पुणे विभागातील 62 हजार 370 कोरोना बाधित रुग्ण बरे होऊन घरी
विभागात कोरोना बाधित 1 लाख 3 हजार 411 रुग्ण
-विभागीय आयुक्त डॉ.दीपक म्हैसेकर

पुणे :- पुणे विभागातील 62 हजार 370 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 1 लाख 3 हजार 411 झाली आहे. तर ॲक्टीव रुग्ण 38 हजार 271 आहे. विभागात कोरोनाबाधीत एकुण 2 हजार 770 रुग्णांचा मृत्यू झाला आहे. तसेच 1 हजार 21 रुग्ण गंभीर असून उर्वरीत निरीक्षणाखाली आहेत. पुणे विभागामध्ये बरे होणा-या रुग्णांचे प्रमाण 60.31 टक्के आहे. तर मृत्यूचे प्रमाण 2.68 टक्के इतके आहे, अशी माहिती विभागीय आयुक्त डॉ.दीपक म्हैसेकर यांनी दिली.
यापैकी पुणे जिल्हयातील 82 हजार 924 बाधीत रुग्ण असून कोरोना बाधित 52 हजार 450 रुग्ण बरे होवून घरी गेले आहेत. ॲक्टीव रुग्ण संख्या 28 हजार 542 आहे. यामध्ये पुणे महानगरपालिका क्षेत्रातील 19 हजार 170 , पिंपरी चिंचवड महानगरपालिका क्षेत्रातील 6 हजार 822, जिल्हा शल्य चिकीत्सक यांचेकडील 105 , पुणे कॅन्टोंन्मेंट 144, खडकी विभागातील 20, ग्रामीण क्षेत्रातील 2 हजार 281, यांच्याकडील रुग्णांचा समावेश आहे.
पुणे जिल्हयात कोरोनाबाधित एकूण 1 हजार 932 रुग्णांचा मृत्यू झाला आहे. यामध्ये पुणे महानगरपालिका क्षेत्रातील 1 हजार 315, पिंपरी चिंचवड महानगरपालिका क्षेत्रातील 350, जिल्हा शल्य चिकीत्सक यांच्याकडील 58, पुणे कॅन्टोंन्मेंट 31 , खडकी विभागातील 41 , व ग्रामीण क्षेत्रातील 137, रुग्णांचा समावेश आहे. तसेच 738 रुग्ण गंभीर असून उर्वरित निरीक्षणाखाली आहेत. पुणे जिल्हयामध्ये बरे होणा-या रुग्णांचे प्रमाण 63.25 टक्के आहे. तर मृत्यूचे प्रमाण 2.33 टक्के इतके आहे.
कालच्या बाधीत रुग्ण संख्येच्या तुलनेत पुणे विभागात बाधीत रुग्णांच्या संख्येमध्ये एकूण 4 हजार 754 ने वाढ झाली आहे. यामध्ये पुणे जिल्ह्यात 3 हजार 825, सातारा जिल्ह्यात 162 , सोलापूर जिल्ह्यात 204, सांगली जिल्ह्यात 222 तर कोल्हापूर जिल्ह्यात 341 अशी रुग्ण संख्येमध्ये वाढ झालेली आहे.
सातारा जिल्हयातील कोरोना बाधीत 3 हजार 824 रुग्ण असून 1 हजार 982 बाधित रुग्ण बरे होवून घरी गेले आहेत. ॲक्टीव रुग्ण संख्या 1 हजार 713 आहे. कोरोनाबाधित एकूण 129 रुग्णांचा मृत्यू झाला आहे.
सोलापूर जिल्हयातील 8 हजार 443 कोरोना बाधीत रुग्ण असून 4 हजार 817 बाधित रुग्ण बरे होवून घरी गेले आहेत. ॲक्टीव रुग्ण संख्या 3 हजार 143 आहे. कोरोना बाधित एकूण 483 रुग्णांचा मृत्यू झाला आहे.
सांगली जिल्हयातील कोरोना बाधीत 2 हजार 169 रुग्ण असून 612 बाधित रुग्ण बरे होवून घरी गेले आहेत. ॲक्टीव रुग्ण संख्या 1 हजार 487 आहे. कोरोना बाधित एकूण 70 रुग्णांचा मृत्यू झाला आहे.
कोल्हापूर जिल्हयातील 6 हजार 51 कोरोना बाधीत रुग्ण असून 2 हजार 509 बाधित रुग्ण बरे होवून घरी गेले आहेत. ॲक्टीव रुग्ण संख्या 3 हजार 386 आहे. कोरोना बाधित एकूण 156 रुग्णांचा मृत्यू झाला आहे.
आजपर्यत विभागामध्ये एकुण 5 लाख 1 हजार 356 नमूने तपासणीसाठी पाठविण्यात आले होते, त्यापैकी 4 लाख 95 हजार 680 नमुन्यांचा अहवाल प्राप्त झाला आहे. प्राप्त अहवालांपैकी 1 लाख 3 हजार 411 नमून्यांचा अहवाल पॉझीटीव्ह आहे.

( टिप :- दि. 31 जुलै 2020 रोजी दुपारी 3.00 वा. पर्यंतच्या आकडेवारीनुसार )

कोरोना साथीच्या पार्श्वभूमीवर निर्णय

पुणे:-कोरोना विषाणू साथीच्या पार्श्वभूमीवर सामूहिक नमाज पठण करू नये, या आवाहनाचे पालन करीत पुण्यातील आझम कॅम्पस मशिदीत बकरी ईद नमाजचे ‘फेसबुक लाईव्ह’ द्वारे थेट प्रक्षेपण करण्यात येणार आहे . १ ऑगस्ट रोजी   बकरी ईद च्या दिवशी सकाळी ८ वाजता ‘फेसबुक लाईव्ह’ पठण  करण्यात येणार आहे.  मुस्लीम बांधवांना या उपक्रमात घरातूनच सहभागी होता येणार आहे.
येथे दर आठवड्यात   शुक्रवारी दुपारी दीड जुम्मा नमाझचे फेसबुक लाईव्ह द्वारे पठण करण्यात येते.आझम कॅम्पस शैक्षणिक,सामाजिक परिवाराचे अध्यक्ष डॉ.पी.ए.इनामदार यांनी पत्रकाद्वारे या उपक्रमाची माहिती दिली.  आझम कॅम्पस मशिदीमध्ये पेश इमाम असलेले मौलाना नसीम अहमद  नमाज पठण करणार आहेत तर  आझम कॅम्पस च्या माहिती तंत्रज्ञान विभागाचे प्रमुख अमीन शेख यांनी तांत्रिक बाजू सांभाळणार आहेत. 
मशिदीच्या पेश इमाम यांच्या मार्गदर्शना खाली घरी  नमाज पठण करणे नव्या तंत्रज्ञानाच्या वापराने शक्य झाले असून २९ मे पासून हा उपक्रम दर शुक्रवारी  सुरु आहे. अशा स्वरूपाचा हा पहिलाच उपक्रम आहे.या तंत्रामुळे मशिदीत गर्दी होत नाही,फक्त पेश इमाम मशिदीतून नमाज पठण करतात आणि इतरांना घरातून त्यात सहभागी होणे शक्य होते.दर शुक्रवारी दुपारी दीड वाजता हा उपक्रम होतो.

एरवी शहराच्या विविध भागात मशिदींमध्ये शुक्रवार (जुम्मा) दिवशी सामूहिक नमाज पठण केले जाते.कोरोना संसर्गचा  धोका लक्षात घेऊन  शुक्रवारी मशिदीत जाता येत  नाही. त्या सर्वांना या फेसबुक लाईव्ह नमाज पठणाचा लाभ होत आहे.आझम कॅम्पस या फेसबुक पेज वर हे लाईव्ह प्रक्षेपण करण्यात येते.प्रशासनाने दिलेल्या सर्व सूचनांनुसार सोशल डिस्टन्स चे नियम पाळण्यात येतात. पुढील लिंक द्वारे या नमाज पठणात सहभागी होता येते.  https://www.facebook.com/azamcampus1922
  कोरोना साथीच्या पार्श्वभूमीवर रमजान ईद च्या दिवशी देखील सकाळी ८ वाजता आझम कॅम्पस मशिदीमध्ये पेश इमाम असलेले मौलाना नसीम अहमद यांनी ईद साठीचे नमाज पठण केले होते.नेहमीच्या शिरस्त्या प्रमाणे सुरुवातीला नमाज पठण कसे करायचे याचे मार्गदर्शन करण्यात आले.मग,ईद -उल -फित्र ची नमाज अदा करण्यात आली.त्यानंतर थोडक्यात खुतबा पढण्यात आला आणि दुआ सांगण्यात आली.पेश इमाम यांच्या पाठोपाठ हे लाईव्ह प्रक्षेपण पाहणाऱ्या बांधवानी घरी  नमाज अदा केली. सुमारे ५ हजार बांधवांनी हे प्रक्षेपण सकाळच्या वेळी पाहिले होते.  

कोरोना योद्ध्यांच्या सुरक्षेसाठी पी पी ई किट ची मदत कर्तव्यभावनेतून – यशराज शेट्टी

मदतकार्यात युवकांचा सहभाग स्पृहणीय – संदीप खर्डेकर

पुणे- महानगरपालिका प्रशासन पूर्ण क्षमतेने कोरोना विरुद्धची लढाई लढत असताना पुणेकरांच्या मदतीच्या हाताने शंभर हत्तींचे बळ येते व सर्वांच्या सहकार्याने ही लढाई जिंकण्याचा विश्वास बळावतो असे प्रतिपादन येथे महापौर मुरलीधर मोहोळ यांनी केले.
यशराज शेट्टी मित्र मंडळाच्या वतीने कोरोना योद्धांसाठी १०० पी पी ई किट भेट देण्यात आले त्यावेळी आयोजित छोटेखानी कार्यक्रमात ते बोलत होते.
यावेळी पतित पावन संघटनेचे कार्याध्यक्ष राजाभाऊ पाटील,भाजपचे शहर उपाध्यक्ष संदीप खर्डेकर,अविनाश लांजेकर व इतर पदाधिकारी उपस्थित होते.
माझ्या शहरातील नागरिकांना कोरोना पासून वाचविण्यासाठी जीवाचे रान करणाऱ्या योद्ध्यांच्या सुरक्षेसाठी कर्तव्यभावनेतून पी पी ई किट ची मदत करून आपला खारीचा वाटा उचलावा या भावनेतूनच मदत कार्य सुरु असल्याचे हॉटेल व्यावसायिक व पुणे बंट्स संघाच्या युवा आघाडीचे अध्यक्ष यशराज शेट्टी म्हणाले.
कोरोनाच्या काळात युवकांनी केलेले कार्य स्पृहणीय असून सतत युवा पिढीवर टीका करणाऱ्यांनी त्यांच्या कार्याची दखल घ्यावी असे आवाहन संदीप खर्डेकर यांनी केले.
राजाभाऊ पाटील यांनी आभार मानले.

कनक महात्मा 100 टक्के तर मानसी देशपांडे ९८.४० टक्के.

पुणे-
महाराष्ट्र राज्य माध्यमिक व उच्च माध्यमिक शिक्षण मंडळामार्फत मार्च २०२० मध्ये मध्ये घेण्यात आलेल्या इयत्ता १० वी बोर्ड परीक्षेचा निकाल नुकताच जाहीर झाला. दरवर्षीप्रमाणे यावर्षीही चाटें क्लासेसच्या विद्यार्थ्यांसोबतच चाटे स्कूल कात्रज, धनकवडी, गाऊडदरा मधील विद्यार्थ्यांनीही घवघवीत असे यश संपादन करत चाटे समुहाची उज्वल यशाची परपंरा कायम राखली.यामध्ये चाटे समुहाच्या श्रुती नायर ९८.२०, ईशा देशमाने ९७.८०, नेहा सुपे ९७.८०, ईशा खोब्रागडे ९७.६०, मानसी दौंडकर ९७.६० व गायत्री जाधव ९७.४० अशा अनेक विद्यार्थ्यांनी उज्वल यश मिळवले.यावेळी प्रा. फुलचंद चाटे यांनी सर्व गुणवतांचे अभिनंदन केले व त्यांच्या पुढील वाटचालीस शुभेच्छा दिल्या. चाटे समूहाद्वारे दहावी बोर्ड परीक्षा मध्ये यश मिळवलेल्या विद्यार्थ्यांकरीता झूम मीटिंग द्वारे गुणवंतांचा कौतुक सोहळा आयोजित केला होता.
सर्व गुणवंत विद्यार्थ्यांचे कौतुक करतानाच विद्यार्थ्यांना संबोधून प्रा फुलचंद चाटे सर म्हणाले की या विद्यार्थ्यांना १० वी मध्ये शिकत असतानाच दहावीची तयारी ही पुढील शिक्षणाचा पाया आहे आणि जर दहावी मध्येच चांगले गुण मिळाले तर विद्यार्थ्याचा आत्मविश्वास वाढवून पुढील शिक्षणाची वाटचाल यशस्वीपणे करता येते म्हणूनच विद्यार्थ्यांना आजची स्पर्धा व उद्याच्या संधी लक्षात घेऊन चाटे समूहातर्फे अकरावी आणि बारावी या दोन वर्षाचे महत्व आम्ही पटवून देत आलो आणि त्याकरिता दहावी बोर्ड परीक्षा किती महत्त्वाची आहे याचेही महत्त्व विद्यार्थ्यांना सांगत आलो. आणि यामुळेच की काय आज या झूम मीटिंगमध्ये जे विद्यार्थी आपले कौतुक ऐकण्यास आलेले आहेत त्या विद्यार्थ्यांनी दहावीच्या निकालाच्या अगोदरच आपल्या पुढील प्रवेश परीक्षांची तयारी मे मध्येच सुरू केलेली आहे. आणि म्हणून विद्यार्थी व पालकांनी दहावीच्या निकालामध्ये फारसे अडकून न राहता पुढच्या वाटचालीस सुरुवात करावी असा सल्ला यावेळी चाटे सरांनी विद्यार्थी व पालकांना दिला.
ईशा देशमाने या विद्यार्थिनीने आपले मनोगत व्यक्त करताना आपले पुढील शिक्षण हे आयआयटी मधून घेण्याचे ठरवल्याचे सांगितले व या करिता मी अगोदरच चाटे कॉलेजमध्ये याची तयारी सुरू केल्याची विद्यार्थ्यांना कल्पना दिली व आपल्या यशाचे सर्व श्रेय आपले पालक व चाटे शिक्षण समूहातील सर्व गुरुजन वर्ग यांना जाते असेही यावेळी तिने नमूद केले
चाटे शिक्षण समूहाच्या विद्यार्थ्यांनी यावर्षी दहावी सोबतच बारावी बोर्ड परीक्षेचे मध्येही फार नेत्रदीपक असे यश संपादन केले आहे आणि हे केवळ चाटे शिक्षण समूहाच्या कार्यप्रणाली मुळेच शक्य करता आले आहे. बदलत्या शैक्षणिक धोरणानुसार आपल्या कार्यपद्धतीमध्ये बदल करत मागील ३२ वर्षापासून विद्यार्थ्यांना घडविण्याचे काम अतिशय सक्षम पणे व यशस्वीरित्या चालू आहे यामुळेच आज विद्यार्थी व पालकांचा चाटे शिक्षण समूहावर पूर्ण विश्वास आहे.
कार्यक्रमाचे प्रास्ताविक प्रा बापू काटकर यांनी केले यावेळी मीटिंगमध्ये प्रा विजय बोबडे, प्रा रत्नाकर सोनवणे आदी मान्यवरही उपस्थित होते.

पुणे-कोरोनातून बरे झालेल्या महापालिकेतील विरोधी पक्षनेत्या दिपाली धुमाळ आणि त्यांच्या कुटुंबियांनी कोरोना बाधित गंभीर रुग्णांवरील उपचारासाठी प्लाझ्मा अर्थात रक्तद्राव देणार आहेत. कोरोना लढ्यात सकारात्मक पाउल टाकणार्‍या धुमाळ यांच्या या कृतीचे सर्वच स्तरातून कौतुक होत असून अन्य कोरोना बाधितांनीही गंभीर रुग्णांचे प्राण वाचविण्यासाठी प्लाझ्मा दान करण्यासाठी पुढे यावे, असे आवाहन धुमाळ यांनी केले आहे.

दिपाली धुमाळ त्यांचे पती प्रदीप आणि मुलगा मनीष धुमाळ यांना कोरोनाची बाधा झाली होती. उपचारानंतर ते बरेही झाले आहेत. नुकतेच विभागीय आयुक्त डॉ. दिपक म्हैसेकर यांनी कोरोना बाधित गंभीर रुग्णांवरील उपचारासाठी कोरोनातून बरे झालेल्या रुग्णांनी प्लाझ्मा दान करावे असे आवाहन केले आहे. या आवाहनाला प्रतिसाद म्हणून डॉक्टरांच्या सल्ल्यानुसार आम्ही प्लाझ्मा दान करणार असून तसे पत्रही प्रशासनाला दिले आहे, असे दिपाली धुमाळ यांनी सांगितले.

दिपाली धुमाळ म्हणाल्या, की कोरोनावर सध्या कुठलेही औषध नाही. परंतू कोरोनातून बरे झालेल्या रुग्णाच्या प्लाझा चा उपयोग गंभीर कोरोना बाधित रुग्णांची प्रतिकार शक्ती वाढविण्यासाठी होत असल्याचे केंद्रीय आयोगाने स्पष्ट केल्यानंतर महाराष्ट्रासह अनेक राज्यात प्लाझ्मा दान करण्यासाठी आवाहन केले जात आहे. प्लाझ्मा दान करणार्‍या व्यक्तीला कोणताही धोका नाही. परंतू एका व्यक्तीच्या प्लाझ्मा पासून दोन जणांचे प्राण वाचू शकतात. त्यामुळे कोरोना बाधित व्यक्तिंनी प्लाझ्मा दान करण्यासाठी पुढाकार घ्यावा, असे आवाहही धुमाळ यांनी केले आहे.

पुणे-शहरात कोरोनाचे संकट वाढत असल्याच्या पार्श्वभूमीवर पुणे महापालिकेला राज्य शासनातर्फे व्हेंटिलेटर, औषधे, इंजेक्शन टेसिलिझुमॅब, रॅमिडिसीविरची मदत मिळावी, अशी मागणी शिवसेनेतर्फे मुख्यमंत्री उद्धव ठाकरे यांच्याकडे निवेदनाद्वारे करण्यात आली आहे.

यावेळी पुणे महापालिकेतील शिवसेनेचे गटनेते पृथ्वीराज सुतार, शहरप्रमुख संजय मोरे, नगरसेवक विशाल धनवडे, बाळा ओसवाल, नाना भानगिरे,अविनाश साळवे, नाना भानगिरे, संगिता ठोसर, पल्लवी जावळे, प्राची आल्हाट, श्वेता चव्हाण, जिल्हाप्रमुख रमेश कोंडे उपस्थित होते.

कोरोनाच्या संकट काळात व्हेंटिलेटर, औषधे तसेच इंजेक्शनाचा पुणे शहरात तुटवडा आहे. त्यामुळे कोविड रुग्णांची संख्या नियंत्रित करण्यासाठी आणि अत्यवस्थ रुग्णाचा मृत्यूदर कमी करण्यासाठी ही मदत मिळावी, अशी मागणी मुख्यमंत्र्यांकडे केल्याचे पृथ्वीराज सुतार यांनी सांगितले.

सन 2006 पासून राज्य शासनाच्या प्रजनन व बाल आरोग्य कार्यक्रमा अंतर्गत नर्स, ऑक्झिनरी नर्स, ज्युनियर नर्स, क्लार्क, शिफाई व इतर असे एकूण 75 ते 80 कर्मचारी कंत्राटी पध्दतीने काम करीत आहेत. त्यांना कायम करण्याबाबत राज्य शासनाकडील प्रलंबित प्रस्ताव मंजूर करावा, अशी मागणीही पुणे शहर शिवसेनेच्या वतीने करण्यात आली आहे.

पुणे : लवासामध्ये अद्ययावत असे रुग्णालय तयार आहे. त्याचप्रमाणे तिथे लोकवस्ती देखील कमी आहे. त्यामुळे लवासा हे कोविड रुग्णालय सुरू करण्यासाठी अतिशय योग्य ठिकाण आहे. तिथे कोविड रुग्णालय सुरू झाले तर मुळशी तालुक्यातील रुग्णांना उपचारासाठी थेट पुण्याला यावे लागणार नाही. प्रशासनाने मुळशी तालुक्यातील कोरोनाचा वाढता धोका लक्षात घेता लवासामधील रुग्णालय व हॉटेलसह रिकाम्या इमारती ताब्यात घ्याव्यात आणि तिथे कोविड सेंटर सुरू करावे असे स्पष्ट मत पुण्याचे भाजप खासदार गिरीश बापट यांनी केली आहे. तसेच यासंबंधी आपण जिल्हाधिकारी नवल किशोर राम यांच्याशी पत्रव्यवहार केल्याचे देखील सांगितले आहे.

मुळशी तालुक्यातील कोरोना रुग्णांची संख्या लक्षणीय असतानाही या परिसरातील लवासा प्रकल्पातील रुग्णालय, हॉटेल ताब्यात घेण्यात हयगय केली जात आहे. जिल्ह्यातील इतर खासगी रुग्णालयांच्या बाबतीत तातडीने निर्णय घेणारे प्रशासन लवासाकडे का दुर्लक्ष करत आहे, असा प्रश्न मुळशीकरांकडून उपस्थित करण्यात येत आहे..याच धर्तीवर बापटांनी ही मागणी केली आहे.सध्या मनुष्यबळाची मोठी कमतरता असून, कमी कर्मचाऱ्याांमध्ये जास्तीत जास्त रुग्णांवर उपचार करण्याचे नियोजन आहे. यामुळेच सध्याच्या मोठ्या सुविधा कार्यान्वित झाल्यावर ‘लवासा’तील हॉस्पिटलचा विचार करण्यात येईल,” असे सांगून मावळ-मुळशीचे प्रांत अधिकारी संदेश शिर्के यांनी या कडे दुर्लक्ष चालविल्याचा आरोप होतो आहे.

बापट म्हणाले, पुणे जिल्ह्यासह मुळशी तालुक्यात देखील दिवसेंदिवस कोरोना बाधित रुग्णांच्या संख्येत वेगाने वाढ होत आहे. या सर्व रुग्णांना कोरोनावरील उपचारासाठी थेट पुण्याला यावे लागते.त्यामुळे इतर ठिकाणचे खासगी,शाळा, रुग्णालये ताब्यात घेण्यासाठी तत्परता दाखवणाऱ्या प्रशासनाने लवासामध्ये असलेले अद्ययावत रुग्णालय व हॉटेल व रिकाम्या इमारती देखील ताब्यात घ्याव्यात. या ठिकाणी असलेल्या अद्ययावत रुग्णालयामुळे वैद्यकीय यंत्रणेवर अतिरिक्त खर्च करावा लागणार नाही. तसेच डॉक्टर, व्हेंटिलेटर, ऑक्सिजन सारख्या सुविधा उपलब्ध करून दिल्यातर तात्काळ कोविड सेंटर उभे राहून तालुक्यातील अनेक ज्येष्ठ नागरिक व गोर गरीब रुग्णांना त्याचा फायदा होईल. यासंबंधी प्रशासनाला पत्र लिहून त्वरित पावले उचलत कार्यवाही करण्याची मागणी केली असल्याचे बापट यांनी सांगितले.

मुळशी तालुक्यातील कोरोना रुग्णांची संख्या लक्षणीय असतानाही या परिसरातील लवासा प्रकल्पातील रुग्णालय, हॉटेल ताब्यात घेण्यात हयगय केली जात आहे. जिल्ह्यातील इतर खासगी रुग्णालयांच्या बाबतीत तातडीने निर्णय घेणारे प्रशासन लवासाकडे का दुर्लक्ष करत आहे, असा प्रश्न मुळशीकरांकडून उपस्थित करण्यात येत आहे.

महिला व लहान मुलांचा समावेश असलेला १३६ महाराष्ट्रीयांचा दुसरा जत्था परतला

मुंबई – दुबईत अद्यापही अडकून पडलेल्या गरजू भारतीयांना मायदेशी सुखरुप परत पाठवण्यासाठी मसालाकिंग डॉ. धनंजय दातार यांनी कंबर कसली आहे. काही दिवसांपूर्वी त्यांनी १८६ रोजगारवंचित व निर्धन महाराष्ट्रीय कामगारांना स्वखर्चाने चार्टर्ड फ्लाईटने भारतात पाठवले होते. याच मोहिमेअंतर्गत आता दुसऱ्या फेरीत महिला व लहान मुलांचा समावेश असलेल्या अनेक मराठी कुटूंबांना संधी मिळाली आहे. एकूण १३६ महाराष्ट्रीयांचा दुसरा जत्था काल विमानाने येथे परतला आहे. ही कुटूंबे महाराष्ट्रभरातील विविध शहरे व गावांतील आहेत.

कोविड १९ साथ व लॉकडाऊन काळात हजारो भारतीय संयुक्त अरब अमिरातीतील (युएई) अडकून पडले होते. दुबईहून भारतातील विविध ठिकाणी विमान वाहतूक सुरळीत झाल्यानंतरही यातील अनेकांना आर्थिक अडचणींमुळे मायदेशी परतणे अवघड झाले होते. त्यात रोजगारवंचित कामगार, विद्यार्थी, गरोदर महिला व लहान मुले यांचाही समावेश होता. रोजगार गमावल्याने व राहत्या जागेचे भाडे भरण्यासाठीही खिशात पैसे नसल्याने बऱ्याच लोकांनी सार्वजनिक बागांमध्ये आश्रय घेतला होता आणि त्यांच्यापुढे रोजच्या भोजनाचा प्रबंध कसा करायचा याबाबतच्याही अडचणी होत्या. एकट्या महाराष्ट्रातील ६५००० हून अधिक लोक आजही दुबईत अडकून पडले असून मायदेशी परतण्याच्या प्रतिक्षेत आहेत.

दुबईस्थित अल अदील ट्रेडिंग कंपनीचे अध्यक्ष तथा व्यवस्थापकीय संचालक डॉ. धनंजय दातार हे अशा कठीण परिस्थितीत आपल्या निर्धन देशबांधवांच्या पाठीशी ठामपणे उभे राहिले आहेत. याआधी लॉकडाऊनच्या काळात त्यांनी अडचणीत सापडलेल्या हजारो भारतीयांना रोजच्या गरजेच्या वस्तू, खाद्यपदार्थ व औषधांचे संच मोफत पुरवले होते. युएई आणि भारतादरम्यानची विमान वाहतूक सुरळीत झाल्यावर त्यांनी कंपनी सामाजिक दायीत्व (सीएसआर) उपक्रमांतर्गत जवळपास ३५०० गरजू भारतीयांचा खाण्या-पिण्याचा, वैद्यकीय चाचणीचा व विमान तिकीटाचा खर्च उचलून त्यांना सुखरुप भारतात रवाना केले. त्यामध्ये केरळ, तमीळनाडू, आंध्र प्रदेश, महाराष्ट्र, गोवा, राजस्थान, पंजाब, उत्तर प्रदेश, आसाम, नागालँड, मिझोराम आदी राज्यांमधील रहिवाशांचा समावेश आहे. या मोहिमेसाठी डॉ. दातार यांनी आतापर्य़ंत ३ कोटी रुपयांहून अधिक खर्च केला आहे.

खरोखर गरजू प्रवाशांची यादी निश्चित करणे, त्यातून अल्प मासिक उत्पन्नधारक प्रवाशांना निवडणे, संबंधित कंपन्यांच्या मनुष्यबळ विभागाशी संपर्क साधून त्यांचे पासपोर्ट मागवून घेणे, त्यांना विमान प्रवासाची मोफत तिकीटे देणे व होम क्वारंटाईनबाबतही मार्गदर्शन करणे या संपूर्ण प्रक्रियेसाठी अल अदील कंपनीच्या वतीने संचालक सौ. वंदना दातार, हृषिकेश दातार व रोहित दातार तसेच प्रवाशांतर्फे प्रतिनिधी म्हणून पुण्याच्या सामाजिक कार्यकर्त्या धनश्री पाटील समन्वयाचे काम करत आहेत. परवानेविषयक औपचारिकता, तिकीटांची व्यवस्था व विमान कंपनीशी संपर्कात राहणे आदी कामांत अकबर ट्रॅव्हल्सचे सुलेमान इक्रम यांची मोलाची मदत होत आहे.

ही मोहीम यापुढेही सुरूच राहणार असून दुबईत अडकून पडलेल्या ज्या गरजू व निर्धन भारतीयांना भारतात परतण्यासाठी मदत हवी असेल त्यांनी स्वतः अथवा नातलगांमार्फत संपर्क साधावा, असे आवाहन डॉ. दातार यांनी केले आहे.

पुणे विभागातील 60 हजार 90 कोरोना बाधित रुग्ण बरे होऊन घरी
विभागात कोरोना बाधित 98 हजार 657 रुग्ण
-विभागीय आयुक्त डॉ.दीपक म्हैसेकर

पुणे दि. 30 :- पुणे विभागातील 60 हजार 90 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 98 हजार 657 झाली आहे. तर ॲक्टीव रुग्ण 35 हजार 885 आहे. विभागात कोरोनाबाधीत एकुण 2 हजार 682 रुग्णांचा मृत्यू झाला आहे. तसेच 982 रुग्ण गंभीर असून उर्वरीत निरीक्षणाखाली आहेत. पुणे विभागामध्ये बरे होणा-या रुग्णांचे प्रमाण 60.91 टक्के आहे. तर मृत्यूचे प्रमाण 2.72 टक्के इतके आहे, अशी माहिती विभागीय आयुक्त डॉ.दीपक म्हैसेकर यांनी दिली.
यापैकी पुणे जिल्हयातील 79 हजार 99 बाधीत रुग्ण असून कोरोना बाधित 50 हजार 573 रुग्ण बरे होवून घरी गेले आहेत. ॲक्टीव रुग्ण संख्या 26 हजार 656 आहे. यामध्ये पुणे महानगरपालिका क्षेत्रातील 18 हजार 420 , पिंपरी चिंचवड महानगरपालिका क्षेत्रातील 6 हजार 227, जिल्हा शल्य चिकीत्सक यांचेकडील 98 , पुणे कॅन्टोंन्मेंट 148, खडकी विभागातील 22 , ग्रामीण क्षेत्रातील 1 हजार 741, यांच्याकडील रुग्णांचा समावेश आहे.
पुणे जिल्हयात कोरोनाबाधित एकूण 1 हजार 870 रुग्णांचा मृत्यू झाला आहे. यामध्ये पुणे महानगरपालिका क्षेत्रातील 1 हजार 290 , पिंपरी चिंचवड महानगरपालिका क्षेत्रातील 331, जिल्हा शल्य चिकीत्सक यांच्याकडील 56 , पुणे कॅन्टोंन्मेंट 31 , खडकी विभागातील 39 , व ग्रामीण क्षेत्रातील 123 , रुग्णांचा समावेश आहे. तसेच 738 रुग्ण गंभीर असून उर्वरित निरीक्षणाखाली आहेत. पुणे जिल्हयामध्ये बरे होणा-या रुग्णांचे प्रमाण 63.94 टक्के आहे. तर मृत्यूचे प्रमाण 2.36 टक्के इतके आहे.
कालच्या बाधीत रुग्णांच्या संख्येच्या तुलनेत पुणे विभागात बाधीत रुग्णांच्या संख्येमध्ये एकूण 3 हजार 581 ने वाढ झाली आहे. यामध्ये पुणे जिल्ह्यात 2 हजार 430 , सातारा जिल्ह्यात 138 , सोलापूर जिल्ह्यात 297, सांगली जिल्ह्यात 182 तर कोल्हापूर जिल्ह्यात 534 अशी रुग्ण संख्येमध्ये वाढ झालेली आहे.
सातारा जिल्हयातील कोरोना बाधीत 3 हजार 662 रुग्ण असून 1 हजार 933 बाधित रुग्ण बरे होवून घरी गेले आहेत. ॲक्टीव रुग्ण संख्या 1601 आहे. कोरोनाबाधित एकूण 128 रुग्णांचा मृत्यू झाला आहे.
सोलापूर जिल्हयातील 8 हजार 239 कोरोना बाधीत रुग्ण असून 4 हजार 696 बाधित रुग्ण बरे होवून घरी गेले आहेत. ॲक्टीव रुग्ण संख्या 3 हजार 63 आहे. कोरोना बाधित एकूण 480 रुग्णांचा मृत्यू झाला आहे.
सांगली जिल्हयातील कोरोना बाधीत 1 हजार 947 रुग्ण असून 612 बाधित रुग्ण बरे होवून घरी गेले आहेत. ॲक्टीव रुग्ण संख्या 1 हजार 271 आहे. कोरोना बाधित एकूण 64 रुग्णांचा मृत्यू झाला आहे.
कोल्हापूर जिल्हयातील 5 हजार 710 कोरोना बाधीत रुग्ण असून 2 हजार 276 बाधित रुग्ण बरे होवून घरी गेले आहेत. ॲक्टीव रुग्ण संख्या 3 हजार 294 आहे. कोरोना बाधित एकूण 140 रुग्णांचा मृत्यू झाला आहे.
आजपर्यत विभागामध्ये एकुण 4 लाख 84 हजार 272 नमूने तपासणीसाठी पाठविण्यात आले होते, त्यापैकी 4 लाख 78 हजार 282 नमुन्यांचा अहवाल प्राप्त झाला आहे. तर 5 हजार 950 नमून्यांचा अहवाल प्रतीक्षेत आहे. प्राप्त अहवालांपैकी 3 लाख 78 हजार 800 नमून्यांचा अहवाल निगेटीव्ह आहे.

हिंदू जागरण मंचाच्या वतीने मृदाकलश स्वामी गोविंद गिरी महाराजांकडे सुपूर्त 

पुणे : समस्त हिंदू धर्माचे श्रद्धास्थान असलेल्या अयोध्येतील श्रीराम मंदिराच्या निर्माणात धर्मवीर छत्रपती श्री संभाजी महाराज यांचे बलिदान स्थळ असलेल्या, त्यांच्या स्मृती जपणाऱ्या श्रीक्षेत्र वढू येथील पवित्र मृदा (माती) पाठवण्यात येणार आहे. हिंदू जागरण मंचाच्या वतीने श्रीराम जन्मभूमी तीर्थक्षेत्र ट्रस्टचे कोषाध्यक्ष परमपूजनीय गोविंदगिरी महाराज यांच्याकडे ही मृदा असलेला चांदीचा कलश गुरुवारी सुपूर्द करण्यात आला.हिंदू जागरण मंचाचे अध्यक्ष सुहास पवार, पुणे शहर प्रमुख निलेश भिसे, सहप्रमुख राजेंद्र गावडे, सुहास साळवी, अक्षय उत्तेकर, महिला प्रमुख नलिनीताई गावडे, सुहास परळीकर, प्रसन्न दशरथ आदी कार्यकर्ते यावेळी उपस्थित होते. मॉडेल कॉलनीतील स्वामी गोविंदगिरी महाराजांच्या निवासस्थानी हा सोहळा झाला. अयोध्येत उभारण्यात येत असलेल्या भव्य राममंदिराचा भूमिपूजन सोहळा पुढील आठवड्यात होत आहे. त्या सोहळ्याला गोविंदगिरी महाराज ही मृदा घेऊन जाणार आहेत.स्वामी गोविंदगिरी महाराज म्हणाले, “अयोध्येत श्रीराम मंदिर उभारले जात असल्याने देशभरात चैतन्याचे वातावरण आहे. छत्रपती शिवाजी महाराज, धर्मवीर संभाजी महाराज यांच्या पावनभूमीतील ही मृदा हिंदू जागरण मंचाच्या वतीने प्रभू श्रीराम मंदिराच्या पायाभरणीसाठी अर्पण करताना मला आनंद वाटतो. देशाच्या कानाकोपऱ्यातून असंख्य लोक, विविध समुदाय आपापल्या परीने राम मंदिरासाठी दान देत आहेत. त्यात्या ठिकाणच्या पवित्र वस्तू देत आहेत, ही आनंददायी बाब आहे.”निलेश भिसे म्हणाले, “हिंदू धर्माचे श्रद्धास्थान असलेल्या या राममंदिरासाठी धर्मवीर छत्रपती श्री संभाजी महाराज यांच्या बलिदान स्थळावरील मृदा पाठविताना आम्हा हिंदू जागरण मंचाच्या कार्यकर्त्यांना अतीव आनंद होत आहे. प्रभू रामांची युद्धनीतीचा अवलंब करून संभाजी महाराज अनेक लढाया जिंकल्या. त्यामुळे त्यांच्या बलिदानस्थळावरील मृदा राममंदिराच्या उभारणीत जाणे ही आपल्या सर्वांसाठी प्रेरणादायी गोष्ट आहे.”