पुणे :- आर्थिकदृष्ट्या कमकुवत असणाऱ्या वर्गासाठी परवडणाऱ्या घरांच्या गृहनिर्मितीमध्ये  दिलेल्या असामान्य योगदानासाठी क्रेडाईला अत्यंत प्रतिष्ठित समजल्या जाणाऱ्या पीएमएवाय पुरस्काराने केंद्रीय राज्यमंत्री हरदीप पुरी यांच्या हस्ते दिल्ली येथे नुकतेच सन्मानित करण्यात आले.

‘पी.एम.ए.वाय- एम्पॉवरिंग इंडिया अवार्ड्स २०१९’ची संकल्पना ही प्रायव्हेट पब्लिक पार्टनरशिप (पीपीपी) आणि खासगी गुंतवणूकीच्या माध्यमातून परवडणाऱ्या घरांच्या निर्मितीला  प्रोत्साहन देण्यासाठी  खासगी विकसक,वित्तीय संस्था,ओद्योगिक संघटना यांच्या प्रामाणिक प्रयत्नांना प्राधान्य देऊन पंतप्रधानांचे सर्वांना २०२२ पर्यत घरे मिळावीत  हे  ध्येय पूर्ण करणे असे होते.

क्रेडाईने केंद्र सरकारशी अहमदाबाद मध्ये ३९६ परवडणाऱ्या घरांचे प्रकल्प देण्याचा सामंजस्य करार केला होता. तसेच महाराष्ट्रात येणाऱ्या ५ वर्षात ५ लाखांहून अधिक घरांची निर्मितीसाठी  देखील क्रेडाई – महाराष्ट्रने राज्य सरकारशी सामंजस्य करार केला आहे. महाराष्ट्रामध्ये ३० स्क्वेअर मीटरच्या  ४ लाख घरांची आणि ६०  स्क्वेअर मीटरच्या  ८ लाख घरांची कामे प्रगतीपथावर आहेत. या घरांचे काम येत्या २ ते ४ वर्षात पूर्ण होईल. या सर्व प्रकल्पांचा आढावा घेण्यासाठी क्रेडाई नैशनलच्या अफोर्डेबल हौसिंग कमिटीचे अध्यक्ष आणि क्रेडाई महाराष्ट्राचे अध्यक्ष शांतीलाल कटारिया यांनी नुकताच महाराष्ट्राचा दौरा केला असून त्यात कामे योग्य पद्धतीने सुरु आहेत जी दिलेल्या वेळेत पूर्ण होतील अशी माहिती दिली.

विकसकांना प्रशिक्षित करण्यासाठी ‘अफोर्डेबल हौसिंग गाईडन्स फोरमची ’ क्रेडाई महाराष्ट्रने स्थापना केली असून त्याद्वारे राज्यस्तरावर कार्यशाळेचे आयोजन करण्यात आले. विशेष कायदेशीर सहाय्य विभाग, बांधकाम खर्चाचे प्रशिक्षण,कामगारांचे कौशल्य प्रशिक्षण आणि २४x७ अफोर्डेबल हौसिंग संदर्भातील हेल्पलाईन देखील सुरु करण्यात आली आहे. त्याचबरोबर ही समिती देशभरातील  १२५०० सदस्यांना परवडणाऱ्या घरांच्या निर्मातीसंबंधी वेगवेगळ्या पैलूंची माहिती सुलभतेने उपलब्ध करून देण्यासाठी  मागच्या ५२आठवड्यांपासून प्रत्येक रविवारी ई-बुलेटीन पाठविण्याचे कार्य सातत्याने करीत आहे.

तसेच परवडणाऱ्या घरांच्या निर्मितीची संपूर्ण माहिती देणारे  “हौसिंग फॉर ऑल पॉलिसी ॲन्ड प्रैक्टिस” या पुस्तकाचे प्रकाशन १४ फेब्रुवारी रोजी नवी दिल्लीतील तालकटोरा स्टेडीअम येथे ‘क्रेडाई युथकॉन’मध्ये केंद्रीय राज्यमंत्री हरदीप पुरी यांच्या हस्ते देशातील ३००० विकसकांच्या उपस्थित झाले.

पुणे-कॅम्प एज्युकेशन सोसायटीच्या सन १९६५ – ६६ / ६७ मधील बॅचचा माजी विद्यार्थ्यांचा मेळावा उत्साहात संपन्न झाला . वानवडीमधील केदारी गार्डनमध्ये झालेल्या या मेळाव्यास निवृत्त शिक्षिका डॉ. सुनीलिनी सत्तूर , का. बा. पारखी , के . बी . बुलबुले , चंद्रकला सुबंध पतंगे , शाळेच्या मुख्याध्यापिका मुळगावकर ,शाळेचे माजी विद्यार्थी उपस्थित होते .

यावेळी शाळेतील सर्व माजी विद्यार्थ्यांनी पुलवामा मधील शहीद जवानांसाठी व स्वर्गीय माजी विद्यार्थ्यांना श्रध्दांजली वाहण्यात आली . त्यानंतर सुमारे ५३ वर्षांनंतर सर्व विद्यार्थी एकत्र आल्याने माजी विद्यार्थ्यांनी आपली माहिती देउन आपल्या स्वतःची ओळख करून दिली . यावेळी शाळेमधील निवृत्त शिक्षकांचा शाल ,श्रीफळ देउन सन्मानित करण्यात आले . यावेळी शालेय जीवनातील आठवणींना विद्यार्थ्यांनी उजाळा दिला . यावेळी शाळेतील जुने मित्र पुन्हा भेटल्याने शाळेत आल्याचा भास सर्वाना वाटला . त्यानंतर सर्वानी स्नेहभोजनाचा आस्वाद घेतला .यावेळी सर्व विद्यार्थ्यांना स्मृतीचिन्ह भेट देण्यात आले . त्यानंतर सर्वानी ग्रुप फोटो काढला . त्यानंतर पुन्हा एकदा सर्वानी भेटण्याचा मनोदय व्यक्त केला .

कॅम्प एज्युकेशन सोसायटीचे सेवा व त्याग  या ब्रीदवाक्यामुळे  आपल्या जीवनात संकटाना सामोरे जाऊन आपण सर्वानी आपले जीवन घडविले . त्यासाठी पोलीस खात्यामध्ये माझी सेवा मी समर्प्रित केली , असे मनोगत शाळेचे माजी विद्यार्थी असलेले निवृत्त इन्स्पेक्टर जनरल एस. एम. सय्यद यांनी सांगितले .

या मेळाव्याच्या संयोजन निवृत्त इन्स्पेक्टर जनरल एस. एम. सय्यद , केदारी गार्डनचे संचालक उत्तमराव केदारी , प्रमोद भांबुरे , चंद्रकांत काळे , वसंत सावंत , दिलीप वाघ , मनोहर पालरेषा व अशोक हिरवे आदी माजी विद्यार्थ्यांनी विशेष परिश्रम घेतले .

पुणे : खोदकामामध्ये 132 केव्ही भूमिगत वीजवाहिनी तोडल्यामुळे महापारेषणचे 132 केव्ही रास्तापेठ जीआयएस उपकेंद्र तीन दिवसांपूर्वी बंद पडले असले तरी महावितरणने इतर उपकेंद्रांद्वारे पर्यायी व्यवस्थेतून व तब्बल 75 ते 80 मेगावॉट विजेचे यशस्वी भारव्यवस्थापन केले व सुमारे 250 वीजग्राहक वगळता उर्वरित सर्व परिसरात वीजपुरवठा सुरळीत ठेवण्यात यश मिळविले.

खोदकामात तोडलेल्या भूमिगत वाहिनीच्या दोन केबलच्या दुरुस्तीचे काम महापारेषणकडून युद्धपातळीवर सुरु आहे. त्यासाठी चेन्नईवरून तज्ञ कर्मचाऱ्यांसह खास टीम पुण्यात दाखल झाली आहे व चेन्नईवरून आणलेले जॉईंट या नादुरुस्त वाहिनीला चार ठिकाणी लावण्याचे काम सुरु आहे. हे काम बुधवारी (दि. 6) रात्री उशिरापर्यंत पूर्ण होईल. त्यानंतर या वाहिनीद्वारे 132 केव्ही रास्तापेठ जीआयएस उपकेंद्राचा वीजपुरवठा पूर्ववत सुरु करण्यात येईल.

पर्वती जलशुद्धीकरण केंद्राच्या परिसरात पुणे महानगरपालिकेकडून सुरु असलेल्या खोदकामात महापारेषण कंपनीची 132 केव्ही भूमिगत वीजवाहिनी तोडल्याने रास्तापेठ जीआयएस 132 केव्ही उपकेंद्राचा वीजपुरवठा शनिवारी सकाळी 11.33 वाजता बंद पडला आहे. त्यामुळे महावितरणच्या 6 उपकेंद्रांचाही वीजपुरवठा खंडित झाल्याने पर्वती, बंडगार्डन, शिवाजीनगर, पद्मावती व रास्तापेठ विभागातील सुमारे 2 लाख वीजग्राहकांना फटका बसला होता. यात प्रामुख्याने शहराच्या मध्यवर्तीमधील सर्व पेठांसह लुल्लानगर, कोंढवा, गुलटेकडी, कॅम्प, स्वारगेट, मंडई, लक्ष्मी रोड, सिंहगड रोड आदी परिसरातील ग्राहकांचा वीजपुरवठा खंडित झाला होता.

परंतु दहावी, बारावीच्या परीक्षा सुरु असल्याने मुख्य अभियंता श्री. सचिन तालेवार, अधीक्षक अभियंता श्री. सुंदर लटपटे यांच्यासह सुमारे 60 ते 70 अभियंते व कर्मचाऱ्यांनी बाधीत झालेल्या भागांत इतर उपकेंद्रांद्वारे पर्यायी व्यवस्थेतून वीजपुरवठा सुरु करण्यास प्राथमिकता दिली. यात शनिवारी सायंकाळी 5 वाजेपर्यंत 99 टक्के भागात तर रास्तापेठ विभागातील नाना पेठ, रास्तापेठ, भवानी पेठ, दारुवाला पुल, रविवार पेठ, गणेश पेठ आदी परिसरात रात्री 12 वाजता पर्यायी व्यवस्थेतून वीजपुरवठा सुरु करण्यात आला. यासाठी थेट मुंढवा व फुरसुंगी 132 केव्ही उपकेंद्राद्वारे सेंट मेरी, रास्तापेठ, लूल्लानगर आदी उपकेंद्रांना पर्यायी वीजपुरवठा उपलब्ध करून देण्यात आला आहे. तथापि पद्मावती विभागात सोमवारी (दि. 4) भारव्यवस्थापन शक्य झाले नाही. त्यामुळे सेवन लव चौकातील तीन रोहित्रांवरील सुमारे 250 ग्राहकांचा तसेच पद्मावती व पर्वती विभागातील तीन उच्चदाब वीजग्राहकांचा वीजपुरवठा भारव्यवस्थापन शक्य न झाल्याने दोन ते अडीच तासांसाठी बंद ठेवावा लागला.

भारनियमनाची शक्यता असलेल्या सर्व पेठांसह इतर परिसरातील वीजग्राहकांना वीजवापर कमीत कमी व नियंत्रित करण्याची विनंती ‘एसएमएस’द्वारे महावितरणकडून करण्यात आली होती. वीजग्राहकांच्या सहकार्याने तसेच सध्या उन्हामुळे विजेची मागणी वाढत असताना सुद्धा महावितरणने सुमारे 75 ते 80 मेगावॉटचे यशस्वी भारव्यवस्थापन करून भारनियमन टाळण्यात यश मिळविले. महापारेषणकडून बुधवारी (दि. 6) रात्री उशिरापर्यंत वाहिनीच्या दुरुस्तीचे काम पूर्ण होण्याची शक्यता आहे. तोपर्यंत महावितरणकडून शहराच्या बाधीत मध्यवर्ती व इतर परिसरात पर्यायी व्यवस्थेतून वीजपुरवठा करण्यात येत आहे. या कालावधीत वीजग्राहकांनी कमीत कमी विजेचा वापर करून सहकार्य करावे, असे आवाहन महावितरणने केले आहे.

पुणे-दि मुस्लिम वेल्फेअर एज्युकेशन सोसायटीच्या प्रयत्नातून विधानपरिषदेचे आमदार अनंतराव गाडगीळ यांच्या आमदार निधीतून पंधरा लाख रुपयांचे संगणक व प्रिंटर शाळांना  भेट देण्यात आले . पुणे लष्कर भागातील ईस्ट स्ट्रीटवरील तय्यबिया अनाथ आश्रमातील हाजी साले मोहम्मद उर्दू प्राथमिक शाळेत हा संगणक भेट देण्याचा कार्यक्रम झाला . यावेळी दि मुस्लिम वेल्फेअर एज्युकेशन सोसायटीचे सचिव व  हाजी साले मोहम्मद उर्दू प्राथमिक शाळेचे मुख्याध्यापिका वाहिद बियाबानी , राजाभाऊ चव्हाण , राजेंद्र म्हस्के पाटील , काका पायगुडे व शिक्षक वर्ग  उपस्थित होते .

     यामध्ये हाजी साले मोहम्मद उर्दू प्राथमिक शाळेस चार संगणक व एक प्रिंटर , कॅम्प एजुकेशन सोसायटीच्या प्राथमिक शाळेस दोन संगणक व एक प्रिंटर , मोलेदिना टेक्निकल हायस्कुलस चार संगणक व एक प्रिंटर , बी. टी. शहांनी नवीन हिंद हिंदी माध्यमिक शाळेस पाच संगणक , सेंट अँथोनी इंग्रजी माध्यमिक शाळॆस दोन संगणक व एक प्रिंटर , डब्लू. आर. खान उर्दू शाळेस दोन संगणक व एक प्रिंटर , अंजुमन ए इस्लाम उर्दू माध्यमिक शाळेच्या मुलींच्या अनाथ आश्रमास चार संगणक व एक प्रिंटर भेट देण्यात आले .

विधानपरिषदेचे आमदार अनंतराव गाडगीळ यांनी प्रत्येक शाळेत जाऊन संगणक कक्षाचे उदघाटन केले .         यावेळी  आमदार अनंतराव गाडगीळ यांनी सांगितले कि , आपल्या आमदार निधीतून आपण शैक्षणिक कामासाठी जास्तीत जास्त निधी दिला आहे . त्या माध्यमातून आपण पंधरा लाख रुपयांचे संगणक व प्रिंटर देण्यात आले. यासाठी आपण विद्यार्थ्यांनी संगणकाचे ज्ञान आत्मसात करावे व शाळांचा निकाल शंभर टक्के लागला तर आपण आणखी भरीव मदत करू असे आश्वसन दिले . वाहिद बियाबानी यांच्या परिश्रमामुळे व सातत्याने पाठ पुरावा केल्याने हे संगणक व प्रिंटर आपल्याला मिळवून दिले . त्यामुळे वाहिद बियाबानी यांचे कौतुक केले .

यावेळी दि मुस्लिम वेल्फेअर एज्युकेशन सोसायटीचे सचिव व  हाजी साले मोहम्मद उर्दू प्राथमिक शाळेचे मुख्याध्यापिका वाहिद बियाबानी  यांनी सांगितले कि , विधानपरिषदेचे आमदार अनंतराव गाडगीळ यांच्या आमदार निधीतून पंधरा लाख रुपयांचे शाळांना संगणक व प्रिंटर हे मराठी , उर्दू , हिंदी व इंग्रजी माध्यमांमधील पुणे लष्कर भागातील शाळांना भेट देण्यात आले . 

नक्षत्र ,बांबू उद्यानासह सात संकल्पनाधारित  उद्याने ,महिलांसाठी स्वतंत्र क्रीडा केंद्र

  आता वर्षभर तळजाई टेकडी राहणार हिरवीगार 

आबा बागुल पुढे म्हणाले,’या प्रकल्पासाठी कै. वसंतराव बागुल उद्यानात साकारलेल्या  देशातील पहिल्या ग्रे वॉटर प्रक्रिया प्रकल्पातील शुद्ध पाणी येथे आणण्यात आले आहे. आता वर्षभर तळजाई टेकडी हिरवीगार राहणार तर आहे तसेच यापूर्वी पिण्याच्या पाण्याच्या टँकरचा होणारा वापर पूर्णतः थांबला आहे. एकप्रकारे पिण्याच्या पाण्याची बचत खऱ्या अर्थाने होणार आहे आणि वन्यजीव अधिवासासह पर्यावरणाचे संवर्धन होणार आहे.