पुणे, दि. २२ : राजर्षी छत्रपती शाहू महाराजांचा जन्मदिवस २६ जून हा “सामाजिक न्याय दिन” म्हणून साजरा करण्यात येतो. सामाजिक न्याय दिन अधिक लोकाभिमुख होण्याच्यादृष्टीने व जनतेमध्ये सामाजिक न्यायाच्या प्रती अधिक जागरूकता निर्माण व्हावी यादृष्टिने सामाजिक न्याय व विशेष सहाय्य विभागामार्फत विशेष उपक्रम राबविण्यात येणार आहेत, अशी माहिती समाज कल्याण विभागाचे सहाय्यक आयुक्त कैलास आढे यांनी दिली आहे.

समाज कल्याण विभागामार्फत यावर्षीही २६ जून रोजी अखिल भारतीय मराठा शिक्षण परिषदेचे श्री शाहू मंदीर महाविद्यालय पर्वती पायथा आणि राजीव गांधी अॅकेडमी ऑफ ई- लर्निंग स्कुल अँड सायन्स ज्युनिअर कॉलेज, अनुराग सोसायटी, शिवदर्शन पूरग्रस्त वसाहत, पर्वती पायथा पुणे येथून विद्यार्थ्यांच्या प्रभातफेरीचे आयोजन करण्यात आले आहे. या कार्यक्रमाला समाज कल्याण आयुक्त आणि जिल्हाधिकारी उपस्थित राहणार आहेत.

सामाजिक न्याय दिनाच्या या कार्यक्रमाला नागरिकांनी मोठ्या संख्येने उपस्थित राहवे, असे आवाहनही समाज कल्याण विभागामार्फत करण्यात आले आहे.
**

समर्पित नृत्यकला ही पूजाच : उमा खापरे
पुणे :
  नंदकिशोर कल्चरल सोसायटी व कोहिनूर ग्रुप यांच्यातर्फे देण्यात येणाऱ्या  नृत्य सम्राट पं. बिरजू महाराज राष्ट्रीय पुरस्कारांचे वितरण आज सायंकाळी शानदार कार्यक्रमात करण्यात आले. मुंबईतील ज्येष्ठ कथक नर्तिका पद्मा शर्मा व आसामचे ज्येष्ठ कथक नर्तक बिपुल चंद्रदास यांना   नृत्य सम्राट पं. बिरजू महाराज राष्ट्रीय पुरस्कार  तर नृत्य सम्राट पं. बिरजू महाराज युवा पुरस्कार बनारसचे युवा कथक नर्तक सौरव व गौरव मिश्रा यांना प्रदान करण्यात  आला.

पुरस्कार सोहळ्यास  पं.नंदकिशोर कपोते, आमदार उमा खापरे , ज्येष्ठ उद्योजक तसेच कोहिनूर ग्रुपचे अध्यक्ष कृष्णकुमार गोयल, सुलभा उबाळे आदी मान्यवर उपस्थित होते. या पुरस्कारांचे हे दुसरे वर्ष होते.संदीप साकोरे, सुनील सुंकरा यांनी सूत्रसंचालन केले. मानपत्राचे वाचन किरण जावा यांनी केले.
 बुधवार, दि. २१ जून २०२३, सायंकाळी सहा ते आठ या वेळात घोले रस्त्यावरील पंडित जवाहरलाल नेहरू सांस्कृतिक सभागृह येथे हा कार्यक्रम पार पडला.
पं.कपोते म्हणाले, ‘ पं. बिरजूमहाराज आपल्यात नसले तरी त्यांच्या स्मृती आपल्यासोबत आहेत. शेवटच्या श्वासापर्यंत ते नृत्य शिकवत राहिले. त्यांच्या स्मृती जपण्यासाठी हा महोत्सव आणि पुरस्कार सोहळा सुरु करण्यात आला आहे.
कृष्णकुमार गोयल म्हणाले, ‘ पुणे ही कलांची राजधानी आहे. या ठिकाणी पं. बिरजू महाराज यांच्या स्मृती जपणारा महोत्सव होतो आहे, ही महत्वपूर्ण गोष्ट आहे.डॉ.पद्मा शर्मा यांचे नृत्य क्षेत्रातील योगदान श्रेष्ठ असून त्यांचा गौरव करणे हेच भाग्य आहे.कलेचे सादरीकरण आनंद निधान असते. या महोत्सवामुळे राष्ट्रीय एकात्मता पुढे जात आहे, याचा आनंद आहे. या महोत्सवामुळे देशभरातील कलाकारांना व्यासपीठ मिळत राहील. ‘
आमदार उमा खापरे म्हणाल्या, ‘ पं. बिरजू महाराज महोत्सव पिंपरी -चिंचवड मध्येही आयोजित केला गेला पाहिजे. नृत्याचे शिक्षण ही निरंतर प्रक्रिया आहे. त्यात वय आडवे येत नाही, हे पं. बिरजू महाराज, विपुल चंद्रदास , पं.कपोते यांच्याकडे पाहून लक्षात येते.पं.कपोते यांनी समर्पित जीवनातून नृत्याला वाहून घेतले आहे, ही एक पूजाच आहे.
डॉ.पद्मा शर्मा म्हणाल्या, ‘ गुरूंनी दिलेले ज्ञान, परंपरा पुढे चालविण्याचे काम आम्ही करीत आहोत. हे कर्तव्यच आहे. सुगंधाचा प्रसार होतो, तसा नृत्याचा प्रसार झाला पाहिजे. ‘
बिरजू महाराजांना नृत्यातून आदरांजली

ज्येष्ठ कथक नर्तिका डॉ.पद्मा शर्मा (मुंबई), ज्येष्ठ कथक नर्तक बिपुल चंद्रदास (आसाम), युवा नर्तक सौरव- गौरव मिश्रा(बनारस) यांनी कथक नृत्यातून बिरजू महाराज यांना जणू आदरांजलीच अर्पण केली ! डॉ. पद्मा शर्मा यांनी ‘बाजी कहे ‘ ही रचना सादर केली. विपुल चंद्रदास यांनी बिरजू    महाराज यांचे पद ‘ वर्णत छवी श्याम सुंदर ‘, परन,तिहाई ,दादरा का चलन सादर केले.   सौरव गौरव यांनी युगल नृत्य सादर केले. भगवान शिव आराधना ने सुरुवात करण्यात आली. नंतर प्रसिद्ध घराण्यांच्या चिजा सादर केल्या. माखनचोरी, दादरा सादरीकरणाने मने जिंकली. पं.कपोते यांनी   पं.कपोते यांनी पं.बिरजू महाराज यांच्या तीन ताल मधील बंदिशी, बिरजू महाराजांचे भजन ‘ गोविंद गोपाल मुरारी ‘ सादर केले. या सादरीकरणाने उपस्थित भारावून गेले. 

पुणे :  पुणे जिल्हाधिकारी कार्यालयात हाणामारी झाली आहे. जिल्हाधिकाऱ्यांचे दालन असलेल्या पाचव्या मजल्यावर, एका शेतकऱ्याला रक्तबंबाळ होईपर्यंत मारहाण करण्यात आली आहे.जमिनीचे कागदपत्राबाबत कामासाठी शेतकरी कार्यालयात आला असताना हा धक्कादायक प्रकार घडला आहे. आता पुणे पोलीस) या प्रकरणी काय कारवाई करणार याकडे संपूर्ण जिल्ह्याचे लक्ष लागून राहिले आहे.

जिल्हाधिकारी कार्यालयाने झालेल्या घटनेबाबत खुलासा करताना असे म्हटले आहे कि ,
राजू चव्हाण आणि कैलास चव्हाण या दोघा भावंडांमध्ये शेताच्या जागेवरून वाद होता. अपर जिल्हाधिकारी यांच्यासमोर त्याबाबतच्या सुनावणीसाठी ते जिल्हाधिकारी कार्यालयात आले होते. त्यात राजू चव्हाण याने कैलास चव्हाणचे वकील यांना शिवीगाळ केली. त्यावरून दोघांमध्ये वाद झाला. हा वाद वैयक्तिक स्वरुपाचा होता. याच्याशी जिल्हाधिकारी कार्यालयातील कोणत्याही अधिकारी-कर्मचाऱ्याचा संबंध नाही. याबाबत आवश्यक कार्यवाही बंडगार्डन पोलीस स्टेशनतर्फे करण्यात येत आहे, अशी माहिती जिल्हाधिकारी कार्यालयातर्फे देण्यात आली आहे.

पुणे- येथील उपनगर वार्ताहर हर्षद कटारिया यांच्यावरील हल्ला जमिनीच्या आर्थिक देवाणघेवाणीतून झाल्याचे स्पष्ट झाले असून पोलिसांनी याप्रकरणी ६ जणांना ताब्यात घेतले आहे यातील दोघांना अटक केली आहे .तर चार जण अल्पवयीन असल्याचे पोलिसांनी सांगितले . या हल्ल्यामागील सूत्रधाराची माहिती पोलिसांना प्राप्त झालेली असून लवकरच त्यास हि ताब्यात घेऊन त्याचा पर्दाफाश पोलीस करतील असे सांगण्यात आले आहे.

अटक केलेल्या आरोपींची नावे प्रथमेश उर्फ शंभू धनंजय तोंडे वय २० रा.११४ सी बिल्डींग पीएमसी कॉलनी ,राजेंद्रनगर आणि अभिषेक शिवाजी रोकडे वय २२ रा. जाधवरांच्या वाड्याशेजारी ,नांदेड गाव अशी आहेत .धायरी आणि नांदेड गावातूनच अन्य ४ अल्पवयीन आरोपीना देखील पोलसांनी ताब्यात घेतले आहे.परिमंडल २ च्या पोलीस उपायुक्त स्मार्तना पाटील यांनी आज पत्रकार परिषद घेऊन याबाबत माहिती दिली.

दि. 24/05/2023 रोजी रात्री 19.00 वा. चे सुमारास कटारिया नावाचे उपनगर वार्ताहर ,ज्याचा जमिनी खरेदी विक्रीचाही व्यवसाय आहे हे त्यांचे दुचाकीवरून घरी जात असताना दोन दुचाकीवरुन आलेल्या 05 अज्ञात आरोपींनी त्यांचे दुचाकीला गाडी आडवी लावुन त्यांच्या अंगावर मिरची पावडर फेकुन कोयता घेवुन त्यांच्या अंगावर धावुन गेले असता कटारिया हे सदर ठिकाणाहून त्यांचा जीव वाचवुन पळुन गेले. त्यानंतर दि. 11/06/2023 रोजी रात्री 21.00 वा. चे सुमारास कटारिया यांचा पाठलाग करून त्यांच्या घराजवळ आले असता त्यांचेकडील पिस्तुलमधून एक राउंड फायर केला प्रांती कटारिया गाडीवरच खाली वाकल्याने ते त्यातुन वाचले व तेथुन ते सोसायटीचे आतमध्ये गाडी घेवुन गेले व त्यांचेवर झालेला प्राणघातक व जिवघेणा हल्ला झाल्याने पोलिसात तक्रार दाखल झाली होती .

या गुन्हयातील काही आरोपी हे तोंडाला रुमाल व मास्क घालुन तसेच काही आरोपी हे तोंड लपवत डोक्यावर टोपी परिधान करुन रात्रीच्या वेळी हल्ला करीत असल्याचे सीसीटिव्ही फुटेजमध्ये दिसुन आले परंतु त्यांची ओळख व गाडयांचे नंबर ओळखणे अतिशय जिकरीचे व अवघड झाले होते. आरोपी हे इंस्टाग्राम व व्हॉट्सअ‍ॅपचे कॉलींगद्वारे एकमेकांचे संपर्कात असल्याने त्याबाबत तात्रीक विश्लेषनामध्ये अडचण येत होती. स्वारगेट तपास पथकातील अधिकारी व अंमलदार यांनी जवळ जवळ 100 ते 120 सीसीटिव्ही फुटेज चेक केले परंतु काहीएक उपयुक्त माहिती मिळुन आली. नाही. स्वारगेट पोलीस स्टेशन तपास पथकातील अधिकारी व अंमलदार यांनी सलग 15 दिवस अहोरात्र चिकाटीने आरोपीचा शोध घेतला असता पो. अं. अनिस शेख, पो. अं. शिवदत्त गायकवाड, पो.अं. संदीप घुले, पो.अं. फिरोज शेख व पो.अं सोमनाथ कांबळे यांना त्यांचे गुप्त बातमीदारामार्फत बातमी मिळाली कि या गुन्हयातील संशयित आरोपी रांजणगाव येथे जात आहेत अशी खात्रीशीर बातमी मिळाल्याने त्यांनी बातमीबाबत वरिष्ठांना माहिती दिली त्यानंतर तपास पथकाचे प्रभारी अधिकारी सहा. पोलीस निरीक्षक प्रशांत संदे यांचे पथक व पोलीस उप निरीक्षक अशोक येवले यांचे पथक असे दोन पथके तयार करुन सहा.पोलीस निरीक्षक प्रशांत संदे यांचे पथक रांजणगावकडे रवाना केले तसेच पो. उप निरी येवले यांचे पथक धायरी भागात थांबुन होते. संशयित आरोपी हे पेरणेफाटा लोणीकंद याठिकाणी थांबले आहेत अशी बातमी मिळाल्याने पोलिसांनी बातमीचे ठिकाणी जावुन सापळा लावला असता त्या ठिकाणी आकाशी रंगाचा हाफ बाहयाचा टि शर्ट व काळया रंगाचा फुल बाहयाचा टि शर्ट घातलेले दोन इसम सदर ठिकाणी संशयीत रित्या फिरत असल्याचे दिसुन आले तसेच पोलिसांची चाहुल लागताच ते जोरात पळुन जात असताना पोलिसांनी त्यांचा शिताफीने पाठलाग करुन त्यांना ताब्यात घेतले. या आरोपींकडे दाखल गुन्हयाबाबत चौकशी केली असता त्यांनी दाखल गुन्हा त्यांचे इतर साथीदारांसह मिळुन केला असल्याची कबुली दिल्याने त्यांचे इतर साथीदारांचा तपास पथकाचे अधिकारी सपोनि प्रशांत संदे, पोलीस उपनिरीक्षक अशोक येवले, पो. हवा. तारु,पो.अं.दिपक खेदाड, सुजय पवार, प्रविण गोडसे व रमेश चव्हाण असे मिळुन धायरी, नांदेडगांव या परिसरामध्ये पहाटेचे सुमारास सापळा लावुन 04 संशयित आरोपींना ताब्यात घेतले असता ते अल्पवयीन असुन त्यांचा दाखल गुन्हयामध्ये सक्रिय सहभाग असल्याचे निष्पन्न झाले आहे. आरोपींना अटक करुन त्यांचेकडुन तपासादरम्यान 01 गावठी पिस्टल, 01 जिवंत काडतुस 03 कोयते, गुन्हयात वापरलेल्या 04 दुचाकी गाडया व 03मोबाईल फोन असा एकूण 2 लाख 25 हजार रुपये किंमतीचा मुद्देमाल जप्त करण्यात आला आहे. हा गुन्हा हा जमिनीच्या आर्थिक व्यवहारातुन सुपारी घेवुन घडला असल्याचे प्रथमदर्शनी तपासावरुन निष्पन्न झाले आहे. आरोपी हे अभिलेखावरील आरोपी असुन ते सराईत व घातक हत्यारानीशी वावरत असल्याने त्यांना पकडणे धोकादायक होते तरी वरील स्टाफच्या मदतीने अतिशय सावधगीरीने व शिताफीने त्यांना जेलबंद करण्यात स्वारगेट तपास पथकाला यश आले आहे.असे स्मार्तना पाटील यांनी सांगितले.

सदरची कामगिरी पोलीस आयुक्त रितेश कुमार, पोलीस सह आयुक्त संदीप कर्णिक,अप्पर पोलीस आयुक्त, पश्चिम प्रादेशिक विभाग प्रविणकुमार पाटील ,पोलीस उप-आयुक्त, परिमंडळ-२, स्मार्तना पाटील, सहा. पोलीस आयुक्त, स्वारगेट विभाग नारायण शिरगावकर , यांचे मार्गदर्शनाखाली स्वारगेट पोलीस स्टेशनचे माजी वरिष्ठ पोलीस निरीक्षकअशोक इंदलकर व प्रभारी वरिष्ठ पोलीस निरीक्षक सुनिल झावरे, पोलीस निरीक्षक (गुन्हे) सोमनाथ जाधव यांच्या आदेशान्वये तपास पथकातील सहा. पोलीस निरीक्षक प्रशांत संदे. पोलीस उपनिरीक्षक अशोक येवले, व पो.हवा मुकुंद तारु, पो.शि सोमनाथ कांबळे, शिवा गायकवाड, फिरोज शेख, रमेश चव्हाण, संदीप घुले, अनिस शेख, दिपक खेदाड, सुजय पवार, प्रविण गोडसे यांनी एकत्र मिळुन केली आहे.

पुणे, दि. २२ : डॉ.बाबासाहेब आंबेडकर संशोधन व प्रशिक्षण संस्था (बार्टी) मार्फत महाराष्ट्र राज्यातील अनुसूचित जातीतील उमेदवारांना रोजगाराचे व स्वयंरोजगाराचे नि:शुल्क प्रशिक्षण दिले जात असून सामाजिक न्याय व विशेष सहाय्य विभागाचे सचिव सुमंत भांगे यांच्या मार्गदर्शनाखाली अनुसूचित जातीतील २५ हजार उमेदवारांना कौशल्य विकासाचे प्रशिक्षण देण्यात येणार असल्याची माहिती बार्टीचे महासंचालक सुनिल वारे यांनी दिली आहे.

विज्ञान तंत्रज्ञानात वेगाने होत असलेले बदल लक्षात घेता प्रगत, प्रशिक्षित, मनुष्यबळाला मोठी मागणी निर्माण होणार आहे, हे लक्षात घेऊन बार्टीने रोजगार, स्वयंरोजगार तसेच परदेशामध्ये नोकरीच्या संधी उपलब्ध करून देण्यासाठी प्रयत्न सुरू केले आहेत. बार्टी मार्फत पहिल्या टप्यामध्ये ५ हजार उमेदवारांना टाटा स्ट्राईव्ह, लर्नेट स्किल लि., आयसीआयसीआय, स्किल ॲकॅडमी तसेच राष्ट्रीय सुगी पश्चात काढणी तंत्रज्ञान संस्था, महाराष्ट्र माजी सैनिक महामंडळ, खादी व ग्रामोद्योग मंडळ, राष्ट्रीय प्राकृतिक चिकित्सा संस्था, व राष्ट्रीय इलेक्ट्रॉनिक आणि माहिती तंत्रज्ञान संस्था या शासकीय प्रशिक्षण संस्थेत प्रशिक्षण दिले जाणार आहे.

तंत्रज्ञानामध्ये होणारे बदल आत्मसात करण्यासाठी विविध कौशल्य असणारे मनुष्यबळ लागणार आहे. त्यासाठी बार्टीच्या माध्यमातून कौशल्य विकास प्रशिक्षण सुरू आहे. मागील वर्षी ३ हजार १८० उमेदवारांना स्वयंरोजगाराचे प्रशिक्षण देऊन त्यांना स्वावलंबी बनविण्यात आले आहे.

अनुसूचित जातीतील युवक-युवती आणि महिलांना विकासाची दिशा दाखविणारे समुपदेशन, व्यक्तिमत्व विकास प्रशिक्षण, परेदशी भाषा प्रशिक्षण, नोकरी व स्वयंरोजगारासाठी लागणारे कौशल्याचे प्रशिक्षण बार्टीमार्फत दिले जाते. लक्षित गटातील शैक्षणिक व आर्थिक परिस्थिती उंचविण्यासाठी धोरणात्मक कार्यवाही आदी कामे बार्टीच्या कौशल्य विकास विभागाच्या माध्यमातून करण्यात येत आहेत.

परदेशात रोजगाराची संधी मिळविण्यासाठी बार्टी मार्फत ओव्हरसीज प्लेसमेंट प्रोग्रामची निर्मिती करण्यात आली आहे. त्यानुसार सन २०२३-२४ मध्ये पहिल्या टप्यामध्ये ग्रामीण व शहरी भागातील ५०० उमेदवारांना बहरीन,कुवेत, ओमान, कतार, सौदी अरेबिया,आणि संयुक्त अरब अमिराती या आखाती देशांमध्ये रोजगाराची संधी मिळणार आहे. अनुसूचित जातीच्या उमेदवारांनी या संधीचा लाभ घ्यावा, असे आवाहनही बार्टीचे महासंचालक श्री. वारे यांनी केले आहे.

बाबा कांबळे यांच्या नेतृत्वातील शिष्टमंडळाने पिंपरी येथे उदय सामंत यांची भेट घेऊन चर्चा केली,

पुणे-महाराष्ट्रातील विस लाख रिक्षा चालक मालकांसाठी कल्याणकारी महामंडळ स्थापन करण्याची घोषणा मुख्यमंत्री एकनाथ शिंदे यांच्या सरकारने केली असून, या निर्णयाची अंमलबजावणी करण्यासाठी उद्याच्या कॅबिनेट मंत्रिमंडळामध्ये हा निर्णय प्राधान्याने घेऊन तातडीने रिक्षा चालक मालकांसाठी कल्याणकारी महामंडळ गठित करण्याचे कारवाई केली जाईल, असे उद्योग मंत्री उदय सामंत यांनी रिक्षा चालक मालकांच्या शिष्टमंडळास दिले,

पिंपरी चिंचवड महानगरपालिका येथे एका महत्त्वाच्या विषयासाठी उद्योग मंत्री उदय सामंत हे आले असता यावेळी बाबा कांबळे यांच्या नेतृत्वावरील शिष्टमंडळ यांची भेट घेऊन निवेदन सादर केले व रिक्षा चालक-मालकांच्या कल्याणकारी मंडळा संदर्भात चर्चा केली असता त्यांनी हे आश्वासन दिले असल्याचे महाराष्ट्र रिक्षा पंचायत ऑटो रिक्षा टॅक्सी संयुक्त कृती समिती व देशव्यपी फेडरेशनचे अध्यक्ष बाबा कांबळे यांनी दिली,

बाबा कांबळे म्हणले गेल्या अनेक वर्षंपासून महाराष्ट्रातील रिक्षा चालक मालकांनसाठी कल्याणकारी महामंडळ स्थापन करण्याची मागणी रिक्षा चालक मालकांनी केली आहे, या साठी अनेक आंदोलने व मोर्चा देखे रिक्षा चालक मालकाने काढला होता त्याची देखील सरकारने आता कल्याणकारी महामंडळाची घोषणा केली आहे परंतु याची अंमलबजावणी व्हावी, रिक्षा चालक मालकांना इलेक्ट्रिक रिक्षासाठी अनुदान मिळावे मुक्त रिक्षा परवाना बंद व्हावा यासह इतर विविध मागण्यांसाठी महाराष्ट्र रिक्षा पंचायत ऑटो टॅक्सी कृती समिती व नॅशनल ऑटो टॅक्सी बस ट्रान्सपोर्ट फेडरेशनच्या वतीने, महाराष्ट्रातील अत्यंत महत्त्वाचे मंत्री उदय सामंत यांची भेट घेऊन त्यांना निवेदन सादर केले आहे, या वेळी उद्योग मंत्री उदय सामंत यांनी वरील प्रमाणे आश्वासन दिले.

पुणे :
 येथील सामाजिक कार्यकर्ते अली दारूवाला यांची  ग्रँट  मेडिकल फाउंडेशन संचालित रुबी हॉल या हॉस्पिटलच्या सल्लागार पदावर नियुक्ती झाली आहे .ग्रँट  मेडिकल फाउंडेशनचे अध्यक्ष डॉ.परवेझ  ग्रँट  यांनी त्यांना नियुक्तीपत्र दिले.’रुबी हॉल हे ९००  बेडचे देशातील अद्ययावत वैद्यकीय सुविधा पुरविणारे हॉस्पिटल आहे. या हॉस्पिटलला अली दारूवाला नवीन उंचीवर घेऊन जातील’, असा विश्वास डॉ.परवेझ  ग्रँट   यांनी यावेळी व्यक्त केला.अली  दारूवाला हे ऑल इंडिया पेट्रोल डीलर्स असोसिएशन तसेच भारतीय जनता पक्षाचे प्रवक्ते आहेत.अलीकडेच त्यांची राष्ट्रीय अल्पसंख्यक आयोग(नॅशनल कमिशन फॉर मायनॉरिटी) चे राष्ट्रीय सल्लागार म्हणूनदेखील नियुक्ती झाली आहे.