पुणे-  औरंगाबाद महानगरपालिकेत सत्ता आली तर पहिल्याच दिवशी औरंगाबादचे नामकरण संभाजी नगर असे करू असे भाजपचे प्रदेशाध्यक्ष चंद्रकांत पाटील यांनी येथे म्हटले आहे. या शिवाय नाल्यांच्या संरक्षक भिंती बांधण्याच्या कामासाठी राज्य सरकारकडून १०० ते १२५ कोटीचा निधी मिळावा म्हणून सरकारला पत्र पाठविण्यास देखील आ. पाटील यांनी प्रशासनास सांगितले आहे.

चंद्रकांत पाटील पुण्यात माध्यमांशी बोलत होते. यावेळी सभागृहनेते गणेश बिडकर ,नगरसेवक दीपक पोटे, तसेच संदीप खर्डेकर आदी उपस्थित होते.

ते म्हणाले,’ आज आम्ही शहराच्या विविध विकासाच्या कामांच्या मुद्द्यांवर बैठक घेतली .प्रशासनाचा सकारात्मक प्रतिसाद मिळविण्यासाठी संदीप खर्डेकर यांनी वारंवार प्रशासनाशी बैठका आयोजित केल्या .आता विधानसभा मतदारसंघ निहाय बैठका आता घेणार आहोत .ज्यात प्रशासनाचा सहभाग असेल .२४ बाय ७ योजनेतील ८४ टाक्या  डिसेंबर २१ पर्यंत  पूर्ण होऊन काही साध्य होणार नाही जोपर्यंत पाण्याच्या वितरणाच्या नलिका ,आणि ट्रांसमिशन लाईन्स  पूर्ण होत नाहीत . त्यामुळे असे ठरविले कि 1 विभाग आपण असा पूर्ण करू , ज्याच्या डिसेंबर अखेर पर्यंत टाक्या आणि नलिका सर्व पूर्ण करून व्यवस्था सुरु करू ज्यामुळे शहरात एक चांगला मेसेज जाईल . दरवर्षी पाऊस झाला की नाल्यांचे पाणी शहरात घुसते. त्यासाठी भिंती बांधणे आवश्यक आहे. त्यासाठी ३०० कोटींचा खर्च अपेक्षित आहे. खासगी सोसायट्यांच्या भिंती पालिकेच्या खर्चातून बांधणे शक्य नसल्याचे पालिकेने स्पष्ट केले आहे. पालिकेच्या भिंती वगळून सोसायट्यांच्या भिंतींबाबत प्रस्ताव तयार करून हा प्रस्ताव राज्य शासनाला पाठवावा. त्याचा पाठपुरावा केला जाईल. याबाबत उपमुख्यमंत्री अजित पवार यांची भेट घेऊन निवेदन देणार असल्याचे माहिती भाजपा प्रदेशाध्यक्ष चंद्रकांत पाटील यांनी दिली. मात्र पावसाळ्यापूर्वी महापालिका नाल्यातील गाळ काढून टाकेल. सरकारने तातडीने १०० ते १२५ कोटीचा निधी दिल्यास सर्व सरसकट नाल्याच्या संरक्षक भिंती उभारण्याचे काम हातही घेता येईल .

अपुरे राहिलेल्या  डीपी रस्त्यांचे रुंदीकरण करताना लोकांना ज्यांना टीडीआर नको असतो त्याना कॉम्पेन्सेशन बॉंड देण्यात यावेत या दृष्टीने हे बॉंड लवकरात लवकर आणणार असेही ते म्हणाले.  

पाटील म्हणाले, औरंगाबादचे संभाजीनगर नामकरण करण्यास शिवसेनेने भूमिका घ्यावी. याविषयात राजकारण करू नये. औरंगाबाद, अहमदनगर, उस्मानाबादची नावे बदलली जाणे हा श्रद्धेचा आणि अस्मितेचा विषय आहे. औरंगजेब हा कोणाचा पूर्वज आहे का? मुंबईत बसविण्यात आलेले आक्रमकांचे पुतळे हटविण्यात आलेले आहेत. तसेच ज्यांनी देशावर राज्य केले, जुलूम केले त्यांची नावे का मिरवायची ? औरंगजेबाचे नाव मिरवायचे ज्यांना इच्छा असेल त्यांनी ते मिरवावे. औरंगाबाद शहराचे संभाजीनगर हे नामकरण करावे याबाबत भाजपाची भूमिका स्पष्ट आहे. .

औरंगाबादचे नामकरण हा श्रद्धेचा विषय आहे, संभाजीनगर हे नाव सगळ्यांना मान्य असून हा राजकारणाचा विषय नाही, असेही ते यावेळी म्हणाले. औरंगाबाद महानगरपालिकेने नामकरणासाठी नवा प्रस्ताव द्यावा लगणार आहे. महापालिका आमच्या हातात द्या पहिल्याच दिवशी नामांतर करून देतो, असे म्हणत एक आश्वासनच चंद्रकांत पाटील यांनी दिले आहे.

रश्मी ठाकरेंना पत्र: “माझ्यासाठी विषय संपला” 

“माझ्या दृष्टीने विषय संपला आहे. मी फक्त वहिनींना तुम्ही सुसंस्कृत महिला संपादक असताना ही भाषा तुमच्या नावाला चिकटतेय. असं म्हणून शेवटी असं म्हटलं होतं की, पण तुम्हाला जर ती भाषा चालणार असेल, तर शुभेच्छा. आता काय चाललंय हे सर्वांना माहिती आहे. त्यामुळे आमच्या दृष्टीने हा विषय संपला आहे,” असं पाटील यांनी म्हटले आहे.

पुणे-स्वच्छता सेवकांना काम करताना अनेक अडचणी येतात,अनेकदा रस्त्यावरील घाण साफ करताना त्यांना ती हाताने किंवा पुठ्ठा वा अन्य तत्सम गोष्टींचा वापर करुन गोळा करावी लागते.मात्र सुधीर बर्वे यांनी यावर उपाय म्हणून निर्मिती केलेल्या Namo’s hand या औजाराचा सर्व स्वच्छता सेवकांनी वापर करावा व हे औजार त्यांना उपलब्ध करुन दिले जावे यासाठी आपण प्रयत्न करु असे भाजप प्रदेशाध्यक्ष आ.चंद्रकांतदादा पाटील म्हणाले.कोथरूडला आयोजित एका कार्यक्रमात क्रिएटिव्ह फाउंडेशन चे अध्यक्ष संदीप खर्डेकर यांनी हे औजार चंद्रकांतदादांना भेट दिले त्यावेळी दादांनी हे मत व्यक्त केले.
श्री.सुधीर बर्वे हे लंडन मधे रहात होते मात्र त्यांचे मन तेथे रमले नाही आणि मातृभूमीच्या ओढीने ते पुण्यात परतले.पंतप्रधान नरेंद्रभाई मोदींच्या स्वच्छता अभियानाने ते प्रभावित झाले आणि त्यांनी या क्षेत्रात काम करण्याचे ठरवले याचा आदर्श सर्वांनी घ्यावा असे संदीप खर्डेकर म्हणाले.
यावेळी नगरसेविका मंजुश्री खर्डेकर,नगरसेवक दीपक पोटे,भाजप कोथरूड मंडल अध्यक्ष पुनीत जोशी इ उपस्थित होते.
श्री.सुधीर बर्वे म्हणाले की मी अनेक ठिकाणी स्वच्छता सेवकांना हाताने कचरा / घाण गोळा करताना बघून व्यथित झालो आणि त्यातून अश्या प्रकारची निर्मिती करण्याचे ठरवले.हे औजार वापरण्यास सुलभ असून याद्वारे स्वच्छता सेवकांचे काम सुलभ होइल व प्रत्यक्ष हाताने कचरा गोळा करण्याची गरज नसल्याने त्यांचे आरोग्य रक्षण देखील होइल.हे औजार मनपा,जिल्हा परिषद,ग्राम पंचायत येथील सेवकांसाठी माफक किमतीत उपलब्ध केले जाईल असेही त्यांनी स्पष्ट केले.

पुणे विभागातील 5 लाख 42 हजार 605 कोरोना बाधित रुग्ण बरे होऊन घरी
विभागात कोरोना बाधित 5 लाख 65 हजार 781 रुग्ण
-विभागीय आयुक्त सौरभ राव
पुणे,दि.4 :- पुणे विभागातील 5 लाख 42 हजार 605 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 5 लाख 65 हजार 781 झाली आहे. तर ॲक्टीव रुग्ण संख्या 7 हजार 483 इतकी आहे. कोरोनाबाधीत एकुण 15 हजार 693 रुग्णांचा मृत्यू झाला असून मृत्यूचे प्रमाण 2.77 टक्के आहे. पुणे विभागामध्ये बऱ्या होणा-या रुग्णांचे प्रमाण 95.90 टक्के आहे, अशी माहिती विभागीय आयुक्त सौरभ राव यांनी दिली.
पुणे जिल्हा
पुणे जिल्हयातील कोरोना बाधीत एकूण 3 लाख 64 हजार 696 रुग्णांपैकी 3 लाख 50 हजार 274 रुग्ण बरे होवून घरी गेले आहेत. ॲक्टीव रुग्ण 5 हजार 670 आहे. कोरोनाबाधित एकूण 8 हजार 752 रुग्णांचा मृत्यू झाला आहे. मृत्यूचे प्रमाण 2.40 टक्के इतके आहे तर बरे होणा-या रुग्णांचे प्रमाण 96.05 टक्के आहे.
सातारा जिल्हा
सातारा जिल्हयातील कोरोना बाधीत एकूण 54 हजार 532 रुग्णांपैकी 52 हजार 102 रुग्ण बरे होवून घरी गेले आहेत. ॲक्टीव रुग्ण संख्या 663 आहे. कोरोनाबाधित एकूण 1 हजार 767 रुग्णांचा मृत्यू झाला आहे.
सोलापूर जिल्हा
सोलापूर जिल्हयातील कोरोना बाधीत एकूण 49 हजार 352 रुग्णांपैकी 46 हजार 705 रुग्ण बरे होवून घरी गेले आहेत. ॲक्टीव रुग्ण संख्या 916 आहे. कोरोनाबाधित एकूण 1 हजार 731 रुग्णांचा मृत्यू झाला आहे.
सांगली जिल्हा
सांगली जिल्हयातील कोरोना बाधीत एकूण 47 हजार 638 रुग्णांपैकी 45 हजार 720 रुग्ण बरे होवून घरी गेले आहेत. ॲक्टीव रुग्ण संख्या 184 आहे. कोरोनाबाधित एकूण 1 हजार 734 रुग्णांचा मृत्यू झाला आहे.
कोल्हापूर जिल्हा
कोल्हापूर जिल्हयातील कोरोना बाधीत एकूण 49 हजार 563 रुग्णांपैकी 47 हजार 804 रुग्ण बरे होवून घरी गेले आहेत. ॲक्टीव रुग्ण संख्या 50 आहे. कोरोनाबाधित एकूण 1 हजार 709 रुग्णांचा मृत्यू झाला आहे.
कालच्या रुग्णसंख्येच्या तुलनेत आज झालेली वाढ
कालच्या बाधीत रुग्ण संख्येच्या तुलनेत पुणे विभागात बाधीत रुग्णांच्या संख्येमध्ये 672 ने वाढ झाली आहे. यामध्ये पुणे जिल्ह्यात 543, सातारा जिल्ह्यात 31, सोलापूर जिल्ह्यात 65, सांगली जिल्ह्यात 11 तर कोल्हापूर जिल्ह्यात 22 अशी रुग्ण संख्येमध्ये वाढ झालेली आहे.
कालच्या रुग्णसंख्येमध्ये बऱ्या होणा-या रुग्णांचे प्रमाण
पुणे विभागामध्ये बऱ्या होणाऱ्या रुग्णांमध्ये एकूण 756 आहे. पुणे जिल्हयामध्ये 681, सातारा जिल्हयामध्ये 21, सोलापूर जिल्हयामध्ये 21, सांगली जिल्हयामध्ये 18 व कोल्हापूर जिल्हयामध्ये 15 रुग्णांचा समावेश आहे.
पुणे विभागातील सर्व्हेक्षण
आजपर्यत विभागामध्ये एकुण 33 लाख 48 हजार 288 नमून्यांचा तपासणी अहवाल प्राप्त झाला. प्राप्त अहवालांपैकी 5 लाख 65 हजार 781 नमून्यांचा अहवाल सकारात्मक (पॉझिटिव्ह) आहे.

( टिप :- दि. 3 जानेवारी 2021 रोजी रात्री 9.00 वा. पर्यंतच्या आकडेवारीनुसार )

पुणे : “मोबाईल, लॅपटॉप, ई-व्हेईकल्स आदी इलेक्ट्रॉनिक्स उपकरणांमध्ये लिथियम आयन बॅटरीचा वापर होतो. देशात प्रथमच लिथियम आयन बॅटरी उत्पादित करण्याचे संशोधन पुण्यातील शास्त्रज्ञांनी केले आहे. या संशोधनाला उत्पादनात रूपांतरित करून स्वदेशी लिथियम आयन बॅटरीचे उत्पादन सुरु होणार असल्याने भारत आत्मनिर्भरतेकडे वाटचाल करत आहे,” असे मत संशोधक आणि स्पेल टेक्नॉलॉजी प्रायव्हेट लिमिटेडचे चेअरमन, व्यवस्थापकीय संचालक डॉ. राजेंद्र कुमार शर्मा यांनी व्यक्त केले.

टेक्नॉलॉजी ट्रान्स्फर असोसिएशनतर्फे (टीटीए) भारतीय बनावटीच्या लिथियम आयन बॅटरीची प्रगती यावर आयोजित व्याख्यानात डॉ. शर्मा बोलत होते. रविवारी झूम मिटद्वारे झालेल्या या व्याख्यानावेळी ‘टीटीए’चे यशवंत घारपुरे, सचिव विलास रबडे, विश्वास काळे आदी उपस्थित होते. ‘टीटीए’चे हे ३६ वे व्याख्यान होते. सुपर कॅपॅसिटरचे उत्पादन करणारी स्पेल टेक्नॉलॉजी प्रायव्हेट लिमिटेड भारतातील एकमेव कंपनी आहे.

डॉ. राजेंद्रकुमार शर्मा म्हणाले, “लिथियम आयन बॅटरीच्या जगातील संशोधनात भारतीयांचा वाटा ७० टक्के आहे. शिवाय ही बॅटरी बाजारात येऊन २० वर्षे होत आली. मात्र, दुर्दैवाने या बॅटरीच्या उत्पादनात एकही भारतीय कंपनी नाही. ही बाब लक्षात घेऊन मिनिस्ट्री इलेक्ट्रॉनिक्स अँड इन्फर्मेशन टेक्नॉलॉजी आणि स्पेल टेक्नॉलॉजी प्रायव्हेट लिमिटेडच्या सहकार्याने सेंटर ऑफ मटेरियल्स फॉर इलेक्ट्रॉनिक्स टेक्नॉलॉजी (सी-मेट) येथे सेंटर ऑफ एक्सलन्स ऑन रिचार्जेबल बॅटरी टेक्नॉलॉजी उभारण्यात आले आहे. प्रायोगिक तत्वावर येथे बॅटरीचे संशोधन उत्पादन होत आहे.”

“या बॅटरीची भारतात मोठी गरज आहे. त्यामुळे लघु व माध्यम उद्योगांनी पुढाकार घेऊन लिथियम बॅटरीच्या उत्पादनात उतरले पाहिजे. त्यांना उत्पादनासाठी लागणारे संशोधन, परीक्षण व अन्य सर्व प्रकारचे सहकार्य या सेंटर ऑफ एक्सलन्सद्वारा केले जाणार आहे. आर्थिक विकासात आज ‘एमएसएमई’चा हातभार मोठा आहे. देशाच्या कानाकोपऱ्यात याचे उत्पादन सुरु झाले, तर भारताला चीनवर अवलंबून राहावे लागणार नाही,” असेही त्यांनी नमूद केले.

“सी-मेटच्या पुण्यातील केंद्रात ३५ हजार स्क्वेअर फूट परिसरात हा प्रकल्प उभारला जात असून, प्रायोगिक तत्वावर येथे बॅटरीचे उत्पादन सुरु होणार आहे. सेल, इलेक्ट्रोड व लागणाऱ्या अन्य गोष्टी पुरविण्यात येतील. ज्या कंपन्यांना या बॅटरीचे उत्पादन करायचे आहे, त्यांच्याशी सामंजस्य करार केला जाईल. त्यांना सर्वतोपरी मार्गदर्शन व सहकार्य करण्याची भूमिका या सेंटर ऑफ एक्सलन्सची आहे.” विलास रबडे यांनी सूत्रसंचालन केले. विश्वास काळे यांनी आभार मानले.

– शहरातील प्रातिनिधिक 25 कोरोना योध्यांचा सन्मान 
– महापौर माई ढोरे, आमदार महेश लांडगे यांची उपस्थिती 
पिंपरी —
‘अनसंग ‘वॉरीयर्स’ पुरस्काराने चांगल्या विचारांची देवाण- घेवाण करण्याचे काम केले. अधिकारी हे फक्त ‘सह्याजीराव’ म्हणजे सही करण्याचे काम करतात. मात्र लोकप्रतिनिधी यांच्यासह सर्वांच्या मार्गदर्शनाने आणि पाठपुराव्याने शहराचा विकास घडतो. प्रशासन आणि राजकारण यांनी सकारात्मक पद्धतीने घेतले, तर विकासाचा आलेख मांडता येतो. कोरोनाच्या काळात कोरोनामुक्त करण्यात यश मिळेल, असे मत महापालिका आयुक्त  श्रावण हार्डीकर यांनी व्यक्त केले. 
चिखली, मोशी, चऱ्होली हाउसिंग सोसायटी फेडरेशन, अविरत श्रमदान, पिंपरी चिंचवड यांच्या वतीने कोरोना योध्यांचा सन्मान करण्यात आला. भोसरीतील अंकुशराव लांडगे नाट्यगृहात हा कार्यक्रम पार पडला. या वेळी आयुक्त हर्डीकर बोलत होते. या वेळी महापौर माई ढोरे, आमदार महेश लांडगे उपस्थित होते. 
आयुक्त  श्रावण हार्डीकर म्हणाले की, पिंपरीतील नागरिकांचा अभिमान वाटतो. कोरोनाच्या काळात भीतीचे वातावरण होते. मात्र एकजणही कामचुकार वागले नाहीत. या काळात अनेक अडचणी आल्या. आरोग्य विभागातल्या कर्मचार्यांना पिपिई किट सुरुवातीला मिळाले नाही. सुरक्षा रक्षक मिळाले नाही. या काळात खुप वाईट गोष्टी पहिल्या. मात्र शहरातील नागरिकांच्या प्रेमामुळे कोरोनामुक्त शहर झाले. कोरोना पूर्ण गेला नाही. या प्रकारचे अनेक संकटे येतील. त्याला तोंड देणे गरजेचे आहे. त्यामुळे कोरोना वॉरीयर्सचा सन्मान हा माझा सन्मान आहे. निसर्गाशी पंगा घेणे चुकीचे आहे. त्यामुळे निसर्गाला जपत कार्यक्रम घ्यावे लागतील. त्यासाठी नागरिकांनी सहकार्य करावे, असे आवाहनही आयुक्त हर्डीकर यांनी केले. 
आमदार महेश लांडगे म्हणाले की, पाठीमागे वळून पहिले तर १० महिने कोणी हसले नाही. कोरोनामुळे सगळे चिंतेत होते. मात्र, कोरोनावर आपण मात केली. त्यामुळे कोरोना योद्धे यांच्या विषयी बोलताना मला आनंद होत आहे. काम करत असताना दरम्यानच्या काळात मलाही  कोरोना झाला. सगळ्यांनी माझ्यासाठी प्रार्थना केली. जवळच्या सर्वांनी मला फोन करून आधार दिला. त्यानंतर सर्वच कुटुंबातील अनेकांना कोरोनाचा प्रादुर्भाव झाला. त्यांनाही उपचारासाठी रुग्णालयात दाखल केले. कोरोना काळात वेळ इतकी वाईट होती की, माझ्या घरच्यांना नंतर कोणी फोनही केले नाही. माझ्या घराच्या बाहेर कोरोनाचे रुग्ण आढळले असल्याचा फलक लावला. गल्लीतील रस्ताही बंद केला. अशी वेळ इतरांवर येऊ नये, दुसऱ्याचे मनोबल वाढावे म्हणून दुसर्या दिवशी मी फेसबुकला सांगितले की, कोरोना झालेल्या प्रत्येक रुग्णांच्या घरच्यांना आधार द्या. त्या आवाहनाला नागरिकांनी प्रतिसाद दिला. प्रत्येक जण कोरोनाचा प्रादुर्भाव झालेल्या लोकांच्या घरच्यांना आधार देत होते. प्रत्येक तासनतास काळजीने चौकशी करत होते. त्यामुळे लोकांचे मनोबल उंचावले. त्या आधार देणाऱ्या नागरिकांचा मला अभिमान असल्याचे आमदार लांडगे म्हणाले. आयुक्त हर्डीकर यांच्याविषयी बोलताना आमदार लांडगे म्हणले की तुमचे काम कोणीही विसरू शकत नाही. आयुक्तांनी समतोल राखून काम केले. लोकांना आधार दिला. 
महापौर माई ढोरे म्हणाल्या की, कोरोना योध्यांचा सन्मान करण्याचा कार्यक्रम तो कौतुकास्पद आहे. शहरात कोरोनामुळे भीतीचे वातावरण होते. सर्वत्र स्मशान शांतता होती. कोरोनामुक्त शहर करण्यासाठी अधिकारी ते सफाई कामगार सर्वच कामात होते. आमदार यायचे. विकास नाही झाला तरी चालेल. मात्र २५ लाख लोकांचा जीव महत्वाचा मानला. विकास नंतर करता येतो. हा सर्वसमावेशक निर्णय झाला. त्यानंतर १० महिने लोकांच्या आरोग्याकडे लक्ष दिले. घरात राहा असे आवाहन केले. त्याला नागरिकांनी प्रतिसाद दिला. त्यामुळे सिंहाचा वाटा सर्वच लोकांचा आहे. बाहेर फिरणाऱ्या लोकांना कोरोना झाला. क्वारंटाईन सेंटर मध्ये गर्दी होती. अनेक वेळा गैरसोयीचा नागरिकांना सामना करावा लागला. मात्र तरीही कोरोना मुक्त शहर करून दाखविले. चिखली परिसराचा आमदार महेश लांडगे यांनी विकास केला. आणखी पुढे शहराच्या विकासासाठी निधी नाही म्हणू नका, अशी मागणी या वेळी महापौर माई ढोरे यांनी आयुक्त हर्डीकर यांना या वेळी केली.   
 पैलावानामधील संवेदनशील माणूस दादांच्या रूपाने दिसला…
माणसातला माणूस ओळखण्याचे सामर्थ्य असायला पाहिजे. हे सामर्थ्य निर्माण झाल्यास शहर आपोआपच स्मार्ट बनत जाते. विकासासाठी नागरिकांचे मन खुले असावे लागते. पिंपरी- चिंचवड शहरातील कोरोना योद्धे यांचा सन्मान करण्याचे काम आमदार महेश लांडगे यांनी केले. त्यांची ओळख पैलवान आमदार अशी आहे. मात्र आज त्यांच्या पुढाकाराने आयोजित केलेल्या या कार्यक्रमामुळे पैलवानातला संवेदनशील असलेला माणूस दिसला, अशा  भावना आयुक्त श्रावण हर्डीकर यांनी केल्या.   
कोरोना योध्यांचे काम सिमेवरील जवानासारखे : आमदार महेश लांडगे

कोरोनातून बरा झालो म्हणून अनेक जणांनी कोरोना योद्धा म्हणून माझाही सत्कार केला. मात्र ज्यांनी स्वताची व घराची काळजी न करता ज्यांनी काम केले ते खरे कोरोना योद्धे आहेत. जवळ न जाणाऱ्या लोकांजवळ हि लोक गेली. सीमेवर उभ्या असलेल्या सैनिकासारखे काम शहरातील कोरोना योद्ध्यांनी केले. गोळी लागणार हे माहित असताना देखील आपले जवान देशसेवा करतात. तसेच कोरोना योद्ध्यान्ही काम केले. सोडून गेलेल्या लोकांचे स्मरण आणि काम आठवत असल्याचे आमदार महेश लांडगे म्हणाले.

पुणे:  डेक्कन एज्युकेशन सोसायटीच्या (डीईएस) न्यू इंग्लिश स्कूल टिळक रोडचा १४१ वा वर्धापनदिन साजरा करण्यात आला. या निमित्ताने शाळेतील गुणवंत विद्यार्थ्यांचा सोसायटीचे कार्यवाह धनंजय कुलकर्णी यांच्या हस्ते सन्मान करण्यात आला.

विद्यार्थ्यांचा बौध्दिक, शारीरिक, मानसिक, आत्मिक, सामाजिक आणि कौशल्य विकास हे शिक्षणाचे कार्य आहे. व्यक्तिमध्ये असलेल्या उत्तम गुणांचे प्रगटीकरण हे शिक्षणाचे साध्य आहे. विद्यार्थ्यांचा व्यक्तिमत्त्व विकास महत्त्वाचे आहे. असे मत श्री. कुलकर्णी यांनी व्यक्त केले.

शाळेने ऑनलाईन पद्धतीने शिक्षण, विद्यार्थी निवडणुका आणि स्नेहसंमेलन साजरे केल्याची माहिती प्रशालेच्या मु‘याध्यापिका मनिषा मिनोचा यांनी दिली. शाला समितीचे अध्यक्ष खेमराज रणपिसे, सदस्य डॉ. विनय आचार्य, उपशाला प्रमुख दीपा अभ्यंकर, पालक-शिक्षक संघाच्या सहकार्यवाह सुकेशिनी खवळे, विद्यार्थी प्रतिनिधी वैष्णव जाधव, प्रणिता विधाते यांची प्रमुख उपस्थिती होती.

मु‘याध्यापिका मनिषा मिनोचा यांनी प्रास्ताविक, योगेश पाटील, देविदास झोडगे यांनी सूत्रसंचालन, सुरेशा जोशी यांनी आभार प्रदर्शन केले.

पुणे- नववर्षाच्या पहिल्याच दिवशी उमुख्यमंत्री अजितदादा पवार, विपक्षनेते आणि माजी मुख्यमंत्री देवेंद्र फडणवीस ,तसेच भाजपा प्रदेशाध्यक्ष आ. चंद्रकांतदादा पाटील यांच्या उपस्थितीत आयोजित करण्यात आलेल्या कार्यक्रमाचे वार्तांकन  करावयास सभागृहात प्रवेश करताना काही वाहिन्यांच्या प्रतिनिधींना झालेल्या धक्कबुकी प्रकरणामुळे आज महापौर कार्यालयात आयोजित करण्यात आलेल्या आ. चंद्रकांतदादा पाटील यांच्या पत्रकार परिषदेवर काही माध्यमांच्या प्रतिनिधींनी महापौर कार्यालयात उपस्थित रहाणे टाळून महात्मा फुले यांच्या पुतळ्या समोरील हिरवळीवर आम्ही चंद्रकांतदादा यांच्याशी बोलू असा पवित्रा घेतला . महापौर कार्यालयात काही माध्यमांच्या प्रतीनिधींसमवेत या वेळी आपली पत्रकार परिषद उरकून चंद्रकांतदादा आणि सभागृहनेते गणेश बिडकर यांनी हिरवळीवर थांबलेल्या ‘या ‘ माध्यम प्रतिनिधींशी बातचीत केली . आणि यावेळी त्यांनी त्या धक्काबुक्की बाबत  दिलगिरीही व्यक्त केली. ज्यांना धक्काबुक्की झाली त्यांनी याप्रकरणी खंबीर पवित्रा घेतला तसेच एन यु जे च्या महाराष्ट्रप्रदेश अध्यक्षा   शीतल करदेकर ,मराठी पत्रकार परिषदेचे सुनील लोणकर यांनी या धक्काबुक्कीचा निषेध व्यक्त केला होता . 

वास्तवता….नेमके झाले तरी काय होते ….

1 जानेवारी रोजी कार्यक्रमाचे  नियोजन महापौर ,नगरसचिव  या दोहोंच्या कार्यालयाकडून करण्यात आले होते . यावेळी कोरोना  महामारी  च्या पार्श्वभूमीवर सभागृहात गर्दी नको म्हणून त्यांनी माध्यमांच्या कॅमेरांना देखील सभागृहात मज्जाव करण्याचे धोरण अंगीकारत  त्यांना पत्रकार कक्षातून चित्रीकरण करण्यास सांगितले. जो पत्रकार कक्ष प्रत्यक्षात व्यासपीठाच्या मागे आहे.सभागृहात असलेल्या व्यासपीठा समोर मात्र  महापालिकेच्या वतीने नियुक्त केलेल्या ठेकेदाराचे,आणि अन्य असे सुमारे  ५ ते ६ कॅमेरे, संगणक आणि त्यांच्या सहायकांना हवी ती सुविधा पुरविण्यात आली होती . व्यासपीठा समोर यांच्यासह अन्य एका बड्या  वाहिनीचा कॅमेरा नंतर समाविष्ट झाला. पत्रकार आणि माध्यमांच्या अन्य कॅमेरांना व्यासपीठाच्या मागे वरच्या बाजूला असलेल्या पत्रकार कक्षातूनच वार्ताकन,चित्रीकरण करण्यात सांगण्यात आले होते .पत्रकारांची  येथून वार्तांकन करण्यास हरकत नव्हतीच . परंतु येथून आम्ही फोटो कसे काढणार .. नेत्यांची भाषणे आणि चित्रीकरण कसे करणार ? हा प्रश्न नेहमीप्रमाणे आ वासून या कॅमेरामन पुढे उभा होता .त्यामुळे नामवंत अशा वृत्तपत्राच्या छायाचीत्रकारांना हि मनस्ताप होताना  दिसत होते. त्यात त्यांना सभागृहातील हे ५/६ कॅमेरे दिसत होते त्यामुळे काहीना सभागृहात मुक्त प्रवेश मिळतो आणि काहीना अशाप्रकारे दूर ठेवले जाते हि भावना बळावली आणि अखेरीस वाहिन्यांच्यासह काही  वृत्तपत्रांच्या छायाचित्रकारांनी देखील सभागृहात जाण्यासाठी धाव घेतली . तिथे त्यांना पोलिसांनी नव्हे तर महापालिकेच्या सुरक्षा रक्षकांनी अडविले आणि  यावेळी प्रत्यक्षात कार्यक्रम सुरु होऊन पुढे वेगाने सरकत होता . या स्थितीत सुरक्षा रक्षकांनी केलेल्या धक्काबुक्कीत वरिष्ठ प्रतीनिधीनाही अवमानित होण्याची वेळ आली. एकाचे घड्याळ हरविले. तर चांगलीच जोरदार बाचाबाची झाली . 

चूक कोणाची -जबाबदारी कोणाची ?

कोरोना काळात खबरदारी म्हणून गर्दी होऊ नये म्हणून घेण्यात येणारी खबरदारी महापौर आणि नगरसचिव कार्यालयाने निश्चितच घ्यायला हवी याबाबत कोणाचे दुमत नाही . पण हि खबरदारी घेताना सर्वांना एकच न्याय ..या पद्धतीचे आचरण निश्चित असायला हवे. सभागृहात कॅमेरा नको तर कुणाचाच नको हि भूमिका घेतली गेलेली  दिसली नाही. व्यासपीठाच्या पुढे ठेकेदाराची सुमारे  १० जणांची टीम चित्रीकरण आणि फोटोग्राफीसाठी ठेवणाऱ्या या कार्यालयाने  त्यांची काळजी घेतली तशी  माध्यम  प्रतिनिधी आपले काम  व्यवस्थितपणे कसे करू शकतील याबाबत मात्र पर्वा केली कि नाही याबाबत चौकशी गरजेची आहे  . सभागृहातील व्यासपिठा समोर सर्वात मागील आणि मध्य बाजूस एक  तात्पुरता पण भक्कम उंचवटा  करून तिथे कॅमेरामन साठी जागा करवून देता येणे शक्य होते. अशा प्रकारची जागा असंख्य बड्या  कार्यक्रमांना  करवून दिली जाते .पण याबाबत कोणी का  विचार केला नाही हाही प्रश्न आहेच .

पुणे : ऑल इंडिया कौन्सिल फॉर टेक्निकल एज्युकेशन (एआयसीटीई) आणि कॉन्फेडरेशन ऑफ इंडियन इंडस्ट्रीज (सीआयआय) यांनी संयुक्तपणे केलेल्या सर्वेक्षणात टॉप इंडस्ट्री-लिंक्ड टेक्निकल इन्स्टिट्यूट्समध्ये सूर्यदत्ता इन्स्टिट्यूट ऑफ मॅनेजमेंट अँड मास कम्युनिकेशन (एसआयएमएमसी) आणि सूर्यदत्ता इन्स्टिट्यूट ऑफ बिझनेस मॅनेजमेंट अँड टेक्नॉलॉजी (एसआयबीएमटी) या दोन महाविद्यालयांना प्लॅटिनम कॅटेगरीत स्थान मिळाले असून, भारतातील टॉप मॅनेजमेंट इन्स्टिट्यूटमध्ये येण्याचा बहुमान सूर्यदत्ता संस्थेला मिळाला आहे. नुकत्याच झालेल्या व्हर्च्युअल सीआयआय एजुकेशन समिटमध्ये सर्वेक्षणाचा अहवाल सादर झाला. ‘एसआयएमएमसी’ला सलग सहाव्या वर्षी प्लॅटिनम श्रेणीमध्ये येण्याचा बहुमान मिळाला आहे. शासकीय अभियांत्रिकी महाविद्यालय, डिपार्टमेंट ऑफ मॅनेजमेंट, मराठवाडा मित्र मंडळ कॉलेज ऑफ फार्मसी अशा संस्थांसमवेत सूर्यदत्ताला हा बहुमान मिळाला आहे.
औद्योगिक आणि शैक्षणिक संस्थांतील सहकार्य वाढवण्याच्या उद्देशाने एआयसीटीई आणि सीआयआय यांनी संयुक्तपणे २०१२ पासून हे सर्वेक्षण सुरु केले आहे. अभियांत्रिकी, व्यवस्थापन, औषधनिर्माण आणि आर्किटेक्चर या विद्याशाखांचा सर्वेक्षणात समावेश आहे. या सर्व्हेक्षणात तांत्रिक संस्था उद्योगांशी जोडल्या गेल्या असून, गेल्या नऊ वर्षांपासून ‘सीआयआय’ने ‘एआयसीटीई’च्या माध्यमातून सर्वेक्षणाचे काम सुरु ठेवले आहे. मूल्यांकन मापदंडांमध्ये गव्हर्नन्स (१०%), अभ्यासक्रम (२०%), प्राध्यापक वर्ग (२०%), पायाभूत सुविधा (१०%), सेवा / प्रकल्प व कौशल्य विकास (२०%) आणि प्लेसमेंट (१०%) यांचा समावेश आहे. एकूण ८१४ शिक्षण संस्थांनी या सर्वेक्षणात भाग घेतला. त्यात १८४ इन्स्टिट्यूट प्लॅटिनम कॅटेगरीत आल्या. उद्योगांना पूरक अभियांत्रिकी प्रशिक्षण आणि उपक्रम, बाजारपेठेच्या गरजेनुसार प्रतिभा निर्मिती, अभ्यासक्रमाची रचना करताना उद्योग जगताचा सहभाग, उद्योगांना अभ्यास भेटी, प्रत्यक्ष प्रशिक्षण, राष्ट्रीय-आंतरराष्ट्रीय स्तरावरील संयुक्त प्रकल्प, उद्योगभिमुख प्रकल्प आणि कौशल्ये प्रशिक्षण, विद्यार्थ्यांना मिळालेल्या प्लेसमेंट, रोजगार संधी, स्टार्टअप्स अशा अनेक मुद्द्यांवर आधारित असे हे सर्वेक्षण होते.
या मानांकनाबद्दल आनंद व्यक्त करून ‘एसआयएमएमसी’चे संचालक आणि ‘सूर्यदत्ता’चे संस्थापक अध्यक्ष प्रा. डॉ. संजय चोरडिया म्हणाले, “संस्थेच्या ‘एसआयएमएमसी’ला सलग सहाव्यांदा आणि ‘एसआयबीएमटी’ला प्रथमच प्लॅटिनम प्रकारात स्थान मिळाले, हे अभिमानास्पद आहे. हे यश सर्व विद्यार्थी, प्राध्यापक, कर्मचारी, माजी विद्यार्थी, राष्ट्रीय-आंतरराष्ट्रीय स्तरावरील सहयोगी सभासद, संस्था, प्लेसमेंट देणाऱ्या कंपन्या यांच्या सक्रिय सहभागामुळे शक्य झाले. सूर्यदत्ता संस्था जगातील सर्वोकृष्ट संस्था बनवण्याचा आमचा मानस आहे. त्यादृष्टीने आम्ही काम करत आहोत. यासाठी अत्याधुनिक तंत्रज्ञानाचा वापर करून आणि उच्च गुणवत्तेच्या संशोधनाची नेमणूकी केली असून, आम्ही व्यवस्थापन-विकास कार्यक्रम, कन्सल्टन्सी, अप्लाइड रिसर्च, इंटर्नशिप टेंअर्स आणि इव्हेंट मॅनेजमेंट आदी उपक्रमही राबवतो. त्यामुळे विद्यार्थ्यांचा सर्वांगीण विकास होण्यास मदत होते.”
सूर्यदत्ता इन्स्टिट्यूट ऑफ मॅनेजमेंट अँड मास कम्युनिकेशन (सीएमएमसी) ही भारतातील अशा काही मोजक्या संस्थांपैकी एक आहे ज्यांना सलग सहा वर्षे प्लॅटिनम प्रकारात स्थान देण्यात आले आहे. हे यश सर्व विद्यार्थी, प्राध्यापक, कर्मचारी, माजी विद्यार्थी आणि संस्थेच्या सक्रिय पाठिंबा सहभागामुळे शक्य झाले. सूर्यदत्ता संस्था जगातील सर्वोकृष्ट संस्था बनवण्याचा आमचा मानस आहे. त्यादृष्टीने आम्ही काम करत आहोत. यासाठी अत्याधुनिक तंत्रज्ञानाचा वापर करून आणि उच्च गुणवत्तेच्या संशोधनाची नेमणूकी केली असून, आम्ही व्यवस्थापन-विकास कार्यक्रम, कन्सल्टन्सी, अप्लाइड रिसर्च, इंटर्नशिप टेंअर्स आणि इव्हेंट मॅनेजमेंट आदी उपक्रमही राबवतो. त्यामुळे विद्यार्थ्यांचा सर्वांगीण विकास होण्यास मदत होते, असे डॉ. संजय चोरडिया यांनी नमूद केले.
“सावित्रीबाई फुले पुणे विद्यापीठाशी संलग्न ‘एसआयएमएमसी’ हे ‘एआयसीटीई’, महाराष्ट्र राज्य व केंद्रीय मनुष्यबळ विकास मंत्रालय मान्यताप्राप्त आणि ‘नॅक’द्वारा अधिस्वीकृती असलेले महाविद्यालय आहे. शिक्षणासोबतच सूर्यदत्तामध्ये विद्यार्थ्यांना त्यांच्या आवडीनुसार इतर क्षेत्रात त्यांचे कौशल्य दाखविण्यासाठी प्रोत्साहित केले जाते. या व्यावसायिक आणि व्यक्तिगत विकासाच्या पद्धतीमुळे विद्यार्थ्यांची जडणघडण उत्तम होते. विविध कार्यशाळा, मार्गदर्शन सत्रे नियमित आयोजिली जातात. विद्यार्थ्यांसमोर आदर्श ठेवण्याच्या उद्देशाने आजवर जवळपास ३०० हुन अधिक पद्म आणि नोबेल विजेत्यांना सूर्यदत्ताने सन्मानित केले आहे,” असेही डॉ. चोरडिया यांनी नमूद केले. 

सर्वेक्षणातील ठळक मुद्दे-पूर्ण सर्वेक्षणासाठी शॉर्टलिस्ट केलेल्या संस्थांची संख्या : ४४८६-
पूर्ण सर्वेक्षणात सहभागी झालेल्या संस्थांची संख्या : ८१४प्लॅटिनमची मिळालेल्या संस्थांची संख्या : १८४प्लॅटिनममध्ये महाराष्ट्रातील संस्था : ५३गोल्ड श्रेणी मध्ये : २४६सिल्व्हर श्रेणी मध्ये : ३८४