मुंबई, दि. 15 : आदिवासी समाजक्रांतीचे जनक आद्यक्रांतिवीर बिरसा मुंडा यांना जयंती निमित्त मुख्यमंत्री उद्धव ठाकरे यांनी आज अभिवादन केले.

मुख्यमंत्री श्री.ठाकरे यांनी मातोश्री निवासस्थानी आद्यक्रांतिवीर बिरसा मुंडा यांच्या प्रतिमेला पुष्पहार अर्पण करून विनम्र अभिवादन केले.

मुख्यमंत्री अभिवादनात म्हणतात, भगवान बिरसा मुंडा यांनी इंग्रजांच्या गुलामीत असलेल्या आदिवासी समाजाला मुक्त करण्यासाठी क्रांतिकारक चळवळ सुरु केली. त्यांनी आदिवासी बांधवांना शिक्षणाचे महत्त्व पटवून दिले. त्यांनी आदिवासी समाजामध्ये चैतन्य निर्माण केले. स्वराज्याच्या घोषणेने इंग्रजांपुढेही आव्हान निर्माण केले होते. बिरसा यांच्या ‘उलगुलानʼ या मुक्तीआंदोलनात हजारो आदिवासी सहभागी होते. आद्यक्रांतिवीर, आदिवासी समाजक्रांतीचे जनक बिरसा मुंडा यांना जयंती निमित्त विनम्र अभिवादन.

बीड – बीड जिल्ह्यात एका तरूणाने प्रेयसीवर अॅसिड हल्ला केल्याची व नंतर पेट्रोल टाकून जाळल्याची धक्कादायक घटना घडली होती. या घटनेने अवघा महाराष्ट्राला हदरला होता. अखेर नराधम प्रियकाराला पोलिसांनी अटक केली आहे. अविनाश राजुरे असे अटक करण्यात आलेल्या आरोपीचे नाव आहे.

आरोपी अविनाश राजुरेला पोलिसांनी नांदेड जिल्ह्यातील देगलूर येथून ताब्यात घेतले आहे. घटनेच्या अवघ्या 24 तासाच्या आत आरोपीच्या मुसक्या आवळण्यात पोलिसांना यश आले आहे.

बीड तालुक्यातील येळंब घाट परिसरात 22 वर्षीय प्रेयसीला अ‍ॅसिड आणि पेट्रोल टाकून जाळण्यात आले होते. या घटनेनंतर जिल्ह्यात एकच खळबळ उडाली. धक्कादायक बाब म्हणजे, तब्बल 12 तास ही तरुणी रस्त्याच्या बाजूला असलेल्या खड्यात तडफडत होती. घटनेनंतर आरोपी अविनाश राजुरे फरार झाला होता.

सावित्रा असे पीडित तरूणीचे नाव आहे. ती शेळगावातीलच आरोपी अविनाश राजुरे याच्यासोबत गेल्या काही दिवसांपासून पुण्यात लिव्ह इन रिलेशनशिपमध्ये राहत होती. दोघेही पुण्याहुन दुचाकीवरून गावी परतत होते.

गावी परतत असताना पहाटे 3 च्या दरम्यान बीड तालुक्यातील येळंब घाट परिसरातील निर्मनुष्य ठिकाणी अविनाशने गाडी थांबवली. त्यानंतर त्याने सावित्रावर अॅसिड टाकले. त्यानंतर तो एवढ्यावरच थांबला नाही, तर त्याने तिच्या अंगावर पेट्रोल ओतून तिला पेटवून दिलं. नंतर तो घटनास्थळावरून फरार झाला होता.

घटना घडल्यानंतर जवळपास 12 तास तरूणी रस्त्याच्या बाजूच्या खड्यात तडफडत होती. रस्त्यावरून येणाऱ्या जाणाऱ्यांना आवाज आल्याने त्यांनी खड्ड्यात पाहिलं. त्यावेळी पीडित तरूणी अर्धवट जळालेल्या अवस्थेत दिसून आली. लोकांनी त्वरित पोलिसांना घटनेची माहिती दिली. पोलिसांनी तत्काळ घटनास्थळी धाव घेत तरुणीला रुग्णालयात दाखल केलं होतं. मात्र उपचारादरम्यान तरूणीचा मृत्यू झाला.

 जयपूर -रविवारी अचानक वातावरण बदलले. जयपूर आणि बारांमध्ये अचानक वादळासह जोरदार पावसाने हजेरी लावली. जयपूरमध्ये काही ठिकाणी गाराही पडल्या. यामुळे अनेक घरांच्या छतावर बर्फाची चादर पसरलेली दिसली.जयपूरमध्ये सकाळपासून वातावरण बदलेले आहे. दुपारपर्यंत सर्वत्र ढग पसरले आणि जोरदार पाऊस सुरू झाला. शहरातील मानसरोवर, दुर्गापूरा, मालवीयनगर, सोडाला, सहकार मार्ग, बाइस गोदाम, सी स्कीम सिव्हिल लाइंसमध्ये गाराही पडल्या.

हवामान विभागाने पूर्व राजस्थानच्या कोटा, बारां, भरतपूर, अलवर, झुंझनूं, सीकर, सवाई माधोपूर, टोंक, धौलपुर आणि जयपूर जिल्ह्यांसह पश्चिम राजस्थानच्या हनुमानगड, चूरू, श्रीगंगानगरसाठी रविवारी रात्रीपर्यंत यलो अलर्ट जारी करण्यात आला आहे.अफगाणिस्तान आणि आसपासच्या क्षेत्रात बनलेल्या पश्चिम क्षेत्र वादळात बदलत आहे. यामुळे राज्यात अनेक ठिकाणी पाऊस पडत आहे. राज्यात काल तापमान 2 ते 3 डिग्रीपर्यंत वाढले होते, पण पावसामुळे परत थंडी वाढली. हिवाळ्यात आलेल्या या पावसामुळे नागरिकांमध्ये चिंता व्यक्त होत आहे. या पावसामुळे सर्दी-तापेचे रुग्ण वाढू शकतात.

राष्ट्रवादी काँग्रेसमध्ये दाखल झालेले जेष्ठ नेते एकनाथ खडसे यांच्या कन्या रोहिणी खडसेंचा कोरोना रिपोर्ट पॉझिटिव्ह आला आहे. त्यांची प्रकृती उत्तम आहे. मात्र खबरदारी म्हणून त्यांना रुग्णालयात दाखल करण्यात आले आहे. रोहिणी यांनी ट्विट करत याविषयी माहिती दिली आहे. एकनाथ खडसे यांनी नुकताच भाजपला रामराम ठोकत राष्ट्रवादी काँग्रेसमध्ये प्रवेश केला आहे. यावेळी त्यांच्यासोबत कन्या रोहिणी खडसे यांनीही राष्ट्रवादीत प्रवेश केला.

रोहिणी खडसे या जळगावातील राजकारणात सक्रीय आहेत. गेल्या वर्षी झालेल्या विधानसभा निवडणुकांमध्ये त्यांनी भाजपच्या तिकिटावर निवडणूक लढवली होती. मात्र यामध्ये त्यांचा पराभव झाला होता. रोहिणी खडसे यांनी कोरोनाची चाचणी केल्यानंतर आज त्याचा अहवाल पॉझिटिव्ह आला आहे. रोहिणी खडसे ट्विट करत म्हणाल्या की, ‘माझी कोरोनाची चाचणी पॉझिटिव्ह आली असून प्रकृती उत्तम आहे सावधता म्हणुन रुग्णालयात दाखल होत आहे.’

बीड -येळंब घाट परिसरामध्ये प्रेयसीवर अ‍ॅसिड आणि पेट्रोल ओतून पेटवून दिल्याची धक्कादायक घटना समोर आली. यानंतर जखमी अवस्थेमध्ये पीडितेला रुग्णालयात दाखल करण्यात आले. मात्र, उपचारादरम्यान तिचा मृत्यू झाला. या घटनेमुळे खळबळ उडाली आहे. आता यावर विरोधी पक्षनेते देवेंद्र फडणवीस यांनी ट्विट करत या प्रकरणात तातडीने कठोर कारवाई करावी अशी मागणी राज्य सरकारकडे केली आहे.

‘एका तरुणीला अ‍ॅसिड आणि पेट्रोल टाकून जाळले गेले, 12 तास ती रस्त्यावर तशीच पडून होती आणि तिचा मृत्यू झाला. ही घटना मानवतेला काळीमा फासणारी आहे. राज्यात सातत्याने महिला अत्याचारात वाढ होते आहे. राज्य सरकारने या प्रकरणात तातडीने कठोर कारवाई करावी.’ असे म्हणत देवेंद्र फडणवीसांनी राज्य सरकारला तातडीने कारवाई करण्याची मागणी केली आहे.

तरुणी नांदेड जिल्ह्यातील शेळगावची रहिवासी होती. ती शुक्रवारी संध्याकाळी पुण्यावरुन एका तरुणासोबत आपल्या घरी जाण्यासाठी निघाली होती. तरुणाने तिला मध्यरात्री 2-3 वाजेच्या सुमारास येळंब घाट परिसरातील निर्मनुष्य ठिकाणी नेले आणि अॅसिड आणि पेट्रोल टाकून जिवंत जाळले.ही घटना घडल्यानंतर 12 तास तरुणी रस्त्याच्या बाजूच्या खड्यात तडफडत होती.

दुपारच्या सुमारास रस्त्यावरून जाणाऱ्यांना आवाज आल्याने त्यांनी खड्ड्यात पाहिले. यावेळी त्यांना तरुणी अर्धवट जळालेल्या अवस्थेत आढळून आली होती. त्यांनी तात्काळ पोलिसांना घटनेची माहिती दिली. पोलिसांनी तत्काळ घटनास्थळी धाव घेत, तरुणीला रुग्णालयात दाखल केले. पोलिसांनी सांगितले की, आरोपीचे नाव अविनाश राजुरे आहे. सध्या तो फरार असून, त्याचा शोध सुरू आहे. आरोपीविरोधात भा. दं. वि. कलम 326A आणि 307 अंतर्गत गुन्हा दाखल करण्यात आला आहे.

बीड-एका तरुणीला जिवंत जाळल्याचा धक्कादायक प्रकार उघडीस आला आहे. तरुणी नांदेड जिल्ह्यातील शेळगावची रहिवासी होती. ती शुक्रवारी संध्याकाळी पुण्यावरुन एका तरुणासोबत आपल्या घरी जाण्यासाठी निघाली होती. तरुणाने तिला मध्यरात्री 2-3 वाजेच्या सुमारास येळंब घाट परिसरातील निर्मनुष्य ठिकाणी नेले आणि अॅसिड आणि पेट्रोल टाकून जिवंत जाळले.

ही घटना घडल्यानंतर 12 तास तरुणी रस्त्याच्या बाजूच्या खड्यात तडफडत होती. दुपारच्या सुमारास रस्त्यावरून जाणाऱ्यांना आवाज आल्याने त्यांनी खड्ड्यात पाहिले. यावेळी त्यांना तरुणी अर्धवट जळालेल्या अवस्थेत आढळून आली होती. त्यांनी तात्काळ पोलिसांना घटनेची माहिती दिली. पोलिसांनी तत्काळ घटनास्थळी धाव घेत, तरुणीला रुग्णालयात दाखल केले. पोलिसांनी सांगितले की, आरोपीचे नाव अविनाश राजुरे आहे. सध्या तो फरार असून, त्याचा शोध सुरू आहे. आरोपीविरोधात भा. दं. वि. कलम 326A आणि 307 अंतर्गत गुन्हा दाखल करण्यात आला आहे.

मुंबई, :- लोणार सरोवर ही राज्यातील दुसरी तर देशातील एक्केचाळीसवी रामसर पाणथळ साईट म्हणून रामसर कन्वेंशन ऑन वेटलँड सेक्रेटरिएट स्वित्झरलँड या आंतरराष्ट्रीय संस्थेने घोषित केल्याची माहिती, वनमंत्री संजय राठोड यांनी दिली.  मागील दहा वर्षापासून या संदर्भात आंतरराष्ट्रीय संस्थेकडे पाठपुरावा चालू होता आणि जुलै २०२० मध्ये याबाबत अंतिम कागदपत्रे सादर करण्यात आली होती. या कागदपत्रांच्या आधारे लोणार सरोवर ही जागतिक रामसर साईट म्हणून घोषित झाले असून याबद्दल मुख्यमंत्री उद्धव ठाकरे यांनी वन विभागाचे अभिनंदन केले आहे असे श्री.राठोड यांनी सांगितले.

वनमंत्री म्हणाले,लोणार सरोवर हे एक आंतरराष्ट्रीय दर्जाचे ठिकाण असून हे सरोवर पर्यटकांचे मोठे आकर्षण ठरले आहे. ते प्राचिन असून या सरोवराची निर्मिती ही उल्कापातापासून झाली आहे. हे वर्तुळाकार असे मोठे सरोवर आहे. या सरोवराला कोठूनही पाण्याचा पुरवठा नसल्याने व साठलेल्या पाण्याचे बाष्पीभवन होत असल्याने येथील पाणी खारट झाले आहे. या सरोवरात काही सायनो बेक्टरिया आणि फायटोप्लांक आढळून येतात. सरोवराच्या आजूबाजूच्या परिसरात पक्ष्यांच्या १६० प्रजाती, सरपटणाऱ्या प्राण्यांच्या ४६ प्रजाती तर १२ प्राण्यांच्या प्रजाती आढळून येतात. या सरोवराची खोली सरासरी १३७ मीटर आहे. या सरोवराचा व्यास हा १.८० किलोमीटर असून त्याचे क्षेत्र हे ११३ हेक्टर इतके आहे.

इराण मधील रामसर या शहरात १९७१ मध्ये आंतराष्ट्रीय रामसर परिषद पार पडली होती. या परिषदेमध्ये जागतिक स्तरावरील महत्त्वाच्या पाणथळ साईट घोषित करून या साईटचे संरक्षण व संवर्धन करायचे असा महत्त्वपूर्ण करार करण्यात आला होता. जैवविविधता व परिस्थितिकीच्या दृष्टीने जागतिकस्तरावरील महत्त्वाच्या साइट या रामसर साइट म्हणून घोषित केल्या जातात.

यापूर्वी नांदूर मध्यमेश्वर ही राज्यातील पहिली रामसर पाणथळ साईट म्हणून घोषित झाली होती. आता लोणार ही राज्यातील अशा प्रकारे घोषित होणारी दुसरी साईट आहे. लोणार सरोवर ही रामसर साईट म्हणून घोषित झाल्याने जागतिक पर्यटकांचा ओघ या साईटकडे वाढणार आहे. निसर्ग पर्यटनाच्या अनुषंगाने लोणार सरोवर परिसर निसर्ग पर्यटन विकासाचा आराखडा तयार करण्यात येणार आहे. पर्यटन मंत्री आदित्य ठाकरे यांच्यासोबत लोणार सरोवर पर्यटन विकासाबाबत आपली चर्चा झाली असून पर्यटन विभाग व वन विभाग संयुक्तपणे यासाठी काम करेल अशी माहितीही वनमंत्र्यांनी दिली.