलीचे आयोजन करण्यात आले होते. प्रसंगी उद्घाटन करताना मेधा कुलकर्णी बोलत होत्या. ‘वाईब्स’च्या पश्चिम विभागीय प्रमुख सोनिया कुमार, वैशाली दवे आदी उपस्थित होते. वाईब्सच्या कल्याणीनगर शाखेच्या वतीनेही रॅली काढण्यात आली. माजी आमदार मोहन जोशी यांच्या हस्ते त्याचे उद्घाटन झाले.

भांडारकर रस्त्यावरील वाईब्सच्या कार्यालयापासून ही रॅली निघाली. गुडलक चौक, गोखले रस्ता, फर्ग्युसन महाविद्यालयात, तुकाराम पादुका चौक, जंगली महाराज रस्ता, बालगंधर्व रंगमंदिर, डेक्कन जिमखाना, गुडलक चौक ते वाईब्ज कार्यालय अशी ही रॅली झाली. ‘व्यायाम करा, लठ्ठपणा दूर ठेवा’, ‘लठ्ठपणा हटवा, निरोगी रहा’ अशा घोषणा देत जागृती करण्यात आली. संस्थेचे पदाधिकारी, कर्मचारी, सभासद मोठ्या संख्येने सहभागी झाले होते.

सोनिया कुमार म्हणाल्या, “लहान मुलांपासून ते ज्येष्ठ नागरिक लठ्ठपणाला बळी पडत आहेत. त्याचा आरोग्यावर विपरित परिणाम होत असून, ते थांबवण्यासाठी आपल्याला लठ्ठपणा कमी करावा लागेल.”