पुणे, ५ डिसेंबर ः नांदे येथील ध्रुव ग्लोबल स्कूलच्या जलतरणपटूंनी विभागीय व जिल्हास्तरीय जलतरण स्पर्धेत सोनेरी कामगिरी करत डंका पेटविला आहे. स्पर्धेत एकूण १० कांस्य पदके जिंकली. या यशाबद्दल ध्रव ग्लोबल स्कूलचे संचालक यशवर्धन मालपाणी व प्राचार्य संगीता राऊतजी यांनी सर्व खेळाडू तसेच प्रशिक्षकांचे अभिनंदन केले आणि शुभेच्छा दिल्या.
जिल्हा क्रीडा संचालनालया च्या वतीने अहिल्यानगर येथील वाडिया स्पोर्टस कॉम्प्लेक्समध्ये विभागीय व जिल्हास्तरीय स्पर्धां आयोजित करण्यात आल्या होत्या. ही स्पर्धा १४, १७ आणि १९ वर्षाखालील वयोगटात होती.
स्पर्धेच्या पहिल्या दिवशी ध्रुव ग्लोबल स्कूलच्या जलतरणपटूंचा दबदबा राहिला. यात १४ वर्षाखाालील मुलींच्या गटात धाडसी खेळाडू अनया वानखेडे हिने ५० मी, १०० मी व २०० मी. बॅकस्ट्रोक शर्यतीत उत्कृष्ट कामगिरी करत कास्यपदक जिंकले.  १७ वर्षाखालील गटात निया पतंगे हिने १०० मी. बॅकस्ट्रोक, २०० मी फ्रीस्टाईल व ५० मी. बॅकस्ट्रोक शर्यतीत कांस्यपदकची कमाई केली.
 १४ वर्षाखाालील मुलींच्या गटात अनया वानखेडे हिने ५० मी, १०० मी व २०० मी. बॅकस्ट्रोक शर्यतीत कास्यपदक जिंकले तर १७ वर्षाखालील गटात निया पतंगे हिने १०० मी. बॅकस्ट्रोक, २०० मी फ्रीस्टाईल व ५० मी. बॅकस्ट्रोक शर्यतीत कांस्यपदकची कमाई केली.
तसेच मुलांच्या १४ वर्षाखालील गटात ध्रुव ग्लोबल स्कूल, नांदेच्या खेळाडूंनी ४ बाय १०० मीटर्स रिले शर्यतीत कास्यपदक जिंकले. यावेळी संघात अद्विक भालेकर, खुश मुंदडा, द्रोणा बेंदाळे व श्लोक चिलेकर यांचा समावेश होता.  तसेच स्कूलच्या जलतरणपटूंनी विविध गटात उल्लेखनीय कामगिरी करत पदके पटकावली.
खेळाडूंच्या या कामगिरी मध्ये स्मिता काटवे, उमा जोशी, केशव हजारे आणि रुपाली अनाप यांच्या सातत्यपूर्ण मार्गदर्शन मिळाले.

पिंपरी-चिंचवडच्या दीपाली अमृतकर-तांदळे यांना’मिसेस गोल्ड हेरिटेज इंटरनॅशनल युनिव्हर्स’ किताबसमृद्ध भारतीय संस्कृती व वारशाचे जागतिक व्यासपीठावर सादरीकरण
पुणे: थायलंड येथे नुकत्याच झालेल्या ‘मिस अँड मिसेस हेरिटेज इंटरनॅशनल-२०२५’ स्पर्धेत पुण्याच्या दीपाली अमृतकर-तांदळे यांनी अभिमानास्पद कामगिरी करीत ‘मिसेस गोल्ड हेरिटेज इंटरनॅशनल युनिव्हर्स’ हा किताब जिंकला. समृद्ध अशा भारतीय संस्कृती व वारशाचे कलात्मक सादरीकरण त्यांनी जागतिक व्यासपीठावरून केले. त्यांच्या या उल्लेखनीय कामगिरीचे सर्वत्र कौतुक होत आहे.

हा किताब जिंकून भारतात परतल्यानंतर दीपाली अमृतकर-तांदळे यांनी पुण्यात पत्रकारांशी संवाद साधत आपल्या यशाचा खडतर प्रवास उलगडला. नवी पेठेतील पत्रकार भवनात झालेल्या या संवादावेळी दीपाली यांचे पती संतोष, आई सुनंदा व वडील बाळकृष्ण अमृतकर, मुलगा रेयांश उपस्थित होते. दीपाली या पिंपरी-चिंचवड शहरातील पिंपळेगुरव येथील राहिवासी असून, आयटी क्षेत्रात नोकरी करतात. पत्नी व आई म्हणूनही त्या अतिशय उत्तम पद्धतीने आपली जबाबदारी सांभाळत आहेत.

दीपाली अमृतकर-तांदळे म्हणाल्या, “जागतिक व्यासपीठावर भारताचे प्रतिनिधित्व करताना अभिमानाचा क्षण होता. किड्स, मिस आणि मिसेस या प्रकारांत विविध २५ देशांतील ४० स्पर्धक यामध्ये आले होते. त्यामधून माझे सर्वोत्तम योगदान देत जागतिक स्पर्धेत मिळवलेले हे यश नक्कीच आनंद देणारे आहे. जागतिक दृष्टिकोनातून शांतता, पर्यावरण, पर्यटन, संस्कृती आणि सर्वात महत्त्वाचे म्हणजे जागतिक वारसा यांना प्रोत्साहन देणारी ही स्पर्धा एप्लानेट प्रायव्हेट लिमिटेड (टर्निंग इव्हेंट्स इनटू इंडिमबल मेमरीज) संस्थेच्या वतीने आयोजिली जाते.”

“या स्पर्धेत विविध देशांतील स्पर्धकांनी सहभागी होत आपापल्या देशातील वारसास्थळे, संस्कृतींची झलक सादर करत जागतिक ऐक्याचा संदेश दिला. बंगाली पेहराव, राजस्थानी संस्कृती व नववारी साडीतील मराठमोळ्या संस्कृतीचे दर्शन घडवत गणेशस्तवन सादर केले. भारतीय संस्कृती पाहून उपस्थित सर्वानी टाळ्यांचा कडकडाट केला. त्यावेळी भारतीय म्हणून माझा ऊर अभिमानाने भरून आला. आत्मविश्वास, सौंदर्य आणि भारतीय संस्कृतीच्या सादरीकरणातून अव्वल स्थान मिळवत ‘मिसेस गोल्ड हेरिटेज इंटरनॅशनल युनिव्हर्स’ हा किताब मिळवला,” अशी आनंदी प्रतिक्रिया दीपाली यांनी यावेळी दिली.

आयटी क्षेत्रात नोकरी करतानाच माझे हे ध्येय पूर्ण करण्यासाठी मेहनत घेतली. हा प्रवास खडतर होता. पण अनेक गोष्टी शिकवणारा, भारतीय म्हणून मान-सन्मान देणारा होता. पत्नी व आई म्हणून जबाबदारी पार पाडत असताना ‘पेजेंट ऑफ हेरिटेज’ या स्पर्धेत देशाचे प्रतिनिधीत्व करत हा किताब मिळवणे हे अभिमान व स्फूर्ती देणारे आहे.
– दीपाली अमृतकर-तांदळे, ‘मिसेस गोल्ड हेरिटेज इंटरनॅशनल युनिव्हर्स’

पुणे- ३९ वी पुणे आंतरराष्ट्रीय मॅरेथॉन रविवार दिनांक ७ डिसेंबर रोजी ‘नाईट मॅरेथॉन’ म्हणून आयोजित करण्यात आली आहे. या आंतरराष्ट्रीय मॅरेथॉन स्पर्धेचे ‘एक्सपो’ प्रदर्शन आणि टी-शर्ट्स आणि बीब नंबर्स वाटप शुक्रवार दिनांक ५ डिसेंबर रोजी सुरू झाले. या ‘एक्स्पो’ चे उद्घाटन शुक्रवार दिनांक ५ डिसेंबर रोजी मॅरेथॉन भवन मैदान येथे सकाळी १०.३० वाजता सरहद संस्थेचे संस्थापक अध्यक्ष संजय नहार आणि महाराष्ट्र मंडळाच्या अध्यक्षा नेहा दामले यांच्या हस्ते आणि अर्जुन पुरस्कार विजेते खेळाडू शकुंतला खटावकर, शांताराम जाधव, जॉईंट रेस डायरेक्टर गुरबंस कौर यांच्या उपस्थितीत झाले.. यावेळी मॅरेथॉन ट्रस्टचे विश्वस्त अॅड. अभय छाजेड, रेस डायरेक्टर सुमंत वाईकर, जॉईंट रेस डायरेक्टर रोहन मोरे, खो-खो वर्ल्ड कप कप्तान प्रतिक वाईकर, अक्षय जैन, सचिन अडेकर व असंख्य धावपटू उपस्थित होते. हे प्रदर्शन दि. ५ ते ७ डिसेंबर या कालावधीत दुपारी १२ ते सायंकाळी ६ यावेळी सर्वांसाठी खुले असेल.

विवध खेळांच्या संबंधी असणाऱ्या या प्रदर्शनात एकूण १० फुट x १० फुट आकाराचे १७ स्टॉल्स असून त्यामध्ये टी-शर्ट्स, स्पोर्ट्स शूज, एनर्जी ड्रिंक, एनर्जी जेल्स, सायकल, सॅाक्स ,स्पोर्ट्स वॉचेस, पेन रिलीफ,चॅाकलेट व ज्युस यांचे स्टॉल्स आहेत. लीप जेल, अग्वान्ते ऍक्टिव्हवेअर, सॉर्गेन, अॅन्टोमेक, ओ 7 स्पोर्ट्स, आयबीएस, रगड्‌ इंडियन, मॅप्रो, टू काईंड न्यूट्रिशन, बँक ऑफ बडोदा, झिक्सा, महेश व्हॅल्यू प्रॉडक्ट्स लिमिटेड, एक्स्ट्रीम अॅडव्हेंचर स्पोर्ट्स इव्हॉल्व्ह, भन्साळी बिझग्रो एलएलपी, पोकारी या कंपन्यांनी यात सहभाग घेतला आहे.

पुणे- अखिल भारतीय कॉंग्रेस कमिटीच्या ओबीसी सेलच्या राष्ट्रीय समन्वयक म्हणून पुण्याच्या माजी महापौर व माजी आमदार दीप्ती चवधरी यांची नुकतीच नेमणूक करण्यात आली आहे. कॉंग्रेस पक्षाच्या अध्यक्षांच्या शिफारसीनुसार अ.भा. कॉंग्रेस कमिटीचे सरचिटणीस खा. वेणूगोपाल यांनी याची घोषणा करून तसे पत्र दीप्ती चवधरी यांना दिले आहे.
दीप्ती चवधरी या प्रथम पुणे महानगर पालिकेच्या नगरसेवक व नंतर पुण्याच्या महापौर बनल्या. तसेच विधान परिषदेच्या आमदार म्हणूनही एक शब्द त्यांनी प्रभावी कार्य केले. पुण्याच्या महापौर असताना विकासाचे अनेक प्रकल्प त्यांनी मार्गी लावले. महाराष्ट्रील अनेक क्रीडा संघटनांवर पदाधीकारी म्हणून त्यांनी काम केले आहे. कॉंग्रेस पक्षाच्या माध्यमातून ओ.बी.सी. समाज संघटीत करण्यात त्यांनी मोठे योगदान दिले. मानसी महिला उन्नती केंद्र स्थापून त्यांनी शेकडो महिलांना स्वयंरोजगार मिळवून दिला. ‘कॉंग्रेस पक्षाने राष्ट्रीय पातळीवरील जबाबदारी दिल्याबद्दल माझ्यावरील जबाबदारी अधिक वाढल्याचे सांगून पक्षअध्यक्ष खा. मल्लिकार्जुन खर्गे, खा. सोनिया गांधी, खा. राहुल गांधी, खा. प्रियांका गांधी, प्रदेश अध्यक्ष हर्षवर्धन सपकाळ व सर्व नेत्यांचे त्यांनी आभार मानले. राष्ट्रीय एकात्मता, सर्वधर्म समभाव, सामाजिक एकता व महिलांचे सबलीकरण या कॉंग्रेस पक्षाच्या विचारांची शिदोरी सोबत घेऊन मी देशपातळीवर प्रभावी काम करेन’ असा विश्वास त्यांनी व्यक्त केला.

पुणे ता.५ : औंधपासून खडकी पोलिस स्टेशन या रस्त्याच्या अनेक समस्या आहेत. येथे रेल्वेच्या पूलाखालून जात असलेल्या रस्त्यावर नेहमीच अपघात आणि वाहतूक कोंडी होत असल्याने राष्ट्रवादी कॉँग्रेस शरदचंद्र पवार पक्षाचे प्रदेश सरचिटणीस व प्रवक्ता सुनील माने यांनी देशाचे रस्ते आणि वाहतूक मंत्री नितीन गडकरी यांना साकडे घालून येथे भुयारी मार्ग करावा अथवा उड्डाणपूल करावा अशी मागणी केली आहे. केंद्र
सरकारच्या सेतुबंधन योजनेतून हे काम करता येईल, ही बाब श्री. माने यांनी श्री. गडकरी यांच्या निदर्शनास आणून दिली आणि त्याला श्री. गडकरी यांनी मान्यता दिली आहे.

याबाबत सार्वजनिक बांधकाम खात्यामार्फत राज्य सरकारकडून प्रस्ताव देण्याची सूचना श्री. गडकरी यांनी केली आहे. त्यानुसार पुढील काम केले जाईल, अशी माहिती श्री. माने यांनी दिली.

याबाबतचे निवेदन त्यांनी नवी दिल्ली येथे मंत्री नितीन गडकरी यांची भेट घेऊन त्यांच्याकडे दिले. राष्ट्रवादी कॉंग्रेस शरदचंद्र पवार पक्षाचे प्रवक्ते रविकांत वरपे आणि विकास लवांडे यावेळी उपस्थित होते.
श्री. माने यांनी दिलेल्या निवेदनात म्हटले आहे की, पुण्यातील खडकी पोलिस स्टेशन जवळ रेल्वेचा ब्रिटिशकालीन पूल आहे. या पुलाच्या खालून जाण्या-येण्यासाठी एकच रस्ता आहे. हा रस्ता औंधरोडसह खडकी रेल्वे स्टेशन तसेच राष्ट्रीय महामार्गाला जोडतो. या रस्त्यावर नेहमी वर्दळ असते. हिंजवडी, वाकड, बाणेर, बालेवाडी, औंध, औंधरोड, बोपोडी, चिखलवाडी, सांगवी येथून पुणे शहरात जाण्यासाठी तसेच खडकी,कोरेगावपार्क, विमाननगर, येरवडा, नगररस्ता या भागात जाण्यासाठी दररोज हजारो नागरिक या मार्गाचा वापर करतात. मात्र अंडरब्रिज रस्ता केवळ एक – एक मोटार जाण्या- येण्यासाठी वापरता येतो, इतका अरुंद आहे. त्याचप्रमाणे येथे नेहमी सांडपाणी साठून राहिलेले असते. यामुळे येथे वारंवार वाहतूक कोंडी होत असते. हा रस्ता मुंबई- पुणे महामार्गाशी खडकी पोलिस स्टेशनसमोर जोडला गेला आहे. पुणे स्टेशनवर येणाऱ्या प्रवाशांचा ताण लक्षात घेता खडकी स्टेशन येथे रेल्वे स्टेशन करण्यात आले आहेत. भविष्यात अनेक रेल्वे गाड्या या मार्गावरून सोडण्यात येतील मात्र याच रस्त्यावर या रेल्वे स्टेशनचे प्रवेशद्वार बांधण्यात आले आहे. भविष्यात यामुळे येथे मोठ्या प्रमाणावर गर्दी होणार आहे. या मुळे या रस्त्यावर आणखी वाहतूक कोंडी होणार आहे.
त्यामुळे या ठिकाणी उड्डाणपूल अथवा भूमिगत मार्ग होणे अत्यंत गरजचे आहे. त्यामुळे भविष्यात नागरिकांची गैरसोय टाळण्यासाठी सेतुबंधन योजनेतून खडकी रेल्वे स्टेशन उड्डाणपुल करण्याची मागणी माने यांनी श्री. गडकरी यांच्याकडे केली. या योजनेतून भुयारी मार्ग अथवा उड्डाणपुलासाठी निधी उपलब्ध करून दिला जातो तो या ठिकाणी उपलब्ध करून द्द्यावा. अशी विनंती सुनील माने यांनी श्री. गडकरी यांना केली आहे.

पुणे: नावीन्य, संवर्धन आणि भावी लोकांसाठी सक्षम मनुष्यबळ तयार करण्यात आले आहे एमआयटी आर्ट, डिझाईन अँड टेक्नॉलॉजी (एमटीटी) युनिव्हर्सिटी, पुणे आणि फिलिप्स इंडिया यांच्यात एड सामंजस्य करार (एमओयू) करण्यात आला. उद्योग–विद्या पप्पा कराराने ताकद कटकट हा एक मूल्याचा मानला जात आहे.

या करारनामा एमआयटी एडिव्हिटी युनिव्हर्सिटी लीकात ‘प्रोजेक्ट मॅनेमेंट’ हा विषय समाविष्ट समाविष्ट असलेल्या लाभार्थी फिलिप्सच्या अधिकाऱ्यांच्या प्रशिक्षण संस्थांशी संबंधित उद्योग-अनुभव, विवेचन व्याख्याने, उद्योगभेटांच्या उपलब्धता आणि सीमारेषा.

या करार स्वाक्षऱ्या करण्यासाठी फिलिप्स इंडियाकडून विस्पी काकारीयल , आशिवर शाह आणि चेतन लोणकर उपस्थित होते. तर विद्यापीठ मात्र कार्याध्यक्ष तथा प्र-कुलपती प्रा. डॉ. मंगेश कराड , कुलगुरू प्रा. डॉ. राजेश एस. , प्रोवोस्ट प्रा. डॉ. सायली गणकर , डॉ. स्वाती मोरे आदि मान्यवर उपस्थित होते.

याचे चेतन लोकर यांनी विद्यापीठ प्रगतीशील दृष्टीकोनाचे आणि प्रभावी समन्वयाचे कौतुक केले. तसेच उद्योग-विद्या आधार वाढीसाठी आयटी एडीटी मॅनेजमेंटने सातत्यपूर्ण ताकद एम कृतज्ञता व्यक्त केली.

या करारासाठी पर्यायी शैक्षणिक शैक्षणिक संस्था होती, संयुक्त संशोधक चालना आणि आरोग्य तंत्रज्ञानाच्या निर्माण भावी विकासात मोलाचे योगदान देता येईल, असे प्रा. डॉ. मंगेश कराड यांनी सांगितले.

एमएसएमई मंत्रालय व एआयसी पिनॅकल आंत्रप्रेन्युरशिप फोरमतर्फे आयोजन; ‘आयपी’चे महत्व होणार अधोरेखित 

पुणे : केंद्र सरकारच्या सूक्ष्म, लघु व मध्यम उद्योग मंत्रालय (एमएसएमई) आणि एआयसी पिनॅकल आंत्रप्रेन्युअरशीप फोरम यांच्यातर्फे दोन दिवसीय तिसऱ्या राष्ट्रीय बौद्धिक संपदा (इंटेलेक्च्युअल प्रॉपर्टी-आयपी राईट्स) यात्रेचे आयोजन १९ व २० डिसेंबर २०२५ रोजी हॉटेल लेमन ट्री प्रीमिअर, पुणे येथे करण्यात आल्याची माहिती ‘एआयसी पिनॅकल’चे मुख्य कार्यकारी अधिकारी सुनील धाडीवाल यांनी दिली आहे. ‘विकसित भारत @२०४७ साठी बौद्धिक संपदा-आधारित अर्थव्यवस्था उभारणी’ अशी या आयपी यात्रेचे मध्यवर्ती संकल्पना आहे.
भारत सरकारने बौद्धिक संपदा कायद्याबाबत जनजागृतीसाठी विविध उपक्रम हाती घेतले आहेत. यामध्ये पेटंट, ट्रेडमार्क, कॉपीराईट्स, डिझाईन आणि जीआय आदी बौद्धिक संपदेच्या हक्कांबाबत जागृती, सर्जनशील उपक्रमांना प्रोत्साहन, कल्पना आणि इनोव्हेशनचे संरक्षण, प्रगत तंत्रज्ञान अंतर्भूत करून एमएसएमई सक्षम करण्यावर भर दिला जात आहे. सर्वच क्षेत्रातील उद्योगांच्या बौद्धिक संपदेची नोंद करण्यास सहकार्य करण्याचे ध्येय या उपक्रमाचे आहे. एमएसएमईना देशभरातील आयपी फॅसिलिटेशन सेंटरशी जोडण्याचे काम होत असून, इनोव्हेटर्सना क्रिएटिव्ह कामाचे प्रदर्शन करण्यास प्रोत्साहन, मार्गदर्शन, निधी आणि सहाय्य पुरवले जात आहे. इंटेलेक्च्युअल प्रॉपर्टी फॅसिलिटेशन सेंटरमार्फत (आयपीएफसी) मोफत आयपी सेवा पुरवल्या जात असून, एआयसी पिनॅकल हे अधिकृत ‘आयपीएफसी’ केंद्र आहे.

एमएसएमई, उद्योजक, आयपी तज्ज्ञ, स्टार्टअप्स आणि कायदेशीर व्यावसायिक यांना जागतिक स्तरावर आयपी संरक्षण, मार्केटमधील संधी, तंत्रज्ञान आदानप्रदान आणि आयपीचे व्यावसायिकी धोरण जाणून घेण्यासाठी व्यासपीठ देण्याचा आयपी यात्रेचा उद्देश आहे. एमएसएमई मंत्रालयातील वरिष्ठ अधिकारी, आयपी प्रॅक्टिस करणारे वरिष्ठ व्यासायिक, विधिज्ञ, यशस्वी स्टार्टअप्स, उद्योग क्षेत्रातील लोक सहभागी होणार आहेत. मार्गदर्शन सत्रे, कार्यशाळा, नेटवर्किंग सत्रांतून आयपीचे महत्व अधोरेखित होणार आहे. आयपी क्लिनिकच्या मार्फत यात्रेदरम्यान एमएसएमईना आर्थिक साहाय्य, आयपी नोंदणी याविषयी मार्गदर्शन केले जाणार आहे.पूर्णतः विनामूल्य असलेल्या या आयपी यात्रेत एमएसएमई उद्योजक, आयपीआर प्रोफेशनल्स, डिझाईन प्रोफेशनल्स, स्टार्टअप, विधिज्ञ, विद्यार्थ्यांनी मोठ्या संख्येने सहभागी व्हावे. इच्छूकांनी आपली विनामूल्य नावनोंदणी www.aic-pinnacle.org किंवा https://forms.gle/qwLtCoHuHrpsdkuBA या गुगल फॉर्मद्वारे करावी. अधिक माहितीसाठी ९०४९७९४०३५/९३०७३०५१८१ यावर संपर्क साधावा असे आवाहन संयोजकांनी केले आहे.

यंदाच्या आयपी यात्रेची वैशिष्ट्ये व सत्रे:

– भारत @२०४७ उद्दिष्टपूर्तीच्या राष्ट्रनिर्मितीत बौद्धिक संपदा हक्कांची (आयपी) भूमिका

– एमएसएमईसाठी आयपी प्रोत्साहने, धोरणे आणि शासकीय सहाय्य कार्यक्रमांद्वारे बळकटीकरण

– संशोधन–नवोन्मेषासाठी आयपीची भक्कम पायाभरणी

– उत्पादन क्षेत्र, प्रॉडक्ट डिझाईन आणि मेक-इन-इंडिया वाढीसाठी आयपी धोरणे

– नवोन्मेष-आधारित आयपी विकास आणि संरक्षण

– जागतिक आयपी फायलिंग प्रक्रिया आणि आंतरराष्ट्रीय संरक्षण

– तंत्रज्ञान हस्तांतरण, व्यावसायिकीकरण आणि उद्योग–शैक्षणिक सहयोग

– उद्योग व कायदेविषयक तज्ज्ञांसोबत विशेष मार्गदर्शन आणि पॅनेल चर्चा

पुणे-पुणे शहर पोलिसांच्या गुन्हे शाखेने लोणीकाळभोर पोलीस ठाणे हद्दीतील कांबळे वस्ती, थेऊर फाटा येथे मोठी कारवाई केली आहे. येथे बनावट आरएमडी आणि विमल पान मसाला गुटखा तयार करणारा अवैध कारखाना उद्ध्वस्त करण्यात आला. या कारवाईत सुमारे एक कोटी रुपयांचा मुद्देमाल जप्त करण्यात आला असून, चार जणांना अटक करण्यात आली आहे.

बुधवारी पहाटे पाच वाजण्याच्या सुमारास पोलिसांनी सुमित गुप्ता याच्या गोदामावर छापा टाकला. या ठिकाणी बनावट सुगंधित तंबाखू, सुपारी, थंडक पावडर, केमिकल, गुलाबजल, प्रिंटेड पाऊच, बॉक्स आणि पोती असा मोठ्या प्रमाणात कच्चा माल आढळून आला. गोदामाशेजारील शेतातही तयार गुटखा आणि कच्चा माल मोठ्या प्रमाणात सापडला.

जप्त करण्यात आलेल्या एकूण मुद्देमालाची किंमत सुमारे १ कोटी रुपये आहे. यात बनावट गुटख्याच्या वाहतुकीसाठी वापरण्यात आलेली तीन विशेष बदललेली वाहनेही जप्त करण्यात आली. यामध्ये दोन गोल्डन रंगाच्या टोयोटा इनोव्हा (एमएच-४४-बी-२०२३ आणि एमएच-१२-डीएम-०८८५) आणि एक काळ्या रंगाची टाटा नेक्सॉन (एमएच-१२-क्यूटी-८४६२) यांचा समावेश आहे. या वाहनांची अंदाजे किंमत ५० लाख रुपये असून, १ लाख ३० हजार रुपये रोख रक्कमही जप्त करण्यात आली.

या प्रकरणी कारखान्याचा मालक रोहित दुर्गाप्रसाद गुप्ता (वय २५, रा. पत्र वस्ती, थेऊर) आणि तीन कामगार रामप्रसाद ऊर्फ बापू बसंता प्रजापती (वय ५०), अप्पू सुशील सोनकर (वय ४६) व दानिश मुसाकीन खान (वय १८) यांना घटनास्थळी ताब्यात घेण्यात आले. गोदामाचा मालक सुमित गुप्ता मात्र फरार असून, पोलीस त्याचा शोध घेत आहेत.

लोणीकाळभोर पोलीस ठाण्यात भारतीय न्याय संहिता कलम १२३, २२३, २७४, २७५ तसेच अन्न सुरक्षा व मानके अधिनियम २००६ चे कलम २६(२)(i)(iv) व ५९ अन्वये गुन्हा दाखल करण्यात आला आहे.

ही कारवाई पोलीस आयुक्त अमितेश कुमार, सह पोलीस आयुक्त रंजनकुमार शर्मा, अपर पोलीस आयुक्त पंकज देशमुख, उपायुक्त (गुन्हे) निखील पिंगळे, सहाय्यक आयुक्त राजेंद्र मुळीक यांच्या मार्गदर्शनाखाली करण्यात आली. पोलीस निरीक्षक सुदर्शन गायकवाड, सहाय्यक निरीक्षक नितीनकुमार नाईक, उपनिरीक्षक अस्मिता लाड आणि त्यांच्या पथकाने ही कारवाई यशस्वी केली. पथकातील राजस शेख, संदीप जाधव, पृथ्वीराज पांडुळे, दत्तात्रय खरपुडे, संदीप देवकाते, गणेश गोसावी, देविदास वांढरे, शुभांगी म्हाळसेकर, दिनेश बास्टेवाड यांचाही यात सहभाग होता.

बनावट गुटख्यामुळे नागरिकांच्या आरोग्याला मोठा धोका निर्माण होत असल्याने पोलिसांनी ही कारवाई केली आहे. फरार आरोपीचा शोध आणि पुढील पुरावे गोळा करण्याचे काम सध्या सुरू आहे.