पुणे, दि. ६- पुणे शहर, पिंपरी-चिंचवड महानगरासह जिल्ह्यातील विविध भागात पायाभूत सुविधा निर्माण करुन नागरिकांना उत्तम सोई-सुविधा उपलब्ध करुन देण्यासाठी राज्य शासन कटीबद्ध असल्याचे प्रतिपादन उपमुख्यमंत्री तथा पालकमंत्री अजित पवार यांनी केले.

            पुणे शहरातील हडपसर येथे कै. महादेवराव (आप्पासाहेब) बडदे उद्यान लोकार्पण कार्यक्रमाप्रसंगी ते बोलत होते. यावेळी आमदार चेतन तुपे, वैशाली बनकर, बापूसाहेब बडदे आदी उपस्थित होते.

            उपमुख्यमंत्री पवार म्हणाले,  राज्याच्या सर्वांगीण विकासासोबत  मानवी जीवनमान उंचावण्यासाठी नागरिकांच्या समस्या सोडविण्यासाठी शासन प्रयत्नशील आहे. राज्यात मोठ्या प्रमाणात गुंतवणूक व्हावी, आणि त्यातून रोजगारनिर्मिती व्हावी यासाठी प्रयत्नव करण्यात येत आहेत. त्यासाठी  राज्यात दळणवळणला गती देण्यासाठी शासन प्रयत्नशील असल्याचेही ते म्हणाले.

            कोरोना काळातही राज्य शासनाने विकासासाठी निधी कमी पडू दिला नाही. समाजातील सर्व घटकांच्या विकासासाठी या काळातही विशेष प्रयत्न करण्यात आले. शहराच्या विकासासाठी सर्वांनी मिळून एकजुटीने करावे, असे आवाहन त्यांनी केले.

            आमदार चेतन तुपे यांनीही मनोगत व्यक्त के

पुणे- महाराष्ट्र राज्य तंत्र शिक्षण मंडळ मुंबई  व  अनंतराव पवार कॉलेज ऑफ इंजिनिअरिंग अँड रिसर्च पर्वती पुणे महाविद्यालय यांच्या संयुक्त विद्यमाने देशाच्या विज्ञान आणि तंत्रज्ञान क्षमतेत अखंडपणे योगदान देणारे तंत्रज्ञ घडावेत या हेतूने ‘टेक्नोथॉन २०२२’  या दोन दिवसीय ऑनलाईन राष्ट्रीय प्रकल्प स्पर्धेचे ऑनलाइन आयोजन  करण्यात आले होते. या स्पर्धेचे उद्घाटन अखिल भारतीय मराठा शिक्षण परिषदेच्या सरचिटणीस सौ.प्रमिला गायकवाड , डॉ.विनोद मोहितकर संचालक महाराष्ट्र राज्य तंत्र शिक्षण मंडळ, डॉ.रघुनाथ शेवगावकर माजी संचालक आय.आय.टी. दिल्ली, डॉ.संजय कोयंडे संचालक, सीसीआरटी मटेरीअल्स प्रा.ली.,  डॉ. एन.बि.पासलकर माजी संचालक, महाराष्ट्र राज्य तंत्र शिक्षण मंडळ यांच्या उपस्थितीत झाले.या प्रसंगी बोलताना संशोधन आणि तंत्रज्ञानामुळे मानवी जीवनात आमुलाग्र बदल घडत आहेत. रोज नवनवीन तंत्रज्ञान उपलब्ध होत आहे. या तंत्रज्ञानाचा वापर विद्यार्थ्यांनी  सामाजिक समस्या सोडविण्यासाठी करावा असे अवाहन केले. विद्यार्थ्यांना आपल्या कल्पना सत्यात उतरविण्यासाठी हे एक व्यासपीठ उपलब्ध झाले आहे. रोबोटिक्स,ब्लॉकचेन टेक्नॉलॉजी, आर्टिफिशियल इंटेलिजन्स या सारख्या नवीन तंत्रज्ञान विद्यार्थ्यांनी आत्मसात करावे असे मार्गदर्शन डॉ. एन.बि.पासलकर यांनी केले. समाजाचा शाश्वत विकास साधण्यासाठी तांत्रिक कौशल्यासोबतच नैतिक व सामाजिक मूल्ये आपण अंगिकारली पाहिजेत असे मार्गदर्शन डॉ.विनोद मोहितकर यांनी केले. डॉ.संजय कोयंडे  यांनी समाजाचा शाश्वत विकास साधायचा असेल  तर नव तंत्रज्ञान आत्मसात केले पाहिजे असे मत मांडले. महाविद्यालयाचे प्राचार्य डॉ.सुनील ठाकरे  व स्पर्धेचे समन्वयक डॉ.अभय शेलार यांनी हि स्पर्धा घेण्याचा हेतू व महत्व पटवून सांगितले. यास्पर्धेमध्ये प्रकल्प स्पर्धा,पेपर प्रेझेटेशन, पोस्टर अशा तीन प्रकारामध्ये सबंध महाराष्ट्रातील  ३००  तंत्रनिकेतन च्या २२०० विद्यार्थ्यांनी उत्स्फूर्तपणे सहभाग नोंदवला. सदर कार्यक्रमासाठी   संस्थेच्या सरचिटणीस मा.प्रमिला गायकवाड, डॉ.रघुनाथ शेवगावकर, डॉ.विनोद मोहितकर, डॉ.संजय कोयंडे व डॉ. एन.बि.पासलकर, महाविद्यालयाचे प्राचार्य डॉ.सुनिल ठाकरे, स्पर्धेचे समन्वयक प्रा.अभय शेलार, सर्व विभाग प्रमुख, प्राध्यापक, विद्यार्थ्यांनी उपस्थिती नोंदविली. या कार्यक्रमाचे सूत्रसंचालन प्रा.नेहा देशमुख यांनी केले तर आभार प्रदर्शन प्रा.स्नेहा साळवेकर  यांनी केले.

पुणे-6 मे 2022 रोजी पुण्यात थोर संत गुरुदेव दादा जे.पी. वासवानी यांचे नाव असलेल्या चौकाचे उद्घाटन करण्यात आले. त्यांच्या नाव असलेला हा पुण्यातील पहिलाच चौक आहे. हा चौक सेंट मीरा कॉलेजजवळ, ताज ब्लू डायमंड समोर, मंगलदास रोडच्या क्रॉसिंगवर आहे.
योगायोगाने, दादा जे.पी. वासवानी चौक हा साधू वासवानी पुलाच्या खाली असलेल्या पहिल्या क्रॉसिंगवर आहे.
या चौकाचे उद्घाटन साधू वासवानी मिशनच्या कार्यकारी प्रमुख दीदी कृष्णा कुमारी आणि पुणे महानगरपालिकाच्या (पीएमसी) नगरसेविका सौ.मंगला मंत्री यांच्या हस्ते करण्यात आले. या समारंभात हवन (पवित्र अग्नि), कीर्तन आणि प्रार्थना यांचा समावेश होता. पूज्य दादा जे.पी. वासवानी यांच्या प्रतिमेसह संगमरवरी फलकाचे अनावरण करण्यात आले – हा फलक कायमस्वरूपी चौकात  राहणार आहे. यावर लिहिले आहे “प्रेमापेक्षा मोठी शक्ती नाही.”
या उद्घाटनप्रसंगी दीदी कृष्णा कुमारी यांनी सर्व अधिकाऱ्यांचे आभार मानले. त्‍या म्हण्याल्या, “शंकराचार्यय जेव्हा पुण्यात भेटी साठी आले होते त्‍यांनी संगितले  होते हे शहर गुरुदेव साधु वासवानी आणि दादा जे.पी. वासवानी यांच्या सारख्या महान व्यक्तींच्या संरक्षणाखाली आहे. हे अगदी खरे आहे. त्यांची उपस्थिती या शहराचे रक्षण करत आहे.” त्‍या पुढे म्हणाल्‍या, “दादा आम्हाला या शाश्वत रूपी जगात वावरण्यासाठी त्याच्या प्रेमळ आणि करुणारुपी साद घालून आम्हाला जागवायला आले होते; त्‍यांना स्वतःसाठी कधीच काही नको होते. ते नेहमी म्हणत:
‘‘जर तुम्हाला आनंदी व्हायचे असेल तर इतरांना आनंदित करा.’’ जर प्रत्येकाने हा एक संदेश स्वतःसोबत घेतला तर जग एक नवीन ठिकाण होईल. आपण मिळून पुण्याला, आपल्या भारताला शांतता आणि आनंद देणारे ठिकाण बनवू या.
श्रीमती मंत्री उद्घाटनप्रसंगी बोलताना म्हणाल्या, “मिशनने मला आनंदाचे कारण दिले आहे. मी कृतज्ञ आहे कारण देवाने मला एक साधन बनवले.आज या सोहळ्यात समाज्‍यातील विविध क्षेत्रातील लोक सामील झाले आहेत. मला आशा आहे की ते सराव करतील मिशनच्या शिकवणी बददल सत्य, प्रेम आणि करुणा.”
या समारंभास उपायुक्त श्री.संजय गावडे, प्रभाग अधिकारी ज्ञानेश्वर तुपे, डॉ. गलांडे, वैद्यकीय अधिकारी, प्रकाश रामेश्वर मंत्री, माजी उपमहापौर, पीएमसी, पुणे, धैर्यशील वांदेकर आदी मान्यवर उपस्थित होते.

पुणे, दि. ७ :- राष्ट्रीय विधी सेवा प्राधिकरण आणि महाराष्ट्र राज्य विधी सेवा प्राधिकरण, उच्च न्यायालय, मुंबई यांच्या निर्देशाने विधी सेवा प्राधिकरण अधिनियम १९८७ मधील तरतुरदीअंतर्गत जिल्ह्यातील सर्व न्यायालयांमध्ये ७ मे २०२२ रोजी राष्ट्रीय लोक अदालतीचे आयोजन करण्यात आले आहे.

धनादेश अनादराची प्रकरणे, बॅंकेची कर्ज वसुली प्रकरणे, कामगारांचे वाद, विद्युत आणि पाणी देयकाबाबतची प्रकरणे, तडजोड पात्र फौजदारी प्रकरणे, आयकर कायद्यातील फौजदारी स्वरूपातील तडजोड प्रकरणे, मोटार अपघात नुकसान भरपाई देण्याबाबतची प्रकरणे, वैवाहिक वाद, संपादन प्रकरणे व दिवाणी दावे तसेच उपरोक्त नमूद स्वरूपातील दाखल पूर्व प्रकरणे सुनावणीकरिता ठेवण्यात येणार आहेत.

लोक न्यायालयात सामोपचाराने वाद मिटविण्याची इच्छा असल्यास पक्षकारांनी पुणे जिल्हा विधी सेवा प्राधिकरण कार्यालयाकडे अथवा संबंधित तालुका विधी सेवा समितीकडे त्वरीत संपर्क साधावा अथवा ८५९१९०३६१२ या क्रमांकावर किंवा dlsapune2@gmail.com या ईमेल पत्त्यावर संपर्क साधावा असे आवाहन जिल्हा विधी सेवा प्राधिकरणाचे सचिव प्रताप सावंत यांनी केले आहे.

पुणे, दि. ६:- महाराष्ट्र राज्य पर्यटन महामंडळाच्या माध्यमातून कृषि पर्यटनाला चालना देण्याचे प्रयत्न करण्यात येत असून त्याद्वारे ग्रामीण भागात रोजगार निर्मितीलाही चालना मिळेल, असे प्रतिपादन माहिती व जनसंपर्क, पर्यटन राज्यमंत्री कु.आदिती तटकरे यांनी केले.

खेड तालुक्यात कुरकुंडे येथील पुणे जिल्हा मध्यवर्ती सहकारी बँक शाखेच्या नवीन इमारतीत स्थलांतर कार्यक्रमात  त्या बोलत होत्या.यावेळी आमदार दिलीप मोहिते पाटील, निर्मला पानसरे,  पुणे जिल्हा मध्यवर्ती सहकारी बँकेचे अध्यक्ष डॉ. दिगंबर दुर्गाडे, उपाध्यक्ष सुनील चांदेरे, सहायक निबंधक हरीचंद्र खेडकर,  मुख्य कार्यकारी अधिकारी प्रताप चव्हाण, दूध संघाचे संचालक अरुण चांभारे, माजी सभापती मार्केट समिती चाकण रमेश राजे, वरिष्ठ अधिकारी गौतम कोतवाल, सरपंच सागर  जावळे आदी उपस्थित होते.

राज्यमंत्री कु. तटकरे म्हणाल्या, ग्रामीण भागात ‘ॲग्रो टुरिझम’ला चांगली संधी आहे. सहकारी संस्थांनी यासाठी पुढाकार घ्यावा. प्रादेशिक पर्यटन योजनेअंतर्गत प्रस्ताव सादर झाल्यास निधी उपलब्ध करून देण्यात येईल, असेही त्यांनी सांगितले.

पुणे जिल्हा मध्यवर्ती सहकारी बँक ही देशातील एक उत्कृष्ट संस्था असल्याचे नमूद करून त्या म्हणाल्या, स्पर्धेत टिकून राहण्यासाठी बँकेने दर्जा टिकवावा. कुरकुंडे शाखेच्या नवीन इमारतीचे कामकाज चांगले झाले आहे. या ठिकाणी ग्राहकांना चांगल्या सुविधा उपलब्ध होणे आवश्यक आहे. शेतकऱ्यांच्या मुलांना परराज्यात शिक्षणासाठी पाठवण्यासाठी बॅंकेच्या माध्यमातून मदत होणे आवश्यक आहे. शेतकऱ्यांच्या जमिनीचे भूसंपादन करताना त्यांच्यावर अन्याय होणार नाही याची दक्षता घ्यावी, असेही त्यांनी सांगितले.

यावेळी तालुक्यात  ९० टक्क्यापर्यंत वसुली करणाऱ्या  विविध सहकारी संस्थांच्या प्रतिनिधींचा राज्यमंत्री तटकरे यांच्या हस्ते प्रशस्तीपत्र देऊन सत्कार करण्यात आला. यावेळी आमदार मोहिते पाटील आणि पुणे जिल्हा मध्यवर्ती सहकारी बँकेचे अध्यक्ष दुर्गाडे यांनी मनोगत व्यक्त केले.

आडगाव येथे पुलाचे भूमिपूजन

कार्यक्रमानंतर राज्यमंत्री कु. तटकरे यांच्या हस्ते आडगाव येथील नाबार्ड अर्थसाहाय्याने उभारण्यात येणाऱ्या पुलाचे भूमिपूजन करण्यात आले. यावेळी आमदार दिलीप मोहिते पाटील, दूध संघाचे संचालक अरुण चांभारे, तहसिलदार डॉ. वैशाली वाघमारे, सरपंच प्रकाश गोपाळे, ग्रामस्थ आदी उपस्थित होते.

टिमविचा वर्धापन दिन साजरा-अद्ययावत प्रॉडक्शन कंट्रोल रूम आणि ब्रॉडकास्ट रूमचा शुभारंभ
पुणे : लोकमान्य टिळकांनी स्वदेशी, स्वराज्य, बहिष्कार व राष्ट्रीय शिक्षण हे चतुःसूत्री मांडून देशाला स्वातंत्र मिळवून दिले आहे. जन्मतः जगण्याचे स्वातंत्र असल्याचे महत्व त्यांनी पटवून दिले. मात्र सध्याच्या परिस्थितीमध्ये बोलण्याचा, आंदोलन करण्याचा व मते मांडण्याचा अधिकार उरला आहे, का?असा सवाल उपस्थित करीत आपले स्वातंत्र कोणीही हिरावून घेऊ शकत नाही, असे  प्रतिपादन माजी केंद्रीय अर्थमंत्री पी. चिदंबरम यांनी केले.
टिळक महाराष्ट्र विद्यापीठाच्या 101 व्या वर्धापन दिनानिमित्त मास कम्युनिकेशन विभागामध्ये अद्ययावत प्रॉडक्शन कंट्रोल रूम आणि ब्रॉडकास्ट रूमचा शुभारंभ माजी केंद्रीय अर्थमंत्री पी. चिदंबरम यांच्या हस्ते शुक्रवारी झाला.  अत्याधुनिक प्रॉडक्शन रूम आणि ब्रॉडकास्ट दालनाचे उदघाटन चिदंबरम यांच्या हस्ते झाले. विद्यापीठाचा 100 वर्षांच्या वाटचालीचा ग्रंथाचे प्रकाशन यावेळी त्यांच्या हस्ते झाले. विद्यापीठाचे कुलपती डॉ. दीपक टिळक, प्रभारी कुलगुरु डॉ. गीताली टिळक-मोने, वर्ल्ड बुक ऑफ रेकॉर्डस्चे अध्यक्ष व मुख्य कार्यकारी अधिकारी अ‍ॅड. संतोष शुक्ला, टिळक महाराष्ट्र विद्यापीठ ट्रस्टचे उपाध्यक्ष डॉ. रोहित टिळक, कार्यकारी मंडळाच्या अध्यक्षा डॉ. प्रणति रोहित टिळक, सचिव अजित खाडिलकर यावेळी उपस्थित होते.
पी. चिदंबरम म्हणाले, लोकमान्यांनी स्वराज्य हा माझा जन्मसिद्ध आधिकार असल्याचे इंग्रजांना ठणकावून सांगितले होते. स्वातंत्र्याशिवाय आपण काहीच साध्य करु शकत नाही, हे त्यांना माहित होते. सहा दशकाच्या आयुष्यात ते भारतीय जनमाणसाचे ते जननायक बनले होते. लोकमान्यांची स्मृतीशताब्दी पूर्ण झाली आहे. त्यामुळे आपले सर्वांचे कर्तव्य आहे, की आपण स्वातंत्र स्वीकारले पाहिजे. प्रत्येक दिवशी आपण गमावलेल्या स्वातंत्र्याचा अनुभव आपण घेत असून सध्या आपले स्वातंत्र हिरावून घेतले जात आहे. लिहीणे, एकत्र जमणे, तसेच बोलण्याचा स्वतंत्र  हिरावले जात आहे. आपण जन्मतः स्वातंत्र असून ते कोणीही हिरावून घेऊ शकत नाही, असेही यावेळी पी. चिंदबरम यांनी सांगितले.
आमच्या मुलभूत अधिकारावर कोणीही गदा आणू शकत नाही. आजपर्यंत हजारो वर्षांपासून राजे, सरकार अवाज दाबण्याचा प्रयत्न करीत आहे. आमचा आवाज कोणीही दाबू शकत नाही, असेही यावेळी पी. चिंबरम यांनी स्पष्ट केले. आणखी लाखो लोकांना या देशात शिक्षण, आरोग्यसेवा मिळत नाही. त्यांच्या अधिकाराबद्दल त्यांना कल्पनादेखील नाही. या वंचितांना आरोग्य, शिक्षण त्यांचे अधिकार मिळवून देणे हे आपले कर्तव्य असून त्यांना अधिकार मिळवून दिला पाहिजे. राजकीय आणि निवडणूकीचे स्वातंत्र्य आहे. मात्र खरं स्वातंत्र्य हे गरीबी, अन्याय बेरोजगारीपलीकडेदेखील असल्याचे यावेळी त्यांनी नमूद केले.
डॉ. दीपक टिळक म्हणाले, ‘विद्यापीठाने गेल्या 100 वर्षांमध्ये अनेक महत्त्वाचे टप्पे पाहिले आहेत. अनेक क्षेत्रांमध्ये विद्यापीठाने उल्लेखनीय कामगिरी केली आहे. लोकमान्यांच्या विचारधारेवर विद्यापीठाची वाटचाल सुरु आहे. रोजगारभिमूख अभ्यासक्रमापासून ते अत्याधुनिक अभ्यासक्रमापर्यंत विद्यापीठात शिकविले जात आहे. विद्यापीठात कनिष्ठ महाविद्यालयाला परवानगी मिळाली असून एलएलएम व फिजिओथेरपीची पदव्युत्तर पदवीचे अभ्यासक्रम सुरु करण्यात येणार असल्याचे यावेळी त्यांनी सांगितले. याप्रसंगी डॉ. गीताली टिळक-मोने यांनी विद्यापीठाच्या विविध विभागाचा कार्याचा आढावा घेतला.
टिळक महाराष्ट्र विद्यापीठ स्पोर्स्टस् लिग वर्ल्ड बुक ऑफ रेकार्डमध्ये नोंद झाल्यानिमित्त वर्ल्ड बुक ऑफ रेकॉर्डस्चे अध्यक्ष व मुख्य कार्यकारी अधिकारी अ‍ॅड. संतोष शुक्ला यांच्या हस्ते विद्यापीठाचे कुलपती डॉ. दीपक टिळक यांना प्रमाणपत्र देऊन सन्मान करण्यात आला.  

पुणे, 6 मे 2022: एमएसएलटीए व पीएमडीटीए यांच्या मान्यतेखाली होत असलेल्या बाबा रॉड्रिक्स अँड सन्स आयटीएफ एस200(गुण) वरिष्ठ टेनिस अजिंक्यपद स्पर्धेत 35वर्षांवरील गटात पुण्याच्या केतन धुमाळ, 45वर्षांवरील गटात नितीन कीर्तने, तर 65वर्षांवरील पुरुष एकेरीत योगेश शहा यांनी एकेरी व दुहेरी या दोन्ही गटात विजेतेपद पटकावत दुहेरी मुकुट संपादन केला.   . 
एमएसएलटीए स्कुल ऑफ टेनिस म्हाळुंगे बालेवाडी येथे सुरु असलेल्या या स्पर्धेत 35वर्षांवरील पुरुष गटात अंतिम फेरीत केतन धुमाळ याने तिसऱ्या मानांकित अर्जुन उप्पलचा 6-2, 6-1 असा पराभव करून या गटाचे विजेतेपद पटकावले. दुहेरीत अंतिम लढतीत केतन धुमाळने अभिषेक ताम्हाणेच्या साथीत सुजय महादेवन व अर्जुन उप्पल या चौथ्या मानांकित जोडीचा 6-3, 6-2 असा सरळ सेटमध्ये पराभव करून विजेतेपद मिळवले.  
45वर्षांवरील पुरुष एकेरीत अंतिम फेरीत अव्वल मानांकित नितीन कीर्तनेने दुसऱ्या मानांकित सुनील लुल्लाचा 6-0, 6-1 असा सहज पराभव करून विजेतेपद पटकावले. दुहेरीत अंतिम लढतीत नितीन किर्तने व प्रशांत सुतार यांनी सुनील लुल्ला व गगनदीप वासू यांचा 6-1, 6-0 असा पराभव करून विजेतेपदाचा मान पटकावला. 65वर्षांवरील पुरुष गटात अंतिम फेरीत अव्वल मानांकित योगेश शहा याने पाचव्या मानांकित एकनाथ किणीकरचा टायब्रेकमध्ये  7-6(2), 7-6(4) असा पराभव करून विजेतेपदाला गवसणी घातली.  

स्पर्धेचे पारितोषिक वितरण स्पर्धेचे प्रायोजक बाबा रॉड्रिक्स, सुभाष सुतार, स्पर्धा संचालक डीएस रामा राव यांच्या हस्ते करण्यात आले. यावेळी आयटीएफ सुपरवायझर वैशाली शेकटकर आदी मान्यवर उपस्थित होते. स्पर्धेचा सविस्तर निकाल: 35वर्षांवरील पुरुष एकेरी: अंतिम फेरी:
केतन धुमाळ(भारत)वि.वि.अर्जुन उप्पल(भारत)[3] 6-2, 6-1; 

महिला 35: राउंड रॉबिन: 

प्रियांका मेहता(भारत)[1]वि.वि.गायत्री मेवाडा(भारत)6-3, 6-1; 
प्रणिता पेडणेकर(भारत) पुढे चाल वि. रिंकू कुमारी(भारत) 40वर्षावरील पुरुष एकेरी: उपांत्यपूर्व फेरी:
आदित्य खन्ना(भारत)[1]वि.वि.सुरेंद्र अल्लम(भारत)[8] 6-0, 6-1; मंदार वाकणकर(भारत)[4] वि.वि. रमजान शेख(भारत)[5] 6-1, 6-2; स्वरनदीप सिंग दोडी(भारत)[3]वि.वि.बद्री विशाल(भारत)[6]  6-4, 6-2; नीरज आनंद(भारत)[7]वि.वि.कमलेश शुक्ला(भारत) 6-4, 6-2;   

45वर्षांवरील पुरुष एकेरी: अंतिम फेरी:
नितीन कीर्तने(भारत)[1]वि.वि.सुनील लुल्ला(भारत)[2]  6-0, 6-1; 

महिला 45वर्षांवरील: राउंड रॉबिन: 

मायुक्ता सकाय(जपान)[1] पुढे चाल वि.प्रेरणा आपटे(भारत) 
नंदिता नूलकर(भारत)वि.वि.सोनिया बिजू सॅम्यूअल(भारत) 6-2, 6-3; 55वर्षांवरील पुरुष:उपांत्य फेरी:
आलोक भटनागर(भारत)वि.वि. उल्हास फुलझेली(भारत)6-1, 6-4;अजय कामत(भारत)वि.वि. आशिष डिके(भारत)[3] 6-1, 6-1; 
65वर्षांवरील पुरुष:अंतिम फेरी:
योगेश शहा(भारत)[1]वि.वि.एकनाथ किणीकर(भारत)[5] 7-6(2), 7-6(4); 
70वर्षांवरील पुरुष: उपांत्य फेरी: 
ताहीर अली(भारत)(1)वि.वि. रत्नाकरराव आनी(भारत)[4] 6-1, 6-0; रामराव दोसा(भारत)(3) वि.वि. धवल पटेल(भारत)(2) 6-1, 6-1.

दुहेरी: 35 वर्षांवरील पुरुष एकेरी: अंतिम फेरी:

केतन धुमाळ/अभिषेक ताम्हाणे वि.वि.सुजय महादेवन/अर्जुन उप्पल[4] 6-3, 6-2; 

40 वर्षांवरील पुरुष एकेरी: उपांत्यपूर्व फेरी: 

कमलेश शुक्ला/मंदार वाकणकर[2] वि.वि.पार्थसारथी मोहपात्रा/प्रफुल नागवाणी 6-1, 6-2;

45वर्षांवरील पुरुष: अंतिम फेरी:

नितीन किर्तने/प्रशांत सुतार(भारत)वि.वि.सुनील लुल्ला/गगनदीप वासू(भारत)6-1, 6-0.