पुणे-डेक्कन एज्युकेशन सोसायटीच्या शाळांमध्ये पहिला दिवस उत्साहात साजरा करण्यात आला. विद्यार्थ्यांच्या स्वागतासाठी रांगोळीच्या आकर्षक पायघड्या घालण्यात आल्या होत्या. ठिकठिकाणी ङ्गुगे, पताका आणि झिरमिळ्या लावून शाळांची सजावट करण्यात आली होती. छोटा भीम, डोरीमॉन, लिटिल कृष्णा, मोगली अशी कार्टून लक्ष वेधून घेत होती. सनई, चौघड्याच्या स्वरांनी वातावरण मंगलमय झाले होते. कुंकुम तिलक लावून विद्यार्थ्यांचे औक्षण करण्यात आले.

न्यू इंग्लिश स्कूल रमणबागेत मु‘याध्यापिका तिलोत्तमा रेड्डी यांच्या कल्पनेतून ‘मुक्तागार’ हा अभिनव उपक‘म सुरू करण्यात आला. ‘मुक्तागार’मध्ये मातीकाम, रंगकाम, वाचन असे छंद जोपासताना विविध बैठे खेळ खेळता येणार आहेत. विद्यार्थ्यांच्या मनोरंजनाबरोबर व्यक्तिमत्त्व विकासासाठी हा उपक‘म सुरू करण्यात आला आहे. ‘मुक्तागार’ची क्षमता १५० इतकी आहे. पाचवीतील ३७५ विद्यार्थ्यांचे तुळशीची रोपे देऊन स्वागत करण्यात आले.

अहिल्यादेवी शाळेत बँड पथकाच्या वादनाने विद्यार्थिनींचे स्वागत करण्यात आले. सरस्वती पूजनानंतर विद्यार्थिनींना खाऊवाटप करण्यात आले. संगीत, शारीरिक शिक्षण, संगणक या विशेष विषयांच्या शिक्षकांचा परिचय करून देण्यात आला.

न्यू इंग्लिश स्कूल, टिळक रोड शाळेत प्रतिक देशमुख, आमोघ वैद्य या माजी विद्यार्थ्यांनी अनुभव कथन आणि नाट्यछटा सादर केल्या. लोकमान्य टिळक आणि सावित्रीबाई फुले यांच्या वेषभूषेतील विद्यार्थ्यांनी स्वागत केले. समाजसुधारक गोपाळ गणेश आगरकर यांच्या १२५ व्या जयंतीनिमित्त अभिवादन करण्यात आले.

नवीन मराठी शाळेत सोसायटीचे अध्यक्ष डॉ. शरद कुंटे यांची पुस्तक तुला करण्यात आली. विद्यार्थ्यांच्या वाढदिवसानिमित्त ही पुस्तके भेट म्हणून दिली जाणार आहेत. विद्यार्थ्यांना भेटवस्तू आणि खाऊ वाटप करण्यात आले.

न्यायमूर्ती रानडे बालक मंदिरात विद्यार्थ्यांच्या स्वागतासाठी ‘जंगल थीम’वर आधारावर वर्गखोल्यांची सजावट करण्यात आली होती. न्यू इंग्लिश मीडियम स्कूलमध्ये सरस्वती पूजन आणि विविध खेळांचे आयोजन करण्यात आले होते. डीईएस पूर्व प्राथमिक शाळेत विद्यार्थ्यांचे सुवासिक अत्तर लावून औक्षण करण्यात आले.

माधव सदाशिव गोळवलकर गुरुजी विद्यालयात बालचमूंचा पहिला दिव आनंददायी ठरावा यासाठी आवडीच्या कार्टूनचे मुखवटे घालून शिक्षकांनी स्वागत केले. विद्यार्थ्यांच्या आवडीच्या पपेट शोचे आयोजन करण्यात आले होते.

पुणे: ‘अरे संसार, संसार, दोन जीवांचा विचार, देतो सुखाला नकार, आणि दुःखाला होकार’, ‘अरे घडो न घडो’, ‘पहिली माझी ओवी’,अशा विविध गीतांमधून प्रत्येकाच्या संसाराच्या जीवनातील अनेक रूपं रसिकांना टप्याटप्यांवर भेटत गेले.
कवयित्री सौ. उर्मिला विश्‍वनाथ कराड यांच्या कविता संग्रहावर आधारित “अवघाची संसार” हा संगितमय कार्यक्रम कोथरूड येथील एमआयटी कॅम्पसमधील संत ज्ञानेश्‍वर सभागृहात पार पडला. कवयित्रीने लिहिलेल्या असे संसार संसार.., अनुभूती, वाटेवरच्या पाऊलखुणा, समीर आणि माझी माय दुधावरची साय.. या कविता संग्रहातील निवडक कवितांचे रसग्रहण करून त्यांना संगीतबध्द स्वरूपात मांडल्या गेले.
या कार्यक्रमाची निर्मिती एमआयटी वर्ल्ड पीस युनिव्हर्सिटीचे संस्थापक अध्यक्ष प्रा.डॉ.विश्‍वनाथ दा. कराड यांची आहे. कार्यक्रमात डॉ. माधवी वैद्य आणि डॉ. वृषाली पटवर्धन यांची संहिता आणि दिग्दर्शन असून त्यांनी काव्यवाचन केले. तसेच, संगीतकार राहुल घोरपडे यांनी संगीतबध्द केलेल्या या कार्यक्रमात गायक मीनल पोंक्षे व अमृता कोलटकर यांनी रसिकांवर शब्दसुरांची बरसात केली.
यावेळी नालंदा विद्यापीठाचे कुलपती डॉ.विजय भटकर, प्रा. डॉ. विश्‍वनाथ दा. कराड, एमआयटीचे अधिष्ठाता प्रा. शरदचंद्र दराडे पाटील, विश्‍वराज हॉस्पिटलच्या कार्याकारी संचालिका डॉ. अदिती राहुल कराड, माईर्स एमआयटीचे कार्यकारी संचालक प्रा.डॉ. सुनील कराड, ह.भ.प. गणपत महाराज जगताप आणि राष्ट्रीय कीर्तनकार ज्ञानेश्‍वर माऊली वाभळे हे उपस्थित होते.
संगीतकार राहुल घोरपडे आणि त्यांच्या सहकार्‍यांनी ‘दिंडी चालली पंढरीच्या वाटेवरी’ या गीताला स्वरसाज चढवत जणू पंढरपुच्या विठ्ठलाची अनुभूति दिली. त्यानंतर ‘आंब्याचा परस, केळाच’, ‘प्राजक्ताचा सडा अंगणी नकळत पडल्या रातराणी’ सारख्या कवितांना स्वरबध्द करून मांडल्यावर रसिकांना जणू रात्रीचा प्रवासच घडविला.
कवयित्रीने जीवनातील विविध पैलूंना स्पर्श केला आहे. पण खरा आनंद तो अध्यात्मातच असतो. वारकरी संप्रदायाच्या असल्याने कवयित्रीने रचलेल्या ‘दोन तिरावरी आज वारकरी आले, इंद्रायणीच्या तीरावर वारकरी सुखावले’, आणि ‘एकादशीबाई तुझ नाव, केवढ तुझ्या नावाची आवड माझ्या मनाला’ या कवितांना जेव्हा सप्तसुर देण्यात आले तेव्हा जणू पंढरपूरच्या विठोबाची अनुभूती रसिकांना झाली.
संगीतकार राहुल घोरपडे यांनी संगीतबध्द केलेल्या या कार्यक्रमात गायक मीनल पोंक्षे व अमृता कोलटकर यांनी काव्य गायन केल. तसेच, नीलेश श्रीखंडे, मिहीर भडकमकर आणि विनीत तिकोनकर यांनी साथ संगत दिली.
सौ. उर्मिला विश्‍वनाथ कराड यांनी आपले मनोगत पूर्ण केले.
सूत्रसंचालन डॉ. मिलिंद पांडे यांनी केले. श्री.शालिग्राम खंदारे यांनी आभार मानले.

विक्रमी विजेतेपद पटकवणारी चिनप्पा यावेळी म्हणाली कि, आज मिळविलेले विजेतेपद हे माझ्यासाठी अनेक अर्थाने विशेष ठरले आहे. कारण या विजेतेपदाबरोबरच मी एक नवा विक्रम प्रस्थापित केला आहे . भुवनेश्वरी कुमारचा विक्रम मोडल्यामुळे मला आता नव्या विक्रमाचे लक्ष्य ठेवणे शक्य होईल. कोणताही विक्रम मोडण्याची खेळाडूंची कामगिरी अभिमानास्पदच असते. अर्थातच आजच्या कामगिरीमुळे माझ्या शिरपेचात एक नवा तुरा खोवला गेला आहे. या विजेतेपदाचे श्रेय मी माझे प्रशिक्षक व पालक यांना देते. आजची सुनयना विरुद्धची अंतिम फेरीची लढत चुरशीची झाली आणि स्पर्धेत सर्व प्रतिस्परध्यांनी अतिशय कसून खेळ केला. त्यामुळेच या स्पर्धेचा दर्जा उच्च होता. म्हणूनच या विजेतेपदाबद्दल मला विशेष आनंद होत आहे.

पुणे : स्पर्धा परीक्षेचा अभ्यास करणार्‍या तरुणाईला योग्य मार्गदर्शन व करिअरला दिशा मिळण्यासाठी आयोजिलेल्या स्पर्धा परिक्षा महोत्सवाचे उद्घाटन मंगळवार, दि. १८ जून २०१९ रोजी सकाळी १०.०० वाजता स्वारगेट जवळील गणेश कला क्रीडामंच येथे होणार आहे. मुख्यमंत्र्यांचे मुख्य सचिव भूषण गगराणी, माजी परराष्ट्र सचिव ज्ञानेश्वर मुळे, महाराष्ट्र लोकसेवा आयोगाचे माजी अध्यक्ष मधुकर कोकाटे, स्टडी सर्कलचे संचालक डॉ. आनंद पाटील, बारामती ऍग्रो लिमिटेडचे मुख्य कार्यकारी अधिकारी रोहित पवार या महोत्सवाच्या उद्घाटनप्रसंगी विद्यार्थ्यांना करणार आहेत.

सृजन फौंडेशनच्या व एमपीएससी स्टुडंट्स राईट्स यांच्या संयुक्त विद्यमाने वास्तव, भवितव्य व दिशा या संकल्पनेवर आधारित हा स्पर्धा परिक्षा महोत्सव १८ ते २० जून २०१९ या तीन दिवशी सकाळी १० ते रात्री ८ या वेळेत होत आहे. केंद्रीय-राज्य लोकसेवा आयोग, बँकिंग, स्टाफ सिलेक्शन कमिशन, रेल्वे अशा स्पर्धा परीक्षांविषयी विद्यार्थ्यांना या महोत्सवात माहिती उपलब्ध करुन दिली जाणार आहे. उद्घाटनानंतर ज्येष्ठ पत्रकार उत्तम कांबळे, गिरीश कुबेर व लेखक अच्युत गोडबोले यांची व्याख्याने होणार आहेत.

महोत्सवाच्या दुसऱ्या दिवशी पहिल्या सत्रात माजी सनदी अधिकारी इंद्रजित देशमुख, पोलीस अधीक्षक संदीप पाटील, यूपीएससी टॉपर तृप्ती धोडमिसे, स्वाती दाभाडे मार्गदर्शन करणार आहेत. त्यानंतर एमकेसीएलचे संचालक विवेक सावंत, बीव्हीजीचे हनुमंतराव गायकवाड, रूरल रिलेशन्सचे प्रदीप लोखंडे, पोलीस अधीक्षक तेजस्विनी सातपुते विविध विषयांवर विद्यार्थ्यांना संबोधित करतील. तिसऱ्या दिवशी (गुरुवारी) लोकसेवा आयोगाचे माजी अध्यक्ष विठ्ठल मोरे, माजी विभागीय आयुक्त चंद्रकांत दळवी, अपंग कल्याण आयुक्त बालाजी मंजुळे, सनदी अधिकारी रमेश घोलप, स्नेहल धायगुडे मार्गदर्शन करतील.

महोत्सवाचा समारोप गुरुवार, दि. २० जून २०१९ रोजी सायंकाळी ६.०० वाजता होणार आहे. यावेळी उद्योजक सतीश मगर, माजी प्रधान सचिव महेश झगडे, तामिळनाडूतील जिल्हाधिकारी आनंद पाटील, सीईओ राजेंद्र भारूड व रोहित पवार उपस्थित असणार आहेत. याबरोबरच प्रत्येक दिवशी दुपारच्या सत्रात क्लासेसचे मार्गदर्शन ठेवण्यात आले आहे.

जोश्ना चिनप्पा(तामिळनाडू)[1]वि.वि.तन्वी खन्ना(दिल्ली)[4] 11-4, 12-10, 11-8;

पुरुष गट: उपांत्य फेरी:
महेश माणगावकर(महाराष्ट्र)[1]वि.वि.वीर चॊत्रानी(महाराष्ट्र)  11-6, 11-4, 11-2;
अभिषेक प्रधान(महाराष्ट्र)[2]वि.वि.अभिषेक अगरवाल(महाराष्ट्र)[3]11-3, 11-7, 11-9