पुणे ३० जानेवारी २०२२: जी सो युन हिच्या लांबवरून मारलेल्या गोलमुळे कोरिया रिपब्लिक संघाने एएफसी वुमन्स आशिया कप भारत २०२२ फुटबॉल स्पर्धेच्या उपांत्य फेरीत प्रवेश केला. या एकमात्र गोलच्या जोरावर त्यांनी गतउपविजेत्या ऑस्ट्रेलियाचा १-० गोलने पराभव केला. हा सामना रविवारी म्हाळुंगे बालेवाडी येथील श्री शिवछत्रपती क्रीडा संकुलातील मैदानावर झाला.

सामन्याला दोन मिनिटे बाकी असताना चेल्सीची मध्यरक्षक जी युन हिने २५ यार्डावरून मारलेल्या अफलातून किकने कोरिया रिपब्लिकचा विजय साकार केला. विशेष म्हणजे त्यापूर्वी कोरिया रिपब्लिकच्या चो सो ह्यून हिला पेनल्टी साधण्यात अपयश आले होते. कोरियाची गाठ आता आज रात्री होणाऱ्या चायनीज तैपेई आणि फिलिपिन्स यांच्यातील विजेत्याशी पडणार आहे.

जी हिच्या गोलमुळे तिची क्लब सहकारी सॅम केर हिचा खेळ झाकोळला गेला. आज सॅमला आपल्या लौकिकाला साजेसा खेळ दाखवता आला नाही. सामन्याच्या सातव्या मिनिटाला केर हिला गोल करण्याची संधी चालून आली होती. लांबवरून आलेला पास छातीवर घेत तिने चेंडू क्लिअर करून जोरदार किक मारली. मात्र, ती गोलपोस्टच्या वरून बाहेर गेली. त्यानंतर १२ मिनिटांनी ऑस्ट्रेलियाला गोल करण्याची आणखी एक संधी मिळाली होती. या वेळी देखिल केर हिलाच गोल करण्याची संधी होती. पण, तिचा हा प्रयत्नही फसला.

त्यानंतर बेल यांच्या कोरिया रिपब्लिक संघाला गोल करण्याची संधी आयतीच चालून आली. पंचांनी व्हिअ‍ेआर (वारचा) आधार घेत कोरिया रिपब्लिकला पेनल्टी किक बहाल केली होती. ऑस्ट्रेलियाची कॅटलिन फूर्ड हिने कोरिया रिपब्लिकच्या ली जेऊन मिन हिला गोलकक्षात अडथळा निर्माण केला होता. पण, चो सो ह्यून हिला ही संधी साधता आली नाही. तिने मारलेली किक लिडिया विल्यम्सच्या क्रॉसबारवरून बाहेर गेली.

पूर्वार्धात पेनल्टी हुकल्यानंतर उत्तरार्धात कोरिया रिपब्लिकच्या मुलींनी अधिक आत्मविश्वासाने खेळ केला. उत्तरार्धात खेळ सुरू झाल्यावर सहाव्याच मिनिटाला चोए यु री हिची किक ऑस्ट्रेलियाची गोलरक्षक विल्यम्स हिने अप्रतिम अडवली. त्यानंतर चार मिनिटांनी सो ह्यून हिचे हेडर विल्यम्सनेच सुरेख अडवून कोरिया रिपब्लिकच्या आक्रमकांना निराश केले.

सामन्याला १५ मिनिटे बाकी शिल्लक असताना केर हिचे प्रयत्न फोल ठरत होते. तिचे अनेक प्रयत्न दिशाहीन होते. राखीव खेळाडू म्हणून उतरलेल्या कोर्टनी व्हिने हिने उजव्या बगलेतून सुरेख चाल रचून केर हिच्यासाठी चांगली जागा केली होती. मात्र, केर आज तिच्या लयीत नव्हती. तिची किक बाहेर गेली.

त्यानंतर सामन्याला दोन मिनिटे बाकी असताना जी हिने निर्णायक गोल मारला. मैदानात ३० यार्डावर त्याने चेंडूचा ताबा मिळविला. तेथून ती चेंडू घेऊन सुसाट निघाली. परिस्थितीच अंदाज घेत तिने उजव्या बाजूने जोरदार मारलेल्या किकने विल्यम्सला चकवले आणि चेंडू जाळीत गेला.

पुणे : माजी महापौर वत्सला आंदेकर यांचे दीर्घ आजाराने गुरुवार पेठेतील राहत्या घरी निधन झाले. ‘अक्का’ नावाने त्या प्रसिद्ध होत्या. त्या 69 वर्षाच्या होत्या. गेल्या वर्षभरापासून त्यात आजारी होत्या. सकाळी 9 वाजता त्यांची प्राणज्योत मालवली. 2 वर्षांपासून त्यांना मधुमेहाचा विकार होता. काही महिन्यांपासून त्या आजारी होत्या

.1998-99 मध्ये वत्सला आंदेकर महापौर होत्या. तत्कालीन खासदार सुरेश कलमाडी त्यांनी वत्सला आंदेकर यांना महापौरपदाची उमेदवारी दिली होती . सुरेश कलमाडी यांनी उपेक्षित घटकांमध्ये महापौर आणि उपमहापौर पदाचा सन्मान पोहोचविला .त्यातील आंदेकर या एक होत्या . त्यांच्या महापौर पदाच्या कारकिर्दीत भ्रष्टाचार करण्याची कोणाची हिम्मत होत नसे .त्यांच्या कारकिर्दीत कधीही कुठल्याही टेंडर साठी विवाद झाल्याचे हि अक्धी दिसले नाही .नागरी सुविधा देण्यासाठी त्यांचा सोडा ,त्यांच्या पीए चा फोन पुरेसा होता .

माजी महापौर वत्सलाताई आंदेकर यांना उपमुख्यमंत्री अजित पवार यांची श्रद्धांजली

“पुण्याच्या माजी महापौर वत्सलाताई आंदेकर यांच्या निधनाने पुणे शहरातील सामाजिक, राजकीय, सांस्कृतिक क्षेत्रातील धडाडीच्या कार्यकर्त्या हरपल्या आहेत. पुणे शहराच्या प्रथम नागरिक म्हणून वत्सलाताईंनी शहराच्या विकासात भरीव योगदान दिले. आंदेकर घराण्याला असलेला राजकीय, सामाजिक वारसा त्यांनी समर्थपणे पुढे चालवला. त्यांच्या निधनाने राजकीय, सामाजिक क्षेत्राची मोठी हानी झाली आहे. वत्सलाताईंच्या कुटूंबियांना, आप्तांना, कार्यकर्त्यांना, हितचिंतकांना या दुःखातून सावरण्याची शक्ती मिळो. वत्सलाताईंच्या आत्म्यास सद्गती लाभो, मी त्यांना भावपूर्ण श्रद्धांजली अर्पण करतो.”
-उपमुख्यमंत्री अजित पवार.

नवी मुंबई ३० जानेवारी २०२२ : जपानने एएफसी वुमन्स आशिया कप भारत २०२२ स्पर्धेच्या उपांत्य फेरीत धडक मारताना थायलंडचा ७-० गोलने धुव्वा उडवला. डीवाय पाटील स्टेडियमच्या मैदानावर झालेल्या या सामन्यात जपानने जबरदस्त आक्रमक खेळ करताना थायलंडला कोणतीही संधी दिली नाही. या शानदार विजयासह दोन वेळच्या विजेत्या आणि गतविजेत्या असलेल्या जपानने २०२३ साली ऑस्ट्रेलिया -न्यूझीलंड यांच्या यजमानपदाखाली होणाऱ्या फिफा विश्वचषक स्पर्धेसाठी थेट पात्रताही मिळवली.

उपांत्य सामन्यात जपानचा सामना चीन विरुद्ध व्हिएतनाम यांच्यातील विजेत्या संघाविरुद्ध होईल. दुसरीकडे, १९८३ सालानंतर पहिल्यांदाच महिला आशिया चषक उंचावण्याची थायलंडचे स्वप्न धुळीस मिळाले. मात्र, असे असले तरी प्ले ऑफ सामन्यांमध्ये चमकदार कामगिरी करुन विश्वचषक स्पधेर्साठी पात्र ठरण्याची संधी त्यांच्याकडे आहे.

कोरोनाचा शिरकाव झाल्याने थायलंडला आपल्या काही खेळाडूंच्या अनुपस्थितीमध्ये जपानविरुद्ध खेळावे लागले. याचा मोठा फटका त्यांना बसला. युइका सुगासवा हिने चार गोल नोंदवत जपानच्या विजयात निर्णायक भूमिका बजावली. हिनाता मियाझावा, रिन सुमिदा आणि रिको युएकी यांनी प्रत्येकी एक गोल केला.

जपानने सुरुवातीपासून आक्रमक खेळ करत अल्पावधीतच सामन्यावर पूर्ण नियंत्रण मिळवले. माना इवाबुचीने दोन वेळा आक्रमण केल्यानंतर १४व्या मिनिटाला जपानला आघाडीवर नेण्याची सुवर्ण संधी गमावली. पेनल्टी बॉक्समध्ये थायलंडच्या विलैपोर्न बूथडुआंग हिने रिन सुमिदाला पाडून फाऊल केल्याने जपानला पेनल्टी किक बहाल करण्यात आली. यावेळी मानाने मारलेली किक थायलंडची गोलकीपर वारापोर्न बून्सिंगने अचूकपणे रोखत जपानला आघाडी घेण्यापासून दूर ठेवले.

यानंतरही बून्सिंगने अडखळत का होईना, पण जपानचे आक्रमण रोखले आणि २७व्या मिनिटाला तिने जपानला गोल करु दिले नाही. मात्र, २७व्या मिनिटाला युइका सुगासवाने गोलजळ्याच्या बरोबर समोरुन जोरदार किक मारत जपानला १-० गोल असे आघाडीवर नेले. थायलंडने यानंतर कडवा प्रतिकार करत पुन्हा एकदा भक्कम बचाव केला. मात्र मध्यंतराच्या काही सेकंद आधी हिनाता मियाझावानेही गोलजाळ्याच्या जवळून अचूक किक करत जपानची आघाडी २-० गोल अशी भक्कम केली.

दुसऱ्या सत्राचा खेळ सुरु झाल्यानंतर तिसऱ्याच मिनिटाला सुमिदाने जपानचा तिसरा गोल नोंदवत थायलंडच्या स्वप्नांना सुरुंग लावला. तिसरा गोल स्विकाराल्यानंतर थायलंडने काहीसे सावरत असतानाच जपानने मात्र आपला खेळ आणखी वेगवान करताना सामन्यावर पूर्ण नियंत्रण मिळवले. थायलंडकडून काहीसा धुसमुसळा खेळही झाला. फोनफिरुन फिलावनने सुगासवाला खाली पाडल्याने जपानला आणखी एक पेनल्टी किक मिळाली. या संधीचा फायदा घेत सुगासवा हिने वैयक्तिक दुसरा आणि संघाचा चौथा गोल केला.

जपानचा वेग झाला नाही. उर्वरीत वेळेत जपानने आणखी ३ गोल केले. रिको युएकीने ७५ व्या मिनिटाला गोल केला. पाच मिनिटांनी सुगासवाने आपली हॅटट्रिक पूर्ण करत संघाचा सहावा गोल केला आणि यानंतर ८३व्या मिनिटाला वैयक्तिक चौथा गोल करत जपानच्या ७-० गोलने दिमाखदार विजयावर शिक्कामोर्तब केले.

पुणे- राष्ट्रपिता महात्मा गांधींच्या पुण्यतिथी निमित्त पुणे शहर जिल्हा काँग्रेस कमिटीच्या वतीने आज काँग्रेस भवन येथे त्यांच्या प्रतिमेस पुष्पहार अर्पण करून आदरांजली वाहण्यात आली. त्यानंतर काँग्रेस भवन ते महात्मा गांधी पुतळा, पुणे रेल्वे स्टेशन पर्यंत दुचाकी वरून ‘‘प्रभात फेरी’’ काढण्यात आली. पुणे स्टेशन येथे महात्मा गांधीजींच्या पुतळ्यास शहराध्यक्ष रमेश बागवे व स्थानिक नगरसेवक अरविंद शिंदे यांच्या हस्ते पुष्पहार अर्पण करण्यात आला. त्यानंतर भजनाचा कार्यक्रम झाला.

     यावेळी राष्ट्रपिता महात्मा गांधींना आदरांजली वाहताना शहराध्यक्ष रमेश बागवे म्हणाले की, ‘‘आज राष्ट्रपिता महात्मा गांधींची ७४ वी पुण्यतिथी आहे. त्यांच्या अहिंसा आणि सत्याग्रही मार्गामुळेच ब्रिटिश सरकारला भारत सोडून जावे लागले. गांधींजींनी दक्षिण अफ्रिकेतील जोहान्सबर्ग येथून आपल्या आंदोलनाला सुरूवात केली होती. भारतात परतल्यावर त्यांचे गुरू गोपाळकृष्ण गोखले यांच्या प्रेरणेने त्यांनी स्वातंत्र्याच्या चळवळीत भाग घेतला. गांधीजींनी ब्रिटिशांच्या विरोधात अनेक आंदोलने केली. असहकार चळवळ, दांडीयात्रा, बारडोली सत्याग्रह, चंपारण्य सत्याग्रह, सविनय भंग चळवळ व ‘छोडो भारत’ आंदोलन अशा विविध प्रकारची आंदोलने केली. पं. जवाहरलाल नेहरू, सरदार वल्लभभाई पटेल, नेताजी सुभाषचंद्र बोस, मौलाना अबुल कलाम आझाद, खान अब्दुल गफार खान, सरोजनी नायडू आदी काँग्रेसचे नेते व कार्यकर्त्यांच्या सोबत त्यांनी स्वातंत्र्यांला चळवळ एक वेगळी दिशा दिली. समाजातील सर्व घटकांना एकत्र करून शांतीचा व पुरोगामी विचाराचा संदेश जगाला दिला. त्यांच्या विचारांना प्रेरित होवून मार्टिन ल्युथर किंगने अमेरिकेत व नेल्सन मंडेलाने द. आफ्रिकेमध्ये वर्णभेदाच्या विरोधात आंदोलन छेडले. आज १८० देशात महात्मा गांधींचे पुतळे आहेत. आज देशात नथुराम गोडसेच्या विचारसरणीची काही मंडळी देशामध्ये जाती-धर्मांमध्ये तेढ निर्माण करण्याचे काम करीत आहे. या विचारसरणीच्या लोकांचा योग्यवेळी बंदोबस्त केला पाहिजे अन्यथा देशात अनर्थ घडेल. आजच्या पिढीने गांधीजींचा अहिंसेचा मार्ग व विचार घेवून पुढे चालले पाहिजे त्यामुळेच देशाची आणि जगाची प्रगती होईल. या महाननेत्यांला मी आज पुणे शहर जिल्हा काँग्रेस कमिटीतर्फे भावपूर्ण श्रध्दांजली अर्पण करतो.’’

     यानंतर महाराष्ट्र प्रदेश काँग्रेस कमिटीचे सरचिटणीस ॲड. अभय छाजेड, नगरसेवक अरविंद शिंदे, माजी आमदार दिप्ती चवधरी, कमल व्‍यवहारे, गोपाळ तिवारी यांचीही भाषणे झाली.

     यावेळी उपाध्यक्ष शिवाजी केदारी, हाजी नदाफ, महिला अध्यक्षा पुजा आनंद, युवक अध्यक्ष विशाल मलके, नगरसेविका लता राजगुरू, अविनाश बागवे, अजित दरेकर, रमेश अय्यर, नुरूद्दीन सोमजी, वाल्मिक जगताप, द. स. पोळेकर, अरुण वाघमारे, सुनिल घाडगे, रमेश सोनकांबळे, सचिन आडेकर, प्रविण करपे, रमेश सकट, अजित जाधव, रजनी त्रिभुवन, मुन्नाभाई शेख, अविनाश अडसुळ, किरण मात्रे, मेहबुब नदाफ, क्लेमेंट लाजरस, रॉर्बट डेव्‍हिड, विनोद रणपिसे, अनुसया गायकवाड, सुंदरा ओव्‍हाळ, विजय वारभुवन, ज्योती परदेशी, सुविधा त्रिभुवन, गणेश शेडगे, राहुल तायडे, लतेंद्र भिंगारे, विठ्ठल गायकवाड, कन्हैय्या मिनेकर, राजू शेख, सुरेश चौधरी आदी उपस्थित होते.

पुणे ःमहाराष्ट्र गांधी स्मारक निधी,युवक क्रांती दल आणि ‘संविधान घर ‘ यांच्या तर्फे ३० जानेवारी २०२२ रोजी महात्मा गांधी पुण्यतिथी आणि हुतात्मा दिनानिमित गांधी भवन, कोथरूड येथे  विविध कार्यक्रमांचे आयोजन करण्यात आले होते.
महात्मा गांधी पुण्यतिथी दिवशी दरवर्षीप्रमाणे गांधी भवन येथे सकाळी साडेआठ ते साडेनऊ या वेळेत गांधी आश्रमातील सामुदायिक प्रार्थना यावेळी संदीप बर्वे , बाबा बीडीवाले आणि गांधी भवनच्या  सर्व कर्मचाऱ्यांनी  सादर  केली.
महाराष्ट्र गांधी स्मारक निधीचे अध्यक्ष डॉ.कुमार सप्तर्षी यांचे ‘गांधी समजून घेताना ‘ या विषयावर व्याख्यान झाले.यावेळी बोलताना ते म्हणाले,  गांधी, स्वातंत्र्यलढा आणि संविधान ही त्रिमूर्ती आहे. जो सच्चा भारतीय आहे तो तिन्ही मूर्तींना मानेल. तीनपैकी एका मूर्तीला मानतो तो खोटारडा आहे.सावरकरांनी द्वीराष्ट्रवादाचा सिध्दांत मांडला. स्वातंत्र्य लढ्याला कायम विरोध केला.
  ते पुढे म्हणाले, हिंदुत्ववाद आणि हिंदुत्ववादाची बदनामी हिंदुत्ववादीच करतात. नथुराम गोडसे हिंदुत्ववादी होता तो पुण्यातला असावा याची खंत वाटल्याने मामासाहेब देवगिरीकरांनी महाराष्ट्र स्मारक निधीची जबाबदारी स्विकारली.
       भगवे कपडे घालणारे लोक हरिद्वारच्या धर्म संसदेत मुसलमानांना संपविण्याची भाषा करतात, हत्यारे उचलायला सांगतात हा भगव्या रंगाचा अपमान आहे. आपली ही जबाबदारी आहे की , या प्रवृत्ती विरोधात आपण लढले पाहिजे.
  शांतीने जो राहतो तोच खरा आनंदी आहे. हिंसा करून शत्रूचा नाश होतो असे नाही तर आत्मनाश, परनाश आणि सर्वनाश होतो. महात्मा गांधी म्हणायचे मी १२५ वर्षे जगण्याचा प्रयत्न करणार आहे परंतु नथुराम गोडसे म्हणायचे मी त्यांना इतकी वर्ष जगू देणार नाही. पुण्यातूनच गांधी हत्येचे षडयंत्र रचले गेले . त्यामुळे गांधीजींच आणि पुण्याच एक वेगळ नात आहे. हिंदुराष्ट्राच स्वप्न साकार झाला नाही म्हणून नैराश्याने गांधीचा खून करण्यात आला.
    यावेळी डॉ. प्रवीण सप्तर्षी, प्रशांत कोठडीया, डॉ. उर्मिला सप्तर्षी,  कृतार्थ  शेवगांवकर, गोवा मुक्ती स्वातंत्र्य सैनिक श्री . खानविलकर , श्रीधर रायरीकर, डॉ. संतोष म्हस्के, पथारी व्यावसायिक संघटनेचे दीपक मोहिते, महाराष्ट्र स्मारक निधीचे विश्वस्त एम.एस. जाधव, युक्रांदचे पदाधिकारी संदीप बर्वे,जांबुवत मनोहर , अप्पा अनारसे , शालिनी पंडीत, प्रा. निलम पंडित , निर्भय गायकवाड , विनय शेडगे व नागरीक उपस्थित होते.           सकाळी ११ वाजता मिनी थिएटरमध्ये  श्याम बेनेगल दिग्दर्शित ‘ संविधान  ‘ या मालिकेचे दोन भाग दाखवून त्यावर चर्चा आयोजित करण्यात आली .

पुणे :माजी केंद्रीय पर्यावरणमंत्री खासदार प्रकाश जावडेकर  यांच्या ७१ व्या वाढदिवसानिमित्त ७१ रोपे लावून  वृक्षारोपण कार्यक्रम आज”स्मृतिवन”-नागरी वन उद्यान गणपती माथा, वारजे टेकडी येथे उत्साहात झाला
तेर पॉलिसी सेंटर च्या वतीने आज   सकाळी १० वाजता झालेल्या या कार्यक्रमात तेर पॉलिसी सेंटर च्या संस्थापक डॉ. विनिता आपटे, रोटरीचे माजी प्रांतपाल डॉ. दीपक शिकारपूर,आमदार भीमराव तापकिर, डॉ. संजय बुटाला, शिवराम मेंगडे, आदित्य माळवे आदी पदाधिकारी, वन खात्याचे अधिकारी,नागरिक उपस्थित होते.

 ‘संपूर्ण जगाला वेठीस धरणाऱ्या कोरोनामुळे पर्यावरणाचे रक्षण करण्याविषयी अधिक काळजी घेण्याची गरज असल्याचे स्पष्ट झाले आहे. हवामान बदलाचा सामना करण्यासाठी, कार्बन उत्सर्जन तातडीने कमी करण्याची गरज असून त्यासाठी वृक्षलागवड हा महत्त्वाचा उपाय आहे  त्याचप्रमाणे आगामी काळात नागरी वने  हा ध्यास व्हावा, ‘ असे प्रतिपादन माजी केंद्रीय वने व पर्यावरण, हवामान बदल मंत्री प्रकाश जावडेकर यांनी या कार्यक्रमात केले. 
ते म्हणाले, ‘ देशभरात नागरी वने ही चळवळ झाली पाहिजे. वारजे नागरी वनाचा पुढील टप्पा लवकरच कार्यान्वीत करण्यात येणार आहे. या संदर्भात लवकरच बैठक घेतली जाणार आहे. प्रत्येकाने वाढदिवसाला वाढीचे प्रतिक म्हणून  झाडे लावली पाहिजेत.
वारजे टेकडी नागरी वन हा यशस्वी प्रकल्प : डॉ. विनिता आपटे

वारजे शहरी वनक्षेत्र हा अतिक्रमणाच्या सावटाखाली असणारा असाच एक भाग होता. २०१५ साली केंद्रीय मंत्री प्रकाश जावडेकर यांच्या निर्देशांनुसार वारजेला पर्यावरण आणि परिसंस्थेच्या दृष्टीने एक ‘हरितस्थळ’ म्हणून रूपांतरित करण्याचा उपक्रम राबवण्याचा निर्णय घेण्यात आला. सरकारी – खासगी (PPP) भागीदारीतून हे ‘स्मृतीवन’ अस्तित्वात आले असून २०१५ ते २०२२ या काळात वारजे येथे सुमारे साडेसात हजार झाडे लावली गेली जी आता २० ते २० फूट उंच वाढली आहेत. अनेकांनी आपल्या प्रियजनांच्या स्मृतिनिमित्त झाडे लावली आणि ती दत्तक घेतली, असे डॉ. विनिता आपटे यांनी सांगीतले.