पुणे– ग्लोबल इंडियन इंटरनॅशनल स्कूलने बालेवाडीतील संकुलामध्ये, ग्लोबल स्कूल्स फाउंडेशनच्या महात्मा गांधी सेंटर्स अँड क्रिएटिव्ह डिझाइन प्रमुख प्रा. कीर्ती कुमार त्रिवेदी आणि सेंट्रल गांधी स्मारक निधीच्या विश्वस्त डॉ. शोभा सुपेकर या प्रमुख पाहुण्यांच्या उपस्थितीत नुकतेच महात्मा गांधी सेंटर ऑफ युनिव्हर्सल व्हॅल्यूजचे उद्घाटन केले. महात्मा गांधी यांचे चरित्र व शिकवण याद्वारे विद्यार्थ्यांमध्ये मूल्ये व शांत जीवन रुजवण्याच्या उद्देशाने हे सेंटर सुरू करण्यात आले आहे.

या निमित्त बोलताना, जीआयआयएस इंडियाच्या ऑपरेशन्सचे संचालक राजीव बन्सल यांनी सांगितले, “जगभरातील सध्याच्या वातावरणामध्ये ग्लोबल इंडियन महात्मा गांधी सेंटर फॉर युनिव्हर्सल व्हॅल्यूज (एमजीसीयूव्ही) अत्यंत महत्त्वाचे आहे. आमच्या अभ्यासक्रमातील विशिष्ट उपक्रमांमार्फत, आम्हाला सलोख्याच्या, शांततामय व वांशिक समानता राखण्यास विद्यार्थ्यांना उत्तेजन देतील, अशा शैक्षणिक पद्धती व प्रकल्प यांना चालना देणे शक्य आहे. जगभर शांततेचे दूत ठरू शकतील, असे योग्य समतोल साधणारे जागतिक नागरिक निर्माण करण्याचे आमचे उद्दिष्ट आहे.”

जीआयआयएसच्या नऊ जेम्स टीचिंग मेथडॉलॉडीपैकी एमजीसीयूव्ही हे एक जेम आहे. महात्मा गांधी यांनी ज्या प्रकारे अहिंसा, सत्य, प्रेम व दया यांचा मार्ग पत्करला, त्याचप्रमाणे विद्यार्थ्यांमध्ये बालपणापासूनच ही मूल्ये रुजवण्याचे जीआयआयएसचे उद्दिष्ट आहे.

या वेळी उपस्थित असणाऱ्या प्रिन्सिपल सविंदर कौर रूपराय यांनी सांगितले, “महात्मा गांधी अंगिकारलेली मूल्ये प्रत्येक बालकाच्या वाढीसाठी अत्यंत महत्त्वाची आहेत. वाढत्या वयामध्ये मुलांच्या मनामध्ये सकारात्मक  व रचनात्मक असे, तसेच व्यक्तीच्या जीवनावर व एकंदर समाजावर परिणाम करतील असे विचार रुजवणे गरजेचे आहे. जीआयआयएसमध्ये आम्ही अष्टपैलू, भविष्यात नेतृत्व करण्यास सक्षम व्यक्तिमत्व घडवण्याचा प्रयत्न करतो. नव्या महात्मा गांधी सेंटर ऑफ युनिव्हर्सल व्हॅल्यूजमुळे हे साध्य केले जाऊ शकते.”

एमजीसीयूव्हीच्या उद्घाटन समारंभानंतर जीआयआयएसमध्ये जीआयआयएस अॅप्रसिएशन अँड अॅवॉर्ड्स 2019चे आयोजन केले होते. विद्यार्थ्यांना को-स्कॉलस्टिक व अभ्यासाव्यतिरिक्तच्या उपक्रमांसाठी गौरवण्यात आले. तसेच, त्यांना 2018-19 शैक्षणिक सत्रातील उल्लेखनीय यशासाठी प्रमुख पाहुण्यांकडून गौरवण्यात आले. जीआयआयएस बालेवाडी स्कूलचे शिक्षक व पालक यांनी, ज्या विद्यार्थ्यांचा वर्षभरातील कामासाठी सन्मान करण्यात आला, त्यांचे कौतुक केले व त्यांना प्रोत्साहन दिले.

पुणे -लष्कर भागातील सोलापूर रोडवरील बंगला नंबर एकमधील पाचपीर दर्गाह मैदानमधील हजरत सय्यद मोहम्मद शाह रहे दर्गाहचा ४३९ वा उरूस उत्साहात साजरा करण्यात आला . यावेळी घूसूल , कुराणख्वानी , समाखानी आदी धार्मिक कार्यक्रम झाले . त्यानंतर लंगरचा कार्यक्रम झाला . यावेळी हजरत सय्यद मोहम्मद शाह रहे दर्गाहचे प्रमुख खादिम जयकुमार राघवाचारी , योगेश चव्हाण , माजी महापौर नगरसेवक प्रशांत जगताप ,मौलाना इकबाल  आदी मान्यवर उपस्थित होते .

यावेळी मुंबईमधील प्रसिध्द कव्वाल मंजूर जानी यांचा कव्वालीचा कार्यक्रम झाला .त्यानंतर महाराष्ट्र शासनाचे सामाजिक न्याय विभागाचे डॉ बाबासाहेब आंबेडकर समाजभूषण पुरस्कार प्राप्त कविराज संघेलिया , शशिकांत म्हेत्रे , शशिधर पुरम , सुरेश आगुरेड्डी , चंद्रकांत मुलतानी , श्रीराम चौधरी आदींचा सन्मानचिन्ह , शाल व पुष्पगुछ देउन माजी महापौर नगरसेवक प्रशांत जगताप यांच्याहस्ते सन्मानित करण्यात आले .

या उरुसाचे आयोजनासाठी  हजरत सय्यद मोहम्मद शाह रहे दर्गाहचे प्रमुख खादिम जयकुमार राघवाचारी , योगेश चव्हाण , सोमेश खरात , विजयन जोसेफ , गणेश  राघवाचारी ,  सूरज  राघवाचारी ,  राहुल खरात , नासिर शेख , मनोहर पिल्ले , अमर पुणेकर , आरिफ शेख आदींनी विशेष परिश्रम घेतले . 

पुणे-जिल्‍हा माध्‍यम प्रमाणीकरण व संनियंत्रण समितीची बैठक जिल्‍हा माहिती कार्यालयात संपन्‍न झाली. जिल्‍ह्यातील मावळ, पुणे, बारामती आणि शिरुर या लोकसभा मतदार संघातील निवडणुकीच्‍या पार्श्‍वभूमीवर पेड न्‍यूज (प्रदत्‍त बातमी) आणि दृक-श्राव्‍य माध्‍यमातील जाहिरातींच्‍या प्रसारणपूर्व परवानगीबाबत बैठकीत चर्चा झाली.

यावेळी ज्‍येष्‍ठ पत्रकार अरुण खोरे, पत्र सूचना कार्यालयाचे महेश अयंगार, आकाशवाणीचे कार्यक्रम अधिकारी जगदीश राव, सावित्रीबाई फुले पुणे विद्यापीठाचे प्रा. योगेश बोराटे, आदिवासी संशोधन व प्रशिक्षण संस्‍थेच्‍या सहसंचालक नंदिनी आवडे, उप जिल्‍हाधिकारी सुधीर जोशी, टी. पी. शर्मा, एस. बी. निकम, उपसंचालक (माहिती) मोहन राठोड, जिल्‍हा माहिती अधिकारी व समितीचे सदस्‍य-सचिव राजेंद्र सरग आदी उपस्थित होते.

नवीन मध्‍यवर्ती इमारतीतील तळमजल्‍यावर जिल्‍हा माहिती कार्यालयात माध्‍यम प्रमाणीकरण व संनियंत्रण समितीचा कक्ष स्‍थापन करण्‍यात आला आहे. राजकीय जाहिरातींची प्रसारणपूर्व परवानगी या कक्षातून दिली जाणार आहे, तसेच पेड न्‍यूजबाबतही कार्यवाही केली जाणार आहे. टीव्‍ही चॅनेल्‍स, केबल नेटवर्क, रेडिओ आणि सोशल मिडीयावरील दृक-श्राव्‍य (ऑडिओ-व्‍हीज्‍युअल) जाहिरातींच्‍या प्रसारणपूर्व परवानगीसाठी विहीत नमुन्‍यातील अर्ज सादर करणे आवश्‍यक आहे. अर्जासोबत जाहिरात चित्रफित अथवा ध्वनीफितीच्या दोन सिडी. प्रस्तावित जाहिरातीच्या साक्षांकीत अनुप्रमाणीत केलेला प्रतिलेख (ॲटेस्टेड ट्रान्सस्क्रीप्ट) दोन प्रतीत.  जाहिरात/मजकूर तयार करण्यासाठी आलेल्या खर्चाचा तपशील. जाहिरात प्रसारित करण्याचे माध्यम. जाहिरात प्रसारणाचा कालावधी, वेळ. (केबल टिव्ही, रेडीओ आणि इतर इलेक्ट्रॉनिक माध्यम असल्यास त्याच्यात प्रसारित करण्यात येणाऱ्या वेळेसह, किती वेळा प्रसारीत करणार त्याचा नेमका प्रसारणाचा तपशील) आणि जाहिरात प्रसारणाच्या खर्चाचा संभाव्य तपशील देणे आवश्‍यक आहे.

समितीच्‍या वतीने मुद्रीत माध्‍यमे, इलेक्‍ट्रॉनिक माध्‍यमे तसेच सामाजिक माध्‍यमांवर लक्ष ठेवण्‍यात येत असून त्‍यावर भारत निवडणूक आयोगाच्‍या निर्देशानुसार आवश्‍यक ती कार्यवाही केली जाणार असल्‍याचे बैठकीत स्‍पष्‍ट करण्‍यात आले.

पुणे,दि.25 मार्च 2019: पीवायसी हिंदू जिमखाना क्लब आयोजित तेराव्या पीवायसी-एटीसी स्नुकर अजिंक्यपद 2019 स्पर्धेत गटसाखळी फेरीत पांडे डिझाईन्स, पंडित जावडेकर असोसिएट्स, कॉर्नर पॉकेट चॅलेंजर्स या संघांनी आपापल्या प्रतिस्परध्यांचा पराभव करून बाद फेरीत प्रवेश केला.

पीवायसी हिंदू जिमखाना व डेक्कन जिमखाना येथील बिलियर्ड्स हॉलमध्ये सुरु असलेल्या या स्पर्धेत गटसाखळी फेरीत इ गटात पांडे डिझाईन्स संघाने क्यू मास्टर्स अ संघाचा 3-0 असा एकतर्फी पराभव करून बाद फेरीत धडक मारली. सामन्यात पांडे डिझाईन्सच्या दिग्विजय केडियन याने क्यू मास्टर्स अ संघाच्या सतीश कराडचा 38-05, 66-20, 41-30 असा पराभव करून संघाचे खाते उघडले. दुसऱ्या सामन्यात पांडे डिझाईन्सच्या ब्रिजेश दमानीने आकाश पाडाळीकरचा 85(77)-00, 76-17, 52-11 असा पराभव करून विजयी आघाडी मिळऊन दिली. यात विशेष म्हणजे पांडे डिझाईन्सच्या ब्रिजेश दमानीने आपल्या खेळीत पहिल्या फ्रेममध्ये सिक्स रेड स्नूकरमधील 77 गुणांचा विक्रमी ब्रेक नोंदविला. सिक्स रेड स्नूकरमध्ये सर्वाधिक 75 गुणांचा ब्रेक होऊ शकतो, पण ब्रिजेशला सामन्यात फ्री बॉल मिळाल्यामुळे त्याने या संधीचा फायदा घेत स्पर्धेतील सर्वाधिक 77 गुणांचा ब्रेक नोंदवून एक नवा विक्रम आपल्या नावावर रचला. तिसऱ्या लढतीत पांडे डिझाईन्सच्या अनुज उप्पल याने सिद्धार्थ टेंबेचा 73(73)-00, 86(53)-12, 67-00) असा पराभव करून संघाचा विजय सुकर केला.

ग गटात अमनोरा द फर्न क्लब संघाने आपली विजयी मालिका कायम ठेवत पूना क्लब ब व 147 पूल अँड स्नूकर या संघांचा  3-0 अशा सारख्याच फरकाने पराभव करून बाद फेरी गाठली. ब गटात फैजल खान, लक्ष्मण रावत आणि लकी वटनानी यांच्या विजयी कामगिरीच्या जोरावर कॉर्नर पॉकेट चॅलेंजर्स संघाने डेक्कन रुकीजचा 3-0 असा सहज पराभव करून आगेकूच केली. ड गटात पहिल्या सामन्यात पंडित जावडेकर असोसिएट्स संघाने ठाणे टर्मिनेटर्सचा 3-0 असा तर, दुसऱ्या सामन्यात एसआरके मास्टर्स संघाचा 3-0 असा पराभव करून सलग तिसरा विजय नोंदविला.

याचबरोबर अ गटातून पीवायसी वॉरियर्स, खार जिमखाना, फायर बॉल्स, क गटातून कॉर्नर पॉकेट क्युइस्ट, ई गटातून कॉर्नर पॉकेट वॉरियर्स,केएसबीए, ऑटो पॉट्स, ह गटातून वाडेश्वर विझार्डस, कॉर्नर पॉकेट शूटर्स, एमपी स्ट्रायकर्स या संघानी बाद फेरीत प्रवेश केला.   

स्पर्धेचा सविस्तर निकाल: गटसाखळी फेरी:
गट ब: कॉर्नर पॉकेट चॅलेंजर्स वि.वि.डेक्कन रुकीज 3-0(फैजल खान वि.वि.अश्विन पळणीतकर 29-26, 63-41, 34-27; लक्ष्मण रावत वि.वि.राजेंद्र आढाव 37-12, 80-11, 60-01; लकी वटनानी वि.वि.श्रीवत्स शेवडे 26-30, 100(64)-01, 17-36, 67-22, 55-08);

गट क: एलसीएसए वि.वि.केव्हीडी स्कवाङ 2-1(अक्षय कुमार वि.वि.गौरव जयसिंघानी 38-21, 78-44, 35-22; आयुश मित्तल वि.वि.जयेश साळवी 50-25, 65(57)-20, 00-47, 67-33; शोबीत चंद्रा पराभूत वि.अभिनय एडके 20-43(42), 07-65, 00-44(44));

गट ड: ठाणे टर्मिनेटर्स वि.वि.वायएमएसए यंगस्टर्स 2-1(निखिल पटेल पराभूत वि.क्रिश गुरबयानी 16-45, 40-52, 33-01, 39-80; अरुणकुमार व्हीएन वि.वि.आयुश सिन्हा 36-00, 52-42, 44-23; अभिषेक सरकार वि.वि.अनमोल पंडिता 45-17, 54-43,47-11);

गट ड: पंडित जावडेकर असोसिएट्स वि.वि.ठाणे टर्मिनेटर्स 3-0(सिद्धार्थ पारीख पुढे चाल वि.अरुणकुमार व्हीएन; कमल चावला वि.वि.अभिषेक सोपरकर 49-08, 73-14, 67-00; मोहम्मद हुस्सेन वि.वि.निखिल पटेल 47-09, 56-22, 24-40, 49-48);

गट ड: पंडित जावडेकर असोसिएट्स वि.वि.एसआरके मास्टर्स 3-0(कमल चावला वि.वि.वाहीद खान 43-01, 03-54, 26-40, 53-13, 52-04; सिद्धार्थ पारीख वि.वि.मोहम्मद सलमान 33-25, 47-56, 67-21, 70-14; मोहम्मद हुस्सेन वि.वि.कृष्णराज अरकोट 36-28, 62-33, 34-29);

गट ड: एसआरके मास्टर्स वि.वि.वायएमएसए यंगस्टर्स 3-0(कृष्णराज अरकोट वि.वि.आयुश सिन्हा 28-16, 70-39, 41-32; वाहीद खान वि.वि.क्रिश गुरबयानी 39-09, 36-63, 34-31, 33-77, 30-19; मोहम्मद सलमान वि.वि.जीत भोजनी 29-19, 58-01, 44-42);

गट इ: पांडे डिझाईन्स वि.वि.कॉर्नर पॉकेट टायगर्स 3-0(ब्रिजेश दमानी वि.वि.मनोज बारी 34-27, 55-46, 57(57)-00; दिग्विजय केडियन वि.वि.चिंतामणी जाधव 35-38, 33-79, 43-04, 65-27, 40-15; अनुज उप्पल वि.वि.माधव जोशी 02-26, 59-14, 54-00, 89-19);

गट इ: पांडे डिझाईन वि.वि.क्यू मास्टर्स अ 3-0(दिग्विजय केडियन वि.वि.सतीश कराड 38-05, 66-20, 41-30; ब्रिजेश दमानी वि.वि.आकाश पाडाळीकर 85(77)-00, 76-17, 52-11; अनुज उप्पल वि.वि.सिद्धार्थ टेंबे 73(73)-00, 86(53)-12, 67-00);

गट ग: अमनोरा द फर्न क्लब वि.वि.पूना क्लब ब 3-0(पांडुरंगा वि.वि.कुणाल वासवानी 16-31, 72-00, 43-00, 64-35; विजय निचानी वि.वि.पंकज परमार 38-01, 85(73)-15, 45-24; दिलीप कुमार वि.वि.कुमार शिंदे 58-00, 78-38, 16-42, 92-52);

गट ग: अमनोरा द फर्न क्लब वि.वि.147 पूल अँड स्नूकर 3-0(विजय निचानी वि.वि.जवाहर मानकर 36-25, 67-08, 41-13; दिलीप कुमार वि.वि.मनोज गाडगीळ 55-05, 65-34, 04-48, 78-24; पांडुरंगा वि.वि.चैतन्य हळबे 57-11, 70(55)-55, 47-13).

महापारेषणच्या वीजवाहिनीत बिघाड

पुणे, दि. 25 मार्च 2019 : महापारेषण कंपनीच्या 132 केव्ही फुरसुंगी-कोथरूड टॉवर लाईनमध्ये बिघाड झाल्यामुळे कोथरूड, वारजे, डेक्कन परिसरात सोमवारी (दि. 25) दुपारी एक वाजता वीजपुरवठा विस्कळीत झाला होता. सुमारे 35 हजार वीजग्राहकांना त्याचा फटका बसला. टॉवर लाईनच्या दुरुस्तीनंतर दुपारी 3.30 वाजता सर्वच परिसरातील वीजपुरवठा सुरळीत व पूर्ववत झाला.

याबाबत माहिती अशी, की महापारेषणच्या फुरसुंगी 220/132 केव्ही उपकेंद्रातून 132 केव्ही कोथरूड या टॉवर लाईनद्वारे कोथरूड येथील 132 केव्ही उपकेंद्राला वीजपुरवठा केला जातो. अप्पर इंदिरानगर परिसरात या टॉवर लाईनखाली असलेल्या एका घराचा पत्रा इंडक्शन झोनमध्ये आल्याने टॉवर लाईनमध्ये स्पार्कींग होऊन वीजपुरवठा खंडित झाला. त्यामुळे 132 केव्ही कोथरूड उपकेंद्राचा वीजपुरवठा बंद पडला. परिणामी महावितरणच्या कोथरूड विभाग अंतर्गत येणाऱ्या कोथरूड, वारजे, डेक्कन, एरंडवणे, लोकमान्यनगर, डहाणूकर कॉलनी, शिवणे, कर्वेनगर, आदित्य गार्डन, वारजे गावठाण आदी परिसरातील सुमारे 1 लाख 25 हजार वीजग्राहकांचा वीजपुरवठा दुपारी एकच्या सुमारास खंडित झाला होता.

महावितरणकडून तातडीने पर्यायी व्यवस्थेतून वीजपुरवठा उपलब्ध करून देण्याचे प्रयत्न करण्यात आले. यामध्ये महापारेषणच्या 132 केव्ही नांदेड सिटी व पर्वती या दोन उपकेंद्रातून महावितरणचे उपकेंद्रांचा वीजपुरवठा सुरु करण्यात आला व अर्ध्या तासात टप्प्याटप्प्याने सुमारे 90 हजार वीजग्राहकांचा वीजपुरवठा पर्यायी व्यवस्थेतून सुरु करण्यात आला. मात्र उन्हामुळे विजेची मागणी वाढल्याने भार व्यवस्थापन शक्य झाले नाही. त्यामुळे सुमारे 35 हजार वीजग्राहकांचा वीजपुरवठा सव्वादोन तास खंडित राहिला. दुपारी 3.20 वाजता महापारेषणकडून दुरुस्तीचे काम पूर्ण झाल्यानंतर 132 केव्ही कोथरूड उपकेंद्राचा वीजपुरवठा सुरु झाला. त्यानंतर सर्वच परिसरात या उपकेंद्राद्वारे वीजपुरवठा पूर्ववत व सुरळीत करण्यात आला.

पुणे- पीवायसी हिंदू जिमखाना क्लब आयोजित तेराव्या पीवायसी-एटीसी स्नुकर अजिंक्यपद 2019 स्पर्धेत गटसाखळी फेरीत  मोहम्मद हुस्सेन खान, सिद्धार्थ पारीख आणि कमल चावला यांच्या उत्कृष्ट कामगिरीच्या जोरावर पंडित जावडेकर असोसिएट्स संघाने वायएमएसए यंगस्टर्सचा 3-0 असा सहज पराभव करून विजयी सलामी दिली. 

पीवायसी हिंदू जिमखाना व डेक्कन जिमखाना येथील बिलियर्ड्स हॉलमध्ये सुरु असलेल्या या स्पर्धेत गटसाखळी फेरीत ड गटात पंडित जावडेकर असोसिएट्स संघाने वायएमएसए यंगस्टर्सचा 3-0 असा पराभव केला. सामन्यात पंडित जावडेकर असोसिएट्सच्या मोहम्मद हुस्सेन खान याने अनमोल पंडिताचा 40-00, 95-06, 48-27 असा, तर पंडित जावडेकर असोसिएट्सच्या सिद्धार्थ पारीख याने क्रिश गुरबयानीचा 31-36, 65-66, 40-14,103(47,36)-00 असा पराभव केला. सिद्धार्थ पारीखने आपल्या खेळीत चौथ्या फ्रेममध्ये 47 व 36 गुणांचा ब्रेक नोंदविला. तिसऱ्या लढतीत कमल चावला याने जीत भोजनीचा  44-00, 35-61, 38-22, 74-08 असा पराभव केला. 

 ब गटात लक्ष्मण रावत, लकी वटनानी व फैजल खान यांच्या विजयी कामगिरीच्या जोरावर कॉर्नर पॉकेट चॅलेंजर्स संघाने पीवायसी जायंट्सचा 3-0 असा पराभव करून आगेकूच केली. सामन्यात फैजल खान याने आपल्या खेळीत दुसऱ्या व चौथ्या फ्रेममध्ये अनुक्रमे 61 व 50 गुणांचा ब्रेक नोंदविला. क गटात कॉर्नर पॉकेट क्युईस्ट संघाने पॉट ब्लॅक संघावर 3-0 असा सनसनाटी विजय मिळवला.

अन्य लढतीत क गटात एलसीएसए संघाने क्यू क्लब एसेस संघाला 3-0 असे नमविले. विजयी संघाकडून शोएब चंद्रा, आयुश मित्तल, अक्षय कुमार यांनी अफलातून कामगिरी बजावली. ग गटात बीएसएए मास्टर्स संघाने 147 पूल अँड स्नूकर संघाचा 2-1 असा संघर्षपूर्ण पराभव केला.

स्पर्धेचा सविस्तर निकाल: साखळी फेरी:
गट ब: कॉर्नर पॉकेट चॅलेंजर्स वि.वि.पीवायसी जायंट्स 3-0(लक्ष्मण रावत वि.वि.रोहित नारगोलकर 50-00, 73(60)-09, 36-09; लकी वटनानी वि.वि.सलील देशपांडे 42-18, 78-18, 11-34, 56-43; फैजल खान वि.वि.अरुण बर्वे 49-05, 93(61)-15, 18-38, 69(50)-16);

गट क: केव्हीडी स्क्वाड  वि.वि.क्यू क्लब एसेस 2-1(गौरव जयसिंघानी वि.वि.अभिषेक बोरा 26-32, 73-24, 47-13, 64-24; जयेश साळवी वि.वि.निलेश पाटणकर 57-19, 49-28, 42-22; अभिनय एढे चाल पुढे चाल वि.सचित जामगावकर);

गट क: कॉर्नर पॉकेट क्युईस्ट वि.वि.पॉट ब्लॅक 3-0(हसन बदामी वि.वि.कैवल्य जाधव 12-38, 60-01, 36-24, 59-09; मुकुंद भराडिया वि.वि.विपुल सोनटके 58-20, 73-08, 39-07; राहुल सचदेव वि.वि.हरीश गायकवाड 33-18, 69-54, 18-14);

गट क: एलसीएसए वि.वि.क्यू क्लब एसेस 3-0(शोएब चंद्रा वि.वि.अभिषेक बोरा 01-65(54), 57-41, 46-09, 66-46; आयुश मित्तल वि.वि.निलेश पाटणकर 41(41)-01, 73(52)-42, 34-14; अक्षय कुमार वि.वि.सचित जामगावकर 27-28, 53-06, 28-15, 59-45);

गट ड: पंडित जावडेकर असोसिएट्स वि.वि.वायएमएसए यंगस्टर्स 3-0(मोहम्मद हुस्सेन खान वि.वि.अनमोल पंडिता 40-00, 95-06, 48-27; सिद्धार्थ पारीख वि.वि.क्रिश गुरबयानी 31-36, 65-66, 40-14,103(47,36)-00; कमल चावला वि.वि.जीत भोजनी  44-00, 35-61, 38-22, 74-08; 

गट ग: बीएसएए मास्टर्स वि.वि.147 पूल अँड स्नूकर 2-1(आनंद रघुवंशी पराभूत वि.चैतन्य हळबे 30-27, 54-59, 23-35, 79-42, 05-31; रोविन डिसुझा वि.वि.जवाहर मानकर 44-16, 91-21, 68-14; अभिमन्यू गांधी वि.वि.मनोज गाडगीळ 54-00, 37-62, 22-36, 64-24, 72(72)-00);