पुणे-जगातील सर्वात मोठ्या लोकशाही देशात सध्या निवडणुकीच्या निमित्ताने मोठा उत्सव सुरू झाला आहे. या उत्सवाला कोणतेही गालबोट लागू नये, आदर्श आचार संहितेचे काटेकोरपणे पालन व्हावे आणि निवडणुका शांततेत आणि मुक्त वातारणात पार पाडण्यासाठी  भारत निवडणूक आयोगाने सिटीजन व्हिजिलन्स अंतर्गत ‘सी-व्हिजिल’ हे नवे मोबाईल ॲप विकसित केले आहे. पुणे जिल्‍ह्यातून या अॅपवर आतापर्यंत 444 तक्रारी प्राप्‍त झाल्‍या असून त्‍यावर योग्‍य ती कार्यवाही केली जात आहे. हे सी-व्हिजिल’ ॲप उत्तमरित्या काम करत असून त्यामध्ये कोणत्याही त्रुटी नाहीत, असे स्‍पष्‍ट करण्‍यात आले आहे.

निवडणूक आयोगाकडून प्रथमच हे नावीन्‍यपूर्ण अॅप देशातील नागरिकांना उपलबध करुन देण्‍यात आले आहे. या ‘सी-व्हिजील’ ॲपमध्ये कोणत्याही त्रुटी नाहीत. या ॲपचा वापर करणाऱ्या नागरिकांकडील मोबाईल हॅण्डसेटचा प्रकार, मोबाईल इंटरनेट सेवेची गती (इंटरनेट स्पीड- उदा. 3जी, 4जी), मोबाईल नेटवर्क पुरवठादार कंपनी, स्थाननिहाय नेटवर्क कव्हरेज आदी घटकांवर इंटरनेट स्पीड अवलंबून असतो. या घटकांमुळे तेथील परिस्थितीनुसार ॲपवर छायाचित्र, चित्रीकरण अपलोड करण्यासाठी लागणाऱ्या वेळेत फरक असू शकतो. यामध्ये ॲपचा कोणताही तांत्रिक दोष नाही. याउलट ‘सी-व्हिजील’ ॲपला नागरिकांचा उत्तम प्रतिसाद मिळत असल्‍याचे दिसून येत आहे, ही आनंदाची बाब आहे. या तक्रारीवर अवघ्या 100 मिनिटात कार्यवाही होत असल्‍याने हे ॲप नागरिकांसाठी प्रभावी अस्त्र तर निवडणूक आयोगाचा तिसरा डोळा ठरत आहे.  कोणताही नागरिक निवडणुकी दरम्यान होणाऱ्या आदर्श आचार संहिता उल्लंघन करणाऱ्या अनुचित प्रकारांची तक्रार या ॲपच्या माध्यमातून थेट ऑनलाईन करू शकतो.           ‘सी-व्हिजिल’ हे ॲप निवडणुकांदरम्यान आदर्श आचारसंहिता आणि खर्चाच्या उल्लंघनाची तक्रार करणाऱ्या नागरिकांसाठी एक नावीन्‍यपूर्ण अस्त्र असून या माध्यमातून नागरिकांनी स्वतंत्र व नि:पक्षपाती  निवडणुकांच्या संचालनासाठी सक्रिय आणि जबाबदार भूमिका बजवावी, असे आवाहन करण्‍यात आले आहे.

पुणे-सिग्मा इव्हेंट्सच्या समाजामधील उल्लेखनीय कार्य केलेल्या महिलांचा सन्मान करण्यात आला . वानवडीमधील महात्मा फुले सांस्कृतिक भवनमध्ये झालेल्या या महिला सन्मान सोहळ्यास प्रमुख पाहुणे म्हणून प्रसिध्द निर्माता व दिग्दर्शक योगेश वनवे , तकवा ज्वेलर्सचे संचालक मुफजर शेख , सिग्मा इव्हेंट्स संचालक ब्रायन स्वामी , बेइंग मी या ब्युटी सलूनच्या संचालिका अश्विनी बोधी , जेष्ठ सामाजिक कार्य्रकर्ते सुदामराव जगताप आदी मान्यवर उपस्थित होते .

 समाजामधील उल्लेखनीय कार्य केलेल्या महिलांमध्ये कायदा क्षेत्रामधील ऍड. शामला बेनजी , सामाजिक क्षेत्रामधील प्रा. मंजुषा मकासरे , संगीत क्षेत्रामधील  पूजा , शैक्षणिक क्षेत्रामधील  संगीता खेर , रेडिओ जॉकी  क्षेत्रामधील  स्मिता त्रिभुवन , पोलीस क्षेत्रामधील नीलिमा गायकवाड , क्रीडा क्षेत्रामधील  संध्या पानबुडे , सामाजिक क्षेत्रामधील  समिधा शेख , नृत्य क्षेत्रामधील मेघना केसकर , शरीरसौष्ठव क्षेत्रामधील  स्टेला गाडे , , वैद्यकीय क्षेत्रामधील  डॉ प्रीती सरदार , बालमानस शास्त्र क्षेत्रामधील  डॉ दीपालक्ष्मी पेशवे , स्त्री रोग तज्ञ क्षेत्रामधील  डॉ. मलिका गायकवाड ,  स्केट डान्स क्षेत्रामधील  मिशेल भस्मे सामाजिक क्षेत्रामधील  शबाना शेख , सुपर अँकर क्षेत्रामधील  अफसाना शेख आदीचा सन्मानचिन्ह , शाल व श्रीफळ देऊन प्रमुख पाहुण्यांचे हस्ते सन्मानित करण्यात आले . या कार्यक्रमाचे आयोजन सिग्मा इव्हेंट्स संचालक ब्रायन स्वामी व मार्कस भस्मे यांनी केले होते . 

पुणे : शहरातील पोलिसांना होंडा मोटारसायकल यांच्याकडून १०० नवीन होंडा (लिवो) या दुचाकी देण्यात आल्या आहेत. सी एस आर अंतर्गत देण्यात आल्या असून, लवकरच बीट मार्शल आणि ट्रॅफिक कॉन्स्टेबल यांना देण्यात येणार आहेत.
पुणे शहरात १०२ पोलीस चौक्या असून, सर्वजण कामात सुलभता आणण्यासाठी सतत प्रयत्नशील आहेत. स्मार्ट सिटी अंतर्गत भविष्यात आणखी ८० दुचाकी पोलिसांना देण्यात येणार आहेत. त्याच बरोबर पोलीस कॉन्स्टेबल यांना १३८ क्वार्टर मिळुन देण्यासाठी आमचे प्रयत्न सुरू आहेत. त्यासंदर्भात मुख्यमंत्र्यांशी बोलून त्यासाठी वेगळी नियमावली बनवली असून लवकरच कॉन्स्टेबल यांना क्वार्टर देण्यात येणार आहेत.त्याचबरोबर ज्या महिला कर्मचाऱ्यांना लहान मुलं आहेत त्यांच्यासाठी पाळणाघर सुरू करणार असल्याचे पोलीस आयुक्त के. व्यंकटेशम यांनी याप्रसंगी सांगितले.
होंडाचे हरभजन सिंग म्हणाले,  पोलिसांचे काम खरच कठीण असते, असे कुठलेच काम नाही की ते पोलिसांना करावे लागत नाही. काहीही झालं तरी पोलीस येईपर्यंत नागरिक काहीच करत नाहीत.
यावेळी होंडा चे डेप्युटी डायरेक्टर जनरल हरभजन सिंग, मि. मॅनो, विवेक तनेजा, सरहद प्रधान, अप्पर पोलीस आयुक्त प्रदीप देशपांडे, स्वप्ना गोरे आदी पोलीस अधिकारी उपस्थित होते.

पुणे-मेट्रोच्या कामासाठी सुरु असलेल्या खोदकामांदरम्यान पुणे शहरातील स्वारगेट भागात दोन भुयारी मार्ग आढळून आले आहेत. स्वारगेट ते अॅग्रीकल्चर कॉलेज या मार्गावरील मेट्रोच्या भुयारी मार्गाचे काम सध्या पुण्यात सुरु आहे. दरम्यान, स्वारगेटला मल्टीमोड हब उभारण्यात येत असल्याने त्यासाठी पायलिंग मशीनच्या सहाय्याने खोदकाम सुरु आहे. हे काम सुरु असताना जमिनीखाली सुमारे १५ फुटांवर हा भुयारी मार्ग आढळून आला आहे. पूर्व-पश्चिम दिशेकडे जाणारे असे हे भुयार असून उत्तर दिशेलाही एक भुयार जाते.ही भुयारं दगडी बांधकाम केलेल्या पक्क्या स्थितीत आहे. ५० ते ६० मीटर इतकी या भुयारांची लांबी आहे. यामुळे मेट्रोचे काम थांबवण्यात आले आहे.काही दिवसांपूर्वी शहरात सावित्रीबाई पुणे विद्यापीठात अशाच प्रकारचा सुस्थितीतील ब्रिटिशकालिन भुयारी मार्ग सापडला होता. त्यानंतर आता स्वारगेटलाही भुयारी मार्ग सापडल्यानेयाबाबत काही लोकांमध्ये उत्सुकता दिसून येते आहे.

जमिनीखाली पाहणी केल्यानंतर आढळून आलेल्या भुयाराला तीन दिशांना वळविण्यात आल्याचे निदर्शनास आलेले आहे.. या भुयाराची कालव्यापासूनची लांबी 35 ते 40 मीटर आहे. तर ज्याठिकाणी हे भुयार आढळून तेथील लांबी 55 मीटर आहे. या भुयाराची एक बाजू सारसबागेच्या (पर्वती) दिशेने वळविण्यात आलेली आहे. तर दुसरी बाजू पूर्व दिशेला गुलटेकडीच्याबाजूला वळविण्यात आलेली आहे. मेट्रोच्या अधिकाऱ्यांनी ‘टोटल स्टेशन’ मशीनच्या सहाय्याने सर्वेक्षण केले असून भुयाराचा अंदाजे नकाशाही तयार केला आहे. हे भुयार एवढे मोठे आहे की सहा फुट उंचीची व्यक्तीही आरामात त्यामधून चालत जाऊ शकेल. भुयाराच्या तळाशी पाण्याने वाहून आणलेला सुकलेला गाळ आढळून आला आहे.
२००४ मध्ये पेशव्यांनी कात्रजच्या तलावामधून पुण्यात पाणी आणलेल्या जलवाहिनीची आम्ही  पाहणी केली होती. स्वारगेटला आढळून आलेले हे भुयार त्याचाच तर एक भाग आहे  कारण स्वारगेटला आढळून आलेल्या भुयाराचे बांधकाम दगडी आणि जुन्या धाटणीचे दिसून येते आहे.

पुणे-काश्मिरमधील पुलवामा येथे 14 फेब्रुवारी रोजी झालेल्या दहशतवादी हल्ल्याला 40 दिवस झाले.या पार्श्वभूमीवर  पुणे ख्रिश्चन फोरमतर्फे सर्वधर्मिय प्रार्थनेचे आयोजन नाना पेठेतील वायएमसीए हॉल येथे करण्यात आले होते.. याप्रसंगी शांततेचे प्रतिक म्हणून आठ कबूतरे सोडली गेली. त्यानंतर दीप्रप्रज्वलन व उपस्थित सहभागी सर्व नागरिकांसह सामुहिक प्रार्थना केली गेली. याप्रसंगी पुण्याचे बिशप डॉ. थॉमस डाबरे, वेदमुर्ती मोरेश्वर घैसास गुरूजी, बिशप पॉल दुपारे, मौलाना निजामुद्दीन, शिख समाजाचे राजसिंग आरोरा, बौद्ध भंत्ते सुदासन, कारगिल युद्धात सहभागी झालेले व पुणे सैनिक बोर्डाचे संचालक मेजर मिलिंद तुंगार आणि साधू वासवानी मिशनच्या श्रीमती सीमा मंचावर उपस्थित होते. या कार्यक्रमास सर्व जाती धर्मातील हजारहून अधिक नागरिक सहभागी झाले होते.

याप्रसंगी सर्व धर्मगुरूंनी विश्वशांती व्हावी तसेच दहशवादाचा कायमचा बिमोड होऊन शांतता प्रस्थापित व्हावी यासाठी आपापल्या धर्मानुसार प्रार्थना व मंत्रपठण केले. तसेच सिस्टर बिंदू व सेंट जॉन द बॅप्टीस्ट सिस्टर्स यांनी नृत्याविष्कार सादर करून शांततेचा संदेश दिला. फादर रॉक ग्रीन यांनी या कार्यक्रमाचे स्वागत व प्रास्ताविक केले. कारगिल युद्धात सहभागी झालेले मेजर मिलिंद तुंगार यांनी सेनादलात सर्व धर्माचे पालन अतिशय आनंदाने एकत्रित व खेळीमेळीने केले जाते व सर्व धर्मांचा आदर केला जातो हे आवर्जून सांगितले. सर्वच धर्मगुरूंनी दहशतवादाचा बिमोड व्हावा व शांततामय जीवन निर्माण व्हावे याबद्दल आपापले विचार मांडले आणि दहशतवादाचा निश्चित पराभव होईल असा विश्वास व्यक्त केला.

या कार्यक्रमाचे सूत्रसंचालन रविंद्र शालू यांनी केले. अमलराज फँ्रसिस यांनी आभार प्रदर्शन केले. या कार्यक्रमाच्या आयोजनात एडविन रॉबर्टस्, अमलराज फ्रान्सीस, डॉमनिक फर्नांडिस, अन्थोंनी जेकब, पिटर इनसोल, सुधीर मॉरीस, फ्रँकी मेन्डोझा, स्टॅन्ली मोजेस, केविन विलीयम, सॅम्युअल नेगल, मोझेस हेरेकेरूर, दिलरात पिल्ले, पिटर डिसूजा, बेंजामिन डिसूजा, जॅकलिन फॉरेस्टर, आशिष जाधव, सतिश चांदेकर, मायकल सेलवम व सॅमसन नायडू आदींनी विशेष प्रयत्न केले.