पुणे- कोरेगाव भीमा येथील विजयस्तंभ ऐतिहासिक असून पर्यटन स्थळ म्हणून नव्हे तर शूरवीरांना अभिवादन करण्याचे स्थळ म्हणून विकसित करण्यात येईल, असे ऊर्जामंत्री डॉ. नितीन राऊत यांनी म्हटले. ऊर्जामंत्री डॉ. नितीन राऊत यांनी कोरेगाव भीमा येथील ऐतिहासिक विजयस्तंभास अभिवादन करून पुष्पचक्र अर्पण केले. त्यानंतर ते पत्रकारांशी बोलत होते.

डॉ. राऊत यांनी वढु बु. तुळापूर येथील छत्रपती संभाजी महाराज यांचे समाधीस्थळ व वीर गोविंद गोपाळ गायकवाड महाराज यांचे समाधी स्थळांना भेटी देऊन त्यांना अभिवादन केले. याप्रसंगी त्यांच्यासोबत अखिल भारतीय काँग्रेसच्या अनुसूचित जाती विभागाचे नवनियुक्त अध्यक्ष राजेश लिलोठिया, राज्य मानवाधिकार आयोगाचे माजी अध्यक्ष न्या.थूल, मराविमं सूत्रधारी कंपनीचे सल्लागार उत्तम झाल्टे, महाराष्ट्र प्रदेश काँग्रेसच्या अनुसूचित जाती विभागाचे कार्याध्यक्ष गौतम आरकडे, उपाध्यक्ष सुजित यादव, शहर अध्यक्ष शिलार रतनगिरी उपस्थित होते.

या परिसरात फिरत असताना हजारो लोकांनी त्यांना ‘जयभीम’ म्हणत त्यांचे स्वागत केले. त्यांच्या सोबत छायाचित्रे काढून घेण्यासाठी आंबेडकरी तरुणांनी एकच गर्दी केली.

“या ठिकाणी शौर्य गाजविणाऱ्या शूरवीरांना अभिवादन करताना मला विशेष आनंद होत आहे. राज्य शासनाने या स्मारक परिसराचा विकास करण्यासाठी 100 कोटी रुपयांचा निधी दिला आहे. त्यातून आवश्यक त्या सोयीसुविधा लवकरात लवकर निर्माण करण्यासाठी आम्ही प्रयत्नशील आहोत. हा  स्तंभ शौर्याचे प्रतीक आहे. दीक्षाभूमी, चैत्यभूमीसारखाच भीमा कोरेगाव स्मारकाचा विकास करण्यात येईल,” अशी ग्वाहीही त्यांनी याप्रसंगी दिली.
या परिसराच्या विकासात न्यायालयीन खटल्यामुळे काही अडचणी निर्माण झाल्या आहेत. त्या दूर करण्यासाठी राज्य सरकार योग्य ती पावले उचलेल, अशी घोषणा त्यांनी केली.
वढू येथे यावेळी वीर गोविंद गोपाळ महाराजांचे वंशज पांडुरंग गायकवाड यांच्या निवासस्थानी त्यांनी भेट दिली. यावेळी गायकवाड यांच्या कुटुंबियांसोबतच मोठया संख्येने उपस्थित असलेल्या ग्रामस्थांशी त्यांनी संवाद साधला.यावेळी गायकवाड कुटुंबातील सदस्यांनी त्यांच्यासोबत छायाचित्रेही घेतली.

यानंतर लोणीकंद येथे महाराष्ट्र राज्य मागासवर्गीय विद्युत कर्मचारी संघटनेद्वारा आयोजित खिचडी वाटप कार्यक्रमास उपस्थित राहून भीमा कोरेगाव येथील विजयस्तंभला मानवंदना करण्यास आलेल्या समाज बांधवांना खिचडी व पाणी वाटप केले.

हायमास्ट उभारणीनंतर आता
विद्युत वाहिन्या भूमिगत होणार

वढु बु. तुळापूर येथील छत्रपती संभाजी महाराज यांच्या समधीस्थळ व वीर गोविंद गोपाळ गायकवाड महाराज यांचे समाधी स्थळ परिसरात असलेल्या विद्युतवाहिन्या भूमिगत करण्याचे निर्देश यावेळी डॉ राऊत यांनी महावितरणच्या अधिकाऱ्यांना दिले आहेत. गेल्यावेळेस या परिसराला त्यांनी भेट दिली तेव्हा त्यांना या परिसरात हाय मास्ट दिव्यांची गरज असल्याचे त्यांच्या लक्षात आले. त्यामुळे त्यांनी भीमा कोरेगाव परिसर, वढू बुद्रुक येथील समाधी परिसर येथे हायमास्ट दिवे तात्काळ उभारण्याचे आदेश दिले होते. त्यानुसार वढू गावात नियमित वीज पुरवठा खंडीत झाल्यास रिंगफिडर या पर्यायी व्यवस्थेद्वारे आपत्कालीन वीज पुरवठ्याची व्यवस्था उभारण्यात आली आहे. समाधी परिसरातील वीज वितरण व्यवस्थेची नियमित देखभाल केली जात असून या परिसराला वीज पुरवठा करणाऱ्या रोहित्रांची क्षमता वाढ करण्यात आली आहे.

पुणे – संगिता तिवारी यांची महाराष्ट्र प्रदेश महिला काॅंग्रेस कमिटीच्या उपाध्यक्षपदी नियुक्ती करण्यात आली आहे. अखिल भारतीय कॉंग्रेस कमिटीच्या अध्यक्षा श्रीमती सोनियां गांधी आणि नेते राहुल गांधी आणि अ. भा. महिला काँग्रेस कमिटीच्या अध्यक्षा नेटाजी डिसूझा, ममता भूपेश (महाराष्ट्र प्रभारी) या सर्वांच्या मान्यतेने महाराष्ट्र प्रदेश महिला काँग्रेस कमिटीच्या अध्यक्षा संध्या सव्वालाखे यांनी महाराष्ट्र प्रदेश महिला काॅंग्रेस कमिटीची कार्यकारिणी नुकतीच जाहीर केली
संगिता तिवारी पुणे मनपाच्या शिक्षण मंडळाच्या माजी अध्यक्षा तसेच पुणे शहर काँग्रेस कमिटीच्या सरचिटणीस आणि महाराष्ट्र प्रदेश महिला काॅंग्रेस कमिटीच्या सरचिटणीस म्हणून काम केले आहे कॉंग्रेस पक्षाचे माध्यमातून महिलांचे विविध प्रश्न सोडविण्यासाठी आणि महिला सक्षमीकरणासाठी त्यांचा पुढाकार असतो , तसेच अनेक वर्षे महिला बचत गट प्रदर्शन, व्यवसाय व रोजगार उपलब्ध करून देणे, व्यवसाय मार्गदर्शन, सामाजिक विषयावर शॉर्ट फिल्म फेस्टिवल असे अनेक उपक्रम  कॉंग्रेस पक्षाचे  अंतर्गत घेतले आहेत, कोरोना काळात श्रमिक रेल्वे मधुन जाण्यारया माइग्रेंट्स ला सर्व मदत पार्टीच्या  बॅनर  खाली केली,
संगिता तिवारी यांची महाराष्ट्र प्रदेश महिला काँग्रेस कमिटीच्या उपाध्यक्षपदी नियुक्ती झाल्याबद्दल सर्वांनी त्यांचे अभिनंदन केले आहे, कॉंग्रेस पक्षाचे माध्यमातून महिलांसाठी काम करत राहीन असे मनोगत तिवारी यांनी यावेळी व्यक्त केले

पुणे,दि.१ जानेवारी: “दलितांच्या सर्वागिण उद्धारासाठी महर्षी विठ्ठल रामजी शिंदे यांनी आपले संपूर्ण आयुष्य वेचले. त्यांनी अहिल्याश्रम व शिक्षण संस्था उभ्या करून ते दलितांना सुर्पूत केले. अशा व्यक्तींनी आपला वारसा हक्क सुद्धा दलितांना दिला.त्यांच्या या कार्यामुळे भारतरत्न या सम्मानाने त्यांचा गौरव होणे गरजचे आहे. ”असे विचार ज्येष्ठ साहित्यिक आचार्य रतनलाल सोनाग्रा यांनी व्यक्त केले.
एमआयटी वर्ल्ड पीस युनिव्हर्सिटीतर्फे लेखक आचार्य रतनलाल सोनाग्रा लिखीत विश्वधर्म के उपासक उपेक्षित, वंचित, दलित वर्ग के उद्धारक, कर्मयोगी ‘ महर्षी विठ्ठल रामजी शिंदे’ या हिंदी ग्रंथांचे प्रकाशन विमाननगर येथे एमआयटी डब्लयूपीयूचे कुलगुरू डॉ. आर.एम.चिटणीस यांच्या हस्ते करण्यात आले. यावेळी लेखकांनी आपली भावना व्यक्त केली. भागलपूर विश्वविद्यालय के हिंदी विभाग प्रमुख प्रा.डॉ. लखनलाला सिंग आरोही हे उपस्थित होते.
महर्षी विठ्ठल रामजी शिंदे यांची २ जानेवारी रोजी ७८ वा स्मृती दिवस आहे. त्यानिमित्त रतनलाल सोनाग्रा लिखित ग्रंथाचे प्रकाशन करण्यात आले.
आचार्य रतनलाल सोनाग्रा म्हणालेे,“विठ्ठल रामजी शिंदे हे समाज सुधारक होते. बहुजन समाजाचे असूनही त्यांनी दलित समाजसाठी मोलाचे कार्य केले आहे. आंबेडकरांच्या अगोदर पासून शिंदे हे दलितांना न्याय मिळवून देण्यासाठी प्रयत्न करीत होते. लोकमान्य टिळक आणि महात्मा गांधीजी यांना जोडणारा महत्वाचा सेतू ते होते. शाहू, फुले, डॉ.आंबेडकर यांचा उल्लेख होतांना दिसत आहे. तसे नसून शाहु, फुले, शिंदे आणि डॉ. आंबेडकर असे झाला पाहिजे.”
डॉ. आर.एम.चिटणीस म्हणाले,“रामजी शिंदे यांचे कार्य अतुलनीय आहे. महर्षी यांना भारतरत्न देऊन सन्मान करावा अशी मागणी केली जात आहे. लेखकांनी महर्षी शिंदे यांचे जीवनातील बारकावे शोधून त्यांनी केलेल्या सर्व कार्याचा उहापोह या ग्रंथात केलेला आहे. म्हणून हा ग्रंथ समाजाला उपयुक्त ठरणार आहे.”
प्रा.डॉ. लखनलाला सिंग आरोही म्हणाले,“ हिंदी भाषेमध्ये दलित साहित्याला समृद्ध करण्यासाठी मराठी साहित्याने खूप मोठे योगदान दिले आहे. लेखक सोनाग्रा यांनी महर्षी विठ्ठल शिंदे यांच्या उपेक्षित अध्यायाला लिहून सर्वांचे ध्यान आकर्षीत केले आहे. देशातील वर्ण व्यवस्थेमुळे काही महानव्यक्ती उपेक्षित होते. अशांचा शोध घेऊन लिखान करणे खूप मोठे कार्य आहे.”

• भीमा कोरेगाव येथे २०४ व्या शौर्य दिनानिमित्त विजयस्तंभास अभिवादन .

पुणे : भीमा कोरेगाव येथील ऐतिहासिक विजयस्तंभ परिसरातील शंभर एकर जमीन संपादित करून तेथे भव्य राष्ट्रीय स्मारक उभारावे. त्यासाठी केंद्र सरकारच्या वतीने ५० ते १०० कोटींचा निधी मिळवून देण्याचा माझा प्रयत्न राहील. राज्य सरकारने १०० कोटींचा आराखडा तयार केला आहे. राज्य आणि केंद्र सरकारच्या सहकार्यातून विजयस्तंभ परिसरात भव्य स्मारक उभरण्यासाठी प्रयत्न करणार आहे,” असे प्रतिपादन केंद्रीय सामाजिक न्याय राज्यमंत्री व रिपब्लिकन पार्टी ऑफ इंडियाचे (आठवले गट) राष्ट्रीय अध्यक्ष रामदास आठवले यांनी केले.
शनिवारी (ता. १) २०४ व्या शौर्य दिनानिमित्त रामदास आठवले यांनी भीमा कोरेगाव येथील विजयस्तंभास पुष्पचक्र अर्पण करत अभिवादन केले. यावेळी ‘रिपाइं’चे जिल्हाध्यक्ष सूर्यकांत वाघमारे, पुण्याच्या उपमहापौर सुनीता वाडेकर, ‘रिपाइं’चे शहराध्यक्ष शैलेंद्र चव्हाण, प्रदेश सचिव बाळासाहेब जानराव, पश्चिम महाराष्ट्र युवक आघाडीचे अध्यक्ष परशुराम वाडेकर, संपर्कप्रमुख अशोक कांबळे, अशोक शिरोळे, ऍड. आयुब शेख, संगीता आठवले, संघमित्रा गायकवाड, शशिकला वाघमारे, हिमाली कांबळे, कार्याध्यक्ष बसवराज गायकवाड, सचिव महिपाल वाघमारे, असीत गांगुर्डे, संजय सोनवणे, निलेश आल्हाट, मोहन जगताप, श्याम सदाफुले, जयदेव रंधवे आदी उपस्थित होते.
रामदास आठवले म्हणाले, “१ जानेवारी १८१८ रोजी भीमा कोरेगाव येथे ५०० महार शूर सैनिकांनी महापराक्रम गाजवत ४० हजार पेशवे सैन्याला पराभूत केले होते. त्या शौर्याचे प्रतिक म्हणून येथे उभारण्यात आलेल्या विजयस्तंभाला महामानव डॉ. बाबासाहेब आंबेडकर दरवर्षी अभिवादन करण्यास येत. आपल्या पूर्वजांच्या शौर्याचा इतिहास भावी पिढीला प्रेरणा देत राहील म्हणून डॉ बाबासाहेब आंबेडकरांनी दिलेल्या संदेशामुळे दरवर्षी आंबेडकरी जनता भीमा कोरेगाव येथील विजयस्तंभाला अभिवादन करण्यास येते.”
“१९८० मध्ये आम्ही भारतीय दलित पँथरच्या माध्यमातून भीमा कोरेगाव येथे अभिवादन सभा घेण्यास सर्वप्रथम सुरुवात केली. त्याकाळी लोक कमी येत होते. मात्र अलीकडच्या काळात भीमा कोरेगाव येथे दरवर्षी लाखो लोक येऊ लागले आहेत, याचा अभिमान आहे. या शौर्याचा इतिहास जिवंत ठेवण्यासाठी याठिकाणी स्मारक होण्याची आवश्यकता आहे. आजचा दिवस आम्हा सर्वांसाठी अभिमानाचा दिवस आहे. लवकरात लवकर स्मारक उभारण्यासाठी प्रयत्न करणार आहे. डॉ. बाबासाहेब आंबेडकर यांचे स्वप्न पूर्ण करण्यासाठी भीमशक्ती एकत्र होणे गरजेचे आहे.”

पुणे,1 जानेवारी 2022: अजिंक्य क्रिकेट क्लब यांच्या वतीने आयोजित स्वर्गीय बल्लाळ चिपळूणकर 12 वर्षाखालील क्रिकेट करंडक स्पर्धेत एस्.एस्.अकादमी संघाने प्राधिकरण जिमखाना संघाचा 8 गडी राखून पराभव करत स्पर्धेत आगेकुच केली.
ए.के स्पोर्ट्स क्लब साळुंबरे येथे सुरू असलेल्या या स्पर्धेत साखळी फेरीत आलोक लोढाच्या दमदार फलंदाजीच्या बळावर एस्.एस्.अकादमी संघाने प्राधिकरण जिमखाना संघाचा 8 गडी राखून दणदणीत पराभव केला. पहिल्यांदा खेळाताना अर्जुन शेटेच्या अचूक फलंदाजी पुढे प्राधिकरण जिमखाना संघ 20 षटकात 5 बाद 100 धावात गारद झाला विहान शर्माने 29 धावा संघाच्या डावाला आकार दिला. 100 धावांचे लक्ष एस्.एस्. अकादमी संघाने केवळ 14.4 षटकात 2 गडी गमावत 102 धावांसह पुर्ण केले. आलोक लोढाने 51 चेंडूत 11 चौकारांसह 64 धावा करत संघाला विजय मिळवून दिला. आलोक लोढा सामनावीर ठरला.  
स्पर्धेचा सविस्तर निकाल: साखळी फेरीप्राधिकरण जिमखाना- 20 षटकात 5 बाद 100 धावा(विहान शर्मा 29(36, 6×4), आर्य भुरसे 10(14, 1×4), अर्जुन शेटे 3-13, जय पांडे 1-22) पराभूत वि एस्.एस्. अकादमी- 14.4 षटकात 2 बाद 102 धावा(आलोक लोढा 64(51, 11×4), अनिश मोहोळकर 10(15, 1×4), विहान शर्मा 1-5, अरूष गुप्ता 1-6) सामनावीर- आलोक लोढा; एस्.एस्.अकादमी संघाने 8 गडी राखून सामना जिंकला.

• विकासकामात लोकप्रतिनिधींनी पक्षविरहित असावे:  संगमवाडी-टिंगरेनगर विस्तारित रस्त्याचे भूमिपूजन.

पुणे : “लोकांना चांगले रस्ते, स्वच्छ पाणी मिळायला हवे. प्रभागातील लोकप्रतिनिधींनी पक्षविरहित काम करत लोकांना चांगल्या सुविधा उपलब्ध करून दिल्या पाहिजेत. केंद्र, राज्य सरकार आणि महापालिका तिघांनी एकत्रीतपणे काम केले, तर विकास झपाट्याने होईल. समाजातील प्रत्येक घटकाला विकास योजनांचा लाभ देण्यासाठी आपण कार्यरत असले पाहिजे,” असे प्रतिपादन केंद्रीय सामाजिक राज्य मंत्री व रिपब्लिकन पार्टी ऑफ इंडियाचे (आठवले गट) राष्ट्रीय अध्यक्ष रामदास आठवले यांनी केले.
माजी उपमहापौर डॉ. सिद्धार्थ धेंडे यांच्या पुढाकारातून व आमदार सुनील टिंगरे यांच्या सहकार्यातून संगमवाडी-टिंगरेनगर विस्तारित रस्त्याचे भूमिपूजन रामदास आठवले यांच्या हस्ते झाले. येरवड्यातील ई-कॉमर्स झोन चौकात झालेल्या कार्यक्रमावेळी महापौर मुरलीधर मोहोळ, उपमहापौर सुनीता वाडेकर, रिपब्लिकन पार्टी ऑफ इंडिया (आठवले गट) पुणे शहराध्यक्ष शैलेंद्र चव्हाण, प्रदेश सचिव बाळासाहेब जानराव, पश्चिम महाराष्ट्र युवक आघाडीचे अध्यक्ष परशुराम वाडेकर, नगरसेविका फरझाना शेख, शीतल सावंत, अल्पसंख्याक आघाडीचे ऍड. अयुब शेख, संपर्कप्रमुख अशोक कांबळे आदी मान्यवर उपस्थित होते.
रामदास आठवले म्हणाले, “गोरगरीब जनतेच्या हिताचे धोरण नरेंद्र मोदी सरकार राबवत आहे. पालिकेतही भाजप व रिपाइंची सत्ता आहे. डॉ. सिद्धार्थ धेंडे सर्वाना सोबत घेऊन काम करत असल्याने अनेक वर्षांपासून रखडलेला हा रस्ता मार्गी लागला आहे. भाजप, रिपाइं आणि राष्ट्रवादीचे लोकप्रतिनिधी असतानाही एकत्रित प्रयत्नामुळे येरवडा प्रभागाचा विकास चांगल्या पद्धतीने होत आहे. नागरिकांच्या हिताच्या कामात पक्षभेद आणता कामा नये.” आगामी पालिका निवडणुकीत मागासवर्गीय आरक्षण पडले, तर महापौर ‘रिपाइं’चा होईल, असा पुनरुच्चार आठवले यांनी केला.
डॉ. सिद्धार्थ धेंडे यांनी प्रास्ताविकात सांगितले की, अग्रसेन शाळा ते ई-कॉमर्स चौक हा ९०० मीटरचा रस्ता अनेक वर्षांपासून प्रलंबित होता. राज्य सरकार आणि महापालिका यांच्या एकत्रित प्रयत्नातून हा प्रश्न सुटला असून, त्यासाठी दोन कोटी रुपयांचा निधीही मंजूर झाला आहे. लवकरच या रस्त्याचे काम पूर्ण होऊन या भागातील नागरिकांची वाहतूक कोंडीतून मुक्तता होण्यास मदत होईल.
या प्रभागातील सगळेच लोकप्रतिनिधी अतिशय समर्पित आणि एकोप्याच्या भावनेने काम करत आहेत, ही आनंददायी बाब असल्याचे मुरलीधर मोहोळ यांनी नमूद केले. सुनील टिंगरे यांनीही मनोगत व्यक्त केले. ऍड. अयुब शेख यांनी स्वागत-प्रास्ताविक व सूत्रसंचालन केले.

• कोरेगाव भीमा येथील ऐतिहासिक जयस्तंभास  उपमुख्यमंत्री अजित पवार यांनी केले अभिवादन

पुणे, दि.१:  उपमुख्यमंत्री अजित पवार यांनी  कोरेगाव भीमा येथील ऐतिहासिक जयस्तंभास अभिवादन केले. इतिहासाची पाने बघितली असता महाराष्ट्राचा आणि त्याचप्रमाणे कोरेगाव भीमा येथील इतिहास त्यागाचा, शौर्याचा आणि पराक्रमाचा आहे असे ते यावेळी म्हणाले.

यावेळी सामाजिक न्याय मंत्री धनंजय मुंडे, पर्यावरण व वातावरणीय बदल राज्यमंत्री संजय बनसोडे, खासदार डॉ. अमोल कोल्हे उपस्थित होते.

राज्यातील सर्व जनतेला नवीन वर्षाच्या शुभेच्छा देऊन उपमुख्यमंत्री श्री. पवार म्हणाले, महाराष्ट्राला शौर्याचा, पराक्रमाचा इतिहास आहे. इतिहासाची पाने पहिली तर आपल्याला पुण्यातही हेच दिसते. कोरेगाव भीमा येथे जे शूरवीर शाहिद झाले. त्या सर्वांना अभिवादन करतो. हा इतिहास पुढच्या पिढीलाही स्मरणात राहावा आणि परिसराचा विकास व्हावा यासाठी यंदाच्या अधिवेशनात घोषणा केल्याप्रमाणे शासकीय समिती करण्यात आली आहे. त्यामध्ये अशासकीय सदस्यांचाही समावेश केला जाईल. स्मारकाचा विकास करण्यासाठी जागा संपादित करणे, चांगल्या प्रकारची पार्किंग व्यवस्था आधी सुविधा करण्यास शासनाचे प्राधान्य राहील.

उपमुख्यमंत्री पुढे म्हणाले, कोरोनाच्या बाबतीत कालच राज्य शासनाने नवीन नियमावली जाहीर केली आहे. कोरोनाचा वाढता संसर्ग लक्षात घेता नागरिकांनी नियमांचे भान ठेवले पाहिजे. लग्नसमारंभ आणि अशा प्रकारचे समारंभ मोठ्या स्वरूपात व्हावेत असे प्रत्येकाला वाटते. परंतु, कोरोनाचा नवीन स्वरूपात आलेल्या विषाणूचा संसर्ग वेगाने होतो ही बाब लक्षात घेतली पाहिजे.

पाश्चात्य देशांत प्रचंड प्रमाणात बाधित रुग्ण सापडत आहेत. आपण दुसऱ्या लाटेची मोठी किंमत मोजली आहे. त्यामुळे नागरिकांच्या जीविताच्या काळजीपोटीच राज्याने नियम कठोर केले आहेत. काही राज्यांनी रात्रीची जमावबंदी, टाळेबंदी केली आहे. राज्यात मुंबई आणि पुणे येथे कोरोनाबाधितांचे प्रमाण वाढत आहे. त्यामुळे सर्व नागरिकांनी प्रशासनाला सहकार्य करावे आणि कोरोनाचा संसर्ग पसरणार नाही याची काळजी घ्यावी, असे आवाहनही त्यांनी केले.

      यावेळी जिल्हाधिकारी डॉ. राजेश देशमुख, समाज कल्याण आयुक्त डॉ. प्रशांत नारनवरे, बार्टीचे महासंचालक धम्मज्योती गजभिये, पोलीस सहआयुक्त डॉ. रवींद्र शिसवे, जिल्हा पोलीस अधीक्षक डॉ. अभिनव देशमुख, मुख्य कार्यकारी अधिकारी आयुष प्रसाद, बार्टीच्या निबंधक इंदिरा अस्वार आदी उपस्थित होते.

शौर्य दिनाला येणाऱ्या अनुयायांसाठी प्रशासनातर्फे आवश्यक सुविधा उपलब्ध करून देण्यात आल्या आहेत. अनुयायांना जयस्तंभास सुलभतेने अभिवादन करता यावे यासाठी पोलिसांनी चांगले नियोजन केले होते. पीएमपीएल तर्फे बससेवा उपलब्ध करून देण्यात आली होती.

पुणे: महापालिकेच्या बांधकाम विभागाला यावर्षी तब्बल 1 हजार 527 कोटी रुपयांचे उत्पन्न मिळाले आहे. गेल्या काही वर्षात हे सर्वात जास्त उत्पन्न आहे. बांधकाम विभागाला अंदाजपत्रकात 1185 कोटी रुपयांचे लक्ष देण्यात आले होते. त्यापेक्षा 125 टक्के उत्पन्न यावर्षी बांधकाम विभागाला मिळाले असल्याची माहिती शहर अभियंता प्रशांत वाघमारे यांनी दिली.
कोरोनामुळे मागीलवर्षी लॉकडाऊन करण्याची वेळ आली होती. यानंतर मोठ्याप्रमाणात बांधकाम विभागाचे उत्पन्न कमी झाली होतेे. मार्च संपल्यानंतर पहिल्या काही महिन्यामध्ये बांधकामाचे कमी प्रस्ताव दाखल होत होते. राज्यसरकारने बांधकाम विभागाला चालणा मिळावी यासाठी नोंदणी शुल्कात 1 टक्यांनी कपात केली. यानंतर बांधकाम परवानगीच्या वेळी वापरण्यात येणार्‍या प्रीमियम एफएसआयच्या शुल्कात 50 टक्के सवलत दिल्यामुळे शहरातील बांधकामाचे प्रस्ताव वाढले आहेत.
राज्य सरकारडून ही सवलत 31 डिसेंबरपर्यंत देण्यात आली आहे. त्यामुळे शेवटच्या महिन्यामध्ये तब्बल 400 कोटींपेक्षा जास्त रुपये उत्पन्न बांधकाम विभागाला मिळाले आहे. त्यामुळे गेल्या काही वर्षातील बांधकाम विभागाची ही सर्वोत्तम कामगिरी म्हणावी लागेल. बांधकाम विभागाला चालना मिळाल्यामुळे सर्वच क्षेत्रामध्ये तेजीचे वातावरण आहे. घराच्या खरेदी विक्रीचे प्रमाण वाढले आहे.राज्य सरकारने दिलेल्या सवलतीचा आज शेवटचा दिवस होता. त्यामुळे बांधकाम विभागात प्रस्ताव दाखल करण्यासाठी मोठी गर्दी जमली होती. प्रस्ताव दाखल केल्यामुळे सवलतीचा लाभ मिळणार असल्यामुळे बरेच बांधकाम व्यावसायिकांनी आज प्रस्ताव दाखल केले असल्याची माहिती प्रशासनाकडुन देण्यात आली आहे.

सन 2021-22 या आर्थिक वर्षात बांधकाम विभागाकडून 1 हजार 185 कोटी रूपयांचे उत्पन्न अपेक्षित ठेवण्यात आले होते़ मात्र हे उद्दिष्ट बांधकाम विभागाने डिसेंबरअखेरच पूर्ण केले आहे़ शासनाची सवलत योजना व लॉकडाऊन काळात बंद असलेली बांधकामे पुन्हा सुरू झाल्याने, यावर्षी तीन महिने अगोदर बांधकाम विभागाने 1 हजार 527 कोटी 73 लाख रूपयांचा महसुल मिळविला आहे़ तो उदिद्ष्टापेक्षा अधिक म्हणजे 128़92 टक्के इतका आहे़
प्रशांत वाघमारे
शहर अभियंता पुणे मनपा़

पुणे :३१:वर्षाच्या शेवटच्या दिवशी दारू पिऊन आयुष्याची नासाडी करण्यापेक्षा दारू न पिता दूध पिउन सुखी जीवनाचा आनंद घेता येईल असे मत खासदार गिरीश बापट यांनी व्यक्त केले
भारतीय जनता पार्टी च्या वतीने ३१डिसेंबर च्या पार्श्वभूमीवर व्यसन मुक्तीचे प्रबोधन करण्यासाठी अप्पा बळवंत चौक येथे अभियान राबविण्यात आले त्यावेळी खासदार बापट बोलत होते.
बापट पुढे म्हणाले, ‘व्यसनामुळे वैयक्तीक आरोग्याची मोठी हानी होते त्याचा त्रास संपूर्ण कुटुंबाला होतो.आर्थिक सामाजिक हानी होते विशेषतः युवकांमध्ये व्यसनाधीनतेचे प्रमाण जास्त आहे युवकांनी दारू आणि तत्सम व्यसनापासून दूर रहावे या साठी दारू नको दूध प्या हा जनजागृतीपर उपक्रम राबविण्यात आला
या वेळी स्थायी समितीचे अध्यक्ष हेमंत रासने ,पुणे शहर सरचिटणीस राजेश येनपुरे,नगरसेवक ,अजय खेडेकर,नगरसेविका आरती कोंढरे कसबा मतदारसंघाचे अध्यक्ष प्रमोद कोंढरे,सरचिटणीस छगन बुलाखे ,राजेंद्र काकडे अश्विनी पांडे यांच्या सह पदाधिकारी व कार्यकर्ते उपस्थित होते