कर्वे समाजकार्य महाविद्यालयामध्ये महामानवास अभिवादन

पुणे- समाजामध्ये सातत्याने विसंगत वातावरण असल्यामुळे त्याच्यावर तोडगा म्हणून जातीअंत अपेक्षित असतानाही जातीयता संपुष्टात येत नसल्याने आजच्या समतेच्या काळात जातीअंतासाठी सामाजिक समतेच्या अपेक्षित वातावरणाची गरज असल्याचे मत कर्वे समाज सेवा संस्थेचे प्रोफेसर व राष्ट्रीय समाजशील शिक्षण मंचचे राष्ट्रीय अध्यक्ष प्रा. डॉ. देवानंद शिंदे यांनी व्यक्त केले.

कर्वे समाजकार्य महाविद्यालयाच्या वतीने आयोजित महामानव डॉ. बाबासाहेब आंबेडकर यांचा महापारीनिर्वान दिन व महात्मा जोतीबा फुले यांच्या स्मृतिदिनानिमित्त आयोजित संयुक्त अभिवादन कार्यक्रमामध्ये ते प्रमुख पाहुणे म्हणून बोलत होते. कार्यक्रमाच्या अध्यक्षस्थानी संस्थेचे संचालक डॉ. दीपक वलोकर हे होते तर प्रा. चेतन दिवाण यांची प्रमुख उपस्थिती होती.

महात्मा फुले व डॉ. बाबासाहेब आंबेडकर या महापुरुषांपासून ते आजच्या वंचित समाजाला जातीयतेचे चटके सहन करावे लागले व दुर्दैवाने आजही सहन करावे लागतच आहेत यातून मुक्तता हवी असेल तर समाजशील शिक्षण व संघर्ष याला प्राधान्य द्यावे लागेल असे सांगत या विभूतींच्या विचाराबरोबरच त्यांना सर्वार्थाने समजून घेऊन मार्गक्रमण केल्यास अपेक्षित सामाजिक परिवर्तन फार दूर असणार नाही असेही ते म्हणाले.राष्ट्रभक्ती, सौजण्याशिलता, संवेदनशीलता, उदात्तपणा, सामाजिक अद्सारांचे निर्मुलन, रोजगार, हक्क, लोकशाही, समाजवाद, राष्ट्रीय एकात्मता, सामाजिक समता हे समाजशील शिक्षणाचे मुख्य घटक बळकट व्हायला हवेत अशी अपेक्षा त्यांनी यावेळी व्यक्त केली.

डॉ. वलोकर म्हणाले, समाजातील वर्ग व्यवस्था व जातीव्यवस्था नष्ट झाली पाहिजे त्यासाठी महात्मा फुले व डॉ. बाबासाहेब आंबेडकर यांच्या विचारधारेचा अंगीकार केला पाहिजे.

अमोह साठे, विजया कावळे व विजय गावंडे या विद्यार्थ्यांनी मनोगते व्यक्त केली. राहुल गिरी यांनी कार्यक्रमाचे प्रास्ताविक केले. अक्षय शिंगारे यांनी सूत्रसंचालन केले तर रसिका शिंदे यांनी आभार मानले.

पुणे : “डॉ. बाबासाहेब आंबडेकर यांनी देशाच्या विकासाला दिशा दिली. सर्व समाजाला एकसंध ठेवत समतेची वागणूक देण्यासाठी सर्वतोपरी प्रयत्न केले. आजच्या घडीलाही बाबासाहेबांचे विचार देशाच्या प्रगतीला पूरक आहेत,” असे मत रिपब्लिकन पार्टी ऑफ इंडियाचे (आठवले गट) महाराष्ट्र प्रदेश सचिव बाळासाहेब जानराव यांनी व्यक्त केले. डॉ. बाबासाहेब आंबेडकर यांचा ६२ व्या स्मृतिदिनानिमित्त (महापरिनिर्वाण दिन) रिपब्लिकन पार्टी ऑफ इंडियाच्या (आठवले गट) वतीने जिल्हाधिकारी कार्यालयाजवळील आंबडेकर पुतळा येथे आयोजित अभिवादन सभेत बाळासाहेब जानराव बोलत होते.

यावेळी पश्चिम महाराष्ट्र आघाडीचे अध्यक्ष परशुराम वाडेकर, राष्ट्रीय निमंत्रक ऍड. मंदार जोशी, कामगार आघाडीचे महेश शिंदे, पक्षाचे शहराध्यक्ष अशोक कांबळे, शहर संपर्क प्रमुख अशोक शिरोळे, नीलेश आल्हाट, विठ्ठल गायकवाड, शाम गायकवाड, बसवराज गायकवाड, बाबुराव घाडगे, शैलेश चव्हाण, महिपाल वाघमारे, दादा वारभुवन, चित्रा जानुगडे, प्रियदर्शिनी निकाळजे, शिल्पा भोसले, किरण भालेराव, गुणवंत लोखंडे यांच्यासह नागरिक मोठ्या संख्येने उपस्थित होते.

बाळासाहेब जानराव म्हणाले, “बाबासाहेबानी आपल्या ज्ञानाचा, लेखणीचा उपयोग समाज आणि देशाच्या हितासाठी केला. त्यांनी केलेले कार्य आपल्या सर्वांसाठी प्रेरणादायी आहे. समाजातील भेदभाव विसरुन त्यांनी दिलेल्या विचारांवर आपण सर्वानी चालणे हेच त्यांना अभिवादन असेल.” परशुराम वाडेकर म्हणाले, “बाबासाहेब आपल्यातून लवकर गेल्याने देशाची प्रगती मंदावली. आणखी काही वर्षे बाबासाहेब जगले असते, तर कदाचित आजची परिस्थिती वेगळी असली असती. आरक्षणावरून सध्या सुरु असलेला घोळही आपल्याला पाहायला मिळाला नसता.” महेश शिंदे, ऍड. मंदार जोशी यांनीही आपले मत व्यक्त केले.

पुणे :-  ऍथलेटिक्‍सच्या स्पर्धांमध्ये नेहमी भाग घेणाऱ्या क्रीडापटूंना धावपटूंमधील भीष्माचार्य डॉ. जॅक डॅनियल आणि ऑलिंपिकपटू रायन हॉल यांच्यासोबत दहा तसेच एकवीस किलोमीटरच्या स्पर्धेत धावण्याची संधी… कधीतरी धावण्याचा व्यायाम घेणाऱ्यांपासून ते फक्त मॉर्निंग वॉकपुरताच व्यायाम करणाऱ्यांपर्यंतच्या इतरांना कुटुंबासमवेत सहा किलोमीटरच्या टप्प्यात चालण्याचा-धावण्याचा आनंद घेण्याचा योग. अशी दुहेरी धमाल येत्या रविवारी, ९ डिसेंबरला होणाऱ्या “बजाज अलियांझ पुणे हाफ मॅरेथॉन’मध्ये होणार आहे.
या स्पर्धेचे मुख्य समन्वयक आणि जिल्ह्याचे पालकमंत्री गिरीश बापट यांनी आज पत्रकारांना ही माहिती दिली. “पुणेकरांची तंदुरूस्ती’ (वेलनेस) या कल्पनेतून या हाफ मॅरेथॉनची कल्पना पुढे आली.
ही स्पर्धा ९ डिसेंबरच्या पहाटे म्हाळुंगे-बालेवाडी संकुलापासून सुरू होईल. सुरुवातीला २१  आणि १०  किलोमीटरच्या टप्प्यासाठीची शर्यत पहाटे पाच वाजता सोडण्यात येईल. त्यावेळी अनेक नामवंत व्यक्ती उपस्थित असतील. ढोल-ताशाच्या दणदणाटात या स्पर्धेची शानदार सुरूवात होईल. तसेच लष्कर आणि पोलिसांचा बँड हेही या उद्‌घाटन सोहळ्याचे आकर्षण असेल.
पहिल्या दोन टप्प्यांतील शर्यत सुरू झाल्यानंतर काही वेळातच सहा किलोमीटरचा तिसरा टप्पा सुरू होईल. पुणेकरांना त्यात आपल्या कुटुंबासमवेत सहभागी होता येणार आहे. या स्पर्धेचे ब्रँड अँबेसेडर रॉयन हॉल, त्यांच्या पत्नी आणि अमेरिकेतील प्रसिद्ध धावपटू सारा आणि मंदिरा बेदी यांची उपस्थिती त्यावेळी असेल. बेदी या मॅरेथॉनचे सूत्रसंचालन करतील. तसेच अनेक नाट्य-चित्र अभिनेते, नामवंत व्यक्तींबरोबर चालण्याची-धावण्याची संधी पुणेकरांना मिळेल. “ऍथलेटिक्‍स फेडरेशन ऑफ इंडिया’ (एएफआय) आणि “एआयएमएस’ (एम्स) यांची या स्पर्धेला मान्यता मिळालेली आहे.
या अर्धमॅरेथॉन स्पर्धेत यशस्वी ठरणाऱ्या स्पर्धकांसाठी एकूण साडेएकवीस लाख रूपयांची पारितोषिके ठेवण्यात आली आहेत.
“तंदुरूस्ती’ (वेलनेस) या मध्यवर्ती संकल्पनेला उत्तेजन देण्यासाठी अनेक सेलिब्रिटी, मान्यवर, नागरिक, विद्यार्थ्यांनी या स्पर्धेत भाग घेतला आहे. प्रत्येकाला त्यात सहभागी होता यावे, यासाठी पोलिस दलाने तसेच महापालिकेच्या प्रशासनाने त्याचे नियोजन केले आहे.
या स्पर्धेत पोलिस धावपटूंसाठी स्वतंत्रपणे पोलिस आयुक्त चषक जाहीर करण्यात आला आहे. त्यासाठी राज्यभरातील पोलिसांनी मोठ्या संख्येने नोंदणी केली आहे.
पुणेकरांच्या सेवेत तत्पर असलेल्या महापालिकेच्या कर्मचाऱ्यांची विशेष दखल या स्पर्धेत घेण्यात आली आहे. या कर्मचाऱ्यांसाठी महापौर चषकाची घोषणा महापौर मुक्ता टिळक यांनी केली आहे. महापालिकेच्या कर्मचाऱ्यांचा मॅरेथॉनमधील सहभाग हे या स्पर्धेचे खास वैशिष्ट्य ठरेल. मॅरेथॉनमध्ये असे चषकही पहिल्यांदाच ठेवण्यात आले आहेत.

प्रशिक्षण सत्राला भरभरून प्रतिसाद
हाफ मॅरेथॉनच्या प्रशिक्षण सत्राला भरभरून प्रतिसाद मिळाल्याने पुणे शहराने “देशातील सर्वात फिट शहर’ हा लौकिक कायम राखला. बजाज अलियांझ पीएचएम ही देशातील एकमेव लांब पल्ल्याची शर्यत असून त्यामध्ये सहभागींना कस्टमाईज्ड प्रशिक्षण देण्याचे नियोजन करण्यात आले आहे. हा कार्यक्रम “रन स्मार्ट’ प्रकल्पातील जगातील सर्वोत्तम प्रशिक्षक डॉ. जॅक डॅनियल यांनी आखला आहे.
या स्पर्धेतील या तीनही टप्प्यांना प्रचंड प्रतिसाद मिळाला. नोंदणीच्या अखेरच्या वेळेपर्यंत ही नोंदणी होत होती. शालेय विद्यार्थी, महाविद्यालयीन विद्यार्थी, महापालिकेचे कर्मचारी, विविध क्षेत्रांत काम करणारे अधिकारी-कर्मचारी आदी या स्पर्धेत सहभागी होत आहेतच, पण त्याचबरोबर अनेक कुटुंबे तसेच सोसायट्यांमधील नागरिक, हास्य क्‍लब, ज्येष्ठ नागरिक संघाच्या सदस्यांनीही उत्स्फूर्त सहभाग नोंदवला आहे. लष्कराचे अधिकारी आणि जवानही या स्पर्धेत सहभागी होताना दिसणार आहेत.

असा असेल मार्ग…
सहा किलोमीटरच्या फॅमिली रनसाठी
सुरूवात म्हाळुंगे-बालेवाडी शिवछत्रपती क्रीडा संकुलापासून. राधा चौक, बालेवाडी फाटा, हाय स्ट्रीट. त्याला वळसा घालून पुन्हा क्रीडा संकुलात परत.
—
दहा किलोमीटरच्या स्पर्धेसाठी मार्ग
सुरूवात म्हाळुंगे-बालेवाडी शिवछत्रपती क्रीडा संकुलापासून. राधा चौक, बालेवाडी फाटा, बाणेर रस्ता, व्हेरिटास चौकातून पुन्हा याच मार्गाने क्रीडा संकुलात परत.
—
एकवीस किलोमीटरच्या स्पर्धेसाठी मार्ग
सुरूवात म्हाळुंगे-बालेवाडी शिवछत्रपती क्रीडा संकुलापासून. राधा चौक, बालेवाडी फाटा, बाणेर रस्ता, व्हेरिटास चौक, विद्यापीठ चौक, तेथून वळून औंध रस्त्याने ब्रेमेन चौकात. तेथून औंधच्या परिहार चौकातून आयटीआयमार्गे पुन्हा बाणेर फाटा. बाणेर रस्त्याने क्रीडा संकुलात परत.

पुणे :भारती विद्यापीठ ‘कॉलेज ऑफ इंजिनियरिंग ‘ तर्फे ‘एथिकल हॅकिंग  आणि सुरक्षितता ‘ विषयावर तीन दिवसिय फॅकल्टी डेव्हेलपमेंट प्रोग्राम  आयोजित करण्यात आला होता . भारती विद्यापीठाच्या कात्रज कॅम्पस मध्ये ३ ते ५ डिसेंबर रोजी झालेल्या या चर्चासत्राचे उदघाटन प्राचार्य डॉ . आनंद भालेराव यांनी केले . डॉ .संदीप वांजळे यांनी स्वागत केले .   ५ विद्यापीठातील २१ इन्स्टिट्यूट चे ३८ प्राध्यापक ,संशोधक या चर्चासत्रात सहभागी झाले . एकूण सहा प्रशिक्षण सत्रांमध्ये  सायबर हल्ले  आणि ‘एथिकल हॅकिंग ‘ विषयी सर्वंकष माहिती देण्यात आली .

उदघाटन सत्रात बोलताना डॉ . आनंद भालेराव म्हणाले ,’६५ हजार प्रशिक्षित हॅकर्स या क्षेत्रात कमी आहेत . आताच्या डिजिटल युगात सायबर हल्ल्यांमुळे कार्पोरेट क्षेत्राचे  दरवर्षी अब्जावधींचे नुकसान होत आहे . हे सायबर हल्ले थोपविण्यासाठी चांगले काम करणाऱ्या एथिकल हॅकर्स ची गरज उद्योग क्षेत्राला भासत आहे . अजूनही ७८ टक्के आस्थापना आणि उद्योगांकडे सायबर हल्ल्याविरुद्ध करण्याच्या उपाययोजनासाठी नियोजन तयार नाही . त्यामुळे इथिकल हॅकर्स इथून पुढे मोठी मागणी असणार आहे . उद्योग जगात सायबर हल्ल्याबद्दलचे प्रशिक्षण ,उपाययोजना साठी मोठी गुंतवणूक करण्याच्या मनःस्थितीत आहे .

नॅसकॉम च्या अभ्यासानुसार भारतात ८० हजार एथिकल हॅकर्स ची आवश्यकता भासणार आहे ,मात्र ,आज केवळ १५ हजार प्रशिक्षित हॅकर्स उपलब्ध आहेत . या धोक्याविषयी जागृती घडवून आणण्याच्या हेतूने या फॅकल्टी फॅकल्टी डेव्हलपमेंट  प्रोग्राम चे आयोजन करण्यात आले होते .

पुणे-आजही मुलींच्या जन्माचे दुःख बाळगले जाते. मुला-मुलींमधील भेदभाव केला जातो मात्र त्याला अपवाद ‘ शिंदे ‘ कुटुंबीय ठरलं आहे..आपल्या घरी जन्माला येणाऱ्या मुलीचे स्वागतच या कुटुंबीयांनी वेगळ्या पद्धतीने केलंय..नुकतीच जन्मलेली ‘ मनश्री ‘ हिच्या जन्मानिमित्त तिचे वडील श्रीकांत शिंदे व आई सौ मनीषा शिंदे यांनी वडगाव बुद्रुक ( ता.हवेली जि. पुणे ) येथील निराधार महिला व मुलींसाठी असलेल्या निराश्रित बालकाश्रमात एक वेगळ्या कार्यक्रमाचे आयोजन केले..या निराधार आश्रमातील मुलींना थंडीमध्ये मायेची ऊब देणारे ब्लँकेट व शालेय साहित्य भेट देत अनोख्या पद्धतीने ‘ मनश्री ‘ च्या जन्माचे स्वागत केले.एकीकडे मुलींच्या नावाने नाक मुरडणाऱ्यांची संख्या कमी नाही पण दुसरीकडे मुलीच्या जन्माचे स्वागत आमच्या अनाथ निराधार मुलींमध्ये येऊन साजरे केले..नव्हे नव्हे या मुलींना थंडीमध्ये मायेचं पांघरूण म्हणून ब्लँकेटचे वाटप देखील केले..हे उपकार आम्ही कधीही विसरणार नाही असे प्रतिपादन संस्थेचे समुपदेशक बुधा बिऱ्हाडे यांनी केले..ते पुढे म्हणाले की,गर्भनिदान न करता मुलीच्या जन्माचे स्वागत करा,बेटा बेटी एक समान हा आपला मंत्र असला पाहिजे, स्त्री -पुरुष यामध्ये भेद बाळगू नका.मुलगीही वंशाचा दिवा होऊ शकते हे महिलांनी यापूर्वीच सिद्ध केल्याचे त्यांनी यावेळी उदाहरणासह स्पष्ट करत सौ.मनीषा व श्री.श्रीकांत शिंदे यांनी केलेल्या या अनोख्या उपक्रमाचे स्वागत करत इतरांनीही असे उपक्रम करून मुलीच्या जन्माचे स्वागत करावे असे आवाहन केले..या स्तुत्य उपक्रमास आरती गायकवाड, रवींद्र टकले, सूर्यकांत लांडगे आदीसह निराश्रित बालकाश्रमातील कर्मचारी उपस्थित होते.

पुणे’आयसीसी’ टॉवर येथे महापालिकेला मिळणारी ३१ हजार ५०० चौरस फूट जागा ही स्मार्ट सिटी कंपनीला न देता निविदा काढून भाड्याने द्यावी. त्यामधून वर्षाकाठी किमान पाच कोटी रुपयांचे उत्पन्न मिळेल,’ अशी मागणी स्थायी समितीचे माजी अध्यक्ष नीलेश निकम यांनी केली आहे. या उत्पन्नातून सेनापती बापट रस्त्यावर ‘एलिव्हेटेड’ रस्ता बांधून वाहतूक सुरळीत करावी, असे निकम यांनी पालिका आयुक्त सौरभ राव यांना पाठविलेल्या पत्रात नमूद केले आहे.

पालिकेच्या बांधकाम नियमावलीनुसार ‘आयसीसी टॉवर’मधील ३१ हजार ५०० चौरस फूट जागा पालिकेच्या ताब्यात देण्यात आली आहे. ही जागा स्मार्ट सिटी कंपनीला देण्याचा निर्णय घेण्यात आला आहे. सध्याच्या रेडिरेकनरचा विचार करता या जागेपोटी किमान पाच कोटी रुपये वार्षिक उत्पन्न अपेक्षित आहे. त्यामध्ये दर तीन वर्षांनी किमान पाच टक्के वाढ अपेक्षित आहे. पालिकेला याच ठिकाणी यापूर्वी ४२ हजार चौरस फूट जागा मिळाली असून, तीही भाड्याने देण्यात आली आहे. त्यावेळीही ही जागा निविदा काढून देण्यात आली आहे. २००७ ते २०१६ या काळात पालिकेला २६ कोटी १९ लाख रुपयांचे उत्पन्न मिळाले आहे. या जागेपोटी महापालिकेला ३० वर्षांत १६३ कोटी रुपये भाड्यापोटी मिळणार आहेत. त्याचप्रमाणे नव्याने मिळणाऱ्या जागेचा विचार करता पुढील ३० वर्षांत भाड्यापोटी अतिरिक्त २०० कोटी रुपये उत्पन्न मिळेल. त्यामुळे ही जागा भाड्याने देणे महापालिकेच्या हिताचे असल्याचा दावा निकम यांनी केला आहे.

• रेसच्या तीन श्रेणी आहेत: हाफ मॅरेथॉन (21.1 किमी), 10 किमी रन आणि फॅमिली रन (6 किमी)
• त्या दिवशी कमिशनर्स कप व मेयर्स कप असे विशेष उपक्रम
• 21 लाख रुपयांहून अधिक रकमेची एकूण बक्षीसे
• ही रेस एएफआय मान्यताप्राप्त आहे व कोर्स एम्स प्रमाणित आहे
• मॅरेथॉनचे ब्रँड अम्बेसेडर रायन हॉल व मंदिरा बेदी उपस्थित राहणार

पुणे: पुणे शहर 9 डिसेंबर, 2018 (रविवार) रोजी आयोजित केलेल्या उद्घाटनपर बजाज अॅलियान्झ पुणे हाफ मॅरेथॉनसाठी (पीएचएम) सज्ज झाले आहे. हा उपक्रम म्हणजे वैयक्तिक प्रशिक्षण देणारी देशातील एकमेव लांब पल्ल्याची रेस ठरावी, या हेतूने रन स्मार्ट (S.M.A.R.T.) प्रकल्पाबरोबर पुणेकर व देशभरातील अन्य व्यक्ती या दिवसासाठी खडतर प्रशिक्षण घेत आहेत. “वेलनेस” या कार्यक्रमाच्या मध्यवर्ती संकल्पनेला उत्तेजन देण्यासाठी सेलिब्रेटी, अन्य मान्यवर व नागरिक यांनी सहभाग घेतला आहे. रविवारी प्रत्येकाला सुरळितपणे रेसमध्ये सहभागी होता यावे, यासाठी पोलीस विभागाने व शहरातील महापालिकेने नियोजन केले आहे.

बजाज अॅलियान्झ पीएचएम ही काही अॅथलेटिक्स फेडरेशन ऑफ इंडियाची (एएफआय) मान्यताप्राप्त रेस आहे आणि रेसकोर्स एम्सकडून प्रमाणित आहे, त्यामुळे अन्य मुख्य रेसेसच्या टायमिंग सर्टिफिकेट मीट गरजा पूर्ण केल्या जातात.

श्रेणी

हाफ मॅरेथॉन (21.1 किमी) व 10 किमी रन या रेस नियमितपणे धावत असणाऱ्यांसाठी आहेत. 6 किमीची फॅमिली रन हे या कार्यक्रमाचे ठळक वैशिष्ट्य आहे. यामध्ये, एकत्र येण्यासाठी आणि एकत्र धावण्यासाठी कुटुंबांना उत्तेजन दिले जात आहे. आयोजकांनी विशेषतः बालके व युवक यांच्यासाठी फॅमिली रनचे आयोजन केले आहे आणि कुटुंबे व बालकांमध्ये वेलनेसची सवय रुजवणे, हा त्यामागील हेतू आहे. सहभागींना त्यांच्या आवडीचा पोशाख करणे, प्रॉप्स वापरणे, मुख्य संकल्पनेशी संबंधित कपडे घालणे शक्य होणार असल्याने फॅमिली रन अधिक धमाल ठरणार आहे. त्यामुळे ही खऱ्या अर्थाने कार्निव्हल-थीम्ड रन ठरणार आहे.

पोलीस आणि पालिका विभागांना सहभागी होण्यासाठी दोन विशेष श्रेणी आहेत – अनुक्रमे कमिशनर्स कप व मेयर्स कप.

“पोलीस व महापालिकेचे विभाग यांमध्ये वेलनेस ही संकल्पना प्रसृत करणे, हा कमिशनर्स कप व मेयर्स कप यांचा उद्देश आहे. समाज सुरळीतपणे चालण्यासाठी ते देत असलेल्या प्रचंड योगदानाची दखल घेणे व गौरव करणे, हाही हेतू आहे. आपण प्रेक्षकांमध्ये बसलो आणि शहर सुरळीत चालण्याची जबाबदारी उचलणाऱ्या अधिकाऱ्यांना प्रोत्साहन दिले तर?” असे कार्यक्रमाचे आयोजक एपीजी रनिंगचे मुख्य कार्यकारी अधिकारी विकास सिंग यांनी नमूद केले.

बजाज अॅलियान्झ पुणे हाफ मॅरेथॉनच्या यशाविषयी बोलताना, बजाज अॅलियान्झचे चीफ मार्केटिंग ऑफिसर चंद्रमोहन मेहरा यांनी सांगितले, “बजाज अॅलियान्झ हाफ मॅरेथॉनच्या उद्घाटनपर पर्वाला मिळालेला भरभरून प्रतिसाद, समावेशक फिटनेस चळवळीला चालना देणे, या आमच्या उद्देशाला अनुसरून आहे. सहभागींना धावण्याचा अविस्मरणीय अनुभव मिळावा आणि या कार्यक्रमानंतरही फिटनेसमध्ये सातत्य राहावे, यासाठी आनंदी सुरुवात व्हावी, अशी आमची इच्छा आहे.”

बक्षीसाची रक्कम

गेल्या अनेक वर्षांमध्ये धावण्याचे प्रमाण फार वाढले आहे. अनेकानेक खेळाडू देशाचा अभिमान वाढवत आहेतच, शिवाय शहर-स्तरावरील लांब पल्ल्याच्या रन्समध्ये मोठी वाढ होत आहे. देशात धावण्याला प्रोत्साहन देण्याच्या दृष्टीनेबजाज अॅलियान्झ पीएचएमच्या निमित्ताने योगदान मिळाले आहे. या कार्यक्रमामध्ये देशभरातील स्पर्धक सहभागी होणार आहेत आणि ग्रामीण भागातूनही त्यास उत्तम प्रतिसाद मिळत आहे. विजेत्यांना 21.5 लाख रुपयांची रोख बक्षीसे दिली जाणार आहेत.

 प्रशिक्षण सत्राला प्रचंड प्रतिसाद

प्रशिक्षण सत्राला भरभरून प्रतिसाद मिळाल्याने, पुणे शहराने भारतातील सर्वात फिट शहर, हे नाव कायम राखले. जसजसा रविवार जवळ येत आहे, तसतशी यामध्ये वाढ होणार आहे. अगोदर नमूद केल्याप्रमाणे, बजाज अॅलियान्झ पीएचएम हीदेशातील एकमेव लांब पल्ल्याची रेस असून त्यामध्ये सहभागींना कस्टमाइड्ड प्रशिक्षण नियोजन उपलब्ध केले आहे.

हा कार्यक्रम, रन स्मार्ट प्रकल्पातील, धावण्यासाठीचा जगातील सर्वोत्कृष्ट प्रशिक्षक म्हणून लोकप्रिय असलेले डॉ. जॅक डॅनिअल्स यांनी आखला आहे. डॉ. डॅनिअल्स यांनी भारतातील सहभागींना व्यक्तिशः संबोधित केले होते आणि ऑक्टोबर महिन्यात कार्यक्रमाचे अनावरण केले. अमेरिकेतील प्रसिद्ध लाँग-डिस्टन्स रनर रायन हॉल हे या कार्यक्रमाचे ब्रँड अम्बेसेडर आहेत. ते पत्नी व अमेरिकेतील चॅम्पिअन रनर सारा यांच्यासह कार्यक्रमासाठी उपस्थित राहणार आहेत. मंदिरा बेदी मॅरेथॉनचे सूत्रसंचालन करणार आहेत.

पुणे हाफ मॅरेथॉनविषयी

पीएचएम या कार्यक्रमाचे आयोजन एपीजी रनिंगने (एपी ग्लोबेल ग्रुप) केले आहे आणि टायटल स्पॉन्सर म्हणून बजाज अॅलियान्झने सक्षम पाठिंबा दिला आहे. पुणेकरांचा वेलनेस यातून पीएचएमचा उगम झाला. भारताच्या रनिंग उपक्रमांमध्ये स्वतःचे स्थान निर्माण करणे, हा या कार्यक्रमाचा उद्देश आहे. 2018 या उद्घाटनपर पर्वाचे आयोजन रविवारी, 9 डिसेंबर रोजी केले जाणार आहे. सहभागींना अविस्मरणीय अनुभव मिळावा, या दृष्टीने या कार्यक्रमाचे आयोजन केले आहे. जागतिक दर्जाचा क्रीडा उपक्रम त्यांच्याच शहरात सादर केला जाणार आहे.