तरुण रायडर कविन क्विंतल यांनी थायलंड टॅलेंट कप 2022 च्या अंतिम फेरीत नोंदवले टॉप 7 फिनिश

चँग इंटरनॅशनल सर्किट (थायलंड), २१ नोव्हेंबर २०२२ – आंतरराष्ट्रीय पातळीवर ठसा उमटवत इदेमित्सु होंडा रेसिंग इंडिया या एफआयएम एशिया रोड रेसिंग चॅम्पियनशीपमधील (एआरआरसी) एकमेव भारतीय टीमने २०२२ च्या हंगामाची सकारात्मक सांगता केली.

सातत्यपूर्ण कामगिरी आणि देशासाठी मानसन्मान मिळवत भारताचे कुशल रायडर राजीव सेतु यांनी एशिया प्रॉडक्शनमधील एआरआरसीच्या 250cc (AP250cc) क्लासमध्ये अंतिम रेसमध्ये टॉप १० फिनिश मिळवले. ग्रिडवर १८ व्या स्थानावरून सुरुवात करत राजीव पहिल्याच लॅपमध्ये पुढे गेले. वेट रेस आणि काही अपघातांमुळे तयार झालेल्या अनुकूल परिस्थितीचा लाभ घेत ते आठव्या लॅपमध्ये १० व्या स्थानावर पोहोचले. त्यानंतर त्यांनी सातत्यपूर्ण कामगिरी करत १० व्या स्थानावर चेकर्ड लाइन पार केली व ६ पॉइंट्स मिळवले.

दरम्यान आजचा दिवस संघर्षाचा ठरला आणि त्यानंतर सातव्या स्थानावरून सुरुवात करणारे मात्र लॅप २ मध्ये ट्रॅकबाहेर जाणारे सेंथिल कुमार यांनी परत परिस्थितीवर नियंत्रण मिळवले. निश्चयीपणा दाखवत ते पूर्ण ताकदीनिशी ट्रॅकवर परतले. आंतरराष्ट्रीय रायडर्सना कडवी झुंज देत सेंथिल यांनी १४ व्या स्थानावर आजची रेस पूर्ण केली व २ पॉइंट्स मिळवले.

अखेरच्या फेरीत राजीव सेतु यांनी ३७ पॉइंट्ससह २०२२ चॅम्पियनशीपची सांगता केली आणि टॉप १५ फिनिश मिळवले, तर सेंथिल यांनी १३ पॉइंट्ससह सांगता केली. होंडा रेसिंग इंडियाने एकंदरीत टॉप १० मध्ये २०२२ सीझनची सांगता केली.

रायडर्सच्या कामगिरीविषयी आपले मत व्यक्त करताना होंडा मोटरसायकल अँड स्कूटर इंडियाचे व्यवस्थापकीय संचालक आणि अध्यक्ष व मुख्य कार्यकारी अधिकारी श्री. अत्सुशी ओगाता म्हणाले, ‘रेसिंग होंडाच्या डीएनएमध्ये आहे. आमच्यासाठी मोटरस्पोर्ट्स ही एक संस्कृती आहे, जी आमचा दर्जा उंचावण्यासाठी आणि ब्रँडचे धोरण पूर्णत्वाला नेण्यासाठी महत्त्वाची आहे. आज आमच्या भारतीय रायडर्सची विशेषतः तरुणांची कामगिरी पाहून मी भारावून गेलो आहे. कोविड- १९ मुळे दोन वर्षांच्या कालावधीनंतरही आमचे रायडर्र आत्मविश्वासपूर्ण होते आणि त्यांनी आव्हानांचा सामना करत संपूर्ण हंगामात अतुलनीय कामगिरी केली. आमच्या रायडर्सचा उत्साह, टीमने आंतरराष्ट्रीय व्यासपीठावर केलेली कामगिरी आम्ही भारतात मोटरस्पोर्ट्सला चालना देण्याच्या बाबतीत तसेच भारतातून भावी आंतरराष्ट्रीय विजेते विकसित करण्याच्या बाबतीत योग्य मार्गावर असल्याचे दर्शवते. सर्व सदस्यांनी दिलेल्या  असामान्य योगदानाबद्दल मी त्यांचे आभार मानतो आणि पुढच्या सीझनसाठी शुभेच्छा देतो.’

होंडा मोटरसायकल अँड स्कूटर इंडियाच्या ब्रँड व कम्युनिकेशन विभागाचे ऑपरेटिंग अधिकारी श्री. प्रभू नागराज म्हणाले, ‘यावर्षी रायडर्सनी केलेल्या कामगिरीवर आम्ही समाधानी आणि आनंदी आहोत. आव्हानात्मक वातावरण असून आमच्या रायडर्सनी सर्वोत्तम कामगिरी केली आणि या सीझनमध्ये टीमला चांगले स्थान मिळवून दिले. २०२२ मध्ये केवळ राजीव आणि सेंथिलच नव्हे, तर थायलंड टॅलेंट कपमधील आमच्या तरुण रायडर्सनीही दमदार कामगिरी केली. पहिल्यांदाच आमच्या रायडर्सनी पहिल्या १० मध्ये स्थान मिळवले, तर थाई टॅलेंट कपमध्ये पोडियमही संपादन केले. या सीझनच्या रेसची पूर्ण जोशात सांगता केल्यानंतर आमची टीम नव्या गुणवत्तेसह पुढच्या सीझनमध्ये दाखल होईल.’

होंडा रेसिंग इंडिया रायडर राजीव सेतु म्हणाले,

‘आजच्या अंतिम रेसमध्ये सर्वोत्तम कामगिरी करण्याचा मी निश्चय केला होता. वारं आणि पावसाळी हवामानामुळे आमची सर्व समीकरणं बदलली होती, मात्र मी रेसमध्ये स्थान कायम राखण्यावर लक्ष केंद्रित केले. आतापर्यंतचा अनुभव आणि प्रशिक्षणाच्या जोरावर मी सर्व आव्हानांवर मात केली आणि टीमसाठी आवश्यक पॉइंट्स व पोझिशन्स मिळवले. इथली सर्व शिकवण सोबत घेत मी आणखी सराव करण्याचे तसेच टीमला यश मिळवून देण्यासाठी नवे डावपेच आखण्याचे ठरवले आहे.’

इदेमित्सु होंडा रेसिंग इंडिया रायडर सेंथिल कुमार म्हणाले,

‘माझ्यासाठी ही अतिशय थरारक आणि अवघड रेस होती. प्रतिकुल हवामानाने सर्वांच्याच मार्गात अडथळे निर्माण केले. चुका टाळणे आणि टीमसाठी पॉइंट्स मिळवणे एवढेच ध्येय मी ठेवले होते. आजच्या कामगिरीवर मी खूष आहे, कारण सर्व आव्हाने तसेच इतर अनुभवी रायडर्सचा मी कौशल्याने सामना करू शकलो. आम्ही पुढच्या सीझनमध्ये आणखी चांगल्या डावपेचांसह परत येऊ.’

थायलंड टॅलेंट कपमधील (टीटीसी) भारतीय रायडर

आंतरराष्ट्रीय पातळीवर सर्वोत्तम कामगिरी करत इदेमित्सु होंडा रेसिंग इंडिया टीमचे रायडर कविन क्विंतल यांनी २०२२ थायलंड इंडिया कपमध्ये (आशियाई रायडर्ससाठी होंडाचा विकास उपक्रम) आतापर्यंतचे सर्वोत्तम फिनिश मिळवले. आजच्या रेसमध्ये आठव्या स्थानावरून सुरुवात करत कविन यांनी सातत्य राखले आणि योग्य क्षणाचा लाभ घेत सातव्या स्थानावर (सुरुवातीच्या स्थानापेक्षा एक स्थान पुढे) रेसची सांगता केली. चेन्नईच्या या तरुणाने अंतिम रेसमध्ये १४ पॉइंट्स मिळवले (रेस १ – ५ पॉइंट्स, रेस २ – ९ पॉइंट्स) आणि ४१ पॉइंट्ससह सीझनची सांगता करत थायलंड टॅलेंट कपमध्ये भारतीय रायडर्सची सर्वोत्तम कामगिरी नोंदवली.

कविन यांचे सहकारी मोहसिन पी (२० वर्षीय) यांनीही रेसमध्ये आत्मविश्वासपूर्ण कामगिरी केली. सहाव्या फेरीच्या दुसऱ्या रेसमध्ये १८ रायडर्सच्या ग्रिडवर १६ व्या स्थानावरून सुरुवात करत केरळच्या या तरुणाने तगड्या स्पर्धेला तोंड दिले आणि १३ वे स्थान मिळवले. 28:30.428 ची एकूण वेळ नोंदवत त्यांनी आंतरराष्ट्रीय पातळीवरील केवळ दुसऱ्याच स्पर्धेत ३ पॉइंट्स मिळवले.

·        नव्या लाँचमध्ये लोन अगेन्स्ट डिपॉझिट्स (एलएडी) आणि डॉलर बाँड्सचा समावेश

मुंबई – आयसीआयसीआय बँकेने आज गुजरातस्थित उदयोन्मुख जागतिक आर्थिक आणि आयटी सेवा केंद्र असलेल्या गिफ्ट सिटी शाखेत एनआरआयसाठी लोन अगेन्स्ट डिपॉझिट्स (एलएडी) आणि डॉलर बाँड्स ही दोन नवी उत्पादने लाँच केली.

या लाँचविषयी आयसीआयसीआय बँकेच्या आंतरराष्ट्रीय बँकिंग समूहाचे प्रमुख श्री. श्रीराम एच. अय्यर म्हणाले, ‘आयसीआयसीआय बँकेमध्ये आम्ही ग्राहकांच्या गरजा पूर्ण करण्यासाठी सातत्याने नव्या सेवा लाँच करत असतो. या धोरणाशी सुसंगत राहात आम्ही गिफ्ट सिटी शाखेद्वारे एनआरआय ग्राहकांसाठी लोन अगेन्स्ट डिपॉझिट्स (एलएडी) आणि डॉलर बाँड्स ही उत्पादने लाँच केली आहे. एनआरआय ग्राहकांमध्ये परदेशी करन्सी बाँड्सचा पसंतीच्या गुंतवणूक पर्यायांत समावेश होतो. आम्हाला ग्राहकांना डिजिटल बँकिंगचा सोयीस्करपणा तसेच सफाईदार अनुभव द्यायचा आहे. व्यवसायाचा विस्तार करत असतानाच विविध प्रदेशांतील ग्राहकांसाठी नियम व तरतुदींशी सुसंगत राहात मूल्यनिर्मिती करण्यावर आमचा भर राहील.’

या योजनांची महत्त्वाची वैशिष्ट्ये पुढीलप्रमाणे –

·        लोन अगेन्स्ट डिपॉझिट (एलएडी) – एलएडी म्हणजे भारतात असलेल्या ठेवीवर (रूपी एनआरई एफडीसह) परकीय चलनात दिलेले कर्ज. ग्राहकांना त्यांच्या टर्म ठेवी वेळेआधीच बंद न करता लघुकालीन रोख गरजांसाठी एलएडीचा लाभ घेता येतो आणि ठेव मोडल्याबद्दल दंडही भरावा लागत नाही. त्यांच्या ठेवीच्या मूल्याच्या ९५ टक्के कर्ज मिळवता येईल. कागदपत्रांची प्रक्रिया सोपी असून ग्राहकांना निश्चित किंवा फ्लोटिंग व्याज दरात फ्लेक्सिबल कालावधी मिळू शकतो.

·        डॉलर बाँड्स – एनआरआयसाठी हा गुंतवणुकीचा आणखी एक पर्याय आहे, ज्यामध्ये त्यांना गिफ्ट सिटीतील आयसीआयसीआय बँकेच्या माध्यमातून डॉलर बाँड्स बुक करता येतील. बँकेद्वारे ५० प्रतिष्ठित इश्यूअर्स/कंपनीजना हे बाँड उपलब्ध केले जातील.

·        त्याशिवाय गिफ्ट सिटीमध्ये एनआरआय ग्राहकांसाठी पुढील उत्पादने उपलब्ध आहेत –

·        ग्लोबल करंट अकाउंट – हे बिगरव्याजी खाते असून त्यात किमान थकबाकी रकमेची आवश्यकता नसते. यामुळे एनआरआयना भारतात युएसडी, युरो, जीबीपी अशा परकीय चलनात पैसे ठेवण्यास मदत होते.

·        जागतिक बचत खाते – एनआरआयना छोट्या कालावधीसाठी पैसे ठेवता येतात आणि या बचत खात्यात व्याज मिळवता येते.

·        टर्म ठेवी – या ठेवी फॉरिन करन्सी नॉन- रेसिडेंट (एफसीएनआर) ठेवीसमान असून त्याचा किमान लॉक- इन कालावधी भारतातील इतर एफसीएनआरसाठी असलेल्या एका वर्षाच्या तुलनेत केवळ सात दिवसांचा आहे. ग्राहकांना युएसडी, युरो, जीबीपी अशा परकीय चलनात ठेवी ठेवता येतात.

त्याशिवाय आयसीआयसीआय बँकेच्या गिफ्ट सिटी येथील शाखेद्वारे कॉर्पोरेट कंपन्यांना व्यवहारांचे बँकिंग, करंट खाती, परकीय चलनातील ठेवी, ट्रेड फायनान्स (आयातदार व निर्यातदारांसाठी), एक्सटर्नल कमर्शियल बॉरोइंग आणि फॉरेन करन्सी टर्म कर्जांसाटी कॉर्पोरेट वित्त सुविधा दिल्या जातात.

 ब्रँडने महाराष्ट्रातून शिष्यवृत्ती कार्यक्रमासाठी केली २०० हून अधिक विजेत्यांची घोषणा

पुणे , २१ नोव्हेंबर २०२२ आरआर ग्लोबल या १.२५ अब्ज अमेरिकन डॉलर मूल्य असलेल्या  समूहाचा एक भाग असलेल्या आणि भारतातील आघाडीची वायर आणि केबल उत्पादक कंपनी आरआर काबलने  महाराष्ट्रातील केबल स्टार शिष्यवृत्ती कार्यक्रम विजेत्यांची घोषणा केली. भारतभरातील १०१२ विजेत्यांपैकी पुण्यातील १४२ आणि मुंबईतील १११ विजेते आहेत. मुंबईतील विजेत्यांना १६ नोव्हेंबर रोजी मुंबईतील आरआर काबल कार्यालयात आयोजित कार्यक्रमात गौरविण्यात आले.  आज पुण्यात आयोजित कार्यक्रमात पुण्यातील विजेत्यांना सन्मानित करण्यात आले.

ज्या इलेक्ट्रिशियनच्या मुलांनी या वर्षी त्यांची १० वी परीक्षा उत्तीर्ण केली आहे त्यांच्यासाठी केबल स्टार शिष्यवृत्ती कार्यक्रम आहे. सक्षम आणि शिक्षित भारतासाठी प्रयत्न करण्याच्या ब्रँडच्या दृष्टीकोनाचा हा एक भाग आहे. आरआर काबल घरातील वायरच्या प्रत्येक बॉक्सच्या विक्रीतून १ रुपयाचे योगदान देते. याच योगदानातून या शिष्यवृत्ती कार्यक्रमांतर्गत इलेक्ट्रिशियनच्या मुलांच्या उच्च माध्यमिक शिक्षणासाठी १ कोटी रुपयांहून अधिक गुंतवणूक केली आहे. संपूर्ण भारतातून १,०१२ विद्यार्थ्यांची निवड करण्यात आली आहे आणि त्यांना प्रत्येकी १०,००० रुपये शिष्यवृत्ती मिळत आहे.

या शिष्यवृत्ती कार्यक्रमाबद्दल बोलताना आरआर ग्लोबलच्या संचालिका श्रीमती कीर्ती काबरा म्हणाल्या, “केबल स्टार्स शिष्यवृत्ती कार्यक्रमाच्या सर्व विजेत्यांचे मी त्यांनी त्यांच्या आयुष्यात हा महत्वाचा टप्पा गाठल्याबद्दल अभिनंदन करू इच्छिते. त्यांच्या उद्दिष्टांच्या दिशेने ते एक पाऊल पुढे टाकत आहेत. आरआर काबल मध्ये आम्ही इलेक्ट्रिशियनना आमच्या समुदायाचा एक अविभाज्य भाग मानतो आणि आमचे उपक्रम या समुदायाच्या कल्याणासाठी योगदान देण्याकरता समर्पित आहेत. केबल स्टार शिष्यवृत्ती कार्यक्रमाचा उद्देश इलेक्ट्रिशियन बंधुवर्गासाठी व्यवसायाच्या पलीकडे जात काहीतरी करणे हा होता. आपल्या सर्वांसाठी हा अभिमानाचा क्षण आहे की या कार्यक्रमाला खूप चांगला प्रतिसाद मिळाला आणि त्याचे निकालही अभूतपूर्व लागले आहेत. दहावीच्या परीक्षा कोणत्याही मुलाच्या करिअरमध्ये निर्णायक घटक असतात. त्यांच्या आयुष्यातील हा एक टप्पा असतो जिथे ते त्यांच्या उर्वरित भविष्याचा पाया रचतात आणि आम्हाला या प्रवासाचा एक महत्त्वाचा भाग व्हायचे होते. हे जाणून घेणे प्रेरणादायी आहे की काही विजेत्यांनी त्यांच्या परीक्षेत ९०% आणि त्याहून अधिक गुण मिळवले आहेत. प्रत्येक केबल स्टारने पुढील शिक्षण घ्यावे आणि त्यांच्या आवडीच्या क्षेत्रात करिअर करावे अशी आमची इच्छा आहे.  अशा कार्यक्रमांद्वारे आम्ही आजच्या तरुणांना उद्याचे नेते बनण्यासाठी सक्षम करण्याचा प्रयत्न करतो.”

आरआर काबलकडून ही शिष्यवृत्ती मिळाल्याने सर्व विजेत्यांना खूप आनंद झाला. त्यांचा प्रवास आणि त्यांच्या योजनांबद्दल जाणून घेणे प्रेरणादायी होते. या शिष्यवृत्ती कार्यक्रमाचा उद्देश विद्यार्थ्यांना त्यांच्या आवडीचे करिअर निवडण्यास मदत करणे हा होता जिथे ते त्यांचे स्वप्न पूर्ण करण्यासाठी प्रयत्नशील राहू शकतील आणि त्यांच्या भविष्याची मजबूत सुरुवात करू शकतील.