पुणे : लोकसभेच्या निवडणुकीत एेतिहासिक मताधिक्याने विजयी झाल्यानंतर मतदारांना अभिवादन करण्यासाठी खासदार गिरीश बापट यांच्या आज वतीने शहरात अभिवादन रॅली काढण्यात आली. या रॅलीला उत्स्फूर्त प्रतिसाद मिळाला.
लोकसभा निवडणुकीत तब्बल 3 लाख 24 हजार 628 मतांनी निवडून आल्यानंतर मतदारांचे आभार मानण्यासाठी खासदार बापट यांच्या मार्फत शहरातील सहाही विधानसभा मतदार संघात अभिवादन रॅली काढण्यात येणार आहे. आज कसबा आणि पर्वती मतदार संघातून या रॅलीची सुरुवात करण्यात आली. कसबा गणपती समोरून या रॅलीची सुरुवात झाली. कसबा गणपती पासून फडके हौद चौक, लक्ष्मी रोड, केसरीवाडा, कुमठेकर रस्ता नवी पेठ ते स्वारगेट रस्त्यावरून मार्केट यार्ड, बिबवेवाडी, इंदिरा अप्पर, सुपर, सहकार नगर मार्गे सिंहगड रस्त्यावर या रॅलीचा शेवट करण्यात आला.
जनतेच्या प्रेमामुळेच आजवर नगरसेवक,आमदार,मंत्री आणि आता खासदार या पदापर्यंत पोहचू शकलो. लोकांनी माझ्यावर दाखवलेल्या विश्वासाबद्दल त्यांचे आभार मानण्यासाठी ही अभिवादन रॅली काढण्यात आली आहे असे खासदार बापट यावेळी म्हणाले. मतदारांनी माझ्यावर दाखवलेला विश्वास सार्थ करून शहरातील केंद्रातील प्रलंबित कामे मार्गी लावण्याचा माझा प्रयत्न असेल. नागरिकांच्या भारतीय जनता पक्षाकडून अपेक्षा असून या निश्चितच या अपेक्षा आम्ही पूर्ण करू. जनतेच्या विकासाच्या कामाला पैसे कमी पडणार नाहीत असे वचन खासदार बापट यांनी यावेळी दिले.
खासदार बापट यांच्या पत्नी गिरीजा, स्नुषा स्वरदा यांच्या सह या अभिवादन रॅलीत सहभागी झाले होते.
आमदार माधुरी मिसाळ, महापौर मुक्ता टिळक, नगरसेवक राजेश येनपुरे,सरचिटणीस दीपक मिसाळ, सभागृह नेते श्रीनाथ भिमाले हे उपस्थित होते

पुणे:‘महाराष्ट्र कॉस्मॉपॉलिटन एज्युकेशन सोसायटी’च्या शाळांनी  माध्यमिक शालान्त परीक्षा (दहावी)च्या परीक्षेत चांगले यश मिळवले आहे .‘अँग्लो उर्दू गर्ल्स   हायस्कूल’ चा शंभर टक्के निकाल लागला आहे .रुकैय्या शमीम शेख ९३ टक्के मिळवून शाळेत प्रथम आली .एमसीईएस इंग्लिश मिडीयम स्कुल ‘चा निकाल ७८ टक्के लागला.फईका इम्तियाझ अन्सारी  ८५ टक्के गुण मिळवून प्रथम आली .अँग्लो उर्दू बॉईज हायस्कुल चा  इंग्रजी माध्यमाचा  निकाल ९५ टक्के निकाल लागला . मोहम्मद झकी सांगे  ८९ टक्के गुण  मिळवून प्रथम आला .सेमी इंग्लिश माध्यमाचा निकाल १०० टक्के लागला .महमद अब्दुल चौधरी ७८ टक्के गुण मिळवून प्रथम आला .उर्दू माध्यमा चा निकाल  ९० टक्के लागला . अयाज शेख ८४ टक्के गुण मिळवून प्रथम आला .

पुणे-विविध अभिनव उपक्रमांमुळे देशात मॉडेल बनलेली व गेले आठ वर्षे उत्तम शैक्षणिक गुणवत्ता राखत शंभर टक्के निकालाची परंपरा जोपासणार्‍या शिवदर्शन येथील पुणे महानगरपालिकेच्या ‘राजीव गांधी अकॅडमी ऑफ ई-लर्निंग’मध्ये शिक्षणाला आधुनिक तंत्रज्ञानाची जोड देत 3डी प्रिंटींग आणि रोबोटिक्स प्रशिक्षणाची सुविधा सुरू करण्यात आली आहे. महानगरपालिका शाळेच्या माध्यमातून असे आधुनिक तंत्रज्ञानाचे प्रशिक्षण देणारी राजीव गांधी अकॅडमी ई-लर्निंग ही पुन्हा देशात अग्रेसर शाळा बनली आहे.

या संदर्भात या प्रकल्पाचा पाठपुरावा करून महानगरपालिकेच्या माध्यमातून त्याची अंमलबजावणी करणारे काँग्रेस पक्षाचे ज्येष्ठ नगरसेवक व माजी उपमहापौर आबा बागुल यांनी सांगितले की, 3डी प्रिंटीग आणि रोबोटिक्स ही नव्या युगाची शैक्षणिक गरज बनली आहे. विद्यार्थ्यांच्या कल्पनाशक्तीला प्रोत्साहन देत असतानाच त्यांना प्रगत तंत्रज्ञानाचा अभ्यास करता यावा यासाठी पुणे महानगरपालिकेच्या माध्यमातून राजीव गांधी अकॅडमी ऑफ ई-लर्निंग मध्ये 3डी प्रिंटीग व रोबोटिक्सच्या 2 स्वतंत्र लॅब उभारण्यात आल्या आहेत. यामध्ये प्रथम शिक्षकांना 15 दिवसांचे प्रशिक्षण दिले जाणार असून त्यानंतर हे प्रशिक्षित शिक्षक इयत्ता 6वी ते 10वी च्या विद्यार्थ्यांना रोज एक तास प्रशिक्षण देतील. विद्यार्थ्यांच्या एक वर्षाच्या प्रशिक्षण कालावधीत विविध प्रकारचे प्रकल्प त्यांच्याकडून करून घेतले जातील. सध्या 3डी प्रिटींग व रोबोटिक्सचे प्रशिक्षण केवळ इंजिनिअरिंग महाविद्यालयांमध्येच दिले जाते. मात्र इयत्ता 6वी पासूनच विद्यार्थ्यांना याचे शिक्षण दिल्यास त्यांचा पाया मजबूत होऊन भविष्यात इंजिनिअरिंग, ऑटोमोबाईल, मेडिसिन, इलेक्ट्रॉनिक्स इत्यादी क्षेत्रात हे विद्यार्थी अधिक चमकतील तसेच विज्ञानशास्त्र, शरीरशास्त्र, रसायनशास्त्र, भूगोल अशा प्रत्येक क्षेत्रात हे विद्यार्थी 3डी प्रिंटीगच्या माध्यमातून प्रत्यक्ष नकाशा साकारणे, शरीराचे विविध अवयव साकारणे इत्यादी प्रयोग करून त्याचे 3डी प्रिंटिंग करतील. त्यामुळे पारंपारीक पुस्तकी अभ्यासाला प्रत्यक्ष मॉडेलची जोड देत विद्यार्थ्यांच्या अभ्यासाबरोबरच त्या विषयाचे त्यांचे ज्ञानही अधिक वाढेल असे आबा बागुल म्हणाले.

पुण्यातील स्निकपिक 3डी या कंपनीतर्फे शाळेतील शिक्षकांना याचे प्रशिक्षण दिले जाणार आहे असे सांगून आबा बागुल म्हणाले की, यासाठी राजीव गांधी अकॅडमी ऑफ ई-लर्निंगमध्ये दोन सुसज्ज वातानुकूलीत लॅब उभारण्यात आल्या असून राजीव गांधी अकॅडमी ऑफ ई-लर्निंगमधील विद्यार्थ्यांप्रमाणेच पुणे महानगरपालिकेच्या अन्य शाळांमधील विद्यार्थ्यांना देखील येथे 3डी प्रिंटिग व रोबोटिक्सचे प्रशिक्षण देण्याचा आमचा प्रयत्न राहिल. या प्रकल्पातील प्रशिक्षणांतर्गत विद्यार्थ्यांना बहुपयोगी रोबो तयार करण्याचे तंत्रज्ञान आत्मसात करता येईल. तसेच घरगुती वापरासाठीचे अनेक प्रकारचे छोटे रोबोट देखील विद्यार्थी तयार करू शकतील त्यासाठीचे सर्व साहित्य शाळेतर्फे उपलब्ध करून दिले जाईल. विद्यार्थ्याने तयार केलेल्या या रोबोटचे अनोखे प्रदर्शनही शाळेत भरवले जाईल व त्यातून अन्य विद्यार्थ्यांना प्रेरणा मिळेल असे आबा बागुल म्हणाले. या प्रकल्पामुळे केवळ राजीव गांधी अकॅडमी ऑफ ई-लर्निंगच्याच नव्हे तर पुणे महानगरपालिकेच्या शाळांच्या शैक्षणिक वैभवात मोलाची भर पडली आहे. पुणे महानगरपालिकेच्या शाळा व त्यातील विद्यार्थी देखील अशा प्रगत तंत्रज्ञानाच्या प्रशिक्षणात मागे नाहीत ही प्रत्येक पुणेकराला अभिमानाची बाब वाटेल हे निश्चित असे आबा बागुल शेवटी म्हणाले.

पुणे डेक्कन एज्युकेशन सोसायटीच्या ‘जगन्नाथ राठी व्होकेशनल गायडन्स ऍन्ड ट्रेनिंग इन्स्टिट्यूट’च्या (जेआरव्हीजीटीआय) वतीने ‘ङ्गॅशन शो’चे आयोजन करण्यात आले होते. ङ्गॅशन डिझाईनिंगच्या विद्यार्थ्यांनी वर्षभरात तयार केलेल्या पोशाखांचे सादरीकरण यावेळी करण्यात आले.

चित्रपट किंवा नाटकात अभिनयासाठी  फॅशन  डिझायनरची भूमिका महत्त्वाची असते. आपल्या देशातील विविध प्रांतात वैविध्यपूर्ण पेहराव आहेत. अशा विविधतेत नाविन्याचा शोध घेण्याचा यशस्वी प्रयत्न डिझायनर करीत असतात. त्यांच्या कल्पकता दाद देण्यासारखी आहे. असे मत अभिनेत्री पर्ण पेठे यांनी यावेळी व्यक्त केले.

सोसायटीचे अध्यक्ष डॉ. श्रीकृष्ण कानेटकर, इन्स्टिट्यूटचे संचालक डॉ. श्रीकृष्ण कानेटकर, डॉ. सविता केळकर यांची प्रमुख उपस्थिती होती. श्रध्दा कानेटकर यांनी संयोजन केले.