पुणे विभागातील 3 लाख 80 हजार 939 कोरोना बाधित रुग्ण बरे होऊन घरी गेले,
विभागात कोरोना बाधित 4 लाख 54 हजार 970 रुग्ण
-विभागीय आयुक्त सौरभ राव

पुणे, दि.6 :- पुणे विभागातील 3 लाख 80 हजार 939 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 4 लाख 54 हजार 970 झाली आहे. तर ॲक्टीव रुग्ण संख्या 61 हजार 868 इतकी आहे. कोरोनाबाधीत एकुण 12 हजार 163 रुग्णांचा मृत्यू झाला असून मृत्यूचे प्रमाण 2.67 टक्के आहे. पुणे विभागामध्ये बऱ्या होणा-या रुग्णांचे प्रमाण 83.73 टक्के आहे, अशी माहिती विभागीय आयुक्त सौरभ राव यांनी दिली.
पुणे जिल्हा
पुणे जिल्हयातील कोरोना बाधीत एकूण 2 लाख 95 हजार 251 रुग्णांपैकी 2 लाख 53 हजार 605 रुग्ण बरे होवून घरी गेले आहेत. ॲक्टीव रुग्ण संख्या 34 हजार 890 आहे. कोरोनाबाधित एकूण 6 हजार 756 रुग्णांचा मृत्यू झाला आहे. मृत्यूचे प्रमाण 2.29 टक्के इतके आहे तर बरे होणा-या रुग्णांचे प्रमाण 85.89 टक्के आहे.
सातारा जिल्हा
सातारा जिल्हयातील कोरोना बाधीत एकूण 39 हजार 445 रुग्णांपैकी 30 हजार 753 रुग्ण बरे होवून घरी गेले आहेत. ॲक्टीव रुग्ण संख्या 7 हजार 441 आहे. कोरोनाबाधित एकूण 1 हजार 251 रुग्णांचा मृत्यू झाला आहे.
सोलापूर जिल्हा
सोलापूर जिल्हयातील कोरोना बाधीत एकूण 35 हजार 241 रुग्णांपैकी 28 हजार 112 रुग्ण बरे होवून घरी गेले आहेत. ॲक्टीव रुग्ण संख्या 5 हजार 913 आहे. कोरोनाबाधित एकूण 1 हजार 216 रुग्णांचा मृत्यू झाला आहे.
सांगली जिल्हा
सांगली जिल्हयातील कोरोना बाधीत एकूण 39 हजार 160 रुग्णांपैकी 31 हजार 961 रुग्ण बरे होवून घरी गेले आहेत. ॲक्टीव रुग्ण संख्या 5 हजार 756 आहे. कोरोनाबाधित एकूण 1 हजार 443 रुग्णांचा मृत्यू झाला आहे.
कोल्हापूर जिल्हा
कोल्हापूर जिल्हयातील कोरोना बाधीत एकूण 45 हजार 873 रुग्णांपैकी 36 हजार 508 रुग्ण बरे होवून घरी गेले आहेत. ॲक्टीव रुग्ण संख्या 7 हजार 868 आहे. कोरोनाबाधित एकूण 1 हजार 497 रुग्णांचा मृत्यू झाला आहे.
कालच्या रुग्णसंख्येच्या तुलनेत आज झालेली वाढ
कालच्या बाधीत रुग्ण संख्येच्या तुलनेत पुणे विभागात बाधीत रुग्णांच्या संख्येमध्ये एकूण 2 हजार 220 ने वाढ झाली आहे. यामध्ये पुणे जिल्ह्यात 1 हजार 240, सातारा जिल्ह्यात 277, सोलापूर जिल्ह्यात 281, सांगली जिल्ह्यात 343 तर कोल्हापूर जिल्ह्यात 79 अशी रुग्ण संख्येमध्ये वाढ झालेली आहे.
कालच्या रुग्णसंख्येमध्ये ब-या होणाऱ्या रुग्णांचो प्रमाण
पुणे विभागामध्ये रुग्णांमध्ये एकूण 5 हजार 437 रुग्णांचा समावेश आहे. यात पुणे जिल्हा 2 हजार 804, सातारा जिल्हयामध्ये 661, सोलापूर जिल्हयामध्ये 407, सांगली जिल्हयामध्ये 660 व कोल्हापूर जिल्हयात 905 रुग्णांचा समावेश आहे.
पुणे विभागातील सर्व्हेक्षण
आजपर्यत विभागामध्ये एकुण 20 लाख 8 हजार 866 नमून्याचा तपासणी अहवाल प्राप्त झाला. प्राप्त अहवालांपैकी 4 लाख 54 हजार 970 नमून्यांचा अहवाल सकारात्मक (पॉझिटिव्ह) आहे.
( टिप :- दि. 5 ऑक्टोबर 2020 रोजी रात्री 9.00 वा. पर्यंतच्या आकडेवारीनुसार )

पुणे, दि. 6 : शहरातील कायदा व सुव्यवस्था अबाधित राखण्यासाठी ऑंटी गुंडा स्कॉड पुन्हा स्थापन करावे. अशी मागणी खासदार गिरीश बापट यांच्या नेतृत्वाखालील शिष्टमंडळाने आज नवनियुक्त पोलीस आयुक्त अमिताभ गुप्ता यांच्याकडे केली. शहराध्यक्ष जगदीश मुळीक, आमदार माधुरी मिसाळ, सुनील कांबळे, सिद्धार्थ शिरोळे, भीमराव तापकीर यांच्यावतीने एक निवेदन आज नवनियुक्त पोलीस आयुक्त यांना देण्यात आले. खासदार बापट यांनी अभिनव गुप्ता यांचे स्वागत करून त्यांचे अभिनंदन केले व पुढील वाटचालीस त्यांना शुभेच्छा दिल्या.त्यानंतर झालेल्या चर्चेत खासदार बापट यांनी महिलांसाठी सुरक्षा व्यवस्था वाढवणे. या मुद्यावर भर दिला. हेल्मेट सक्ती दाट वस्तीच्या ठिकाणी नसावी.तसेच पोलीस दक्षता समित्या लवकरात लवकर स्थापन कराव्यात. अशी मागणीही त्यांनी केली. शहरातील मुख्य चौकातील भिक्षेकऱ्यांचा प्रश्न सोडवून ,नागरिकांना त्यांचा त्रास होणार नाही. यासाठी प्रयत्न करावेत. मंदिरात देव दर्शनासाठी जाणा-या भक्तांना योग्य त्या अटीसह परवानगी देण्याची शिफारस शासनास करावी. अशी सूचना बापट यांनी या चर्चे दरम्यान केली. पोलीस दलातील उपायुक्त व इतर अधिकारी व लोकप्रतिनिधी यांच्यात समन्वय राखण्याबाबत आदेश देण्यात यावेत.व वाहतूक सुरक्षतेसाठी व अपघाताचे प्रमाण कमी करण्यासाठी दुचाकीवरून ट्रिपल सीट प्रवास करणाऱ्यांवर कठोर कारवाई करावी. याकडे लक्ष वेधून ड्रिंक अँड ड्राइव्ह करणाऱ्यांवर कडक कारवाई करावी अशी मागणीही बापट यांनी केली. जप्त केलेल्या वाहनांची तात्काळ विल्हेवाट लावावी. व अशा वाहनांसाठी जागेचे योग्य नियोजन करावे. या सर्व गोष्टी शहराच्या व पुणेकर नागरिकांच्या दृष्टीने तातडीने होणे.आवश्यक आहेत. जेणेकरून सुसंस्कृत पुण्यामध्ये राहणाऱ्या नागरिकांना मुक्त वातावरण उपलब्ध होण्यास मदत होईल. अशी आशा बापट यांनी व्यक्त केली.

पुणे:- मोदी सरकारच्या कृषी विधेयकांमुळे छोट्या शेतकऱ्यांचे कल्याण होणार असल्यानेच काँग्रेस या विधेयकांना विरोध करत आहे, असे प्रतिपादन केंद्रीय अन्न नागरी पुरवठा आणि ग्राहक संरक्षण राज्यमंत्री श्री. रावसाहेब दानवे पाटील यांनी पुणे येथील पत्रकार परिषदेत केले. शहराध्यक्ष जगदीश मुळीक, प्रदेश सरचिटणीस सुजितसिंग ठाकूर, खासदार भागवत कराड, महापौर मुरलीधर मोहोळ, आमदार भीमराव तापकीर, सिद्धार्थ शिरोळे, उपमहापौर सरस्वती शेंडगे, माजी मंत्री दिलीप कांबळे, बाळा भेगडे, गणेश बिडकर यावेळी उपस्थित होते.
श्री रावसाहेब दानवे पाटील म्हणाले की, ‘ शेती उत्पादन व्यापार व वाणिज्य (प्रोत्साहन आणि सुलभता) विधेयक, शेतकरी (सबलीकरण आणि संरक्षण) किंमत आश्वासन आणि कृषी सेवा विधेयक या तीन विधेयकांवरून काही विरोधी पक्षांनी काहूर उठविण्याचा प्रयत्न सुरु केला आहे. लोकसभेत प्रमुख विरोधी पक्ष असलेल्या काँग्रेसच्या सदस्यांनी या विधेयकाच्या प्रती फाडल्या, काहींनी काळा कायदा असे या विधेयकाचे वर्णन केले. आपल्याच पक्षाने २०१९ च्या लोकसभा निवडणुकीच्या जाहीरनाम्यात अशा पद्धतीच्या सुधारणा घडवून आणण्याचे आश्वासन दिले होते. या तीन विधेयकांमध्ये नेमक्या काय तरतुदी आहेत हे जाणून न घेताच या विधेयकांना आंधळा विरोध सुरु आहे.’
१९५५ चा अत्यावश्यक वस्तू कायदा मोदी सरकारने रद्द केला. या कायद्यानुसार शेतमाल साठवणुकीत खासगी गुंतवणुकीस मर्यादा घालण्यात आली. व्यापारी, धान्य – फळांवर प्रक्रिया करणारे, अन्न -धान्य, फळांची निर्यात करणारे व्यापारी यांना साठवणुकीवर मर्यादा घालण्यात आल्या. परिणामी शेतमाल साठवणुकीची व्यवस्था ही फक्त सरकारी यंत्रणेच्या ताब्यातच राहिली. भाजीपाला, धान्य, फळे हंगामात एकाच वेळी बाजार समित्यांमध्ये येऊ लागल्याने भाव आपॊआपच कोसळू लागतात. जर साठवणुकीच्या व्यवस्था मोठ्या प्रमाणात असत्या तर शेतकऱ्यांनी हंगामात एकाच वेळी माल आणण्याऐवजी टप्प्याटप्प्याने आणला असता. तसे झाले असते तर बाजारात भाव वारंवार कोसळले नसते. आता या कायद्याने शेतमाल साठवणुकीमध्ये ( स्टोअरेज ) मोठ्या प्रमाणात खासगी गुंतवणूक होऊ शकेल. शेतकरी आपला माल स्टोअरेज मध्ये ठेवतील व बाजारातील मालाची उपलब्धता पाहून आपला भाजीपाला, फळे, धान्य बाजारात आणू शकतील. या तीन विधेयकांमुळे शेतकऱ्यांना आपला माल राज्या बाहेर विकता येणार आहे. मोदी सरकारने प्रत्येक गावात गोदाम बांधण्याची योजना जाहीर केली आहे. नाशवंत शेतीमालाची शेतकरी गरजेवेळी मिळेल त्या किमतीत विक्री करतो. आता गोदामांसारखी साठवणुकीची व्यवस्था आकारास येईल. परिणामी शेतकऱ्यांना भाजीपाला, फळे, धान्य, तेलबिया यांची साठवणूक करून त्याची विक्री बाजारातील तेजी मंदी पाहून करता येणे शक्य होणार आहे.
दुसरा मुद्दा कॉन्ट्रॅक्ट फार्मिंगचा, खासगी कंपन्या, व्यापारी शेतकऱ्यांच्या समूहाला विशिष्ट शेतमाल पिकवण्याचे कंत्राट देऊ शकतील. हा शेतमाल विशिष्ट भावाला खरेदी करण्याची खात्री कंपन्या देऊ शकतील. बाजारातील सध्याची परिस्थिती पाहून कोणत्या पिकाची लागवड करायची याचा निर्णय शेतकरी करू शकतील. व्यापारी, कॉर्पोरेट कंपन्या शेतकऱ्यांची लूट करतील, आपल्याला हव्या त्या भावाने शेतमालाची खरेदी करतील असा प्रचार करणाऱ्या मंडळींनी बाजार समित्यांमधील प्रस्थापितांकडून शेतकऱ्यांच्या होणाऱ्या लुटीबद्दल आजवर अवाक्षर काढलेले नाही. सध्याचे युग स्पर्धेचे आहे. ज्या डॉक्टरकडून गुण येतो, त्याच डॉक्टरकडे रूग्ण जातात. त्यासाठी डॉक्टराला फारशी जाहिरातबाजी करावी लागत नाही. अशाच पद्धतीने ज्या शेतकऱ्यांकडे चांगला माल मिळेल त्याच्याकडे ग्राहक निश्चित जातील, त्यासाठी व्यापारी, आडते , एजंट कशाला हवेत ? बाजार समित्यांमध्ये शेतकऱ्यांकडून अडीच टक्के आडत घेतली जात होती. ही पद्धत देवेंद्र फडणवीस सरकारने रद्द केली. या शिवाय बाजार समित्यांचा सेस, मापाई, तोलाई, वाराई, हमाली अशा वेगवेगळया शुल्काच्या माध्यमातून शेतकऱ्यांकडून वसुली जाते. केंद्र सरकारच्या नव्या विधेयकांमुळे शेतीमालाला अधिक भाव मिळणार आहे.
या विधेयकांमुळे शेतमालाच्या आंतर राज्य व्यापारावर असलेले निर्बंध हटविण्यात येणार आहेत. म्हणजे शेजारच्या राज्यात एखाद्या भाजीपाल्याची, धान्याची, फळाची टंचाई आहे तर तिकडे शेतकरी आपला माल कोणत्याही परवानगीविना विक्रीसाठी पाठवू शकतील.

पुणे- पूर्वी पाणी व्यवस्थित येत होते ,पण मग आता दीड वर्षातच काय झाले.. पाउस तर कोसळतोय चांगला .. धरणे ओव्हरफुल्ल होताहेत मग पाणी मुरतंय कुठे ? सत्ताधारी असून भाजप ची होणारी मुस्कटदाबी आज ओसंडून बाहेर पडली . माजी आमदार योगेशटिळेकर यांनी आक्रमक पवित्रा घेतला आणि त्यांच्या समवेत होते . मनीषा कदम, राजाभाऊ कदम ,राणी भोसले, रायबा भोसले ,स्वतः टिळेकर यांच्या मातोश्री नगरसेविका रंजना टिळेकर आणि शंभरावर कार्यकर्ते …आणि मग काय सुरु झाले ‘आंदोलन ‘

संशय: पाण्याचे राजकारण ,अधिकाऱ्यांना हाती धरून .. मरण मात्र जनतेचे …

खरे तर या पूर्वी म्हणजे 2 वर्षापूर्वी दक्षिण पुण्याला रोज सकाळी ४ तासाचा पाणी पुरवठा नियमित होत होता . आणि टिळेकर यांच्या भागात म्हणजे पूर्वेकडील पुण्याला पाणी पुरेसे मिळत होते . दक्षिण पुण्यात आठवड्यातून एक दिवस पाणी कपात कशी झाली ? हे या सर्व आंदोलनातून स्पष्ट झाले. कोणाच्या भागाला सातत्याने पाणी , कोणाच्या नशिबी कधी येईल भरोसा नाही … हे सारे राजकारण ,महापालिकेतील अधिकाऱ्यांना हाताशी धरून काही राजकीय लोकप्रतिनिधी स्वतःची राजकीय पोळी भाजायला तर करीत नाही ना ? असा संशय यावा अशी स्थिती . सर्वत्र समान पाणी पुरवठ्याचे न्यायालयात आश्वासन देणाऱ्या महापालिकेने वर्षानुवर्षे चालविलेला हा कारभार .. आज जनतेचा नाही बनला तरी राजकीय उद्रेक मात्र बनू पाहतो आहे .. या सर्व कार्यकर्त्यांना कायदेशीर कारवाईला सामोरे जावे लागले आहेच …पण प्रश्न आहे ..तो कायमचा सुटणार आहे काय ? हा महत्वाचा मुद्दा आहे.. पहा या राजकीय उद्रेकाची ..आंदोलनाची हि व्हिडीओ झलक

पुणे- हाथरस येथील पीडितेच्या कुटुंबियाला न्याय देण्याच्या मागणीसाठी महाराष्ट्र प्रदेश काँग्रेस कमिटी यांच्या आदेशानुसार व पुणे शहर जिल्हा काँग्रेस कमिटीच्या वतीने केलेल्या डाँ बाबासाहेब आंबेडकर पुणे कँम्प येथे शहराध्यक्ष रमेश बागवे यांच्या नेतृत्वाखाली व इतर मान्यवरांच्या उपस्तिथीत सत्याग्रह करण्यात आला. या वेळी राज्यमंत्री विश्वजीत कदम,माजी आमदार मोहन जोशी,अभय छाजेड,गटनेते आबा बागुल,माजी .आमदार .दीप्ती चौधरी,अरविंद शिंदे, नगरसेवक .अविनाश बागवे, नगरसेवक रामचंद्र कदम, लताताई राजगुरू, कमलताई व्यवहारे, विद्यार्थी काँग्रेसचे प्रदेश अध्यक्ष अमीर शेख, तसेच काँगेस पक्षाचे नगरसेवक, सेवादल, युवक काँग्रेस,विद्यार्थी काँग्रेस, महिला काँग्रेस, शहर काँग्रेस पदाधिकारी व कार्यकर्ते उपस्थित होते.

पुणे -शहरात दरदिवशी अधिकाधिक करोना रुग्णांची भर पडत आहे अशातच रेमडेसिव्हिर हे उपचारात महत्वाचे औषध असल्याने त्याची उपलब्धता सुरळीत होणे अपेक्षित आहे. पण, पुणे शहरात या औषधांचा तुटवडा भासत असून यामुळे गरीब रुग्णांचे अतोनात हाल होत आहेत. हे औषध उपलब्ध करून देण्यात यावे. काळाबाजार थांबवावा, अन्यथा भारतीय जनता युवा मोर्चा तीव्र स्वरूपात आंदोलन करेल, असा इशारा युवा मोर्चा शहराध्यक्ष बाप्पू उर्फ राघवेंद्र मानकर यांनी दिला आहे.

या औषधांचा काळा बाजार रोखण्यासाठी आज अन्न व औषध प्रशासन आयुक्त कार्यालया समोर भारतीय जनता युवा मोर्चा पुणे शहराच्या वतीने आंदोलन करण्यात आले त्या वेळी मानकर बोलत होते.या आंदोलनाचे आयोजन पुणे शहर युवा मोर्चाचे सरचिटणीस प्रतीक देसरडा, निहाल घोडके, अभिजित राऊत, अक्षय वायाळ, अरविंद गोरे यांनी केले. या आंदोलनाला अमित कंक, अपूर्व खाडे, दुष्यांत मोहोळ, राहुल दळवी, प्रमोद कोंढरे, छगन बुलाखे, राजेंद्र काकडे, राजू परदेशी यांच्या सह पदाधिकारी व कार्यकर्ते मोठ्या संख्येने उपस्थित होते.

राघवेंद्र मानकर म्हणाले, या औषधाचा पुरवठा चार कंपन्या करतात. त्यामध्ये कॅडेलाची किंमत 2800 रुपये, सिपलाची किंमत 4000 रुपये, ज्यूबिलटची किंमत 4700 रुपये, हेटरोची किंमत 5400 रुपये, अशी आहे. मात्र, या संकट काळात एकच समान किंमत सर्वसामान्यांना परवडेल, अशी माफक किंमत होणे अपेक्षित आहे.

या आंदोलनाला भारतीय जनता युवा मोर्चाच्या प्रदेश उपाध्यक्षा स्वरदा बापट या ही उपस्थित होत्या. त्यांनीही प्रशासनाला धारेवर धरले. त्या म्हणाल्या, हेटरो कंपनी दररोज 30000 लशी पुणे जिल्ह्यात पाठवते, तिथून हे औषध इतर ठिकाणी चढ्या किमतीने विकले जाते हे दुर्दैवी आहे. त्यामुळे प्रशासनाने हे औषध सर्वसामान्य जनतेला परवडेल अशा किमतीत विकण्याचे आदेश संबंधित कंपन्यांना द्यावे.

पुणे विभागातील 3 लाख 75 हजार 502 कोरोना बाधित रुग्ण बरे होऊन घरी
विभागात कोरोना बाधित 4 लाख 52 हजार 750 रुग्ण
-विभागीय आयुक्त सौरभ राव
पुणे,दि.05 :- पुणे विभागातील 3 लाख 75 हजार 502 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 4 लाख 52 हजार 750 झाली आहे. तर ॲक्टीव रुग्ण संख्या 65 हजार 196 इतकी आहे. कोरोनाबाधीत एकुण 12 हजार 52 रुग्णांचा मृत्यू झाला असून मृत्यूचे प्रमाण 2.66 टक्के आहे. पुणे विभागामध्ये बऱ्या होणा-या रुग्णांचे प्रमाण 82.94 टक्के आहे, अशी माहिती विभागीय आयुक्त सौरभ राव यांनी दिली.
पुणे जिल्हा
पुणे जिल्हयातील कोरोना बाधीत एकूण 2 लाख 94 हजार 11 रुग्णांपैकी 2 लाख 50 हजार 801 रुग्ण बरे होवून घरी गेले आहेत. ॲक्टीव रुग्ण 36 हजार 505 आहेत. कोरोनाबाधित एकूण 6 हजार 705 रुग्णांचा मृत्यू झाला आहे. मृत्यूचे प्रमाण 2.28 टक्के इतके आहे तर बरे होणा-या रुग्णांचे प्रमाण 85.30 टक्के आहे.
सातारा जिल्हा
सातारा जिल्हयातील कोरोना बाधीत एकूण 39 हजार 168 रुग्णांपैकी 30 हजार 92 रुग्ण बरे होवून घरी गेले आहेत. ॲक्टीव रुग्ण संख्या 7 हजार 842 आहे. कोरोनाबाधित एकूण 1 हजार 234 रुग्णांचा मृत्यू झाला आहे.
सोलापूर जिल्हा
सोलापूर जिल्हयातील कोरोना बाधीत एकूण 34 हजार 960 रुग्णांपैकी 27 हजार 705 रुग्ण बरे होवून घरी गेले आहेत. ॲक्टीव रुग्ण संख्या 6 हजार 53 आहे. कोरोनाबाधित एकूण 1 हजार 202 रुग्णांचा मृत्यू झाला आहे.
सांगली जिल्हा
सांगली जिल्हयातील कोरोना बाधीत एकूण 38 हजार 817 रुग्णांपैकी 31 हजार 301 रुग्ण बरे होवून घरी गेले आहेत. ॲक्टीव रुग्ण संख्या 6 हजार 94 आहे. कोरोनाबाधित एकूण 1 हजार 422 रुग्णांचा मृत्यू झाला आहे
कोल्हापूर जिल्हा
कोल्हापूर जिल्हयातील कोरोना बाधीत एकूण 45 हजार 794 रुग्णांपैकी 35 हजार 603 रुग्ण बरे होवून घरी गेले आहेत. ॲक्टीव रुग्ण संख्या 8 हजार 702 आहे. कोरोनाबाधित एकूण 1 हजार 489 रुग्णांचा मृत्यू झाला आहे
कालच्या रुग्णसंख्येच्या तुलनेत आज झालेली वाढ
कालच्या बाधीत रुग्ण संख्येच्या तुलनेत पुणे विभागात बाधीत रुग्णांच्या संख्येमध्ये एकूण 3 हजार 830 ने वाढ झाली आहे. यामध्ये पुणे जिल्ह्यात 2 हजार 373, सातारा जिल्ह्यात 450, सोलापूर जिल्ह्यात 300, सांगली जिल्ह्यात 299 तर कोल्हापूर जिल्ह्यात 408 अशी रुग्ण संख्येमध्ये वाढ झालेली आहे.
कालच्या रुग्णसंख्येमध्ये बऱ्या होणा-या रुग्णांचे प्रमाण –
पुणे विभागामध्ये बऱ्या होणाऱ्या एकूण 4 हजार 909 रुग्णांमध्ये पुणे जिल्हयामध्ये 2 हजार 870, सातारा जिल्हयामध्ये 598, सोलापूर जिल्हयामध्ये 269, सांगली जिल्हयामध्ये 795 व कोल्हापूर जिल्हयामध्ये 377 अशा रुग्णांचा समावेश आहे.
पुणे विभागातील सर्व्हेक्षण
आजपर्यत विभागामध्ये एकुण 19 लाख 96 हजार 371 नमून्याचा तपासणी अहवाल प्राप्त झाला. प्राप्त अहवालांपैकी 4 लाख 52 हजार 750 नमून्यांचा अहवाल सकारात्मक (पॉझिटिव्ह) आहे.
( टिप :- दि. 4 ऑक्टोबर 2020 रोजी रात्री 9.00 वा. पर्यंतच्या आकडेवारीनुसार )

पुणे : कोरोना महामारीमुळे जवळपास ७ महिने कोणतेही कार्यक्रम झाले नाहीत. लॉकडाऊन संपल्यानंतर ‘अनलॉक’मध्ये इतर व्यवसायांना टप्प्याटप्प्याने सुरु करण्याची परवानगी देण्यात आली. मात्र, जाहीर कार्यक्रम, लग्न समारंभ, इव्हेंट्स, सांस्कृतिक सभागृहे, थिएटरमधील कार्यक्रमांना परवानगी दिलेली नाही. त्यामुळे यासंबंधित क्षेत्रात काम करणारे साउंड, लाईट, एलईडी वॉल, जनरेटर्स, ट्रस, कलाकार, फ्लोरिस्ट, डेकोरेटर्स, मंडप, व्हिडीओग्राफर्स, फोटोग्राफेर्स, बँड, इव्हेन्ट कोऑर्डिनेटर डी. जे. असे अनेक व्यवसाय ठप्प आहेत. लाखो रुपयांची इक्विपमेंट्स धूळ खात पडून आहेत. तर या व्यवसायावर उपजीविका अवलंबून असलेल्या जवळपास चार ते पाच लाख लोकांवर उपासमारीची वेळ आली आहे. पैशांची भ्रांत, थकलेले हप्ते आणि निराशा यामुळे या क्षेत्रातील अनेकजण आत्महत्येचा मार्ग पत्करू लागले आहेत. त्यामुळे सरकारने याचे गांभीर्य ओळखून जाहीर कार्यक्रम आयोजिण्यास त्वरित परवानगी द्यावी, अशी मागणी पुणे साउंड इलेक्ट्रिकल्स जनरेटर इव्हेंट्स इक्विपमेंट्स व्हेंडर असोसिएशनने पत्रकार परिषदेत केली.

सरकारदरबारी आमच्या समस्या मांडण्यासाठी, तसेच कार्यक्रम चालू करण्यास परवानगी द्यावी, या मागणीसाठी बुधवारी (ता. ७)  जिल्हाधिकारी कार्यालयासमोर धरणे आंदोलन करण्यात येणार असल्याचेही असोसिएशनच्या पदाधिकाऱ्यांनी सांगितले. प्रसंगी असोसिएशनचे अध्यक्ष बबलू रमझानी, सोमनाथ धेंडे, शिरीष पाठक, सूर्यकांत बंदावणे, शैलेश गायकवाड आदी उपस्थित होते.

बबलू रमझानी म्हणाले, “इतर व्यवसायाप्रमाणे अटी-शर्थींसह आम्हालाही व्यवसाय करण्यास परवानगी द्यावी. आम्हाला कोणतीही आर्थिक मदत नकोय, केवळ आमचा व्यवसाय सुरु करण्यास परवानगी द्यावी. त्यातून आमची उपजीविका भागू शकते. त्याचबरोबर व्यावसायिकांच्या बँक कर्जाचे हप्ते भरण्यास शिथिलता द्यावी, कारण आमचे व्यवसायला अजून परवानगी नसून आम्ही बँकेच्या हफ्ते भरणार कुटून हा एक मोटा प्रश्न आमच्या समोर सध्या निर्माण झालेला आहे,वाहतुकीसंदर्भात गाड्यांचे पासिंग, इन्शुरन्स, कर भरणा याबात सवलत मिळावी. सर्व तंत्रज्ञाना कलाकाराचा दर्जा मिळावा . व्यावसायिकांना त्यांच्या मुलांच्या शाळा व कॉलेजच्या फीसमध्ये सवलत मिळावी. व्यावसायिकांना आपले साहित्य ठेवण्यासाठी महापालिका हद्दीत जागा किंवा गाळे नाममात्र भाडेतत्वावर उपलब्ध करून द्यावेत. तंत्रज्ञ म्हणून काम करणाऱ्या कलावंतांचा आरोग्य विमा शासनाने काढून द्यावा. कलाकार, तंत्रज्ञ कल्याण मंडळांची स्थापना करावी, यापुढे असे होऊ नये आणि, तसेच आमच्या व्यवसायाशी निगडीत असलेले गुन्हे त्वरित मागे घेण्यात यावे. आमच्या मागण्या आहेत.”

शिरीष पाठक म्हणाले, “इव्हेंट्सशी संबंधित पुण्यात १० हजार व्यावसायिक आहेत. प्रत्येक व्यावसायिकाकडे १० ते ५० कामगार आहेत. त्यांच्यावर अवलंबून असलेल्या लोकांची संख्या १० ते १२ लाख इतकी आहे. लग्न समारंभ, गणेशोत्सव यासह इतर अनेक कार्यक्रमांचा सिझन गेल्या सहा महिन्यात होऊन गेला. त्यात ५० ते ६० कोटीची उलाढाल झाली असती. परंतु, कोरोनामुळे हे सगळे व्यावसायिक घरात बसून असल्याने आज त्यांच्यावर उपासमारीची वेळ आली आहे.” शासनाने आमच्या मागण्यांचा सहानुभूतीपूर्वक विचार करावा आणि आम्हा तंत्रज्ञ-कलावंतांना न्याय द्यावा, असे आवाहन सोमनाथ धेंडे यांनी केले.

पुणे-कला,संस्कृती,गायन,वादन,नृत्य यांचा मनोहारी संगम असणाऱ्या 26 व्या पुणे नवरात्रौ महोत्सवाची आज बैठक झाली.बैठकीमध्ये  कोविड-19 कोरोना विषाणूच्या प्रदूर्भावाच्या परिस्थितीत यंदाचा पुणे नवरात्रौ  सांस्कृतिक महोत्सव रद्द करण्याचा निर्णय घेण्यात आलेला आहे.गेल्याच वर्षी दिमाखदार रौप्यमहोत्सवी वर्ष साजरा करणाऱ्या पुणे नवरात्रौ महोत्सव या सांस्कृतिक महोत्सवाचे दरवर्षी श्री गणेश कला क्रीडा रंगमंच येथे नवरात्रीच्या दहा दिवसांत होणारे सांस्कृतिक कार्यक्रम यंदा होणार नसून शिवदर्शन येथील महालक्ष्मी मंदिर येथे देवीची आरास,देवीची पूजा व आरती हे कार्यक्रम चालू राहतील. आज मंदिर परिसरात मंडप उभारण्याची मुहूर्तमेढ रोवण्यात आली असून भाविकांच्या सोयीकरिता कोरोनाचे सर्व नियम पाळून श्री महालक्ष्मी देवीचे ऑनलाईन दर्शन देखील आयोजित केले जाईल. याची भक्तांनी नोंद घ्यावी. पुणे नवरात्रौ महोत्सव रद्द झाला असेल तरी सर्वत्र  कोरोनाचे संकट आलेले आहे. ते त्वरित दूर व्हावे.सुखा-समाधानाने भक्‍तांना जगता यावे व कोरोना  दृष्ट राक्षसाचा नाश करावा. अशी प्रार्थना श्रीमहालक्ष्मी देवीला सर्वांनी करूया. तसेच पुढील वर्षी आणखी दिमाखात पुणे नवरात्रौ  महोत्सवाचे आयोजन करण्यात येईल असे पुणे नवरात्रौ महोत्सवाचे अध्यक्ष व पुणे महानगरपालिका काँग्रेस पक्ष गटनेते आबा बागुल यांनी पत्रकात म्हटले आहे.
या बैठकीस पुणे नवरात्रौ महोत्सवाचे ट्रस्टी घनश्याम सावंत,नंदकुमार बानगुडे,नंदकुमार कोंढाळकर,रमेश भंडारी,अमित बागूल,सागर बागूल,सागर आरोळे आदी उपस्थित होते.