पुणे- सबका साथ, सबका विकास, सबका विश्वास हे देशातील प्रत्येक नागरिकाला आचरणात आणावे लागेल तरच माणूस माणसाला जोडला जाईल आणि त्यातून देश जोडला जाईल असे मत विमुक्त, घुमंतू जनजाती विकास परिषदेचे अध्यक्ष दादा इदाते यांनी व्यक्त केले.

अॅस्पायर नॉलेज अँड स्किल्स (इंडिया) प्रा. लि. ,पुणे यांच्या वतीने सन्मान गुणवत्तेचा… गौरव जीवनाचा..या सोहळ्यात विविध क्षेत्रात उल्लेखनीय कामगिरी करणाऱ्या मान्यवरांचा सत्कार करण्यात आला. त्यावेळी ते बोलत होते.

जेष्ठ अभिनेते पद्मश्री मनोज जोशी, खादी ग्रामोद्योग आयोगाचे मुख्य कार्यकारी अध्यक्ष यशोवर्धन बारामतीकर, टेलेकॉम सेक्टर स्किल कौन्सिलचे मुख्य कार्यकारी अधिकारी ले. जनरल डॉ. एस. पी. कोचर, एआयसीटीईच्या कार्यकारी मंडळाचे सदस्य डॉ. दीपक शिकारपूर, स्ट्रॅटेजीक फोरसाईट ग्रुपचे सिनिअर प्रोग्रामअॅडवायजर सचिन इटकर,  डॉ. बाबासाहेब आंबेडकर तांत्रिक विद्यापीठाचे रजिस्ट्रार डॉ. शंकर देओस्कर, हिरवाल प्रतिष्ठानचे अध्यक्ष किशोर धारिया, पुणे मॅनजमेंट असोसिएशनचे अध्यक्ष प्रदीप तुपे, व्होकेशनल एज्युकेशन अँड ट्रेनिंगचे सहसंचालक चंद्रकांत निनाळे, भारत सरकारच्या नेहरू युवा केंद्रचे मुख्य समन्वयक यशवंत मानखेडकर, ग्रीन थंबचे सल्लागार आणि राष्ट्रीय समन्वयक डॉ. प्रशांत पगारे, डॉ. दयानंद सोनसालेआदी यावेळी उपस्थित होते. डॉ. गजानन एकबोटे यांना शिक्षण आणि कौशल्य विकास क्षेत्रात उल्लेखनीय कामगिरी केल्याबद्दल अॅस्पायर जीवन गौरव पुरस्कार, डॉ. जयंत अभ्यंकर (शारंगधर ग्रुप) यांना आरोग्य क्षेत्रातउल्लेखनीय कामगिरी केल्याबद्दल अॅस्पायर हॉल ऑफ फेम पुरस्कार, श्री विनायक निम्हण (सनी वर्ल्ड) यांना हॉटेल व रिसोर्ट क्षेत्रात उल्लेखनीय कामगिरी केल्याबद्दल अॅस्पायर प्रॉमिसिंग ब्रँड पुरस्कार, गीतराम कदम यांना अन्न प्रक्रिया क्षेत्रात उल्लेखनीय कामगिरी केल्याबद्दल अॅस्पायरब्रँड टू वॉच २०१९, शेखर मुंदडा यांना स्वयंसेवी संस्था क्षेत्रात केलेल्या उल्लेखनीय कामगिरी केल्याबद्दल अॅस्पायर एनजीओ पुरस्कार, डॉ. सुभाष मारलेवार यांना होलेष्टीक औषध क्षेत्रात उल्लेखनीय कामगिरी केल्याबद्दल अॅस्पायर सर्व्हिस टू सोसायटी पुरस्कार, पांडुरंग शेलार यांना पाणी व्यवस्थापन क्षेत्रातउ ल्लेखनीय कामगिरी केल्याबद्दल आणि संतोष राऊत यांना सामाजिक सेवा क्षेत्रात उल्लेखनीय कामगिरी केल्याबद्दल अॅस्पायर प्रॉमिसिंग पुरस्काराने सन्मानित करण्यात आले. मनिष भांदवे, अविनाश तरवडे, अतुल निकम यांचाही यावेळी विशेष सन्मान करण्यात आला.

दादा इदाते म्हणाले, भारत माझा देश आहे, सारे भारतीय माझे बांधव आहे अशी प्रतिज्ञा रोज म्हटली जाते. परंतु आपल्याला खरोखर भारत व त्यातील लोक यांची माहिती असते का? कारण देश आणि लोक यांच्यामध्ये खूप मोठे अंतर आहे. सबका साथ, सबका विकास, सबका विश्वास हे देशातील प्रत्येक नागरिकाला आचरणात आणावे लागेल त्यातूनच माणूस आणि देश जोडला जाईल असे ते म्हणाले.  विद्याविभूषित डॉ. बाबासाहेब आंबेडकर यांच्या गावात फक्त चौथी पर्यंत शाळा होती. मात्र, बाबासाहेबांनी देशाची घटना लिहिली. त्या गावात काम सुरु केले. आज त्याठिकाणी मॉडर्न कॉलेज आहे. देशाला वैभवाच्या शिखरावर नेण्यासाठी, त्याच्या उन्नतीसाठी अनेकांचे योगदान असते. त्यांचे कार्य समाजासमोर येणे महत्वाचे असते. त्यासाठी त्यांचा सन्मान होणे उचित ठरते असे त्यांनी नमूद केले.

मनोज जोशी म्हणाले, गावाकडून येऊन तळागाळातल्या मुलांना त्यांच्या पायावर उभे करण्याचे काम संजय गांधी अॅस्पायर नॉलेज अँड स्किलच्या माध्यमातून करत आहेत. जे जीवनात यशस्वी होऊ इच्छितात त्यांच्यासाठी अॅस्पायर झटत आहे, ही अभिनंदनीय गोष्ट आहे.

डॉ. एकबोटे म्हणाले, मी पेशाने डॉक्टर असलो तरी अपघाताने गुरूंच्या सांगण्यावरून शिक्षण क्षेत्रात आलो. आपल्या हातून चांगली पिढी घडविण्याचे पुण्य मिळेल या हेतूने शैक्षणिक संस्था सुरु केली. आज संस्थेच्या ६८ शाखा आणि ५५ हजार  विद्यार्थी शिक्षण घेत आहेत. तळागाळातील विद्यार्थ्यांना उत्कृष्ट शिक्षण देणे हा हेतू ठेवून आजपर्यंत वाटचाल चालू असल्याचे त्यांनी सांगितले.

विनायक निम्हण म्हणाले, गेली ३०-३५ वर्षे राजकारण, समाजकारण करतो आहे. त्या क्षेत्रात अनेक पुरस्कार मिळाले परंतु व्यवसायामधला हा पहिला पुरस्कार आहे. तो मला सर्वात जास्त महत्वाचा वाटतो. राजकारण, समाजकारण किंवा व्यवसाय असे कोणतेही काम मनापासून केले तर ते सोपे होते आणि त्यात यश नक्की मिळते असे त्यांनी नमूद केले.

यावेळी डॉ. जयंत अभ्यंकर, गीतराम कदम यांनीही आपले मनोगत व्यक्त केले.

आपल्या प्रास्ताविकपर भाषणामध्ये संजय गांधी यांनी  अॅस्पायर नॉलेज अँड स्किल संस्था करत असलेल्या कार्याची माहिती दिली. तरुणांना त्यांचे कौशल्य विकसित करून त्यांच्या पायावर उभे करण्याबरोबरच सर्वांना एकत्र करून एक नवा भारत निर्माण करण्याच्या उद्देशाने अॅस्पायर काम करीत आहे असे त्यांनी सांगितले.

कार्यक्रमाचे सूत्रसंचालन सौ. समिधा गांधी आणि समिरा गुजर यांनी केले तर आभार हुसेन हाजिते यांनी मानले. त्यानंतर अभिनेते मनोज जोशी यांची प्रमुख भूमिका असलेले ‘चाणक्य’ हे महानाट्य सादर करण्यात आले.

पुणे :- आंब्याचा गोडवा समाजातील वंचित मुलांना चाखता यावा यासाठी  नगर रोड येथील चोखी दाणी येथे गोयल गंगा फौंडेशनच्या वतीने ‘आंबा फेस्ट’चे आयोजन करण्यात आले होते. ४५०पेक्षा जास्त चिमुरडयांनी यावेळी आंब्याचा मनमुराद आनंद लुटला.

यावेळी समाजसेवक प्रदीप लोखंडे ,गोयल गंगा फौंडेशनचे विश्वस्त अतुल गोयल ,अमित गोयल, चोखी दाणीचे अध्यक्ष अमित कुमार याप्रसंगी उपस्थित होते.

चोखी दाणी मधील रुचकर जेवणाबरोबरच मॅजिक शो,पपेट शो, गाणे,नृत्यकला, राजस्थानी गाणी-नृत्य आणि एकूणच मनोरंजनात्मक कार्यक्रमांचा बच्चेकंपनीने मनमुराद आस्वाद घेतला.

रॉबिन हूड आर्मी संस्थेने शहरातील अनेक वेगवेगळ्या भागांमधून ४०० हून अधिक वंचित मुलांना या ठिकाणी आंब्याचा आस्वाद घेता यावा यासाठी एकत्र आणले याशिवाय सोफोश मधील ४० हून अधिक विशेष मुलांनी देखील या आंबा फेस्टचा भरघोस आनंद लुटला. रॉबिन हूड आर्मीच्या स्वयंसेवकांनी देखील या मुलांना सांभाळण्यासाठी हातभार लावला.

समाजसेवक प्रदीप लोखंडे यांनी यावेळी मुलांशी संवाद साधला ते म्हणाले कि, भविष्यात आपल्याला आवडणाऱ्या क्षेत्रातच काम करा त्यात काम करताना तुमचं स्वतःचं वेगळेपण जोपासा आणि नेहमी लक्षात ठेवा आपल्यातील प्रत्येकजणाचे  समाजाचे काहीतरी देणे लागते या भावनेतून जेव्हा जेव्हा शक्य असेल तेव्हा तेव्हा आपल्या कमाई मधील काही भाग गरजू लोकांच्या आयुष्य बदलण्यासाठी सत्कारणी लावा.

अमनोरा मॉल येथे स्क्वॅश ग्लास कोर्ट; हा मान मिळविणारे देशातील दुसरे 
 

पुणे- महाराष्ट्र स्क्वॅश रॅकेट संघटना(एमएसआरए) यांच्या तर्फे आयोजित व स्क्वॅश रॅकेटस्‌ फेडरेशन ऑफ इंडिया यांच्या मान्यतेखालीहोत असलेल्या 76व्या वरिष्ठ राष्ट्रीय स्क्वॅश 2019 अजिंक्यपद स्पर्धेत 25राज्यांतील एकूण 474  खेळाडूंमध्ये जोश्ना चिनप्पा, महेश माणगावकरयांसारखे अव्वल मानांकित भारतीय खेळाडू झुंजणार आहेत. ही स्पर्धा दि.10 ते 16 जून 2019 या कालावधीत आयस्क्वॅश अकादमी, चंचला संदीप कोदरे स्पोर्टस्‌ क्लब, मुंढवा, आरएसआय आणि अमनोरा मॉल ग्लास स्क्वॅश कोर्टवर होणार आहे.

याविषयी अधिक माहिती देताना महाराष्ट्र स्क्वॅश रॅकेट संघटना(एमएसआरए)चे अध्यक्ष डॉ.प्रदीप खांड्रे आणि सचिव डॉ. ए. दयानंद कुमार यांनी सांगितलेकी, राजस्थान, चेन्नई, चंदीगढ, गुजरात, दिल्ली आणि महाराष्ट्र अशा 25राज्यांतील खेळाडूंनी आपला सहभाग नोंदविला असून यामध्ये 115महाराष्ट्रातील खेळाडूंचा समावेश आहे. स्पर्धेला पंचशील आणि जहांगीर हॉस्पिटल यांचे प्रायोजकत्व लाभले आहे.

तसेच, या स्पर्धेला एसआरएफआय 7 स्टारची मान्यता मिळाली असून ही स्पर्धा स्क्वॅश रॅकेटस्‌ फेडरेशन ऑफ इंडिया यांच्या मान्यतेखाली होतआहे. स्पर्धेत एकुण 12लाख रूपयांची पारितोषिके देण्यात असून विजेत्या खेळाडूंना मानांकन गुण मिळणार आहेत.

यावेळी संयोजन समितीचे अध्यक्ष व पुण्याचे नवनिर्वाचित खासदार गिरीश बापट म्हणाले की, इतक्या उच्च दर्जाची स्पर्धा आयोजित करण्याचा मान पुणेशहराला अभिमान व आनंद वाटत आहे. स्क्वॅश या खेळामुळे पुणे शहर हे नेहमीच आघाडीवर राहिले आहे या स्पर्धेचे आयोजन पुण्यात करण्यातआल्यामुळे शहरातील आणि राज्यातील गुणवान स्क्वॅशपटुंना प्रोत्साहन देण्याबरोबरच पुणे शहरातील स्क्वॅश विश्वाला पुन्हा एकदा राष्ट्रीयस्तरावर स्थान मिळवून देण्यात आम्ही यशस्वी झालो आहोत.

महाराष्ट्र स्क्वॅश रॅकेट संघटना(एमएसआरए)चे अध्यक्ष डॉ.प्रदीप खांड्रे म्हणाले की, ही स्पर्धा एकुण 9 वयोगटात होणार असून यामध्ये पुरुष व महिलागट, 35वर्षावरील, 40वर्षावरील, 45वर्षावरील, 50वर्षावरील, 55वर्षावरील, 60वर्षावरील, 65वर्षावरील पुरुष गट आणि प्रोफेशनल गट यांचा समावेश आहे.यातील पुरुष व महिला गटातील सामने अमनोरा मॉल येथे उभारण्यात आलेल्या ग्लास कोर्टवर होणार असून इतर गटातील सामने आयस्क्वॅश अकादमीयेथे होणार आहेत. अमनोरा मॉल येथे नव्याने उभारण्यात हे  खास  स्क्वॅश ग्लास कोर्टमुळे पुण्याला देशातील अशा प्रकारचे स्क्वॅश ग्लास कोर्ट असलेलेकेवळ दुसरे बनण्याचा मान मिळाला आहे. स्पर्धेत महेश मानगावकर, उर्वशी जोशी, जोश्ना चिनप्पा यासांरखे आंतरराष्ट्रीय दर्जाचे खेळाडू, आशियाई पदकविजेते खेळाडू व राष्ट्रकुल स्पर्धेतील विजेते खेळाडूंच्या सहभागामुळे ही स्पर्धा अधिकच चुरशीची होणार असल्याचे त्यांनी नमुद केले.

स्पर्धेत अमितपाल कोहली(35वर्षावरील),सौरभ नायर(40वर्षावरील), दिलीप त्रिपाठी(45वर्षावरील), आशिष कामत(50वर्षावरील), आशूनबेहल(55वर्षावरील), ललित कुमार अग्निहोत्री(60वर्षावरील), राजीव रेड्डी(65वर्षावरील) हे अव्वल मानांकित खेळाडू आपले कौशल्य पणाला लावणारआहेत, तसेच याशिवाय या वरिष्ठ खेळाडूंसह अर्णव सरीन, अनिका दुबे, रौनक सिंग आणि तीर्थ झिल्का हे मानांकित कुमार झुंजणार असल्याचेएमएसआरएचे सचिव डॉ. ए. दयानंद कुमार  सांगितले.

पुणे-महावितरणने गेल्या १४ वर्षात यशस्वीपणे वीजेच्या क्षेत्रातील अनेक आव्हाने झेलली असून यासाठी कंपनीच्या कर्माचा-यांनी कठोर परिश्रम करून ग्राहकांना दर्जेदार सेवा देऊन महावितरणाला विद्युत क्षेत्रात नावलौकिक मिळवून दिला आहे, असे मत पुणे प्रादेशिक विभागाचे प्रभारी प्रादेशिक संचालक श्री सुनील पावडे यांनी आज महावितरणच्या १४ व्या वर्धापन दिनाच्या आयोजित कार्यक्रमात व्यक्त केला.

महावितरणच्या १४ व्या वर्धापन दिनानिमित्त पुणे प्रादेशिक विभागाच्या प्रकाश भवन स्थित कार्यालयात एका कार्यक्रमाचे आयोजन करण्यात आले होते. सदर प्रसंगी पुणे परिमंडळाचे मुख्य अभियंता श्री सचिन तालेवार, अधीक्षक अभियंते सर्वश्री शंकर तायडे (संचालन, प्रादेशिक कार्यालय), उत्क्रांत धायगुडे ( पायाभूत आराखडा, प्रादेशिक कार्यालय), पंकज तगलपल्लीवार (गणेशखिंड मंडळ), उपमहाव्यवस्थापक (माहिती तंत्रज्ञान) श्री एकनाथ चव्हाण, प्रभारी उपमहाव्यवस्थापक (मानव संसाधन) श्री प्रदीप सातपुते, इतर अधिकारी व कर्मचारी मोठ्या संख्येने उपस्थित होते.

भारनियमनाचा प्रश्न निकाली काढत असतांना वितरण यंत्रणेत सुधारणा करून ग्राहकाला दर्जेदार वीज पुरवठा करण्यासह अनुषंगिक सेवाही चांगल्या पद्धतीने मिळाव्यात यासाठी प्रयत्न सुरु आहेत. सर्व अर्ज ऑनलाईन भरण्याची सोय करण्यात आलेली आहे. माहिती तंत्रज्ञाचा वापर करून ग्राहकांना घरबसल्या सेवा पुरविण्यात येत आहे. महावितरणकडे पुरेशी वीज उपलब्ध असून मागेल त्याला वीज देण्यासाठी महावितरण सज्ज आहे. महावितरणला गेल्या १४ वर्षाच्या कालखंडात अनेक अडचणीतून मार्ग काढावा लागला. त्यासाठी कर्मचारी व अधिकारी यांना प्रचंड मेहनत करावी लागली, असे मत श्री पावडे यांनी व्यक्त केले.

तत्कालीन महाराष्ट्र वीज मंडळाच्या पुनर्रचनेच्या नंतर अस्तित्वात आलेल्या महावितरणने भारनियमनावर मात करीत देश्यातील सर्वात मोठी वितरण कंपनी व आशिया खंडातील दुस-या क्रमांकाची वितरण कंपनी होण्याचा मान प्राप्त केला असून भविष्यातील सर्व आह्वाने पेलण्यास महावितरण सक्षम असून ग्राहकांना योग्य व दर्जेदार सेवा देण्यात यशस्वी झाली आहे, असे मनोगत श्री तालेवार यांनी यावेळी व्यक्त केले.उपकार्यकारी अभियंता श्री संतोष पाटनी यांनी कार्यक्रमाचे संचालन केले व सर्व उपस्थितांचे आभार मानले.

पुणे : नुकत्याच झालेल्या लोकसभेच्या निवडणुकीत ऐतिहासिक मताधिक्याने विजयी झाल्यानंतर मतदारांना अभिवादन करून आभार मानण्यासाठी खासदार गिरीश बापट यांच्या वतीने शहरात अभिवादन रॅली काढण्यात येणार आहे.

लोकसभा निवडणुकीत प्रतिस्पर्धी उमेदवार मोहन जोशी यांना पराभूत करत गिरीश बापट यांनी 3 लाख 24 हजार 628 मतांनी विजय मिळवला. शहरातील जवळपास सर्वच विधानसभा मतदार संघातून बापट यांना मताधिक्य मिळाले. कोणतीही राजकीय पार्श्वभूमी नसताना  नगरसेवक, पाच वेळा आमदार, मंत्री आणि आता खासदार म्हणून निवड झाली. हे किर्तीमान केवळ  जनतेच्या प्रेमामुळे मिळाले आहे.

हे यश माझे नसून माझ्यावर प्रेम करणाऱ्या माझ्या असंख्य कार्यकर्त्यांचे आणि जनतेचे आहे. म्हणूनच जनतेचे आभार मानण्यासाठी, मतदार संघातील नागरिकांना अभिवादन करण्यासाठी ही अभिवादन रॅली काढण्यात येणार आहे. असे बापट यांनी प्रसिद्धीपत्रकाद्वारे कळवले आहे. उद्यापासून या रॅलीला सुरुवात होणार आहे. उद्या (दि. 7) कसबा आणि पर्वती, रविवारी (दि 9) कॅन्टोन्मेंट व वडगाव शेरी तर मंगळवारी (दि 11) शिवाजीनगर आणि कोथरूड मतदार संघात अभिवादन रॅली काढण्यात येणार आहे. सांयकाळी पाच वाजल्यापासून या अभिवादन रॅलीला सुरुवात करण्यात येणार आहे