बेकायदेशीर केबल काढून टाकण्याचे आवाहन

पुणे : महावितरणच्या लघु व उच्चदाबाच्या वीजवाहिन्यांशी समांतर व वीजखांबांच्या आधारे टाकलेल्या अनधिकृत खाजगी केबलमुळे विद्युत अपघाताची शक्यता आहे. केबल ऑपरेटरर्सनी केबल्स तात्काळ काढून टाकाव्यात असे आवाहन महावितरणकडून करण्यात आले आहे. तसेच अशा अनधिकृत केबल्स आढळून आल्यास त्या विनाविलंब हटविण्याची जबाबदारी संबंधित अभियंते व जनमित्रांवर देण्यात आली आहे.

सार्वजनिक ठिकाणी असलेल्या वीजयंत्रणेतील वीजखांब, वीजवाहिन्या, रोहित्र आदी ठिकाणी केबल टाकणे बेकायदेशीर आहे. या केबल्समुळे वीजपुरवठ्यात अडथळा येणे, विद्युत अपघातांची शक्यता असल्याने वीज कर्मचारी किंवा नागरिकांच्या जिवाला धोका निर्माण होणे तसेच महावितरणच्या वीजयंत्रणेचे किंवा आर्थिक नुकसान होणे या बाबींचा विचार करून मा. महाराष्ट्र विद्युत नियामक आयोगाने सन 2006 मध्ये महावितरणच्या यंत्रणेवरील अनधिकृत केबलचे जाळे हटविण्याचे निर्देश दिलेले आहेत. त्याप्रमाणे वीजयंत्रणेवरील केबल हटविण्यासाठी महावितरणकडून कारवाई सुरु आहे. फक्त ‘महानेट’ या ग्रामीण इंटरनेट जोडणी प्रकल्पाच्या केबल जिथे उपरी मार्गाद्वारे नेल्या आहेत अशा ठिकाणी महावितरणचे वीजखांब व संबंधीत पायाभूत सुविधा वापरास शासनाने परवानगी दिली आहे.

मात्र वीजयंत्रणेवरील अनधिकृत केबलमुळे विद्युत अपघात झाल्याचे प्रकार दिसून आल्याने महावितरणने संबंधीत शाखा अभियंता व जनमित्रांवर केबल काढून टाकण्याची जबाबदारी निश्चित केली आहे. याशिवाय अनधिकृत केबल टाकणे किंवा त्यामुळे जिवितहानी, मालमत्तेचे नुकसान झाल्यास केबल ऑपरेटर विरोधात फौजदारी तक्रार करण्यासोबतच नुकसानभरपाईचा दावा देखील करण्यात येणार आहे. केबल हटविण्यासंदर्भात उपविभाग व विभाग प्रमुख अभियंत्यांवर तपासणीची जबाबदारी सोपविण्यात आली आहे. तपासणी दरम्यान वीजयंत्रणेवर केबल आढळून आल्यास संबंधित शाखा अभियंता व जनमित्रांविरुद्ध कारवाई करण्यात येणार आहे.

गजब..गजब ..

रहिवाश्यांचा संताप ,ना फिरकले लोकप्रतिनिधी ,ना बडे अधिकारी ..

पुण्यातील एका भागात तब्बल 15 तास बत्ती गुल …

‘माय मराठी’ कडून महावितरण चा धिक्कार ,दोषी अधिकाऱ्यावर कारवाईची मागणी

पुणे- पुणे तिथे काय उणे म्हणतात खरे ..पण वेळ आली कि काय ,काय नाही तर बरेच काही उणे असल्याची प्रचीती आल्या शिवाय राहत नाही,काल पुण्यात संत ज्ञानेश्वर महाराज आणि संत तुकाराम महाराज यांच्या पालख्यांचे आगमन झाले . सारे पुणेकर ,राजकारणी ,कार्यकर्ते पालख्यांच्या दर्शनासाठी ,वारकऱ्यांच्या सेवेसाठी धावले …आणि इकडे सातारा रस्त्यावरील चव्हाण नगर कमानी जवळच्या पंचवटी सोसायटी आणि परिसरात कोणत्याही पूर्व सूचनेशिवाय तब्बल 15 तास विद्युत पुरवठा खंडित करून महावितरण ने येथील रहिवाश्यांच्या सहनशीलतेचा अंत पाहत जोरदार धक्का दिला ,संतप्त नागरिक जिथे दुरुस्तीचे काम सुरु होते तिथे आपला उद्रेक शब्दातून व्यक्त करू लागताच ,महावितरणच्या चलाख अधिकाऱ्यांनी मोने नामक एका महिला अधिकाऱ्याला त्यांचा सामना करायला पुढे केले . सकाळी सात वाजता गेलेली लाईट रात्री 11 वाजताही आली नाही म्हणून अखेरीस येथील कॉंग्रेसचे कार्यकर्ते सतीश पवार यांनी ‘आता लोक तोडफोड करतील याची जाणीव ठेवा ‘ असा सज्जड दम भरला ,आणि रात्री १२ वाजता अखेरीस विद्युत पुरवठा सुरळीत झाला .

या भागातील उदय जगताप आणि अन्य कार्यकर्ते यांनी दुरुस्तीच्या ठिकाणी कित्येक तास उभे राहून अधिकाऱ्यांना फैलावर घेण्याचा प्रयत्न केला .पण पालखीत अडकलेले लोकप्रतिनिधी ,आणि वरिष्ठ अधिकारी ,माध्यम प्रतिनिधी या परिस्थितीचा फायदा संबधित काम करणाऱ्या ठेकेदाराने घेतला . सकाळी ७ वाजता बत्ती गुल केल्या नंतर संबधित यंत्रणेकडून तब्बल सायंकाळी ४ वाजेपर्यंत कामाबाबत टंगळमंगळ सुरु होती .

सकाळी 7 वाजता अचानक विद्युत पुरवठा खंडित झाला, 10 वाजता लोकांनी विचारणा केल्यावर ट्रांसफार्मर चे काम सुरु असून 2 तासात विद्युतपुरवठा सुरु होईल असे सांगण्यात आले.पण प्रत्यक्षात तो सुरु झाला नाही म्हणून पुन्हा दुपारी 1 वाजता विचारणा केली तेव्हा 3 वाजेपर्यंत काम होईल असे सांगण्यात आले.नंतर पावुस झाल्याचे कारण देवून 6 वाजता विद्युत पुरवठा सुरु होईल असे सांगितले गेले पन प्रत्यक्ष रात्री 8 वाजता ही विद्युत पुरवठा सुरु झाला नव्हता,आणि 8 वाजता पंचवटी सह सम्पूर्ण चव्हाण नगर चा विद्युत पुरवठा बंद झाला होता रात्री साडेदहा वाजता देखील दुरुस्ती सुरुच होती आणि पंच वटी परिसराचा विद्युत पुरवठा सुरु झाला नव्हता.यावेळी नागरिक प्रत्यक्षात दुरुस्तीच्या कामाच्या ठिकाणी येवून शिव्यांची लाखोली वाहू लागले . आणि शेवटी १२ वाजता विद्युत पुरवठा सुरु झाला .

माय मराठी डॉट नेट चे प्रसारण बंद

आईस्क्रीम पार्लर सह अनेक व्यवसायिकांचे नुकसान

या परिसरात निवृत्त ,वृद्ध व्यक्तींची मोठी संख्या त्यामुळे घरात पडून असलेल्या वृद्ध आजरी व्यक्तीच्या हाल अपेष्टांमध्ये भर

पुणे :-  टाळ मृदुंगाचा गजर आणि ‘माऊली माऊली’ चा जयघोषात गोयल गंगा फाऊंडेशनतर्फे  पंढरपूरला जाणाऱ्या पालखी सोहळ्यात गोयल गंगा इंटरनॅशनल स्कूल मधील २५० हुन अधिक विद्यार्थ्यांनी सहभागी होऊन स्वच्छतेचा नारा दिला. तसेच सामाजिक बांधिलकी, पर्यावरण रक्षण, वृक्ष संवर्धन,प्लास्टिक बंदी याबद्दलही जनजागृती केली.खाद्यपदार्थांच्या दुकानांजवळील कचरा गोळा केला.वारकऱ्यांना खाद्यपदार्थांचे वाटप करण्यात देखील विद्यार्थ्यांनी पुढाकार घेतला. मागच्या ४ वर्षापासून वारीच्या काळात गोयल गंगा इंटरनॅशनल स्कूलचे ९वी ते १२वीचे  विद्यार्थी महानगरपालिकेच्या  स्वच्छता विभागासोबत काम करून वारीतील प्रत्येक वारकऱ्याला वारीत स्वच्छ, सुंदर आणि प्रसन्न वाटावे यासाठी नेहमीच प्रयत्नशील असतात. यावेळी देखील विद्यार्थी  उत्साहात यात सहभागी झाले .

मोठया आनंदमयी भक्तीमय वातावरणात विद्यार्थ्यांनी जगतगुरू संत तुकाराम महाराज पालखी सोहळयात सहभागी झाले यावेळी शाळेच्या विश्वस्त सोनू गुप्ता ,मुख्याध्यापिका भारती भागवाणी, तसेच इतर शिक्षक व विद्यार्थी मोठया संख्येने उपस्थित होते.

वारीच्या या सुंदर यात्रेच्या आठवणी सतत आपल्या स्मरणात राहण्यासाठी ऑडियो आणि व्हीडीओ डॉक्युमेंटरी करण्याच्या उद्देशाने वारीमधील काही चित्रफिती, छायाचित्र तसेच महानगरपालिकेतील अधिकाऱ्यांच्या मुलाखती विद्यार्थ्यांनी घेतल्या.सोनू गुप्ता म्हणाल्या कि, वारीची परंपरा फक्त एकमेकांना जोडत नाही तर ती आपल्या मुळांना एकत्र ठेवते. वारी मधून माणुसकीचे आणि एकात्मतेचे दर्शन घडत असते हा अनुभव येणाऱ्या पिढीने घ्यावा या हाच या उपक्रमागचा हेतू आहे.

पुणे, २५ जून: “ वारीमुळे काया, वाचा, मन आणि बुध्दी शुध्द होते. त्यामुळे आपण देवाशी एकरूप होतो. हे सर्व संत संगतीने घडल्याने आपण सर्व प्रापंचिक विवंचना विसरून जातो. त्यामुळे देवाला भेटण्याचा तो खरा राजमार्ग.”असे प्रतिपादन महाराष्ट्र राज्याचे माजी मंत्री ह.भ.प.बबनराव पाचपुते यांनी केले.
विश्‍वशांती केंद्र (आळंदी), माईर्स एमआयटी, पुणे व श्री क्षेत्र आळंदी-देहू परिसर विकास समिती यांच्या संयुक्त विद्यमाने श्री संत ज्ञानेश्‍वर-तुकाराम ज्ञानतीर्थ, विश्‍वरूप दर्शन मंच, श्री क्षेत्र आळंदी येथे पालखी सोहळा प्रस्थानाच्या निमित्ताने युनेस्को अध्यासन अंतर्गत लोकशाही, मानवाधिकार, शांती व सहिष्णुतेसाठीचा लोकशिक्षणाचा अभिनव उपक्रमाच्या समारोप प्रसंगी ते बोलत होते.
याप्रसंगी कांग्रेसचे जेष्ठ नेते उल्हास पवार, विश्‍वशांती केंद्र (आळंदी), माईर्स एमआयटी, पुणेचे संस्थापक अध्यक्ष प्रा.डॉ. विश्‍वनाथ दा. कराड, सौ. उर्मिला विश्‍वनाथ कराड, सौ. उषा विश्‍वनाथ कराड, आरोग्य विज्ञान विद्यापीठाचे माजी कुलगुरू डॉ.अरूण जामकर, पं. उध्दवबापू आपेगावकर, श्रीक्षेत्र आळंदी देहू परिसर विकास समितीच्या समन्वयक प्रा. स्वाती कराड-चाटे, ह.भ.प.श्री. तुकाराम महाराज गरूड ठाकुरबुवा दैठणकर, ह.भ.प. डॉ.सुदाम महाराज पानेगावकर, ह.भ.प. शालीग्राम खंदारे आणि ह.भ.प. नलावडे महाराज हे उपस्थित होते.
ह.भ.प.बबनराव पाचपुते म्हणाले,“ या सृष्टीवरील सर्वश्रेष्ठ सत्य हे मृत्यू असल्याने घाबरू नका, ते आज नाही तर उद्या येणारच आहे. अशावेळेस संतांच्या संगतीत राहून सत्कर्म करीत रहा. हे शरीर परोपकारासाठी आहे हे ही विसरू नका. वारकर्‍याने आचार, विचार, आहार आणि विहार शुध्द ठेवल्यास परमार्थ लवकरच मिळतो. मानसाच मन हे लोखंडासारखा झाल आहे. जो पर्यंत त्याला वैराग्याने तापविणार नाही तो पर्यंत त्याला आकार देता येणार नाही. ईश्‍वराकडे जाण्यासाठी मन मोकळे ठेवावे लागते.”
ह.भ.प. तुकाराम महाराज गरूड ठाकुरबुवा दैठणकर म्हणाले,“ संत सदैव आत्मसुख देऊन दुखःचे निवारण करतात. संतांचे सौदर्य हे त्यांच्या चरणी असते. त्यामुळे वारकर्‍यांनी संतांच्या चरणी शरण जावे, संतांच्या विचारांची सेवा करावी, त्यांच्या विचारांना आचरणात आणावे, संत जो मार्ग दाखविले त्यावर चालावे, वारकर्‍यांनी साधनेसाठी दृढ व्हावे आणि संतांप्रमाणे परोपकारी व्हावे. सर्व वारकर्‍यांना आळंदीला येण्याचे कारण हेच आहे की येथे माऊलीची ऊर्जा मिळते. तसेच वारकर्‍यांनी संताच्या ऐवजी विठोबाचे मंदिर बांधा आणि संतांना ग्रंथात शोधा.”
उल्हास पवार म्हणाले,“आपल्यातील अहंकार कमी करण्यासाठी सर्वांनी वारी ही केलीच पाहिजे. यामध्ये ज्ञान, कर्म आणि भक्तीचा संगम होतांना दिसून येतो. तसेच, यातून अध्यात्माची आणि तत्वज्ञानाची अनुभूती मिळते.”
यानंतर वै.ह.भ.प. दादामहाराज साखरे फडाचे प्रमुख व ज्ञानेश्‍वरीचे गाढे अभ्यासक ह.भ.प. किसन महाराज साखरे यांचे कीर्तन झाले. त्यानंतर संजीव मेहेंदळे, ऋषिकेश बडवे आणि संपदा थिटे व सहकारी यांनी राजा परांजपे प्रतिष्ठान निर्मित अभंगरंग हा कार्यक्रम सादर केला.
प्रा.डॉ. विश्‍वनाथ दा. कराड यांनी प्रास्ताविक केले. सूत्रसंचालन ह.भ.प. डॉ.सुदाम महाराज पानेगावकर यांनी केले. ह.भ.प. शालीग्राम खंदारे यांनी आभार मानले.
वरील कार्यक्रमाचा इंद्रायणीच्या दोन्हीही तीरावरील लाखो वारकर्‍यांनी अध्यात्मिक अनुभूतीचा लाभ घेतला.

पुणे-टाळ मृदंगच्या गजरात आणि वरूण राजाच्या उपस्थितीत संतश्रेष्ठ तुकाराम महाराज यांचा पालखी सोहळा मंगळवारी उद्योग नगरी पिंपरी-चिंचवड शहरात दाखल झाला. यावेळी महापौर आणि पदाधिकारी यांच्याकडून मुख्य दिंडीतील शेकडो वारकऱ्याना मृदंग भेट देण्यात आला. त्यांनी स्व:खर्चातून ही भेट दिली आहे. ज्ञानोबा माऊली तुकारामाच्या गजराने अवघी उद्योग नगरी दुमदुमून निघाली होती. यावेळी महापौर राहुल जाधव हे संत तुकाराम महाराज यांच्या वेशभूषेत पाहायला मिळाले. त्यांनी मुख्य रथाचे सारथ्य देखील केले.

संत श्रेष्ठ तुकाराम महाराज पालखी सोहळ्याचे सोमवारी पंढरपूरकडे प्रस्थान ठेवले. मुख्य मंदिराला प्रदक्षणा घातल्यानंतर पालखीचा पहिला मुक्काम इनामदार वाड्यात झाला. मंगळवारी सकाळी मंत्री चंद्रकांत पाटील यांच्या हस्ते शासकीय पूजा करण्यात आली. त्यानंतर पालखी पिंपरी-चिंचवड शहराच्या दिशेने मार्गस्थ झाली. ज्ञानोबा माऊली तुकारामच्या गजरात लाखो वारकऱ्यांच्या उपस्थितीत सायंकाळी पालखी शहरात दाखल झाली. त्यापूर्वी परिसरात जोरदार पाऊस झाला. पाऊस सुरू असताना देखील वारकरी स्थिरावले नाहीत. त्यांची पाऊलं पंढरीच्या दिशेने अखंडपणे पडत होती.

पालखी सोहळ्यामुळे सर्व परिसर भक्तिमय झाल्याचं पहायला मिळाले. यावेळी शहरातील अनेक नागरिक संत श्रेष्ठ तुकाराम महाराज यांचा पालखी सोहळा पाहण्यासाठी आले होते, सर्व रस्ते गर्दीने फुलून गेले होते. पिंपरी-चिंचवड महानगर पालिकेकडून पालखीचे स्वागत करण्यात आले. यावेळी महापौर राहुल जाधव, आमदार लक्ष्मण जगताप, आमदार महेश लांडगे, आमदार गौतम चाबुकस्वार उपस्थित होते.

पुणे: प्रामुख्याने पर्यावरण रक्षणासाठी तसेच वीजग्राहकांसाठी वार्षिक 120 रुपयांची बचत करणाऱ्या ‘गो-ग्रीन’ योजनेला मोठा प्रतिसाद मिळत असून पुणे परिमंडलात आतापर्यंत 15,970 वीजग्राहक या योजनेत सहभागी झाले आहेत.

दरम्यान, गेल्या तीन महिन्यांत 6915 वीजग्राहकांनी गो-ग्रीनच्या माध्यमातून वीजबिलासाठी छापील कागदाऐवजी ‘ई-मेल’चा पर्याय निवडला आहे. यासोबतच महावितरणकडे मोबाईल क्रमांकाची नोंदणी केल्यानंतर वीजबिलासह इतर विविध माहितीचा ‘एसएमएस’ वीजग्राहकांना निशुल्क दिला जात आहे.

महावितरणने छापील कागदाऐवजी ‘ई-मेल’चा पर्याय निवडल्यास वीजग्राहकांना 1 डिसेंबर 2018 पासून प्रतिबिलात 10 रुपये सवलत जाहीर केली आहे. पर्यावरणपुरक या योजनेमुळे वीजग्राहकांचे देखील वार्षिक 120 रुपयांची बचत होणार आहे. याशिवाय वीजबिल दरमहा ‘ई-मेल’ तसेच ‘एसएमएस’द्वारे मिळणार असल्याने ते लगेचच ऑनलाईनद्वारे भरण्याची सोय उपलब्ध होत आहे. ज्या वीजग्राहकांना छापील वीजबिलांची गरज भासल्यास त्यांना ईमेलद्वारे प्राप्त बिल किंवा महावितरणच्या www.mahadiscom.in या अधिकृत संकेतस्थळावर असलेले वीजबिल डाऊनलोड व प्रिंट करण्याची सोय आहे. विशेष म्हणजे ही वीजबिले मूळ स्वरुपात उपलब्ध आहेत व ते रंगीत स्वरुपात देखील प्रिंट केले जाऊ शकते.

पुणे परिमंडलातील मार्च अखेरपर्यंत 9055 वीजग्राहकांनी ‘गो-ग्रीन’ योजनेत सहभाग नोंदविला होता. त्यानंतर तीन महिन्यांत या योजनेत सहभागी झालेल्या वीजग्राहकांची संख्या 15970 वर गेली आहे. यामध्ये पुणे शहरात 8959, पिंपरी चिंचवड शहरात 4531 आणि मुळशी, मावळ, खेड, आंबेगाव, जुन्नर, वेल्हे तालुक्यातील 2480 वीजग्राहकांनी वीजबिलासाठी छापील कागदाऐवजी ‘ई-मेल’ व ‘एसएमएस’ला पसंती दिली आहे.

पुणे परिमंडलात सुमारे 27 लाख 49 हजार वीजग्राहकांना ‘एसएमएस’ द्वारे बिलाची रक्कम, देय दिनांक आदींचा तपशील, दरमहा वीजबिलाचा व वीजबिल भरण्याच्या मुदतीचा तपशील, मीटर रिडींग घेण्याची तारीख व कालावधी, मीटर रिडींग घेतल्याची तारीख व एकूण युनिटचा वापर आदींसह विविध स्वरुपाची माहिती निशुल्क दिली जात आहे. यासोबतच वीजबिलासाठी ग्राहकांनी छापील कागदाऐवजी ईमेलचा पर्याय निवडल्यास त्यांचा पर्यावरण रक्षणासाठी हातभार लागणार आहे व वीजबिलात दरवर्षी 120 रुपयांची बचत होणार आहे. तसेच वीजबिलांचे सॉफ्टकॉपीमध्ये जतन करणे सोयीचे होणार आहे. ‘गो-ग्रीन’चा पर्याय निवडण्यासाठी वीजग्राहकांनी वीजबिलावरील गो-ग्रीन क्रमांकाची नोंदणी महावितरणच्या मोबाईल अ‍ॅपद्वारे किंवा महावितरणच्या संकेतस्थळाच्या https://billing.mahadiscom.in/gogreen.php लिंकवर उपलब्थ आहे. वीजग्राहकांनी महावितरणच्या गो-ग्रीन योजनेचा जास्तीत जास्त लाभ घ्यावा, असे आवाहन महावितरणकडून करण्यात आले आहे.

पुणे :- संत तुकाराम महाराज यांच्या पादुकांचे देहु येथील इनामदार वाडा येथे आज महसूल, सार्वजनिक बांधकाम मंत्री तथा पालकमंत्री चंद्रकांत (दादा) पाटील यांच्या हस्ते  पुजन करण्यात आले. इनामदार वाडा येथून मुक्काम हलवून पालखी आकुर्डीकडे मार्गस्थ झाली. यावेळी वारकऱ्यांच्या आनंदाला उधाण आले होते.

यावेळी विभागीय आयुक्त डॉ. दिपक म्हैसेकर, जिल्हाधिकारी नवल किशोर राम, जिल्हा परिषदेचे प्रभारी मुख्य कार्यकारी अधिकारी प्रभाकर गावडे, पिंपरी चिंचवडचे पोलिस आयुक्त आर. के. पदमनाभन आदींसह संत तुकाराम महाराज संस्थानचे विश्वस्त उपस्थित होते.