पुणे विभागातील 1 हजार 697 कोरोना बाधित रुग्ण बरे होऊन घरी
विभागात कोरोना बाधित 3 हजार 849 रुग्ण
-विभागीय आयुक्त डॉ.दीपक म्हैसेकर

पुणे दि. 14 :- पुणे विभागातील 1 हजार 697 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 3 हजार 849 झाली आहे. तर ॲक्टीव रुग्ण 1 हजार 949 आहेत. विभागात कोरोनाबाधीत एकुण 203 रुग्णांचा मृत्यू झाला आहे. तसेच 127 रुग्ण गंभीर असून उर्वरीत निरीक्षणाखाली आहेत.कालच्या बाधीत रुग्णांच्या संख्येच्या तुलनेत बाधीत रुग्णांच्या संख्येमध्ये पुणे जिल्हयात 94, सोलापूर जिल्हयात 9, सातारा जिल्हयात 1 तर व कोल्हापूर जिल्हयात 3 अशी रुग्ण संख्येमध्ये वाढ झालेली आहे, अशी माहिती विभागीय आयुक्त डॉ.दीपक म्हैसेकर यांनी दिली.
यापैकी पुणे जिल्हयातील 3 हजार 352 बाधीत रुग्ण असून 1 हजार 533 कोरोना बाधित रुग्ण बरे होवून घरी गेले आहेत. ॲक्टीव रुग्ण संख्या 1 हजार 641 आहे. कोरोनाबाधित एकूण 178 रुग्णांचा मृत्यू झाला आहे. तसेच 116 रुग्ण गंभीर असून उर्वरित निरीक्षणाखाली आहेत.
सातारा जिल्हयातील 124 कोरोना बाधीत रुग्ण असून 39 बाधित रुग्ण बरे होवून घरी गेले आहेत. ॲक्टीव रुग्ण संख्या 83 आहे. कोरोनाबाधित एकूण 2 रुग्णांचा मृत्यू झाला आहे.
सोलापूर जिल्हयातील 308 कोरोना बाधीत रुग्ण असून 87 बाधित रुग्ण बरे होवून घरी गेले आहेत. ॲक्टीव रुग्ण संख्या 200 आहे. कोरोनाबाधित एकूण 21 रुग्णांचा मृत्यू झाला आहे.
सांगली जिल्हयातील 41 कोरोना बाधीत रुग्ण असून 29 बाधित रुग्ण बरे होवून घरी गेले आहेत. ॲक्टीव रुग्ण संख्या 11 आहे. कोरोनाबाधित एकूण 1 रुग्णांचा मृत्यू झाला आहे.
कोल्हापूर जिल्हयातील 24 कोरोना बाधीत रुग्ण असून 9 बाधित रुग्ण बरे होवून घरी गेले आहेत. ॲक्टीव रुग्ण संख्या 14 आहे. कोरोनाबाधित एकूण 1 रुग्णांचा मृत्यू झाला आहे.
आजपर्यत विभागामध्ये एकुण 40 हजार 438 नमूने तपासणीसाठी पाठविण्यात आले होते, त्यापैकी 37 हजार 552 नमुन्यांचा अहवाल प्राप्त झाला आहे. तर 2 हजार 876 नमून्यांचा अहवाल प्रतीक्षेत आहे. प्राप्त अहवालांपैकी 33 हजार 654 नमून्यांचा अहवाल निगेटीव्ह असून 3 हजार 849 चा अहवाल पॉझिटिव्ह आहे. आजपर्यंत विभागामधील 1 कोटी 2 लाख 20 हजार 936 घरांचे सर्वेक्षण पूर्ण करण्यात आले असून त्याअंतर्गत 4 कोटी 41 लाख 94 हजार 348 व्यक्तींची तपासणी केली आहे. त्यापैकी 2 हजार 635 व्यक्तींना अधिक तपासणीसाठी संदर्भीत करण्यात आले आहे.

पुणे-कात्रज ची पेशवेकालीन धरणे ते मुठा नदीपर्यंत  निसर्गावर केलेल्या कॉंक्रीटच्या प्रहाराचे,  काही जीव गामावून ,लाखोंचे मोल दिल्यानंतरही पुणेकरांना याबाबतची गंभीरता लक्षात आली कि नाही ?असे वाटावे अशी परिस्थिती आहे अगदी कात्रजच्या धरणालगत जंगल नष्ट करून उभे करण्यात आलेले  लेक टाऊन पासून ते संपूर्ण आंबील ओढ्यावरील अतिक्रमणांना एवढे जीव जाऊन , एवढे सरकारी मोल देऊन हि कोणताही धोका पोहोचल्याचे दिसून आलेले नाही .काटकोनात वळविलेला नाला तेव्हा न पाहता बिल्डरला लाखो रुपये मोजून करोडोच्या सदनिका घेतलेले जेव्हा आपल्या मोटारी बुडाल्या तेव्हा जागे झाले आणि आता पुन्हा झोपले कि काय ? असा प्रश्न उपस्थित व्हाह अशीच स्थिती कायम आहे .गेल्यावर्षी झालेला महापूर आणि झालेली हानि  याची आठवण येता असे प्रश्न निर्माण होत आहे.

या भागातील  नगरसेविका अश्विनी कदमांच्या पुढाकाराने महापालिकेतील नगर अभियंता  प्रशांत वाघमारे यांच्या अध्यक्षतेखाली त्यांच्या कार्यालयात आंबील ओढ्याला दिनांक 25सप्टेंबर 2019 रोजी आलेल्या पुराच्या अनुषंगाने दिनांक16मार्च २०२० रोजी  बैठक झाली . मलनिस्सारण विभागाचे अधीक्षक अभियंता  प्रविण गेडाम   उद्यान अधीक्षक घोरपडे  बांधकामविभागाच्या हर्षदा शिंदे , सहकारनगर क्षेत्रीय कार्यालयाचे  लखानी , व प्राईममूव्ह संस्थेचे  विशाल उजागरे इत्यादी अधिकारी या  बैठकीस उपस्थित होते. यावेळी अनेक मुद्द्यांवर  चर्चा होऊन कार्यवाही करण्याचे ठरविण्यात आले होते.परंतु आजपर्यंत तरी  या संदर्भामध्ये ठरविण्यात आलेली कोणतीही कामे पूर्ण झालेली नाहीत.पावसाळा पंधरा-वीस दिवसांवर आलाय, पण पूर आला तेव्हा जेवढी अतिक्रमणे होती तेवढीच अतिक्रमणे आंबील ओढ्यावर अजूनही आहेत . त्याची रुंदी-खोली वाढवलेली नाही ,पुलांची उंची वाढवलेली नाही , अनावशक लोखंडी पूल काढून टाकलेले नाहीत . नाल्यातील सीमा भिंतीची कामे असो,ड्रेनेज लाईन,चेंबर असो किंवा इतर कामे ही जागेवर झालेलीच नाहीत.

जी कामे प्रशासनाने करायची ठरवली ती देखील झाली नाहीत हे सर्वात मोठे दुर्दैव आहे. अन्यथा लोक तर फ्लॅॅट घेताना पहात नाहीत आजू बाजू च्या निसर्गावर प्रहार करून ,निसर्गावर अगणित वार करून उभी राहिलेल्या बिल्डींग मध्ये फ्लॅॅट घेतून त्यांना मोठा मोठेपणा प्राप्त झाल्याचा आनंद होतो . करोडो रुपयांच्या नोटांचा  पूर  बिल्डर घेऊन जातो आणि नंतर आता होऊ नये तसं घडू लागलंय, निसर्गाकडून

आता या मानवी वृत्तीच्या दानाची परतफेड होऊ लागलीय . अधिकाऱ्यांना,प्रशासनाला दोष देणे सोडा ,पण दुर्दैवाने माणसेदेखील अजूनही जागी झाली नाहीत.निसर्गाचा कोणता कोप त्यांना अपेक्षित आहे तेच जाणोत .

पुणे, दि. 14 : सध्याच्या लॉकडाऊन काळात पुणे विभागात अन्नधान्य व भाजीपाल्याचा पुरेसा साठा उपलब्ध आहे. विभागात अंदाजे 30 हजार 887  क्विंटल अन्नधान्याची तर  9 हजार 272 क्विंटल भाजीपाल्याची आवक मार्केटमध्ये झाली आहे.  विभागात 3 हजार 265 क्विंटल फळांची आवक तसेच कांदा-बटाट्याची आवक 6 हजार 934  क्विंटल इतकी झाली आहे, अशी माहिती विभागीय आयुक्त डॉ. दीपक म्हैसेकर यांनी दिली आहे.

पुणे विभागात 13 मे 2020 रोजी 101.260 लाख लिटर दुधाचे संकलन झाले असून 23.946 लाख लिटर दुधाचे पॅकेजिंग स्वरुपात वितरण झाले आहे. तर उर्वरित दूध सुट्टया स्वरुपात वितरित करण्यात आले आहे, असेही डॉ. म्हैसेकर यांनी सांगितले.

पुणे विभागात 12 हजार 670 स्थलांतरित मजुरांची सोय

सध्याच्या लॉकडाऊन परिस्थितीत स्थलांतर केलेल्या मजुरांसाठी जिल्हा प्रशासनामार्फत 125 कॅम्प, कामगार विभागामार्फत 56  कॅम्प तर साखर कारखान्यांमार्फत 14 कॅम्प असे  पुणे विभागात एकुण 195  रिलीफ कॅम्प उभारण्यात आले आहेत. या कॅम्पमध्ये 12 हजार 670 स्थलांतरित मजूर असून  75 हजार 560 मजुरांना भोजन देण्यात येत आहे, अशी माहिती विभागीय आयुक्त डॉ. दीपक म्हैसेकर यांनी दिली.

पुणे- शिवाजीनगर-घोले पाटील क्षेत्रीय कार्यालया अंतर्गत असलेल्या पाटील इस्टेट, संगमवाडी व लोकशाहीर आण्णाभाऊ साठे चौक तसेच जुना तोफखाना परिसरातील कोरोना बाधित रुग्णांची संख्या लक्षात घेता जिल्हाधिकारी नवल किशोर राम व पशुसंवर्धन आयुक्त सचिंद्र प्रताप सिंह यांनी संयुक्तरित्या या परिसरातील उपाययोजनांबाबतची पाहणी केली. प्रशासनाकडून सुरू असलेल्या उपाययोजना अत्यंत प्रभावीपणे राबवा व कोरोना रुग्ण वाढणार नाहीत याची दक्षता घ्यावी, अशा सूचनाही त्यांनी संबंधित यंत्रणेला दिल्या.

शिवाजीनगरलगतच्या प्रतिबंधित क्षेत्राच्या पाहणी दरम्यान महानगरपालिकेच्या वॉर्ड अधिकारी श्रीमती शिंदे, आरोग्य अधिकारी, परिचारिका तसेच कर्मचारी उपस्थित होते.
कोरोना बाधित रुग्णांच्या संपर्कात आलेल्या नागरिकांच्या तपासणीवर भर देणे गरजेचे असल्याचे सांगून जिल्हाधिकारी राम म्हणाले, प्रतिबंधित क्षेत्रातील नागरिकांना मुलभूत सोयी- सुविधा पुरविण्यासाठी नियोजन करावे, सार्वजनिक स्वच्छतागृहांच्या स्वच्छतेवर भर देण्यासोबतच नागरिकांनी मास्क व सॅनिटायझर वापरणे आवश्यक आहे. प्रतिबंधित परिसरातील नागरिकांची गतीने आरोग्य तपासणी करा तसेच निश्चित केलेल्या कालावधीत अत्यावश्यक सेवेव्यतिरिक्त कुणाला येथून बाहेर जाता येणार नाही अथवा बाहेरून या ठिकाणी येता येणार नाही याबाबत दक्षता घेणे आवश्यक असल्याचे त्यांनी सांगितले.
महापालिकचे वॉर्ड अधिकारी श्रीमती शिंदे यांनी महापालिकेच्या वतीने प्रतिबंधित क्षेत्रात करण्यात येणाऱ्या विविध उपाययोजनांची माहिती दिली. यावेळी पुणे महानगरपालिका तसेच प्रशासनातील अधिकारी उपस्थित होते.

पुणे : “माणसाला जगण्यासाठी जसा ऑक्सिजन महत्वाचा आहे. तसाच देशाच्या अर्थकारणाला आकार देण्यासाठी सनदी लेखापाल (सीए) गरजेचा असतो. देशाच्या आर्थिक विकासाला चालना देणाऱ्या ‘सीए’ना देशासह परदेशातही मोठ्या संधी आहेत. त्यामुळे बारावीनंतर कोणीही सीए होऊ शकतो आणि आपल्या करिअरला योग्य वळण देऊ शकतो,” असे मत दि इन्स्टिट्यूट ऑफ चार्टर्ड अकाउंटंट्स ऑफ इंडियाच्या (आयसीएआय) कौन्सिलचे सदस्य सीए जय छायरा यांनी व्यक्त केले.

पुणे – ग्राहकांना अवघड वाटत असले तरी सुमारे 11 हजार पुणेकरांनी मद्य खरेदी साठी यशस्वी रित्या ई  टोकन घेऊन विना गर्दी, विना झंझट मद्य खरेदी केले आहे.

असे खरेदी करा मद्य
– ई-टोकनसाठी mahaexcise.com या संकेतस्थळावर नोंदणी करा.
– त्यात नाव, पत्ता, मोबाईल क्रमांक, मद्याचा प्रकार लिहा.
– पत्त्यातील पिनकोडनुसार दुकानांची यादी डिस्प्ले होईल.
– त्यानुसार ग्राहकाने जवळचे दुकान निश्‍चित करावे.
– त्यावर क्‍लिक केल्यानंतर अर्ध्या तासांचे स्लॉटस निश्‍चित होतील.
– ग्राहकाने स्लॉट निश्‍चित केल्यानंतर डिजिटल ई- टोकन तयार होईल.
– त्यानंतर ग्राहकाने त्या दुकानात जाऊन ई-टोकन दाखवून मद्य घ्यावे.

पुणे शहर, जिल्हा आणि पिंपरी चिंचवडमध्ये 179 दुकानांत हा प्रयोग सुरू झाला आहे. पुण्यात यशस्वी झाला तर राज्यात त्याची अंमलबजावणी करण्याचा उत्पादन शुल्क विभागाचा मानस आहे.
– संतोष झगडे, अधीक्षक, राज्य उत्पादन शुल्क विभाग

मद्य (दारू) खरेदी करण्यासाठी राज्य उत्पादन शुल्क विभागाने ई-टोकन प्रणाली सुरू केल्यावर मंगळवारी पहिल्याच दिवशी 10 हजार 877 पुणेकरांनी घरात बसून मद्य खरेदीसाठी नोंदणी करून डिलिव्हरी घेतली.

पुणे-नागरिकांना घरात बसून दुकानदाराची अपॉइंटमेंट घेऊन त्यानुसार मद्य खरेदी करता येणार आहे. mahaexcise.com या संकेतस्थळावर नोंदणी केल्यावर ग्राहकाला ई-टोकन मिळेल. त्यामुळे उन्हात रांगेत उभे राहून मद्य खरेदीच्या त्रासापासून ग्राहकांची सुटका होणार आहे. या वेबसाइटचे संचलन सुरळीतपणे सुरू राहील, यासाठी संबंधितांना सूचना दिल्याची माहिती राज्य उत्पादन शुल्क विभागाचे अधीक्षक संतोष झगडे यांनी दिली.राज्य सरकारने 5 मे पासून मद्यविक्रीची दुकाने सुरू करण्यास परवानगी दिलीत्यासाठी सकाळी 10 ते सायंकाळी 6 दरम्यान मद्यविक्रीची दुकाने उघडण्यास महापालिका आणि पोलिसांनी परवानगी दिली. मात्र, अनेक ठिकाणी रांगा लागत असल्यामुळे टोकन पद्धतीने मद्यविक्रीची सूचना उत्पादन शुल्क विभागाने केली. टोकन पद्धत रूळेपर्यंत ग्राहकांना नेहमीच्या पद्धतीनेही मद्यविक्री होणार आहे, असेही झगडे यांनी सांगितले.

पुणे – महापालिकेने जाहीर केलेल्या कंटेन्मेंट झोनमध्ये मोठ्या प्रमाणात तपासणी मोहीम सुरू केली असून, 1 लाखांपेक्षा अधिक नागरिकांची तपासणी केली आहे. आता प्रभावित पाच क्षेत्रीय कार्यालय परिसरांतील रेड झोनमधील सुमारे साडेसात लाख लोकांच्या स्क्रिनिंगचे काम हातात घेतले आहे. येत्या सात दिवसांत या भागातील प्रत्येक व्यक्‍तीची पूर्ण तपासणी करण्याचा निर्धार महापालिकेने केलाआहे.

येरवडा, भवानी पेठ, शिवाजीनगर-घोलेरस्ता, कसबा-विश्रामबाग वाडा, ढोले पाटील रस्ता या पाच क्षेत्रीय कार्यालयांच्या हद्दीत महापालिकेने स्वयंसेवी संस्थांच्या मोबाइल डिस्पेन्सरी व्हॅनच्या माध्यमातून 1 लाख 2 हजार नागरिकांची तपासणी केली आहे.त्यात 200 बाधित सापडले आहेत. महापालिका अतिरिक्‍त आयुक्‍त रुबल अग्रवाल यांनी सांगितले.

कंटेन्मेंट झोनमधील प्रत्येकाची तपासणी करण्याचे काम सध्या सुरू आहे. यासाठी महापालिकेच्या 13 मोबाइल डिस्पेन्सरी व्हॅनसह शहरातील स्वयंसेवी संस्थांच्या 60 व्हॅनही खासगी डॉक्‍टरांसह या कार्यात सहभागी झाल्या आहेत. या माध्यमातून आता रेड झोन, हॉटस्पॉटमधील दाट वस्ती आणि 8 प्रमुख झोपडपट्टी भागांवर लक्ष केंद्रित करून ट्रेसिंग आणि टेस्टिंगवर अधिक लक्ष देण्यात येत आहे.मोबाइल डिस्पेन्सरी व्हॅनच्या माध्यमातून आतापर्यंत केलेल्या तपासणीतून 200 जण करोनाबाधित असल्याचे आढळून आले असून, त्यांना विविध रुग्णालयांत उपचारासाठी दाखल केले आहे. तर ज्यांना करोना संबंधित लक्षणे आढळून आली आहेत, अशा नागरिकांना त्यांच्या घरापासून दूरच्या क्‍वारंटाईन सेंटरमध्ये न हलवता, त्याच परिसरातील शाळांमध्ये क्‍वारंटाईन करण्यात येत आहे. परिणामी संबंधित व्यक्‍तीही या क्‍वारंटाईन होण्यास तयार होत असून, यामुळे आपण घरापासून दूर नसल्याची भावनाही त्यांच्यात निर्माण होत असल्याचे अग्रवाल यांनी सांगितले.

पुणे- शहरामध्ये कोरोना विषाणूने थैमान घातले असताना या आपत्कालीन परिस्थितीमध्ये रुग्णांची ने आण करण्याचे काम करणाऱ्या रुग्णवाहिका चालकांच्या सुरक्षेकडे मात्र दुर्लक्ष होत होते, अखेर शिवसेनेचे गटनेते पृथ्वीराज सुतार यांनी केलेल्या पाठपुराव्यानंतर पुणे महापालिकेकडून रुग्णवाहिका चालकांना सुरक्षा किट उपलब्ध करून देण्यात आले आहेत.

आज कोथरुड येथे सुतार यांच्याकडून महापालिकेने उपलब्ध केलेले १०० पीपीई किट, १०० मास्क , १०० हॅन्डग्लोव्ह्ज ,सॅनिटायझर्स पुणे जिल्हा अँम्ब्युलन्स असोसिएशनच्या सदस्यांकडे देण्यात आले.
या अडचणीच्या परिस्थितीमध्ये आम्ही रुग्णवाहिका चालक, मालक, सेवक या कोविड-१९ च्या रुग्णाची ने आण करीत आहोत.

आमच्या पुणे जिल्हा अँम्ब्युलन्स असोसिएशनचे ४५० -५०० सभासद आहेत. असोसिएशन मार्फत आमची सेवा पुणे मनपा प्रशासन, जिल्हा रुग्णालय, ससून रुग्णालय व इतर खाजगी हॉस्पिटलला चालू आहे.

परंतु हे काम करीत असताना आमच्या चालक व सहाय्यक यांच्या सुरक्षिततेची कोणतीच काळजी घेतली जात नव्हती, आम्ही जीवावर उदार होऊन हे काम करीत होतो. आम्ही आमची अडचण ‘ शिवसेना ‘ गटनेते, नगरसेवक पृथ्वीराज सुतार यांच्या कानावर घातली, त्यांनी आमच्या अडचणीचे गांभीर्य लक्षात घेऊन, त्वरित महापालिका आयुक्त, आरोग्यधिकारी यांच्याकडे लेखी पत्राद्वारे आम्हाला सुविधा पुरविण्याची मागणी केली होती.सुतार यांनी केलेल्या पाठपुराव्यानंतर आज आम्हाला सुरक्षा किट मिळाल्याचे असोसिएशन चे सचिव गोपाल जांभे, उपसचिव अब्बास अली इनामदार यांनी सांगितले.