अगोदर उड्डाणपूल उभारायचे अन नंतर मेट्रोच्या नावाने तेच पाडायचे ..बस करा हे धंदे

भविष्यातील वाहतूकींचे नियोजन करुनच उड्डणपूलाचे बांधकाम करा – शिवसेना

पर्यायी रस्त्याच्या मागणीसाठी शिवसेनेच्या वतीने आंदोलन

पुण्याचे सिंगापूर करण्याचे स्वप्न दाखवून आणलेल्या बीआरटी ने सांगा काय दिवे लावले ?

पुणे, दि. ८ जानेवारी – बीआरटी सुरेख कशी, सुंदर कशी ? याचे माध्यमांतून असंख्य फोटो प्रसिद्ध करवीत प्रत्यक्षात मात्र वाहतुकीचा बट्ट्याबोळ करणाऱ्या महापालिकेच्या श्रीनिवास बोनाला यांना सेनेने सणसणीत इशारा दिला आहे , सिंहगड रस्त्यावर उड्डाणपूल जरूर उभारा , पण तो उभारताना आहे तो रस्ता त्या कामासाठी काही अंशी बंद करून नागरिकांचे हाल करू नका , किंवा उद्या मेट्रोचा आराखडा आणून पुन्हा हा उड्डाण पूल पाडू नका … खूप झालं आता तुमचं.. राज्य सेनेचे आहे …अगोदर नागरिकांना पर्याय द्या आणि नंतर का तो योग्य निर्णय घ्या असा स्पष्ट शब्दात इशारा आज येथे शिवसेना शहरप्रमुख शहरप्रमुख संजय मोरे आणि त्यांच्या कार्यकर्त्याकडून देण्यात आला . महापालिकेच्या प्रकल्प मुख्य अभियंता श्रीनिवास बोनाला यांना यासंदर्भात निवेदन देण्यात आले.एकीकडे हजार कोटीवर खर्च करून आणलेली बीआरटी आणि शेकडो कोटींचे सायकल ट्रेक बांधून प्रशासनाने खाजगी वाहनांची गळचेपी करत शहरात वाढत चाललेली वाहतूक कोंडी अधिकाधिक तीव्र करून त्यावर ताव मारण्याचेच प्रकार केले आहेत याकडेयावेळी लक्ष वेधण्यात आले .

सिंहगड रोडवरील उड्डाण पुलाच्या कामाला सुरुवात झाली असून अजूनही पर्यायी मार्गांची कामे पूर्ण होवू शकली नाहीत. त्यामुळे पर्यायी मार्गाची कामे आधी पूर्ण करून नंतरच उड्डाणपूलाच्या कामाला सुरुवात करावी, या मागणीसाठी शिवसेना शहरच्या वतीने संतोष हॉल येथे निदर्शने आणि आंदोलन करण्यात आले. शिवसेना खडकवासला विधानसभा मतदार संघाचे समन्वयक मनीष जगदाळे यांनी या आंदोलनाला पुढाकार घेतला.

शहरप्रमुख संजय मोरे म्हणाले, शहरातील बहुतांश उड्डाणपुलांचा आराखडा हा चुकीचाच असल्याचा प्रत्यय वाहनचालकांना येतो आहे. वाहतूक नियोजनकारांना एक तर आराखडा तयार करता येत नाही किंवा तयार करण्यात आलेल्या आराखड्यात स्थानिक लोकप्रतिनिधींकडून बदल करण्यात असल्याने शहरातील उड्डाणपुलांमुळे वाहतूककोंडी वाढल्याचेच चित्र आहे. त्यामुळे भविष्यात या मार्गावर मेट्रो आणि इतर वाहतूक व्यवस्थेचा विचार करून पुढील किमान ५०-१०० वर्षाचा विचार करून उड्डाणपूल तयार करण्यात यावा या मगणीसाठी आंदोलन करण्यात आले.

गजानन थरकुडे म्हणाले की, भविष्यातील आव्हानांचा विचार करून उड्डाणपुलाचे नियोजन करणे अपेक्षित असताना, पालिका प्रशासन यांच्याकडून याबाबत कोणतेही नियोजन ना करता काम सुरू करण्यात आले आहे. पर्यायी रस्ते अजूनही रखडले असून त्यावरून वाहतूक सुरू झालेली नाही. त्यामुळे आधी पर्यायी रस्ता करा, मगच उड्डाणपुलाचे काम सुरू करा, अशी मागणी आम्ही करत आहोत.

शिवसेना खडकवासला समन्वयक मनीष जगदाळे म्हणाले, पुणे महापालिकेकडून सिंहगड रस्त्यावर राजाराम पूल ते फन टाईम पर्यंत उड्डाणपूलाचे काम चालू करण्यात येणार आहे. या कामामुळे सिंहगड रस्त्यावर प्रचंड वाहतूक कोंडी होणार आहे. ही वाहतूक कोंडी टाळण्यासाठी सिंहगड रस्त्यास पर्यायी रस्त्याचे काम पूर्ण करुन हा रस्ता वाहतूकीस खुला करावा. रस्ता वाहतुकीसाठी खुला होईपर्यंत उड्डाणपूलाचे काम सुरु करुन नये, अशी मागणी जगदाळे यांनी केली आहे.

यावेळी शहर प्रमुख गजानन थरकुडे, संजय मोरे, मनिष जगदाळे, उपजिल्हाप्रमुख महेश मते, उपशहरप्रमुख भरत कुंभारकर, शाखाप्रमुख रमेश देसाई, संघटक प्रसाद गिजरे, समन्वयक राजाभाऊ चव्हाण, विभागप्रमुख महेश पोकळे, वैभव हनमघर, सतीश पंधारे, अनंत घरत, राजू पायगुडे, कल्पेश वाजे, सुनील जगताप आदी मान्यवर उपस्थित होते.

पुणे: महाराष्ट्राच्या मृण्मयी साळगावकर हिने ३९ व्या वरिष्ठ आणि २३ वी खुली स्प्रिंट राष्ट्रीय रोइंग अजिंक्यपद स्पर्धेत दोन हजार मीटर शर्यतीत महिलांच्या सिंगल स्कल्समध्ये ब्राँझपदक मिळवले.

रोइंग फेडरेशन आॅफ इंडियाच्या वतीने आणि आर्मी रोइंग नोड व महाराष्ट्र रोइंग असोसिशनच्या सहयोगाने आर्मी रोइंग नोड येथे ही स्पर्धा सुरू आहे. राज्याचे क्रीडामंत्री सुनील केदार यांनी स्पर्धेच्या ठिकाणी भेट देऊन पाहणी केली. स्पर्धेचे संयोजन महाराष्ट्र रोइंग असोसिएशनचे अध्यक्ष कृष्णानंद हेबळेकर , सचिव संजय वळवी, उपाध्यक्ष नरेन कोठारी, स्मिता यादव यांनी केले. 
या स्पर्धेतील महिलांच्या सिंगल स्कल्समध्ये मध्य प्रदेशच्या खुसप्रीत कौरने ९ मिनिटे ३७.४ सेकंद वेळ नोंदवून सुवर्णपदक मिळवले. उत्तर प्रदेशची किरण देवीने ९ मिनिटे ४४.८ सेकंद वेळ नोंदवून रौप्यपदक मिळवले. 

मृण्मयीने ९ मिनिटे ५३.४ सेकंद वेळ नोंदवून ब्राँझपदकाची कमाई केली.

निकाल – महिला – सिंगल स्कल्स – खुसप्रीत कौर (९ मि. ३७.४ से., मध्य प्रदेश), किरण देवी (९ मि. ४४.८ से., उत्तर प्रदेश), मृण्मयी साळगावकर (९ मि. ५३.४ से., महाराष्ट्र).

डबल स्कल्स – अविनाश कौर – किरण (८ मि. २८.० से., हरियाणा), प्रिया देवी – एच. तेनदेनथोइ देवी (८ मि. ३९.६ से., मणिपूर), रेष्माकुमारी मिन्झ – सोनालिका दास (८ मि. ५४.८ से.)

कॉक्सलेस पेअर – सोनाली स्वैन – रितू कुडी (८ मि. ४३.२ से., ओडिसा, ज्योती कुश्वाहा –रुक्मणी डांगी (९ मि. ०३.६ से., मध्य प्रदेश), ए. बिमोला चानू – वाय. नांदेश्वरी देवी (९ मि. २५.९ से., मणिपूर).

कॉक्सलेस फोर – अर्चा ए., वर्षा के. बी, रोस मारिया, मीनाक्षी वाय. एस. (केरळ, ८ मि. ०३.५ से.), अस्मिता करकेट्टा, झारना हस्ती, दीपिका, मंजुला (ओडिसा, ८ मि.०३.९ से.), तमिल सेल्वी एस., रोस मास्टिका मेरिल, लावण्या नाम्बियार, बागवती आर. (तमिळनाडू, ८ मि. ०४.३ से.).

पुणे, दि.8 जानेवारी 2022: अजिंक्य क्रिकेट क्लबच्या वतीने आयोजीत स्वर्गीय बल्लाळ चिपळूणकर क्रिकेट करंडक स्पर्धेत साखळी फेरीत रवी तलवार(31 धावा व 2-13)याने केलेल्या अष्टपैलू खेळीच्या जोरावर अमर इलेव्हन संघाने आदिनाथ क्रिकेट क्लब संघाचा8 गडी राखून पराभव करत विजयी सलामी दिली.
ए के क्लब, साळुंबरे येथे सुरू असलेल्या या स्पर्धेत साखळी फेरीत झंकार बाजीकर(2-8), रवी तलवार(2-13), प्रशांत उत्तेकर(1-4)यांच्या अफलातून गोलंदाजीपुढे आदिनाथ क्रिकेट क्लबचा 64 धावांवर कोसळला. यात अथर्व कदम 12, श्रेयश जगदाळे 11, आदित्य जाधव नाबाद 10 यांनी थोडासा प्रतिकार केला. हे आव्हान अमर इलेव्हन संघाने 4.5षटकात 2बाद 67 धावा करून पूर्ण केले. रवी तलवारने गोलंदाजी प्रमाणे फलंदाजीतही कमाल दाखवत 17 चेंडूत 4चौकार व 2षटकारासह 31 धावांची खेळी करून संघाला विजय मिळवून दिला. रवीला मयूर गोखलेने नाबाद 18 धावा करून साथ दिली 
स्पर्धेचा सविस्तर निकाल- साखळी फेरीआदिनाथ क्रिकेट क्लब: 17.2षटकात सर्वबाद 64 धावा(अथर्व कदम 12, श्रेयश जगदाळे 11, आदित्य जाधव नाबाद 10, झंकार बाजीकर 2-8, रवी तलवार 2-13, प्रशांत उत्तेकर 1-4)पराभूत वि.अमर इलेव्हन: 4.5षटकात 2बाद 67 धावा(रवी तलवार 31(17,4×4,2×6), मयूर गोखले नाबाद 18, योगेश कोडगिरे 1-15);सामनावीर-रवी तलवार; अमर इलेव्हन संघाचा 8गडी राखून विजय.

पुणे-आज आपण स्वातंत्र्याचा अमृतमहोत्सव साजरा करत आहोत, देशाचे स्वातंत्र्य अबाधित राहो यासाठी हजारो सैनिकांनी हौतात्म्य पत्कारले, अश्या वीरांच्या स्मृती जतन करणे प्रत्येकाचे कर्तव्य असल्याचे भाजप प्रदेशाध्यक्ष आ. चंद्रकांतदादा पाटील म्हणाले.उद्यम विकास सहकारी बँकेच्या देशातील युद्ध स्मारकांची माहिती देणाऱ्या कॅलेंडरच्या प्रकाशन प्रसंगी ते बोलत होते. यावेळी बँकेचे प्रभारी अध्यक्ष शिरीष कुलकर्णी, माजी अध्यक्ष व संचालक संदीप खर्डेकर, दिलीप उंबरकर,पांडुरंग कुलकर्णी, तज्ज्ञ संचालक महेंद्र काळे, मनोज नायर,गोकुळ शेलार व मुख्य कार्यकारी अधिकारी दीपक देशपांडे इ उपस्थित होते. स्वातंत्र्यानंतरही देशाची अखंडता खंडित करण्याचे व हिंदुस्थानाचा भुभाग बळकविण्याचे अनेक प्रयत्न झाले मात्र भारत मातेच्या वीर सुपुत्रांनी प्रसंगी प्राणांचे बलिदान देऊन देशाच्या सीमांचे रक्षण केले. अश्या हुतात्मा वीर सैनिकांच्या स्मारकांवर आधारित दिनदर्शिकेचे प्रकाशन करताना समाधान लाभले असेही मा. चंद्रकांतदादा म्हणाले. उद्यम विकास सहकारी बँक दर वर्षी सामाजिक विषयांवर आधारित दिनदर्शिका प्रकाशित करत असते, यावर्षी देशाच्या स्वातंत्र्याचा अमृतमहोत्सव साजरा करताना सैनिकांच्या बलिदानाचे प्रतीक असलेल्या युद्ध स्मारकांची माहिती देणारी दिनदर्शिका प्रकाशित करण्याचा संकल्प केला व त्यानुसार माहिती संकलित करुन दिनदर्शिका तयार केल्याचे संचालक संदीप खर्डेकर म्हणाले. उद्यम बँकेकडे 142 कोटींच्या ठेवी असून 9 शाखां मधून पुणे व पिंपरी चिंचवड येथे कारभार चालतो असे बँकेचे प्रभारी अध्यक्ष शिरीष कुलकर्णी म्हणाले.5 लाखा पर्यंतच्या ठेवी संरक्षित असून ग्राहकाभिमुख सेवा हे आमचे वैशिष्ट्य असल्याचे मुख्य कार्यकारी अधिकारी दीपक देशपांडे यांनी सांगितले.

पुणे-देवेंद्र फडणवीस यांच्या मुख्यमंत्री पदाच्या काळात पुरंदर विमानतळासाठी सर्व प्रकारच्या मान्यता मिळाल्या होत्या. पण महाविकास आघाडी सरकारने जुना प्रस्ताव बास्नात गुंडाळून नवीन प्रस्ताव पाठवला. त्यातील तांत्रिक अडचणींमुळे हा प्रस्ताव नागरी उड्डाण मंत्रालयाने नाकारला. त्यामुळे जुन्या जुन्या जागेचा प्रस्ताव महाविकास आघाडी सरकारला मान्य आहे का? असा सवाल प्रदेशाध्यक्ष आ. चंद्रकांतदादा पाटील यांनी उपस्थित केला. तसेच, पुरंदर विमानतळासाठी कोणाच्याही हितसंबंध न जोपासता सर्वांनी प्रयत्न करावेत, त्यासाठी दर शुक्रवारी यासंदर्भात शासकीय पाठपुरावा घेण्यासाठी बैठक घ्यावी, असा सल्लाही त्यांनी यावेळी दिला.

पुरंदर विमानतळासंदर्भात क्लब ऑफ इन्फ्यूएन्सरच्या वतीने महाराष्ट्र चेंबर ऑफ कॉमर्सच्या सभागृहात आयोजित चर्चासत्रानंतर पाटील माध्यमांशी बोलत होते. या बैठकीला खा. गिरीश बापट, महापौर मुरलीधर मोहोळ, आ. सिद्धार्थ शिरोळे, पुणे शहर संघटन सरचिटणीस राजेश पांडे, भाजपा पुणे शहर प्रवक्ते संदीप खर्डेकर, खा. सुप्रिया सुळे, उद्योजक सुधीर मेहता, प्रशांत गिरबाने, महाराष्ट्र टाईम्सचे संपादक पराग करंदीकर, सकाळचे संपादक सम्राट फडणीस, लोकमतचे संपादक विजय बावीसकर, एअर मार्शल भूषण गोखले, सकाळच्या कार्यकारी संपादिका शितल पवार आदी उपस्थित होते.

श्री. पाटील म्हणाले की, देवेंद्र फडणवीस यांच्या काळात पुरंदर विमानतळाच्या प्रस्तावास मान्यता देऊन, त्यासाठीच्या सर्व परवानग्या मिळवल्या होत्या. पण यानंतर यास विरोध असल्याचे भासवून, महाविकास आघाडी सरकारने हा प्रस्ताव बासनात गुंडाळून ठेवला, आणि तांत्रिक त्रुटींसह नवीन प्रस्ताव पुढे पाठवला. परिणामी नवीन प्रस्ताव नागरी उड्डाण मंत्रालयाने नाकारला. या नवीन प्रस्तावात कुणाचे हितसंबंध जपले गेले होते, ते सर्वांनाच माहित आहे.

ते पुढे म्हणाले की, आता नवीन प्रस्ताव जरी नागरी उड्डाण मंत्रालयाने नाकारला असला, तरी जुना प्रस्तावाची मान्यता अद्याप रद्द झालेली नाही. त्यामुळे जुन्या जागेचा प्रस्ताव मंजूर असल्याचा ठराव राज्य सरकारने करुन, तो पुनर्विचारासाठी केंद्राकडे पाठणार आहात का? असा सवाल श्री.‌पाटील यांनी उपस्थित केला.

पुण्यातील विमानतळाबद्दल बोलताना पाटील म्हणाले की, नवीन विमानतळ उभारण्यास किमान दहा वर्षाचा कालावधी लागू शकतो. त्यामुळे जुन्या विमानतळाच्या सुविधा वाढविण्याची गरज आहे. यासाठी महापालिका, पीएमआरडीए यांच्यासह सर्वांनी एकत्रित प्रयत्न करण्याची गरज असल्याचे त्यांनी यावेळी नमूद केले.

पुरंदर विमानतळासाठी क्लब ऑफ इन्फ्लूएन्सरने घेतलेल्या पुढाकाराचे कौतुक करुन श्री.‌पाटील म्हणाले की, पुरंदर विमानतळ ही काळाची गरज आहे.‌ त्यामुळे यासाठी पुढाकार घेणाऱ्या क्लब ऑफ इन्फ्लूएन्सरचे कौतुक केले पाहिजे. पण त्याचबरोबर शासकीय स्तरावर दर आठवड्याच्या जिल्हा नियोजन आढावा बैठकीत या विषयाचा अंतर्भाव करावा असा सल्ला त्यांनी यावेळी दिला. तसेच पुरंदर विमानतळासाठी भारतीय जनता पक्षाकडून आ. सिद्धार्थ शिरोळे हे याचा पाठपुरावा करतील, जेव्हा कधीही गरज असेल, तेव्हा मीदेखील स्वतः दिल्लीत ज्योतिरादित्य शिंदे यांच्याकडे पाठपुरावा करेन अशी ग्वाही श्री. पाटील यांनी यावेळी दिली

मुंबई, ठाणे औरंगाबाद मध्ये कर माफी मग पुण्यालाच काय प्रॉब्लेम आहे ?

अश्विनी कदम यांचा स्थायी समिती अध्यक्ष ,महापौर आणि आयुक्तांना थेट सवाल

पुणे- ५०० चौरस फुटा पर्यंतच्या घरांना मुंबई , ठाणे येथे मिळकत कर माफी देण्यात आली आहे आणि त्यांनतर आता औरंगाबाद मध्येही हि प्रक्रिया सुरु झाली आहे अशा स्थितीत, कोरोनाच्या महामारीत देखील ज्या पुण्याने महापालिकेला बक्कळ उत्पन्न मिळवून दिले त्या पुणे महापालिकेचा काय प्रॉब्लेम आहे असा थेट सवाल राष्ट्रवादीच्या नगरसेविका आणि स्थायी समितीच्या माजी अध्यक्षा अश्विनी नितीन कदम यांनी महापौर, स्थायी समिती अध्यक्ष आणि आयुक्तांना केला आहे. आणि स्वतः पुढे येऊन पुण्यातही ५०० फुट आकाराच्या घरांना करमाफी द्यावी असा प्रस्ताव सादर केला आहे . आता बहुमताच्या जोराव हा प्रस्ताव फेटाळनार काय ? असाही सवाल त्यांनी केला आहे.

मुंबई मनपाने पाचशे फुटांपर्यंतच्या घरांना मिळकत कर माफ करून सवलत दिली आहे. त्याच धर्तीवर पुणे मनपाने सुद्धा शहरातील पाचशे स्क्वेअर फिट पर्यंतच्या घरांना मिळकत कर माफ करून सवलत द्यावी या आशयाचा प्रस्ताव स्थायी समितीमध्ये दिला आहे.राष्ट्रवादी अर्बन सेलच्या अश्विनी कदम (नगरसेविका) व लक्ष्मी ताई दुधाने (नगरसेविका) यांच्या वतीने सदरचा प्रस्ताव देण्यात आला आहे. २४ तास पाणी पुरवठा करतो असे सांगत लोकांच्या कडून मागील पाच वर्षांमध्ये पुणे मनपाने मिळकत करांमध्ये व पाणीपट्टी मध्ये दुपटीपेक्षा जास्तीने वाढ करून वसुलही केली आहे आहे .. एकीकडे अपुऱ्या नागरी सुविधा, वाढता भ्रष्टाचार व या मिळकत करीत करांच्या वसुलीसाठी अवलंबलेली सावकारी पद्धत यातून सर्वसामान्य पुणेकर धास्तावलेला आहे. अशा परिस्थितीत सदरचा प्रस्ताव मान्य करून पुणे मनपाने नागरिकांना दिलासा द्यावा हीच मागणी आहे.असे अश्विनी नितीन कदम यांनी म्हटले आहे.