पुणे :

‘द ऑरबिस स्कूल’ (मुंढवा) आणि रोटरी क्लब ऑफ पूना एअरपोर्ट यांनी आयोजित केलेल्या ‘इमॅजिन’ या क्रिएटिव्ह रायटिंग स्पर्धेला शुक्रवारी चांगला प्रतिसाद मिळाला.रोटरी क्लबच्या नियोजित प्रांतपाल मंजू फडके या स्पर्धेच्या पारितोषिक वितरण समारंभात प्रमुख पाहुणे म्हणून उपस्थित होत्या.मंजू फडके,डॉ अमिता राज गर्गे, होषनार कायकोबाद यांनी परीक्षण केले.रोटरी क्लब ऑफ पूना एअरपोर्ट चे अध्यक्ष मोहनिश थडानी, ऋषिकेश दांडेकर,हबील हंडी,कुमार कृपलानी,संजय मोटवानी हे उपस्थित होते.विद्यार्थ्यांच्या कल्पनाशक्तीला वाव देण्यासाठी ‘वर्ल्ड ऑफ फँटसी,’फ्युचर स्कुल,’वर्ल्ड ऑफ इमॅजिनेशन’ असे विषय या स्पर्धेसाठी देण्यात आले.पहिली ते आठवी इयत्तेतील विद्यार्थी सहभागी झाले.  

डॉ. पी. डी. पाटील यांचीही उपस्थिती; विश्वकर्मा पब्लिकेशनतर्फे अण्णाभाऊ साठे सभागृहात आयोजन
पुणे : महाराष्ट्राचे आराद्य दैवत छत्रपती शिवाजी महाराज यांचे बांधकाम प्रमुख, रायगडाचे शिल्पकार हिरोजी इंदुलकर यांच्या वंशज लेखिका गौरी इंदुलकर लिखित ‘देवाच्या शोधात…’ या ग्रंथाचा प्रकाशन सोहळा आयोजिला आहे. विश्वकर्मा पब्लिकेशनच्या वतीने येत्या गुरुवारी (दि. २० ऑक्टोबर) सायंकाळी ५.३० वाजता सातारा रस्त्यावरील अण्णाभाऊ साठे सभागृहात प्रख्यात भागवत निरुपणकार आणि अयोध्या येथील श्रीराम जन्मभूमी न्यासाचे कोषाध्यक्ष प. पू. स्वामी गोविंददेव गिरी महाराज यांच्या अध्यक्षस्तेखाली हा सोहळा होणार आहे. या सोहळ्यासाठी प्रमुख पाहुणे म्हणून ज्येष्ठ साहित्यिक, माजी संमेलनाध्यक्ष डॉ. श्रीपाल सबनीस, डॉ. डी. वाय. पाटील विद्यापीठाचे कुलपती डॉ. पी. डी. पाटील उपस्थित राहणार आहेत, अशी माहिती लेखिका गौरी इंदुलकर, विश्वकर्मा पब्लिकेशनचे मुख्य कार्यकारी अधिकारी विशाल सोनी यांनी पत्रकार परिषदेत दिली. विश्वकर्मा पब्लिकेशनचे सहसंपादक संदीप तापकीर, गौरी यांचे पती अनिल इंदुलकर आदी उपस्थित होते.
गौरी इंदुलकर म्हणाल्या, लहानपणापासून वाचनाची गोडी होती. त्यातून कुतूहल वाढत होते. स्वत्वाचा शोध घेण्याचा ध्यास लागला होता. त्यातच परमहंस योगानंद यांचे पुस्तक वाचनात आले आणि माझ्या मनाची कवाडे उघडली. ध्यानधारणा करू लागले. त्यातून मला अद्भुत अनुभव येत होते. या अनुभवांची नोंद ठेवत गेले. डायरी लिहीत गेले. ध्यान करताना जे दिसे ते मी डायरीत चित्ररूपात काढून ठेवत असे. चेन्नईच्या भगवती स्वामींच्या सान्निध्यामुळे मला दिव्यत्वाची अनुभूती येऊ लागली. ‘नर्मदे हर हर’ व हिमालयवासी गुरूच्या योगी शिष्याचे आत्मकथन’ ही पुस्तके वाचल्यानंतर आपल्याला आलेल्या दैवी अनुभवांचे पुस्तक लिहावे, अशी प्रेरणा मिळाली. विश्वकर्मा पब्लिकेशनने प्रकाशनाची जबाबदारी घेतली. माझे पती अनिल यांनी पाठिंबा दिला आणि त्यातून हे पुस्तक साकार झाले.”
विशाल सोनी म्हणाले, “उच्चविद्याविभूषित, बांधकाम क्षेत्रात अमेरिकेत १० वर्षे आणि नंतर भारतात उद्योजिका म्हणून काम केलेल्या गौरी इंदुलकर यांना वाचनाची, अध्यात्माची आवड आहे. या काळात त्यांना आलेल्या अद्भुत अनुभवांच्या नोंदी त्यांनी डायरीमध्ये केल्या होत्या. परंतु सर्वच वाचकांना त्यांचे हे अनुभव अध्यात्माची, ध्यानधारणेची अनुभूति देणारे आहेत. त्यामुळे याचे सुंदर पुस्तक करण्याचा निर्णय झाला. इंदुलकर यांनी प्रत्यक्ष अनुभवांतून हे पुस्तक साकारले आहे. हे पुस्तक आपल्या प्रत्येकाला आपलेसे करणारे ठरेल. कारण प्रत्येकाला आयुष्यात असे अद्भुत अनुभव येत असतात.”

२०० इलेक्ट्रिक बसेस घेण्यासाठी आकांड तांडव: अतिरिक्त आयुक्तांसह pmpml च्या महिला अधिकाऱ्यावर दबाव:कॉंग्रेसच्या पदाधिकाऱ्याचा देखील सहभाग

दिल्लीतील युनियन पब्लिक सर्व्हिस कमिशन कडे तक्रारीसाठी काही जण रवाना….

पुणे- महापालिकेतील आयुक्त आणि अतिरिक्त आयुक्तांमध्ये सुरु असलेले ‘गंगाजल’कोंबडे कितीही झाकले तरी सूर्य उगवायचा राहत नाही या म्हणी प्रमाणे उघडे पडलेले असून आयुक्तांनी ते दडपून ठ्वेण्याचा प्रयत्न सुरूच ठेवलेला आहे. तब्बल २०० इलेक्ट्रिक बसेसच्या घेण्याचा हा प्रस्ताव अतिरिक्त आयुक्तांनी नाकारल्याने आयुक्तांनी त्यांना फैलावर घेणे सुरु ठेवलेले आहे, येताना हा प्रस्ताव घेऊनच येथे या असा हि आवाज त्यांना टाकलेला आहे. दोन आय ए एस आधीकार्यांमधील हे भांडण अनेकांना माहिती असून हि यावर मौन धारण केलेलं आहे.मात्र माजी विरोधी पक्ष नेते उज्वल केसकर यांनी दिल्लीतील पब्लिक सर्व्हिस कमिशन कडे तक्रार करण्याचा पवित्रा घेतल्याचे वृत्त समजले आहे. त्यांच्या शी संपर्क साधण्याचा प्रयत्न केला असताना त्यांचा संपर्क मात्र होऊ शकलेला नाही.कॉंग्रेसच्या एका जुन्या जाणत्या माजी नगरसेवकाने,आणि सध्या वरिष्ठ कार्यकारिणीत असलेल्या पुढाऱ्याने या बसेस ७२ रुपये किमी दराने घेण्यासाठी आग्रह चालविला असल्याचे सूत्रांचे म्हणणे आहे आणि नेहमीप्रमाणे त्यास हे आयुक्त देखील बळी पडल्याचे सूत्रांचे म्हणणे आहे. दरम्यान पुण्यातील राजकीय पक्षांच्या नेत्यांनी या प्रकरणी मौन का धारण केलेय हा सुद्धा प्रश्न या वरिष्ठ अधिकाऱ्याच्याच कार्यालयातून विचारला जातोय.

केवळ लोकप्रतिनिधींच्या काळातच महापालिकेत गंगाजल होत होते ही धारणा आता या प्रकारामुळे हाणून पाडण्यात आली आहे. इलेक्ट्रिक बसेस मध्ये ६, ९ आणि १२ मीटर लांबीच्या बसेस असतात,राज्य आणि केंद्राचे त्यास अनुदान असते.यापूर्वी पुण्यात इलेक्ट्रिक बसेस घेण्यात आलेल्या आहेत.आता आणखी काही म्हणजे सुमारे २०० बसेस घेण्याचा प्रस्ताव असल्याचे समजते आयुक्तांच्या धोरणानुसार याबाबतची माहिती सर्वच प्रसार माध्यमांना देण्यात आलेली नाही.यामध्ये लांबी वरून आणि किलोमीटर च्या दरावरून आयुक्त आणि अतिरिक्त आयुक्त यांच्यात मतभेद आहेत.या बसेस २७ रुपयांपासून ३२ रुपये आणि ४२ व ६० रुपये प्रती किमी दराने देखील घेतलेल्या असल्याची उदाहरणे आहेत. आता मात्र त्या ७२ रुपये दराने घेण्याचा सुमारे २०० कोटीचा प्रस्ताव आहे असे सूत्रांचे म्हणणे आहे.एकाच विशिष्ट ठेकेदाराकडूनच या बसेस घेता येतील या दृष्टीने कार्यवाही झाल्याचाही आरोप होतो आहे.

दरम्यान यावर काल आणि आज pmpml च्या सहव्यवस्थापकीय संचालिका तसेच,अतिरिक्त आयुक्त आणि आयुक्त यांना संपर्क करण्याचा प्रयत्न केला असता त्यांच्याकडून प्रतिसाद मिळालेला नाही.अगर कसलेही स्पष्टीकरण देण्यात आलेले नाही.मात्र सूत्रांनी सांगितले कि, या दोन्ही आयएएस मधील वादाचा हा प्रकार सीएमओ पर्यंत पोहोचल्याने आज सकाळी मुंबईतून त्यांना मिटवून घ्या चा सल्ला देण्यात आल्याचे ही सांगितले जाते आहे.

7/8हजार कोटींचे बजेट असलेल्या महापालिकेत चतुर्थश्रेणी कंत्राटी कर्मचाऱ्यांची 6वर्षे सातत्याने पिळवणूक

पुणे – शेकडो,हजारो कोटींच्या प्रकल्पांच्या प्रस्तावावर अमाप जाहिरातबाजी करत लॉबी बनाके खाओ धोरण राबविणाऱ्या पुणे महापालिकेत सुरक्षा रक्षक, शिपाई,आरोग्य सेवक अशा चतुर्थ श्रेणी कंत्राटी कामगारांची गेल्या सहा वर्षांपासून आर्थिक पिळवणूक होत आली आहे याबाबत कोणी इडी,सीबीआय चौकशी करेल काय? पदाधिकारयांनी नुसतीच वरवर सहानभुती का दाखविली,प्रत्यक्षात न्याय का मिळवून दिला नाही ?असे प्रश्न अन्याय ग्रस्त कर्मचारी विचारत आहेत. या लोकांना अगदी शिपाई,आरोग्य सेवक च नव्हे तर शिक्षक,डॉकटर यांना महापालिका किती पगार देते हे समजले तर निश्चित आश्चर्य वाटेल अशी स्थिती आहे,यांना नोकरीची कुठलीही हमी शाश्वती देखील नाही.पण कामे मिळत नसल्यानं हे कर्मचारी नाईलाजाने आशेवर इथे नोकऱ्या करत असल्याचे स्पष्ट आहे.महापालिकेची कंत्राटी सुरक्षा रक्षकांची निविदा आॅगस्ट महिन्यात संपली आहे.त्यामुळे आता नवीन निविदा काढली आहे.पण ही निविदा काढताना बहुउद्देशीय मनुष्यबळ याच नावाखाली सुरक्षा रक्षक नियुक्त करण्याचा घाट घातला आहे.सुरक्षा रक्षकांसाठी सुमारे ४२ कोटी रुपये दरवर्षी खर्च केले जात असले तरी प्रत्यक्षात यातील किती रक्कम कुठे कुठे जाते आणि पगार कामगाराला किती मिळतो यावर विचार कोणी करत नाही त्यांना वेळेवर वेतन,पीएफ दिला जात नसल्याने नुकतेच सुरक्षा रक्षकांनी आंदोलन केले होते.

पुणे महापालिकेत सुरक्षा रक्षक नेमायचा असल्याच पुणे जिल्हा सुरक्षा मंडळाच्या नियमाप्रमाणे वेतन देणे व मंडळाला लेव्ही भरणे आवश्‍यक असते.

मात्र,महापालिका कायद्यातील पळवाटा शोधून बहुउद्देशीय मनुष्यबळाच्या नावाखाली थेट कंत्राटी सुरक्षा रक्षकांची भरती करत आहे. त्यामुळे खासगी ठेकेदारांचे लाड होत आहे. कर्मचाऱ्यांची पिळवणूक सुरू आहेच,पण सुरक्षा मंडळाचे लाखो रुपयांचे नुकसान होत आहे.

पुणे महापालिकेच्या शहरातील विविध इमारती,उद्याने, नाट्यगृह,जलकेंद्र,मैलाशुद्धीकरण केंद्र येथे कंत्राटी सुरक्षा रक्षकांची भरती केली जाते.महाराष्ट्र राज्य खासगी सुरक्षा रक्षक नोकरीचे नियमन आणि कल्याण अधिनियम १९८१ व त्यासंदर्भातील कायदा २००३ मध्ये लागू आहे.२००३ मध्ये पुणे जिल्हा सुरक्षा रक्षक मंडळाची स्थापनाही करण्यात आली असून,मंडळाला वेतन भत्ते ठरविण्याचे अधिकार दिले आहेत.पुणे महापालिकेत १५८० कंत्राटी सुरक्षा रक्षक खासगी कंपनीकडून घेतले जातात.त्यामुळे सुरक्षा मंडळाच्या परवानगी,मंडळाच्या नियमानुसार पगार देण्याची व मंडळाला ३ टक्के लेव्ही भरण्याची गरज राहत नाही.महापालिकेत सुरक्षा रक्षकांना कमी वेतनात राबवून घेतले जाते.त्यामुळे अशा प्रकारे शासनाची फसवणूक करणाऱ्या एजन्सीवर कारवाई करा अशी मागणी आता जोर धरू लागली आहे.

पुणे – भाजप आमदारांनी बिल्डरच्या हितासाठी झोपड्या उठविण्याकरता प्रत्यक्षात सहभाग घेत केलेली दमदाटी प्रकरण गाजलेले असताना आता उपोषण आंदोलन झाल्यावर राष्ट्रवादी चे नितीन कदम ,संजय दामोदर यांच्या नेतृत्वाखाली एका शिषटमंडळाने महापालिकेतील नगर अभियंता प्रशांत वाघमारे यांची भेट घेऊन आनंद नगर झोपडपट्टीवासीयांना अधिकृत घरे मिळण्यासाठी सकारात्मक आश्वासन मिळविले

या संदर्भात नितीन कदम यांनी सांगितले की,’ पुणे मनपा बांधकाम विभागाने बघ्याची भूमिका घेऊ नये.. आनंद नगर झोपडपट्टीवासीयांना अधिकृत घरे मिळण्यासाठी ठोस भूमिका घेण्याची आम्ही मागणी केली . पर्वती विधानसभा मतदारसंघातील आनंदनगर झोपडपट्टीतील रहिवाशांच्या न्याय हक्कासाठी आमचे सहकारी श् संजयभाऊ दामोदरे यांच्या नेतृत्वाखाली घेतलेल्या एक दिवसीय धरणे आंदोलन घेण्यात आले होते व जो पर्यंत तुम्हाला तुमच्या हक्काची घरे मिळत नाही तो पर्यंत आम्ही आपल्या या लढ्यात सोबत आहोत असे जाहीर आश्वासन त्यावेळी आम्ही दिले होते. त्याचाच एक पाठ पुरावा म्हणून आज पुणे शहर अभियंता प्रशांत वाघमारे यांच्या बरोबर बैठक घेतली त्यावर वरिष्ठांबरोबर याविषयी बैठक घेण्यात आली आहे व लवकरच आपल्या लोकांना न्याय मिळेल अशी ग्वाही आम्हास वाघमारे यांनी दिली. यावेळी माझ्या सह संजय भाऊ दामोदरे , श्वेता होनराव कामठे दिनेश आण्णा खराडे, राहूल दादा गुंड,अमोघ ढमाले, संग्राम होनराव आदी राष्ट्रवादी पदाधिकरी उपस्थित होते.असे त्यांनी सांगितले.

पुणे : राज्याच्या परिवहन विभागाच्या आदेशानुसार नुकतेच राज्यातील मोटर ड्रायव्हिंग स्कूलची तपासणी करून त्यांचे मूल्यांकन करण्यात आले. या मध्ये  पुणे प्रादेशिक परिवहन कार्यालया ( आरटीओ) तर्फे नुकत्याच झालेल्या मोटार ड्रायव्हिंग स्कूल च्या तपासणी मध्ये महेश मोटार ड्रायव्हिंग स्कूल ला पुन्हा एकदा ‘अ’ दर्जा गुणवत्ता मानांकन मिळाले आहे. 

“अ”दर्जा प्राप्त मोटार ड्राईविंग स्कूल संचालकांना प्रोत्साहित करण्यासाठी प्रादेशिक परिवहन अधिकारी डॉ. अजित शिंद यांचे मार्गदर्शनाखाली कार्यालयात प्रशस्तीपत्रक व सन्मान चिन्ह देऊन गौरवण्यात आले. याप्रसंगी महेश मोटार ड्रायव्हिंग स्कूलचे संचालक शशांक शिळीमकर व महेश शिळीमकर यांना प्रशस्तीपत्र आणि सन्मानचिन्ह देऊन गौरविण्यात आले. या कार्यक्रमासाठी उप प्रादेशिक परिवहन अधिकारी संजीव भोर ,सहाय्यक प्रादेशिक परिवहन अधिकारी  राजेंद्र पाटील, युवराज पाटील, अनंत भोसले, सुजित डोंगरजाळ व सहायक मोटार वाहन निरीक्षक सुचित्रा पाटील आदि उपस्थित होते. 

या विषयी बोलताना महेश मोटार ड्रायव्हिंग स्कूलचे संचालक महेश शिळीमकर म्हणाले, प्रादेशिक परिवहन कार्यालय ,पुणे अंतर्गत नोंद असलेल्या मोटार ड्राईविंग स्कूलची गुणांकन तपासणी करण्यात आली या तपासणी मध्ये मोजक्याच मोटार ड्रायव्हिंग स्कूल ‘अ’ दर्जा मानांकन प्राप्त करू शकल्या. यापूर्वी झालेल्या गुणवत्ता तपासणी मध्ये ही महेश मोटर ड्रायव्हिंग स्कूलला ‘अ’ दर्जा मानांकन मिळाले होते.  मोटार ड्रायव्हिंग स्कूलच्या वतीने चालकांना दिले जाणारे प्रशिक्षण, स्कूल मधील उपलब्ध वाहने आणि इतर साधनांचा दर्जा, जागेची उपलब्धता, प्रशिक्षणातील आधुनिकता, प्रशिक्षक, विद्यार्थ्यांचा फीडबॅक, रस्ता सुरक्षा जनजागृती आदि बाबतची तपासणी केल्या नंतर परिवहन विभागाने सदरील ‘अ’ दर्जा मानांकन आम्हाला दिले आहे.

पुणे दि.१३: सप्टेंबर महिन्यात झालेल्या फेरफार अदालतीला जिल्हयात चांगला प्रतिसाद मिळाला असून एका दिवसात ३ हजार २२४ नोंदी फेरफार अदालतीमध्ये निर्गत करण्यात आल्या.

राज्य शासन महसूल प्रशासन अधिक लोकाभिमुख, कार्यक्षम, गतिमान व पारदर्शक करण्यासाठी महाराजस्व अभियान राबविण्याचा निर्णय घेतला. ई- फेरफार प्रणालीमध्ये एक महिन्याच्या वरील प्रलंबित नोंदी निर्गत करण्यासाठी दर महिन्याच्या दुसऱ्या बुधवारी फेरफार अदालती घेण्याबाबत जिल्हाधिकारी डॉ.राजेश देशमुख यांनी निर्देश दिले आहेत.

त्यानुसार बुधवार १२ ऑक्टोबर रोजी आयोजित फेरफार अदालतीस चांगला प्रतिसाद मिळाला असून या फेरफार अदालतीमध्ये साध्या २ हजार ५८७ , वारस ४८७ आणि तक्रारी १५० अशा एकूण ३ हजार २२४ फेरफार नोंदी निर्गत करण्यात आल्या आहेत.

बारामती तालुक्यात सर्वाधिक फेरफार नोंदी निर्गत
बारामती तालुक्यात सर्वाधिक ६४६ तर शिरूर तालुक्यात ४१७ नोंदी निर्गत करण्यात आल्या. हवेली तालुक्यात २६७, पिंपरी चिंचवड १५७, आंबेगाव २४६, जुन्नर २३९, इंदापूर ३४४, मावळ १९६, मुळशी १३४, भोर १०८, वेल्हा ७०, दौंड ६९, पुरंदर ११४ आणि खेड तालुक्यात २२६ फेरफार नोंदी निर्गतीचे काम पुर्ण करण्यात आले, अशी माहिती तहसीलदार निलप्रसाद चव्हाण यांनी दिली आहे.