मुंबई- पुण्याच्या वाहतूक उपायुक्त तेजस्वी सातपुते, कोल्हापूर परिक्षेत्राचे विशेष पोलिस निरीक्षक विश्वास नांगरे पाटील यांच्यासह राज्यातील 18 वरिष्ठ पोलिस अधिकाऱ्यांच्या बदल्या करण्यात आल्या आहेत. संबंधित अधिकार्‍यांना मंत्रालयातून बदलीचा आदेशही जारी करण्यात आला आहे. आगामी निवडणुकांच्या पार्श्वभूमीवर ही बदली करण्यात आल्याचे समजते.

बदली झालेल्या अधिकार्‍यांमध्ये कोल्हापूर परिक्षेत्राचे विशेष पोलिस निरीक्षक विश्वास नांगरे पाटील यांचाही समावेश आहे. विश्वास नांगरे पाटील यांच्याकडे नाशिक पोलिस आयुक्तपदीची नवी जबाबदारी देण्यात आली आहे. नांगरे पाटील यांच्याजागी मुंबई दहशवादी विरोधी पथकातील पोलिस महानिरीक्षक सुहास वारके यांची कोल्हापूर विशेष पोलिस निरीक्षकपदी नियुक्ती करण्यात आली आहे. तर, नाशिकचे आयुक्त डॉ.रवींद्र कुमार सिंघल यांची औरंगाबादला बदली करण्यात आली आहे.

या अधिकार्‍यांना मिळाले बदलीचे आदेश..
– तेजस्वी सातपुते (पोलिस उपायुक्त, पुणे शहर ते पोलिस अधीक्षक, सातारा)
– दत्ता शिंदे (पोलिस अधीक्षक, जळगाव ते पोलिस अधीक्षक, सुरक्षा, महावितरण, मुंबई)

– इशू सिंधू (निवासी उपायुक्त, महाराष्ट्र सदन, नवी दिल्ली ते पोलिस अधीक्षक, अहमदनगर)

– रंजनकुमार शर्मा (पोलिस अधीक्षक, अहमदनगर ते पोलिस अधीक्षक, CID, नागपूर)

– पी. व्ही. उगले (SP, ACB, नाशिक ते पोलिस अधीक्षक जळगाव)

– विनिता साहू (पोलिस अधीक्षक, भंडारा ते पोलिस अधीक्षक, गोंदिया)

– हरिष बैजल (पोलिस अधीक्षक, गोंदिया ते समदेशक, SRPF, गट क्रमांक 6, धुळे)

– अरविंद साळवे (पोलिस अधीक्षक, सुरक्षा, महावितरण, मुंबई ते पोलिस अधीक्षक, भंडारा)

– जयंत मीना (अप्पर पोलिस अधीक्षक, अमरावती ग्रामीण ते अप्पर पोलिस अधीक्षक, बारामती, पुणे ग्रामीण)

– पंकज देशमुख (पोलिस अधीक्षक, सातारा ते, पोलिस उपायुक्त, पुणे शहर)

मँड्रेम– गोवा टुरिझमच्या कोस्टल सर्किट विकास प्रकल्पाअंतर्गत मँड्रेममधील प्रसिद्ध अश्वेम समुद्रकिनारा त्याला देण्यात आलेल्या नव्या रुपामुळे प्रकाशझोतात आला आहे.पर्यटन मंत्री मनोहर आजगांवकर यांनी आज अश्वेम समुद्रकिनाऱ्यावर करण्यात आलेल्या विकास कामांचे उद्घाटन केले. यावेळेस माननीय अध्यक्ष दयानंद सोपटे,  प्रदीप हडफडकर, सरपंच व्ही. पी. मँड्रेम, डेनिस ब्रिट्टो, उपसरपंच व्ही. पी. मँड्रेम, व्ही. पी. पंच सदस्य, गोवा टुरिझमचे अधिकारी आणि इतर मान्यवर उपस्थित होते.

मुख्य विकासकाम हे १४४४ चौरस मीटर्स जागेवर उभारण्यात आलेल्या पार्किंग सुविधेसाठी २.२६ कोटी रुपये खर्चून करण्यात आले आहे. या परिसराचा विकास करण्यात आला असून आता त्यात ५० दुचाकी आणि अंदाजे १५ चारचाकी गाड्यांना पार्किंग सुविधा, एसटीपीसह टॉयलेट, लँडस्केपिंग, प्रकाशयोजना, सुरक्षा भिंत आणि सुरक्षा केबिन तसेच सीसीटीव्ही सुविधेचा समावेश करण्यात आला आहे.