मुंबई, दि.२५: राज्यात आज ७२२७ रुग्ण बरे होऊन घरी गेले आहेत. रुग्ण बरे होण्याचे प्रमाण ५६.५५ टक्के असून आतापर्यत एकूण संख्या २ लाख ७ हजार १९४ झाली आहे. दरम्यान, आज कोरोनाच्या ९२५१ नवीन रुग्णांचे निदान झाले असून सध्या राज्यात १ लाख ४५ हजार ४८१ रुग्णांवर (ॲक्टिव्ह) उपचार सुरू आहेत, अशी माहिती आरोग्यमंत्री राजेश टोपे यांनी आज दिली.

आजपर्यंत पाठविण्यात आलेल्या १८ लाख ३६ हजार ९२० नमुन्यांपैकी ३ लाख ६६ हजार ३६८ नमुने पॉझिटिव्ह (१९.९४ टक्के) आले आहेत. राज्यात ८ लाख ९४ हजार ५०९ लोक होम क्वारंटाईनमध्ये आहेत. सध्या ४४ हजार ६०३ लोक संस्थात्मक क्वारंटाईनमध्ये आहेत. राज्यात आज २५७ करोनाबाधित रुग्णांच्या मृत्यूंची नोंद झाली असून सध्या राज्यातील मृत्यूदर ३.६५ टक्के एवढा आहे.

राज्यात नोंद झालेले  २५७  मृत्यू हे मुंबई मनपा-५२, ठाणे-३, ठाणे मनपा-९, नवी मुंबई मनपा-९,कल्याण-डोंबिवली मनपा-१२, उल्हासनगर मनपा-५, भिवंडी निजामपूर मनपा-९, मीरा-भाईंदर मनपा-२, वसई-विरार मनपा-७, पालघर-२, रायगड-३, पनवेल मनपा-३, नाशिक-४, नाशिक मनपा-८, धुळे- १, धुळे मनपा-१, जळगाव-५, जळगाव मनपा-४, नंदूरबार-१, पुणे-१७, पुणे मनपा-४५, पिंपरी-चिंचवड मनपा-१०, सोलापूर-८, सोलापूर मनपा-४,सातारा-१, कोल्हापूर-७, सांगली-२, सांगली मिरज कुपवाड मनपा-१, सिंधुदूर्ग-१, रत्नागिरी-५, औरंगाबाद मनपा-४, जालना-३, बीड-१, नांदेड-३, नांदेड-१, नांदेड मनपा-१, अकोला-१, अमरावती मनपा-१, बुलढाणा-१,नागपूर मनपा-१, वर्धा-१ या जिल्हा आणि मनपा क्षेत्रातील तर इतर राज्य १ अशी नोंद आहे.

राज्यातील जिल्हानिहाय ॲक्टिव्ह रुग्णांचा तपशील                                          

मुंबई: बाधित रुग्ण- (१,०८,०६०) बरे झालेले रुग्ण- (७८,८७६), मृत्यू- (६०३६), इतर कारणांमुळे झालेले मृत्यू-(२९४), ॲक्टिव्ह रुग्ण- (२२,८५४)

ठाणे: बाधित रुग्ण- (८४,८५१), बरे झालेले रुग्ण- (४५,८७४), मृत्यू- (२२९८), इतर कारणांमुळे झालेले मृत्यू-(१), ॲक्टिव्ह रुग्ण- (३६,६७८)

पालघर: बाधित रुग्ण- (१३,८४०), बरे झालेले रुग्ण- (८१५१), मृत्यू- (२९८), इतर कारणांमुळे झालेले मृत्यू-(०), ॲक्टिव्ह रुग्ण- (५३९१)

रायगड: बाधित रुग्ण- (१४,०८९), बरे झालेले रुग्ण-(९३३९), मृत्यू- (२६३), इतर कारणांमुळे झालेले मृत्यू-(२), ॲक्टिव्ह रुग्ण- (४४८५)

रत्नागिरी:  बाधित रुग्ण- (१४८६), बरे झालेले रुग्ण- (८१४), मृत्यू- (५४), इतर कारणांमुळे झालेले मृत्यू-(०), ॲक्टिव्ह रुग्ण- (६१८)

सिंधुदुर्ग: बाधित रुग्ण- (३२१), बरे झालेले रुग्ण- (२५२), मृत्यू- (६), इतर कारणांमुळे झालेले मृत्यू-(०), ॲक्टिव्ह रुग्ण- (६३)

पुणे: बाधित रुग्ण- (७३,००७), बरे झालेले रुग्ण- (२५,२५६), मृत्यू- (१७३८), इतर कारणांमुळे झालेले मृत्यू-(०), ॲक्टिव्ह रुग्ण- (४६,०१३)

सातारा:  बाधित रुग्ण- (२९८७), बरे झालेले रुग्ण- (१६२९), मृत्यू- (९७), इतर कारणांमुळे झालेले मृत्यू-(१), ॲक्टिव्ह रुग्ण- (१२६०)

सांगली: बाधित रुग्ण- (१३०१), बरे झालेले रुग्ण- (६०९), मृत्यू- (४५), इतर कारणांमुळे झालेले मृत्यू-(०), ॲक्टिव्ह रुग्ण- (६४७)

कोल्हापूर: बाधित रुग्ण- (३३२४), बरे झालेले रुग्ण- (१०२४), मृत्यू- (७१), इतर कारणांमुळे झालेले मृत्यू-(०), ॲक्टिव्ह रुग्ण- (२२२९)

सोलापूर: बाधित रुग्ण- (७४२९), बरे झालेले रुग्ण- (३४७३), मृत्यू- (४३५), इतर कारणांमुळे झालेले मृत्यू-(१), ॲक्टिव्ह रुग्ण- (३५२०)

नाशिक: बाधित रुग्ण- (१२,१८४), बरे झालेले रुग्ण- (६८८७), मृत्यू- (४२१), इतर कारणांमुळे झालेले मृत्यू-(०), ॲक्टिव्ह रुग्ण- (४८७६)

अहमदनगर: बाधित रुग्ण- (२८४४), बरे झालेले रुग्ण- (११८९), मृत्यू- (४८), इतर कारणांमुळे झालेले मृत्यू-(०), ॲक्टिव्ह रुग्ण- (१६०७)

जळगाव: बाधित रुग्ण- (८९२५), बरे झालेले रुग्ण- (५९७५), मृत्यू- (४६१), इतर कारणांमुळे झालेले मृत्यू-(०), ॲक्टिव्ह रुग्ण- (२४८९)

नंदूरबार: बाधित रुग्ण- (४९७), बरे झालेले रुग्ण- (२९५), मृत्यू- (२२), इतर कारणांमुळे झालेले मृत्यू-(०), ॲक्टिव्ह रुग्ण- (१८०)

धुळे: बाधित रुग्ण- (२३३३), बरे झालेले रुग्ण- (१५७२), मृत्यू- (९०), इतर कारणांमुळे झालेले मृत्यू-(२), ॲक्टिव्ह रुग्ण- (६६९)

औरंगाबाद: बाधित रुग्ण- (११,५४९), बरे झालेले रुग्ण- (६३६४), मृत्यू- (४३५), इतर कारणांमुळे झालेले मृत्यू-(०), ॲक्टिव्ह रुग्ण- (४७५०)

जालना: बाधित रुग्ण- (१७१८), बरे झालेले रुग्ण- (९०९), मृत्यू- (६७), इतर कारणांमुळे झालेले मृत्यू-(०), ॲक्टिव्ह रुग्ण- (७४२)

बीड: बाधित रुग्ण- (५२१), बरे झालेले रुग्ण- (१८९), मृत्यू- (१५), इतर कारणांमुळे झालेले मृत्यू-(०),ॲक्टिव्ह रुग्ण- (३१७)

लातूर: बाधित रुग्ण- (१४७६), बरे झालेले रुग्ण- (७०८), मृत्यू- (७०), इतर कारणांमुळे झालेले मृत्यू-(०), ॲक्टिव्ह रुग्ण- (६९८)

परभणी: बाधित रुग्ण- (४४१), बरे झालेले रुग्ण- (१९०), मृत्यू- (१७), इतर कारणांमुळे झालेले मृत्यू-(०), ॲक्टिव्ह रुग्ण- (२३४)

हिंगोली: बाधित रुग्ण- (५०८), बरे झालेले रुग्ण- (३५७), मृत्यू- (९), इतर कारणांमुळे झालेले मृत्यू-(०), ॲक्टिव्ह रुग्ण- (१४२)

नांदेड: बाधित रुग्ण- (१२१२), बरे झालेले रुग्ण (५४४), मृत्यू- (५२), इतर कारणांमुळे झालेले मृत्यू-(०), ॲक्टिव्ह रुग्ण- (६१६)

उस्मानाबाद: बाधित रुग्ण- (६३४), बरे झालेले रुग्ण- (३९८), मृत्यू- (३३), इतर कारणांमुळे झालेले मृत्यू-(०), ॲक्टिव्ह रुग्ण- (२०३)

अमरावती: बाधित रुग्ण- (१५८३), बरे झालेले रुग्ण- (१०८३), मृत्यू- (५१), इतर कारणांमुळे झालेले मृत्यू-(०), ॲक्टिव्ह रुग्ण- (४४९)

अकोला: बाधित रुग्ण- (२३२९), बरे झालेले रुग्ण- (१७९३), मृत्यू- (१०४), इतर कारणांमुळे झालेले मृत्यू-(१), ॲक्टिव्ह रुग्ण- (४३१)

वाशिम: बाधित रुग्ण- (४९७), बरे झालेले रुग्ण- (२७१), मृत्यू- (९), इतर कारणांमुळे झालेले मृत्यू-(०), ॲक्टिव्ह रुग्ण- (२१७)

बुलढाणा: बाधित रुग्ण- (९५४), बरे झालेले रुग्ण- (३०७), मृत्यू- (२६), इतर कारणांमुळे झालेले मृत्यू-(०), ॲक्टिव्ह रुग्ण- (६२१)

यवतमाळ: बाधित रुग्ण- (७१२), बरे झालेले रुग्ण- (४३६), मृत्यू- (२३), इतर कारणांमुळे झालेले मृत्यू-(०), ॲक्टिव्ह रुग्ण- (२५३)

नागपूर: बाधित रुग्ण- (३३३२), बरे झालेले रुग्ण- (१६२७), मृत्यू- (४१), इतर कारणांमुळे झालेले मृत्यू-(१), ॲक्टिव्ह रुग्ण- (१६६३)

वर्धा: बाधित रुग्ण- (११४), बरे झालेले रुग्ण- (५१), मृत्यू- (३), इतर कारणांमुळे झालेले मृत्यू-(१), ॲक्टिव्ह रुग्ण- (५९)

भंडारा: बाधित रुग्ण- (२०७), बरे झालेले रुग्ण- (१७०), मृत्यू- (२), इतर कारणांमुळे झालेले मृत्यू-(०), ॲक्टिव्ह रुग्ण- (३५)

गोंदिया: बाधित रुग्ण- (२३५), बरे झालेले रुग्ण- (२१६), मृत्यू- (३), इतर कारणांमुळे झालेले मृत्यू-(०), ॲक्टिव्ह रुग्ण- (१६)

चंद्रपूर:  बाधित रुग्ण- (३१३), बरे झालेले रुग्ण- (१९७), मृत्यू- (०), इतर कारणांमुळे झालेले मृत्यू-(०), ॲक्टिव्ह रुग्ण- (११६)

गडचिरोली: बाधित रुग्ण- (२३२), बरे झालेले रुग्ण- (१६९), मृत्यू- (१), इतर कारणांमुळे झालेले मृत्यू-(०), ॲक्टिव्ह रुग्ण- (६२)

इतर राज्ये: बाधित रुग्ण- (३२३), बरे झालेले रुग्ण- (०), मृत्यू- (४५), इतर कारणांमुळे झालेले मृत्यू-(०), ॲक्टिव्ह रुग्ण- (२७८)

एकूण: बाधित रुग्ण-(३,६६,३६८) बरे झालेले रुग्ण-(२,०७,१९४), मृत्यू- (१३,३८९), इतर कारणांमुळे झालेले मृत्यू-(३०४),ॲक्टिव्ह रुग्ण-(१,४५,४८१)

(टीप: बरे झालेल्या रुग्णांची जिल्ह्यानिहाय माहिती कोविड पोर्टलवरुन घेण्यात येते. जिल्हा स्तरावरुन सदर माहिती अद्ययावत करण्याची कार्यवाही करण्यात येत आहे. ही माहिती केंद्र सरकारच्या आय. सी. एम. आर.पोर्टलवर मान्यताप्राप्त प्रयोगशाळांनी भरलेल्या कोरोनाबाधित रुग्णांच्या आकडेवारी नुसार तयार करण्यात आलेली आहे. प्रयोगशाळा अहवाल छाननी आणि त्यानुसार उपलब्ध होणारी आकडेवारी ही सातत्याने चालणारी प्रक्रिया असल्याने राज्याच्या एकूण आकडेवारीमध्ये बदल होऊ शकतो.)

मुंबई दि. २५ :  कोविड१९ च्या पार्श्वभूमीवर  मुख्यमंत्री उद्धव ठाकरे यांनी स्वतःचा वाढदिवस सामाजिक उपक्रमांसह साजरा करण्याचे आवाहन केले आहे. याला प्रतिसाद देत परिवहनमंत्री अनिल परब आणि खासदार अरविंद सावंत यांनी  आज मुंबईतील शिवसेनेच्या विभागांसाठी रुग्णवाहिका उपलब्ध करून दिल्या. एकता मंच तसेच श्री.चैतन्य ओंकार ट्रस्ट यांच्या सहकार्याने १३ रुग्णवाहिकांचे तर जाणीव ट्रस्ट तर्फे १२ रुग्णवाहिकांचे लोकार्पण आज मुख्यमंत्र्यांच्या हस्ते करण्यात आले. राज्यासह मुंबईत झालेल्या कोरोनाच्या पार्श्वभूमीवर रुग्णवाहिकांची लागणारी गरज ओळखत आज त्या उपलब्ध करून देण्यात आल्या. कोरोनासारख्या आजारात शरीरातील ऑक्सिजनची मात्रा कमी होण्याची शक्यता असते त्यामुळेच या सर्व रुग्णवाहिका ऑक्सिजन सुविधेने सुसज्ज असून यात नवीन तंत्रज्ञानच्या स्ट्रेचरचा वापर करण्यात आला आहे. 
मुख्यमंत्री उद्धव ठाकरे यांनी देखील कौतुक करताना सांगितले की शिवसेनेच्या पिढ्यांप्रमाणेच रुग्णवाहिका देखील अद्ययावत झाल्या आहेत. रुग्णवाहिका आणि शिवसेना हे नाते जुने असल्याचे ते म्हणाले.

औरंगाबाद- जिल्ह्यातील कोरोना परिस्थितीचा आढावा घेण्यासाटी राष्ट्रवादीचे अध्यक्ष शरद पवार औरंगाबाद दौऱ्यावर आले होते. त्यांच्यासोबत राज्याचे आरोग्यमंत्री राजेश टोपे, जिल्ह्याचे पालकमंत्री सुभाष देसाई आणि इतर सर्वपक्षीय आमदार आणि खासदारांची उपस्थिती होती. यावेळी आरोग्यमंत्र्यांनी मोठी घोषणा केली आहे. ‘राज्याच्या आरोग्य विभागात मुलाखतीशिवाय कर्मचाऱ्यांची भरती होणार आहे’, अशी माहिती टोपे यांनी दिली.

माध्यमांशी बोलताना टोपे म्हणाले की, ‘आरोग्य विभागात आता मुलाखतीशिवाय कर्मचाऱ्यांची भरती होणार आहे. मेरिटवर थेट भरती करण्याला परवानगी मिळाली असून, राज्यात 17 हजार जागा लवकर भरल्या जाणार आहेत,’ अशी माहिती टोपे यांनी दिली. तसेच, राज्यातील मृत्यूदराबाबत बोलताना टोपे म्हणाले की, ‘राज्यात कोरोना परिस्थिती सकारात्मक आहे. धारावी, मालेगाव झिरोवर आले आहेत. प्रत्येक जिल्ह्यातील स्थिती सुधारत आहे. आमचा प्रयत्न हा मृत्यूदर कमी करणे आहे आणि त्यात यश मिळत आहे’, असेही टोपे यावेळी म्हणाले.

कोरोनाच्या संकटात काम करावंच लागेल- शरद पवार

राज्यभरात कोरोनाचा प्रादुर्भाव वाढत आहे. यावर बोलताना पवार म्हणाले की, ऑगस्टमध्ये कोरोना रुग्णांची संख्या वाढू शकते. असं तज्ञांच मत आहे. अशा वेळी सरकारी डॉक्टरांची जास्त गरज असणार आहे. तेव्हा खासगी डॉक्टरांनाही सरकारी करावंच लागेल, त्यांना या कामात पूर्णपणे लक्ष द्यावं लागेलं. यासोबतच रुग्णांना नकार देण्याचे प्रमाणही राज्यात वाढले आहे. यावर बोलताना पवार म्हणाले की, या कोरोनाच्या संकटात खासगी रुग्णालये आणि डॉक्टरांनीही डॉक्टरांनी पूर्ण सहकार्य करायलाच हवे. जर जिल्हाधिकाऱ्यांनी वैद्यकीय क्षेत्रातील लोकांकडे मदत मागितली तर त्यांना मदत मिळायलाच हवी. कोणी देत नसेल, तर हॉस्पिटल ताब्यात घेऊन समन्स देण्याचे अधिकार जिल्हाधिकाऱ्यांना आहेत. राज्यात सध्या बेड वाढवण्याची गरज आहे. ही एक कमतरता आहे. खासगी डॉक्टरांना या आजारात साथ द्यावी लागणार आहे.

एकूण जागा – १८

पदाचे नाव : ट्रान्झिशन कमांडर

वयोमर्यादा : कमाल वय ५३ वर्षे (मागसवर्गीयांना सवलत)

पदाचे नाव : कमांडर (पी १)

वयोमर्यादा : कमाल वय ५५ वर्षे (मागसवर्गीयांना सवलत)

शैक्षणिक पात्रता : फिजिक्स आणि मॅथेमॅटिक्स या विषयांसह १२ वी उत्तीर्ण तसेच इतर तांत्रिक अर्हतेसाठी मूळ जाहिरात पहावी.

अर्ज आणि अधिक माहितीसाठी : https://bit.ly/32RJ8DB   

एकूण जागा – १५

पदाचे नाव : फर्स्ट ऑफिसर (पी २)

वयोमर्यादा : कमाल वय ४५ वर्षे (मागसवर्गीयांना सवलत)

पदाचे नाव : सिनियर फर्स्ट ऑफिसर (पी २)

वयोमर्यादा : कमाल वय ५० वर्षे (मागसवर्गीयांना सवलत)

शैक्षणिक पात्रता : फिजिक्स आणि मॅथेमॅटिक्स या विषयांसह १२ वी उत्तीर्ण तसेच इतर तांत्रिक अर्हतेसाठी मूळ जाहिरात पहावी.

अर्ज आणि अधिक माहितीसाठी : https://bit.ly/3jEDQBp

अर्ज करण्याची अंतिम तारीख : १८ सप्टेंबर २०२०

अर्ज पाठविण्याचा पत्ता : Alliance Air, Alliance Bhawan, Domestic Terminal-१, IGI Airport, New Delhi ११००३७

मुंबई, दि. २५ : कोरोना आजाराच्या उपचारासाठी लागणारे रेमडेसीवर व टोसीलीझुमॅब या औषधाचा पुरवठा मर्यादित असल्याने काही गुन्हेगारी प्रवृत्तीचे लोक या औषधांचा काळाबाजार करीत असल्याच्या तक्रारी प्राप्त झाल्या असून अन्न व औषध प्रशासनामार्फत संपुर्ण राज्यभरात कारवाया वाढविण्याचे निर्देश अन्न व औषध प्रशासन मंत्री डॉ. राजेंद्र शिंगणे यांनी विभागाला दिले आहे. 

अन्न व औषध प्रशासन आणि पोलिस यंत्रणेने आता पर्यंत मुंबई व ठाणे येथे चार प्रकरणात कारवाई केली आहे, असे सांगुन डॉ. शिंगणे यांनी पुणे, नाशिक, औरंगाबाद येथुन येत असलेल्या तक्रारींकडे लक्ष वेधले आहे. औषधांच्या काळाबाजाराला रोखण्यासाठी राज्यभर कारवाया होणे गरजेचे असल्याचे त्यांनी म्हंटले आहे.

यासंदर्भात अन्न व औषध प्रशासनाला स्पष्ट सूचना दिल्या असून पोलिस गुप्तचर यंत्रणा व पोलिस प्रशासना मार्फत प्राधान्याने कारवाया करण्याच्या सूचना देण्यात याव्यात, अशी विनंती डॉ. शिंगणे यांनी राज्याचे मुख्यमंत्री उद्धव ठाकरे आणि गृहमंत्री अनिल देशमुख यांना एका पत्राद्वारे केली आहे.

मुंबई, दि. २५ : कल्याण येथील कोविड चाचणी प्रयोगशाळा आणि कल्याण तसेच डोंबिवली येथील समर्पित कोविड काळजी केंद्रांचे ऑनलाईन उदघाटन मुख्यमंत्री उद्धव ठाकरे यांच्या हस्ते झाले. पालकमंत्री एकनाथ शिंदे, खासदार डॉ. श्रीकांत शिंदे देखील उपस्थित होते.

यावेळी बोलताना मुख्यमंत्र्यांनी विशेषतः मुंबई महानगर क्षेत्र परिसरात कोविडचा वाढता प्रादुर्भाव रोखण्याच्या दृष्टीने आवश्यक त्या उपाययोजना करण्याचे निर्देश दिले. कोरोना संकटात महाराष्ट्र शासन खंबीर आहे. आरोग्याच्या सर्व सुविधा जनतेला उपलब्ध करून देण्यासाठी शासन कटीबद्ध आहे. वाढती रुग्णसंख्या रोखण्यासाठी तसेच व्हायरस प्रसाराला अटकाव करण्यासाठी एकत्रित दर्जेदार सुविधा निर्माण करण्याबरोबरच मोठ्या प्रमाणावर ट्रेसिंग करण्यावर भर देण्यात यावा अशा सुचना त्यांनी दिल्या.

रुग्ण सेवा अधिक महत्त्वाची

केवळ मोठमोठ्या सुविधा उभारून चालणार नाही, तर योग्य पद्धतीने रुग्ण सेवा, वैद्यकीय उपचार, पुरेशी ऑक्सिजन व्यवस्था तात्काळ उपलब्ध होणे गरजेचे आहे यावर भर  देण्यास सांगितले.

ढिलाई नको

संपूर्ण जगावर कोरोनाचे मोठे संकट आले. आज आपण या संकटाचा समर्थपणे मुकाबला करत आहे. आरोग्याच्या सुविधा वाढवत आहोत, ही समाधानाची बाब असून रुग्णांचा शोध, तपासणी व उपचार या बाबींवर भर देण्यात येत आहे. राज्यात 131 प्रयोग शाळा उभारण्यात आल्या आहेत.

कोरोनाबाधितांवर उपचारासाठी काही ठिकाणी आरोग्य सुविधांची तात्पुरत्या स्वरूपात उभारणी करण्यात आली असून येणाऱ्या काळात या सुविधा कायमस्वरूपी उपलब्ध करून देण्यात येणार आहेत. आरोग्य सुविधा आणि साथीचे प्रमाण व्यस्त आहे.  प्रभावी औषधे हातात येईपर्यंत आपल्याला अधिक सजग असणे आवश्यक आहे. गलथानपणा, ढिलाई आपल्याला परवडणारी नाही. आपल्याकडे सुरु असलेल्या उपचारांची गाईडलाईन तपासून घेणे आवश्यक आहे. राज्याच्या टास्कफोर्स कडून संबंधित यंत्रणेला मार्गदर्शन उपलब्ध करुन देण्यात येईल असेही त्यांनी सांगितले.

या संकटात सर्व यंत्रणा न डगमगता पाय रोवून उभे राहिलात त्यामुळे तुमचे मन:पूर्वक धन्यवाद देतो असे सांगुन ते म्हणाले की,संपूर्ण राज्यात जेथे आवश्यकता असेल तेथे प्रयोगशाळा तसेच आवश्यक त्या सुविधा उपलब्ध करुन देण्यासाठी सर्वोतोपरी सहाय्य देण्यात येईल. कोरोना व्हायरसला हरविणे हे आपल्यासमोरील मोठे आव्हान असले तरी आपण एकजुटीने त्यावर मात करु असा विश्वासही मुख्यमंत्री ठाकरे यांनी व्यक्त केला.

कोरोनाच्याबाबत नागरिकांच्या मनातील भय दूर करण्याबरोबरच त्यांना दिलासा देण्याबरोबरच  समुपदेशन उपलब्ध करुन देण्यात यावे असेही त्यांनी सांगितले. डोंबिवली पूर्व येथील दावडी गावात कच्छी कडवा पाटीदार समाज, मुंबई यांनी पाटीदार भवनाची प्रशस्त जागा महापालिकेस उपलब्ध करुन दिली असून सदर इमारत ही तळ + 4 मजल्याची आहे. पहिल्या मजल्यावरील सुमारे 5000 स्क्वे.फीट च्या प्रशस्त जागेत 70 बेड त्यापैकी 60 ऑक्सिजन सुविधा असलेले व 10 सेमी आयसीयू बेड असणार असून दुसऱ्या मजल्यावर काम करणारे डॉक्टरर्स, त्यांचा रहिवास, रेस्ट रुम, त्यांचे कार्यालय असणार आहे. तिसऱ्या मजल्यावरती 5000 स्के.फीटच्या प्रशस्त जागेत ऑक्सिजन सुविधा असलेले 70 बेड व 4 थ्या मजल्यावर देखील ऑक्सिजन सुविधा असलेले 70 बेड रुग्णांकरिता उपलब्ध असणार आहेत. बेसमेंटमध्ये कॅन्टींग सुविधा उपलब्ध असून सीसीटीव्ही कॅमेरे व रुग्णांकरिता उदवाहन देखील पाटीदार समाजाने पुरविले आहे. सदर रुग्णालयात रुग्णांसाठी पंखे, वॉयफाय सिस्टिम तसेच रुग्णांचे तणावरहीत वातावरणात राहण्यासाठी मंद सुरावटीची व्यवस्था देखील करण्यात आलेली आहे. सदर रुग्णालयात 1 रुपी क्लिनिक डॉ. राहुल घुले यांचेमार्फत चालविण्यात येणार असून एकुण 2 एमडी फिजीशियन, 25 निवासी डॉक्टर, 50 परिचारिका व 30 हाऊसकिपींगचा स्टाफ रुग्णांचा सेवेसाठी तैनात राहणार आहे.

कोविड आरोग्य केंद्र कल्याण

कल्याण पश्चिम येथील आसरा फाऊंडेशनच्या प्रशस्त जागेत कोविड आरोग्य केंद्र उभे राहत असून त्यामध्ये 100 ऑक्सिजनचे बेड, 84 नार्मल बेड, 10 सेमी आयसीयू बेडची सुविधा रुग्णांसाठी उपलब्ध आहेत. या सेंटरमध्ये 12 डॉक्टरर्स, 20 नर्सेस, 20 वॉर्ड बॉय आणि फिज‍िशियन देखील उपलब्ध असतील.

कल्याण येथे सुसज्ज प्रयोगशाळा

कल्याण पश्चिम गौरीपाडा येथे महापालिकेचे स्वत:चे सुसज्ज स्वॅब चाचणी केंद्र पी.पी.पी. तत्वावर क्रष्णा डायग्नोस्टिक यांच्या माध्यमातून तयार होत असून तेथे दररोज 3000 चाचण्या होवू शकतात.

यावेळी पालकमंत्री तथा नगरविकास मंत्री एकनाथ शिंदे यांनी देखील कोरोनाची आव्हान पेलण्यासाठी ठाणे जिल्हा सज्ज असून येणाऱ्या काळात या भागातील संसर्ग परिणामकारकरित्या रोखू तसेच उत्तम सुविधांची उभारणी करू असा विश्वास व्यक्त केला. कल्याण डोंबिवली महापालिका परिसरात रुग्णांचे वाढते प्रमाण लक्षात घेता कॉन्टॅक्ट ट्रेसिंगचे प्रमाण मोठ्या प्रमाणावर वाढविले आहे.  महापालिका व लोकप्रतिनिधी एकत्र मिळुन काम करतायेत त्यामुळे नागरिकांना दिलासा मिळतो आहे असे सांगितले. तसेच महापालिकांना आर्थिक मर्यादा आहेत परंतु मुख्यमंत्री महोदयांच्या मार्गदर्शनानुसार आवश्यक त्या सुविधा   उपलब्ध होत आहेत. ट्रॅकींग व ट्रेसिंगवर विशेष भर देण्यात येत असून येथील नागरिकांना सर्व सुविधा कल्याणमध्येच उपलब्ध करुन देण्यात आल्या असल्याचेही श्री. शिंदे यांनी सांगितले.

मनपा आयुक्त डॉ. विजय सूर्यवंशी यांनी कोरोनाचा मुकाबला करण्यासाठी कल्याण डोंबिवली महानगरपालिका काय उपाययोजना करीत आहे त्याविषयी सांगितले.

यावेळी खासदार श्रीकांत शिंदे, सर्वश्री आमदार राजू पाटील, विश्वनाथ भोईर, रवींद्र चव्हाण महापौर विनिता राणे, सभापती स्थायी समिती विकास म्हात्रे, विरोधी पक्ष नेते राहुल दामले, जिल्हाधिकारी राजेश नार्वेकर यांसह नगरसेवक, मनपा अधिकारी उपस्थित होते.