इंडीवूड सीएसआर एक्सलन्स अवॉर्ड्स २०१८ मध्ये बेस्ट सीएसआर प्रॅक्टिसेस इन स्पेशॅलिटी हेल्थकेयर पुरस्कार
गुजरात सीएसआर एक्सलन्स अवॉर्ड – २०१८ मध्ये बेस्ट वॉटर कर्न्झव्हेशन अँड वॉटरशेड पुरस्कार
पुणे-– फिनोलेक्स इंडस्ट्रीज लिमिटेड (एफआयएल), या पीव्हीसी पाइप्स आणि फिटिंग्जच्या भारतातील आघाडीच्या उत्पादकाने मुकुल माधव फाउंडेशन या आपल्या सीएसआर भागिदारासह नुकतेच इंडीवूड सीएसआर एक्सलन्स अवॉर्ड्स २०१८ मध्ये बेस्ट सीएसआर प्रॅक्टिसेस इन स्पेशॅलिटी हेल्थकेयर पुरस्कार आणि गुजरात सीएसआर एक्सलन्स अवॉर्ड – २०१८ मध्ये बेस्ट वॉटर कर्न्झव्हेशन अँड वॉटरशेड पुरस्कार हे दोन प्रतिष्ठित पुरस्कार मिळवले. कंपनी स्थापन झाल्यापासूनच हाती घेण्यात आलेल्या उल्लेखनीय समाजसेवी उपक्रमांसाठी फिनोलेक्स इंडस्ट्रीज लिमिटेडला हे पुरस्कार देण्यात आले. गुजरात सीएसआर एक्सलन्स अवॉर्ड – २०१८ हा पुरस्कार श्री. नितुल बरोट, वरिष्ठ सीएसआर अधिकारी – फिनोलेक्स इंडस्ट्रीज लिमिटेड आणि इंडीवूड सीएसआर एक्सलन्स अवॉर्ड्स २०१८ हा पुरस्कार श्री. अनुराग दीपांकर, सहाय्यक व्यवस्थापक, मार्केटिंग कम्युनिकेशन्स, फिनोलेक्स इंडस्ट्रीज लिमिटेड यांनी स्वीकारला.
दोन हजार भारतीय कॉर्पोरेट्स आणि कोट्यधीशांचा समावेश असलेल्या परिषेदेने हाती घेतलेल्या १० अब्ज डॉलर्सच्या इंडीवूड प्रकल्पाचाच एक भाग म्हणून इंडीवूड सीएसआर एक्सलन्स अवॉर्ड्स २०१८ चे हिटेक्स एक्झिबिशन सेंटर, हैद्राबाद येथे ३ डिसेंबर २०१८ रोजी यशस्वी आयोजन करण्यात आले होते.
फिनोलेक्स इंडस्ट्रीज लिमिटेडने हा पुरस्कार छायाचित्रणाच्या रशियन सांस्कृतिक मंत्रालयाच्या प्रमुख श्रीमती व्हलेरिया व्ही. कोलेस्निक यांच्या हस्ते स्वीकारला. हॉस्पिटॅलिटी उद्योग व्यावसायिकांच्या प्रयत्नांची आणि या क्षेत्राच्या विकासासाठी काम करणाऱ्या संघटनांची दखल घेण्यासाठी हा कार्यक्रम आयोजित करण्यात आला होता.
अहमादाबाद- गुजरात येथे आयोजित करण्यात आलेल्या कार्यक्रमात फिनोलेक्स इंडस्ट्रीज लिमिटेड आणि मुकुल माधव फाउंडेशनला गुजरात सीएसआर समिट २०१८ दरम्यान बेस्ट वॉटर कर्न्झव्हेशन अँड वॉटरशेड पुरस्कार देण्यात आला. हा पुरस्कार श्री. धर्मेद्र प्रधान (माननीय मंत्री, पेट्रोलियम आणि नैसर्गिक वायू तसेच कुशल विकास आणि औदयोजिकता) आणि श्री. गणपतभाई वासावा (माननीय मंत्री, आदिवासी विकास, पर्यटन, वन, महिला व बालकल्याण) यांच्या हस्ते प्रदान करण्यात आला.
फिनोलेक्स इंडस्ट्रीज लिमिटेड आणि मुकुल माधव फाउंडेशनच्या पाणी प्रकल्पांचे कौतुक करत श्री. धर्मेंद्र प्रधान यांनी येत्या काळात जल संवर्धनाची तीव्र गरज भासणार असल्याचे नमूद केले. या पुरस्कार समिटसाठी संसद सदस्य, आमदार, महापौर, जिल्हाधिकारी आणि सरकारी अधिकारीही उपस्थित होते.
याप्रसंगी फिनोलेक्स इंडस्ट्रीज लिमिटेडच्या नॉन- इंडिपेंडंट संचालक आणि सीएसआर प्रमुख, सौ रितू छाब्रिया, म्हणाल्या, ‘फिनोलेक्स इंडस्ट्रीज लिमिटेड आणि मुकुल माधव फाउंडेशनने सामाजिक जबाबदारीप्रती केलेल्या कामाची दखल घेतली जाण्याचा हा क्षण अभिमानाचा आहे. समाजसेवा हा फिनोलेक्स इंडस्ट्रीजचा प्रमुख आधारस्तंभ आहे आणि मुकुल माधव फाउंडेशनच्या मदतीने कंपनीने या क्षेत्रात मोठी उंची गाटली आहे. कंपनी सातत्याने आपण राहातो त्या समाजाचे ऋण फेडण्यासाठी प्रयत्न करत असते आणि लोक व पर्यावरणाला संतुलित यंत्रणा पुरवण्यासाठीही कंपनीचा प्रयत्न सुरू असतो. भविष्यातही आमचा हाच दृष्टीकोन कायम राहाणार आहे. आमच्या कामाचा गौरव केल्याबद्दल आम्ही कंपनीचे आभारी आहोत. यापुढेही आम्ही अशीच प्रगती करत राहू आणि इतरांसाठी अनुकरणीय मापदंड प्रस्थापित करत राहू.’
स्थापनेपासूनच फिनोलेक्स इंडस्ट्रीज आपल्या जवळच्या परिसरात म्हणजे रत्नागिरी, पुणे, उर्से आणि मासर, वडोदरा, गुजरात तसेच उर्वरित भारतातील आरोग्यसेवा, शिक्षण, समाजकल्याण आणि पाणी प्रकल्प अशा क्षेत्रात सक्रियपणे काम करत आहे.
फिनोलेक्स इंडस्ट्रीज लि
पुण्यात मुख्यालय असलेली फिनोलेक्स इंडस्ट्रीज लिमिटेड पीव्हीसी पाइप्स आणि शेती तसेच गृहबांधणी, उद्योगक्षेत्र व बांधकामासारख्या विविध बिगरशेती क्षेत्रांना फिटिंग्ज पुरवण्याच्या उद्योगात आघाडीवर आहे. महाराष्ट्रातील रत्नागिरी आणि पुणे आणि गुजरातमध्ये मासर येथे असलेल्या अत्याधुनिक कारखान्यांच्या मदतीने कंपनीला आपल्या ग्राहकांना चांगली सेवा देणे शक्य होते. रत्नागिरीमधील आमचा पीव्हीसी रेसिन उत्पादन कारखाना Uhde GmbH, जर्मनी यांच्या तांत्रिक सहकार्याने व होचेस्ट तंत्रज्ञानाने उभारण्यात आला असून त्याद्वारे सर्वोच्च दर्जाते रेसिन तयार करून ते आमच्या पाइप उत्पादन निर्मितीसाठी पुरवले जाते. समुद्राच्या दिशेने खुली असलेले क्रायोजेनिक बंदर भारतीय खासगी क्षेत्रात पहिल्यांदाच उभारण्यात आले असून ते कंपनीच्या पीव्हीसी कॉम्प्लेक्सचे वैशिष्ट्य आहे. आयएस/आयएसओ ९००१:२००८ प्रमाणपत्र मिळालेली फिनोलेक्स ही पहिली भारतीय पीव्हीसी पाइप उत्पादक कंपनी आहे.
कुशल मनुष्यबळ हे आमचे प्रमुख बलस्थान आहे. कामकाजातील असामान्यता आणि यशाचे श्रेय आम्ही आमच्या कर्मचाऱ्यांना देतो. देशभरात आम्ही सर्वत्र विस्ताक केला असून आमच्या १८ हजार रिटेल दालनांना सक्षम वितरक व उप- वितरकांचा पाठिंबा मिळालेला आहे. ग्राहकांना दर्जेदार उत्पादने पुरवण्यात ते आमची विस्तारित शाखा म्हणून काम करतात. दर्जा, विश्वास आणि सचोटी ही आमची मूलभूत तत्वे ग्राहक तसेच भागधारकांबरोबर अकंड नाते निर्माण करण्यास मदत करतात.
‘हेतूसह कामगिरी’वर आमचा विश्वास असून समाजाबद्दल आम्ही मनापासून चिंतित असतो. मुकुल माधव फाउंडेशन या आमच्या सीएसआर भागिदारासह आम्ही रत्नागिरी, पुणे आणि मासर येथील आमच्या कारखान्यांच्या परिसरातील समाजात असलेल्या वंचित घटकांच्या सामाजिक, आर्थिक विकाससाठी सक्रियपणे काम करत आहोत. आम्ही प्रामुख्याने महिला व लहान मुलांसाठी शिक्षण, आरोग्य सेवा, सामाजिक विकास, पर्यावरण आणि स्व- विकास यांवर भर देतो.
मुकुल माधव फाउंडेशनबदद्ल
मुकुल माधव फाउंडेशनची (एमएपएफ) स्थापना १९९९ मध्ये सार्वजनिक चॅरिटेबल ट्रस्ट म्हणून करण्यात आली व आज हे फाउंडेशन आरोग्यसेवा, समाज कल्याण आणि शिक्षण क्षेत्रातील चॅरिटेबल उपक्रमांसाठी प्रसिद्ध आहे. १९९९ पासून संस्था वंचित घटकांसाठी शिक्षण सहाय्य, तर गरजूंसाठी वैद्यकीय मदत करत आली आहे.
मुकुल माधव फाउंडेशनने आर्थिक सहाय्य आणि उपकरणांच्या रुपांने हॉस्पिटल्स तसेच अनाथालय, अपंग मुलांसाठी संस्थांना मजत केली आहे. ग्रामीण भागातील शाळांसाठी संस्थेने तेथील पात्र विद्यार्थ्यांना पुस्तके, गणवेश, बूट व इतर साहित्य आणि शिष्यवृत्तीच्या देत उच्च शिक्षणासाठी मदत केली आहे.
बॉम्बे चॅरिटेबल कायदा ९५० अंतर्गत एमएमएफची चॅरिटेबल ट्रस्ट म्हणून नोंदणी झालेली आहे. मुकुल माधव फाउंडेशनला दिलेली देणगी प्राप्ती कायद्याअंतर्गत ८० जी प्रमाणपत्रानुसार करमुक्त असते. एप्रिल २०१२ मध्ये एमएमएफने फॉरिन कॉन्ट्रिब्युशन रेग्युलेशन अक्ट सर्टिफिकेट (एफसीआरए) मिळवले असून त्यामुळे मुकुल माधव फाउंडेशनला परदेशातूनही देणगी मिळवता येते.
