पुणे-

प्रवासासाठी आता ओला-उबरसारख्या वाहतुकीच्या सुविधांना प्राधान्य दिले जात असल्याने वाहन उद्योगाला विक्रीतील घसरणीला सामोरे जावे लागत असल्याचे वक्तव्य मागील आठवड्यात अर्थमंत्री निर्मला सीतारामन यांनी केले होते. यावर माजी मुख्यमंत्री पृथ्वीराज चव्हाण यांनी टीका केली आहे. अर्थमंत्र्यांनी केलेलं हे वक्तव्य बेजबाबदारपणाचं असल्याचं म्हणत सरकारचा नाकरतेपणा झाकण्यासाठी ओला, उबरचं नाव पुढे केलं जात असल्याचा त्यांनी आरोप केला आहे.

शिवाय जबाबदार व्यक्तीकडून अशा वक्तव्याची अपेक्षा नव्हती असेही चव्हाण यावेळी म्हणाले. पिंपरी-चिंचवडमधील पत्रकार परिषदेवेळी ते बोलत होते. यावेळी त्यांनी मुखमंत्री देवेंद्र फडणवीस यांच्यावरही टीका केली. पुण्यासारख्या उद्योग नगरीत मुख्यमंत्री प्रचाराच्या निमित्ताने आले होते. पुणे, पिंपरी-चिंचवड औद्योगिक क्षेत्र आहे या ठिकाणी सध्या मंदीचे वातावरण आहे त्यामुळे मुख्यमंत्र्यांनी आर्थिक मंदीवर बोलणं अपेक्षित होतं. मंदीमुळे हाहाकार माजला आहे. हजारोच्या संख्येने लोकांचे रोजगार जात आहेत. वाहन कारखाने बंद पडले आहेत. यावर बोलणं महत्वाचं होत मात्र तस काही दिसलं नाही. आर्थिक मंदीबद्दल काही योजना नाही, काही घोषणा नाही, काय उपाय योजना कराल यावर काही बोललही जात नाही, असेही चव्हाण म्हणाले.

पृथ्वीराज चव्हाण म्हणाले की, अर्थमंत्री सीतारामन यांनी केलेलं वक्तव्य हे बेजबाबदारपणाचे आहे, हे त्यांच्याकडून अपेक्षित नव्हतं. यापुढील उपाययोजना काय आहेत हे तुम्ही वाहन उद्योगाला सांगायला हवं. मात्र या ऐवजी तुम्ही जर ओला, उबर आले आहेत आता तुम्ही कारखाने गुंडाळा, तुमचा व्यवसाय काही चालणार नाही किंवा ओला-उबर बंद करावेत याचा परिणाम कारखान्यांवर होतोय असं जर तुम्ही तुमचा नाकारतेपणा झाकण्यासाठी म्हणत असाल तर हे चुकीचं आहे.

तसेच यापुढे ते म्हणाले की, तब्बल २६७ कार शोरूम बंद पडलेली आहेत. यात पुणे आणि मुंबई येथील १०० पेक्षा अधिक शोरूम्स आहेत. ही का बंद केल्या गेली? कारण गाड्या कोणी विकत घेत नाहीत. लोकं रडायला लागली आहेत, बँकेचे कर्ज मिळत नाही. यावर्षी बँकांचे ७३ हजार कोटींचे घोटाळे झाले आहेत. असा रिझर्व्ह बँकेने मागील आठवड्यात अहवाल दिला आहे. त्यातील ९० टक्के घोटाळा हा राष्ट्रीयकृत बँकेत झाला आहे. कोण चालवत आहे राष्ट्रीयीकृत बँका?  हजारो कोटी रुपयांच्या घोटाळ्याचा कोण आश्रयदाते आहेत? याची माहिती द्या असे म्हणत सरकारचे अर्थव्यवस्थेवर अजिबात नियंत्रण राहिलेले नाही असाही त्यांनी यावेळी आरोप केला.

नवी मुंबई ः छत्रपती शिवाज महाराज स्वतःच्या स्वार्थासाठी दिल्लीश्‍वरांचे अधीन झाले नव्हते, अशी घणघणाती टीका आज राष्ट्रवादीचे पक्षाध्यक्ष शरद पवार यांनी नामोल्लेख टाळत साताराचे उदयनराजे भोसले यांच्यावर केली. तसेच मावळ्यांमध्ये स्वाभिमान निर्माण करुन त्यांनी नवे रयतेचे राज्य निर्माण केलं. त्यामुळे कुणाच्या जाण्यानं महाराष्ट्रात फरक पडणार नाही. सर्वसामान्य कार्यकर्त्यांमधून आणि अठरापगड जातीच्या मावळ्यांमधून पुन्हा नवा महाराष्ट्र घडवू या, असा विश्‍वास श्री. पवार यांनी कार्यकर्त्यांना दिला.
कार्यकर्त्यांच्या मेळाव्यात सध्य राजकीय स्थिती याबाबत श्री. पवार यांनी संवाद साधला. महाजनादेश यात्रेत मुख्यमंत्री देवेंद्र फडणवीस हे पाच वर्षात आपण काय केले हे न सांगता विरोधकांची निंदा नालस्ती करण्यातच धन्यता मानत आहेत, असा प्रतिहल्ला श्री.

पवार यांनी चढवला. दरम्यान, साताराचे खासदार उदयनराजे यांनी राष्ट्रवादीला सोडचिठ्ठी देऊन भाजपमध्ये प्रवेश केला आहे. त्यामुळे श्री. पवार यांच्या रडारवर ते राहिलेत.

श्री. पवार म्हणाले, की छत्रपती शिवाजी महाराजांना पुरंदरचा तह सहन करावा लागला. मिर्झाराजे जयसिंग यांच्या सांगण्यावरुन आग्र्याला औरंगजेब दिल्लीश्‍वराच्या भेटीसाठी ते गेले. परंतू खचून न जाता पुन्हा महाराष्ट्रात परतून त्यांनी नव्याने सर्व किल्ले जिंकले. हिंदवी स्वराज्य निर्माण केलं.

सातारा : खासदार उदयनराजे भोसले आणि शिवेंद्रराजे हे दोन्ही राजे भाजपमध्ये आले. पण येताना त्यांनी कोणतीही अट घातली नाही. मात्र, त्यांनी फक्त जनतेच्या कामांची यादी दिली, असे मुख्यमंत्री देवेंद्र फडणवीस यांनी आज (रविवार) सांगितले. तसेच छत्रपतींनी विनंती करायची नसते तर आदेश द्यायचा असतो, असेही ते म्हणाले.

सातारा- नुकतंच राष्ट्रवादीमधून भाजपवासी झालेले साताऱ्याचे माजी खासदार उदयनराजे भोसले आणि शिवेंद्रराजे भोसले यांची साताऱ्यात बैठक पार पडली. भाजप प्रवेशानंतर पहिल्यांदाच दोन्ही राजांची भेट झाली. मुख्यमंत्र्यांची महाजनादेश यात्रा आज साताऱ्यात येत आहे, याच पार्श्वभूमीवर दोघा नेत्यांची भेट झाली.

या बैठकीनंतर शिवेंद्रराजेंनी माध्यमांना प्रतिक्रीया दिली. ते म्हणाले, “महाराजांचा निरोप आल्यानंतर भेटायला गेलो होतो.” दोन्ही राजेंमध्ये औपचारिक चर्चा झाल्याचे शिवेंद्रराजे यांनी सांगितले. मुख्यमंत्री देवेंद्र फडणवीस आणि भाजप प्रदेशाध्यक्ष चंद्रकांत पाटील यांनी पक्षवाढीसाठी याबाबत निर्णय घेतलेला आहे आणि त्यामुळे जिल्ह्यात राजकीय वातावरणात बदल होत असल्याचेही शिवेंद्रराजे म्हणाले.

“मुख्यमंत्र्यांनी अर्ध्या तासात माझ्या मतदारसंघातील रखडलेले प्रश्न मार्गी लावले. तसेच पंतप्रधान नरेंद्र मोदींवर कोणताही भ्रष्टाचाराचा आरोप नाही. 370 सारखे कलम रद्द करत त्यांनी अखंड राखण्याचा प्रयत्न केला,” असे सांगत शिवेंद्रसिंहराजे यांनी भाजपचे कौतुक केले. तसेच “मी लोकसभेसाठी इच्छुक नसून मला राज्यात काम करायचे आहे,” अशी प्रतिक्रीया त्यांनी दिली.

“कार्यकर्त्यांवर अन्याय होत असेल तर काही निर्णय घ्यावे लागतात. मी कोणाचं सांगून काहीतरी करत नाही. मी दुसरं कोणाच्या सांगण्यावरून काही करत नाही. आम्ही दोघेही योग्य वेळी योग्य निर्णय घेण्यास सक्षम आहोत.” असे शिवेंद्रराजे यांनी म्हटले. तसेच “उमेदवारीचा निर्णय पक्ष घेईल, पण जनतेचा आणि माझा, मी केलेल्या कामावर विश्वास आहे. त्यामुळे मतदार पुन्हा एकदा संधी देतील”, असा विश्वासही शिवेंद्रराजेंनी बोलून दाखवला.

सातारा – भाजपच्या महाजनादेश यात्रेचे साताऱ्यात दुपारी आगमन झाले. त्यानंतर भव्य सभा भरवण्यात आली होती. यात नुकतंच भाजपात आलेले उदयनराजे भोसले, शिवेंद्रराजे भोसले यांनी भाजपाच्या व्यासपीठावर हजेरी लावली. यावेळी मुख्यमंत्र्यांचे स्वागत करतांना सर्वप्रथम शिवेंद्रराजे भोसले यांनी त्यांना तलवार भेट दिली तर उदयनराजेंनी मुख्यमंत्र्यांना पारंपारिक राजेशाही पगडी घालून त्यांचे स्वागत केले. यावेळी भाषण करताना उदयनराजेंनी काँग्रेस-राष्ट्रवादीवर आपली तोफ दागली. सत्ता असताना आमच्या मागण्यांकडे कायमच दुर्लक्षच करण्यात आले. आमच्या सर्व फायल्स थेट डस्टबीनमध्ये जायच्या असा आरोप त्यांनी केला. तसेच काँग्रेस आणि राष्ट्रवादीने आपल्या अवस्थेविषयी आत्मचिंतन करायला हवे असे ते म्हणाले.

‘कामं मार्गी लावणारी माणसं’
उदयनराजे भोसले यांनी आपल्या भाषणात मुख्यमंत्री देवेंद्र फडणवीस यांच्यावर कौतुकाचा वर्षावर केला. उदयनराजे भोसले म्हणाले, ‘देवेंद्र फडणवीस आणि चंद्रकांत पाटील ही कामं मार्गी लावणारी माणसं आहेत. त्यामुळं कामं करणाऱ्या माणसांसोबत आपण राहिलं पाहिजे. या हेतूने मी भाजपमध्ये दाखल झालो. आधीच्या सरकारमध्ये घोंगडं भिजत ठेवण्याची प्रवृत्ती होती. आपल्या जिल्ह्याचे एक सुपूत्र (पृथ्वीराज चव्हाण) मुख्यमंत्री होते. पण, साताऱ्याचा विकास काही झाला नाही. तेही मुख्यमंत्री होते आणि हेही मुख्यमंत्री आहेत. पण, कामं यांनीच मार्गी लावली.’

राष्ट्रवादी सरकार असताना लोकांच्या हिताचं काम झाल नाही
गेली 15 वर्षे मी त्यांच्यासोबत होतो. विचार केल्यानंतर कळालं की, एक तरी लोकांच्या हिताचं काम काँग्रेस एनसीपीच्या सरकार असताना झालं का? आम्ही मागण्या घेऊन जायचो तर आमच्या नावासमोर फुलीच होती. आमची फाइल जायची ती थेट डस्टबीनमध्ये जायची. असे अनेक वर्षे गेले. खरं पाहता त्यांनी आमचे कधीच काम नाही केलं. तर निदान राष्ट्रवादी काँग्रेस पक्षाने मला काही नाही तर एक सहनशीलतेचा पुरस्कार तरी द्यायला हवा होता, मात्र तेही माझ्या नशीबी नव्हतं असा टोलाही त्यांनी यावेळी लगावला, असा मिश्किल टोलाही त्यांनी लगावला.

पुढे ते म्हणाले, मी कामे करायचा प्रयत्न केला, पण कामाच्या बाबतीत मी जेव्हा जायचो तेव्हा माझ्या पदरी निराशाच पडली. जी कामे झाली ती रेटून केली म्हणून झाली. सत्तेत असताना एकाही रुपयाचं काम झालं नाही. काम करण्यासाठी मला भांडावं लागल. ही लोकशाहीची पद्धत नाही, मात्र तेव्हा माझ्याकडे पर्याय नव्हता. नंतर भाजप सरकार आल्यापासून अनेक कामे झाली. जवळपास 15 हजार कोटींची कामे झाली आहेत.

ईव्हीएमवर राजेंचा यु-टर्न

काँग्रेस-राष्ट्रवादीमध्ये असताना उदयनराजेंनी ईव्हीएमच्या मुद्द्यावरुन सत्ताधारी भाजप शिवसेना सरकावर प्रश्न उपस्थित केले होते. आता त्यांनी यावरही भाष्य केले आहे. ईव्हीएमवर मलाही संशय होता, एवढे मतदान या पक्षाला कसकाय मिळते, असा प्रश्न मलाही पडला होता. नंतर मी विचार की, देवेंद्रजींनी आतापर्यंत अनेक कामे केली आहेत, सर्व कामे मार्गी लावली. यामुळेच लोक त्यांचे काम पाहून मतदान करतात. लोकं नाव ठेऊ दे की, काहीही करो. मला ठाम विश्वास आहे की, ही सर्व सर्व कामाला लावणारी लोक नाही. तर कामं मार्गी लावणारी लोक आहेत. असे म्हणत, राजेंनी काँग्रेस-राष्ट्रवादीवर टीकांचा भडीमार केला तर भाजपची स्तुतीसुमनेही गायली.

उदयनराजेंच्या भाषणातील प्रमुख मुद्दे

> एक-दोन नाही, तर 15 वर्षांनंतर असा निर्णय मी का घेतला ? याचा विचार टीकाकरांनी करावा.
> 15 वर्षे आमच्या नावावर फुली होती; आमची फाईल डस्टबिनमध्ये टाकली जात होती. इतकं सहन केलं. त्यासाठी किमान राष्ट्रवादीनं मला शहनशीलतेचा तरी पुरस्कार द्यायला हवा होता.
> जी काम केली ती रेटून केली म्हणून झाली. सत्तेत असताना 1 रुपयांच काम झालं नाही.
> नळावर भांडण असतं तसं भांडाव लागलं.
> विरोधी खासदार असताना देखील युतीच्या काळात भाजपने साताऱ्यामध्ये 680 कोटी रुपयांची काम केली. 15 हजार कोटीची रेल्वेची कामे केली.
> मी विचार केला, यांनी 15 वर्षात केलं नाही मग आत्ता काय करणार. माझा बँड वाजवण्याचा कार्यक्रम त्यांनी आखला होता. माझा बँड कोणी वाजवू शकत नाही. कारण माझा बँड फक्त मीच वाजवतो. कारण मीच बँड मास्टर आहे.
> कृष्णा खोरे प्रकल्प हा काँग्रेस आणि त्याच्या मित्र पक्षाने राबवायला हवा होता. कृष्णा खोरेचे काम 2006 सालीच व्हायला हवं होतं. पण अद्याप ती कामं झालेली नाही.