• होम- ऑफिसमध्ये काम करताना योग्य पद्धतीने बसण्यासाठी टिप्सचा गाइडमध्ये समावेश

 मुंबई– फर्निचर क्षेत्रातील भारतातील आघाडीचा ब्रँड असलेल्या गोदरेज इंटेरियोने आज ‘स्टे हेल्दी. बी प्रॉडक्टिव्ह – अ वर्क फ्रॉम होम गाइड’ या खास गाइडचे अनावरण केल्याचे जाहीर केले. या गाइडमध्ये आधुनिक होम- ऑफिस सेटअपमधील आव्हाने आणि त्यावरच्या उपाययोजना देण्यात आल्या आहेत.

कोविड- 19 च्या उद्रेकामुळे सर्व भारतीय शहरांतील नोकरदार लोकसंख्येला अनपेक्षितपणे वर्क फ्रॉम होम (डब्ल्यूएफएच) करावे लागत असून बहुतेक व्यावसायिकांना याची सवय नसली आणि दरम्यान तंत्रज्ञान व मूलभूत सुविधांशी संबंधित आव्हाने येत असली, तरी त्यांना ही पद्धत आकर्षक वाटत आहे. गोदरेज इंटेरियोने आज विविध क्षेत्रांतील कंपन्यांसाठी डब्ल्यूएफएचचा पर्याय अनिश्चित काळासाठी व्यवहार्य व्हावा यासाठी मदत करणारे गाइड प्रकाशित केले आहे.

हे गाइड व्यावसायिकांना आरामदायीपणे काम करून अनावश्यक ताण व दुखापत टाळून त्यांची कार्यक्षमता सुधारण्यासाठी मदत करेल. घरी काम करण्यासाठी योग्य वातावरण असल्यास चुकीच्या पद्धतीने बसणे- उभे राहाणे टाळले जाऊन एमएसडीजला (मस्क्युलोस्केलेटल डिसऑर्डर) प्रतिबंध करता येईल.

 गोदरेज इंटेरियोचे मुख्य ऑपरेटिंग अधिकारी अनिल माथुर म्हणाले, ‘आधुनिक ऑफिसच्या कामाचे स्वरुप बैठे असल्यामुळे तसेच घरून काम करताना कित्येक तास बसून राहिल्यामुळे कर्मचाऱ्यांच्या आरोग्यावर चुकीचा परिणाम होऊ शकतो. अत्यानुधिक तंत्रज्ञानामुळे कुठूनही काम करणे शक्य झाले असले, तरी घरून काम करताना चुकीच्या पद्धतीने बसल्यामुळे आरोग्याच्या गंभीर समस्या तयार होऊ शकतात. लोक सोफा, बीन बॅगवर, पाय एकमेकांवर टाकून जमिनीवर बसून किंवा अगदी आडवे पडून काम करू शकतात. यामुळे त्यांच्या स्नायू यंत्रणेवर परिणाम होऊ शकतो. हे लक्षात घेऊन आम्ही वर्क फ्रॉम गाइड तयार केले आहे, ज्यात होम- ऑफिस सेटअपसाठी योग्य कार्यपद्धती (अर्गोनॉमिक्स) असण्याचे महत्त्व नमूद केले आहे. आजच्या आधुनिक कर्मचाऱ्यांच्या गरजा वेगळ्या आहेत आणि होम- ऑफिस सेटअपमधअये त्यांना सतत गुंतून ठेवणारे वातावरण तयार करणे आवश्यक आहे. घरी योग्य प्रकारच्या आसनाचा वापर केल्यास कामातून विश्रांती घेतल्यानंतर त्यांना थकवा, आखडलेले स्नायू आणि स्नायूंमध्ये गोळे येणे यांसारखे प्रकार टाळता येतात हे लक्षात येईल. यामुळे त्यांना जास्त कार्यक्षम व उत्पादनक्षम राहाण्यास मदत होईल.’

 नव्याने प्रकाशित करण्यात आलेल्या ‘वर्क फ्रॉम होम’ गाइडमध्ये आधुनिक कर्मचाऱ्यांसाठी पुढील टिप्स देण्यात आल्या आहेत –

• योग्य टेबल आणि खुर्ची – अर्गोनॉमिक खुर्ची आणि टेबलामध्ये पैसे गुंतवणे महत्त्वाचे आहे, कारण त्यामुळे दिवसभरात वेगवेगळ्या प्रकारे बसताना मदत होते. ज्या खुर्चीमध्ये पैसे गुंतवणार आहात, ती जास्तीत जास्त आराम देणारी हवी आणि त्यासाठी त्यात अडजस्टेबल सुविधा असणे आवश्यक आहे. त्याचप्रमाणे पाठ ताठ व सरळ राहावी यासाठीही आवश्यक त्या अडजस्टेबल सुविधा असणे गरजेचे आहे. टेबल योग्य उंचीचे असायला हवे. टायपिंग करतानाची सर्वात आदर्श स्थिती म्हणजे, हाताचे कोपर 90 अंशात असणे.
• टेबल स्वच्छ ठेवा (आणि वातावरणही) – तुमच्यासाठी कामाची वेगळी जागा असणे महत्त्वाचे आहे, कारण त्यामुळे एकाग्रता वाढते व व्यत्यय कमी होतात. सलग काही तास काम करताना जास्तीत जास्त आरामदायीपणे बसला आहात याची खात्री करा.

 योग्य अक्सेसरीज घ्या – स्क्रीनची उंची अयोग्य असल्यास मान आणि त्यासंदर्भातल्या समस्या वाढतात. कम्प्युटरचा पडदा वापरणाऱ्याच्या डोळ्यांच्या उंचीच्या समान रेषेत असायला हवा, म्हणजे त्याकडे पाहाण्यासाठी मान जास्त खाली किंवा वर करावी लागणार नाही. त्याशिवाय कीबोर्डवर टायपिंग करताना कम्प्युटरचा पडदा किमान एक हात दूर हवा. यासाठी दर्जेदार लॅपटॉप स्टँड, एक्स्टर्नल कीबोर्ड आणि माऊसमध्ये गुंतवणूक करणे केव्हाही चांगले होईल, कारण त्यामुळे कोणत्याही वेळेस काम करताना शरीरावर ताण येणार नाही.

स्मार्ट प्रॉप्स – काम करताना थोडा वेळ सोफा किंवा बीन बॅगवर बसायला हरकत नाही, मात्र अशावेळेस लॅपटॉपखाली उशी ठेवून त्याची उंची वाढवावी तसेच पाठीला आधार म्हणून उशांचा वापर करावा. आडवे पडून काम करणे टाळा, कारण त्यामुळे पाठ व संबधित दुखण्याच्या समस्या उद्भवू शकतील.

 फिरत राहा – खूप वेळ काम करताना अधेमधे जागेवरून उठणे फार महत्त्वाचे आहे. चहा- कॉफीसाठी ब्रेक घ्या, बाल्कनीमध्ये जा, बाहेरच्या शांततेचा आनंद घ्या, गप्पा मारण्यासाठी मित्र- मैत्रिणींना फोन करा किंवा मोबाइलमधील ईमेल्स तपासा. परत काम सुरू करण्यासाठी घरातल्या घरात फिरा. बसण्याची स्थिती योग्य असली, तरी खूप वेळ एकाच जागी बसल्यास शरीर व मनावर ताण येतो. ब्रेकमध्ये स्ट्रेचिंगसारखे सोपे व्यायाम करून रक्ताभिसरण सुधारता येईल.

उभे राहून काम करा – काही वेळ उभे राहून काम केल्यास पाठीचे दुखणे कमी होते, एकाग्रता वाढते आणि जलद काम करणे शक्य होते. त्यामुळे काही प्रमाणात कॅलरीजही खर्च होतात. त्याशिवाय अधेमधे थोड्या वेळासाठी ड्रेसर, इस्त्रीचे टेबल किंवा स्टोअरेज युनिट यांचा उंच वर्कस्टेशनसारखा वापर करता येईल.

• प्रकाशयोजना काळजीपूर्वक निवडा – तुम्ही काम करत असलेल्या खोलीत पुरेसा प्रकाश असेल याची खात्री करा. त्याचबरोबर नैसर्गिक उजेड यावा म्हणून खिडक्या उघड्या ठेवा. उजेड चमकत (ग्लेयर) असल्यास पडदे लावा किंवा योग्य अँगलमधे ब्लाइंड्स लावा. रात्रीच्या वेळेस रात्रीच्या वेळेस काम करताना टेबलावर दिवा लावा.

मुंबई: ‘भारतपे’ या भारतातील सर्वात मोठ्या मर्चंट पेमेंट व कर्जपुरवठादार कंपनीने ‘आयसीआयसीआय लोम्बार्ड’बरोबर भागिदारी करून खास दुकानदारांसाठी ‘कोविड-19 संरक्षण विमा योजना’ सादर केली आहे. करोनाची लागण झाल्याचे निदान झाल्यास दुकानदारांना रुग्णालयीन खर्चाव्यतिरिक्त या नव्या योजनेनुसार विमा उतरविलेल्या रकमेचा शंभर टक्के लाभ मिळणार आहे. दुकानदारांसाठी अनेक उपक्रम सादर करणाऱ्या ‘भारतपे’च्या कार्यक्रमांत हा नवीन उपक्रम अनोखी भर घालणार आहे. तसेच ‘आयसीआयसीआय लोम्बार्ड’चीदेखील ही व्यापाऱ्यांसाठीची अशा प्रकारची पहिलीच विमा योजना आहे.

या विम्याचे छत्र 25 हजार रुपये असून ते केवळ 199 रुपये इतक्या नाममात्र प्रीमियममध्ये मिळू शकेल. यामध्ये आरोग्य सहाय्य व चॅट/व्हर्च्युअल सहाय्य, दूरध्वनीवरून सल्ला आणि रुग्णवाहिका सहाय्य असे मूल्यवर्धित फायदेही पुरविण्यात येणार आहेत. या अनोख्या ‘कोविड-19 विमा संरक्षण’ कवचाचा लाभ 18 ते 65 या वयोगटातील व्यक्तींना घेता येईल.

या नवीन योजनेची माहिती देताना ‘भारतपे’चे मुख्य कार्यकारी अधिकारी व सहसंस्थापक अशनीर ग्रोव्हर म्हणाले, ‘’व्यापाऱ्यांचे कल्याण हे आमचे उद्दीष्ट आहे. करोना व्हायरसची साथ पसरत चालल्यामुळे व्यापाऱ्यांच्या हितासाठी आम्ही हे खास विमा संरक्षण तयार केले आहे. आयसीआयसीआय लोम्बार्ड व्यापाऱ्यांना आर्थिक सहाय्य पुरवणार आहे. करोनाची लागण झाल्यास त्याच्या पहिल्या निदानाच्या वेळीच दुकानदारांना एकरकमी साह्य म्हणून विमा उतरविलेली 100 टक्के रक्कम मिळेल. शा साथीच्या आजारांचा छोट्या व्यवसायांवर आर्थिक परिणाम होत असतो आणि दुकानदारांना त्यांची लागण होण्याचा सर्वाधिक धोका असतो. हा विमा ‘भारतपे अ‍ॅप’वर उपलब्ध आहे. पुढील काही दिवसांत आमच्या लाखो व्यापार्‍यांना डिजिटल पद्धतीने या विम्याचा लाभ घेता येईल, अशी आमची अपेक्षा आहे.’’

‘आयसीआयसीआय लोम्बार्ड’चे कार्यकारी संचालक संजीव मंत्री म्हणाले, “आयसीआयसीआय लोम्बार्डमध्ये आम्ही ग्राहकांना काळानुरूप सुसूत्र अशी उत्पादने नेहमीच पुरवित असतो, तसेच त्यांचे अतिरिक्त लाभ देऊ करीत असतो. करोना व्हायरसचा प्रादुर्भाव सर्वत्र होत असताना आम्ही त्या संदर्भात ‘कोविड-19 संरक्षण विमा कवच’ सादर केले आहे. ‘भारतपे’शी भागिदारी करून आम्ही त्यांच्या व्यापारी सदस्यांपर्यंत पोहोचू शकतो. या व्यापाऱ्यांना करोनाची लागण होण्याचा सर्वाधिक धोका असल्याने त्यांना हे विम्याचे संरक्षण आवश्यक आहे. ‘निभाये वादे’ (आम्ही वचन पाळतो) या ब्रॅंड मूल्यासह आम्ही ग्राहक व व्यावसायिक यांच्या विमासंबंधित गरजा पूर्ण करण्यास आम्ही कटिबद्ध आहोत.”

‘भारतपे’विषयी –

भारतीय व्यापाऱ्यांसाठी आर्थिक समावेशन प्रत्यक्षात आणण्याच्या दृष्टीने 2018  मध्ये ‘भारतपे’ची स्थापना अशनीर ग्रोव्हर आणि शाश्वत नाकरानी यांनी केली. ‘भारतपे’ने भारतातील पहिला ‘यूपीआय इंटरऑपरेबल क्यूआर कोड’ सादर केलेला आहे. तसेच देशातील पहिली ‘झीरो एमडीआर पेमेंट स्वीकृती सेवा’, पहिले ‘यूपीआय पेमेंट आधारीत मर्चंट कॅश अ‍ॅडव्हान्स प्रॉडक्ट’ आणि व्यापाऱ्यांना 12 टक्क्यांपर्यंत व्याज देऊ करणारी ‘पी2पी एनबीएफसी गुंतवणूक योजना’ ‘भारतपे’ने सुरू केली आहे. सध्या बंगळूर, दिल्ली, हैदराबाद, पुणे, मुंबई, जयपूर, अहमदाबाद, इंदूर, भोपाळ, नागपूर, चंदीगड, जोधपूर, लुधियाना, सूरत, पाटणा, करीमनगर, म्हैसूर, विशाखापट्टणम, विजयवाडा आणि वरंगळ या शहरांतील एकूण 40 लाख व्यापाऱ्यांना भारतपे सेवा देत आहे. 2019 पर्यंत या कंपनीचा व्यवसाय 30 पटींनी वाढलेला आहे. एका महिन्यात 5 कोटींहून अधिक व्यवहार करणारी (वार्षिक टीपीव्ही 2.7 अब्ज डॉलर) भारतपे ही देशातील ‘यूपीआय ऑफलाइन’ क्षेत्रातील अग्रगण्य कंपनी आहे. कंपनीने आतापर्यंत 140 कोटींहून अधिक रकमांची 25 हजार कर्जे वितरीत केलेली आहेत.

नवी दिल्ली, 30 मार्च (पीटीआय) – टीव्हीएस मोटर कंपनीने कोविड- 19 साथीविरोधात लढण्यासाठी पंतप्रधान रिलीफ फंडासाठी (पीएम – केयर्स) 25 कोटी रुपयांचा निधी दिल्याचे सोमवारी जाहीर केले.कंपनीने टीव्हीएस क्रेडिट सर्व्हिसेस लि., सुंदरम क्लेटन लि आणि अशा इतर कंपन्यांच्या वतीने हे योगदान दिले आहे.हे योगदान समाज समृद्ध आणि शाश्वत राहावा यासाठी कंपनीतर्फे सातत्याने केल्या जात असलेल्या प्रयत्नांचाच एक भाग असल्याचे टीव्हीएस मोटर कंपनीने प्रसिद्ध केलेल्या निवेदनात नमूद करण्यात आले आहे.समूहाचा सीएसआर विभाग असलेल्या श्रीनिवासन सर्व्हिसेस ट्रस्टतर्फे (एसएसटी) सध्या विविध उपक्रम केले जात असून त्याव्यतिरिक्त हा निधी देण्यात आला आहे.‘कोविद- 19 साथीचा हा काळ आधुनिक इतिहासातील सर्वात अनपेक्षित काळ मानला जात असून त्यावर मात करण्यासाठी मानवजातीला सर्वोत्तम प्रयत्न करावे लागणार आहे. या संघर्षात सरकार करत असलेल्या दमदार प्रयत्नांचे आम्ही कौतुक करतो. आज राष्ट्र म्हणून सर्वांनी अभूतपूर्व एकी दाखवण्याची अतिशय गरज आहे,’ असे टीव्हीएस मोटर कंपनीचे अध्यक्ष वेणू श्रीनिवासन म्हणाले.एसएसटीद्वारे मास्कसारख्या पूरक उपकरणांचे उत्पादन व पुरवठा, आरोग्यसेवा क्षेत्र आणि पोलिस अधिकाऱ्यांसाठी जेवणाचा पुरवठा असे उपक्रम हाती घेण्यात आले आहेत.

जॉर्जियामध्ये उभारण्यात आलेला गेल्या सात दशकांतील सर्वात मोठा ऊर्जा प्रकल्प

 हा प्रकल्प म्हणजे जॉर्जियाच्या ऊर्जा स्वावलंबनाच्या दिशेने उचलले गेलेले महत्त्वाचे पाऊल आहे. 

 मुंबई:  टाटा पॉवर, नॉर्वेचे क्लीन एनर्जी इन्व्हेस्ट (सीईआय) आणि इंटरनॅशनल फायनान्शियल कॉर्पोरेशन (आयएफसी) यांच्यातील भागीदारीने सुरु करण्यात आलेल्या ऍडजरिस्ट्सकली जॉर्जिया एलएलसी या कंपनीने शुआखेवी जलविद्युत प्रकल्पाच्या व्यावसायिक संचालनाचा शुभारंभ झाल्याची घोषणा केली आहे.  १७८ मेगावॅट क्षमतेचा हा जलविद्युत प्रकल्प नैऋत्य जॉर्जियामध्ये आहे.  एजीएल लवकरच ९ मेगावॅट क्षमतेचा स्खलता जलविद्युत प्रकल्प  सुरु करणार असून हा देखील एकंदरीत शुआखेवी जलविद्युत योजनेचा भाग आहे.

शुआखेवी जलविद्युत प्रकल्प हा जॉर्जियाच्या ऊर्जा क्षेत्रातील एकमेव असा प्रकल्प आहे ज्याला युरोपियन बँक ऑफ रिकन्स्ट्रक्शन अँड डेव्हलपमेंट (ईबीआरडी), एशियन डेव्हलपमेंट बँक (एडीबी) आणि जागतिक बँक समूहातील सदस्य आयएफसी या तीन सर्वात मोठ्या आर्थिक संस्थांनी वित्तपुरवठा केला आहे.

या प्रकल्पातून जवळपास ४५० जीडब्ल्यूएच शुद्ध ऊर्जेचे उत्पादन केले जाईल, ज्यामुळे ग्रीनहाऊस वायूंच्या उत्सर्जनात दरवर्षी २००,००० टनांपेक्षाही जास्त घट होईल.  या प्रकल्पाची उभारणी यशस्वीपणे पूर्ण होऊन व्यावसायिक संचालनाची सुरुवात होणे ही बाब जॉर्जियाची अखंडता, सुरक्षितता आणि ऊर्जा स्वावलंबनासाठी अत्यंत महत्त्वाची मानली जात आहे.  या प्रकल्पातून निर्माण केली जाणारी ऊर्जा फक्त जॉर्जियामध्ये संपूर्ण हिवाळ्यात विकली जाईल.  हिवाळ्यामध्ये जॉर्जियामध्ये मोठ्या प्रमाणावर ऊर्जा कमतरता भासत असते.

टाटा पॉवरचे सीईओ व मॅनेजिंग डायरेक्टर श्री. प्रवीर सिन्हा यांनी सांगितले, “शुआखेवी एचपीपीचे व्यावसायिक संचालन हा टाटा पॉवरसाठी आणि आमच्या भागीदारांसाठी अतिशय महत्त्वाचा टप्पा आहे.  शुआखेवी एचपीपी हा गेल्या ७० वर्षातील सर्वात मोठा आणि सर्वाधिक प्रभावी ऊर्जा प्रकल्प आहे.  १७८ मेगावॅट क्षमतेच्या शुआखेवी एचपीपीचे यश हे जॉर्जियाची अखंडता, सुरक्षितता आणि ऊर्जा स्वावलंबन यासाठी खूप महत्त्वाचे आहे.” 

 ऍडजरिस्ट्सकली जॉर्जिया एलएलसी ही टाटा पॉवर, नॉर्वेची क्लीन एनर्जी इन्व्हेस्ट आणि इंटरनॅशनल फायनान्शियल कॉर्पोरेशन – आयएफसी (जागतिक बँक समूहातील सदस्य) यांच्या भागीदारीतून सुरु करण्यात आलेली कंपनी असून प्रकल्पाचा एकंदरीत खर्च जवळपास ५०० मिलियन यूएस डॉलर्स इतका आहे.

टाटा पॉवरची संस्थापित जलविद्युत क्षमता जवळपास ५०० मेगावॅट आहे.  महाराष्ट्रात त्यांचे तीन प्रकल्प आहेत.  ही ऊर्जा देशांतर्गत बाजारपेठेसाठी वापरली जाते.  टाटा पॉवरने जवळपास एक शतकभर आधी महाराष्ट्रातील खोपोली येथे भारतातील पहिले हायड्रोइलेक्ट्रिक वीज निर्मिती केंद्र (क्षमता ४० मेगावॅट) उभारले आहे.

मुंबई:  भारतात आणि जगातील इतर अनेक भागांमध्ये कोविड-१९च्या प्रभावामुळे निर्माण झालेली परिस्थिती अतिशय चिंताजनक असून यावर तातडीने सर्वतोपरी कृती करणे आवश्यक आहे.  टाटा ट्रस्ट्सचे अध्यक्ष श्री. रतन एन टाटा यांनी सद्यस्थिती हाताळण्यासाठी काही कृतियोजनांची आणि ५०० कोटी रुपये बांधील केल्याची घोषणा केली आहे.

कोविड-१९ विरोधातील लढ्यासाठी आणि इतर पूरक कामांसाठी टाटा सन्स अतिरिक्त                  १००० कोटी रुपयांची मदत जाहीर करत आहे. टाटा ट्रस्ट्स आणि आमचे मानद अध्यक्ष                श्री. टाटा यांच्यासोबत आम्ही काम करू आणि त्यांच्या उपक्रमांना आमचा संपूर्ण पाठिंबा असेल.  आमच्या समूहची सर्व नैपुण्ये उपयोगात आणता यावीत यासाठी आम्ही सहकार्याने काम करू.

टाटा ट्रस्ट्सने आखलेल्या उपक्रमांच्या बरोबरीनेच आम्ही आवश्यक व्हेंटिलेटर्स देखील आणत आहोत आणि लवकरच भारतात त्यांचे उत्पादन केले जावे यासाठी तयारी करत आहोत.

सध्या आपला देश एका अभूतपूर्व स्थितीचा आणि संकटाचा सामना करत आहे.  आपण ज्यांना सेवा प्रदान करतो त्या समुदायांचे जीवनमान उंचावून त्यामध्ये सुधारणा घडवून आणण्यासाठी आपण सर्वांनी जे जे करणे आवश्यक आहे ते सर्व आपण केले पाहजे.