● फूड डिलीव्हरी रेस्टॉरंट असोसिएशन्सची भारतात केवळ दोन महिन्यांत ५४ हजारांवरून ७५ हजारांपर्यंत व्याप्ती, वितरण भागिदारांच्या संख्येत मोठी वाढ; जानेवारी २०१८ पासून आतापर्यंत नोंदणीकृत भागिदारांची संख्या ५४०० पासून १,५०,००० पर्यंत
● झोमॅटोद्वारे भारतात ऑक्टोबर २०१८ मध्ये २१ दशलक्ष ऑर्डर्स साध्य, जानेवारी २०१८ पासून ३.५ दशलक्ष ऑर्डर्सच्या संख्येत मोठी वाढ
● कंपनीच्या एकूण उत्पन्नात खाद्य वितरण व्यवसायाचा सध्याचा वाटा ६५ टक्के, जानेवारी २०१८ मधील ३५ टक्क्यांशी तुलना
● कंपनीचा प्रीमियम सबस्क्रिप्शन उपक्रम झोमॅटो गोल्डची सबस्क्रिप्शन संख्या सहा लाख ग्राहक आणि भारतात चार हजार रेस्टॉरंट भागीदार
● चांगल्या प्रतिसादासाठी झोमॅटोतर्फे या महिन्याच्या सुरुवातीलाच मनिला व जकार्ता येथेही गोल्डचे लाँच
● कंपनी आपला व्यवसाय आणखी विस्तारण्यासाठी सज्ज, या डिसेंबरमध्ये दिल्ली/एनसीआरमध्ये लाँच होणार हायप्युअर
भारतातील डिजिटल माध्यमातून खाद्यपदार्थांची नोंदणी (फूड ऑर्डरिंग) करण्याचा व्यवसाय विस्तारण्यासाठी झोमॅटो या आठवड्यात आणखी तीस शहरात ऑनलाइन ऑर्डरिंग आणि खाद्यपदार्थ वितरण सेवा लाँच करणार असून कंपनी लवकरच देशातील शंभर शहरांत कार्यरत होईल.
या अतिरिक्त सेवेमुळे झोमॅटोचा खाद्य वितरण सेवा सध्या देशात ९३ शहरांत कार्यरत होणार असून या व्यासपीठावर ७५ हजार रेस्टॉरंट्स नोंदलेली आहेत. शेवटच्या टप्प्यापर्यंत वितरण करण्यासाठी झोमॅटो या नव्या शहरांत पाच हजार वितरण भागीदार नेमण्यात आले असून त्यामुळे कंपनीची आताची १.५ लाख भागीदारांची संख्या आणखी मजबूत होणार आहे. या नव्या शहरांत पुद्दुचेरी, जमशेदपूर, अंबाला, मीरत, हरिद्वार, भावनागर, उज्जैन, पुरी या व इतर शहरांचा समावेश आहे.
नव्या घडामोडींविषयी झोमॅटोचे मुख्य कार्यकारी अधिकारी आणि संस्थापक दीपिंदर गोयल म्हणाले, ‘आमचा व्यवसाय – गोल्ड, खाद्यपदार्थांचे वितरण आणि पुरवठा या आमच्या व्यवसायाच्या विस्ताराला सगळीकडूनच जोरदार प्रतिसाद मिळत आहे. मनिला व जकार्तामध्ये एकाच आठवड्यात विक्री झालेल्या गोल्ड सदस्यत्वांची संख्या ही दिल्ली व मुंबईत झालेल्या प्राथमिक विक्रीपेक्षाही जास्त आहे. हायपरप्युअरलाही खूप चांगला प्रतिसाद आहे आणि आम्ही पुढील काही आठवड्यांत एनसीआर येथेही नवे केंद्र सुरू करणार आहे. द फूडअटवर्क व्यवसायचाही नव्या बाजारपेठांमध्येही विस्तार केला जाणार आहे. आणि अर्थातच, खाद्यपदार्थ वितरण व्यवसायही प्रमुख शहरांसह दुसऱ्या व तिसऱ्या श्रेणीतील शहरांमध्येही वेगाने विस्तारत आहे.’
नुकत्याच लाँच झालेल्या ऑनलाइन ऑर्डरिंग आणि खाद्य पदार्थ व्यवसायाबद्दल झोमॅटोच्या खाद्य वितरण विभागाचे मुख्य कार्यकारी अधिकारी मोहित गुप्ता म्हणाले, ‘दुसऱ्या व तिसऱ्या श्रेणीतील शहरांमध्ये मिळत असलेल्या मागणीने आम्हाला आश्चर्याचा सुखद धक्का बसला आहे आणि म्हणूनच भारतातील छोट्यातल्या छोट्या शहरातल्या प्रत्येक शेवटच्या ग्राहकाला सेवा देण्यावर आमचा भर आहे. शंभर शहरांचा टप्पा पार करणारे आम्ही पहिलेच असू आणि यापुढेही आम्ही भारतातील खाद्यपदार्थ वितरण क्षेत्रात भौगोलिक व्याप्ती वाढवण्यासाठी मोठी गुंतवणूक करत राहाणारच आहोत. सणासुदीच्या काळात आमच्या प्रमुख बाजारपेठेतील आमचा हिस्सा वाढताना पाहिला असून डिसेंबरमध्येही विस्ताराचे आमचे नियोनन आहे.’
भारतातील दीर्घ काळापासून सुरू असलेले खाद्यपदार्थ- तंत्रज्ञान व्यासपीठ झोमॅटो आपल्या ग्राहकांना दर्जेदार खाद्यपदार्थ आणि सेवा पुरवण्यासाठी तसेच त्यांना खाद्यपदार्थांची योग्य निवड करण्यासाठी बांधील आहे.
‘पुरवठ्यामध्ये वाढ (७५ हजार रेस्टॉरंट पार्टनर्स), आक्रमक, भौगोलिक विस्तार (भारतातील १०० शहरांपर्यंत पोहोचणारी पहिली कंपनी) आणि शेवटच्या टोकापर्यंत वितरण सेवा देण्याची दमदार क्षमता (१.५ लाख रायडर्सचा समावेश असलेली सर्वात मोठी वितरण सेवा) इत्यादी घटकांनी व्यवसायाच्या एकंदर विकासात महत्त्वाची भूमिका बजावली आहे. आम्ही खाद्यपदार्थ वितरण व्यवसायातील या तिन्ही विभागांमध्ये आघाडीवर असून केवळ पदार्थांबाबतीच नव्हे, तर चांगले अनुभव देण्याबद्दलही आम्ही आमची सेवा सातत्याने विकसित करत राहू.’
ऑर्डर नोंदवण्याच्या आधी आणि नंतर दिल्या जाणाऱ्या वैयक्तिक ग्राहक सेवेसह – आम्ही नव्याने समाविष्ट करण्यात आलेल्या शहरांतही ग्राहकांना विना- अडथळा वितरणाचा लाभ मिळवून देणार आहोत. सध्या ही सेवा आठवड्याचे सातही दिवस (सकाळी ११ ते रात्री ११) उपलब्ध आहे आणि लवकरच सकाळचा नाश्ता व मध्यरात्रीच्या जेवणासाठीही वितरण सेवा पुरवली जाणार आहे.
झोमॅटोबद्दल
दिपिंदर गोयल आणि पंकज चढ्ढा यांनी २००८ मध्ये रेस्टॉरंट शोधण्याची सेवा देणारे झोमॅटो हे व्यासपीठ स्थापन केले होते. या व्यासपीठावर २४ देशांतील १.४ दशलक्ष रेस्टॉरंट्सची संखोल माहिती असून त्याद्वारे दरमहा ५० दशलक्ष ग्राहकांना सेवा दिली जाते.
रेस्टॉरंट शोधाबरोबरच झोमॅटोने ऑनलाइन ऑर्डरिंग (खाद्यपदार्थ वितरण), टेक अवे सेवा (झोमॅटो पिकअप), टेबल आरक्षण, रेस्टॉरंट्ससाठी बीटुबी खाद्यपदार्थ घटक पुरवठा, झोमॅटो पिगीबँक इत्यादी सेवा लाँच करत ग्राहक व रेस्टॉरंट व्यवसाय यांना जोडण्यासाठी अत्याधुनिक तंत्रज्ञानाची निर्मिती केली. या सेवांबरोबरच झोमॅटोचा वापर ग्राहकांकडून रेस्टॉरंट शोधण्यासाठी, त्याला श्रेणी देण्यासाठी, त्याचे परीक्षण करण्यासाठी, विश्वासार्ह शिफारशी मिळवण्यासाठी इतर खवैय्यांशी जोडले जात स्वतःचे नेटवर्क तयार करण्यासाठी केला जातो.
