‘एव्हीके फिल्म्स’, ‘कृती फिल्म्स’ आणि ‘सोमिल क्रिएशन्स’ प्रथमच एकत्र!
प्रस्तुतकर्ते एव्हीके फिल्म्सचे अमेय विनोद खोपकर, चित्रपट निर्माते प्रशांत घैसास,निर्माते सुनिल वसंत भोसले,  लेखक शेखर ढवळीकर आणि सर्जनशील दिग्दर्शक जालिंदर कुंभार येत्या ८ फेब्रुवारीला प्रदर्शित होतो आहे ..

जालिंदर कुंभार दिग्दर्शित ‘रेडीमिक्स’मध्ये समीर चिटणीस या उमद्या तरुण इंटिरियर डेकोरेटरच्या आयुष्यात वेगळं काही करू पाहणारी नुपूर ही सुंदर तरुणी येते, आणि त्यानंतर त्याचे आयुष्य वेगळेच वळण घेते. इथूनच त्याची रोमांटिक कथा सुरु होते. आजचा आघाडीचा युथ आयकॉन – अर्थात लव्हरबॉय वैभव तत्ववादी आणि प्रार्थना बेहेरे आणि हरहुन्नरी अभिनेत्री नेहा जोशी यांच्या अफलातून अभिनयाचं रसायन नक्कीच प्रफुल्लीत करणारं आहे. त्यांच्या जोडीला अभिनेते सुनिल तावडे, आनंद इंगळे, नेहा शितोळे, गिरीश परदेसी, आशा पाटील, रमा नाडगौडा, अश्विनी कुलकर्णी, उदय नेने, राजू बावडेकर, आशिष गोखले इत्यादी सहकलाकारांनी भरलेले रंग म्हणजे खरंच एक धमाका आहे.

संदिप पाटील यांच्या व्हिजनरी कॅमेऱ्यातून ‘रेडीमिक्स’चं सौंदर्य अधिकच खुललं आहे. चित्रपटात एकूण चार गाणी असून ती गुरु ठाकूर, अश्विनी शेंडे, अभय इनामदार यांनी शब्दबद्ध केली आहेत. त्यावर लोकप्रिय संगीतकार अविनाश–विश्वजित यांनी संगीतसाज चढवला असून हे संगीत प्रेक्षकांवर गारुड घालण्यासाठी सज्ज आहे. आजची लोकप्रिय युवा गायिका आर्या आंबेकर, मुग्धा कऱ्हाडे, शिखा जैन, गायक आशिष शर्मा, फराद भिवंडीवाला, विश्वजित जोशी यांनी स्वरसाज चढवीत माधुर्य वाढविले आहे. कोरिओग्राफर दिपाली विचारे यांनी साजेशी नृत्यरचना केली आहे. संतोष गोठस्कर यांनी वेगवान संकलन केलं आहे तर कार्यकारी निर्मितीची सूत्रे प्रवीण वानखेडे यांनी सांभाळली आहेत. पूजा कामत यांनी केलेल्या वेशभूषेला अनुसरून सुहास गवते यांनी रंगभूषा केली आहे.

‘येरे येरे पैसा’ या सुपरहिट चित्रपटाची निर्मिती करणाऱ्या अमेय विनोद खोपकर यांच्या ‘एव्हीके फिल्म्स’ने ‘रेडीमिक्स’ची प्रस्तुती केली आहे तर प्रशांत घैसास यांची ‘कृती फिल्म्स’ ही अनुभवी निर्मिती संस्था रेडीमिक्सच्या निमित्ताने पुन्हा निर्मितीत सक्रीय झाली असून त्यांनी यापूर्वी ‘अनुभूती आर्ट्स’ व ‘कृती फिल्म्स’च्या माध्यमातून ‘रास्ता रोको’, ‘गैर’ आणि ‘साडे माडे तीन’ या सुपरहिट चित्रपटांची निर्मिती केली आहे. ‘रात्रीस खेळ चाले’, ‘तुझं माझं ब्रेकअप’, ‘गर्ल्स हॉस्टेल’ आणि अमीर खान सोबत ‘तुफान आलंय’ अश्या अल्पावधीतच छोट्या पडद्यावर प्रेक्षकांच्या काळजात घर करून आपलं अढळ स्थान तयार करण्यात यशस्वी झालेल्या सुनील वसंत भोसले यांच्या ‘सोमिल क्रिएशन्स’ने चित्रपट निर्मितीत पहिलं दमदार पाऊल टाकलं आहे.

‘सावित्रीच्या लेकी’ या वेगळ्या चित्रपटाद्वारे जालिंदर कुंभार यांनी रुपेरी पडद्यावर आपली छाप सोडली होती त्यानंतर मात्र ते छोट्या पडद्यावर सक्रीय होत ‘आयुष्यमान भव:’, ‘कालाय: तस्मैनम:’, ‘मधु इथे आणि चंद्र तिथे’, ‘लज्जा’, ‘अनामिका’, ‘अनुबंध’ ‘का रे दुरावा’, अश्या लोकप्रिय मालिकांच्या लेखन दिग्दर्शनात आपलं वेगळं स्थान सिद्ध केल्यानंतर ते पुन्हा रुपेरी पडद्याकडे वळत त्यांच्या फेवरेट ‘रॉम कॉम’ विषयाचं ‘रेडीमिक्स’ मिक्श्चर घेऊन येत आहेत.

महाराष्ट्राची लावणीची परंपरा जिवंत ठेवत, युवा पिढीला या पूर्वापार चालत आलेल्या लोकप्रिय नृत्याची ओळख करून देण्यासाठी झी युवा वाहिनीने ‘अप्सरा आली’ हा बहारदार लावणी नृत्याचा कार्यक्रमनुकताच प्रेक्षकांच्या भेटीस आणला. लावणी म्हणजे गीत, नृत्य आणि अदाकारी यांचा त्रिवेणी संगम. महाराष्ट्राचं सुप्रसिद्ध लोकनृत्य ‘लावणी’ला मंच उपलब्ध करून देणाऱ्या अप्सरा आली या कार्यक्रमातबुधवार ते शुक्रवार प्रेक्षक महाराष्ट्रातील लावण्यवतींची अदाकारी अनुभत आहेत.

या कार्यक्रमात फक्त महाराष्ट्रच नव्हे तर चक्क परदेशातूनदेखील लावण्यवतींनी सहभाग घेतला आहे. त्यातील एक लावण्यवती म्हणजे पुण्याची पायल मेमाणे. पायल ही एक अत्यंत टॅलेंटेड लावणी नृत्यांगना असून ती अप्सरा आली कार्यक्रमातील इतर स्पर्धकांसाठी टफ कॉम्पिटिशन आहे. सर्व परीक्षक तिच्यावर कौतुकाचा वर्षाव करतात. तिची लावणी बघून परीक्षक सोनाली कुलकर्णी हिने तिला ‘तुझ्यासाठी प्रेक्षकांनी हा कार्यक्रम बघावा’ असं म्हणून कौतुकाची थाप देखील दिली. पायल ही मराठी सिनेसृष्टीतील सुप्रसिद्ध आणि अवॉर्ड विनिंग छायाचित्रकार संजय मेमाणे यांची कन्या आहे. कलेचा वारसा तिला तिच्या वडिलांकडून मिळाला असेल असं म्हणणं खोटं ठरणार नाही. वयाच्या १९व्या वर्षी पायलला हा मंच मिळाला असून ती या संधीचं पुरेपूर सोनं करेल आणि अप्सरा आलीची ट्रॉफी घरी घेऊन जाण्यासाठी शर्थीचे प्रयत्न करेल यात शंकाच नाही.

 पायलचे अप्रतिम लावणी नृत्य  अप्सरा आली या कार्यक्रमात बुधवार ते शुक्रवार रात्री ९.३० वाजता फक्त झी युवावर रसिकांना पाहायला मिळेल

मराठीतली गोड गळ्याची गायिका आणि सध्या तरूणाईत आपल्या वैविध्यपूर्ण गाण्यांनी सुप्रसिध्द असलेल्या सावनी रविंद्रने 2019मध्ये आपल्या लूकमध्ये एक्सिपिरीमेंट केलेला दिसतोय. सावनीचे नवे फोटोशूट नूकतेच सोशल मीडियामधून बाहेर आले आहे. आणि त्यात नेहमी साडीत आणि इंडियन आऊटफिटमध्ये दिसणारी सावनी वेस्टर्न आणि कॅज्युअल वेअरमध्ये दिसून येतेय.

सावनी आपल्या ह्या फोटोशूटविषयी म्हणते, “खरं तर, माझ्या जवळच्या लोकांनी मला वेस्टर्न आटफिट्स आणि कॅज्युअल वेअरमध्ये नेहमीच पाहिलं आहे. पण सांगितिक कार्यक्रमांना मात्र मी नेहमीच भारतीय आउटफिटच घालण्यावर भर देत असल्याने माझ्या ब-याच चाहत्यांसाठी माझा हा अपिअरन्स नवा आहे. सध्या ह्या फोटोशूटविषयी चाहत्यांकडून खूप चांगल्या प्रतिक्रिया येत आहेत. ह्याचा मला आनंद आहे.”

बॉलीवूडच्या सगळयाच आघाडीच्या गायिकांना कॉन्सर्ट्स, रिएलिटी शो आणि सोशल मीडियाव्दारे त्यांचे चाहते अशा कॅज्युअल लुक्समध्ये पाहत असतात. मात्र मराठीतल्या गायिकांना आपल्या लुक्सबाबत खूप एक्सपिरीमेन्ट करताना कमीच पाहिलं जातं. ह्याविषयी सावनी म्हणते, “मला माझे बरेच चाहते सोशल मीडियावरून माझ्या स्टाइल स्टेटमेंटविषयी विचारत असतात. म्हणून मी स्वत: ज्या कपड्यांमध्ये कम्फर्टेबल आहे. त्याच कपड्यांमध्ये हे नवे फोटोशूट केले. कारण आपण ज्यात जास्त कम्फर्टेबल आहोत, तीच फॅशन आणि स्टाइल आपण उत्तम कॅरी करू शकतो, असे मी मानते.”

सावनी पूढे सांगते, “माझी मैत्रीण सची पटवर्धनच्या ‘एबनी बाय आयवरी’चे कपडे मी नेहमी घालते. म्हणूनच हे फोटोशूट करण्याची कल्पना मला तिने दिली. मी जर वैयक्तिक जीवनात कॅज्युअल वेअर घालते. तर एकदा त्यामध्ये फोटोशूटही करावे, असे तिला वाटत होते.”