पुणे – तुम्हाला जिवंत असल्यासारखे वाटत नसेल तर जगण्यात काही अर्थ नसतो, हे वाक्य ‘मिसेस वेस्ट इंडिया – एम्प्रेस ऑफ वेस्ट इंडिया 2022’ या सौंदर्य स्पर्धेमागील तत्त्वाचे सार आहे. ही स्पर्धा ‘दिवा पेजंट्स’चे संचालक कार्ल व अंजना मस्कारेन्हास यांच्या संकल्पनेतून साकारली आहे. यंदा या उपक्रमाचे चौथे वर्ष असून चालू वर्षातील स्पर्धा नुकतीच येथील हयात पुणे (आतिथ्य प्रायोजक) हॉटेलमध्ये उत्साहात संपन्न झाली. स्पर्धेच्या माध्यमातून महाराष्ट्र, गुजरात व गोवा राज्यांतील स्पर्धकांना त्यांच्या स्वप्नाचा आविष्कार सादर करण्यासाठी प्रचंड स्पर्धात्मक असे व्यासपीठ मिळवून देण्यात आले. एकूण ३३ विवाहित महिलांना स्पर्धेने गोल्ड श्रेणीत चुरशीने सहभाग घेण्यासाठी प्रेरित केले.

अंतिम फेरीत निवड झालेल्या स्पर्धकांची तयारी ‘दिवा’ने उत्कृष्टरीत्या करुन घेतली. अंजना व कार्ल यांच्या तज्ज्ञ मार्गदर्शनाखाली त्यांना स्वपरिचय फेरी, आवाजातील चढउतार, रंगमंचावरील वावर, प्रश्नोत्तर सत्र अशा कौशल्यांत पारंगत करण्यात आले.

परीक्षक मंडळात प्रसिद्ध चित्रपट तारका व नामवंत व्यक्ती होत्या. अंजना सुखानी (अभिनेत्री), कमल दीप शर्मा (हयात पुणेचे विक्री व विपणन संचालक), वंदना वर्मा (गृहलक्ष्मी मासिकाच्या संपादक व संचालक), विद्या तिवारी (खाद्य समीक्षक), विभूती पांडे (मिसेस वेस्ट इंडिया २०२०) व कार्ल मस्कारेन्हास (दिवाचे संचालक) यांचा त्यात समावेश होता. अभिनेते अमन यतन वर्मा यांनी आपल्या परिपूर्ण सूत्रसंचालनाने प्रेक्षकांना खिळवून टाकले.

गोल्ड श्रेणीतील विजेते :

विजेती – मिताली करंदीकर

फर्स्ट रनर अप – डॉ. मनिषा सिसोदिया

सेकंड रनर अप – डॉ. मृणाली भारद्वाज  

सिल्व्हर श्रेणीतील विजेते :

विजेती – निलाक्षी लोही

फर्स्ट रनर अप – श्वेता अनिरुद्ध

सेकंड रनर अप – डॉ. उर्वशी पाटील

प्रख्यात नृत्य दिग्दर्शक पूजा सिंग यांनी या कार्यक्रमातील नृत्यांचे दिग्दर्शन व संचालन केले आणि त्याला सिसिलिया सन्याल व मृणाली तायडे यांनी सुरेख साथ दिली. कार्यक्रमात १६ महिला व पुरुषांना त्यांच्या व्यावसायिक कारकीर्दीत सर्वोत्कृष्टता प्राप्त केल्याबद्दल दिवा एक्सन्स ॲवॉर्ड्स देऊन सन्मानित करण्यात आले.

1 हयात पुणे द्वारा समर्थित

2 मीडिया पार्टनर लोकमत

3 स्माईल पार्टनर डॉ. शिल्पा खेरा – लिली व्हाईट डेंटिस्ट्री

4 NGO पार्टनर श्री अभिषेक दीक्षित – We Help Welfare Foundation

5 कास्टिंग पार्टनर श्री. अभिषेक दीक्षित – दिवा टॅलेंट हब

6 टॅरो पार्टनर मनीषा निहलन्नी

7 हेअर अँड मेक-अप पार्टनर इसास इंटरनॅशनल ब्युटी स्कूल

8 पीआर पार्टनर उषा कर्नानी – प्रेरणा

9 गिफ्टिंग पार्टनर उषा कर्नानी – मोदसूत्र

10 पोर्टफोलिओ शूट पार्टनर आनंद संपत

11 मॅगझिन पार्टनर श्री. मल्लिक इसानी – तमाशा आणि नवोपक्रम

12 सिल्व्हर श्रेणी फिनिटो फॅशन हबसाठी कॉउचर डिझायनर

13 सुवर्ण श्रेणीसाठी कॉउचर डिझायनर श्रीमती युती रावल – युरॅझल

14 गाऊन राउंड पार्टनर अॅडोर

15 वेलनेस पार्टनर श्री. परेश पारेख – निर्वावा नेचर क्युअर

16 व्हिडिओग्राफी पार्टनर श्री. जयप्रकाश पारखे – Iplus मीडिया सोल्युशन्स

17 इव्हेंट फोटोग्राफी पार्टनर श्री. स्वप्नील जावळे – एसजे इलुमिनेशन

18 भेटवस्तू भागीदार श्रीमती योगिता कोठारी – भारतातील नंबर 1 कोठारिस रॉयल ऑरगॅनिक फूड प्रॉडक्ट्सच्या संस्थापक अध्यक्षा

19 गिफ्टिंग पार्टनर श्री. आदित्य गाडिया – हॅपी ट्रीट

20 गिफ्टिंग पार्टनर कु. प्रज्ञा माझगावकर – द प्रिमिक्स कंपनी

22 गिफ्टिंग पार्टनर श्री. विशाल हिरामथ – नारायणी सिल्क

23 चॉकलेट पार्टनर सुश्री मीरा मेहता – अमताझ

24 ज्वेलरी पार्टनर सुश्री वृषाली – वृषालीची ज्वेलरी

25 अधिकृत कोरिओग्राफर आणि शो डायरेक्टर सुश्री पूजा सिंग

26 अधिकृत समन्वयक सिसिलिया सन्याल आणि मृणाली तायडे

27 अधिकृत डीजे श्री संकेत निनारिया

28 इव्हेंट कुबेर इव्हेंट्सद्वारे व्यवस्थापित

गृहमंत्री दिलीप वळसे पाटील यांच्या हस्ते उद्घाटन

हिंजवडी : कायस्थ पद्धतीचे जेवण देणारे ‘हॉटेल कायस्थ पंगत’ हिंजवडी येथे पुणेकरांच्या सेवेत रविवार पासून सुरु करण्यात आले. राज्याचे गृहमंत्री दिलीपजी वळसे पाटील यांच्या हस्ते या रेस्टॅारंटचे  उद्घाटन  करण्यात आले.

सुनील माने, लक्ष्मीकांता माने, निखिल मथुरे, सेलिब्रिटी शेफ यशोधन देशमुख हे या रेस्टॅारंटचे संचालक आहेत.

पीएमपीएलचे संचालक प्रकाश ढोरे, राष्ट्रवादी कॅांग्रेयचे पुणे जिल्हाध्यक्ष प्रदीप गारटकर,  पुणे शहर भाजप उपाध्यक्ष गणेश कळमकर, भाजपा ओबीसी आघाडीचे प्रदेश उपाध्यक्ष प्रल्हाद सायकर, शिवाजीनगर मंडल भाजप सरचिटणीस आनंद छाजेड, भाजपा बालेवाडी प्रभाग अध्यक्षा उमा गाडगीळ, डॉक्टर असोसियशनचे अध्यक्ष डॉ. राजेश देशपांडे, डॉ.अंबरीश दरक, अखिल अग्रवाल, निर्माती-अभिनेत्री पूनम शेंडे, डॅा. प्रीती मुंडे, उद्योजक बनी दालमिया, कॅफे पीटरचे प्रमुख -उद्योजक सचिन साळुंखे आदी मान्यवरांच्या उपस्थितीत हा उद्घाटन सोहळा संपन्न झाला.

रेस्टॅारंट बद्दल अधिक माहिती सांगताना सुनील माने म्हणाले, पुणेकर चोखंदळ आणि चवीचे खाण्यासाठी प्रसिद्ध आहेत. पुण्याला विविध प्रकारची खाद्य संस्कृती आहे. या खाद्य संस्कृतीत खास कायस्थ पद्धतीचे जेवण देणारे एकही रेस्टॅारंट पुण्यात नव्हते. पुणेकरांची हीच उणीव भरून काढण्यासाठी यशोधन देशमुख यांच्या खास कायस्थ मेनू ने सजलेले  ‘कायस्थ पंगत’ हे  रेस्टॅारंट द सोशल स्ट्रीट हिंजवडी येथे सुरू करण्यात आले आहे. लवकरच पुणे शहरातही ‘हॉटेल कायस्थ पंगत’ सुरु होणार आहे.

कायस्थ खाद्यसंस्कृती जशी विविध पदार्थाने समृद्ध आहे तशीच ती तेवढीच समावेशक ही आहे. अनेक वर्षाच्या ऐतीहासिक नोंदी आणि संशोधन करून शेफ यशोधन देशमुख यांनी हा कायस्थ खाद्यसंस्कृतीचा ठेवा खास पुणेकरांच्या सेवेत आणला आहे.  वैशिष्ठ म्हणजे आजही इथे पारंपरिक पद्धतीने आणि स्थानिक पदार्थांचा वापर केला जातो. विशेष म्हणजे या हॉटेल मध्ये टोमॅटो आणि बटाट्याचा वापर केला जात नाही . कायस्थ खाद्यसंस्कृती हि हजारो वर्षाची परंपरा लाभलेली खाद्यसंस्कृती आहे आणि आज एका नवीन स्वरूपात मूळ चवीत आणण्याचा प्रयत्न शेफ यशोधन देशमुख यांनी केला आहे, असे निखील मथुरे यांनी सांगितले.

कायस्थ खाद्यसंस्कृती प्रामुख्याने मासे ,मटण तसेच अनेक शाकाहारी रुचकर आणि स्वादिष्ठ पदार्थाने सजलेली आहे. चवीने खाण्यासाठी आणि तितक्याच आपुलकीने खाऊ घालण्यासाठी कायस्थ समाज ओळखला जातो. पदार्थ जरी सारखे असले तरीही ते बनवण्याची वेगळी पद्धत आणि त्यात टाकले जाणारे घटक या जेवणाला वेगेळेपण प्राप्त करून देतात. वालाचं बिरडं किंवा बोंबलाचं भुजणं,भरला बोंबील , खिम्याचे कानवले किंवा निनाव, वडीचे सांबार,भरली वांगी, सोडे भरली वांगी, तेलपोळी हे काही कायस्थ पद्धतीचे प्रमुख खाद्यपदार्थ सांगता येतील. आमचा हा नवीन प्रयोग नक्कीच पुणेकरांच्या पसंतीस उतरेल यात शंका नाही.असे माने म्हणाले.

पुणे दि.६-पुढील वर्षांपासून शिवशक राजदंड स्वराज्य गुढी प्रत्येक महाविद्यालयात आणि विद्यापीठात उभारली जाईल आणि प्रत्येक वर्षी एका गडावर विद्यार्थ्यांसह हा शासनातर्फे सोहळा साजरा केला जाईल. यासाठी लवकरच शासन निर्णय काढण्यात येईल, अशी घोषणा उच्च व तंत्र शिक्षण मंत्री उदय सामंत यांनी एसएसपीएम विद्यालयाच्या प्रांगणात आयोजित शिवस्वराज्य दिन कार्यक्रमात केली.

श्री.सामंत म्हणाले, छत्रपती शिवाजी महाराजांचे चरित्र नव्या पिढीसमोर दिपस्तंभाप्रमाणे मार्गदर्शन करणारे असावे यासाठी शिवस्वराज्य दिन साजरा करण्याचा निर्णय शासनाने घेतला. मुख्यमंत्री उद्धव ठाकरे यांनी महाविद्यालयातदेखील हा दिन साजरा करण्याला मान्यता दिली आहे.

छत्रपती शिवाजी महाराजांनी हिंदवी स्वराज्य स्थापनेची प्रतिज्ञा करून महाराष्ट्राला वेग्ळी दिशा दिली, राज्यावरचे संकट दूर केले, देशाला दिशा दिली. अशा राजांच्याप्रति आदराची भावना व्यक्त करण्यासाठी महाविद्यालयात शिवशक राजदंड स्वराज्य ध्वज लावल्यास महाराजांच्या कार्याची प्रेरणा महाविद्यातील विद्यार्थ्यांना मिळेल. छत्रपती शिवाजी महाराज देशाचे अराध्य दैवत आहे. त्यांची रणनिती, नम्रतेचा आदर्श प्रत्येकाने घ्यावा आणि त्यांचे चरित्र्य राज्यातील जनतेसमोर यायला हवे, असे त्यांनी सांगितले.

यावेळी अमित गायकवाड यांनी कार्यक्रमाच्या आयोजनाबाबत माहिती दिली. श्री.सामंत यांच्याहस्ते ५१ फुट उंच शिवशक राजदंड स्वराज्य गुढी उभारण्यात आली. कार्यक्रमाला किरण साळी, सौजन्य निकम यांच्यासह नागरिक उपस्थित होते.

पुणे -झोपडपट्टी मधील महिलांना शिधापत्रिका व रेशन धान्य बाबत जाब विचारण्यास गेलेल्या  माजी सभागृह नेते, अन्नधान्य वितरण समिती सदस्य,माजी नगरसेवक सुभाष जगताप यांचेवर अधिकाऱ्यांनी पोलिस तक्रार केल्याच्या निषेधार्थ पुणे शहर जिल्हा मातंग समाजाच्या वतीने पुणे जिल्हाधिकारी कार्यालयावर तीव्र आंदोलन करण्यात आले.सुभाष जगताप यांच्यावरील खोटी कारवाई न थांबवल्यास राज्यभर आंदोलन करण्याचा इशारा माजी गृहराज्यमंत्री व मातंग एकता आंदोलनाचे संस्थापक रमेश बागवे यांनी यावेळी दिला.तसेच मातंग समाजाच्या संघटनाचे शिष्टमंडळ लवकरच गृहमंत्री दिलीप वळसे पाटील,शरद पवार व महविकास आघाडी च्या नेत्यांना भेटणार असल्याचे सांगितले.यावेळी दोषी अधिकारी यांच्यावर चौकशी समिती नेमून कारवाई करावी,सुभाष जगताप यांच्यावरील खोटी कारवाई तत्काळ थांबवण्यात यावी,कामचुकार आणि दप्तर दिरंगाई करणाऱ्या अधिकारी यांच्यावर कारवाई करावी आदी मागण्याचे निवेदन जिल्हाधिकारी यांना देण्यात आले.माजी नगरसेवक सुभाष जगताप यांच्यावरील दाखल झालेल्या खोट्या गुन्ह्याचा निषेध करण्यासाठी आज सकाळी 11 वाजता पुणे शहर जिल्हा मातंग समाजाच्या वतीने जिल्हाधिकारी कार्यालय येथे निषेध करून तीव्र निदर्शने करण्यात आली.या आंदोलनामध्ये माजी मंत्री रमेश बागवे,लहुजी वस्ताद साळवे स्मारक समितीचे अध्यक्ष विजय डाकले, नगरसेवक अविनाश बागवे,निलेश वाघमारे सत्यशोधक बहुजन आघाडी चे संस्थापक सचिन बगाडे,रिपब्लिकन युवा मोर्चा चे नेते राहुल डंबाळे,लहुजी समता परिषदेचे अध्यक्ष अनिल हतागले,पुणे शहर मातंग समाज सचिव संजय केंदले,मातंग एकता आंदोलनाच्या महिला अध्यक्ष राजश्री ताई अडसूळ,गोविंद साठे यासह पुणे शहरातील विविध दलीत,मातंग समाजाच्या संघटनेचे नेते पदाधिकारी,महीला व कार्यकर्ते मोठ्या संख्येने उपस्थित होते.

पुणे जिल्हा मातंग समाज संघटनेचे श्री संजय केंदळे म्हणाले की, “सुभाष जगताप हे गेल्या तीस वर्षांपासून सहकारनगर, पर्वती या परिसरामध्ये सामाजिक कार्यांमध्ये कार्यरत असून गोरगरीब, कष्टकरी ,वंचित, उपेक्षित समाजासाठी त्यांचे मोठे योगदान आहे. या समाजातील कुटुंबांना वेळोवेळी न्याय मिळवून देण्यासाठी आंदोलन उपोषण या माध्यमातून गेली तीस वर्ष श्री सुभाष जगताप यांनी आमच्या सर्व समाज बांधवांची सेवा केली आहे. असे असताना गेल्या काही दिवसांत पासून रेशनिंग संबंधित अनेक तक्रारी श्री. सुभाष जगताप यांच्याकडे येत होत्या. परिसरातील नागरिकांच्या रेशनिंगच्या सर्व समस्या सोडविण्यासाठी श्री सुभाष जगताप यांनी वारंवार संबंधित विभागाच्या कार्यालयात पाठपुरावा केला. परंतु शेवटी या नागरिकांप्रमाणेच त्यांनादेखील अशाच प्रकारची उडवाउडवीची उत्तरे देत अरेरावीची भाषा करणाऱ्या अधिकाऱ्यांना श्री. सुभाष जगताप यांनी खडे बोल सुनावले, आमच्या न्याय व हक्कासाठी लढताना झालेल्या या घटनेत अधिकाऱ्यांवर कारवाई होण्याऐवजी श्री. सुभाष जगताप यांच्यावरच खोटा गुन्हा दाखल करण्यात आला.
गेल्या काही दिवसात श्री सुभाष जगताप यांनी सहकारनगर परिसर चालल्या चालणाऱ्या अवैध धंद्यांवर धाड आवाज उठवल्याने प्रशासकीय यंत्रणेचा त्यांच्यावर रोष होता, तो रोष या घटनेत गुन्हा नोंदवतांना दिसून आला व जामीन मिळणार नाही अश्या प्रकारची कलमे लावण्यात आली. तरीही न्याय व्यवस्थेवर आमचा पूर्ण विश्वास असल्याने त्यांना तात्काळ जामीन मंजूर झाला आहे.पुणे जिल्हा मातंग समाज या घटनेचा जाहीर निषेध करत असून येत्या काही दिवसात जर हे खोटे गुन्हे मागे घेण्यात आले नाही तर भविष्यात यापेक्षा तीव्र स्वरूपाचे आंदोलन करण्यात येईल “

 एमआयटी डब्ल्यूपीयूत “शिक्षणगंगा – फिनलंडमधून आपल्या दारी’ या पुस्तकाचे प्रकाशन
पुणे, ०६ जून : “भारतात नवीन शिक्षणपध्दती विकसित होत असताना फिनलंड सारख्या शिक्षणक्षेत्रात उत्तुंग असलेल्या देशाकडून त्यांचे शिक्षणाचे तंत्र अवलंबून त्याचा भारतासाठी उपयोग केल्यास भारतीय शिक्षणपध्दतीत अमूलाग्र बदल होईल.” असे उद्गार माजी सनदी अधिकारी व चाणक्य मंडळाचे अध्यक्ष अविनाश धर्माधिकारी यांनी काढले.
एमआयटी वर्ल्ड पीस युनिव्हसिटी, पुणे व कौन्सिल फॉर क्रिएटिव्ह एज्युकेशन (सीसीई फिनलंड)  तर्फे शिरीन कुलकर्णी व हेरंब कुलकर्णी लिखित “शिक्षणगंगा – फिनलंडमधून आपल्या दारी’ या पुस्तकाचा प्रकाशन समारंभ प्रसंगी प्रमुख पाहुणे म्हणून ते बोलत होते. अध्यक्षस्थानी एमआयटी वर्ल्ड पीस युनिव्हर्सिटीचे  संस्थापक अध्यक्ष प्रा.डॉ. विश्‍वनाथ दा. कराड हे होते. सीसीई फिनलंडचे शिक्षणतज्ञ श्रीमती नेल्ली लुहिवूरी, शिक्षणतज्ञ श्री. ख्रिस्तोफ  फेनेव्हेसी हे सन्माननीय अतिथी म्हणून उपस्थित होते. >
यावेळी सीसीई फिनलंडचे संस्थापक व लेखक हेरंब कुलकर्णी, एमआयटी डब्ल्यूपीयूचे डॉ. रत्नदीप जोशी व श्रीमती धनिक सावरकर हे उपस्थित होते.
श्री.धर्माधिकारी म्हणाले, “शिक्षणगंगा फिनलंडमधून आपल्या दारी हे पुस्तक संस्कृतीचे लेणं आहे. यापुस्तकामध्ये फिनलंड या देशामध्ये तेथील सरकारने शिक्षण आणि आरोग्य हे या दोन्हींवर भर देऊन ना
सृजनशील शिक्षण देऊन विद्यार्थी घडविले जात आहेत. या देशाने ३० वर्षात शिक्षणक्षेत्रात भरारी घेतलेली आहे. या शिक्षणपध्दतीचा भारताला फायदा होणार आहे. फिनलंडमध्ये शिक्षकाचे स्थान महत्त्वाचे आहे. नवनवीन प्रयोगकरून भावी पिढी घडवित आहे. लहानपणी आई हिच खरी शिक्षिका आहे. त्यानंतर वडिल आणि त्यानंतर शिक्षक हाच गुरू आहे. शिक्षक हा शिकविण्याच्या नवीन पध्दतीचा अवलंब करून दर्जेदार विद्यार्थी निर्माण करण्याचा प्रयत्न करीत आहेत. ”    
प्रा.डॉ. विश्‍वनाथ दा. कराड म्हणाले, “वैश्‍विक मूल्याधिष्ठित शिक्षणपध्दतीचा वापर करणे ही काळाची गरज आहे. यातून सर्वगुणसंपन्न असा विद्यार्थी घडला जाईल. शरीर आणि बुध्दीचा विचार आजच्या शिक्षणातून केला जात आहे. परंतू आत्मा आणि मनाचे शिक्षण देणे गरजेचे आहे. मातृ देवो भव, पितृ देवो भव, अतिथी देवो भव आणि आचार्य देवो भव ही आपली भारतीय संस्कृती आहे. त्यामुळे शिक्षकाला समाजामध्ये मानाचे स्थान आहे.”  
श्री.हेरंब कुलकर्णी म्हणाले, “फिनलंडमध्ये ज्ञानाचा विकास करून विद्यार्थ्यांना हसत -खेळत शिक्षण दिले जाते. त्याठिकाणी क्लासरूम नाहीत परंतू ते निसर्गाच्या सानिध्यात राहून मुलांना सृजनशील शिक्षण दिले जात आहे. तोच प्रयोग भारतातील छत्तीसगढ राज्यातील वनवासी भागामधील विद्यार्थ्यांना खेळाच्या माध्यमातून अंकगणिताचे शिक्षण दिले आणि चांगल्या प्रकारचे विद्यार्थी निर्माण केले आहेत. माझे यापुढचे पुस्तक हे भारतातील शिक्षणाची गंगा जगाकडे हे असणार आहे.”    
 डॉ. रत्नदीप जोशी यांनी प्रास्ताविकपर भाषण केले. सूत्रसंचालन अमेय खरे यांनी केले.
धनिका सावरकर यांनी आभार मानले.

जिल्ह्यातील ३३ कोटी ५७ लक्ष रुपयांच्या अष्टविनायक विकास आराखड्यास मान्यता

पुणे दि.५- जिल्हा वार्षिक योजनेअंतर्गत होणाऱ्या विकासाकामात शिक्षण, आरोग्य आणि रस्ते विकासावर अधिक भर देण्यात येणार असल्याचे प्रतिपादन राज्याचे उपमुख्यमंत्री अजित पवार यांनी केले. श्री.पवार यांच्या अध्यक्षतेखाली विधान भवन पुणे येथे झालेल्या जिल्हा नियोजन समितीच्या बैठकीत ३३ कोटी ५७ लक्ष रुपयांच्या अष्टविनाय विकास आराखड्यास आणि स्वराज्य रक्षक संभाजी महाराज यांचे तुळापूर येथील स्मारक आणि वढू बुद्रुक येथील समाधीस्थळाच्या २६९ कोटी ३४ लक्ष रुपयांच्या विकास आराखड्यास मान्यता देण्यात आली.

बैठकीस राज्यमंत्री दत्तात्रय भरणे, खासदार सुप्रिया सुळे, श्रीरंग बारणे, वंदना चव्हाण, जिल्हाधिकारी डॉ.राजेश देशमुख, जि.प.चे मुख्य कार्यकारी अधिकारी आयुष प्रसाद आदी उपस्थित होते.

श्री.पवार म्हणाले, सामाजिक उत्तरदायित्व निधी, जिल्हा परिषद आणि जिल्हा वार्षिक योजनेच्या माध्यमातून २६ कोटी रुपये खर्च करून प्राथमिक आरोग्य केंद्रात उत्तम सुविधा उपलब्ध करून देण्यात आल्या आहेत. सर्व तालुक्यात आवश्यक तेथे अंगणवाडी बांधकाम करण्यात येणार आहे. जिल्हा परिषद शाळांमध्ये चांगल्या शैक्षणिक सुविधा देण्यात येत आहेत. रस्ते विकासालाही गती देण्यात येणार आहे.

अष्टविनायक विकासासाठी अंदाजपत्रकात २५ कोटी तरतूद करण्यात आले असून पुरवणी मागण्यातही अधिक निधी देण्याचा प्रयत्न करण्यात येईल. परिसर विकास करताना मंदिराचे मूळ स्वरूप आणि सौंदर्य कायम राहावे याकडे विशेष लक्ष देण्यात येणार आहे. सर्व कामे मंदिर व्यवस्थापनाच्या मार्गदर्शनाखाली होणार असल्याने त्यांनी यासाठी सहकार्य करावे.

स्वराज्य रक्षक छत्रपती संभाजी महाराज स्मारक आणि वढू बुद्रुक येथील संभाजी महाराजांच्या समाधीस्थळ विकास आराखड्याबाबत जिल्हाधिकारी यांच्या अध्यक्षतेखालील समितीने काम सुंदर आणि भव्य होईल याकडे विशेष लक्ष द्यावे. स्मारक आणि समधीस्थळाला भेट देण्यासाठी मोठ्या प्रमाणात नागरिक येण्याची शक्यता लक्षात घेता वाहनतळाचे योग्य नियोजन करावे, लोकप्रतिनिधींनी याबाबत सूचना केल्यास त्यांचाही अंतर्भाव करण्यात येईल, असे श्री.पवार यांनी सांगितले.

जिल्हाधिकारी डॉ.देशमुख यांनी गतवर्षी जिल्हा वार्षिक योजने अंतर्गत झालेला खर्च, स्वराज्य रक्षक छत्रपती संभाजी महाराज स्मारक आणि वढू बुद्रुक येथील संभाजी महाराजांच्या समाधीस्थळ विकास आराखड्याबाबत करण्यात आलेल्या नियोजनाची आणि अष्टविनायक परिसर विकास आराखड्याची माहिती दिली.२०२१-२१ या वर्षात जिल्हा वार्षिक योजना सर्वसाधारण अंतर्गत १०० टक्के , अनुसूचित जाती उपयोजनेअंतर्गत ९९.६९ आणि आदिवासी उपयोजनेअंतर्गत ९९.९२ टक्के खर्च झाल्याचे त्यांनी सांगितले.

बैठकीस आमदार महादेव जानकर, अतुल बेनके, दिलीप मोहिते पाटील, अशोक पवार, भीमराव तापकीर, संजय जगताप, सुनील शेळके, माधुरी मिसाळ, राहुल कुल, संग्राम थोपटे, महानगरपालिका आयुक्त विक्रम कुमार, राजेश पाटील, पीएमआरडीएचे सुहास दिवसे, पोलीस आयुक्त अमिताभ गुप्ता, पोलीस अधीक्षक अभिनव देशमुख, जिल्हा नियोजन अधिकारी संजय मरकळे आणि विविध विभागांचे अधिकारी उपस्थित होते.

पुणे दि.५- सावित्रीबाई फुले पुणे विद्यापीठ परिसरात सावित्रीबाई फुले यांच्या स्मारकासाठी आणि जलतरण तलावासाठी १० कोटी रुपयांचा निधी देण्यात येईल, असे प्रतिपादन राज्याचे उपमुख्यमंत्री अजित पवार यांनी केले.

सावित्रीबाई फुले पुणे विद्यापीठ येथील पै. खाशाबा जाधव क्रीडा संकुलातील पॅव्हेलिअन इमारत, इनडोबर हॉल आणि अद्ययावत सिंथेटीक ट्रॅकच्या उद्घानप्रसंगी ते बोलत होते. कार्यक्रमाला उच्च व तंत्रशिक्षण मंत्री उदय सामंत, विद्यापीठाचे प्रभारी कुलगुरु डॉ.कारभारी काळे, प्र-कुलगुरु डॉ.संजीव सोनवणे, कुलसचिव डॉ.प्रफुल्ल पवार, तंत्र शिक्षण संचालक अभय वाघ, विद्यापीठाचे क्रीडा व शारीरिक शिक्षणाचे संचालक डॉ. दीपक माने, क्रीडा संकुल समितीचे अध्यक्ष राजेश पांडे आदी उपस्थित होते.

श्री.पवार म्हणाले, बालेवाडी परिसरात उत्तम क्रीडा सुविधा देण्याचा शासनाचा प्रयत्न आहे. त्याचप्रमाणे विद्यापीठातदेखील अद्ययावत क्रीडा सुविधा निर्माण करण्यासाठी सहकार्य करण्यात येईल. राज्यातल्या कुठल्याही भागात समाजाच्या हितासाठी आणि शैक्षणिक प्रगतीसाठी शासन भक्कमपणे पाठीशी उभे राहील. डेक्कन कॉलेज आणि महर्षी धोंडो केशव कर्वे यांच्या स्माकरकासाठीदेखील सहकार्य करण्यात येईल.

खेळाडूंना पायाभूत सुविधा आणि प्रोत्साहन देण्याची गरज

पुढच्या पिढीला अभिमान वाटेल असे विद्यापीठ घडविण्याचा प्रयत्न सर्वांनी मिळून करावा. आपल्या युवा पिढीत मोठी क्षमता आहे. खेळाडुंच्या क्षमतेला वाव देताना पायाभूत सुविधा निर्माण करून देत प्रशिक्षण आणि प्रोत्साहन देण्याची गरज आहे. विद्यापीठाला कुठलीही समस्या असल्यास ती सोडविण्यासाठी सहकार्य करण्यात येईल. खेळाडुंवर भार न टाकता क्रीडा संकुलाची देखभाल करण्यासाठी योग्य नियोजन करणे गरजेचे आहे. विद्यापीठाच्या बाबतीत आपलेपणाच्या भावनेने सर्वांनी जबाबदारीचे भान ठेवून काम करावे, प्रत्येक विद्यार्थी आपला असल्याची भावना अधिकारी, प्राध्यापक, कर्मचाऱ्यांनी दाखवावी, असे आवाहन श्री.पवार यांनी केले.

ते पुढे म्हणाले , पै.खाशाबा जाधव यांनी प्रतिकूल परिस्थितीत यश संपादन करून यशाची प्रेरणा सर्वांना दिली. देशाला कुस्तीतले पहिले कांस्य पदक मिळवून दिले. स्वामी विवेकानंदांनी आपल्या विचार आणि कार्याने जगाला प्रभावीत केले. त्यांचे विद्यापीठात उभारण्यात आलेले पुतळे मानवतेसाठी कार्य करण्याची आणि यशाची प्रेरणा विद्यार्थ्यांना देतील असे त्यांनी सांगितले. कोरोनाचा संसर्ग काही शहरात वाढत असल्याने नागरिकांनी काळजी घ्यावी, असे आवाहन श्री.पवार यांनी केले.

पर्यावरण दिनानिमित्त शुभेच्छा देताना ते म्हणाले, जागतिक तापमान वाढीमुळे जगावर परिणाम होत असताना पर्यावरण रक्षणासाठी सर्वांनी एकदिलाने काम करावे, ही काळाची गरज आहे. एक दिवस पर्यावरणाचा विचार न करता ३६५ दिवस आपल्यापरिने पर्यावरण रक्षणासाठी योगदान द्यायला हवे.

श्री.सामंत म्हणाले, पुण्याच्या शैक्षणिक पंढरीत अपूर्ण शिक्षण प्रकल्प पूर्ण करून पुण्याला देशपातळीवर लौकीक वाढविण्याचा प्रयत्न आहे. राज्याच्या विद्यार्थ्याला सक्षम करणारे शिक्षण विद्यापीठात मिळायला हवे यासाठी विद्यापीठ आणि शासनाला मिळून काम करावे लागेल. काश्मिरी पंडीतांच्या मुलांना शिक्षणासाठी राखीव जागा ठेवणारे महाराष्ट्र हे देशातील पहिले राज्य आहे. राष्ट्रीय उच्च शिक्षण अभियानासाठी १३ कोटी ३३ लाख रुपये मंजूर करण्याात येत असल्याची माहिती त्यांनी दिली. क्रीडा संकुलाच्या जलतरण तलाव आणि सावित्रीबाई फुले यांच्या स्मारक उभारण्यासाठी विद्यापीठ प्रयत्न करणार असल्याचे त्यांनी सांगितले.

कुलगुरू डॉ.काळे म्हणाले, सावित्रीबाई फुले विद्यापीठाने शैक्षणिक क्षेत्रात मोलाची कामगिरी करीत अनेक बहुमान प्राप्त केले. विद्यापीठाने अनेक आंतरराष्ट्रीय सामंज्यस्य करार करून आपला विस्तार केला आहे. देशपातळीवर विद्यापीठ १८ व्या स्थानी आहे. २७ एकर मध्ये उभारलेल्या क्रीडा संकुलामुळे क्रीडा क्षेत्रात विद्यापीठाचा नावलौकीक देशपातळीवर पोहोचेल असा विश्वास त्यांनी व्यक्त केला.

श्री.पांडे यांनी कार्यक्रमाचे प्रास्ताविक केले. क्रीडा संकुलाचा परिपूर्ण वापर करण्यासाठी विद्यापीठ लवकरच धोरण ठरविणार असल्याचे त्यांनी सांगितले.

कार्यक्रमापूर्वी श्री.पवार आणि श्री.सामंत यांनी स्वामी विवेकानंद आणि खाशाबा जाधव यांच्या पूर्णाकृती पुतळ्यास पुष्प अर्पण करुन अभिवादन केले. त्यांनी यावेळी सिंथेटिक पथ, व्यायामशाळा आणि शुटींग रेंजची पाहणी करुन माहिती घेतली. शाहू लक्ष्मी कला क्रीडा अकादमीच्या युवक-युवतींनी मर्दानी खेळ दांडपट्टा, लाठीकाठी आणि तलवारबाजीचे प्रात्यक्षिक सादर केले. खेलो इंडिया स्पर्धेत राज्याचे प्रतिनिधीत्व करणाऱ्या मल्लखांबच्या खेळाडूंनी मल्लखांबचे प्रात्यक्षिक सादर केले. मंत्रीद्वयांच्या हस्ते परिसरात वृक्षारोपण करण्यात आले.

अशा आहेत विद्यापीठातील नव्या क्रीडा सुविधा

क्रीडा संकुलामध्ये बहुउद्देशीय क्रीडा प्रकारांसाठी इनडोअर सभागृह तयार करण्यात आला आहे. यामध्ये बॅडमिंटन, बास्केटबॉल, व्हॉलीबॉल, हॅण्डबॉल, ज्युदो, कराटे, नेटबॉल, टेबल टेनिस, कुस्ती, वेटलिफ्टिंग, बॉक्सिंग, जिम्नॅस्टिक्स असे विविध क्रीडा प्रकार खेळता येणार आहेत.

क्रीडा संकुलामध्ये आंतरराष्ट्रीय दर्जाचा ४०० मीटर सिंथेटिक ट्रॅक व पॅव्हेलियन इमारत तयार करण्यात आली आहे. त्याच्या मध्यभागी फुटबॉल क्रीडांगण तयार करण्यात आले असून यासाठी राष्ट्रीय उच्चस्तर शिक्षण अभियान (रुसा) अंतर्गत रुपये ४ कोटीचे अनुदान प्राप्त झाले व उर्वरित खर्च विद्यापीठाने केला आहे. या अद्ययावत सिंथेटिक पथचा खेळाडूंना लाभ होणार आहे.