पुणे विभागातील 18 हजार 824 कोरोना बाधित रुग्ण बरे होऊन घरी विभागात कोरोना बाधित 31 हजार 31 रुग्ण-विभागीय आयुक्त डॉ.दीपक म्हैसेकर

पुणे:-पुणे विभागातील 18 हजार 824 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 31 हजार 31 झाली आहे. तर ॲक्टीव रुग्ण 11 हजार 51 आहे. विभागात कोरोनाबाधीत एकुण 1156 रुग्णांचा मृत्यू झाला आहे. तसेच 600 रुग्ण गंभीर असून उर्वरीत निरीक्षणाखाली आहेत. पुणे विभागामध्ये बऱ्या होणा-या रुग्णांचे प्रमाण 60.66 टक्के आहे, तर मृत्यूचे प्रमाण 3.73 टक्के आहे,अशी माहिती विभागीय आयुक्त डॉ.दीपक म्हैसेकर यांनी दिली.
यापैकी पुणे जिल्हयातील 25 हजार 732 बाधीत रुग्ण असून कोरोना बाधित 15 हजार 364 रुग्ण बरे होवून घरी गेले आहेत. ॲक्टीव रुग्ण संख्या 9 हजार 560 आहे. कोरोनाबाधित एकूण 808 रुग्णांचा मृत्यू झाला आहे. तसेच 420 रुग्ण गंभीर असून उर्वरित निरीक्षणाखाली आहेत. पुणे जिल्हयामध्ये ब-या होणा-या रुग्णांचे प्रमाण 59.71 टक्के आहे. तर मृत्यूचे प्रमाण 3.14 टक्के इतके आहे.
कालच्या बाधीत रुग्णांच्या संख्येच्या तुलनेत पुणे विभागात बाधीत रुग्णांच्या संख्येमध्ये एकूण 1 हजार 334 ने वाढ झाली आहे. यामध्ये पुणे जिल्ह्यात 1 हजार 174, सातारा जिल्ह्यात 43, सोलापूर जिल्ह्यात 86, सांगली जिल्ह्यात 11 तर कोल्हापूर जिल्ह्यात 20 अशी रुग्ण संख्येमध्ये वाढ झालेली आहे.
सातारा जिल्हयातील कोरोना बाधीत 1188 रुग्ण असून 757 बाधित रुग्ण बरे होवून घरी गेले आहेत. ॲक्टीव रुग्ण संख्या 383 आहे. कोरोनाबाधित एकूण 48 रुग्णांचा मृत्यू झाला आहे.
सोलापूर जिल्हयातील 2 हजार 813 कोरोना बाधीत रुग्ण असून 1 हजार 724 बाधित रुग्ण बरे होवून घरी गेले आहेत. ॲक्टीव रुग्ण संख्या 813 आहे. कोरोना बाधित एकूण 276 रुग्णांचा मृत्यू झाला आहे.
सांगली जिल्हयातील कोरोना बाधीत 410 रुग्ण असून 254 बाधित रुग्ण बरे होवून घरी गेले आहेत. ॲक्टीव रुग्ण संख्या 144 आहे. कोरोना बाधित एकूण 12 रुग्णांचा मृत्यू झाला आहे.
कोल्हापूर जिल्हयातील 888 कोरोना बाधीत रुग्ण असून 725 बाधित रुग्ण बरे होवून घरी गेले आहेत. ॲक्टीव रुग्ण संख्या 151 आहे. कोरोना बाधित एकूण 12 रुग्णांचा मृत्यू झाला आहे.
आजपर्यत विभागामध्ये एकुण 1 लाख 88 हजार 313 नमूने तपासणीसाठी पाठविण्यात आले होते, त्यापैकी 1 लाख 84 हजार 160 नमुन्यांचा अहवाल प्राप्त झाला आहे. तर 4 हजार 153 नमून्यांचा अहवाल प्रतीक्षेत आहे. प्राप्त अहवालांपैकी 1 लाख 52 हजार 781 नमून्यांचा अहवाल निगेटीव्ह असून 31 हजार 31 नमून्यांचा अहवाल पॉझिटिव्ह आहे.

पुणे,: राज्यातील कृषी पदविका व तंत्र निकेतन अभ्यासक्रमाची शेवटच्या वर्षाची परीक्षा रद्द करण्याचा निर्णय कृषी शिक्षण आणि संशोधन परिषदेच्या बैठकीत आज घेण्यात आला.
राज्य कृषी आणि शिक्षण संशोधन परिषदेची बैठक आज कृषिमंत्री दादाजी भुसे यांच्या अध्यक्षतेखालीझाली यावेळी कृषी राज्यमंत्री विश्वजीत कदम, परिषदेचे महासंचालक विश्वजीत माने, राज्याचे कृषी आयुक्त सुहास दिवसे यांच्यासह कृषी परिषदेचे संचालक उपस्थितहोते.
नाशिक जिल्ह्यातील मालेगाव तालुक्यातील काष्टी याठिकाणी कृषी व्यवस्थापन महाविद्यालय सुरू करण्याचा निर्णय परिषदेच्या बैठकीत घेण्यात आला. राहुरी कृषी विद्यापीठाच्याअंतर्गत हे महाविद्यालय सुरू होणार आहे तसेच भंडारा जिल्ह्यातील साकोली येथे शासकीय कृषी महाविद्यालय सुरू करण्याची घोषणा उपमुख्यमंत्री अजित पवार यांनी अर्थसंकल्पीय भाषणामध्ये केली होती. त्यानुसार साकोली मध्ये कृषी महाविद्यालय उभारण्याच्या निर्णयाला आज मंजुरी देण्यात आली.  अकोला कृषी विद्यापीठाच्या अंतर्गत हे महाविद्यालय सुरु करण्यात येणार असल्याचे कृषी मंत्री दादाजी भुसे यांनी सांगितले.
या बैठकीत झालेल्या निर्णयांची माहिती देताना कृषी राज्यमंत्री विश्वजीत कदम म्हणाले, राज्यातील कृषी पदविकाधारक विद्यार्थ्यांची परीक्षा जुलै महिन्यात घेण्यात येणार होती. परंतू कोरोना विषाणूचा वाढता प्रादुर्भाव आणि त्यामुळे निर्माण झालेल्या परिस्थितीचाविचार करुन परीक्षा रद्द करण्याचा निर्णय परिषदेने घेतला आहे. शेवटच्या वर्षातील विद्यार्थ्यांची परीक्षा रद्द होणार असल्यामुळे या विद्यार्थ्यांना आता गेल्या वर्षभरातील अंतर्गत गुणांचे मूल्यमापन करून तसेच गेल्या दोन वर्षातील गुणांची सरासरी विचारात घेऊन उत्तीर्ण केले जाईल. राज्यातील दोन वर्ष कालावधी व तीन वर्ष कालावधी च्या पदविका अभ्यासक्रम शिकणाऱ्या एकूण दहा हजार विद्यार्थ्यांचा समावेश या निर्णयात होणार आहे. या विद्यार्थ्यांना यंदाच्या वर्षातील अंतर्गत परीक्षेचे गुण आणि गेल्या दोन वर्षातील मिळालेल्या गुणांच्या सरासरी वर आधारित गुण घेऊन उत्तीर्ण केले जाणार आहे. यानिर्णयाचा फायदा राज्यातील 230 कृषी विद्यालयातील दहा हजार विद्यार्थ्यांना होणार आहे, असल्याचे ही कृषी राज्यमंत्री श्री कदम यांनी सांगितले.

पुणे,: पाचगाव पर्वती येथील तळजाई वनउद्यानात निसर्ग पर्यटन विकास आराखड्यासाठी 13 कोटी रुपये उपलब्‍ध करुन दिले जातील, अशी माहिती उपमुख्‍यमंत्री तथा जिल्‍ह्याचे पालकमंत्री अजित पवार यांनी दिली.

विभागीय आयुक्त कार्यालयात तळजाई वन उद्यान विकास आराखड्याबाबत उपमुख्यमंत्री अजित पवार यांच्या प्रमुख उपस्थितीत चर्चा करण्यात आली. यावेळी त्‍यांनी ही माहिती दिली.

यावेळी सामान्य प्रशासन राज्यमंत्री दत्तात्रय भरणे, आमदार माधुरी मिसाळ, स्थायी समितीचे अध्यक्ष हेमंत रासने, पुणे मनपा आयुक्त शेखर गायकवाड, अतिरिक्‍त आयुक्‍त रुबल अगरवाल, उपवन संरक्षक श्रीलक्ष्‍मी, नगरसेवक सर्वश्री आबा बागूल, आश्विनी कदम, सुभाष जगताप, माजी नगरसेवक आणि इतर पदाधिकारी उपस्थित होते.

 पुणे जिल्‍ह्याच्‍या विकास कामांसाठी कोणतीही आडकाठी आणली जाणार नाही, असे स्‍पष्‍ट करुन उपमुख्‍यमंत्री पवार म्‍हणाले,  पुणे शहराच्‍या दृष्टिने चांगल्‍या गोष्‍टी व्‍हाव्‍यात, या मताचा मी आहे. पाचगाव पर्वती या वनक्षेत्राचा निसर्ग पर्यटन आराखडा तयार करुन त्‍यास नागपूर येथील महाराष्‍ट्र निसर्ग पर्यटन विकास मंडळाची मंजुरी घेण्‍यात आलेली आहे. या आराखड्यासाठी राज्‍य शासनाच्‍यावतीने 13 कोटी रुपये उपलबध करुन दिले जातील.

यानंतर बैठकीत सेनापती बापट रोड ते पंचवटी पर्यायी रस्‍ता, मॉडर्न कॉलेज येथील पर्यायी रस्‍त्‍याबाबतही चर्चा झाली. यावेळी आमदार सिध्‍दार्थ शिरोळे, जिल्‍हाधिकारी नवल किशोर राम,  पुणे मनपा आयुक्त शेखर गायकवाड, पुणे प्रदेश विकास प्राधीकरणाचे महानगर आयुक्‍त विक्रमकुमार,  अतिरिक्‍त आयुक्‍त रुबल अगरवाल, उपवन संरक्षक श्रीलक्ष्‍मी, निवासी उपजिल्‍हाधिकारी डॉ. जयश्री कटारे आदी उपस्थित होते. 

पुणे : कोरोनामुळे केलेल्या लॉकडाऊन काळात चार महिन्यांपासून हातावर पोट असलेल्या सर्वसामान्यांचे आणि झोपड्पट्टीवासीयांचे अतोनात हाल सुरु आहेत. अशातच महावितरणने चार महिन्यांचे एकत्रित वीजबिल देऊन त्यांच्या अडचणीत भर घातली आहे. कष्टकरी वर्गाला दिलासा देण्यासाठी या चार महिन्याचे वीजबिल सरसकट माफ करावे, अशी मागणी रिपब्लिकन पार्टी ऑफ इंडिया (आठवले) ‘रिपाइं’ पुणे शहराच्या वतीने करण्यात आली. यासंदर्भातील मागण्यांचे निवेदन राज्याचे मुख्य अभियंता यांना देण्यात आले. मागण्या मान्य न झाल्यास ‘रिपाइं’च्या वतीने तीव्र आंदोलन करण्याचा इशाराही देण्यात आला. 
‘रिपाइं’चे शहराध्यक्ष अशोक शिरोळे यांच्या नेतृत्वाखाली रास्ता पेठेतील महावितरणच्या कार्यालयासमोर निदर्शने करण्यात आली. यावेळी ‘रिपाइं’ पश्चिम महाराष्ट्र युवक आघाडीचे अध्यक्ष परशुराम वाडेकर, शैलेंद्र चव्हाण, कार्याध्यक्ष संजय सोनावणे, बसवराज गायकवाड, सचिव बाबुराव घाडगे, महिपाल वाघमारे, महिला अध्यक्ष शशिकला वाघमारे, निलेश आल्हाट, मोहन जगताप, भगवान गायकवाड, वसंत बनसोडे, संदीप दांडोरे, जयदेव रंधवे, लियाकत शेख, रफिक दफेदार आदी कार्यकर्ते मोठ्या संख्येने उपस्थित होते.
“मार्चपासून लॉकडाऊन लागू केल्याने हातावर पोट असलेल्या सर्वसामान्य व झोपडपट्टी धारकांचे मोठे हाल झाले आहेत. घरकाम करणार्‍या महिला, रिक्षा व्यवसायिक, मोलमजुरी व फुटपाथवर व्यवसाय करणाऱ्या नागरिकांना मोठ्या अडचणींना सामोरे जावे लागत आहे. काम पूर्णपणे बंद असल्याने सर्वसामान्य व झोपडपट्टी धारकांवर हलाखीची परिस्थिती आली आहे. तसेच आजही अनेक भागांमध्ये कंटेनमेंट झोन लागू आहे. महावितरणने चार महिन्यांचे लाईट बिल दिले आहे. लॉकडाऊन शिथिल झाल्यानंतर सरकारची वागणूक अन्यायकारक असून, सर्वसामान्य व झोपडपट्टीधारकांना कठोर समस्यांना सामोरे जावे लागत आहे. त्यामुळे लॉकडाउनमधील चार महिन्यांचे वीजबिल सरसकट माफ करावे, झोपडपट्टीधारकांना नवीन वीज कनेक्शन मोफत द्यावे, लॉकडाउनपूर्वीच्या कीत वीजबिल धारकांना दिलेल्या हप्त्यांवर व्याज आकारू नये, परगावी अडकून पडलेल्या सर्वसामान्यांना घर बंद असतानाही आकारण्यात आलेले सरासरी वीज बिल माफ करावे, आदी मागण्या निवेदनात करण्यात आल्या आहेत.

पुणे विभागातील 17 हजार 911 कोरोना बाधित रुग्ण बरे होऊन घरी
विभागात कोरोना बाधित 29 हजार 697 रुग्ण
-विभागीय आयुक्त डॉ.दीपक म्हैसेकर

पुणे दि. 2 :- पुणे विभागातील 17 हजार 911 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 29 हजार 697 झाली आहे. तर ॲक्टीव रुग्ण 10 हजार 652 आहे. विभागात कोरोनाबाधीत एकुण 1134 रुग्णांचा मृत्यू झाला आहे. तसेच 537 रुग्ण गंभीर असून उर्वरीत निरीक्षणाखाली आहेत. पुणे विभागामध्ये बऱ्या होणा-या रुग्णांचे प्रमाण 60.31 टक्के आहे, तर मृत्यूचे प्रमाण 3.82 टक्के आहे,अशी माहिती विभागीय आयुक्त डॉ.दीपक म्हैसेकर यांनी दिली.
यापैकी पुणे जिल्हयातील 24 हजार 558 बाधीत रुग्ण असून कोरोना बाधित 14 हजार 494 रुग्ण बरे होवून घरी गेले आहेत. ॲक्टीव रुग्ण संख्या 9 हजार 274 आहे. कोरोनाबाधित एकूण 790 रुग्णांचा मृत्यू झाला आहे. तसेच 405 रुग्ण गंभीर असून उर्वरित निरीक्षणाखाली आहेत. पुणे जिल्हयामध्ये ब-या होणा-या रुग्णांचे प्रमाण 59.02 टक्के आहे. तर मृत्यूचे प्रमाण 3.22 टक्के इतके आहे.
कालच्या बाधीत रुग्णांच्या संख्येच्या तुलनेत पुणे विभागात बाधीत रुग्णांच्या संख्येमध्ये एकूण 1 हजार 449 ने वाढ झाली आहे. यामध्ये पुणे जिल्ह्यात 1237, सातारा जिल्ह्यात 95, सोलापूर जिल्ह्यात 83, सांगली जिल्ह्यात 16 तर कोल्हापूर जिल्ह्यात 18 अशी रुग्ण संख्येमध्ये वाढ झालेली आहे.
सातारा जिल्हयातील कोरोना बाधीत 1145 रुग्ण असून 743 बाधित रुग्ण बरे होवून घरी गेले आहेत. ॲक्टीव रुग्ण संख्या 355 आहे. कोरोनाबाधित एकूण 47 रुग्णांचा मृत्यू झाला आहे.
सोलापूर जिल्हयातील 2 हजार 727 कोरोना बाधीत रुग्ण असून 1 हजार 710 बाधित रुग्ण बरे होवून घरी गेले आहेत. ॲक्टीव रुग्ण संख्या 744 आहे. कोरोना बाधित एकूण 273 रुग्णांचा मृत्यू झाला आहे.
सांगली जिल्हयातील कोरोना बाधीत 399 रुग्ण असून 239 बाधित रुग्ण बरे होवून घरी गेले आहेत. ॲक्टीव रुग्ण संख्या 148 आहे. कोरोना बाधित एकूण 12 रुग्णांचा मृत्यू झाला आहे.
कोल्हापूर जिल्हयातील 868 कोरोना बाधीत रुग्ण असून 725 बाधित रुग्ण बरे होवून घरी गेले आहेत. ॲक्टीव रुग्ण संख्या 131 आहे. कोरोना बाधित एकूण 12 रुग्णांचा मृत्यू झाला आहे.
आजपर्यत विभागामध्ये एकुण 1 लाख 83 हजार 798 नमूने तपासणीसाठी पाठविण्यात आले होते, त्यापैकी 1 लाख 79 हजार 691 नमुन्यांचा अहवाल प्राप्त झाला आहे. तर 4 हजार 107 नमून्यांचा अहवाल प्रतीक्षेत आहे. प्राप्त अहवालांपैकी 1 लाख 49 हजार 652 नमून्यांचा अहवाल निगेटीव्ह असून 29 हजार 697 नमून्यांचा अहवाल पॉझिटिव्ह आहे.

( टिप :- दि. 2 जुलै 2020 रोजी दुपारी 3.00 वा. पर्यंतच्या आकडेवारीनुसार )
0000

पुणे : सारथी संस्थेच्या संदर्भातील सर्व प्रश्नांची सोडवणूक करणार असल्याचे सांगतानाच लवकरच सारथीच्या अडचणीसंदर्भात मंत्रीमंडळ बैठकीत चर्चा केली जाईल तसेच मराठा-कुणबी समाजातील जास्तीत जास्त विद्यार्थ्यांना कौशल्य विकासविषयक प्रशिक्षणाच्या माध्यमातून नोकऱ्या आणि रोजगार उपलब्ध करून देण्याबाबत प्रयत्न करणार असल्याचे इतर मागास बहुजन कल्याण मंत्री विजय वडेट्टीवार यांनी सांगितले. तसेच यावर्षीच्या अर्थसंकल्पात सारथीसाठी ५० कोटी रूपयांची तरतूद केली असल्याचेही त्यांनी यावेळी स्पष्ट केले.

जिल्हाधिकारी कार्यालयात श्री.वडेट्टीवार यांनी सारथी संस्थेच्या प्रश्नासंदर्भात आढावा घेतला. या बैठकीला जिल्हाधिकारी नवल किशोर राम, निवासी उपजिल्हाधिकारी डॉ.जयश्री कटारे, सामाजिक कार्यकर्ते अतुल लोंढे, सारथीचे अध्यक्ष अजित निंबाळकर आदींसह  अधिकारी उपस्थित होते.

मंत्री वडेट्टीवार म्हणाले,  केंद्रीय तसेच राज्य लोकसेवा आयोगाच्या परिक्षांमध्ये यश मिळविण्यात मराठा तसेच कुणबी समाजातील विद्यार्थ्यांचा टक्का वाढावा यासाठी सारथीच्या माध्यमातून यापुढेही व्यापक प्रमाणात प्रयत्न करण्यात येतील. कौशल्य विकास विषयक प्रशिक्षणाच्या माध्यमातून अधिकाधिक विद्यार्थ्यांना रोजगार मिळावा, आवश्यक पदे भरण्यात यावीत तसेच महिलांना प्राधान्य देण्यासोबतच विद्यार्थ्यांना अधिकाधिक नोकऱ्यांच्या उपलब्धतेसाठी संस्थेने प्रयत्न करावेत, अशा सूचनाही त्यांनी केल्या.

सारथीचे अध्यक्ष अजित निंबाळकर यांनी सारथीचे आगामी नियोजन तसेच अडचणीबाबत माहिती दिली. यावेळी सारथीचे पदाधिकारी तसेच अधिकारी उपस्थित होते.

पुणे-:’केंद्र सरकार ने राज्याला भरगोस निधी देऊन ही राज्य सरकार बारा बलुतेदारांना कुठल्याही प्रकारची मदत करत नाही हे अतिशय दुर्दवी आहे सरकार बारा बलुतेदारांना हेतुपुरस्सर डावलत आहे त्या मुळे जो पर्यंत सरकार आर्थिक पॅकेज जाहीर करत नाही तोपर्यंत आंदोलन करणार ‘असल्याचे प्रतिपादन खासदार गिरीश बापट यांनी केले.भारतीय जनता पार्टी पुणे शहराच्या वतीने शहराच्या आठही मतदारसंघात आंदोलनाचे आयोजन करण्यात आले होते याचा एक भाग म्हणून भारतीय जनता पार्टी कसबा मतदारसंघाच्या वतीने आज कसबा गणपती मंदिरासमोर आंदोलन करण्यात आले बापट पुढे म्हणाले मागील सरकार ने बारा बलुतेदारांना न्याय दिला ती गोष्ट आघाडी सरकारच्या काळात होत नाही बारा बलुतेदारांना या सरकार ने वाऱ्यावर सोडल्याचे चित्र दिसत आहे या सरकार ला जाग आणल्याशिवाय तसेच आर्थिक पॅकेज जाहीर केल्याशिवाय स्वस्थ बसणार नाही ही ग्वाही बापट यांनी दिली यावेळी खासदार गिरीश बापट भा ज प चे शहराध्यक्ष जगदीश मुळीक ,संघटन सचिव राजेश पांडे महाराष्ट्र प्रदेश युवा मोर्चा उपाध्यक्ष स्वरदा बापट सरचिटणीस राजेश येनपुरे गणेश घोष स्थायी समिती चे अध्यक्ष हेमंत रासने सभागृह नेते धीरज घाटे व अन्य नगरसेवक उपस्थित होते या आंदोलनाचे आयोजन संजय देशमुख ,छगन बुलाखे ,राजू परदेशी अमित कंक राजू काकडे गणेश पाचेरकर ,उमेश चव्हाण अजय तांबट भासमराज तिकोने,पुष्कर तुळजापूरकर यांनी केले या वेळी बारा बलुतेदारांचे प्रतिनिधी तसेच तुळशीबाग व्यापारी संघटनेचे पदाधिकारी उपस्थित होते